ᓃᓵᐧᐤ ᓵᒼᔪᐃᓬ 22
22
1ᑌᐱᐟ ᒫᑲ ᑭ ᐊᔭᒥᐦᐁᐤ ᑳ ᑎᐯᔨᐦᒋᑫᔨᐟ ᑳ ᐃᑌᐧᒪᑲᕽ ᐅᒪ ᓂᑲᒧᐣ ᐊᓂᒪ ᐁ ᑭᓯᑳᐠ ᑳ ᑎᐯᔨᐦᒋᑫᔨᐟ ᑳ ᑭ ᐸᐢᐱᐦᐃᑯᐟ ᐅᒋᐦᒋᔨᕽ ᐅᐦᒋ ᑲᐦᑭᔭᐤ ᐅ ᓄᑎᓈᑲᓇ, ᒥᓇ ᐅᒋᐦᒋᔨᕽ ᐅᐦᒋ ᓵᓬ; 2ᑭ ᐃᑌᐧᐤ ᒫᑲ,
ᑳ ᑎᐯᔨᐦᒋᑫᐟ ᓂ ᑭᐢᑖᐱᐢᑯᒼ, ᒥᓇ ᓂ ᒣᓂᐢᑭᒼ, ᒥᓇ ᑳ ᐸᐢᐱᐦᐃᐟ, ᓂᔭ ᐅᑎ;
3ᓂ ᑭᓭᒪᓂᑐᒼ, ᑳ ᐅ ᑭᐢᑖᐱᐢᑯᒥᔮᐣ ᐁᐊᐧᑯ ᑫ ᒪᒥᓯᑐᑕᐊᐧᐠ; ᓂ ᐸᐸᐋᑳᐧᐣ, ᒥᓇ ᑯᐦᒋ ᒪᐢᑲᐃᐧᓯᒪᑲᕽ ᓂ ᐱᒫᒋᐦᐃᑯᐃᐧᐣ, ᒥᓇ ᓂ ᑭᐦᒋ ᓄᑎᓂᑫᐃᐧᑲᒥᐠ, ᒥᓇ ᓂ ᓈᑖᒧᐃᐧᐣ. ᓄᐱᒪᒋᐦᐃᐁᐧᒼ, ᑭ ᐱᒫᒋᐦᐃᐣ ᐁᑳ ᑭᑕ ᐅᑎᐦᑎᓂᑲᐃᐧᔮᐣ.
4ᓂ ᑲ ᓇᓇᑐᒫᐤ ᑳ ᑎᐯᔨᐦᒋᑫᐟ, ᑳ ᑌᐸᑫᔨᑖᑯᓯᐟ ᑭᑕ ᒪᒥᒋᒥᐦᐟ; ᐁᑯᓯ ᓂ ᑲ ᐱᒫᒋᐦᐃᑲᐃᐧᐣ ᐁᑳ ᑭᑕ ᓂᓯᐊᐧᓇᒋᐦᐃᒋᐠ ᑳ ᐸᑳᐧᓯᒋᐠ.
5ᒋᑫᒫ ᓂᐳᐃᐧᓂᐃᐧ ᑲᑳᐧᑕᑫᔨᒧᐃᐧᓇ ᓂ ᑭ ᐋᐧᐢᑳᐢᑳᑯᐣ: ᒥᓇ ᐁ ᔨᐢᑭᐯᐸᔨᐠ ᐁᑳ ᑳ ᐊᔭᒥᐦᐋᐋᐧᑎᓯᕽ ᓂ ᑭ ᓭᑭᐦᐃᑯᐣ.
6ᒋᐸᔭᐢᑭᐃᐧ ᑲᑳᐧᑕᑫᔨᒧᐃᐧᓇ ᓂ ᑭ ᐋᐧᐢᑳᐢᑳᑯᐣ: ᒥᓇ ᓂᐳᐃᐧᓂ ᓇᑳᑲᓇ ᓄᑎᐦᑎᑯᐣ.
7ᓂᐟ ᐋᔨᒥᓯᐃᐧᓂᕽ ᓂ ᑭ ᓇᓈᑐᒫᐤ ᑳ ᑎᐯᔨᐦᒋᑫᐟ, ᒥᓇ ᓂ ᑭ ᒪᐃᐧᒧᐢᑕᐋᐧᐤ ᓂ ᑭᓭᒪᓂᑐᒼ ᓂ ᑭ ᐯᐦᑖᐠ ᐅ ᑲᓈᒋ ᐊᔭᒥᐁᐃᐧᑲᒥᑯᕽ ᐅᐦᒋ, ᒥᓇ ᑭ ᐅᑎᐦᑎᐠ ᐅᐦᑕᐊᐧᑳᕽ ᓂ ᒪᐃᐧᒧᐦᑫᐃᐧᐣ.
8ᐁᑯᓯ ᐊᐢᑭ ᑭ ᑯᐢᑯᐢᑯᐸᔨᐤ ᒥᓇ ᑭ ᓇᓇᒥᐸᔨᐤ; ᑳ ᐊᐢᐸᐢᑌᐠ ᑭᓯᐠ ᑭ ᐊᐧᐢᑲᐃᐧᐸᔨᐊᐧ ᒥᓇ ᑭ ᑯᐢᑯᐢᑯᐸᔨᐊᐧ, ᒋᑫᒫ ᐁ ᑭ ᑭᓯᐋᐧᓯᐟ.
