ᑎᔪᑕᕒᐊᓇᒥ 14
14
1 #
ᓬᐃᐱᑎᑲᐢ 19:28; 21:5 ᑭᔭᐋᐧᐤ ᐅᐟ ᐊᐋᐧᓯᒥᓴ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ; ᓇᒪᐃᐧᔭ ᑭ ᑲ ᐯᓯᓱᓱᓈᐋᐧᐤ, ᒥᓇ ᓇᒪᐃᐧᔭ ᑭ ᑲ ᐸᐢᑯᐊᒫᓈᐋᐧᐤ ᑭᐢᑲᑎᑯᐊᐧᕽ ᐅᓂᐱᐊᐧᐠ ᐅᐦᒋ. 2#ᐁᐠᓴᑕᐢ 19:5,6; ᑎᔪᑕᕒᐊᓇᒥ 4:20; 7:6; 26:18; ᑖᐃᑕᐢ 2:14; 1 ᐱᑕᕒ 2:9ᒋᑫᒫ ᑭ ᑲᓈᒋ ᐊᔨᓯᔨᓂᐃᐧᓈᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᓯ, ᒥᓇ ᑳ ᑌᐯᔨᐦᒋᑫᐟ ᑭ ᑭ ᓇᐊᐧᓱᓂᐠ ᐱᑐᐢ ᑭᔭ ᑭᑕ ᐃᑕᑭᑕᒫᓱᐟ ᐁ ᐅᐟ ᐊᔨᓯᔨᓂᒥᐟ ᑭᔭ, ᐊᔨᐋᐧᐠ ᐃᔨᑯᕽ ᑲᐦᑭᔭᐤ ᐊᔨᓯᔨᓂᐊᐧ ᐊᐧᐢᑭᑕᐢᑲᒥᐠ ᑳ ᐊᔮᒋᐠ.
3ᓇᒪ ᑫᑲᐧᐩ ᑳ ᐸᑳᐧᑎᑲᐧᕽ ᑭ ᑲ ᒥᒋᐣ. 4ᐁᐊᐧᑯᓂᐠ ᐅᑭ ᐱᓯᐢᑭᐊᐧᐠ ᑫ ᒧᐋᐧᔦᑯᐠ; ᒧᐢᑐᐢ, ᒫᔮᑎᕽ, ᒥᓇ ᐋᐧᐸᑎᕽ, 5ᐊᑎᕽ, ᑳᐧᐢᑫᐧᐸᔨᐦᐅᐢ, ᒥᓇ ᐋᐧᐋᐧᐢᑫᓯᐤ, ᒥᓇ ᐱᑲᐧᒋ ᐋᐧᐸᑎᕽ, ᒥᓇ ᐱᑲᐧᒋ ᒧᐢᑐᐢ, ᒥᓇ ᐊᐱᐢᑕᑎᑯᐢ, ᒥᓇ ᐊᓯᓂᐢᑳᐊᐧᑎᑯᐢ. 6ᒥᓇ ᑲᐦᑭᔭᐤ ᐱᓯᐢᑭᐤ ᑳ ᑖᐢᑭᑲᐢᑫᐧᐟ ᐁᑯᓯ ᑳ ᓂᓱᑲᐢᑫᐧᐟ, ᒥᓇ ᑳ ᓯᑲᐧᒋᑫᐟ, ᑳ ᐃᐦᑕᓯᒋᐠ ᐱᓯᐢᑭᐊᐧᐠ, ᐁᐊᐧᑯᓂᐠ ᑭ ᑲ ᒧᐋᐧᐋᐧᐊᐧᐠ. 7ᐁᔨᐁᐧᕽ ᒫᑲ ᐅᑭ ᓇᒪᐃᐧᔭ ᑭ ᑲ ᒧᐋᐧᐋᐧᐊᐧᐠ ᐊᓂᑭ ᑳ ᓯᑲᐧᒋᑫᒋᐠ, ᒥᓇ ᐊᓂᑭ ᑳ ᔨᑭᑕᐃᐧᑲᐢᑫᐧᒋᐠ; ᐱᐢᑳᐧᐃᐧᑲᓀᐃᐧ ᐱᓯᐢᑭᐤ, ᒥᓇ ᐋᐧᐳᐢ, ᒥᓇ ᑯᓂ, ᒋᑫᒫ ᓯᑲᐧᒋᑫᐊᐧᐠ ᒫᑲ ᓇᒪᐃᐧᔭ ᔨᑭᑕᐃᐧᑲᐢᑫᐧᐊᐧᐠ, ᐁᐊᐧᑯᓂᐠ ᓇᒪᐃᐧᔭ ᐯᑭᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ, 8ᒥᓇ ᑯᐦᑯᐢ, ᒋᑫᒫ ᔨᑭᑕᐃᐧᑲᐢᑫᐤ ᒫᑲ ᓇᒪᐃᐧᔭ ᓯᑲᐧᒋᑫᐤ, ᐁᐊᐧᑯ ᓇᒪᐃᐧᔭ ᐯᑭᓯᐤ ᑭ ᑲ ᐃᑕᑭᒫᐋᐧᐤ; ᐅ ᐃᐧᔮᓯᐋᐧᐤ ᓇᒪᐃᐧᔭ ᑭ ᑲ ᒥᒋᐋᐧᓈᐋᐧᐤ, ᒥᓇ ᐁ ᓂᐱᒋᐠ ᐃᐧᔭᐃᐧᐋᐧᐊᐧ ᓇᒪᐃᐧᔭ ᑭ ᑲ ᓵᒥᓇᒫᐧᓈᐋᐧᐤ.
