ᓃᓵᐧᐤ ᓵᒼᔪᐃᓬ 3
3
1ᑭᓀᐧᐢ ᒫᑲ ᑭ ᓄᑎᓂᑐᐊᐧᐠ ᐊᓂᑭ ᐅ ᐋᐧᐢᑳᐦᐃᑲᓂᕽ ᓵᓬ ᒥᓇ ᐊᓂᑭ ᐅ ᐋᐧᐢᑳᐦᐃᑲᓂᕽ ᑌᐱᐟ; ᐁᑯᓯ ᑌᐱᐟ ᐊᔨᐋᐧᐠ ᑕᐦᑭ ᑭ ᐊᑎ ᒪᐢᑲᐃᐧᓯᐤ, ᒫᑲ ᐊᓂᑭ ᐅ ᐋᐧᐢᑳᐦᐃᑲᓂᕽ ᓵᓬ ᐁᔪᑲᒼ ᑭ ᐊᑎ ᓀᓱᐃᐧᓯᐊᐧᐠ.
2ᑌᐱᐟ ᒫᑲ ᑭ ᓂᐦᑖᐃᐧᑭᑕᒪᐋᐧᐤ ᐁ ᐅᑯᓯᓯᐟ ᐁᑯᑕ ᐊᓂᒪ ᐦᐁᐸᕒᐊᐣ; ᐅ ᓂᐢᑕᒧᓵᓇ ᒫᑲ ᐋᒼᓇᐣ, ᐊᓂᐦᐃ ᐋᐦᐃᓄᐊᒼ ᒉᓴᕒᐃᓬ ᐃᐢᑫᐧᐤ ᐅᐦᒋ; 3ᐁᑲᐧ ᐊᓂᐦᐃ ᓂᓱ ᑭᓬᐃᔮᑊ, ᐋᐱᑫᓬ ᐅᐦᒋ ᐃᐧᐊᐧ ᓀᐸᓬ ᐊᓇ ᑳᕒᒥᓬᐊᐃᐟ; ᐁᑲᐧ ᐊᓂᐦᐃ ᓂᐢᑐ ᐋᑊᓴᓬᐊᒼ ᐅᑯᓯᓴ ᒣᐋᑲ ᐅᑖᓂᓴ ᑖᓬᒪᐩ ᑭᓴᕒ ᑭᐦᒋ ᐅᑭᒫᐤ; 4ᐁᑲᐧ ᐊᓂᐦᐃ ᓀᐤ, ᐋᑕᓇᐃᒐ ᐅᑯᓯᓴ ᐦᐋᑭᐦᐟ; ᐁᑲᐧ ᐊᓂᐦᐃ ᓂᔮᓇᐣ ᓭᐦᐸᑖᔭ ᐅᑯᓯᓴ ᐋᐱᑖᓬ; 5ᐁᑲᐧ ᐊᓂᐦᐃ ᓂᑯᑖᐧᓯᐠ ᐃᑕᕒᐃᐊᒼ, ᐁᑲᓬᐊ ᐅᐦᒋ ᑌᐱᐟ ᐃᐧᐊᐧ. ᐅᐦᐃ ᑭ ᓂᐦᑖᐃᐧᑭᑕᒪᐋᐧᐤ ᑌᐱᐟ ᐦᐁᐸᕒᐊᓂᕽ.
