ᓃᓵᐧᐤ ᓵᒼᔪᐃᓬ 4
4
1ᐃᐢᐱ ᒫᑲ ᐃᐢᐸᓭᐦᐟ ᓵᓬ ᐅᑯᓯᓴ ᑳ ᐯᐦᑕᕽ ᐋᑊᓇᕒᐊ ᐁ ᑭ ᓂᐱᔨᐟ ᐦᐁᐸᕒᐊᓂᕽ, ᑭ ᓀᓱᐃᐧᒋᐦᒉᐤ, ᐁᑯᓯ ᑲᐦᑭᔭᐤ ᐃᐢᕒᐁᐃᓬᐊᐃᑕᐠ ᑭ ᒥᑯᐢᑲᑌᔨᑕᒪᐧᐠ. 2ᐃᐢᐸᓭᐦᐟ ᒫᑲ ᓵᓬ ᐅᑯᓯᓴ ᑭ ᐊᔮᐁᐧᐤ ᓂᓱ ᓈᐯᐊᐧ ᐁ ᓯᒫᑲᓂᓯᐃᐧᑭᒫᐃᐧᔨᐟ; ᐊᓇ ᐯᔭᐠ ᐯᐋᓇ ᑭ ᐃᓯᔨᐦᑳᓱ, ᐁᑯᓯ ᐊᓇ ᑯᑕᐠ ᕒᐃᑳᑊ, ᐅᑯᓯᓴ ᕒᐃᒪᐣ ᐊᓇ ᐱᐃᕒᐋᐦᑕᐃᐟ, ᐯᐣᒋᒪᐣ ᐅᐟ ᐊᐋᐧᓯᒥᓴ ᐅᐦᒋ; (ᐊᔨᐢ ᐱᐃᕒᐋᐦᐟ ᐊᓯᑕᑭᑌᐤ ᐯᐣᒋᒪᐣ; 3ᐊᓂᑭ ᒫᑲ ᐱᐃᕒᐋᐦᑕᐃᑕᐠ ᑭ ᐃᑖᒧᐊᐧᐠ ᑭᑌᐃᒥᕽ, ᒥᓇ ᐁᑯᑕ ᑭ ᐅᐟ ᐃᐦᑖᐃᐧᓂᐊᐧᐠ ᐱᔨᐢ ᐊᓄᐦᐨ ᑳ ᑭᓯᑳᐠ.).
4 #
2 ᓵᒼᔪᐃᓬ 9:3
ᒑᓇᐦᑕᐣ ᒫᑲ ᓵᓬ ᐅᑯᓯᓴ ᑭ ᐅᑯᓯᓯᐤ ᐁ ᒫᐢᑭᓯᑌᔨᐟ. ᑭ ᓂᔮᓇᓄᐱᐳᓀᐤ ᐃᐢᐱ ᐋᒋᒧᐃᐧᐣ ᓵᓬ ᒥᓇ ᒑᓇᐦᑕᐣ ᐁ ᓂᐸᐃᐦᒋᐠ ᑳ ᐯᑖᑐᑖᑲᐧᕽ ᒉᓴᕒᐃᓬ ᐅᐦᒋ, ᐅᑲᓄᓈᐊᐧᓱᐊᐧ ᒫᑲ ᑭ ᐅᑎᐦᑎᓂᐠ, ᒥᓇ ᑭ ᑕᐸᓯᔨᐊᐧ; ᐁᑯᓯ ᑭ ᐃᐦᑭᐣ, ᐁ ᓂᓂᑭᓯᔨᐟ ᐁ ᑕᐸᓯᔨᐟ, ᑭ ᐸᐦᑭᓯᐣ ᐁᑯᓯ ᑭ ᒫᐢᑭᓯᐤ ᐁᑯᑕ ᐅᐦᒋ. ᒣᐦᐱᐳᓭᐦᐟ ᒫᑲ ᑭ ᐃᓯᔨᐦᑳᓱ.