9ᐅᑌᔨᑯᒥᕽ ᑭ ᐅᐦᑖᐸᑌᔨᐤ, ᒥᓇ ᐃᐢᑯᑌᐤ ᐅᑐᓂᕽ ᐅᐦᒋ ᓂᓯᐊᐧᓈᒋᐦᐃᐁᐧᒪᑲᓂᔨᐤ; ᑲᐢᑲᐢᑲᓭᐊᐧ ᑭ ᑳᐧᑯᑌᐊᐧ ᐁᐊᐧᑯ ᐅᐦᒋ.
10ᑕᐸᐦᑎᓇᒼ ᒥᓇ ᑭᓯᑲᐧ, ᒥᓇ ᐯ ᔭᓯᐤ; ᐸᓴᑯ ᐊᐧᓂᑎᐱᐢᑳᐤ ᑭ ᐊᔮᔨᐤ ᓯᐹ ᐅᓯᑎᕽ.
11ᑭ ᑌᐦᑕᐱᐤ ᒫᑲ ᒉᕒᐊᐱᕽ, ᒥᓇ ᑭ ᐱᒥᔮᐤ; ᐁᐦᐁ, ᑭ ᐋᐧᐸᒫᐤ ᐅᐦᑎᓇᐧ ᐅᑕᐦᑕᑲᐧᓂᔨᕽ.
12ᐊᐧᓂᑎᐱᐢᑳᐤ ᑭ ᐅ ᑳᓱᐃᐧᓂᐤ, ᐅ ᒥᑭᐋᐧᐦᑊ ᐋᐧᐢᑳ, ᐁ ᐊᐧᓂᑎᐱᐢᑳᑭ ᓂᐱᔭ ᐁ ᑭᐢᐸᑳᓇᐢᑳᐧᐠ ᑭᓯᑯᕽ.
13ᐁ ᐃᓯ ᐋᐧᓭᔮᐠ ᐅ ᓂᑳᓂᒥᕽ ᐃᐢᑯᑌᐃᐧ ᑲᐢᑲᐢᑲᓭᐊᐧ ᑭ ᑳᐧᑯᑌᐊᐧ.
14ᑳ ᑎᐯᔨᐦᒋᑫᐟ ᒥᓇ ᑭᐱᑎᐦᑫᐧᐁᐧᑖᐤ ᑭᓯᑯᕽ ᐅᐦᒋ, ᒥᓇ ᒫᒪᐁᐧᔭᐢ ᑳ ᑭᐦᒑᔨᐃᐧᐟ ᑭ ᐯᐦᑖᑯᓯᐤ.
15ᐃᐧᐱᓴ ᑭ ᓵᓯᐯᐧᐢᐱᒥᐤ ᐁᑯᓯ ᑭ ᓯᓭᐧᔮᒧᑳᑌᐤ; ᐁ ᐋᐧᐋᐧᐢᑌᐸᔨᐠ ᐁᑯᓯ ᑭ ᓵᑯᒋᐦᐁᐤ.
16ᐁᑲᐧ ᐁ ᐸᓴᐢᑲᒥᑭᒋᐊᐧᐦᑭ ᓂᐱᔭ ᑭ ᓄᑲᐧᓇᐧ, ᒥᓇ ᑭᐢᑕᐢᑖᒋᑲᓇ ᐊᐢᑭᕽ ᑭ ᒧᐢᑕᐢᑌᐊᐧ, ᐁ ᑭᑐᓯᐁᐧᐟ, ᑳ ᑎᐯᔨᐦᒋᑫᔭᐣ, ᐁ ᑭᐢᑎᕽ ᔦᐦᔦᐃᐧᐣ ᐅᑌᔨᑯᒥᕽ ᐅᐦᒋ.
17ᑭ ᐯ ᐃᓯᑎᓴᐦᐅᐁᐧᐤ ᐃᐢᐱᒥᕽ ᐅᐦᒋ, ᓂ ᑭ ᐅᑎᓂᐠ, ᒥᓇ ᑭᐦᒋ ᓂᐱᐢᑳᕽ ᓂ ᑭ ᐅᐦᒋ ᑲᐸᑌᓂᐠ.
18ᓂ ᑭ ᐸᐢᐱᐦᐃᐠ ᐁ ᒪᐢᑲᐃᐧᓯᔨᐟ ᓂ ᓄᑎᓈᑲᓇ, ᒥᓇ ᐊᓂᐦᐃ ᑳ ᐸᑳᐧᓯᔨᐟ; ᒋᑫᒫ ᐅᓵᒼ ᑭ ᒪᐢᑲᐃᐧᓯᐊᐧᐠ ᓂᔭ ᑭᑕ ᑭ ᓵᑯᐊᑭᐠ.
19ᓂ ᑭ ᐅᑎᐦᑎᑲᐧᐠ ᓂ ᑯᑕᑭᑖᐃᐧ ᑭᓯᑳᒥᕽ ᒫᑲ ᑳ ᑎᐯᔨᐦᒋᑫᐟ ᓂ ᑭ ᐅᓯᑌᐧᔨᒧᐃᐧᓂᐣ.
20ᓂ ᑭ ᐯ ᐃᑐᐦᑕᐦᐃᐠ ᒥᓇ ