ᑎᔪᑕᕒᐊᓇᒥ 1
1
1ᐁᐊᐧᑯᓂ ᐅᐦᐃ ᐃᑌᐧᐃᐧᓇ ᒧᓯᐢ ᑳ ᑭ ᐃᐧᑕᒪᐋᐧᐟ ᑲᐦᑭᔭᐤ ᐃᐢᕒᐁᐃᓬ ᐊᑳᒥᕽ ᒑᕒᑕᐣ ᐱᑲᐧᑕᐢᑭᕽ ᐊᓂᑕ ᐋᕒᐊᐸ ᑎᐱᐢᑯᐨ ᓴᐦᑊ, ᑕᐢᑕᐋᐧᔨᕽ ᐯᕒᐋᐣ, ᒥᓇ ᑖᐦᐱᓬ, ᒥᓇ ᓬᐁᐹᐣ, ᒥᓇ ᐦᐋᓴᕒᐋᐦᐟ, ᒥᓇ ᑎᓴᐦᐋᑊ. 2ᒥᑖᑕᐦᐟ ᐯᔭᑯᓵᑊ ᑕᐦᑐ ᑭᓯᑫᐧᔮᐤ ᐁ ᐱᒧᐦᑌᐅᕽ ᐦᐋᕒᐃᑊ ᐅᐦᒋ ᓯᔭᕒ ᐊᐧᒋᕽ ᑳ ᐃᑕᒧᐠ ᒣᐢᑲᓇᐤ ᐃᐢᑯ ᑫᑎᐢ ᐹᕒᓂᔭ. 3ᑭ ᐊᔨᑭᐣ ᒫᑲ ᓀᒥᑕᓇᐤ ᐁ ᑕᐦᑐ ᐊᐢᑭᐊᐧᕽ, ᒥᑖᑕᐦᐟ ᐯᔭᑯᓵᑊ ᐱᓯᒼ, ᐁ ᒫᑕᑭᒥᐦᐟ ᐱᓯᒼ, ᒧᓯᐢ ᑭ ᐊᔭᒥᐦᐁᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐁ ᐃᑕᐢᑌᔨᐠ ᑲᐦᑭᔭᐤ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐋᐧᑎᑯᐟ ᑭᑕ ᐃᐧᐦᑕᒪᐊᐧᐟ; 4#ᓇᒼᐸᕒᐢ 21:21-35ᒣᐧᐢᑕᐢ ᐃᔨᑯᕽ ᐁ ᑭ ᓂᐸᐦᐋᐟ ᐊᓂᐦᐃ ᓯᐦᐋᐣ, ᐋᒪᕒᐊᐃᑕᐠ ᐅ ᑭᐦᒋ ᐅᑭᒫᒥᐋᐧᐊᐧ, ᑳ ᑭ ᐅᐟ ᐃᐦᑖᐃᐧᓂᐟ ᐦᐁᐢᐸᓂᕽ, ᒥᓇ ᐋᐠ, ᐯᓵᐣ ᑭᐦᒋ ᐅᑭᒫᐤ, ᑳ ᑭ ᐅᐟ ᐃᐦᑖᐃᐧᓂᐟ ᐊᐢᑌᕒᐅᐟ, ᐊᓂᑕ ᐁᑕᕒᐃᐊᐩ: 5ᐊᑳᒥᕽ ᒑᕒᑕᐣ, ᒧᐋᑊ ᐊᐢᑭᕽ, ᒧᓯᐢ ᑭ ᒫᒋ ᐃᐧᐦᑕᒪᐁᐧᐤ ᐅᒪ ᐅᔭᓱᐁᐧᐃᐧᐣ, ᐁ ᐃᑌᐧᐟ, 6ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑭ ᑭ ᐊᔭᒥᐃᑯᓇᐤ ᐊᓂᑕ ᐦᐋᕒᐃᑊ, ᐁ ᐃᑌᐧᐟ, ᐁᑯᔨᑯᕽ ᑭᓀᐧᐢ ᑭ ᑭ ᐊᔮᓈᐋᐧᐤ ᐅᑕ ᐊᐧᒋᕽ. 7ᑫᐧᐢᑭᐠ ᐁᑲᐧ ᒥᓇ ᓯᐯᐧᐱᒋᐠ, ᒥᓇ ᐃᑐᐦᑌᐠ ᐃᑕ ᑳ ᐊᐧᒋᐊᐧᓂᔨᐠ ᐅᐟ ᐊᐢᑭᐋᐧᐤ ᐋᒪᕒᐊᐃᑕᐠ, ᒥᓇ ᒥᓯᐁᐧ ᑭᓯᐊᐧᐠ ᐁᑯᑕ, ᐊᓂᑕ ᐋᕒᐊᐸ, ᐊᐧᒋᕽ ᒥᓇ ᓂᑕᑎᐣ ᒥᓇ ᓵᐊᐧᓄᑖᕽ, ᒥᓇ ᒋᑭ ᑭᐦᒋᑲᒥᕽ, ᐅᐟ ᐊᐢᑭᐋᐧᐤ ᑫᓇᓇᐃᑕᐠ, ᒥᓇ ᓬᐁᐱᓇᐣ ᐃᐢᑯ ᐊᓂᒪ ᑭᐦᒋ ᓯᐱ, ᔪᐸᕒᐁᑎᐢ ᓯᐱ. 8ᒫᑎᑲ, ᑭ ᑭ ᐅᑎᐢᑲᐊᐧᐢᑖᐧᑎᓈᐋᐧᐤ ᐊᐢᑭ; ᓇᑕᐃᐧ ᐱᐦᑐᑫᐠ ᒥᓇ ᑎᐯᔨᐦᑕᒧᐠ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑳ ᑭ ᑭᐦᒋᐃᑖᐟ ᑯᑖᐃᐧᐋᐧᐊᐧ ᐁᑊᕒᐁᐋᒼ, ᐋᐃᓴᐠ, ᒥᓇ ᒉᑲᑊ, ᑭᑕ ᒥᔮᐟ ᒥᓇ ᐅ ᓂᐦᑖᐃᐧᑭᐦᐋᑲᓂᔨᐊᐧ ᑫ ᐋᓂᐢᑫᐢᑲᒫᑯᔨᐟ.
9ᐁᑯᓯ ᑭ ᑭ ᐊᔭᒥᐃᑎᓈᐋᐧᐤ ᐁᑯᐢᐱ ᐁ ᐃᑌᐧᔮᐣ, ᓇᒪᐃᐧᔭ ᓂ ᑲᐢᑭᑖᐣ ᑭᑕ ᐯᔭᑯ ᐱᒧᑕᐦᐃᑕᑯᐠ. 10ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᑭ ᒥᐦᒉᑐᐃᑯᐋᐧᐤ, ᐁᑯᓯ, ᒫᑎᑲ, ᐊᓄᐦᐨ ᑳ ᑭᓯᑳᐠ ᑭᐟ ᐃᓯ ᐊᔮᓈᐋᐧᐤ ᑖᐱᐢᑯᐨ ᐊᒐᐦᑯᓴᐠ ᑭᓯᑯᕽ ᐁ ᐃᓯ ᒥᐦᒉᑎᔦᐠ. 11ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᑯᑖᐃᐧᐋᐧᐊᐧᐠ ᑭᐦᒋᒥᑕᐦᑐᒥᑕᓇᐁᐧᐋᐧᐤ ᑭ ᑲ ᐃᐧ ᐊᔨᐋᐧᐠ ᒥᐦᒉᑐᐃᑯᐋᐧᐤ ᑳ ᐃᑕᓯᔦᐠ, ᒥᓇ ᑭ ᑲ ᐃᐧ ᓴᐁᐧᔨᒥᑯᐋᐧᐤ, ᑳ ᑭ ᐃᓯ ᐊᓱᑕᒫᑯᔦᐠ! 12ᑖᓂᓯ ᐃᐧᔭ ᓂᔭ ᑫ ᑭ ᐃᓯ ᐯᔭᑯ ᓇᔭᑕᒫᐣ ᑭᐟ ᐋᑫᐧᐱᓯᐃᐧᓂᐋᐧᐤ, ᒥᓇ ᑭ ᓇᔭᒋᑲᓂᐋᐧᐤ, ᒥᓇ ᑭ ᓇᔦᑕᐁᐧᔨᑕᒧᐃᐧᓂᐋᐧᐊᐧ? 