6ᑭ ᐊᔨᑭᐣ ᒫᑲ ᒣᑳᐧᐨ ᐁ ᓄᑎᓂᑐᒋᐠ ᓵᓬ ᐅ ᐋᐧᐢᑳᐦᐃᑲᐣ ᒥᓇ ᑌᐱᐟ ᐅ ᐋᐧᐢᑳᐦᐃᑲᐣ ᐋᑊᓇᕒ ᑭ ᓱᑫᔨᑖᑯᐃᓱ ᐅ ᐋᐧᐢᑳᐦᐃᑲᓂᔨᕽ ᓵᓬᐊ. 7ᓵᓬ ᒫᑲ ᑭ ᐊᔮᐁᐧᐤ ᑲᓇᐃᐧᐢᑫᐧᐋᐧᓇ ᕒᐃᐢᐸ ᐁ ᐃᓯᔨᐦᑳᓱᔨᐟ, ᐅᑖᓂᓴ ᐋᔭ; ᐁᑯᓯ ᐃᐢᐸᓭᐦᐟ ᑭ ᐃᑌᐤ ᐋᑊᓇᕒᐊ, ᑖᓀᐦᑭ ᑳ ᐱᑐᑲᐊᐧᐟ ᓄᑖᐃᐧ ᐅ ᑲᓇᐃᐧᐢᑫᐧᐋᐧᓇ? 8ᐁᑲᐧ ᐋᑊᓇᕒ ᒥᐢᑕᐦᐃ ᑭ ᑭᓯᐋᐧᓯᐤ ᐊᓂᒪ ᐁ ᐃᑌᐧᔨᐟ ᐃᐢᐸᓭᐦᐟ, ᑭ ᐃᑌᐧᐤ ᒫᑲ, ᐁᑯᓯ ᒋ ᓂᔭ ᐊᑎᒧᐢᑎᑳᐧᐣ ᒍᑕ ᐁ ᐅᐦᒋ ᑎᐯᔨᑖᑲᐧᕽ? ᐊᓄᐦᐨ ᑳ ᑭᓯᑳᐠ ᓂ ᐋᐧᐸᐦᑕᐦᐃᐋᐧᐣ ᒋ ᐁ ᑭᓭᐋᐧᑐᑕᐊᐧᑭᐠ ᐅ ᐋᐧᐢᑳᐦᐃᑲᓂᕽ ᓵᓬ ᑯᑖᐃᐧ, ᒥᓇ ᐅᒋᐋᐧᒪ, ᒥᓇ ᐅᑐᑌᒪ, ᐁᑯᓯ ᐁᑳ ᐁ ᑭ ᐅᐦᒋ ᐸᑭᑎᓂᑖᐣ ᐅᒋᐦᒋᕽ ᑌᐱᐟ ᐁᑯᓯ ᐁᔨᐁᐧᕽ ᐊᓄᐦᐨ ᑳ ᑭᓯᑳᐠ ᐁ ᐊᑖᒥᒥᔭᐣ ᐊᐊᐧ ᐃᐢᑫᐧᐤ ᐅᐦᒋ. 9#1 ᓵᒼᔪᐃᓬ 15:28ᑭᓭᒪᓂᑐ ᐁᑯᓯ ᑭᑕ ᐃᐧ ᐃᑐᑕᐁᐧᐤ ᐋᑊᓇᕒᐊ ᐊᐦᐳ ᐊᐊᐧᓯᒣ, ᑭᐢᐱᐣ ᑳ ᑎᐯᔨᐦᒋᑫᐟ ᑳ ᑭ ᐃᓯ ᑭᐦᒋᐃᑖᐟ ᑌᐱᑕ, ᐁᑳ ᐁᑯᓯ ᐃᑐᑕᐊᐧᑭ; 10ᑭᑕ ᒥᐢᑯᒋᐸᑭᑌᓇᒫᐣ ᑭᐦᒋ ᐅᑭᒫᐃᐧᐃᐧᐣ ᐅ ᐋᐧᐢᑳᐦᐃᑲᓂᕽ ᓵᓬ ᐅᐦᒋ, ᒥᓇ ᑭᑕ ᐅᔭᐢᑖᐊᐧᐠ ᐅ ᑭᐦᒋ ᐅᑭᒫᐊᐧᐱᐃᐧᐣ ᑌᐱᐟ ᑭᑕ ᑎᐯᔨᒫᐟ ᐃᐢᕒᐁᐃᓬ ᒥᓇ ᒍᑕ ᑖᐣ ᐅᐦᒋ ᐱᕒᓯᐸ ᐃᐢᑯ. 11ᐁᑯᓯ ᓇᒪᐋᐧᐨ ᐯᔭᑯᑐᐣ ᒥᓇ ᑭ ᓇᐢᑫᐧᐊᐧᓯᒥᐠ ᐋᑊᓇᕒ, ᒋᑫᒫ ᑭ ᑯᐢᑎᐠ.
