ᑎᔪᑕᕒᐊᓇᒥ 18
18
1ᐊᓂᑭ ᐊᔭᒥᐦᐁᐃᐧᔨᓂᐊᐧᐠ ᓬᐃᐸᐃᑕᐠ, ᒥᓇ ᑲᐦᑭᔭᐤ ᑳ ᐱᐢᑭᑐᑌᐃᐧᓯᐟ ᓬᐃᐸᐩ, ᓇᒪᐃᐧᔭ ᑭᑕ ᐃᐧᒋᑎᐯᔨᐦᑕᒧᒣᐊᐧᐠ ᐃᐢᕒᐁᐃᓬᐊ; ᑭᑕ ᒥᒋᐊᐧᐠ ᐸᑭᑎᓈᓱᐃᐧᓇ ᐃᐢᑯᑌᐤ ᐅᐦᒋ ᑳ ᐸᑭᑎᓇᒫᐦᐟ ᑳ ᑎᐯᔨᐦᒋᑫᐟ ᒥᓇ ᐅ ᑎᐯᔨᒋᑲᐣ. 2#ᓇᒼᐸᕒᐢ 18:20ᓇᒪᐃᐧᔭ ᒫᑲ ᑎᐯᔨᒋᑲᐣ ᑭᑕ ᐊᔮᐊᐧᐠ ᐃᑕ ᐁ ᐊᔮᔨᐟ ᐅᒋᐋᐧᒥᐋᐧᐊᐧ; ᑳ ᑎᐯᔨᐦᒋᑫᔨᐟ ᐁᑯᑕ ᑫ ᐅᐦᒋ ᐊᔮᒋᐠ ᐅ ᑎᐯᔨᒋᑲᓂᐋᐧᐤ, ᑳ ᑭ ᐃᑎᑯᒋᐠ. 3ᐁᐊᐧᑫᐧᔨᐤ ᒫᑲ ᐅᒪ ᐊᔭᒥᐦᐁᐃᐧᔨᓂᐤ ᑫ ᐊᔮᐟ ᐊᔨᓯᔨᓂᐊᐧ ᐅᐦᒋ, ᐊᓂᑭ ᐅᐦᒋ ᑳ ᐸᑭᑎᓇᑭᐠ ᐸᑭᑎᓈᓱᐃᐧᐣ, ᑭᐢᐱᐣ ᒧᐢᑐᐢ, ᐊᐦᐳ ᒫᔭᑎᕽ, ᑭᑕ ᒥᔦᐊᐧᐠ ᐊᔭᒥᐦᐁᐃᐧᔨᓂᐊᐧ ᐅᓴᑭᐣ, ᒥᓇ ᐊᐧᓄᐃᐧᔭ, ᒥᓇ ᐅᒫᐤ. 4ᒥᓇ ᐁ ᓂᐢᑕᒥᑭᐟ ᑭ ᐸᐦᑫᐧᓯᑲᓂᑳᐣ, ᑭ ᓱᒥᓈᐳᒼ, ᒥᓇ ᑭ ᐱᒥᒼ, ᒥᓇ ᓂᐢᑕᒼ ᐁ ᐸᐢᑯᓱᒋᐠ ᑭ ᒫᔭᑎᐦᑯᒪᐠ, ᑭ ᑲ ᒥᔮᐤ. 5ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᓇᐊᐧᓱᓀᐤ ᑳ ᐃᑕᐦᑐ ᐱᐢᑭᑐᑌᐃᐧᓯᔭᐣ ᐅᐦᒋ, ᑭᑕ ᓂᐸᐃᐧᔨᐟ ᑭᑕ ᐊᑐᐢᑫᔨᐟ ᐅ ᐃᐧᔪᐃᐧᓂᕽ ᑳ ᑎᐯᔨᐦᒋᑫᐟ, ᐃᐧᔭ ᒥᓇ ᐅᑯᓯᓴ ᑳᑭᑫ.