13ᐅᑎᓂᑯᐠ ᐁ ᐃᔨᓂᓯᒋᐠ ᐊᔨᓯᔨᓂᐊᐧᐠ, ᒥᓇ ᐁ ᐅ ᓂᓯᑐᐦᑕᒧᐃᐧᓂᒋᐠ, ᒥᓇ ᐁ ᑭᐢᑫᔨᑖᑯᓯᒋᐠ, ᐁ ᐋᔨᑕᐦᑐᑌᐃᐧᓯᔦᐠ, ᐁᑯᓯ ᓂ ᑲ ᐅᔭᑭᒪᐊᐧᐠ ᑭᑕ ᓂᑲᓂᐢᑲᒫᑯᔦᑯᐠ. 14ᐁᑯᓯ ᑭ ᑭ ᓇᐢᑫᐧᐊᐧᓯᒥᓈᐋᐧᐤ, ᒥᓇ ᑭ ᑭ ᐃᑖᐧᓈᐋᐧᐤ, ᐊᓂᒪ ᑳ ᑭ ᐃᑌᐧᔭᐣ ᒥᔮᐧᓯᐣ ᑭᑕ ᐃᑐᑕᒫᕽ. 15ᐁᑯᓯ ᒫᑲ ᓂ ᑭ ᐅᑎᓈᐋᐧᐠ ᑳ ᓂᑳᓀᔨᑖᑯᓯᒋᐠ ᐁ ᐃᑕᐦᑐᑌᐃᐧᓯᔦᐠ, ᐁ ᐃᔨᓂᓯᒋᐠ ᐊᔨᓯᔨᓂᐊᐧᐠ, ᒥᓇ ᐁ ᑭᐢᑫᔨᑖᑯᓯᒋᐠ, ᓂ ᑭ ᐅᔭᑭᒫᐊᐧᐠ ᒫᑲ ᑭᑕ ᑎᐯᔨᒥᑯᔦᑯᐠ ᑭᑕ ᑎᐯᔨᒫᒋᐠ ᑭᐦᒋᒥᑖᐦᑐᒥᑕᓇᐤ, ᒥᓇ ᑭᑕ ᑎᐯᔨᒫᒋᐠ ᒫᒥᑖᐦᑐᒥᑕᓇᐤ, ᒥᓇ ᑭᑕ ᑎᐯᔨᒫᒋᐠ ᓈᓂᔮᓇᓄᒥᑕᓇᐤ, ᒥᓇ ᑭᑕ ᑎᐯᔨᒫᒋᐠ ᒫᒥᑖᑕᐦᐟ, ᒥᓇ ᐅᑭᒫᐊᐧᐠ ᐁ ᐋᐃᑕᐦᑐᑌᐃᐧᓯᔦᐠ. 16ᐁᑯᓯ ᓂ ᑭ ᐊᔮᑳᐧᒥᒫᐊᐧᐠ ᑯᔭᓱᐁᐧᐃᐧᔨᓂᒥᐋᐧᐊᐧᐠ ᐁᑯᐢᐱ, ᐁ ᐃᑌᐧᔮᐣ, ᓇᑐᐦᑖᑯᐠ ᐁ ᐃᑌᐧᒋᐠ ᐋᔨᑕᐤ ᑭᒋᐋᐧᒥᐋᐧᐊᐧᐠ, ᐁᑯᓯ ᑲᐧᔮᐢᐠ ᐅᔭᓱᐋᐧᑎᕽ ᐊᔨᓯᔨᓂᐤ ᒥᓇ ᐅᒋᐋᐧᒪ, ᒥᓇ ᐊᓂᐦᐃ ᒫᓂᑌᐊᐧ ᑳ ᐃᐧᒋᐊᔮᒥᑯᐟ. 17ᓇᒪᐃᐧᔭ ᑭ ᑲ ᑯᓯᑫᐧᔨᒫᐋᐧᐤ ᐊᔨᓯᔨᓂᐤ ᐁ ᐅᔭᓱᐁᐧᔦᐠ; ᒫᑲ ᑭ ᑲ ᓇᑐᐦᑕᐊᐧᐋᐧᐤ ᑳ ᐊᐱᐢᑌᔨᑖᑯᓯᐟ ᒥᓇ ᑳ ᑭᐢᑌᔨᑖᑯᓯᐟ ᑖᐱᐢᑯᐨ; ᓇᒪᐃᐧᔭ ᑭ ᑲ ᑯᐢᑕᐋᐧᐤ ᐊᔨᓯᔨᓂᐤ ᐁ ᐃᓯ ᑲᓇᐋᐧᐸᒥᑯᔦᐠ; ᒋᑫᒫ ᐅᔭᓱᐋᐧᓯᐁᐧᐃᐧᐣ ᐃᐧᔭ ᑭᓭᒪᓂᑐ ᐊᔮᐤ; ᐁᑯᓯ ᐊᓂᒪ ᑭᔭᐋᐧᐤ ᐅᓴᒼ ᐋᔨᒪᐣ ᑳ ᐃᑌᔨᑕᒣᐠ ᑭ ᑲ ᐯᑕᒪᐃᐧᓈᐋᐧᐤ ᐁᑯᓯ ᓂᔭ ᓂ ᑲ ᐯᐦᑌᐣ. 18ᐁᑯᓯ ᑭ ᑭ ᐃᑕᓱᐋᐧᑎᑎᓈᐋᐧᐤ ᐁᑯᐢᐱ ᑲᐦᑭᔭᐤ ᐊᓂᐦᐃ ᑫ ᐃᑐᑕᒣᐠ.
