ᑎᔪᑕᕒᐊᓇᒥ 22
22
1 #
ᐁᐠᓴᑕᐢ 23:4,5 ᓇᒪᐃᐧᔭ ᑭ ᑲ ᐋᐧᐸᒥᒫᐊᐧ ᑭᒋᐋᐧᒼ ᐅ ᒧᐢᑐᓱᒪ ᐊᐦᐳ ᐅ ᒫᔭᑎᐦᑯᒪ ᐁ ᐊᐧᓂᐦᐅᔨᐟ, ᐁᑯᓯ ᑭᑕ ᑳᓱᐢᑕᐊᐧᒋᐠ; ᑫᐦᒋᓈ ᑭ ᑲ ᑭᐁᐧᑕᑕᒪᐋᐧᐤ ᑭᒋᐋᐧᒼ. 2ᒫᑲ ᑭᐢᐱᐣ ᑭᒋᐋᐧᒼ ᐁᑳ ᑭᓯᐋᐧᐠ ᐊᔮᒋ, ᐊᐦᐳ ᑭᐢᐱᐣ ᐁᑳ ᑭᐢᑫᔨᒪᒋ, ᐁᑲᐧ ᑭ ᑲ ᑭᐁᐧᑕᐃᒫᐊᐧ ᑭᑭᕽ, ᐁᑯᓯ ᐁᑯᑕ ᑭ ᑲ ᑲᓇᐁᐧᔨᒥᒫᐊᐧ ᐃᐢᑯ ᑭᒋᐋᐧᒼ ᑭᑕ ᓇᑐᓇᐋᐧᐟ, ᑳᐃᐧ ᒫᑲ ᑭ ᑲ ᒥᔮᐤ. 3ᐁᑯᓯ ᒫᑲ ᑫ ᐃᑐᑕᒪᐧᐟ ᐅ ᓱᓱᒥᐢᑕᑎᒧᒪ; ᒥᓇ ᐁᑯᓯ ᑫ ᐃᑐᑕᒪᐧᐟ ᐅᐢᑯᑖᑲᐩ; ᒥᓇ ᐁᑯᓯ ᑫ ᐃᑐᑕᒪᐧᐟ ᑲᐦᑭᔭᐤ ᑫᑲᐧᐩ ᑭᒋᐋᐧᒼ ᑳ ᐊᐧᓂᑖᐟ, ᑳ ᑭ ᐊᐧᓂᑖᐟ ᐁᑯᓯ ᑭᔭ ᑳ ᑭ ᒥᐢᑲᒪᐣ; ᓇᒪᐃᐧᔭ ᑭ ᑲ ᑳᓱᐣ.
4ᓇᒪᐃᐧᔭ ᑭ ᑲ ᐋᐧᐸᒥᒫᐊᐧ ᑭᒋᐋᐧᒼ ᐅ ᓱᓱᒥᐢᑕᑎᒧᒪ ᐊᐦᐳ ᐅ ᒧᐢᑐᓱᒪ ᑭᑕ ᐸᐦᑭᓯᓂᔨᐟ ᒣᐢᑲᓈᕽ, ᐁᑯᓯ ᑭᑕ ᑳᓱᐢᑕᐊᐧᒋᐠ; ᑫᐦᒋᓈ ᑭ ᑲ ᐃᐧᒋᐋᐤ ᑳᐃᐧ ᑭᑕ ᐸᓯᑯᓈᐟ.
5ᐃᐢᑫᐧᐤ ᓇᒪᐃᐧᔭ ᑭᑕ ᑭᑭᐢᑲᒼ ᐊᓂᒪ ᓈᐯᐊᐧ ᑳ ᑭᑭᐢᑲᒥᔨᐟ, ᒥᓇ ᓈᐯᐤ ᓇᒪᐃᐧᔭ ᑭᑕ ᐳᓯᐢᑲᒼ ᐃᐢᑫᐧᐊᐧᓵᑲᐩ; ᒋᑫᒫ ᐱᑯ ᐊᐃᐧᔭᐠ ᐁᑯᑐᐊᐧ ᑳ ᐃᑐᑕᕽ ᐸᑳᐧᑌᔨᒥᐠ ᑳ ᑎᐯᔨᐦᒋᑫᔨᐟ.