9ᐁᐊᐧᑯᓂᐠ ᐅᑭ ᑫ ᒧᐋᐧᔦᑯᐠ ᑲᐦᑭᔭᐤ ᓂᐱᕽ ᑳ ᐊᔮᒋᐠ, ᑕᐦᑐ ᑳ ᐅᒋᐦᒋᑲᓂᒋᐠ ᒥᓇ ᑳ ᐅ ᐊᐧᐦᐊᑳᒋᐠ ᐁᐊᐧᑯᓂᐠ ᑫ ᒧᐋᐧᔦᑯᐠ. 10ᐊᓂᑭ ᒫᑲ ᐁᑳ ᑳ ᐅᒋᐦᒋᑲᓂᒋᐠ ᒥᓇ ᐁᑳ ᑳ ᐅ ᐊᐧᐦᐊᑳᒋᐠ ᓇᒪᐃᐧᔭ ᑭ ᑲ ᒧᐋᐧᐋᐧᐊᐧᐠ; ᓇᒪᐃᐧᔭ ᐯᑭᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ.
11ᑕᐦᑐ ᑳ ᐯᑭᓯᒋᐠ ᐱᔦᓯᓴᐠ ᑭ ᑲ ᑭ ᒧᐋᐧᐋᐧᐊᐧᐠ. 12ᒫᑲ ᐁᐊᐧᑯᓂᐠ ᐅᑭ ᐁᑳ ᑫ ᒧᐋᐧᔦᑯᐠ; ᒥᑭᓯᐤ, ᒥᓇ ᐳᐢᑳᐧᐸᑕᓀᐃᐧ ᒥᑭᓯᐤ, ᒥᓇ ᐱᔨᔨᑯᓀᐤ; 13ᒥᓇ ᒥᓯᑫᐦᑫᕽ, ᒥᓇ ᐱᐳᓇᓯᐤ, ᒥᓇ ᑫᑫᕽ ᐁ ᑐᐃᐧᑳᓂᐃᐧᐟ; 14ᒥᓇ ᑲᐦᑭᔭᐤ ᑳᐦᑲᑭᐤ ᐁ ᑐᐃᐧᑳᓂᐃᐧᐟ; 15ᒥᓇ ᐋᐢᑕᕒᐃᐨ, ᒥᓇ ᐱᐢᐠ, ᒥᓇ ᑲᐢᑭᑌᓯᑊ, ᒥᓇ ᓵᑲᐧᑕᒧ ᑐᐃᐧᑳᐣ. 16ᒥᓇ ᐊᐱᐢᒋ ᐅᐦᐅ, ᒥᓇ ᑯᐦᑯᑲᐦᐅ, ᒥᓇ ᐋᐧᐱᓯᐤ; 17ᒥᓇ ᒐᐦᒐᑭᐤ, ᒥᓇ ᑭᐦᐃᐤ, ᒥᓇ ᑳᐦᑳᑭᓯᑊ; 18ᒥᓇ ᐅᒋᒑᕽ, ᒥᓇ ᒧᑲᐅᓯᐤ ᑐᐃᐧᑳᐣ, ᒥᓇ ᐦᐅᐹ, ᐅᐸᑲᐧᓈᒋᐢ; 19ᒥᓇ ᑕᐦᑐ ᐅᑭ ᑳ ᐸᐹᒥᑖᒋᒧᒋᐠ ᐁᑯᓯ ᑳ ᐱᒥᔮᒋᐠ ᓇᒪᐃᐧᔭ ᐯᑭᓯᐊᐧᐠ ᑭ ᑲ ᐃᑕᑭᒫᐋᐧᐊᐧᐠ; ᓇᒪᐃᐧᔭ ᑭᑕ ᒧᐋᐧᐊᐧᐠ. 20ᒫᑲ ᑕᐦᑐ ᑳ ᐯᑭᓯᒋᐠ ᑳ ᐱᒥᔮᒋᐠ ᑭ ᑲ ᑭ ᒧᐋᐧᐋᐧᐊᐧᐠ.
