ᑎᔪᑕᕒᐊᓇᒥ 15
15
1ᑕᐦᑖᐧᐤ ᐱᔪᓂᐸᔨᑳᐧᐃᐧ ᑌᐸᑯᑊ ᐊᐢᑭᐃᐧᓇ ᐸᑭᑎᓂᐁᐧᐃᐧᐣ ᑭ ᑲ ᐃᑐᑌᐣ. 2ᐁᐊᐧᑯ ᒫᑲ ᐅᒪ ᐃᓯᐦᒋᑫᐃᐧᐣ ᐸᑭᑎᓂᐁᐧᐃᐧᐣ; ᑲᐦᑭᔭᐤ ᐊᐃᐧᔭᐠ ᑳ ᑭ ᒪᓯᓇᐦᐊᒫᐦᐟ ᑭᑕ ᐸᑭᑎᓇᒪᐁᐧᐤ ᐃᐧᒋᐊᔨᓯᔨᓂᐊᐧ ᐊᓂᒪ ᑳ ᑭ ᓇᑖᑖᒥᑯᐟ, ᓇᒪᐃᐧᔭ ᑭᑕ ᑳᓯᐢᑐ ᐊᑭᐦᑕᒪᐁᐧᐤ ᐃᐧᒋᐊᔨᓯᔨᓂᐊᐧ ᒥᓇ ᐅᒋᐋᐧᒪ; ᒋᑫᒫ ᑳ ᑎᐯᔨᐦᒋᑫᐟ ᐅ ᐸᑭᑎᓂᐁᐧᐃᐧᐣ ᑭ ᑌᐹᐧᒋᑳᑌᐤ. 3ᑳ ᐱᑐᓯᐢᑲᓀᓯᐟ ᐃᐧᔭ ᐊᔨᓯᔨᓂᐤ ᑭ ᑲ ᑭ ᑳᓯᐢᐳ ᐊᑭᐦᑕᒪᐋᐧᐤ; ᒫᑲ ᐊᓂᒪ ᑭᐟ ᐊᔮᐃᐧᐣ ᑭᒋᐋᐧᒼ ᑲ ᐊᔮᐟ ᑭ ᑲ ᐸᑭᑎᓀᐣ. 4ᒫᑲ ᐋᑕᐃᐧᔭ ᐅᑭᑎᒫᑭᓯᐤ ᓇᒪᐃᐧᔭ ᑭ ᑳ ᐊᔮᐋᐧᐤ; (ᐊᔨᐢ ᑳ ᑎᐯᔨᐦᒋᑫᐟ ᑫᐦᒋᓈ ᑭ ᑳ ᓴᐁᐧᔨᒥᐠ ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᒥᔨᐢᐠ ᑭᑕ ᑎᐯᔨᐦᑕᒪᐣ ᑭᑕ ᑎᐱᔭᐁᐧᐃᐧᓯᔭᐣ;) 5ᑭᐢᐱᐣ ᐱᑯ ᑭᐟ ᐋᐦᑲᒥ ᓇᑐᐦᑕᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᓈᑲᑌᔨᑕᒪᐣ ᑭᑕ ᐃᑐᑕᒪᐣ ᑲᐦᑭᔭᐤ ᐅᒪ ᐃᑕᓱᐁᐧᐃᐧᐣ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ. 6ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᓴᐁᐧᔨᒥᐠ, ᑳ ᑭ ᐃᓯ ᐊᓱᑕᒫᐢᐠ; ᐁᑯᓯ ᑭ ᑲ ᐊᐃᐧᐋᐊᐧᐠ ᒥᐦᒉᑐᐢᑳᐣ ᐊᔨᓯᔨᓂᐊᐧᐠ, ᒫᑲ ᑭᔭ ᓇᒪᐃᐧᔭ ᑭ ᑲ ᓇᑖᑖᒧᐣ; ᒥᓇ ᑭ ᑲ ᑎᐯᔨᒫᐊᐧᐠ ᒥᐦᒉᐟ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᒫᑲ ᑭᔭ ᓇᒪᐃᐧᔭ ᑭ ᑲ ᑎᐯᔨᒥᑲᐧᐠ.