6ᑭᐢᐱᐣ ᐱᔦᓯᐢ ᐅ ᐊᐧᒋᐢᑐᐣ ᓈᓇᐃᑖᐠ ᐊᔮᐤ ᐃᑌ ᐁ ᐃᑐᐦᑌᔭᐣ ᓈᐣᑕᐤ ᒥᐢᑎᑯᕽ ᐊᐦᐳ ᒧᐦᒋᕽ, ᐊᔨᓯᓴᐠ ᐁ ᐊᔮᒋᐠ ᐊᐦᐳ ᐋᐧᐊᐧ, ᐁᑯᓯ ᓄᓭ ᐊᔭ ᐁ ᐃᐧᑕᐱᒫᐟ ᐊᔨᓯᓴ ᐊᐦᐳ ᐋᐧᐊᐧ, ᓇᒪᐃᐧᔭ ᑭ ᑲ ᐅᑎᓈᐤ ᑭᓭ ᐊᔭ ᑭᑭ ᐅᐢᑳᔨᓯᓴᐠ; 7ᐅᐦᒋᑕ ᐱᑯ ᑭ ᑲ ᐸᑭᑎᓈᐤ ᑭᓭ ᐊᔭ, ᐅᐢᑳᔨᓯᓴᐠ ᐃᐧᔭ ᑭ ᑲ ᑭ ᐅᑎᓇᒫᓱᐣ; ᑭᑕ ᒥᔪᐸᔨᐃᑯᔭᐣ ᒥᓇ ᑭᓀᐧᐢ ᑭᑕ ᐱᒫᑎᓯᔭᐣ.
8ᐅᐢᑭ ᐋᐧᐢᑳᐦᐃᑲᐣ ᐁᐧᓯᑖᔭᓂ ᑭ ᑲ ᒣᓂᑭᑲᑌᐣ ᐋᐧᐢᑳ ᑕᐦᑯᐨ, ᐁᑳ ᒥᐦᑯ ᑭᑕ ᐊᑖᒣᔨᑕᑲᐧᕽ ᑭ ᐋᐧᐢᑳᐦᐃᑲᐣ, ᑭᐢᐱᐣ ᐁᑯᑕ ᐅᐦᒋ ᐸᐦᑭᓯᑭ ᐊᔨᓯᔨᓂᐤ.
9 #
ᓬᐃᐱᑎᑲᐢ 19:19
ᓇᒪᐃᐧᔭ ᑭ ᑲ ᑭᐢᑎᑳᑌᐣ ᑭ ᓱᒥᓂᑭᐢᑎᑳᐣ ᓂᓴᐧᔭᐠ ᑐᐃᐧ ᑭᐢᑎᑳᓇ; ᐁᑳ ᐊᓂᒪ ᐁ ᒥᓂᓯᐊᐧᕽ ᑭ ᑭᐢᑎᑳᒋᑲᐣ ᑳ ᑭ ᑭᐢᑎᑳᑕᒪᐣ ᒥᓇ ᐁᒥᓂᓯᐊᐧᕽ ᑭ ᓱᒥᓂᑭᐢᑎᑳᐣ ᑭᑕ ᐁᑳ ᐯᑲᕽ.
10ᓇᒪᐃᐧᔭ ᑭ ᑲ ᓂᓱᐱᑖᐊᐧᐠ ᒧᐢᑐᐢ ᒥᓇ ᓱᓱᒥᐢᑕᑎᒼ ᐁ ᐱᑯᐱᒋᑫᔭᐣ. 11ᓇᒪᐃᐧᔭ ᑭ ᑲ ᑭᑭᐢᑫᐣ ᑳ ᐱᒥᑫ ᐅᓯᐦᒋᑳᑌᐠ, ᒫᔭᑎᐦᑯᐱᐊᐧᔭ ᒥᓇ ᐸᐸᑭᐊᐧᔮᓀᑭᓄᑳᐣ ᐁ ᓂᓵᐧᐸᑕᑭ.
