ᑎᔪᑕᕒᐊᓇᒥ 11
11
1ᐁᐊᐧᑯ ᒫᑲ ᐅᐦᒋ ᑭ ᑲ ᓵᑭᐦᐋᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᒥᓇ ᑭ ᑲ ᑲᓀᐧᔨᑕᒫᐧᐣ ᐅᐟ ᐊᔮᑳᐧᒥᒥᐁᐧᐃᐧᐣ, ᒥᓇ ᐅ ᑲᑫᐢᑫᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᒥᓇ ᐅᐟ ᐃᑕᓱᐁᐧᐃᐧᓇ, ᑳᑭᑫ. 2ᑭᐢᑫᔨᑕᒧᐠ ᒫᑲ ᐊᓄᐦᐨ ᑳ ᑭᓯᑳᐠ; ᒋᑫᒫ ᓇᒪᐃᐧᔭ ᓂᐟ ᐊᔭᒥᐦᐋᐊᐧᐠ ᑭᐟ ᐊᐋᐧᓯᒥᓯᐋᐧᐊᐧᐠ ᐊᓂᑭ ᐁᑳ ᑳ ᑭ ᑭᐢᑫᔨᑕᐦᑭᐠ, ᒥᓇ ᐁᑳ ᑳ ᑭ ᐋᐧᐸᐦᑕᐦᑭᐠ ᐅ ᐸᐸᓴᐢᑌᐅᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᐅ ᑭᐦᒑᔨᐃᐧᐃᐧᐣ, ᐅ ᓱᑭᒋᐦᒉᐃᐧᐣ, ᒥᓇ ᐅ ᓱᐃᐧᓂᐢᑫᐃᐧᐣ, 3#ᐁᐠᓴᑕᐢ 7:8—12:13ᒥᓇ ᐅ ᐋᐧᐸᐦᑕᐦᐃᐁᐧᐃᐧᓇ, ᒥᓇ ᐅᐟ ᐃᓯᐦᒋᑫᐃᐧᓇ, ᒣᑳᐧᐨ ᐃᒋᑊᑎᕽ ᑳ ᑭ ᐃᑐᑕᐋᐧᐟ ᐯᕒᐅᐊᐧ ᐃᒋᑊᐟ ᑭᐦᒋ ᐅᑭᒫᐊᐧ, ᒥᓇ ᒥᓯᐁᐧ ᐅᐟ ᐊᐢᑭᔨᐤ. 4#ᐁᐠᓴᑕᐢ 14:28ᒥᓇ ᑳ ᑭ ᐃᑐᑕᐋᐧᐟ ᐃᒋᑊᐟ ᐅᓄᑎᓂᑫᐊᐧ, ᐅ ᒥᐢᑕᑎᒧᒥᔨᐊᐧ, ᒥᓇ ᐅᑎᑎᐱᑖᐹᓈᐢᑯᔨᐊᐧ; ᑳ ᑭ ᐃᑐᑕᕽ ᓂᐱ ᒥᐦᑳᐧᑲᒥᐃᐧ ᐃᐧᓂᐯᑯᕽ ᑭᑕ ᐊᔨᐃᐧᐯᐢᑳᑯᔨᐟ ᒣᑳᐧᐨ ᐁ ᓇᐊᐧᓵᐧᑎᑯᔦᑳᐧᐤ, ᐁᑯᓯ ᑳ ᑎᐯᔨᐦᒋᑫᐟ ᑳ ᑭ ᐃᓯ ᓂᓯᐊᐧᓈᒋᐦᐋᐟ ᐱᔨᐢ ᐊᓄᐦᐨ ᑳ ᑭᓯᑳᐠ. 5ᒥᓇ ᑳ ᑭ ᐃᑐᑖᑯᔦᐠ ᐱᑲᐧᑕᐢᑭᕽ ᐱᔨᐢ ᐅᑕ ᐁ ᑕᑯᓯᓂᔦᐠ. 