7 #
ᓬᐃᐱᑎᑲᐢ 25:35
ᑭᐢᐱᐣ ᐃᐦᑖᒋ ᐃᑕ ᐁ ᐊᔮᔦᐠ ᐁ ᑭᑎᒫᑭᓯᐟ ᓈᐯᐤ ᐯᔭᐠ ᑭᒋᐋᐧᒼ, ᐱᐦᒋ ᑭᐟ ᐃᐢᑳᐧᑌᒥᕽ ᑭᐟ ᐊᐢᑭᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᒥᔨᐢᐠ, ᓇᒪᐃᐧᔭ ᑭ ᑲ ᒪᐢᑲᐃᐧᑌᐦᐁᐢᑕᐋᐧᐤ, ᒥᓇ ᓇᒪᐃᐧᔭ ᑭ ᑲ ᒫᑯᒋᐦᒉᔨᐢᑕᐋᐧᐤ ᑳ ᑭᑎᒫᑭᓯᐟ ᑭᒋᐋᐧᒼ. 8ᒫᑲ ᑫᐦᒋᓈ ᑭ ᑲ ᓱᐃᐧᒋᐦᒉᔨᐢᑕᐋᐧᐤ. ᒥᓇ ᑫᐦᒋᓈ ᑭ ᑲ ᐊᐃᐧᐋᐤ ᐃᔨᑯᕽ ᐊᓂᒪ ᐁ ᑭᐧᑕᒫᐟ ᑳ ᐃᓯ ᓇᑕᐁᐧᔨᑕᕽ. 9ᒣᔮᑳᐧᒼ ᐁᑳ ᒪᒋᒫᒥᑐᓀᔨᒋᑲᐣ ᑭᑕ ᑭᑭᐢᑳᑯᔭᐣ ᑭᑌᐦᐃᕽ, ᑭᑕ ᐃᑌᐧᔭᐣ, ᐊᓂᒪ ᑌᐸᑯᑊ ᐊᐢᑭᐃᐧᐣ ᐸᑭᑎᓂᐁᐧᐃᐧ ᐊᐢᑭᐃᐧᐣ, ᑭᓯᐋᐧᐠ ᐊᔮᐤ; ᐁᑯᓯ ᑭᑕ ᒫᔨᑲᓇᐋᐧᐸᒪᐟ ᑭᒋᐋᐧᒼ ᑳ ᑭᑎᒫᑭᓯᐟ, ᐁᑯᓯ ᐁᑳ ᑫᑲᐧᐩ ᑭᑕ ᒥᔭᐟ; ᐁᑯᓯ ᒪᐃᐧᒧᐢᑕᐋᐧᒋ ᑳ ᑎᐯᔨᐦᒋᑫᔨᐟ ᑭᔭ ᐅᐦᒋ, ᒪᒋᑐᑕᒧᐃᐧᐣ ᒫᑲ ᑭᑕ ᐊᑭᐦᑕᒫᑲᐃᐧᔭᐣ. 10ᑫᐦᒋᓈ ᑭ ᑲ ᒥᔮᐤ, ᒥᓇ ᐁᑳᐃᐧᔭ ᑭ ᑲ ᒥᐦᑖᑌᐣ ᒥᔭᒋ; ᒋᑫᒫ ᐅᒪ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᓴᐁᐧᔨᒥᐠ ᒥᓯᐁᐧ ᑭᐟ ᐊᑐᐢᑫᐃᐧᓂᕽ, ᒥᓇ ᑕᐦᑐ ᑫᑲᐧᐩ ᑳ ᐃᑐᑕᒪᐣ. 11#ᒫᐟᔪ 26:11; ᒫᕒᐠ 14:7; ᒑᐣ 12:8ᒋᑫᒫ ᐅᑭᑎᒫᑭᓯᐤ ᓇᒪ ᐃᐧᑳᐨ ᑭᑕ ᐳᓂ ᐊᔮᐤ ᐊᐢᑭᕽ; ᐁᐊᐧᑯ ᒫᑲ ᐅᐦᒋ ᑳ ᐃᑕᓱᐋᐧᑎᑖᐣ, ᐁ ᐃᑌᐧᔮᐣ, ᑫᐦᒋᓈ ᑭ ᑲ ᓱᐃᐧᒋᐦᒉᔨᐢᑕᐋᐤ ᑭᒋᐋᐧᒼ, ᐅᑭᐧᑕᒫᐤ, ᒥᓇ ᐅᑭᑎᒫᑭᓯᐤ, ᑭᐟ ᐊᐢᑭᕽ.