12 #
ᓇᒼᐸᕒᐢ 15:37-41
ᑭ ᑲ ᐃᓯᑖᐣ ᑭᑕ ᔨᐁᐧᔮᐠ ᓀᐊᐧᔭᐠ ᐁ ᐃᓯ ᓀᐊᐧᔭᑳᐠ ᑭᐟ ᐊᑯᐅᐃᐧᐣ ᐊᓂᒪ ᑳ ᐊᑲᐧᓇᐅᔭᐣ.
13ᑭᐢᐱᐣ ᐊᔨᓯᔨᓂᐤ ᐃᐧᐃᐧᒋ, ᐱᑐᑲᐋᐧᒋ ᒫᑲ, ᐁᑯᓯ ᐸᑳᐧᑖᒋ, 14ᐁ ᓇᓀᐯᐊᐧᑫᔨᑖᑲᐧᓂᔨᑭ ᐊᑖᒥᒫᒋ, ᒥᓇ ᒪᒋᐃᑖᒋ, ᐃᑌᐧᒋ ᒫᑲ, ᓂ ᑭ ᐅᑎᓈᐤ ᐊᐊᐧ ᐃᐢᑫᐧᐤ, ᐃᐢᐱ ᒫᑲ ᐁ ᐱᑐᑲᐊᐧᐠ, ᓂ ᒥᐢᑲᐋᐤ ᐁᑳ ᐁ ᐅᐢᑭᓂᑭᐢᑫᐧᐃᐧᐟ; 15ᐁᑲᐧ ᐅᑖᐃᐧᔭ ᐊᓇ ᐅᐢᑭᓂᑭᐢᑫᐧᐤ ᒥᓇ ᐅᑳᐃᐧᔭ ᑭᑕ ᐅᑎᓇᒪᐧᐠ ᒥᓇ ᑭᑕ ᐃᑐᑕᑖᐊᐧᐠ ᐁ ᐃᓯ ᑭᐢᑭᓇᐋᐧᑌᔨᑖᑲᐧᓂᔨᐠ ᐅᐟ ᐅᐢᑭᓂᑭᐢᑫᐧᐃᐧᐃᐧᐣ ᐊᓇ ᐅᐢᑭᓂᑭᐢᑫᐤ, ᐃᑕ ᐁ ᐊᔮᔨᐟ ᑳ ᓂᑳᓀᔨᑖᑯᓯᔨᐟ ᐅᑌᓈᕽ ᐊᓂᑕ ᑭᐦᒋᐃᐢᑳᐧᑌᒥᕽ; 16ᐁᑯᓯ ᐊᓇ ᐅᐢᑭᓂᑭᐢᑫᐧᐤ ᐅᑖᐃᐧᔭ ᐅᒥᓯ ᑭᑕ ᐃᑌᐤ ᐊᓂᐦᐃ ᑳ ᓂᑳᓀᔨᑖᑯᓯᔨᐟ, ᓂ ᑭ ᒥᔮᐤ ᐊᐊᐧ ᓈᐯᐤ ᓂᑖᓂᓴ ᑭᑕ ᐃᐧᐃᐧᐟ, ᐁᑯᓯ ᐸᑳᐧᑌᐤ; 17ᒥᓇ ᒫᑎᑲ, ᐁ ᓇᓀᐯᐊᐧᑫᔨᑖᑲᐧᓂᔨᑭ ᐊᑖᒥᒣᐤ, ᐁ ᐃᑌᐧᐟ, ᓇᒪᐃᐧᔭ ᓂ ᒥᐢᑲᐋᐧᐤ ᑭᑖᓂᐢ ᑭᑕ ᐅᐢᑭᓂᑭᐢᑫᐧᐃᐧᐟ; ᐁᐊᐧᑯ ᒫᑲ ᐅᒪ ᐁ ᐃᓯ ᑭᐢᑫᔨᑖᑲᓂᔨᐠ ᓂᑖᓂᐢ ᐅᐟ ᐅᐢᑭᓂᑭᐢᑫᐧᐃᐧᐃᐧᐣ. ᑭᑕ ᑕᓭᐧᑭᑎᑖᐊᐧᐠ ᒫᑲ ᓂᐹᑲᓂᔨᐤ ᑭᑕ ᐋᐧᐸᐦᑕᒥᔨᐟ ᑳ ᓂᑳᓀᔨᑖᑯᓯᔨᐟ ᐅᑌᓈᕽ. 18ᐊᓂᑭ ᒫᑲ ᑳ ᓂᑳᓀᔨᑖᑯᓯᒋᐠ ᐁᑯᑕ ᐅᑌᓈᕽ ᑭᑕ ᐅᑎᓀᐊᐧᐠ ᐊᓂᐦᐃ ᓈᐯᐊᐧ ᒥᓇ ᑭᑕ ᐸᐸᓴᐢᑌᐁᐧᐊᐧᐠ; 19ᑭᑕ ᑎᐸᐦᐃᑫᐁᐊᐧᐠ ᒫᑲ ᒥᑖᐦᑐᒥᑕᓇᐤ ᓭᑭᓬᐊ ᐋᐧᐱᐢᑭᓱᓂᔮᐊᐧ ᐁᑯᓯ ᑭᑕ ᒥᔦᐊᐧᐠ ᐅᑖᐃᐧᔨᐊᐧ ᐊᓂᐦᐃ ᐅᐢᑭᓂᑭᐢᑫᐧᐊᐧ, ᒋᑫᒫ ᒪᒋ ᐃᐧᔪᐃᐧᐣ ᐁ ᑭ ᒥᔮᐟ ᐅᐢᑭᓂᑭᐢᑫᐧᐊᐧ ᐃᐢᕒᐁᐃᓬᐃᕽ; ᐁᑯᓯ ᑭᑕ ᐃᐧᐃᐧᐤ; ᓇᒪᐃᐧᔭ ᑭᑕ ᑭ ᐁᐧᐱᓀᐤ ᑫ ᐃᐢᑯ ᐱᒫᑎᓯᐟ. 20ᒫᑲ ᑭᐢᐱᐣ ᑖᐯᐧᒋ, ᒥᓇ ᐁᓯ ᑭᐢᑭᓇᐋᐧᑌᔨᑖᑲᐧᕽ ᐅᐢᑭᓂᑭᐢᑫᐧᐃᐧᐃᐧᐣ ᐁᑳ ᒥᐢᑭᑳᑌᔨᑭ ᐁ ᑭᑭᐢᑳᑯᐟ ᐊᓇ ᐅᐢᑭᓂᑭᐢᑫᐧᐤ; 21ᐁᑲᐧ ᑭᑕ ᐃᑐᐦᑕᐦᐁᐊᐧᐠ ᐊᓂᐦᐃ ᐅᐢᑭᓂᑭᐢᑫᐧᐊᐧ ᐃᐢᑳᐧᑌᒥᕽ ᐅᑖᐃᐧᔭ ᐅ ᐋᐧᐢᑳᐦᐃᑲᓂᔨᕽ, ᐁᑯᓯ ᐊᔨᓯᔨᓂᐊᐧ ᐅᐟ ᐅᑌᓈᕽ ᑭᑕ ᐱᒫᐧᐱᐢᑲᐁᐧᐊᐧᐠ ᐊᓯᓂᔭ ᐅᐦᒋ ᑭᑕ ᓂᐱᔨᐟ; ᒋᑫᒫ ᑲᑫᐹᑎᓯᐃᐧᐣ ᑭ ᐃᑐᑕᒼ ᐃᐢᕒᐁᐃᓬᐃᕽ, ᐱᓯᑳᐧᑎᓯᐃᐧᐣ ᐁ ᓄᒋᐦᑖᐟ ᐅᑖᐃᐧᔭ ᐃᐧᑭᔨᕽ; ᐁᑯᓯ ᒫᑲ ᑭ ᑲ ᐃᑲᑌᓇᒫᓱᓈᐋᐧᐤ ᒪᒐᔨᐃᐧᐣ.