12ᐋᑊᓇᕒ ᒫᑲ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᑌᐱᑕ ᐃᐧᔭ ᐅᐦᒋ ᐁ ᐃᑖᐟ, ᐊᐁᐧᓇ ᐅᒪ ᐅᐟ ᐊᐢᑭ? ᐁ ᐃᑌᐧᐟ ᒥᓇ, ᐃᐧᑕᐢᑭᑐᑖᐠ, ᐁᑯᓯ ᒫᑎᑲ, ᓂᒋᐦᒋ ᑭ ᑲ ᐃᐧᒋᐦᐃᑯᐣ ᑲᐦᑭᔭᐤ ᐃᐢᕒᐁᐃᓬ ᑭᑕ ᐯᑕᒫᑲᐃᐧᔭᐣ.
13ᑭ ᐃᑎᐠ ᒫᑲ, ᒥᔮᐧᓯᐣ, ᑭ ᑲ ᐃᐧᑕᐢᑭᒥᑎᐣ; ᒫᑲ ᐯᔭᐠ ᑫᑲᐧᐩ ᑭ ᓇᑕᐁᐧᔨᑕᒫᑎᐣ, ᐁᐊᐧᑯᒪ, ᓇᒪᐃᐧᔭ ᑭ ᑲ ᐋᐧᐸᒥᐣ ᓂᑳᐧᑲᓂᕽ, ᐱᑯ ᑭᐢᐱᐣ ᓂᑳᐣ ᐯᓯᐊᐧᒋ ᒪᐃᑲᓬ ᓵᓬ ᐅᑖᓂᓴ, ᐃᐢᐱ ᐯ ᓇᑕᐃᐧ ᐋᐧᐸᒥᔭᓂ. 14#1 ᓵᒼᔪᐃᓬ 18:27ᑌᐱᐟ ᒫᑲ ᑭ ᐃᓯᑎᓴᐦᐊᒪᐁᐧᐤ ᐅᑖᒋᒧᐊᐧ ᐃᐢᐸᓭᐦᐟ ᓵᓬ ᐅᑯᓯᓴ, ᐁ ᐃᑌᐧᐟ, ᐸᑭᑎᓇᒪᐃᐧᐣ ᓂᐊᐧ ᒪᐃᑲᓬ, ᑳ ᑭ ᑲᐢᑭᑕᒫᓱᔮᐣ ᐁ ᐸᑭᑎᓇᒫᐣ ᒥᑖᐦᑐᒥᑕᓇᐤ ᐱᓬᐃᐢᑎᓇᐠ ᐅ ᐊᐧᐢᑭᑕᓴᑳᓂᐋᐧᐊᐧ. 15ᐃᐢᐸᓭᐦᐟ ᒫᑲ ᑭ ᐃᓯᑎᓴᐦᐅᐁᐧᐤ ᐁᑯᓯ ᑭ ᒪᐢᑲᒣᐤ ᐅᓈᐯᒥᔨᐊᐧ, ᐊᓂᐦᐃ ᐅᑎ ᐹᓬᑎᔭᓬ ᐅᑯᓯᓴ ᓬᐁᐃᐢ. 16ᐅᓈᐯᒪ ᒫᑲ ᑭ ᐊᑎ ᐃᐧᒉᐃᐧᐠ ᐁ ᐱᒥ ᒫᑐᔨᐟ, ᐁᑯᓯ ᑭ ᐱᒥᑎᓴᐦᐅᐠ ᐹᐦᐊᕒᐃᒼ ᐃᐢᑯ. ᐁᑲᐧ ᐋᑊᓇᕒ ᑭ ᐃᑌᐤ, ᓂᔮ, ᑭᐁᐧ, ᐁᑯᓯ ᑭ ᑭᐁᐧᔨᐊᐧ.