6#ᓇᒼᐸᕒᐢ 16:31,32ᒥᓇ ᑳ ᑭ ᐃᑐᑕᐋᐧᐟ ᐊᓂᐦᐃ ᑌᑖᐣ, ᒥᓇ ᐊᐸᐃᕒᐋᒼ, ᐅᑯᓯᓴ ᐃᓬᐃᔮᑊ, ᐅᑯᓯᓴ ᕒᐅᐱᐣ; ᑳ ᑭ ᐃᓯ ᑖᐊᐧᑎᒪᑲᕽ ᐊᐢᑭ ᐁᑯᓯ ᑳ ᑭ ᑯᐦᒋᐸᔨᐃᑯᒋᐠ, ᒥᓇ ᑳ ᑕᐦᑐᑫᒋᐠ, ᒥᓇ ᐃᐧᑭᐋᐧᐊᐧ, ᒥᓇ ᑲᐦᑭᔭᐤ ᑳ ᐱᒫᑎᓯᔨᐟ ᑳ ᐱᒥᑎᓴᐦᐅᑯᒋᐠ, ᒣᑳᐧᐨ ᐁᑯᑕ ᐃᐢᕒᐁᐃᓬ. 7ᒫᑲ ᑭ ᑭ ᐋᐧᐸᐦᑌᓈᐋᐧᐤ ᑭᐢᑭᓯᑯᐋᐧᐊᐧ ᐅᐦᒋ ᐊᓂᒪ ᑭᐦᒋ ᐊᑐᐢᑫᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐃᑐᑕᕽ.
8ᐁᐊᐧᑯ ᒫᑲ ᐅᐦᒋ ᑭ ᑲ ᑲᓀᐧᔨᑌᓈᐋᐧᐤ ᑲᐦᑭᔭᐤ ᐊᓂᒪ ᐃᑕᓱᐁᐧᐃᐧᐣ ᑳ ᐃᑕᓱᐋᑎᑕᑯᐠ ᐊᓄᐦᐨ ᑳ ᑭᓯᑳᐠ, ᑭᑕ ᒪᐢᑲᐃᐧᓯᔦᐠ, ᒥᓇ ᑭᑕ ᓇᑕᐃᐧ ᑎᐯᔨᐦᑕᒣᐠ ᐊᐢᑭ ᐊᓂᒪ ᑳ ᓈᑕᒣᐠ ᑭᑕ ᑎᐯᔨᐦᑕᒣᐠ; 9ᒥᓇ ᑭᑕ ᑭᓈᐧᑖᔦᐠ ᐃᔨᑯᕽ ᑫ ᐅ ᑭᓯᑳᒥᔦᐠ ᐁᑯᑕ ᐊᐢᑭᕽ, ᑳ ᑎᐯᔨᐦᒋᑫᐟ ᑳ ᑭ ᑭᐦᒋᐃᑖᐟ ᑯᑖᐃᐧᐋᐧᐊᐧ ᑭᑕ ᒥᔮᐟ ᒥᓇ ᐅᐟ ᐊᐋᐧᓯᒥᓯᔨᐊᐧ, ᐊᐢᑭ ᐁ ᐱᒥᒋᐊᐧᕽ ᑐᑐᓵᐳ ᒥᓇ ᐋᒧᓯᓯᐹᐢᑲᐧᐟ. 10ᒋᑫᒫ ᐊᓂᒪ ᐊᐢᑭ ᑳ ᓈᑕᒪᐣ ᑭᑕ ᑎᐯᔨᐦᑕᒪᐣ, ᓇᒪᐃᐧᔭ ᑖᐱᐢᑯᐨ ᐃᒋᑊᐟ ᐊᐢᑭ, ᐃᑌ ᑳ ᑭ ᐯ ᐅᐦᑐᑌᔦᐠ, ᐃᑕ ᑳ ᐸᑭᑎᓇᒪᐣ ᑭ ᑭᐢᑎᑲᓇ ᐁᑯᓯ ᑳ ᐊᐃᐧᐢᑖᐹᐊᐧᑖᔭᐣ ᑭᓯᐟ ᐅᐦᒋ, ᑖᐱᐢᑯᐨ ᐱᐃᐧᑭᐢᑎᑳᓇ ᑳ ᐅᐦᐱᑭᑖᕽ. 11ᒫᑲ ᐊᓂᒪ ᐊᐢᑭ ᑳ ᓈᑕᒣᐠ ᑭᑕ ᓇᑕᐃᐧ ᑎᐯᔨᐦᑕᒣᐠ, ᑐᐃᐧ ᐊᐢᑭ ᑳ ᐊᐧᒋᐊᐧᕽ ᒥᓇ ᑳ ᐋᐧᔮᒪᑎᓈᐠ, ᑳ ᒥᓂᐦᑫᐧᒪᑲᕽ ᓂᐱ ᑭᓯᑯᕽ ᐁ ᐅᐦᒋ ᑭᒥᐊᐧᕽ; 12ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᐸᐱᓯᐢᑫᔨᑕᕽ; ᑕᐦᑭᓀ ᑲᓇᐋᐧᐸᐦᑕᒼ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᐁ ᒫᒋᐸᔨᐠ ᐊᐢᑭᐃᐧᐣ ᐅᐦᒋ ᐱᔨᐢ ᐁ ᑭᓯᐱᐸᔨᐠ.
13 #
ᓬᐃᐱᑎᑲᐢ 26:3-5; ᑎᔪᑕᕒᐊᓇᒥ 7:12-16; 28:1-14 ᑭᑕ ᐃᐦᑭᐣ ᒫᑲ ᑭᐢᐱᐣ ᐋᐦᑲᒥ ᓇᑐᐦᑕᒣᑯ ᓂᐟ ᐃᑕᓱᐁᐧᐃᐧᓇ ᑳ ᐃᑕᓱᐋᐧᑎᑕᑯᐠ ᐊᓄᐦᐨ ᑳ ᑭᓯᑳᐠ, ᑭᑕ ᓵᑭᐦᐋᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᒥᓇ ᑭᑕ ᐊᑐᐢᑲᐋᐧᔦᐠ ᒥᓯᐁᐧ ᑭᑌᐦᐃᐊᐧᕽ ᒥᓇ ᒥᓯᐁᐧ ᑭᐟ ᐊᐦᒑᐦᑯᐋᐧᕽ, 14ᑭ ᑲ ᒥᔨᑎᓈᐋᐧᐤ ᑭᒥᐊᐧᐣ ᑭᐟ ᐊᐢᑭᐊᐧᕽ ᐁ ᐋᐃᐢᐱᑖᔭᐊᐧᕽ, ᐊᓂᒪ ᓂᐢᑕᒼ ᑳ ᑭᒥᐊᐧᕽ ᒥᓇ ᐊᓂᒪ ᐃᐢᑳᐧᔮᐨ ᑳ ᑭᒥᐊᐧᕽ, ᑭᑕ ᑭ ᒫᐊᐧᒋᒋᑫᔭᐣ ᑭ ᐸᐦᑫᐧᓯᑲᓂᑳᐣ ᒥᓇ ᑭ ᓱᒥᓈᐳᒼ ᒥᓇ ᑭ ᐱᒥᒼ. 15ᓂ ᑲ ᒣᑭᐣ ᒫᑲ ᒪᐢᑯᓯᔭ ᑭᐟ ᐊᐢᑭᕽ ᑭ ᐱᓯᐢᑭᒪᐠ ᐅᐦᒋ, ᐁᑯᓯ ᑭ ᑲ ᒥᒋᓱᐣ ᒥᓇ ᑭ ᑲ ᑭᐢᐳᐣ. 16ᐊᔮᑳᐧᒥᓯᐠ ᒫᑲ, ᐁᑳ ᑭᑕ ᐊᐧᔦᓯᑖᕽ ᑭᑌᐦ, ᐁᑯᓯ ᑭᑕ ᐸᐢᑫᔭᐣ, ᒥᓇ ᑭᑕ ᐊᑐᐢᑲᐊᐧᒋᐠ ᑯᑕᑲᐠ ᒪᓂᑐᐊᐧᐠ ᒥᓇ ᑭᑕ ᑳᑭᓯᒧᑐᑕᐊᐧᒋᐠ. 17ᐁᑯᓯ ᑳ ᑎᐯᔨᐦᒋᑫᐟ ᑭᑕ ᑭᓯᐢᑖᑯᔦᐠ, ᐁᑯᓯ ᑭᑕ ᑭᐸᐊᕽ ᑭᓯᐠ ᐁᑳ ᑭᑕ ᑭᒥᐊᐧᕽ, ᐁᑯᓯ ᐊᐢᑭ ᐁᑳ ᑭᑕ ᓂᐦᑖᐃᐧᑭᒋᑫᒪᑲᕽ; ᒥᓇ ᑭᔨᐸ ᑭᑕ ᓂᓯᐊᐧᓈᑎᓯᔦᐠ ᐊᓂᑕ ᒥᔪ ᐊᐢᑭᕽ ᑳ ᑎᐯᔨᐦᒋᑫᐟ ᑳ ᑭ ᒥᔨᑯᔦᐠ.