19ᑭ ᑭ ᓯᐯᐧᐱᒋᓈᓇᐤ ᒫᑲ ᐦᐋᕒᐃᑊ ᐅᐦᒋ, ᐁᑯᓯ ᓵᐳ ᑭ ᑭ ᐱᒧᑖᓈᓇᐤ ᐊᓂᒪ ᑳ ᒥᓵᐠ ᒥᓇ ᑳ ᑯᐢᑖᑌᔨᑖᑲᐧᕽ ᐱᑲᐧᑕᐢᑭ ᑳ ᑭ ᐋᐧᐸᐦᑕᒣᐠ, ᐁ ᐊᑎ ᐃᑐᐦᑌᔭᕽ ᑳ ᐊᐧᒋᐊᐧᓂᔨᐠ ᐅᐟ ᐊᐢᑭᐋᐧᐤ ᐋᒪᕒᐊᐃᑕᐠ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑳ ᑭ ᐃᑕᓱᐋᐧᑎᑯᔭᕽ; ᐁᑯᓯ ᑭ ᑭ ᐅᑎᑌᓈᓇᐤ ᑫᑎᐢ ᐹᕒᓂᔭ. 20ᐁᑯᓯ ᑭ ᑭ ᐃᑎᑎᓈᐋᐧᐤ, ᑯᑎᐦᑌᓈᐋᐧᐤ ᑳ ᐊᐧᒋᐊᐧᓂᔨᐠ ᐅᐟ ᐊᐢᑭᐋᐧᐤ ᐋᒪᕒᐊᐃᑕᐠ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑳ ᒥᔨᑯᔭᕽ. 21ᒫᑎᑲ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑭ ᐅᐦᑎᐢᑲᐊᐧᐢᑖᐧᐠ ᐊᐢᑭ; ᐃᑐᐦᑌ, ᓇᑕᐃᐧ ᐅᑎᓇ, ᑳ ᑭ ᐃᑎᐢᐠ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ ᑯᑖᐃᐧᔭᐠ; ᐁᑳᐃᐧᔭ ᓭᑭᓯ ᒥᓇ ᐁᑳᐃᐧᔭ ᓵᑫᐧᔨᒧ.