17ᐋᑊᓇᕒ ᒫᑲ ᑭ ᐃᐧᒋᐱᑭᐢᑫᐧᒣᐤ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬ ᐁ ᐃᑌᐧᐟ, ᑲᔮᐢ ᑭ ᑭ ᓇᑐᓀᓈᐋᐧᐤ ᑌᐱᐟ ᑭᑕ ᐅ ᑭᐦᒋ ᐅᑭᒫᒥᔦᐠ; 18ᐁᑲᐧ ᒫᑲ ᐃᑐᑕᒧᐠ; ᒋᑫᒫ ᑳ ᑎᐯᔨᐦᒋᑫᐟ ᑭ ᐃᑌᐤ ᑌᐱᑕ ᐁ ᐃᑌᐧᐟ, ᐅᒋᐦᒋ ᐅᐦᒋ ᓂᐟ ᐊᑐᐢᑫᔮᑲᐣ ᑌᐱᐟ ᓂ ᑲ ᐱᒫᒋᐦᐋᐊᐧᐠ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ ᐅᒋᐦᒋᔨᕽ ᐅᐦᒋ ᐱᓬᐃᐢᑎᓇ, ᒥᓇ ᐅᒋᐦᒋᔨᕽ ᐅᐦᒋ ᑲᐦᑭᔭᐤ ᐅ ᓄᑎᓈᑲᓂᐋᐧᐊᐧ. 19ᐋᑊᓇᕒ ᒫᑲ ᒥᓇ ᑭ ᐱᑭᐢᑫᐧᐤ ᐁ ᐯᑖᑯᐟ ᐯᐣᒋᒪᓇ; ᐁᑯᓯ ᐋᑊᓇᕒ ᑭ ᓇᑕᐃᐧ ᐱᑭᐢᑫᐧᐤ ᐁ ᐯᑖᑯᐟ ᑌᐱᑕ ᐦᐁᐸᕒᐊᓂᕽ ᑲᐦᑭᔭᐤ ᑳ ᒥᔮᐧᐱᓯᒥᑯᔨᐟ ᐃᐢᕒᐁᐃᓬᐊ, ᒥᓇ ᑲᐦᑭᔭᐤ ᐅ ᐋᐧᐢᑳᐦᐃᑲᓂᔨᕽ ᐯᐣᒋᒪᓇ. 20ᐁᑯᓯ ᐋᑊᓇᕒ ᑭ ᐅᑎᐦᑌᐤ ᑌᐱᑕ ᐦᐁᐸᕒᐊᓂᕽ, ᒥᓇ ᓂᓯᑕᓇᐤ ᓈᐯᐊᐧ ᐁ ᐃᐧᒉᐃᐧᑯᐟ. ᑌᐱᐟ ᒫᑲ ᑭ ᐃᐧᑯᒣᐤ ᐊᑊᓇᕒᐊ ᒥᓇ ᐊᓂᐦᐃ ᓈᐯᐊᐧ ᑳ ᐃᐧᒉᐃᐧᑯᔨᐟ. 21ᐋᑊᓇᕒ ᒫᑲ ᑭ ᐃᑌᐤ ᑌᐱᑕ, ᓂ ᑲ ᐸᓯᑯᐣ ᑭᑕ ᓯᐯᐧᑌᔮᐣ, ᐁᑯᓯ ᑭᑕ ᓇᑕᐃᐧ ᒫᐊᐧᒋᐦᐊᑭᐠ ᑲᐦᑭᔭᐤ ᐃᐢᕒᐁᐃᓬ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑭᑕ ᐃᐧᒋᐦᐃᓯᒋᑫᒥᐢᑭᐠ, ᐁᑯᓯ ᑭᑕ ᑭᐦᒋ ᐅᑭᒫᑲᑕᐊᐧᒋᐠ ᑲᐦᑭᔭᐤ ᐊᓂᒪ ᑳ ᐃᓯ ᓇᑕᐁᐧᔨᑕᕽ ᑭᐟ ᐊᐦᒑᕽ. ᐁᑯᓯ ᑌᐱᐟ ᐯᔭᐦᑕᑫᔨᒧᐃᐧᓂᕽ ᑭ ᓭᐯᐧᑎᓴᐁᐧᐤ.