18 #
ᑎᔪᑕᕒᐊᓇᒥ 6:6-9
ᐁᐊᐧᑯ ᒫᑲ ᐅᐦᒋ ᑭ ᑲ ᑲᓇᐁᐧᔨᑌᓈᐋᐧᐤ ᐅᐦᐃ ᓂᐟ ᐃᑌᐧᐃᐧᓇ ᑭᑌᐦᐃᐋᐧᕽ ᒥᓇ ᑭᐟ ᐊᐦᒑᐦᑯᐋᐧᕽ; ᒥᓇ ᑭ ᑲ ᑕᐦᑯᐱᑌᓈᐋᐧᐤ ᑭᑕ ᒪᓇ ᑭᐢᑭᓇᐋᐧᒋᐅᔦᐠ ᑭᒋᐦᒋᐋᐧᕽ, ᒥᓇ ᑭᑕ ᑭᑭᐢᑲᒣᐠ ᑭᐢᑲᑎᑯᐋᐧᕽ ᑕᐢᑕᐃᐧᐨ ᑭᐢᑭᓯᑯᐋᐧᕽ. 19ᒥᓇ ᑭ ᑲ ᑭᐢᑭᓄᐦᐊᒪᐋᐧᐋᐧᐊᐧᐠ ᑭᐟ ᐊᐋᐧᓯᒥᓯᐋᐧᐊᐧᐠ, ᐁ ᑕᓯᑕᒪᐣ, ᐁᐱᔭᓂ ᑭᑭᕽ, ᐯᒧᑌᔭᓂ ᒣᐢᑲᓈᕽ, ᓀᐃᓯᓂᔭᓂ, ᒥᓇ ᐁᐧᓂᐢᑳᔭᓂ. 20ᐁᑯᓯ ᑭ ᑲ ᒪᓯᓇᐁᐣ ᒋᒪᒋᑲᓂᕽ ᐁ ᐃᐢᑳᐧᑌᒥᐊᐧᕽ ᑭ ᐋᐧᐢᑳᐦᐃᑲᐣ, ᒥᓇ ᑭ ᑭᐦᒋᐃᐢᑳᐧᑌᒥᕽ. 21ᑭ ᑭᓯᑳᒥᐋᐧᐊᐧ ᑭᑕ ᒥᐦᒉᑎᑭ, ᒥᓇ ᐅ ᑭᓯᑳᒥᐋᐧᐊᐧ ᑭᐟ ᐊᐋᐧᓯᒥᓯᐋᐧᐊᐧᐠ, ᐁᑯᑕ ᐊᐢᑭᕽ ᑳ ᑎᐯᔨᐦᒋᑫᐟ ᑳ ᑭ ᑭᐦᒋᐃᑖᐟ ᑯᑖᐃᐧᐋᐧᐊᐧ ᑭᑕ ᒥᔮᐟ, ᑖᐱᐢᑯᐨ ᑭᓯᑳᐊᐧ ᑭᓯᑯᕽ ᐃᐢᐱᒥᕽ ᐊᐢᑭᕽ. 22ᒋᑫᒫ ᑭᐢᐱᐣ ᐋᐦᑲᒥᑲᓀᐧᔨᑕᒣᑯ ᑲᐦᑭᔭᐤ ᐅᒪ ᐃᑕᓱᐁᐧᐃᐧᐣ ᑳ ᐃᑕᓱᐋᐧᑎᑕᑯᐠ, ᑭᑕ ᐃᑐᑕᒣᐠ; ᑭᑕ ᓵᑭᐦᐋᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑭᑕ ᐱᒧᑖᑐᑕᒫᐧᔦᐠ ᑲᐦᑭᔭᐤ ᐅᐟ ᐃᑖᑎᓯᐃᐧᓇ, ᒥᓇ ᑭᑕ ᒥᒋᒥᓈᔦᐠ. 