22ᐁᑯᓯ ᑭᓯᐋᐧᐠ ᑭ ᑭ ᐯ ᓈᓯᓈᐋᐧᐤ ᑲᐦᑭᔭᐤ ᐁ ᐃᑕᓯᔦᐠ, ᒥᓇ ᑭ ᑭ ᐃᑖᐧᓈᐋᐧᐤ, ᑭᔮᒼ ᓂᑳᐣ ᐃᓯᑎᓴᐋᐧᑖᓂᐠ ᓈᐯᐊᐧᐠ ᑭᑕ ᓇᑕᐋᐧᑖᒋᐠ ᐊᐢᑭ ᑭᔮᓇᐤ ᐅᐦᒋ, ᐁᑯᓯ ᑳᐃᐧ ᑭᑕ ᐯ ᐃᐧᐦᑕᒫᑯᔭᑯᐠ ᑖᓂᑌ ᑫ ᐊᑎ ᐃᑐᐦᑌᔭᕽ, ᒥᓇ ᐅᑌᓇᐊᐧ ᑫ ᐊᑎ ᐅᑎᑕᒪᕽ. 23ᐊᓂᒪ ᒫᑲ ᑳ ᐃᑌᐧᔦᐠ ᓂ ᑭ ᒥᔦᐧᔨᑌᐣ, ᐁᑯᓯ ᓂ ᑭ ᐅᑎᓈᐋᐧᐠ ᒥᑖᑕᐦᐟ ᓂᓱᓵᑊ ᓈᐯᐊᐧᐠ ᑭᔭᐋᐧᐤ ᐅᐦᒋ, ᐯᔭᐠ ᓈᐯᐤ ᐯᔭᐠ ᐱᐢᑭᑐᑌᐃᐧᓯᐃᐧᐣ ᐅᐦᒋ. 24ᑭ ᑫᐧᐢᑭᐊᐧᐠ ᒫᑲ ᐁᑯᓯ ᑭ ᐊᑎ ᐋᒪᒋᐁᐧᐊᐧᐠ ᐊᐧᒋ, ᑭ ᐅᑎᐦᑕᒪᐧᐠ ᒫᑲ ᐋᐧᔮᒪᑎᓈᐤ ᐁᐢᑲᓬ, ᒥᓇ ᑭ ᓇᑕᐋᐧᑖᐊᐧᐠ. 25ᑭ ᐅᑎᓇᒪᐧᐠ ᒫᑲ ᐁ ᐃᓯ ᒥᓂᓯᐊᐧᓂᔨᐠ ᐊᐢᑭ ᐅᒋᐦᒋᐋᐧᕽ ᐁᑯᓯ ᐁ ᑭ ᐯᑕᒫᑯᔭᑯᐠ, ᒥᓇ ᑭ ᐃᑌᐧᐊᐧᐠ, ᒥᔮᐧᓯᐣ ᐊᓂᒪ ᐊᐢᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑳ ᑭ ᒥᔨᑯᔭᕽ.
26 #
ᑎᔪᑕᕒᐊᓇᒥ 9:23; ᐦᐃᐸᕒᐅᐊᐧ 3:16 ᐁᔨᐁᐧᕽ ᒫᑲ ᓇᒪᐃᐧᔭ ᑭ ᐃᐧ ᐃᑐᐦᑖᓈᐋᐧᐤ, ᒫᑲ ᑭ ᑭ ᐋᑕᐁᐧᔨᑕᒫᐧᓈᐋᐧᐤ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ. 27ᑭ ᑭ ᐊᔪᑌᐧᐁᐧᑖᓈᐋᐧᐤ ᒫᑲ ᑭᑭᐊᐧᕽ, ᐅᒥᓯ ᐁ ᐃᑌᐧᔦᐠ, ᒋᑫᒫ ᑳ ᑎᐯᔨᐦᒋᑫᐟ ᐁ ᐸᑳᐧᑎᑯᔭᕽ, ᑳ ᑭ ᐅᐦᒋ ᐯ ᓯᐯᐧᑕᐃᑯᔭᕽ ᐃᒋᑊᐟ ᐊᐢᑭᕽ, ᑭᑕ ᐸᑭᑎᓂᑯᔭᕽ ᐅᒋᐦᒋᔨᕽ ᐋᒪᕒᐊᐃᑕ ᑭᑕ ᓂᓯᐊᐧᓈᒋᐦᐃᑯᐋᐧᔭᕽ. 