ᑎᔪᑕᕒᐊᓇᒥ 16
16
1 #
ᐁᐠᓴᑕᐢ 12:1-20; ᓬᐃᐱᑎᑲᐢ 23:5-8; ᓇᒼᐸᕒᐢ 28:16-25 ᓈᑲᑌᔨᑕ ᐁᐱᑊ ᐱᓯᒼ ᐁᐧᑎᐦᒋᐸᔨᑭ, ᒥᓇ ᑎᐱᑐᑕᒪᐤ ᒪᔮᐢᑳᑫᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᒋᑫᒫ ᐁᐊᐧᑳᐧᓇ ᒣᑳᐧᐨ ᐁᐱᑊ ᐱᓯᒼ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑭ ᐯ ᐊᔭᐃᐧᑕᐃᐠ ᐃᒋᑊᐟ ᐊᐢᑭᕽ ᐅᐦᒋ ᓂᐸᑎᐱᐢᐠ. 2ᑭ ᑲ ᐸᑭᑎᓇᒪᐋᐧᐤ ᒫᑲ ᒪᔮᐢᑳᑫᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒫᔭᑎᐦᑲᐧ ᐅᐦᒋ ᐊᐦᐳ ᒧᐢᑐᓴᐧ ᐅᐦᒋ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑫ ᓇᐊᐧᓱᓇᕽ ᐁᑯᑕ ᐅ ᐃᐧᔪᐃᐧᐣ ᑭᑕ ᐊᐢᑖᐟ. 3ᓇᒪᐃᐧᔭ ᐁ ᐅᐦᐱᓱᐟ ᐸᐦᑫᐧᓯᑲᐣ ᑭ ᑲ ᑭᑭ ᒧᐋᐧᐤ; ᑌᐸᑯᑊ ᑭᓯᑳᐤ ᑭ ᑲ ᒧᐋᐧᐤ ᐁᑳ ᑳ ᐅᐦᐱᓱᐟ ᐸᐦᑫᐧᓯᑲᐣ ᐊᓇ ᐊᑎ ᑯᑕᑭᑖᐃᐧ ᐸᐦᑫᐧᓯᑲᐣ; ᒋᑫᒫ ᑭ ᑭ ᓇᓂᐦᑭᓯᐣ ᑳ ᐯ ᐊᐧᔭᐃᐧᔭᐣ ᐃᒋᑊᐟ ᐊᐢᑭᕽ ᐅᐦᒋ; ᑭᑕ ᑲᓄᑭᐢᑭᓯᔭᐣ ᐊᓂᒪ ᑭᓯᑳᐤ ᑳ ᐯ ᐊᐧᔭᐃᐧᔭᐣ ᐃᒋᑊᐟ ᐊᐢᑭᕽ ᐅᐦᒋ ᐃᔨᑯᕽ ᑫ ᐱᒫᑎᓯᔭᐣ. 4ᓇᒪᐃᐧᔭ ᒫᑲ ᑭ ᑲ ᐋᐧᐸᒥᑲᐃᐧᐣ ᑭᑕ ᐊᔮᐊᐧᐟ ᐅᐦᐱᐦᒋᒋᑲᐣ ᒥᓯᐁᐧ ᑭᐟ ᐃᐦᑖᐃᐧᓂᕽ ᑌᐸᑯᑊ ᑭᓯᑳᐊᐧ; ᒥᓇ ᓇᒪᐃᐧᔭ ᑫᑲᐧᐩ ᐊᓂᒪ ᐃᐧᔮᐢ ᑳ ᐸᑭᑎᓇᓱᔭᐣ ᓂᐢᑕᒼ ᐁ ᑭᓯᑳᐠ ᐁ ᐅᑖᑯᓯᐠ, ᑭᑕ ᐃᐢᑲᐧᒋᑳᑌᐤ ᑫᑭᓭᐹᔮᑭ. 5ᓇᒪᐃᐧᔭ ᑭ ᑲ ᐸᑭᑎᓈᓱᐣ ᐊᓂᒪ ᒪᔮᐢᑳᑫᐃᐧᐣ ᐱᐦᒋ ᐱᑯ ᐃᑕ ᑭᐟ ᐃᐢᑳᐧᑌᒥᕽ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ; 6ᒫᑲ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ ᐁᑯᑕ ᑭᑕ ᐊᐢᑖᐟ ᐅ ᐃᐧᔪᐃᐧᐣ, ᐁᑯᑕ ᑭ ᑲ ᐸᑭᑎᓈᓱᐣ ᒪᔮᐢᑳᑫᐃᐧᐣ ᐁ ᐅᑖᑯᓯᐠ, ᐁ ᐊᑎ ᐸᑭᑎᓯᒧᐠ, ᐃᑕ ᐊᓂᒪ ᐁ ᑎᐱᐸᔨᐠ ᐃᒋᑊᑎᕽ ᑳ ᑭ ᐯ ᐅᐦᒋ ᐊᐧᔭᐃᐧᔭᐣ. 