6ᑭᐢᐱᐣ ᒫᑲ ᓬᐃᐸᐃᐟ ᓈᐣᑕᐤ ᑭᐟ ᐃᐢᑳᐧᑌᒥᕽ ᐃᐢᕒᐁᐃᓬᐃᕽ ᐯ ᐅᐦᑐᑌᒋ, ᐃᑕ ᐁ ᐅᐟ ᐃᐦᑖᐃᐧᓂᐟ, ᒥᓇ ᒥᓯᐁᐧ ᐁ ᐃᓯ ᒧᐢᑕᐁᐧᔨᑕᕽ ᐅᐟ ᐊᐦᒑᐦᑯᕽ ᐯ ᐃᑐᑌᒋ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑫ ᓇᐊᐧᓱᓇᕽ; 7ᐁᑲᐧ ᑭᑕ ᐊᑐᐢᑫᐤ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ, ᑳ ᐃᑐᑕᒥᔨᐟ ᑲᐦᑭᔭᐤ ᐅᒋᐋᐧᒪ ᓬᐃᐸᐃᑕ, ᑳ ᓂᐸᐃᐧᔨᐟ ᐁᑯᑕ ᐅᑎᐢᑲᐤ ᑳ ᑎᐯᔨᐦᒋᑫᔨᐟ. 8ᑖᐦᑖᐱᐢᑯᐨ ᑭᑕ ᐊᔮᐊᐧᐠ ᑭᑕ ᒥᒋᒋᐠ, ᑕᐦᑯᐨ ᒥᓇ ᑳ ᐅᐦᒋᐸᔨᔨᐠ ᐁ ᐊᑖᐋᐧᑫᐟ ᐅ ᑎᐯᔨᒋᑲᐣ.
9ᐃᐢᐱ ᐅᑎᐦᑕᒪᓂ ᐊᓂᒪ ᐊᐢᑭ ᑳ ᒥᔨᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᓇᒪᐃᐧᔭ ᑭ ᑲ ᑭᐢᑭᓇᐋᐧᐸᐦᑌᐣ ᑭᑕ ᐃᑐᑕᒪᐣ ᑳ ᐃᓯ ᐸᑳᐧᑎᑲᐧᓂᔨᐠ ᐅᑭ ᐊᔨᓯᔨᓂᐊᐧᐠ ᑳ ᐃᑐᑕᐦᑭᐠ. 10#ᓬᐃᐱᑎᑲᐢ 19:26; ᐁᐠᓴᑕᐢ 22:18ᓇᒪᐃᐧᔭ ᑭᑕ ᒥᐢᑲᐋᐧᐤ ᐃᑕ ᑳ ᐊᔮᔦᐠ ᐊᐃᐧᔭᐠ ᐃᐢᑯᑌᕽ ᑳ ᓵᐳᑕᐋᐟ ᐅᑯᓯᓴ ᐊᐦᐳ ᐅᑖᓂᓴ, ᐊᐦᐳ ᐊᐃᐧᔭᐠ ᑳ ᐋᐸᒋᐦᑖᐟ ᐸᑯᓇᐃᐧ ᐃᓯᐦᒋᑫᐃᐧᐣ, ᐊᐃᐧᔭᐠ ᓂᔮᐠ ᑳ ᑭᐢᑫᔨᑕᒧᑳᓱᐟ, ᐊᐦᐳ ᑳ ᒪᒫᑕᐃᐧᓯᑳᓱᐟ, ᐊᐦᐳ ᑳ ᒥᑎᐃᐧᐟ, 11#ᓬᐃᐱᑎᑲᐢ 19:31ᐊᐦᐳ ᐅᓈᓇᐯᓯᐃᐁᐧᐤ, ᐊᐦᐳ ᑳ ᐅ ᐸᐋᐧᑲᓂᐟ, ᐊᐦᐳ ᑳ ᑯᓵᐸᑕᕽ, ᐊᐦᐳ ᑳ ᒪᓂᑐᑳᓱᐟ. 