5ᐅᑯᓯᓴ ᒫᑲ ᕒᐃᒪᐣ ᐊᓇ ᐱᐃᕒᐋᐦᑕᐃᐟ, ᕒᐃᑳᑊ ᒥᓇ ᐯᐋᓇ, ᑭ ᐃᑐᐦᑌᐊᐧᐠ, ᐁᑯᓯ ᑭ ᑕᑯᓯᓇᐧᐠ ᓈᐣᑕᐤ ᐁ ᒣᑲᐧ ᑭᓵᐢᑌᐠ ᐁ ᑭᓯᑳᐠ ᐅ ᐋᐧᐢᑳᐦᐃᑲᓂᕽ ᐃᐢᐸᓭᐦᐟ, ᐁ ᒣᑳᐧ ᐋᐢᑌᓯᓂᔨᐟ ᐁ ᐋᐱᑖᑭᓯᑳᔨᐠ. 6ᑭ ᐯ ᐃᑐᐦᑌᐊᐧᐠ ᒫᑲ ᐁᑯᑕ ᑖᐋᐧᔨᕽ ᐋᐧᐢᑳᐦᐃᑲᓂᕽ ᑖᐱᐢᑯᐨ ᐸᑫᓯᑲᓂᑳᓇ ᐁ ᐯ ᓈᑖᒋᐠ; ᐁᑯᓯ ᑭ ᑕᐦᑲᒣᐊᐧᐠ ᐊᐧᑖᔨᕽ; ᕒᐃᑳᑊ ᒫᑲ ᒥᓇ ᐯᐋᓇ ᐅᒋᐋᐧᒪ ᑭ ᐸᐢᐱᐊᐧᐠ. 7ᐊᔨᐢ ᐃᐢᐱ ᐁ ᐱᐦᑐᑫᒋᐠ ᐋᐧᐢᑳᐦᐃᑲᓂᕽ, ᐁ ᐱᒥᓯᓂᔨᐟ ᐅ ᓂᐯᐃᐧᓂᔨᕽ ᐅ ᓂᐯᐃᐧᑲᒥᑯᔨᕽ, ᑭ ᑕᐦᑲᒣᐊᐧᐠ ᒥᓇ ᑭ ᓂᐸᐁᐊᐧᐠ, ᐁᑯᓯ ᑭ ᑭᐢᑭᑫᐧᑕᐁᐧᐊᐧᐠ, ᒥᓇ ᑭ ᐅᑎᓇᒪᐧᐠ ᐅᐢᑎᑳᐧᓂᔨᐤ, ᐁᑯᓯ ᐊᓂᒪ ᐋᕒᐊᐸ ᑭ ᐊᑎ ᐃᑐᐦᑌᐊᐧᐠ ᑲᐯᑎᐱᐢᐠ. 8ᑭ ᐯᑕᒪᐁᐧᐊᐧᐠ ᒫᑲ ᑌᐱᑕ ᐅᐢᑎᑳᐧᓂᔨᐤ ᐃᐢᐸᓭᐦᑕ ᐊᓂᑕ ᐦᐁᐸᕒᐊᓂᕽ, ᐁᑯᓯ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᒋᐢᐟ ᐁᐊᐧᑫᐧᔨᐤ ᐅᐢᑎᑳᐧᐣ ᐃᐢᐸᓭᐦᐟ ᐅᑯᓯᓴ ᓵᓬ ᑳ ᑭ ᐸᑳᐧᑎᐢᐠ ᑳ ᑭ ᓇᑐᓇᕽ ᑭ ᐱᒫᑎᓯᐃᐧᐣ; ᑳ ᑎᐯᔨᐦᒋᑫᐟ ᒫᑲ ᑭ ᐋᐯᐁᐤ ᓂᐟ ᐅᑭᒫᒪ ᑭᐦᒋ ᐅᑭᒫᐤ ᐊᓄᐦᐨ ᑳ ᑭᓯᑳᐠ ᓵᓬᐊ ᐅᐦᒋ ᒥᓇ ᐅ ᓂᐦᑖᐃᐧᑭᐦᐋᑲᓂᔨᐊᐧ.