7ᑭ ᑲ ᓴᑲᐹᐧᐣ ᒫᑲ ᒥᓇ ᑭ ᑲ ᒥᒋᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ; ᐁᑯᓯ ᑭ ᑲ ᑭᐋᐧᐣ ᑫᑭᓭᐸᔮᑭ ᑭᑕ ᐃᑐᐦᑌᔭᐣ ᑭᑭᕽ. 8ᓂᑯᑖᐧᓱ ᑭᓯᑳᐤ ᑭ ᑲ ᒧᐋᐧᐤ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ; ᐁᑯᓯ ᑌᐸᑯᑊ ᐁ ᐃᑕᐦᑐᑭᓯᑳᐠ ᑭᑕ ᐃᐦᑕᑲᐧᐣ ᐁ ᐊᔮᑳᐧᒣᔨᑖᑲᐧᕽ ᒫᐊᐧᒋᐦᐃᑐᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᓯ; ᐁᑯᑕ ᓇᒪᐃᐧᔭ ᓈᐣᑕᐤ ᐊᑐᐢᑫᐃᐧᐣ ᑭ ᑲ ᐃᑐᑌᐣ.
9 #
ᓬᐃᐱᑎᑲᐢ 23:15-21; ᓇᒼᐸᕒᐢ 28:26-31 ᑌᐸᑯᐹᐤ ᐁ ᐃᐢᐸᔨᐠ ᑭ ᑲ ᐊᑭᐦᑕᒫᓱᐣ; ᐁ ᒫᑕᑭᒋᑫᔭᐣ ᐃᑕ ᐊᓂᒪ ᐁ ᒫᒋ ᑭᐢᑭᓵᐧᐟ ᐁ ᐃᑕᐢᑭᓱᐟ ᐸᐦᑫᐧᓯᑲᓂᑲᐣ ᐁᑯᑕ ᐅᐦᒋ ᑭ ᑲ ᐊᑭᑌᐣ ᑌᐸᑯᐹᐧᐤ ᐁ ᐃᐢᐸᔨᐠ. 10ᑭ ᑲ ᑎᐱᑐᑕᒪᐋᐧᐤ ᒫᑲ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐊᓂᒪ ᐃᐧᐦᑯᐦᑐᐃᐧᐣ ᐁ ᐃᐢᐸᔨᑭ ᑌᐯᔨᒧᐃᐧ ᐸᑭᑎᓈᓱᐃᐧᐣ ᐁ ᑕᐦᑯᓇᒪᐣ, ᐁᐊᐧᑯ ᒫᑲ ᑭ ᑲ ᒣᑭᐣ, ᐊᓂᒪ ᐁ ᐃᓯ ᓴᐁᐧᔨᒥᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 11ᐁᑯᓯ ᑭ ᑲ ᒥᔭᐋᐧᑌᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᔭ, ᒥᓇ ᑭᑯᓯᐢ ᒥᓇ ᑭᑖᓂᐢ, ᒥᓇ ᑭᐟ ᐊᑐᐢᑫᔮᑲᐣ, ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ, ᒥᓇ ᓬᐃᐸᐃᐟ ᑳ ᐱᑐᑳᐢᐠ, ᒥᓇ ᒫᓂᑌᐤ, ᒥᓇ ᑳ ᑭᐋᐧᑎᓯᐟ, ᒥᓇ ᓯᑳᐃᐧᐢᑫᐧᐤ, ᐊᓂᑭ ᑳ ᐊᔮᒋᐠ ᐃᑕ ᑳ ᐊᔮᔭᐣ, ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ ᐁᑯᑕ ᑭᑕ ᐊᐢᑖᐟ ᐅ ᐃᐧᔪᐃᐧᐣ. 12ᑭ ᑲ ᑲᓄᑭᐢᑭᓯᐣ ᒫᑲ ᐁ ᑭ ᐊᐊᐧᑳᓂᐃᐧᔭᐣ ᐃᒋᑊᑎᕽ; ᐁᑯᓯ ᑭ ᑲ ᓈᑲᑌᔨᑌᐣ ᒥᓇ ᑭ ᑲ ᐃᑐᑌᐣ ᐅᐦᐃ ᑲᑫᐢᑫᐧᐃᐧᓇ.
13 #
ᓬᐃᐱᑎᑲᐢ 23:33-36,39-43; ᓇᒼᐸᕒᐢ 29:12-38 ᑭ ᑲ ᑎᐱᑐᑌᐣ ᐊᓂᒪ ᐃᐧᐦᑯᐦᑐᐃᐧᐣ ᑳ ᒧᐦᒋ ᒫᓄᑫᕽ ᑌᐸᑯᑊ ᑭᓯᑳᐤ, ᐃᐢᐱ ᑭ ᒫᐊᐧᒋᐦᐊᒋ ᑭ ᐸᐦᑫᐧᓯᑲᓂᑳᐣ ᒥᓇ ᑭ ᓱᒥᓈᐳᒼ. 14ᑭ ᑲ ᒥᔭᐋᐧᑌᐣ ᒫᑲ ᑭ ᐃᐧᐦᑯᐦᑐᐃᐧᓂᕽ, ᑭᔭ ᒥᓇ ᑭᑯᓯᐢ ᒥᓇ ᑭᑖᓂᐢ, ᒥᓇ ᑭᐟ ᐊᑐᐢᑫᔮᑲᐣ, ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ, ᒥᓇ ᐊᓇ ᓬᐃᐸᐃᐟ, ᒥᓇ ᒫᓂᑌᐤ, ᒥᓇ ᑳ ᑭᐋᑎᓯᐟ, ᒥᓇ ᓯᑳᐃᐧᐢᑫᐧᐤ, ᐊᓂᑭ ᐱᐦᒋ ᑭᐟ ᐃᐢᑳᐧᑌᒥᕽ ᑳ ᐊᔮᒋᐠ. 15ᑌᐸᑯᑊ ᑭᓯᑳᐊᐧ ᑭ ᑲ ᐃᐧᑯᑫᐢᑕᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑫ ᓇᐊᐧᓱᓇᕽ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᓴᐁᐧᔨᒥᐠ ᑲᐦᑭᔭᐤ ᑭ ᔭᐦᑲᑭᐦᒋᑫᐃᐧᓂᕽ, ᒥᓇ ᑲᐦᑭᔭᐤ ᑭᐟ ᐊᑐᐢᑫᐃᐧᓇ ᑭᒋᐦᒋᕽ, ᐁᑯᓯ ᒥᑐᓂ ᑭ ᑲ ᒥᔭᐋᐧᑌᐣ.
16ᓂᐢᑖᐧᐤ ᑕᐦᑐ ᐊᐢᑭ ᑲᐦᑭᔭᐤ ᑳ ᓈᐯᐃᐧᔦᐠ ᑭᑕ ᓄᑯᓯᐊᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᑕ ᐊᓂᒪ ᑫ ᓇᐊᐧᓱᓇᕽ; ᐊᓂᒪ ᐃᐧᐦᑯᐦᑐᐃᐧᐣ ᐁᑳ ᐁ ᐅᐦᐱᓱᐟ ᐸᐦᑫᐧᓯᑲᐣ, ᒥᓇ ᐊᓂᒪ ᐃᐧᐦᑯᐦᑐᐃᐧᐣ ᐁ ᐃᐢᐸᔨᑭ ᑳ ᐊᑭᒋᑳᑌᐠ, ᒥᓇ ᐊᓂᒪ ᐃᐧᐦᑯᐦᑐᐃᐧᐣ ᑳ ᒧᐦᒋ ᒫᓄᑫᕽ; ᓇᒪᐃᐧᔭ ᒫᑲ ᐱᓯᓯᐠ ᑭᑕ ᓄᑯᓯᐊᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ. 17ᑲᐦᑭᔭᐤ ᐊᔨᓯᔨᓂᐤ ᑭᑕ ᒣᑭᐤ ᐁ ᐃᓯ ᑲᐢᑭᑖᐟ, ᐃᔨᑯᕽ ᐊᓂᒪ ᓴᐁᐧᔨᐦᒋᑫᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᐣ ᑳ ᑭ ᒥᔨᐢᐠ.