22ᒫᑲ ᐳᑎ ᐅᐟ ᐊᑐᐢᑫᔮᑲᓇ ᑌᐱᐟ ᒥᓇ ᒍᐋᑊ ᑭ ᑕᑯᓯᓇᐧᐠ ᐁ ᑭ ᓇᑐᐸᔨᒋᐠ, ᐁᑯᓯ ᒥᐢᑕᐦᐃ ᒪᓂᐊᐧᑌᐃᐧᐣ ᑭ ᐯᑖᐊᐧᐠ; ᒫᑲ ᐋᑊᓇᕒ ᓇᒪᐃᐧᔭ ᐃᐧᒋᐊᔮᒣᐤ ᑌᐱᑕ ᐦᐁᐸᕒᐊᓂᕽ; ᒋᑫᒫ ᑭ ᓯᐯᐧᑎᓴᐁᐧᐤ, ᐁᑯᓯ ᑭ ᓯᐯᐧᑌᔨᐊᐧ ᐯᔭᐦᑕᑫᔨᒧᐃᐧᓂᕽ. 23ᐃᐢᐱ ᒫᑲ ᒍᐋᑊ ᒥᓇ ᑲᐦᑭᔭᐤ ᐅᓄᑎᓂᑫᐊᐧ ᑳ ᑭ ᐃᐧᒉᐃᐧᑯᐟ ᑌᑯᓯᑭᐠ, ᑭ ᐃᐧᐦᑕᒪᐁᐧᐊᐧᐠ ᒍᐋᐸ ᐁ ᐃᑖᒋᐠ ᐋᑊᓇᕒ ᐅᑯᓯᓴ ᓇᕒ ᑭ ᐯ ᓂᑕᐊᐧᐸᒣᐤ ᑭᐦᒋ ᐅᑭᒫᐊᐧ, ᑭ ᓯᐯᐧᑎᓴᐦᐅᐠ ᒫᑲ, ᐁᑯᓯ ᓯᐯᐧᑌᐤ ᐯᔭᐦᑕᑫᔨᒧᐃᐧᓂᕽ. 24ᐁᑲᐧ ᒍᐋᑊ ᑭ ᐯ ᓈᑌᐤ ᑭᐦᒋᐅᑭᒪᐊᐧ ᒥᓇ ᑭ ᐃᑌᐤ, ᑫᑲᐧᐩ ᐅᒪ ᑳ ᐃᑐᑕᒪᐣ? ᒫᑎᑲ ᐋᑊᓇᕒ ᑭ ᑭ ᐯ ᓇᑕᐋᐧᐸᒥᐠ; ᑖᓀᐦᑭ ᑳ ᓯᐯᐧᑎᓴᐦᐊᐧᐟ, ᐁᑯᓯ ᓵᓴᐩ ᓯᐯᐧᑌᐤ? 25ᑭ ᑭᐢᑫᔨᒫᐤ ᐋᑊᓇᕒ ᐅᑯᓯᓴ ᓇᕒ, ᐁ ᑭ ᐯ ᓇᑕᐃᐧ ᑲᑫᐧᒋᓯᐃᐢᐠ, ᒥᓇ ᑭᑕ ᑭᐢᑫᔨᑕᕽ ᑭ ᐊᐧᔭᐃᐧᐃᐧᐣ ᒥᓇ ᑭ ᐱᐦᑐᑫᐃᐧᐣ, ᒥᓇ ᑭᑕ ᑭᐢᑫᔨᑕᕽ ᑲᐦᑭᔭᐤ ᑳ ᐃᑐᑕᒪᐣ. 26ᐃᐢᐱ ᒫᑲ ᒍᐋᑊ ᑳ ᓇᑲᑖᐟ ᑌᐱᑕ ᑭ ᓯᐯᐧᑎᓴᐁᐧᐤ ᐅᑖᒋᒧᐊᐧ ᑭᑕ ᓇᑕᐃᐧ ᐊᑎᒫᔨᐟ ᐋᑊᓇᕒᐊ, ᑭ ᑭᐁᐧᑕᐁᐊᐧᐠ ᒫᑲ ᓴᐃᕒᐊ ᒧᓇᐃᐹᓂᕽ ᐅᐦᒋ; ᒫᑲ ᑌᐱᐟ ᓇᒪᐃᐧᔭ ᑭᐢᑫᔨᑕᒼ. 27ᐃᐢᐱ ᒫᑲ ᐋᑊᓇᕒ ᑳᐃᐧ ᑌᑯᓯᕽ ᐦᐁᐸᕒᐊᓂᕽ, ᒍᐋᑊ ᐅᐦᐱᒣ ᑭ ᐃᑐᑕᐃᐠ ᑭᐦᒋᐃᐢᑳᐧᑌᒥᕽ ᐅᐦᒋ ᐯᔭᐦᑕᐠ ᑭᑕ ᐊᔭᒥᐃᑯᐟ, ᐁᑯᑕ ᒫᑲ ᑭ ᑕᐦᑲᒥᐠ, ᐁᑯᓯ ᑭ ᓂᐱᐤ, ᐅ ᒥᐦᑯᔨᐤ ᐅᐦᒋ ᐊᓭᐦᐃᓬᐊ ᐅᒋᐋᐧᒥᔨᐊᐧ.
28ᒣᐧᐢᑕᐢ ᐃᔨᑯᕽ ᒫᑲ ᐃᐢᐱ ᑌᐱᐟ ᐱᔦᐦᑕᕽ, ᑭ ᐃᑌᐧᐤ, ᓂᔭ ᒥᓇ ᓂ ᑭᐦᒋ ᐅᑭᒫᐃᐧᐃᐧᐣ ᓇᒪᐃᐧᔭ ᓂᐟ ᐊᑖᒣᔨᑖᑯᓯᓈᐣ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ ᑳᑭᑫ ᐅ ᒥᐦᑯ ᐋᑊᓇᕒ ᐅᑯᓯᓴ ᓇᕒ; 29ᑭᔮᒼ ᒍᐋᑊ ᐅᐢᑎᑳᐧᓂᕽ ᑭᑕ ᐸᑲᒥᐸᔨᔨᐤ ᒥᓇ ᑲᐦᑭᔭᐤ ᐅᑖᐃᐧᔭ ᐃᐧᑭᔨᕽ; ᑭᔮᒼ ᒫᑲ ᐁᑳᐃᐧᔭ ᐃᐧᑳᐨ ᑭᑕ ᓄᐦᑌᐸᔨᐤ ᐃᐧᑭᕽ ᐅᐦᒋ ᒍᐋᑊ ᐊᐃᐧᔭᐠ ᐁ ᐊᔮᐟ ᐅᐦᒋᑲᐋᐧᐢᐱᓀᐃᐧᐣ ᐊᐦᐳ ᑳ ᒪᒑᐢᐱᓀᐟ, ᐊᐦᐳ ᑳ ᓴᐢᑲᐅᑌᐟ, ᐊᐦᐳ ᑳ ᓂᐸᐦᐃᑯᐟ ᐃᓴᐁᐧᐢᐠ, ᐊᐦᐳ ᐁ ᑭᐧᑕᒫᐟ ᐸᐦᑫᐧᓯᑲᓇ. 30ᐁᑯᓯ ᒫᑲ ᒍᐋᑊ ᒥᓇ ᐋᐱᓵᐩ ᐅᒋᐋᐧᒪ ᑭ ᓂᐸᐁᐊᐧᐠ ᐋᑊᓇᕒᐊ, ᐊᓂᒪ ᐅᐦᒋ ᐁ ᑭ ᓂᐸᐦᐋᔨᐟ ᐅᒋᐋᐧᒥᐋᐧᐊᐧ ᐊᓭᐦᐃᓬᐊ ᐊᓂᑕ ᑭᐱᔭᐣ ᓄᑎᓂᑐᐃᐧᓂᕽ.
31ᑌᐱᐟ ᒫᑲ ᑭ ᐃᑌᐤ ᒍᐋᐸ ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ, ᔮᔨᑭᐱᑕᒧᐠ ᑭ ᑭᑭᐢᑳᒋᑲᓂᐋᐧᐊᐧ, ᒥᓇ ᐸᑲᐧᑌᐦᐅᑎᑕᒧᐠ ᐊᓯᓯᐁᐧᑭᐣ, ᒥᓇ ᒪᐃᐧᑳᑎᕽ ᐋᑊᓇᕒ. ᐁᑯᓯ ᑭᐦᒋ ᐅᑭᒫᐤ ᑌᐱᐟ ᑭ ᐊᑎ ᐱᒥᑎᓴᐦᐊᒼ ᐊᓂᒪ ᑌᐦᑎᓂᑲᐣ. 32ᑭ ᓇᐦᐃᓀᐊᐧᐠ ᒫᑲ ᐋᑊᓇᕒᐊ ᐦᐁᐸᕒᐊᓂᕽ; ᐁᑯᓯ ᑭᐦᒋᐅᑭᒫᐤ ᑭ ᐯᐦᑖᑯᐃᓱ, ᒥᓇ ᑭ ᒫᑐ ᐃᑕ ᐁ ᓇᐃᓂᒥᐦᐟ ᐋᑊᓇᕒᐊ; ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᒫᑐᐊᐧᐠ. 33ᐁᑯᓯ ᑭᐦᒋ ᐅᑭᒫᐤ ᑭ ᒪᐃᐧᑳᑌᐤ ᐋᑊᓇᕒᐊ ᒥᓇ ᑭ ᐃᑌᐧᐤ, ᐁᑯᓯ ᒋ ᐅ ᑲ ᑭ ᐃᓯ ᓂᐱᐦ ᐋᑊᓇᕒ ᑖᐱᐢᑯᐨ ᐁᑳ ᐁ ᐃᔨᓂᓯᐟ ᐊᔨᓯᔨᓂᐤ ᑳ ᐃᓯ ᓂᐱᐟ?
