ᑎᔪᑕᕒᐊᓇᒥ 12
12
1ᐁᐊᐧᑯᓂ ᐅᐦᐃ ᑲᑭᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ, ᑫ ᓈᑲᑌᔨᑕᒣᐠ ᑭᑕ ᐃᑐᑕᒣᐠ ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒥᐋᐧᐊᐧ ᑯᑖᐃᐧᔭᐠ, ᑳ ᑭ ᒥᔨᐢᐠ ᑭᑕ ᑎᐯᔨᐦᑕᒪᐣ, ᐃᔨᑯᕽ ᑫ ᐱᒫᑎᓯᐁᐧᑫᐧ ᐊᐢᑭᕽ. 2ᑫᐦᒋᓈ ᑭ ᑲ ᓂᓯᐊᐧᓈᒋᐦᑖᓈᐋᐧᐤ ᑲᐦᑭᔭᐤ ᐃᑕ ᐊᓂᑭ ᐊᔨᓯᔨᓂᐊᐧᐠ ᑫ ᑎᐯᔨᒫᔦᑯᐠ ᑳ ᑭ ᐊᑐᐢᑲᐋᐧᒋᐠ ᐅ ᒪᓂᑐᒥᐋᐧᐊᐧ, ᐃᐢᐹᒪᑎᓈᕽ, ᒥᓇ ᒑᑲᑎᓈᕽ, ᒥᓇ ᓯᐹᔮᑎᐠ ᑲᐦᑭᔭᐤ ᑳ ᐊᐢᑳᑎᑯᐃᐧᐟ ᒥᐢᑎᐠ. 3#ᑎᔪᑕᕒᐊᓇᒥ 7:5ᐁᑯᓯ ᑭ ᑲ ᐱᑯᐊᒫᐧᓈᐋᐧᐤ ᐅ ᐸᑭᑎᓈᓱᐃᐧᓈᐱᐢᑯᐋᐧᐊᐧ, ᒥᓇ ᑭ ᑲ ᐱᓴᑕᐊᒫᓈᐋᐧᐤ ᐅ ᑭᐢᑭᓇᐋᐧᑕᐢᒋᑲᓂᐋᐧᐊᐧ, ᒥᓇ ᑭ ᑲ ᒣᐢᑎᑲᓱᒫᐊᐧ ᐅ ᒪᓂᑐᐋᐧᑎᑯᒥᐋᐧᐊᐧ; ᒥᓇ ᑭ ᑲ ᑭᐢᑲᑕᐦᐅᒪᐋᐧᐊᐧ ᑳ ᐅᔨᑯᑖᒋᐠ ᐅ ᓇᐢᐱᓯᒋᑲᓂᔨᐊᐧ ᐅ ᒪᓂᑐᑳᓂᐋᐧᐊᐧ; ᐁᑯᓯ ᑭ ᑲ ᓂᓯᐊᐧᓈᒋᐦᑖᐋᐧᓈᐋᐧᐤ ᐅ ᐃᐧᔪᐃᐧᓂᐋᐧᐤ ᐁᑯᑕ ᐅᐦᒋ. 4ᓇᒪᐃᐧᔭ ᐁᑯᓯ ᑭ ᑲ ᐃᑐᑕᐋᐧᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ. 5ᒫᑲ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑫ ᓇᐊᐧᓱᓇᕽ ᓈᐣᑕᐤ ᐃᑕ ᐯᔭᐠ ᑳ ᐸᐯᐢᑭᑐᑌᐃᐧᓯᔦᐠ ᐁᑯᑕ ᑭᑕ ᐊᐢᑖᐟ ᐅ ᐃᐧᔪᐃᐧᐣ, ᐃᑕ ᐃᓴ ᐱᑯ ᑫ ᐃᐧᑭᐟ ᑭ ᑲ ᓇᑐᓀᓈᐋᐧᐤ, ᒥᓇ ᐁᑯᑕ ᑭ ᑲ ᐃᑐᐦᑖᓈᐋᐧᐤ; 6ᐁᑯᑕ ᒫᑲ ᑫ ᐯᑖᔦᐠ ᑭ ᒪᒍᐢᑌᐦᐊᒫᑫᐃᐧᓂᐋᐧᐊᐧ, ᒥᓇ ᑭ ᐸᑭᑎᓈᓱᐃᐧᓂᐋᐧᐊᐧ, ᒥᓇ ᐯᔭᐠ ᒥᑖᑕᐦᐟ ᐅᐦᒋ ᑳ ᐃᑕᑭᑕᒫᑲᐃᐧᔦᐠ, ᒥᓇ ᑯᐦᐱᓈᓱᐃᐧᓂᐋᐧᐊᐧ, ᒥᓇ ᑭ ᑭᐦᒋᐃᑌᐧᐃᐧᓂᐋᐧᐊᐧ, ᒥᓇ ᑭ ᑌᐯᔨᒧᐃᐧ ᐸᑭᑎᓈᓱᐃᐧᓂᐋᐧᐊᐧ, ᐅ ᓂᐢᑕᒥᓂᑖᐃᐧᑭᐋᑲᓂᐋᐧᐊᐧ ᑭ ᒧᐢᑐᓱᒥᐋᐧᐊᐧᐠ ᒥᓇ ᑭ ᒫᔭᑎᐦᑯᒥᐋᐧᐊᐧᐠ; 7ᐁᑯᑕ ᒫᑲ ᑭ ᑲ ᒥᒋᓱᓈᐋᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭ ᑲ ᒥᔭᐋᐧᑎᑯᐃᑯᓈᐋᐧᐤ ᒫᑲ ᑲᐦᑭᔭᐤ ᑫᑲᐧᐩ ᑳ ᓵᒥᓇᒣᐠ, ᑭᔭᐋᐧᐤ ᒥᓇ ᑳ ᑕᐦᑐᑫᔦᐠ, ᐃᑕ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᓴᐁᐧᔨᒥᐢᐠ. 8ᓇᒪᐃᐧᔭ ᑭ ᑲ ᐃᑐᑌᓈᐋᐧᐤ ᑖᐱᐢᑯᐨ ᑳ ᐃᑐᑕᒣᐠ ᐅᑕ ᐊᓄᐦᐨ ᑳ ᑭᓯᑳᐠ, ᑲᐦᑭᔭᐤ ᐊᐃᐧᔭᐠ ᐱᑯ ᐊᓂᒪ ᐁ ᐃᓯ ᒥᔮᐧᐱᓯᒥᑲᐟ. 9ᒋᑫᒫ ᓇᒣᐢᑲᐧ ᑯᑎᑌᓈᐋᐧᐤ ᐊᔦᐧᐱᐃᐧᐣ ᒥᓇ ᐊᓂᒪ ᑎᐯᔨᒋᑲᐣ, ᑳ ᒥᔨᑯᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ. 10ᒫᑲ ᐃᐢᐱ ᑭ ᐋᓱᐊᐧᐦᐊᒣᑯ ᒑᕒᑕᐣ, ᒥᓇ ᐅᐟ ᐃᐦᑖᐃᐧᓂᔦᑯ ᐊᓂᑕ ᐊᐢᑭᕽ ᑳ ᒥᔨᑯᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭᑕ ᑎᐯᔨᐦᑕᒣᐠ ᒥᓇ ᐳᓂᐃᑯᔦᑳᐧᐃᐧ ᑭ ᓄᑎᓈᑲᓂᐋᐧᐊᐧ ᐋᐧᐢᑲ ᑳ ᐊᔮᒋᐠ ᐁᑯᓯ ᐊᐧᐋᐧᓇᐢᑫᔦᑯ; 11ᐁᑲᐧ ᑭᑕ ᐃᐦᑭᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑫ ᓇᐊᐧᓱᓇᕽ ᐁᑯᑕ ᐅ ᐃᐧᔪᐃᐧᐣ ᑭᑕ ᐊᔮᔨᐠ, ᐁᑯᑕ ᑫ ᐯᑖᔦᐠ ᑲᐦᑭᔭᐤ ᑳ ᑭ ᐃᑕᓱᐋᐧᑎᑕᑯᐠ; ᑭ ᒪᒍᐢᑌᐦᐊᒫᑫᐃᐧᓂᐋᐧᐊᐧ, ᒥᓇ ᑭ ᐸᑭᑎᓈᓱᐃᐧᓂᐋᐧᐊᐧ, ᐯᔭᐠ ᒥᑖᑕᐦᐟ ᐅᐦᒋ ᑳ ᐃᑕᑭᑕᒫᑲᐃᐧᔦᐠ, ᒥᓇ ᑯᐦᐱᓈᓱᐃᐧᓂᐋᐧᐊᐧ, ᒥᓇ ᑲᐦᑭᔭᐤ ᓇᐊᐧᓱ ᑭ ᑭᐦᒋᐃᑌᐧᐃᐧᓂᐋᐧᐊᐧ ᑳ ᑭᐦᒋᐃᑖᔦᐠ ᑳ ᑎᐯᔨᐦᒋᑫᐟ; 12ᐁᑯᓯ ᑭ ᑲ ᒥᔭᐋᐧᑌᓈᐋᐧᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭᔭᐋᐧᐤ ᒥᓇ ᑭᑯᓯᓯᐋᐧᐊᐧᐠ, ᒥᓇ ᑭᑖᓂᓯᐋᐧᐊᐧᐠ, ᒥᓇ ᑭᐟ ᐊᑐᐢᑫᔮᑲᓂᐋᐧᐊᐧᐠ, ᒥᓇ ᑭᐟ ᐊᑐᐢᑫᔮᑲᓂᐢᑫᐧᒥᐋᐧᐊᐧᐠ, ᒥᓇ ᐊᓇ ᓬᐃᐸᐃᐟ ᑳ ᐱᑐᑳᐢᐠ, ᒋᑫᒫ ᐁᑳ ᐁ ᐊᔮᐟ ᐸᐦᑫᐧᓇᒫᑯᐃᐧᐣ ᐊᐦᐳ ᑎᐯᔨᒋᑲᐣ ᑭᑭ ᑭᔭ. 13ᒣᔮᑳᒼ ᐁᑳ ᑭᑕ ᐸᑭᑎᓇᒪᐣ ᑭ ᒪᒍᐢᑌᐦᐊᒫᑫᐃᐧᓇ ᐱᑯ ᐃᑕ ᐁ ᐋᐧᐸᐦᑕᒪᐣ; 14ᒫᑲ ᐃᑕ ᑳ ᑎᐯᔨᐦᒋᑫᐟ ᑫ ᓇᐊᐧᓱᓇᕽ ᐯᔭᑲᐧᔭᐠ ᑳ ᐱᐢᑭᑐᑌᐃᐧᓯᔭᐣ, ᐁᑯᑕ ᑫ ᐸᑭᑎᓇᒪᐣ ᑭ ᒪᒍᐢᑌᐦᐊᒫᑫᐃᐧᓇ, ᒥᓇ ᐁᑯᑕ ᑫ ᐃᑐᑕᒪᐣ ᑲᐦᑭᔭᐤ ᑳ ᐃᑕᓱᐋᐧᑎᑖᐣ. 15ᐁᔨᐁᐧᕽ ᐋᑕᐃᐧᔭ ᑭᔮᒼ ᑭ ᑲ ᓂᐸᑖᐣ ᒥᓇ ᑭ ᑲ ᒥᒋᐣ ᐃᐧᔮᐢ ᑭᑭᕽ, ᐱᑯ ᑫᑲᐧᐩ ᐁ ᓇᑕᐁᐧᔨᑕᕽ ᑭᐟ ᐊᐦᒑᕽ, ᐁ ᐃᓯ ᓴᐁᐧᔨᒥᐢᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᒥᔨᐢᐠ; ᐁᑳ ᑳ ᐯᑭᓯᐟ ᒥᓇ ᑳ ᐯᑭᓯᐟ ᑭᑕ ᑭ ᒥᒋᐤ ᐁᐊᐧᑫᐧᔨᐤ ᐋᐧᐋᐧᐢᑫᓯᐤ ᐊᐦᐳ ᐊᑎᕽ. 16#ᒉᓂᓯᐢ 9:4; ᓬᐃᐱᑎᑲᐢ 7:26,27; 17:10-14; 19:26; ᑎᔪᑕᕒᐊᓇᒥ 15:23ᐱᑯ ᒥᐦᑯ ᓇᒪᐃᐧᔭ ᑭ ᑲ ᒥᒋᓈᐋᐧᐤ, ᒫᑲ ᑭ ᑲ ᓯᑭᓀᓈᐋᐧᐤ ᐊᐢᑭᕽ ᑖᐱᐢᑯᐨ ᓂᐱ.