21 #
ᐁᐠᓴᑕᐢ 23:19; 34:26 ᓇᒪᐃᐧᔭ ᑭ ᑲ ᒧᐋᐧᐋᐧᐤ ᐊᓇ ᓭᐦᑫ ᑳ ᓂᐱᐟ; ᑭ ᑲ ᑭ ᒥᔮᐤ ᐊᓇ ᒫᓂᑌᐤ ᐱᐦᒋ ᑭᐟ ᐃᐢᑳᐧᑌᒥᕽ ᑳ ᐊᔮᐟ, ᐃᐧᔭ ᑭᑕ ᒧᐋᐧᐟ; ᐊᐦᐳ ᑭ ᑲ ᑭ ᐊᑖᒥᐠ ᑳ ᐱᑐᓯᐢᑳᓀᓯᐟ; ᒋᑫᒫ ᑭᔭ ᑳ ᑲᓈᑎᓯᔨᐟ ᐅᐟ ᐊᔨᓯᔨᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. ᓇᒪᐃᐧᔭ ᑭ ᑲ ᐸᑳᓯᒫᐤ ᐋᐧᐸᑎᑯᓯᐢ ᐅᑳᐃᐧᔭ ᐅ ᑐᑐᓴᐳᔨᕽ.
22 #
ᓬᐃᐱᑎᑲᐢ 27:30-33; ᓇᒼᐸᕒᐢ 18:21 ᑫᐦᒋᓇ ᑭ ᑲ ᐸᑭᑎᓀᐣ ᐯᔭᐠ ᒥᑖᑕᐦᐟ ᐅᐦᒋ ᑳ ᐃᓯ ᔭᑭᑭᕽ ᑭ ᑭᐢᑎᑳᐣ, ᑕᐦᑐ ᐊᐢᑭᐃᐧᐣ ᑳ ᓂᐦᑖᐃᐧᑭᕽ ᑭᐢᑎᑳᓂᕽ. 23ᐁᑯᓯ ᑭ ᑲ ᒥᒋᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐃᑕ ᐊᓂᒪ ᑫ ᓇᐊᐧᓱᓇᕽ ᑭᑕ ᐊᐢᑖᐟ ᐁᑯᑕ ᐅ ᐃᐧᔪᐃᐧᐣ, ᐯᔭᐠ ᒥᑖᑕᐦᐟ ᐅᐦᒋ ᑭ ᐸᐦᑫᐧᓯᑲᓂᑳᐣ, ᑭ ᓱᒥᓈᐳᒼ, ᒥᓇ ᑭ ᐱᒥᒼ, ᒥᓇ ᐅ ᓂᐢᑕᒥ ᓂᐦᑖᐃᐧᑭᐦᐋᑲᓇ ᑭ ᒧᐢᑐᓱᒼ ᒥᓇ ᑭ ᒫᔭᑎᐦᑯᒼ; ᑭᑕ ᑭᐢᑫᔨᑕᒪᐣ ᒧᓴᐠ ᑭᑕ ᑯᓯᑫᐧᔨᒪᐟ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 24ᑭᐢᐱᐣ ᒫᑲ ᐅᓵᒼ ᐱᐦᒑᑭ ᒣᐢᑲᓇᐤ, ᐁᑯᓯ ᐁᑳ ᑲᐢᑭᑖᔭᓂ ᐁᑯᑌ ᑭᑕ ᐃᑐᑕᑖᔭᐣ, ᐅᓵᒼ ᐁ ᐋᐧᔭᐃᐧᐊᐧᕽ ᐃᑕ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ ᐁᑯᑕ ᑭᑕ ᐊᐢᑕᐟ ᐅ ᐃᐧᔪᐃᐧᐣ, ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᓴᐁᐧᔨᒥᐢᑭ; 25ᐁᑲᐧ ᑭ ᑲ ᐊᑖᐋᐧᑳᐣ ᒥᐢᑯᐨ ᓱᓂᔮᐤ, ᐁᑯᓯ ᑭᑕ ᑕᑯᐱᑕᐟ ᓱᓂᔮᐤ ᑭᒋᐦᒋᕽ, ᒥᓇ ᑭ ᑲ ᐃᑐᐦᑖᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ; 26ᑭ ᑲ ᐸᑭᑎᓈᐤ ᒫᑲ ᐊᓇ ᓱᓂᔮᐤ ᒥᐢᑯᐨ ᐁ ᐅᑎᓇᒪᐣ ᐱᑯ ᑫᑲᐧᐩ ᑭᐟ ᐊᐦᒑᕽ ᐁ ᓇᑕᐁᐧᔨᑕᕽ, ᒧᐢᑐᓴᐧᐠ, ᐊᐦᐳ ᒫᔭᑎᐦᑲᐧᐠ, ᐊᐦᐳ ᓱᒥᓈᐳ, ᐊᐦᐳ ᑳ ᒪᐢᑲᐋᐧᐠ ᒥᓂᐦᑫᐧᐃᐧᐣ, ᐊᐦᐳ ᐱᑯ ᑫᑲᐧᐩ ᑭᐟ ᐊᐦᒑᕽ ᐁ ᓇᑕᐁᐧᔨᑕᒫᐢᐠ; ᐁᑯᓯ ᑭ ᑲ ᒥᒋᐣ ᐁᑯᑕ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓇ ᑭ ᑲ ᒪᒪᐦᑖᑯᓯᐣ, ᑭᔭ ᒥᓇ ᑳ ᑕᐦᑐᑫᔭᐣ; 27ᐊᓇ ᒫᑲ ᓬᐃᐸᐃᐟ ᑳ ᐱᑐᑳᐢᐠ ᓇᒪᐃᐧᔭ ᑭ ᑲ ᐁᐧᐱᓈᐤ; ᒋᑫᒫ ᓇᒪᐃᐧᔭ ᐸᑭᓇᒫᑯᐃᐧᐣ ᒥᓇ ᓇᒪᐃᐧᔭ ᑎᐯᔨᒋᑲᐣ ᐊᔮᐤ ᐊᓯᒋ ᑭᔭ.
28ᑕᐦᑖᐧᐤ ᓂᐢᑐ ᐊᐢᑭᐃᐧᓇ ᐳᓂᐸᔨᑳᐧᐃᐧ ᑭ ᑲ ᐯᑖᐣ ᑲᐦᑭᔭᐤ ᐊᓂᒪ ᐯᔭᐠ ᒥᑖᑕᐦᐟ ᐅᐦᒋ ᑳ ᔭᑭᑭᑖᔭᐣ ᐁᐊᐧᑯ ᐁ ᐊᐢᑭᐋᕽ, ᑭᑕ ᐊᐢᑖᐧᔭᐣ ᐱᐦᒋ ᑭᐟ ᐃᐢᑳᐧᑌᒥᕽ; 29ᐁᑯᓯ ᐊᓇ ᓬᐃᐸᐃᐟ ᒋᑫᒫ ᐁᑳ ᐸᑫᐧᓇᒫᑯᐃᐧᐣ ᐊᐦᐳ ᑎᐯᔨᐦᒋᑫᑲᐣ ᐁ ᐊᔮᐟ ᐊᓯᒋ ᑭᔭ, ᒥᓇ ᒫᓂᑌᐤ, ᒥᓇ ᑳ ᑭᐋᐧᑎᓯᐟ, ᒥᓇ ᓯᑳᐃᐧᐢᑫᐧᐤ, ᐱᐦᒋ ᑭᐟ ᐃᐢᑳᐧᑌᒥᕽ ᑳ ᐊᔮᒋ, ᑭᑕ ᐯ ᓇᑕᐃᐧ ᒥᒋᓱᐊᐧᐠ ᒥᓇ ᑭᑕ ᑌᐱᔭᐁᐧᓯᐊᐧᐠ; ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭᑕ ᓴᐁᐧᔨᒥᐢᐠ ᑲᐦᑭᔭᐤ ᑳ ᐃᓯ ᐊᑐᐢᑫᔭᐣ ᑭᒋᐦᒋᕽ.
Currently Selected:
ᑎᔪᑕᕒᐊᓇᒥ 14: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