18ᐅᔭᓱᐁᐧᐃᐧᑭᒫᐊᐧᐠ ᒥᓇ ᐅᔭᓱᐁᐧᐃᐧᔨᓂᐊᐧᐠ ᑭ ᑲ ᐅᓯᐦᐋᐊᐧᐠ ᑲᐦᑭᔭᐤ ᑭ ᑭᐦᒋᐃᐢᑳᐧᑌᒥᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ, ᐁ ᐃᓯ ᐹᐱᐢᑭᑐᑌᐃᐧᓯᔦᐠ; ᐁᑯᓯ ᑭᑕ ᐅᔭᓱᐋᐧᑌᐊᐧᐠ ᐊᔨᓯᔨᓂᐊᐧ ᑲᐧᔭᐢᐠ ᐅᔭᓱᐋᐧᓯᐁᐧᐃᐧᓂᕽ. 19#ᐁᐠᓴᑕᐢ 23:6-8; ᓬᐃᐱᑎᑲᐢ 19:15ᓇᒪᐃᐧᔭ ᑭ ᑲ ᒪᒫᔭᑲᑌᐣ ᐅᔭᓱᐋᐧᓯᐁᐧᐃᐧᐣ; ᓇᒪᐃᐧᔭ ᑭ ᑲ ᑯᓯᑫᐧᔨᒫᐤ ᐊᔨᓯᔨᓂᐤ; ᒥᓇ ᓇᒪᐃᐧᔭ ᑭ ᑲ ᐅᑎᓀᐣ ᒣᑭᐃᐧᐣ; ᒋᑫᒫ ᒣᑭᐃᐧᐣ ᑲᑫᐹᐱᐢᑳᐠ ᑳ ᐃᔨᓂᓯᐟ, ᒥᓇ ᐊᐧᓈᑖᒪᑲᐣ ᐅᐟ ᐃᑌᐧᐃᐧᓇ ᐅᑲᐧᔭᐢᑭᑖᑎᓯᐤ. 20ᐊᓂᒪ ᒥᑐᓂ ᑲ ᑲᐧᔭᐢᑲᐧᕽ ᐁᐊᐧᑯ ᑭ ᑲ ᐱᒥᑎᓴᐁᐣ, ᑭᑕ ᐱᒫᑎᓯᔭᐣ, ᒥᓇ ᑭᑕ ᑎᐯᔨᐦᑕᒪᐣ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ.
21 #
ᐁᐠᓴᑕᐢ 34:13
ᓇᒪᐃᐧᔭ ᑭ ᑲ ᑭᐢᑎᑳᐣ ᓈᐣᑕᐤ ᒥᐢᑎᐠ ᑭᑕ ᐅ ᒪᓂᑐᐋᐧᑎᑯᔭᐣ ᒋᑭ ᐅ ᐸᑭᑎᓈᓱᐃᐧᓈᐱᐢᑯᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐊᓂᒪ ᑫ ᐅᓯᐦᑕᒪᓱᔭᐣ. 22#ᓬᐃᐱᑎᑲᐢ 26:1ᓇᒪᐃᐧᔭ ᒥᓇ ᑭ ᑲ ᐅᔭᐢᑭᑖᐣ ᑭᐢᑭᓇᐋᐧᑕᐢᒋᑲᐣ, ᑳ ᐸᑳᐧᑕᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ.
Currently Selected:
ᑎᔪᑕᕒᐊᓇᒥ 16: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