23ᐁᑲᐧ ᑳ ᑎᐯᔨᐦᒋᑫᐟ ᑭᑕ ᐊᐧᔭᐃᐧᑎᓴᐁᐧᐤ ᑲᐦᑭᔭᐤ ᐅᐦᐃ ᐊᔨᓯᔨᓂᐊᐧ ᑭ ᓂᑳᓂᒥᐊᐧᕽ, ᐁᑯᓯ ᑭ ᑲ ᑎᐯᔨᒫᐋᐧᐊᐧᐠ ᐊᔨᓯᔨᓂᐊᐧᐠ ᐊᔨᐋᐧᐠ ᐁ ᑭᐦᒑᔨᐃᐧᒋᐠ ᒥᓇ ᐁ ᒪᐢᑲᐃᐧᓯᒋᐠ ᐃᔨᑯᕽ ᑭᔭᐋᐧᐤ. 24#ᒑᐢᔪᐊ 1:3-5ᒥᓯᐁᐧ ᐃᑕ ᑫ ᑕᐦᑯᐢᑳᑕᒣᐠ ᑭᓯᑎᐋᐧᐤ ᐅᐦᒋ ᑭ ᑲ ᐊᔮᓈᐋᐧᐤ; ᐱᑲᐧᑕᐢᑭᕽ ᐅᐦᒋ ᒥᓇ ᓬᐁᐱᓇᐣ, ᓯᐱᕽ ᐅᐦᒋ, ᐊᓂᒪ ᓯᐱ ᔪᐸᕒᐁᑎᐢ, ᐱᔨᐢ ᐁᐢᑯ ᐊᔮᐠ ᑭᐦᒋᑲᒥ ᑭ ᑲ ᓴᐢᑳᑕᐁᐧ ᐊᔮᓈᐋᐧᐤ. 25ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭ ᑲ ᑭ ᐅᐦᑎᐢᑲᐃᐧᑳᐸᐃᐧᐢᑖᑯᐋᐧᐤ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭᑕ ᐃᑕᐢᑖᐤ ᑭᑕ ᑯᓯᑫᐧᔨᒥᑲᐃᐧᔦᐠ ᒥᓇ ᑭᑕ ᑯᐢᑎᑲᐃᐧᔦᐠ ᒥᓯᐁᐧ ᐊᐢᑭᕽ ᑫ ᓵᒥᐢᑲᒣᐠ, ᑳ ᑭ ᐃᑎᑯᔦᐠ.