12ᒋᑫᒫ ᑲᐦᑭᔭᐤ ᐊᓂᑭ ᐁᑯᓯ ᑳ ᐃᑐᑕᐦᑭᐠ ᐸᑳᐧᑌᔦᔨᒥᑲᐧᐠ ᑳ ᑎᐯᔨᐦᒋᑫᔨᐟ ᒥᓇ ᒋᑫᒫ ᐁᐊᐧᑯᓂ ᐅᐦᐃ ᑳ ᐸᑳᐧᑎᑲᐧᑭ ᐅᐦᒋ ᑳ ᑎᐯᔨᐦᒋᑫᐟ ᑭᓭᒪᓂᑐ ᑳ ᐊᐧᔭᐃᐧᑎᓴᐋᐧᐟ ᑭ ᓂᑳᓂᒥᐋᐧᕽ. 13#ᒫᐟᔪ 5:48ᑭ ᑲ ᒪᒥᑐᓂᑲᑕᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 14ᒋᑫᒫ ᐅᑭ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᑫ ᑎᐯᔨᒪᒋᐠ, ᑭ ᓇᑐᐦᑕᐁᐧᐊᐧᐠ ᐊᓂᐦᐃ ᓂᔮᐠ ᑳ ᑭᐢᑫᔨᑕᒧᑲᓱᔨᐟ, ᒥᓇ ᐸᑯᓇᐃᐧ ᐃᓯᐦᒋᑫᐃᐧᐣ ᑳ ᐋᐸᒋᐦᑖᔨᐟ; ᒫᑲ ᐃᐧᔭ ᑭᔭ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᓇᒪᐃᐧᔭ ᑭᐟ ᐃᔨᓇᒫᐠ ᐁᑯᓯ ᑭᑕ ᐃᓯᐦᒋᑫᔭᐣ.
15 #
ᐃᓯᐦᒋᑫᐃᐧᓂᐋᐧᐊᐧ 3:22; 7:37 ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᐸᓯᑯᓇᒫᐠ ᐅᑭᐢᑭᐁᐧᐦᐃᑫᐊᐧ ᒣᑳᐧᐨ ᐃᑕ ᐁ ᐊᔮᔭᐣ, ᑭᒋᐋᐧᒪᐠ ᐅᐦᒋ, ᑖᐱᐢᑯᐨ ᓂᔭ; ᐁᐊᐧᑯ ᑫ ᓇᑐᐦᑕᐋᐧᔦᐠ. 16ᑖᐱᐢᑯᐨ ᑲᐦᑭᔭᐤ ᐊᓂᒪ ᑳ ᑭ ᓇᑕᐁᐧᔨᑕᒪᐊᐧᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐊᓂᑕ ᐦᐋᕒᐃᑊ ᐊᓂᒪ ᐁ ᑭᓯᑳᐠ ᐃᐢᐱ ᐁ ᒫᐊᐧᒋᐦᐃᑐᔦᐠ, ᐁ ᐃᑌᐧᔦᐠ, ᑭᔮᒼ ᐁᑳᐃᐧᔭ ᒥᓇ ᓂ ᑲ ᐯᑕᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ, ᒥᓇ ᑭᔮᒼ ᐁᑳᐃᐧᔭ ᒥᓇ ᓂ ᑲ ᐋᐧᐸᐦᑌᐣ ᐅᒪ ᑭᐦᒋ ᐃᐢᑯᑌᐤ, ᐁᑳ ᑭᑕ ᓂᐱᔮᐣ. 17ᐁᑯᓯ ᑳ ᑎᐯᔨᐦᒋᑫᐟ ᓂ ᑭ ᐃᑎᐠ, ᑲᐧᔭᐢᐠ ᑭ ᐃᑌᐧᐊᐧᐠ ᐊᓂᒪ ᑳ ᑭ ᐃᑌᐧᒋᐠ. 