28ᑖᓂᑌ ᐅᒪ ᑳ ᐃᐧ ᐃᑐᐦᑌᔭᕽ? ᑭᒋᐋᐧᒥᓇᐊᐧᐠ ᑭ ᓵᑯᑌᐦᐁᐃᑯᓇᐊᐧᐠ, ᐁ ᐃᑌᐧᒋᐠ, ᐊᓂᑭ ᐊᔨᓯᔨᓂᐊᐧᐠ ᐊᐊᐧᓯᒣ ᒥᓯᑭᑎᐊᐧᐠ ᒥᓇ ᐊᐊᐧᓯᒣ ᑭᓄᑳᐸᐃᐧᐊᐧᐠ ᐃᔨᑯᕽ ᑭᔮᓇᐤ; ᐅᑌᓇᐊᐧ ᒥᓵᐊᐧ ᒥᓇ ᒣᓂᐢᑭᑲᑌᐊᐧ ᑭᓯᑯᕽ ᐃᓯ; ᐁᑯᓯ ᒥᓇ ᓂ ᑭ ᐋᐧᐸᒥᒫᓈᓇ ᐅᑯᓯᓯᐋᐧᐊᐧ ᐊᓂᑭ ᐁᓈᑭᒼ ᐁᑯᑕ. 29ᐁᑲᐧ ᒫᑲ ᑭ ᑭ ᐃᑎᑎᓈᐋᐧᐤ, ᐁᑳᐃᐧᔭ ᓵᑫᐧᔨᒧᐠ ᒥᓇ ᐁᑳᐃᐧᔭ ᑯᐢᑎᑯᐠ. 30ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑳ ᓂᑳᓄᑖᑯᔦᐠ, ᑭ ᑲ ᓄᑎᓂᑫᐢᑕᒫᑯᐋᐧᐤ, ᑖᐱᐢᑯᐨ ᑲᐦᑭᔭᐤ ᑳ ᑭ ᐊᔨᑐᑕᒫᑯᔦᐠ ᐃᒋᑊᑎᕽ ᐁ ᐋᐧᐸᐦᑕᒣᐠ; 31#ᐃᓯᐦᒋᑫᐃᐧᓂᐋᐧᐊᐧ 13:18ᒥᓇ ᐱᑲᐧᑕᐢᑭᕽ, ᐃᑕ ᑳ ᑭ ᐋᐧᐸᐦᑕᒪᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐁ ᐃᓯ ᐱᒧᑕᐃᐢᐠ, ᑖᐱᐢᑯᐨ ᐊᔨᓯᔨᓂᐤ ᑳ ᐃᓯ ᐱᒧᑕᐋᐟ ᐅᑯᓯᓴ ᐃᑌ ᑳ ᑭ ᐸᐹ ᐊᔨᑐᑌᔦᐠ ᐱᔨᐢ ᐅᑕ ᐁ ᐅᑎᑕᒣᐠ. 32#ᐦᐃᐸᕒᐅᐊᐧ 3:19ᐁᔨᐁᐧᕽ ᒫᑲ ᐅᒪ ᐅᐦᒋ ᓇᒪᐃᐧᔭ ᑭ ᑭ ᑖᐯᐧᑕᐋᐧᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ; 33ᐊᓇ ᑳ ᑭ ᓂᑳᓄᑖᑯᔦᐠ ᐃᑌ ᐁ ᐃᑐᐦᑌᔦᐠ ᑭᑕ ᓇᑐᓇᕽ ᐃᑕ ᑭᑕ ᑲᐯᓯᔦᐠ, ᐃᐢᑯᑌᐤ ᐅᐦᒋ ᐁ ᑎᐱᐢᑳᐠ, ᑭᑕ ᐋᐧᐸᐦᑕᐦᐃᑯᔦᐠ ᐃᑌ ᑭᑕ ᐃᑐᐦᑌᔦᐠ, ᒥᓇ ᐊᐧᐢᑯ ᐅᐦᒋ ᐁ ᑭᓯᑳᐠ.