22ᑭᐢᐱᐣ ᓈᐯᐤ ᒥᐢᑳᒋ ᐁ ᐃᐧᒉᐋᐧᐟ ᐃᐢᑫᐧᐊᐧ ᐁ ᐅ ᓈᐯᒥᔨᐟ, ᑖᐱᐢᑯᐨ ᑭᑕ ᓂᐱᐊᐧᐠ, ᐊᓇ ᓈᐯᐤ ᑳ ᐃᐧᒉᐋᐧᐟ ᐊᓂᐦᐃ ᐃᐢᑫᐧᐊᐧ, ᒥᓇ ᐊᓇ ᐃᐢᑫᐧᐤ; ᑭ ᑲ ᐃᑲᑌᓀᐣ ᒫᑲ ᒪᒑᔨᐃᐧᐣ ᐃᐢᕒᐁᐃᓬᐃᕽ ᐅᐦᒋ.
23ᑭᐢᐱᐣ ᐃᐢᑫᐧᐤ ᐁ ᐅᐢᑭᓂᑭᐢᑫᐧᐃᐧᐟ ᐁ ᑭ ᒫᑲ ᑭᐢᑭᒫᐟ ᓈᐯᐊᐧ ᑭᑕ ᐅ ᓈᐯᒥᐟ, ᐁᑯᓯ ᓈᐯᐊᐧ ᒥᐢᑳᑯᒋ ᐅᑌᓈᕽ ᐃᐧᒉᐃᐧᑯᒋ ᒫᑲ; 24ᐁᑲᐧ ᑭ ᑲ ᐯ ᐊᐧᔭᐃᐧᑕᐦᐋᐊᐧᐠ ᐁ ᐃᓯ ᓂᓯᒋᐠ ᐁ ᐃᐢᑳᐧᑌᒥᐊᐧᕽ ᐊᓂᒪ ᐅᑌᓇᐤ, ᑭ ᑲ ᐱᒫᐧᐱᐢᑲᐋᐧᐋᐧᐊᐧᐠ ᒫᑲ ᐊᓯᓂᔭ ᐅᐦᒋ ᑭᑕ ᓂᐱᒋᐠ; ᐊᓇ ᐅᐢᑭᓂᑭᐢᑫᐧᐤ ᐁᑳ ᐁ ᑌᐯᐧᐟ ᐋᑕ ᐱᐦᒋ ᐅᑌᓈᕽ ᐁ ᐊᔮᐟ; ᐁᑯᓯ ᐊᓇ ᓈᐯᐤ ᒋᑫᒫ ᐁ ᑭ ᑕᐸᐦᑌᔨᑖᑯᐃᒫᐟ ᐃᐧᒋᐊᔨᓯᔨᓂᐊᐧ ᐃᐧᐃᐧᔨᐊᐧ; ᐁᑯᓯ ᒫᑲ ᑭ ᑲ ᐃᑲᑌᓀᓈᐋᐧᐤ ᒪᒑᔨᐃᐧᐣ ᐃᑕ ᐁ ᐊᔮᔦᐠ.