12 #
ᓬᐃᐱᑎᑲᐢ 25:39-46
ᑭᐢᐱᐣ ᑭᒋᐋᐧᒼ ᐦᐃᐸᕒᐅ ᓈᐯᐤ ᐊᐦᐳ ᐦᐃᐸᕒᐅ ᐃᐢᑫᐧᐤ, ᐊᑖᐋᐧᑳᑎᓱᐢᑖᐢᑭ, ᐁᑯᓯ ᐊᑐᐢᑳᐢᑭ ᓂᑯᑖᐧᓯᐠ ᐊᐢᑭ; ᐁᑲᐧ ᑌᐸᑯᑊ ᐊᑎ ᐊᐢᑭᐊᐧᑭ ᑭ ᑲ ᐸᑭᑎᓈᐤ ᑭᑕ ᑎᐯᔨᒥᓱᐟ. 13ᐃᐢᐱ ᒫᑲ ᐸᑭᑎᓇᒋ ᑭᑕ ᑎᐯᔨᒥᓱᐟ, ᓇᒪᐃᐧᔭ ᐱᓯᓯᐠ ᑭ ᑲ ᐸᑭᑎᓈᐤ; 14ᑭ ᑲ ᐁᐧᔪᒋ ᐅᐦᑌᓇᒪᐋᐧᐤ ᑭ ᒫᔭᑎᐦᑯᒪᐠ ᐅᐦᒋ, ᑭ ᐸᐊᐧᐃᑫᐃᐧᑲᒥᑯᕽ ᐅᐦᒋ, ᒥᓇ ᑭ ᓱᒥᓈᐳᑫᐃᐧᓂᕽ ᐅᐦᒋ; ᑳ ᑭ ᐃᓯ ᓴᐁᐧᔨᒥᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁᑯᓯ ᑭ ᑲ ᐃᓯ ᒥᔮᐤ. 15ᑭ ᑲ ᑲᓄᑭᐢᑭᓯᐣ ᒫᑲ ᐁ ᑭ ᐊᐊᐧᑳᑎᑲᐃᐧᔭᐣ ᐃᒋᑊᐟ ᐊᐢᑭᕽ, ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁ ᑭ ᐸᐢᐱᐦᐃᐢᐠ; ᐁᐊᐧᑯ ᐅᐦᒋ ᐅᒪ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ. 16ᑭᑕ ᐃᐦᑭᐣ ᒫᑲ ᑭᐢᐱᐣ ᐃᑎᐢᑭ, ᓇᒪᐃᐧᔭ ᑭ ᑲ ᓇᑲᑎᑎᐣ; ᒋᑫᒫ ᐁ ᓵᑭᐦᐃᐢᐠ ᒥᓇ ᐁ ᓵᑭᐦᑖᐟ ᑭᑭ, ᒋᑫᒫ ᐁ ᒥᔪᐃᐧᒉᐃᐧᐢᐠ; 17ᑭ ᑲ ᐅᑎᓀᐣ ᐅᐢᑳᒋᕽ, ᐁᑯᓯ ᑭ ᑲ ᓴᐳᐢᑕᐊᒫᐧᐣ ᐅᐦᑕᐊᐧᑲᐩ ᐃᐢᑳᐧᑌᒥᕽ, ᐁᑯᓯ ᑭ ᑲ ᐅᐟ ᐊᑐᐢᑫᔮᑲᓂᐣ ᑳᑭᑫ. ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ ᐁᑯᓯ ᑭ ᑲ ᐃᑐᑕᐋᐧᐤ. 18ᓇᒪᐃᐧᔭ ᒫᑲ ᑭ ᑲ ᐋᔨᒣᔨᑌᐣ ᑭᐢᐱᐣ ᐸᑭᑎᓇᒋ ᑭᑕ ᑎᐯᔨᒥᓱᐟ; ᒋᑫᒫ ᓂᓵᐧᐤ ᐃᔨᑯᕽ ᑳ ᑌᐸᐊᒫᐦᐟ ᑎᐸᐦᐊᒪᐊᐧᑲᐣ ᑭ ᑭ ᐃᓯ ᐊᑐᐢᑳᐠ ᓂᑯᑖᐧᓯᐠ ᐊᐢᑭ; ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᓴᐁᐧᔨᒥᐠ ᑲᐦᑭᔭᐤ ᑫᑲᐧᐩ ᑳ ᐃᑐᑕᒪᐣ.