34 #
ᐦᐃᐸᕒᐅᐊᐧ 3:18
ᑳ ᑎᐯᔨᐦᒋᑫᐟ ᒫᑲ ᑭ ᐯᑕᒼ ᑳ ᐊᔨᑌᐧᔦᐠ, ᐁᑯᓯ ᑭ ᑭᓯᐋᐧᓯᐤ, ᒥᓇ ᑭ ᑭᐦᒋᐃᑌᐧᐤ, ᐅᒥᓯ ᐁ ᐃᑌᐧᐟ, 35ᑫᐦᒋᓈ ᓇᒪᐋᐧᐨ ᐯᔭᐠ ᐅᑭ ᐊᔨᓯᔨᓂᐊᐧᐠ ᑳ ᒪᒑᔨᐃᐧᒋᐠ ᐊᓄᐦᐨ ᑳ ᐱᒫᑎᓯᒋᐠ ᑭᑕ ᐋᐧᐸᐦᑕᒪᐧᐠ ᐊᓂᒪ ᒥᔪ ᐊᐢᑭ, ᑳ ᑭ ᑭᐦᒋᐃᑌᐧᔮᐣ ᑭᑕ ᒥᔭᑭᐠ ᑯᑖᐃᐧᐋᐧᐊᐧᐠ, 36ᐱᑯ ᑫᓬᐃᑊ ᐅᑯᓯᓴ ᒉᐸᓂ, ᐁᐊᐧᑯ ᑭᑕ ᐋᐧᐸᐦᑕᒼ; ᒥᓇ ᐁᐊᐧᑯ ᓂ ᑲ ᒥᔭᐤ ᐊᓂᒪ ᐊᐢᑭ ᑳ ᑭ ᑖᑕᑯᐢᑳᑕᕽ. ᐊᓯᒋ ᐅᐟ ᐊᐋᐧᓯᒥᓴ; ᒋᑫᒫ ᒥᑐᓂ ᐁ ᑭ ᐱᒥᑎᓴᐋᐧᐟ ᑳ ᑎᐯᔨᐦᒋᑫᔨᐟ. 37ᐁᑯᓯ ᑳ ᑎᐯᔨᐦᒋᑫᐟ ᓂᐢᑕ ᓂ ᑭ ᑭᓯᐢᑖᐠ ᑭᔭᐋᐧᐤ ᐅᐦᒋ, ᐁ ᐃᑌᐧᐟ, ᑭᐢᑕ ᓇᒪᐃᐧᔭ ᐁᑯᑌ ᑭ ᑲ ᐃᑐᐦᑖᐣ; 38ᒑᐢᔪᐊ ᐅᑯᓯᓴ ᓇᐣ ᑳ ᐅᐦᑎᐢᑲᐃᐧᑳᐸᐃᐧᐢᑖᐢᐠ, ᐁᐊᐧᑯ ᑭᑕ ᐱᐦᑐᑫᐤ ᐁᑯᑕ; ᓯᐦᑭᐢᑲᐤ ᐁᐊᐧᑯ; ᒋᑫᒫ ᐁᐊᐧᑯ ᑫ ᑎᐯᔨᐦᑕᒧᐋᐟ ᐃᐢᕒᐁᐃᓬᐊ ᐊᓂᒪ ᐊᐢᑭ. 39ᐁᑯᓯ ᒥᓇ ᑯᐢᑲᐋᐧᓯᓯᒥᐋᐧᐊᐧᐠ ᑳ ᑭ ᐃᑌᐧᔦᐠ ᑭᑕ ᒪᓇᐊᐧᑳᑎᐦᒋᐠ, ᒥᓇ ᑭᐟ ᐊᐋᐧᓯᒥᓯᐋᐧᐊᐧᐠ ᐊᓄᐦᐨ ᑳ ᑭᓯᑳᐠ ᐁᑳ ᑳ ᑭᐢᑫᔨᑕᐦᑭᐠ ᑳ ᒥᔮᐧᓯᐠ ᒥᓇ ᑳ ᒫᔮᑕᕽ, ᐁᐊᐧᑯᓂᐠ ᐁᑯᑌ ᑭᑕ ᐱᐦᑐᑫᐊᐧᐠ, ᐁᑯᓯ ᐁᐊᐧᑯᓂᐠ ᓂ ᑲ ᒥᔮᐊᐧᐠ ᐁᐊᐧᑯᓂᐠ ᒫᑲ ᑭᑕ ᐊᔮᐊᐧᐠ. 40ᒫᑲ ᐃᐧᔭ ᑭᔭᐋᐧᐤ, ᑫᐧᐢᑭᐠ, ᒥᓇ ᐃᐢᐱᒋᐠ ᒥᐦᑳᐧᑲᒥᐃᐧ ᐃᐧᓂᐯᑯᕽ ᐃᓯ.