34ᑭᒋᐦᒋᔭ ᓇᒪᐃᐧᔭ ᒪᒫᒋᑲᐧᐱᑌᐊᐧ, ᒥᓇ ᓇᒪᐃᐧᔭ ᑭᓯᑕ ᒪᒫᒋᑲᐧᐱᐢᑲᐦᐃᑳᑌᐊᐧ; ᑖᐱᐢᑯᐨ ᐊᔨᓯᔨᓂᐤ ᑳ ᐃᓯ ᑲᐃᐧᐁᐧᐸᐅᑯᐟ ᒪᒋ ᐊᔨᓯᔨᓂᐊᐧ ᐁᑯᓯ ᑭ ᑭ ᐃᓯ ᐸᐦᑭᓯᓂᐣ. ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᒥᓇ ᑭ ᒫᑐᐊᐧᐠ. 35ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᐯ ᓇᑕᐃᐧ ᓯᑭᒣᐊᐧᐠ ᑌᐱᑕ ᑭᑕ ᒥᒋᓱᔨᐟ ᐁ ᒣᑳᐧ ᑭᓯᑳᔨᐠ; ᒫᑲ ᑌᐱᐟ ᑭ ᑭᐦᒋᐃᑌᐧᐤ ᐁ ᐃᑌᐧᐟ, ᑭᓭᒪᓂᑐ ᐁᑯᓯ ᓂ ᑲ ᐃᐧ ᐃᑐᑖᐠ, ᒥᓇ ᐊᐊᐧᓯᒣ ᐊᐦᐳ, ᑭᐢᐱᐣ ᑯᒋᐸᐧᑭ ᐸᐦᑫᐧᓯᑲᐣ ᐊᐦᐳ ᓈᐣᑕᐤ ᑯᑕᐠ ᑫᑲᐧᐩ, ᐹᑎᒫ ᐃᔨᑯᕽ ᑭ ᐸᐦᑭᓯᒧᑭ. 36ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᓈᑲᑌᔨᑕᒪᐧᐠ, ᐁᑯᓯ ᑭ ᓇᐦᐃᔭᐁᐧᐃᑲᐧᐠ; ᑳ ᐃᓯ ᓇᐦᐃᔭᐁᐧᐃᑯᒋᐠ ᐱᑯ ᑫᑲᐧᐩ ᑭᐦᒋ ᐅᑭᒫᐊᐧ ᑳ ᐃᑐᑕᒥᔨᐟ. 37ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᒥᓇ ᑲᐦᑭᔭᐤ ᐃᐢᕒᐁᐃᓬ ᑭ ᓂᓯᑐᐦᑕᒪᐧᐠ ᐁᐊᐧᑳᐧᓂᒪ ᐁ ᑭᓯᑳᐠ ᐁᑳ ᐃᐧᔭ ᐅᐟ ᐃᓯᐦᒋᑫᐃᐧᐣ ᑭᐦᒋ ᐅᑭᒫᐤ ᑳ ᑭ ᐅᐦᒋ ᓂᐸᐃᐦᐟ ᐋᑊᓇᕒ ᐅᑯᓯᓴ ᓇᕒ. 38ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᓇᒪ ᒋ ᑭ ᑭᐢᑫᔨᑌᓈᐋᐧᐤ ᐅᑭᒫᐤ ᒥᓇ ᑭᐦᒋ ᐊᔨᓯᔨᓂᐤ ᐁ ᐸᐦᑭᓯᕽ ᐊᓄᐦᐨ ᑳ ᑭᓯᑳᐠ ᐃᐢᕒᐁᐃᓬᐃᕽ? 39ᐁᑯᓯ ᓂᔭ ᓂ ᓀᓱᐃᐧᓯᐣ ᐊᓄᐦᐨ ᑳ ᑭᓯᑳᐠ ᐋᑕ ᐁ ᑭ ᑐᒥᓂᑲᐃᐧᔮᐣ ᑭᑕ ᑭᐦᒋ ᐅᑭᒫᐃᐧᔮᐣ; ᐁᑯᓯ ᐅᑭ ᓈᐯᐊᐧᐠ ᐅᑯᓯᓴ ᓯᕒᔪᐋᔭ ᓂᐟ ᐋᔨᒥᐃᑲᐧᐠ; ᑳ ᑎᐯᔨᐦᒋᑫᐟ ᑭᑕ ᑎᐸᐦᐊᒪᐁᐧᐤ ᐅᒪᒋᑐᑕᒧᐊᐧ ᑳ ᑭ ᐃᓯ ᒪᒋᑐᑕᒥᔨᐟ.
Currently Selected:
ᓃᓵᐧᐤ ᓵᒼᔪᐃᓬ 3: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