17ᓇᒪᐃᐧᔭ ᐱᐦᒋ ᑭᐟ ᐃᐢᑳᐧᑌᒥᕽ ᑭ ᑲ ᒥᒋᐣ ᐊᓂᒪ ᐯᔭᐠ ᒥᑖᑕᐦᐟ ᐅᐦᒋ ᑳ ᐃᑕᑭᑕᒫᑲᐃᐧᔭᐣ ᑭ ᐸᐦᑫᐧᓯᑲᓂᑳᐣ, ᐊᐦᐳ ᑭ ᓱᒥᓈᐳᒼ, ᐊᐦᐳ ᑭ ᐱᒥᒼ, ᐊᐦᐳ ᐅ ᓂᐢᑕᒥᓂᑖᐃᐧᑭᐋᑲᓇ ᑭ ᒧᐢᑐᓱᒼ ᐊᐦᐳ ᑭ ᒫᔭᑎᐦᑯᒼ, ᐊᐦᐳ ᓈᐣᑕᐤ ᑭ ᑭᐦᒋᐃᑌᐧᐃᐧᓇ ᑳ ᑭ ᑭᐦᒋᐃᑌᐧᔭᐣ, ᐊᐦᐳ ᑭ ᑌᐯᔨᒧᐃᐧ ᐸᑭᑎᓈᓱᐃᐧᓇ, ᐊᐦᐳ ᑯᐦᐱᓈᓱᐃᐧᓇ; 18ᒫᑲ ᑭ ᑲ ᒥᒋᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑫ ᓇᐊᐧᓱᓇᕽ ᐁᑯᑕ ᑭᑕ ᐊᐢᑖᐟ ᐋ ᐃᐧᔪᐃᐧᐣ, ᑭᔭ, ᒥᓇ ᑭᑯᓯᐢ, ᒥᓇ ᑭᑖᓂᐢ, ᑭᐟ ᐊᑐᐢᑫᔮᑲᐣ, ᒥᓇ ᑭᐟ ᐊᑐᐢᑫᔮᑲᓂᐢᑫᐧᒼ, ᒥᓇ ᐊᓇ ᓬᐃᐸᐃᐟ ᑳ ᐱᑐᑳᐢᐠ; ᐁᑯᓯ ᑭ ᑲ ᒥᔭᐋᐧᑎᑯᐃᑯᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑲᐦᑭᔭᐤ ᑫᑲᐧᐩ ᑳ ᓵᒥᓇᒪᐣ. 19ᒣᔮᑳᐧᒼ, ᐁᑳ ᑭᑕ ᐊᐧᓂᑭᐢᑭᓯᑐᑕᐊᐧᐟ ᓬᐃᐸᐃᐟ ᐃᔨᑯᕽ ᑫ ᐱᒫᑎᓯᔭᐣ ᑭᐟ ᐊᐢᑭᕽ.
20ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓵᑖᒋ ᐁ ᐃᐢᑯ ᐅᑕᐢᑭᔭᐣ, ᑳ ᑭ ᐃᓯ ᐊᓱᑕᒫᐢᐠ ᐃᑌᐧᔭᓂ ᒫᑲ, ᓂ ᑲ ᒥᒋᐣ ᐃᐧᔮᐢ, ᒋᑫᒫ ᑭᐟ ᐊᐦᒑᕽ ᐁ ᓄᑌ ᒥᒋᐟ ᐃᐧᔮᐢ; ᑭ ᑲ ᑭ ᒥᒋᐣ ᐃᐧᔮᐢ, ᐱᑭᐧᔨᑯᕽ ᐁ ᓇᑕᐁᐧᔨᑕᕽ ᑭᐟ ᐊᐦᒑᕽ. 21ᑭᐢᐱᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᓇᐊᐧᓱᓇᕽ ᐁᑯᑕ ᑭᑕ ᐊᐢᑖᐟ ᐅ ᐃᐧᔪᐃᐧᐣ ᐅᓵᒼ ᐋᐧᔭᐤ ᐊᔮᑭ, ᐁᑲᐧ ᑭ ᑲ ᓂᐸᐦᐋᐤ ᑭ ᒧᐢᑐᓱᒼ ᐊᐦᐳ ᑭ ᒫᔭᑎᐦᑯᒼ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᒥᔨᐢᐠ, ᑖᐱᐢᑯᐨ ᑳ ᑭ ᐃᑕᓱᐋᐧᑎᑖᐣ, ᑭ ᑲ ᑭ ᒥᒋᐣ ᒫᑲ ᐱᐦᒋ ᑭᐟ ᐃᐢᑳᐧᑌᒥᕽ ᐱᑯ ᑫᑲᐧᐩ ᑭᐟ ᐊᐦᒑᕽ ᐁ ᐊᑳᐋᐧᑕᕽ. 22ᑖᐱᐢᑯᐨ ᐋᐧᐋᐧᐢᑫᓯᐤ ᒥᓇ ᐊᑎᕽ ᑳ ᐃᓯ ᒧᐃᐧᐦᐟ, ᐁᑯᓯ ᑭ ᑲ ᐃᓯ ᒥᒋᐣ, ᐁᑳ ᑳ ᐯᑭᓯᐟ ᒥᓇ ᑳ ᐯᑭᓯᐟ ᑖᐱᐢᑯᐨ ᑭᑕ ᑭ ᒥᒋᐊᐧᐠ. 23#ᓬᐃᐱᑎᑲᐢ 17:10-14ᐱᑯ ᑫᐦᒋᓇ ᓇᒪᐃᐧᔭ ᑭ ᑲ ᒥᒋᐣ ᒥᐦᑯ; ᒋᑫᒫ ᒥᐦᑯ ᐁᐊᐧᑯ ᐱᒫᑎᓯᐃᐧᐣ; ᐁᑯᓯ ᓇᒪᐃᐧᔭ ᑭ ᑲ ᒥᒋᐣ ᐱᒫᑎᓯᐃᐧᐣ ᑭᑭ ᐃᐧᔮᐢ. 24ᓇᒪᐃᐧᔭ ᑭ ᑲ ᒥᒋᐣ; ᑭ ᑲ ᓯᑭᓀᐣ ᒧᐦᒋᕽ ᑖᐱᐢᑯᐨ ᓂᐱ. 25ᓇᒪᐃᐧᔭ ᑭ ᑲ ᒥᒋᐣ; ᑭᑕ ᒥᔪᐸᔨᐃᑯᔭᐣ ᑭᔭ, ᒥᓇ ᑭᐟ ᐊᐋᐧᓯᒥᓴᐠ ᐋᓂᐢᑫ, ᑭᐢᐱᐣ ᐃᑐᑕᒪᓂ ᐊᓂᒪ ᑳ ᑲᐧᔭᐢᑲᐧᕽ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ. 26ᐱᑯ ᐊᓂᐦᐃ ᑳ ᑲᓈᑕᑭ ᑳ ᐊᔮᔭᐣ, ᒥᓇ ᑭ ᑭᐦᒋᐃᑌᐧᐃᐧᓇ ᑭ ᑲ ᐅᑎᓀᐣ ᒥᓇ ᑭ ᑲ ᐃᑐᑕᑖᐣ ᐃᑕ ᐊᓂᒪ ᑳ ᑎᐯᔨᐦᒋᑫᐟ ᑫ ᓇᐊᐧᓱᓇᕽ. 27ᐁᑯᓯ ᑭ ᑲ ᐸᑭᑎᓀᐣ ᑭ ᒪᒍᐢᑌᐦᐊᒫᑫᐃᐧᓇ, ᐃᐧᔮᐢ ᒥᓇ ᒥᐦᑯ, ᐅ ᐸᑭᑎᓈᓱᐃᐧᓈᐱᐢᑯᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭ ᑲ ᒥᒋᐣ ᒫᑲ ᐃᐧᔮᐢ. 28ᓈᑲᑌᔨᑕ ᒥᓇ ᓇᑐᐦᑕ ᑲᐦᑭᔭᐤ ᐅᐦᐃ ᐃᑌᐧᐃᐧᓇ ᑳ ᐃᑕᓱᐋᐧᑎᑖᐣ, ᑭᑕ ᒥᔪᐸᔨᐃᑯᔮᐣ ᑭᔭ, ᒥᓇ ᑭᐟ ᐊᐋᐧᓯᒥᓴᐠ ᐋᓂᐢᑫ ᑳᑭᑫ, ᑭᐢᐱᐣ ᐃᑐᑕᒪᓂ ᐊᓂᒪ ᑳ ᒥᔮᐧᓯᐠ ᒥᓇ ᑳ ᑲᐧᔭᐢᑲᐧᕽ ᐁ ᐃᓯ ᐋᐸᑕᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᐣ.
29ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᓂᓯᐊᐧᓈᒋᐦᐋᒋ ᑭ ᓂᑳᓂᒥᕽ ᓇᓈᑐᑯᐢᑳᐣ ᐊᔨᓯᔨᓂᐊᐧ ᐃᑌ ᐅᒪ ᑳ ᐃᑐᐦᑌᔭᐣ ᑭᑕ ᑎᐯᔨᒪᒋᐠ, ᐁᑯᓯ ᑎᐯᔨᒪᑖᐧᐃᐧ, ᒥᓇ ᐅᐟ ᐃᐦᑖᐃᐧᓂᔭᓂ ᐅᐟ ᐊᐢᑭᐋᐧᕽ; 30ᒣᔮᑳᐧᒼ ᐁᑳ ᑭᑕ ᐁᐧᐱᐃᑲᐃᐧᔭᐣ ᑭᑕ ᑭᐢᑭᓇᐋᐧᐸᒪᒋᐠ, ᑭ ᓂᓯᐊᐧᓈᒋᐃᐦᑖᐧᐃᐧ ᑭ ᓂᑳᓂᒥᕽ ᐅᐦᒋ; ᐁᑯᓯ ᐁᑳᐃᐧᔭ ᑳᑫᐧᒋᑫᒪ ᐅ ᒪᓂᑐᑳᓂᐋᐧᐊᐧ ᐅᐦᒋ, ᑭᑕ ᐃᑌᐧᔭᐣ, ᑖᓂᓯ ᐅᑭ ᐊᔨᓯᔨᓂᐊᐧᐠ ᑳ ᐃᓯ ᐊᑐᐢᑲᐋᐧᒋᐠ ᐅ ᒪᓂᑐᒥᐋᐧᐊᐧ? ᐁᑯᓯ ᓂᐢᑕ ᑫ ᐃᑐᑕᒫᐣ. 31ᓇᒪᐃᐧᔭ ᐁᑯᓯ ᑭ ᑲ ᐃᑐᑕᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᒋᑫᒫ ᑲᐦᑭᔭᐤ ᑫᑲᐧᐩ ᑳ ᐁᐧᐢᑖᑌᔨᑕᕽ ᑳ ᑎᐯᔨᐦᒋᑫᐟ, ᑳ ᐸᑳᐧᑕᕽ ᐁᑯᓯ ᑭ ᐃᑐᑕᐁᐧᐊᐧᐠ ᐅ ᒪᓂᑐᒥᐋᐧᐊᐧ; ᒋᑫᒫ ᐋᐧᐋᐧᐨ ᐅᑯᓯᓯᐋᐧᐊᐧ ᒥᓇ ᐅᑖᓂᓯᐋᐧᐊᐧ ᐃᐢᑯᑌᕽ ᒪᒍᐢᑌᐊᒪᐁᐧᐊᐧᐠ ᐅ ᒪᓂᑐᒥᐋᐧᐊᐧ.
32 #
ᑎᔪᑕᕒᐊᓇᒥ 4:2; ᑭᐢᑫᔨᐦᑖᑯᐦᑫᐃᐧᐣ 22:18,19 ᐊᓂᒪ ᐱᑯ ᑫᑲᐧᐩ ᑳ ᐃᑕᓱᐋᐧᑎᑕᑯᐠ, ᐁᐊᐧᑯ ᑫ ᐃᑐᑕᒣᐠ; ᓇᒪᐃᐧᔭ ᑭ ᑲ ᔭᑭᑖᓈᐋᐧᐤ ᒥᓇ ᓇᒪᐃᐧᔭ ᑭ ᑲ ᐊᒋᐃᐧᓀᓈᐋᐧᐤ.
Currently Selected:
ᑎᔪᑕᕒᐊᓇᒥ 12: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