18ᓂ ᑲ ᐸᓯᑯᓇᒪᐋᐧᐊᐧᐠ ᐅᑭᐢᑭᐁᐧᐦᐃᑫᐊᐧ ᐅᒋᐋᐧᒥᐋᐧᐊᐧ ᐅᐦᒋ ᑖᐱᐢᑯᐨ ᑭᔭ; ᓂᐟ ᐃᑌᐧᐃᐧᓇ ᒫᑲ ᓂ ᑲ ᐊᐢᑖᐋᐣ ᐅᑐᓂᕽ, ᑭᑕ ᐃᐧᐦᑕᒪᐁᐧᐤ ᒫᑲ ᑲᐦᑭᔭᐤ ᐊᓂᒪ ᑫ ᐃᑕᓱᐊᐧᑕᐠ. 19#ᐃᓯᐦᒋᑫᐃᐧᓂᐋᐧᐊᐧ 3:23ᑭᑕ ᐃᐦᑭᐣ ᒫᑲ ᐱᑯ ᐊᐃᐧᔭᐠ ᐁᑳ ᑫ ᓇᑐᐦᑕᒧᑫᐧ ᓂᐟ ᐃᑌᐧᐃᐧᓇ ᑫ ᐃᐧᐦᑕᒥᔨᐟ ᓂ ᐃᐧᔪᐃᐧᓂᕽ, ᓂ ᑲ ᓇᑕᐁᐧᔨᑕᒪᐋᐧᐤ ᐁᐊᐧᑯ.
20ᒫᑲ ᐊᓇ ᐅᑭᐢᑭᐁᐧᐦᐃᑫᐤ ᓭᐦᑫ ᑫ ᐃᑌᐧᑫᐧ ᐯᔭᐠ ᐃᑌᐧᐃᐧᐣ ᓂ ᐃᐧᔪᐃᐧᓂᕽ, ᐁᑳ ᐁ ᑭ ᐅᐦᒋ ᐃᑕᓱᐋᐧᑕᐠ ᑭᑕ ᐃᑌᐧᐟ, ᐊᐦᐳ ᑫ ᐱᑭᐢᑫᐧᑫᐧ ᐅ ᐃᐧᔪᐃᐧᓂᔨᕽ ᑯᑕᑲ ᒪᓂᑐᐊᐧ, ᐁᐊᐧᑳᐧᓇ ᐅᑭᐢᑭᐁᐧᐦᐃᑫᐤ ᑭᑕ ᓂᐱᐤ. 21ᑭᐢᐱᐣ ᒫᑲ ᐃᑌᐧᔭᓂ ᑭᑌᐦᐃᕽ; ᑖᓂᓯ ᑫ ᑭ ᐃᓯ ᑭᐢᑫᔨᑕᒫᕽ ᐊᓂᒪ ᐃᑌᐧᐃᐧᐣ ᐁᑳ ᑳ ᑭ ᐅᐦᒋ ᐃᑌᐧᐟ ᑳ ᑎᐯᔨᐦᒋᑫᐟ? 22ᑭᐢᐱᐣ ᐅᑭᐢᑭᐁᐧᐦᐃᑫᐤ ᓈᐣᑕᐤ ᐁ ᐃᑌᐧᐟ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ, ᑭᐢᐱᐣ ᐁᐊᐧᑳᐧᓂᒪ ᐁᑳ ᐃᐢᐸᔨᑭ ᐊᐦᐳ ᐁᑳ ᑎᐱᐸᔨᑭ, ᐁᐊᐧᑳᐧᓂᒪ ᑳ ᑎᐯᔨᐦᒋᑫᐟ ᐁᑳ ᑳ ᑭ ᐅᐦᒋ ᐃᑌᐧᐟ; ᐊᓇ ᐅᑭᐢᑭᐁᐧᐦᐃᑫᐤ ᓭᐦᑫ ᑭ ᐃᑌᐧᐤ, ᓇᒪᐃᐧᔭ ᑭ ᑲ ᑯᐢᑖᐤ.
Currently Selected:
ᑎᔪᑕᕒᐊᓇᒥ 18: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