25ᒫᑲ ᑭᐢᐱᐣ ᓈᐯᐤ ᒥᐢᑲᐋᒋ ᐊᓂᐦᐃ ᐅᐢᑭᓂᑭᐢᑫᐧᐊᐧ ᓵᓴᐩ ᑳ ᑭᐢᑭᒥᒥᐦᐟ ᐊᐧᔭᐃᐧᑎᒫᔨᕽ ᐁ ᐊᔮᔨᐟ, ᐊᓇ ᓈᐯᐤ ᒫᑲ ᓵᑯᐋᒋ ᒥᓇ ᐃᐧᒉᐋᐧᒋ; ᐁᑲᐧ ᐊᓇ ᓈᐯᐤ ᐱᑯ ᑳ ᑭ ᐃᐧᒉᐋᐧᐟ ᑭᑕ ᓂᐸᐦᐋᐤ; 26ᒫᑲ ᐃᐧᔭ ᐊᓇ ᐅᐢᑭᓂᑭᐢᑫᐧᐤ ᓇᒪᐃᐧᔭ ᓈᐣᑕᐤ ᑭᑕ ᐃᑐᑕᐋᐧᐤ; ᓇᒪ ᑫᑲᐧᐩ ᒪᒋᐃᑎᐃᐧᐣ ᑭᑭᐢᑳᐠ ᐊᓇ ᐅᐢᑭᓂᑭᐢᑫᐧᐤ ᑭᑕ ᐅᐦᒋ ᓂᐸᐃᐦᐟ; ᒋᑫᒫ ᑖᐱᐢᑯᐨ ᐊᔨᓯᔨᓂᐤ ᑳ ᐸᓯᑯᐢᑕᐋᐧᐟ ᐃᐧᒋᐊᔨᓯᔨᓂᐊᐧ ᐁᑯᓯ ᑳ ᓂᐸᐦᐋᐟ, ᐁᑯᓯ ᐅᒪ ᒣᐧᐦᒋ. 27ᒥᐢᑲᐁᐧᐤ ᐊᔨᐢ ᐊᐧᔭᐃᐧᑎᒫᔨᕽ; ᐊᓇ ᐅᐢᑭᓂᑭᐢᑫᐧᐤ ᓵᓴᐩ ᑳ ᑭ ᑭᐢᑭᒥᐦᐟ, ᐋᑕ ᑌᐯᐧᐤ ᒫᑲ ᓇᒪᐃᐧᔭ ᐊᐃᐧᔭ ᐃᑖᔨᐊᐧ ᑭᑕ ᓈᑕᒫᑯᐟ.
28 #
ᐁᐠᓴᑕᐢ 22:16,17 ᑭᐢᐱᐣ ᓈᐯᐤ ᒥᐢᑲᐋᐧᒋ ᐃᐢᑫᐧᐊᐧ ᐁ ᐅᐢᑭᓂᑭᐢᑫᐧᐃᐧᔨᐟ, ᐁᑳ ᒫᑲ ᐁ ᑭᐢᑭᒥᒥᐦᐟ, ᐁᑯᓯ ᐅᑎᐦᑎᓈᒋ, ᒥᓇ ᐃᐧᒉᐋᐧᒋ, ᒥᐢᑳᑖᐧᐃᐧ ᒫᑲ; 29ᐁᑲᐧ ᐊᓇ ᓈᐯᐤ ᑳ ᑭ ᐃᐧᒉᐋᐧᐟ ᑭᑕ ᒥᔦᐤ ᐊᓂᐦᐃ ᐅᐢᑭᓂᑭᐢᑫᐧᐊᐧ ᐅᑖᐃᐧᔨᐊᐧ ᓂᔮᓇᓄᒥᑕᓇᐤ ᑕᐦᑐ ᓭᑭᓬᐊ ᐋᐧᐱᐢᑭᓱᓂᔮᐊᐧ, ᑭᑕ ᐃᐧᐃᐧᐤ ᒫᑲ ᐊᓂᐦᐃ, ᒋᑫᒫ ᑭ ᑕᐸᐦᑌᔨᑖᑯᐁᐤ; ᓇᒪᐃᐧᔭ ᑭᑕ ᑭ ᐁᐧᐱᓀᐤ ᐃᔨᑯᕽ ᑫ ᐱᒫᑎᓯᐟ.
30 #
ᓬᐃᐱᑎᑲᐢ 18:8; 20:11; ᑎᔪᑕᕒᐊᓇᒥ 27:20 ᐊᔨᓯᔨᓂᐤ ᓇᒪᐃᐧᔭ ᑭᑕ ᐅᑎᓀᐤ ᐅᑖᐃᐧᔭ ᐃᐧᐃᐧᔨᐊᐧ, ᒥᓇ ᓇᒪᐃᐧᔭ ᑭᑕ ᒧᓭᓇᒣᐧᐤ ᐅᑖᐃᐧᔭ ᐅ ᒧᓭᐢᑲᑌᐃᐧᓂᔨᐤ.
Currently Selected:
ᑎᔪᑕᕒᐊᓇᒥ 22: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