26ᒫᑎᑲ, ᑯᔭᐢᑕᒫᑎᓈᐋᐧᐤ ᐊᓄᐦᐨ ᑳ ᑭᓯᑳᐠ ᓴᐁᐧᔨᒥᑯᐃᐧᐣ ᒥᓇ ᓈᓂᐳᒥᑯᐃᐧᐣ; 27ᓴᐁᐧᔨᒥᑯᐃᐧᐣ, ᑭᐢᐱᐣ ᓇᑐᐦᑕᒣᑯ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᑳ ᐃᑕᓱᐋᐧᑎᑕᑯᐠ ᐊᓄᐦᐨ ᑳᑭᓯᑳᐠ; 28ᒥᓇ ᓈᓂᐳᒥᑯᐃᐧᐣ, ᑭᐢᐱᐣ ᐁᑳ ᓇᑐᐦᑕᒫᐧᔦᑯ ᐅᐟ ᐃᑕᓱᐁᐧᐃᐧᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᒫᑲ ᐸᐢᑫᔦᑯ ᐊᓂᒪ ᑳ ᐃᑕᓱᐋᐧᑎᑕᑯᐠ ᐊᓄᐦᐨ ᑳ ᑭᓯᑳᐠ, ᑭᑕ ᐱᒥᑎᓴᐦᐋᐧᔦᑯᐠ ᑯᑕᑲᐠ ᒪᓂᑐᐊᐧᐠ ᐊᓂᑭ ᐁᑳ ᑳ ᑭ ᑭᐢᑫᔨᒫᔦᑯᐠ.
29 #
ᑎᔪᑕᕒᐊᓇᒥ 27:11-14; ᒑᐢᔪᐊ 8:33-35 ᑭᑕ ᐃᐦᑭᐣ ᒫᑲ ᐃᐢᐱ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑕᑯᑕᐃᐢᑭ ᐊᐢᑭᕽ ᑳ ᐃᑐᐦᑌᔭᐣ ᑭᑕ ᓇᑕᐃᐧ ᑎᐯᔨᐦᑕᒪᐣ, ᑭ ᑲ ᐊᐢᑖᐣ ᓴᐁᐧᔨᒥᐁᐧᐃᐧᐣ ᑫᕒᐃᓯᒼ ᐊᐧᒋᕽ, ᒥᓇ ᓈᓂᐳᒥᐁᐧᐃᐧᐣ ᐃᐸᓬ ᐊᐧᒋᕽ. 30ᓇᒪ ᒋ ᐊᑳᒥᕽ ᒑᕒᑕᓂᕽ ᐊᔮᐊᐧ, ᐊᐊᐧᓵᔨᕽ ᐃᑌᐦᑫ ᑳ ᐸᐦᑭᓯᒧᐠ, ᑫᓇᓇᐃᑕᐠ ᐅᐟ ᐊᐢᑭᐊᐧᕽ ᐊᓂᑭ ᑳ ᐅᐟ ᐃᐦᑖᐃᐧᓂᒋᐠ ᐊᓂᑕ ᐋᕒᐊᐸ, ᑎᐱᐢᑯᐨ ᑭᓬᑳᓬ, ᒋᑭ ᒧᕒᐃ ᒪᐢᑲᐋᐧᑎᑲᐧᐠ? 31ᒋᑫᒫ ᑭ ᑲ ᐋᓱᐊᐁᓈᐋᐧᐤ ᒑᕒᑕᐣ ᑭᑕ ᓇᑕᐃᐧ ᑎᐯᔨᐦᑕᒣᐠ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᒥᔨᑯᔦᐠ, ᐁᑯᓯ ᑭ ᑲ ᑎᐯᔨᑌᓈᐋᐧᐤ ᒥᓇ ᑭ ᑲ ᐅᐟ ᐃᐦᑖᐃᐧᓂᓈᐋᐧᐤ ᐁᑯᑕ. 32ᑭ ᑲ ᓈᑲᑌᔨᑌᓈᐋᐧᐤ ᒫᑲ ᑭᑕ ᐃᑐᑕᒣᐠ ᑲᐦᑭᔭᐤ ᑲᑫᐢᑫᐧᐃᐧᓇ ᒥᓇ ᐅᔭᓱᐋᐧᓯᐁᐧᐃᐧᓇ ᑳ ᐅᔮᐢᑖᐧᑕᑯᐠ ᐊᓄᐦᐨ ᑳ ᑭᓯᑳᐠ.
Currently Selected:
ᑎᔪᑕᕒᐊᓇᒥ 11: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