41ᐁᑲᐧ ᑭ ᑭ ᓇᐢᑫᐧᐊᐧᓯᒥᓈᐋᐧᐤ ᒥᓇ ᑭ ᑭ ᐃᑖᐧᓈᐋᐧᐤ, ᓂ ᑭ ᐊᐧᓂᑐᑕᐋᐧᓈᐣ ᑳ ᑎᐯᔨᐦᒋᑫᐟ, ᓂ ᑲ ᓇᑕᐃᐧ ᓄᑎᓂᑳᓈᐣ, ᐁ ᐃᑕᐢᑌᐠ ᑲᐦᑭᔭᐤ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑳ ᑭ ᐃᑕᓱᐊᐧᑎᑯᔮᕽ. ᑭ ᑭ ᐸᑲᐧᑌᐦᐅᑐᑌᓈᐋᐧᐤ ᒫᑲ ᑲᐦᑭᔭᐤ ᑳ ᐃᑕᓯᔦᐠ ᑭᐟ ᐊᓱᐃᐧᓂᐋᐧᐊᐧ ᑳ ᓄᑎᓂᑳᑫᔦᐠ, ᐁᑯᓯ ᑭ ᑭ ᒋᑫᔨᒧᓈᐋᐧᐣ ᑭᑕ ᐋᒪᒋᐁᐧᔦᐠ. 42ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᐅᒥᓯ ᑭ ᑲ ᐃᑖᐊᐧᐠ, ᐁᑳᐃᐧᔭ ᐋᒪᒋᐁᐧᐠ, ᒥᓇ ᐁᑳᐃᐧᔭ ᓄᑎᓂᑫᐠ; ᒋᑫᒫ ᓇᒪᐃᐧᔭ ᑭ ᐃᐧᒉᐃᐧᑎᓈᐋᐧᐤ; ᐁᑳ ᑭᑕ ᓂᐸᐦᐃᑯᔦᑯᐠ ᑭ ᓄᑎᓈᑲᓂᐋᐧᐊᐧᐠ. 43ᐁᑯᓯ ᑭ ᑭ ᐃᐧᐦᑕᒫᑎᓈᐋᐧᐤ, ᒫᑲ ᓇᒪᐃᐧᔭ ᑭ ᑭ ᓇᑐᐦᑌᓈᐋᐧᐤ; ᐁᑯᓯ ᑭ ᑭ ᐋᑕᐁᐧᔨᑕᒫᐧᓈᐋᐧᐤ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ, ᒥᓇ ᑭ ᑭ ᐊᔨᐁᐧᐢᑫᓈᐋᐧᐤ, ᐁᑯᓯ ᑭ ᑭ ᐃᑐᐦᑖᓈᐋᐧᐤ ᐊᐧᒋᕽ. 44ᐊᓂᑭ ᒫᑲ ᐋᒪᕒᐊᐃᑕᐠ, ᑳ ᑭ ᐅᐟ ᐃᐦᑖᐃᐧᓂᒋᐠ ᐁᑯᑕ ᐊᐧᒋᕽ ᑭ ᑭ ᐯ ᒪᐃᐧᓀᐅᑯᐋᐧᐊᐧᐠ ᒥᓇ ᐁ ᑭ ᓇᐊᐧᐢᐋᐧᑎᑯᔦᑯᐠ ᑖᐱᐢᑯᐨ ᐋᒧᐊᐧᐠ ᑳ ᑐᑕᐦᑭᐠ, ᐁᑯᓯ ᐁ ᑭ ᓂᓯᐊᐧᓈᒋᐦᐃᑯᔦᑯᐠ ᐁᑯᑕ ᐊᓂᒪ ᓯᔭᕒ ᐱᔨᐢ ᐦᐋᕒᒪ ᐃᐢᑯ. 45ᑭ ᑭ ᐯ ᑭᐋᐧᓈᐋᐧᐤ ᒫᑲ ᐁᑯᓯ ᐁ ᑭ ᒫᑐᔦᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᒫᑲ ᑳ ᑎᐯᔨᐦᒋᑫᐟ ᓇᒪᐃᐧᔭ ᐃᐧ ᓇᑐᐦᑕᒼ ᑳ ᐃᑌᐧᔦᐠ, ᐊᐦᐳ ᓇᒪᐃᐧᔭ ᑭ ᐃᐧ ᓇᑐᐦᑖᑯᐋᐧᐤ. 46ᐁᑯᓯ ᒫᑲ ᒥᐦᒉᑐᑭᓯᑳᐤ ᑭ ᑭ ᐊᔮᓈᐋᐧᐤ ᐊᓂᑕ ᑫᑎᐢ, ᐁ ᐃᐢᐸᔨᑭ ᑭᓯᑳᐊᐧ ᐁᑯᑕ ᑳ ᑭ ᐊᔮᔦᐠ.
Currently Selected:
ᑎᔪᑕᕒᐊᓇᒥ 1: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