9ᑌᐱᐟ ᒫᑲ ᑭ ᓇᐢᑫᐧᐊᐧᓯᒣᐤ ᐊᓂᐦᐃ ᕒᐃᑳᑊ ᒥᓇ ᐯᐋᓇ ᐅᒋᐋᐧᒥᔨᐊᐧ, ᐅᑯᓯᓴ ᕒᐃᒪᐣ ᐊᓇ ᐱᐃᕒᐋᐦᑕᐃᐟ, ᐁᑯᓯ ᑭ ᐃᑌᐤ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ ᑳ ᑭ ᐸᐢᐱᐦᐋᐟ ᓂᐟ ᐊᐦᒑᐦᑲᐧ ᑲᐦᑭᔭᐤ ᐊᔨᓯᒥᓯᐃᐧᓂᕽ ᐅᐦᒋ. 10#2 ᓵᒼᔪᐃᓬ 1:1-16ᐃᐢᐱ ᐯᔭᐠ ᐁ ᐋᒋᒧᐢᑕᐃᐧᐟ ᐁ ᐃᑌᐧᐟ, ᒫᑎᑲ ᓵᓬ ᓂᐱᐤ, ᒥᔪᐋᒋᒧᐃᐧᐣ ᓂ ᑲ ᐯᑖᒪᐋᐧᐤ ᐁ ᐃᑌᔨᒥᐟ, ᓂ ᑭ ᐅᑎᐦᑎᓈᐤ ᒥᓇ ᓂ ᑭ ᓂᐸᐦᐋᐤ ᐁᑯᑕ ᓯᑲᓬᐋᐠ, ᐁᑯᓯ ᑳ ᐃᓯ ᑎᐸᐦᐊᒪᐊᐧᐠ ᐅᐟ ᐋᒋᒧᐃᐧᐣ. 11ᐋᐧᐃᐧᐢ ᒫᑲ ᒪᒋᐊᔨᓯᔨᓂᐊᐧᐠ ᐁ ᑭ ᓂᐸᐦᐋᒋᐠ ᐅᑲᐧᔭᐢᑭᑖᑎᓯᐊᐧ ᐅ ᓂᐯᐃᐧᓂᔨᕽ, ᓇᒪ ᒋ ᓂ ᑲ ᓇᑕᐁᐧᔨᑕᒫᐧᐣ ᐅ ᒥᐦᑯ ᑭᒋᐦᒋᐋᐧᕽ, ᒥᓇ ᑭ ᑲ ᐅᑎᓂᑎᓈᐋᐧᐤ ᐁᑳ ᐊᐢᑭᕽ ᑭᑕ ᐊᔮᔦᐠ? 12ᑌᐱᐟ ᒫᑲ ᑭ ᐃᑕᓱᐋᐧᑌᐤ ᐅᐢᑭᓂᑭᒪ, ᐁᑯᓯ ᑭ ᓂᐸᐁᐊᐧᐠ ᒥᓇ ᑭ ᒪᓂᓴᒣᐧᐊᐧᐠ ᐅᒋᐦᒋᔨᐊᐧ ᒥᓇ ᐅᓯᑎᔨᐊᐧ, ᐁᑯᓯ ᑭ ᐊᑯᑖᐊᐧᐠ ᒋᑭ ᐋᐧᔨᐯᔮᕽ ᐦᐁᐸᕒᐊᓂᕽ. ᒫᑲ ᑭ ᐅᑎᓇᒣᐧᐊᐧᐠ ᐅᐢᑎᑳᐧᓂᔨᐤ ᐃᐢᐸᓭᐦᑕ, ᐁᑯᓯ ᑭ ᓇᐃᓇᒣᐧᐊᐧᐠ ᐃᑕ ᑳ ᓇᐦᐃᓂᒥᐦᐟ ᐋᑊᓇᕒᐊ ᐦᐁᐸᕒᐊᓂᕽ.
Currently Selected:
ᓃᓵᐧᐤ ᓵᒼᔪᐃᓬ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