19 #
ᐁᐠᓴᑕᐢ 13:12
ᑲᐦᑭᔭᐤ ᔮᐯᐊᐧᔭᐠ ᐅ ᓂᐢᑕᒥ ᓂᐦᑖᐃᐧᑭᐦᐋᑲᓂᐋᐧᐊᐧ ᑭ ᒧᐢᑐᓱᒪᐠ ᒥᓇ ᑭ ᒫᔭᑎᐦᑯᒪᐠ ᑭ ᑲ ᑲᓈᒋᑕᒪᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᓇᒪᐃᐧᔭ ᑭ ᑲ ᐊᑐᐢᑲᐦᐃᒫᐊᐧ ᐅ ᓂᐢᑕᒥᓂᑖᐃᐧᑭᐋᑲᓇ ᑭ ᒧᐢᑐᓱᒼ, ᒥᓇ ᓇᒪᐃᐧᔭ ᑭ ᑲ ᐸᐢᑯᓱᒪᐊᐧ ᐅ ᓂᐢᑕᒥ ᓂᐦᑖᐃᐧᑭᐦᐋᑲᓇ ᑭ ᒫᔭᑎᐦᑯᒼ. 20ᑭ ᑲ ᒧᐋᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑕᐦᑐ ᐋᐢᑭ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑫ ᓇᐊᐧᓱᓇᕽ, ᑭᔭ ᒥᓇ ᑳ ᑕᐦᑐᑫᔭᐣ. 21ᑭᐢᐱᐣ ᒫᑲ ᓈᐣᑕᐤ ᐃᓯ ᒫᐢᑭᓯᒋ, ᐅᒋᐢᑳᒋ ᐊᐦᐳ ᐁᑳ ᐊᐧᐱᒋ, ᓈᐣᑕᐤ ᐃᓯ ᒫᐢᑭᓯᒋ ᐱᑯ ᐃᓯ, ᓇᒪᐃᐧᔭ ᐁᐊᐧᑯᓂ ᑭ ᑲ ᐸᑭᑎᓇᒪᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 22ᑭ ᑲ ᒧᐋᐧᐤ ᐱᐦᒋ ᑭᐟ ᐃᐢᑳᐧᑌᒥᕽ; ᐁᑳ ᑳ ᐯᑭᓯᐟ ᒥᓇ ᑳ ᐯᑭᓯᐟ ᑖᐱᐢᑯᐨ ᑭᑕ ᑭ ᒧᐁᐧᐊᐧᐠ, ᑳ ᐃᓯ ᒧᐃᐧᐦᐟ ᑳᐧᐢᑫᐧᐸᔨᐦᐅᐢ ᒥᓇ ᐊᑎᕽ. 23#ᒉᓂᓯᐢ 9:4; ᓬᐃᐱᑎᑲᐢ 7:26,27; 17:10-14; 19:26; ᑎᔪᑕᕒᐊᓇᒥ 12:16,23ᐱᑯ ᐅ ᒥᐦᑯ ᓇᒪᐃᐧᔭ ᑭ ᑲ ᒥᒋᐋᐧᐣ; ᑭ ᑲ ᓯᑭᓇᒫᐧᐣ ᐊᐢᑭᕽ ᑖᐱᐢᑯᐨ ᓂᐱ.
Currently Selected:
ᑎᔪᑕᕒᐊᓇᒥ 15: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
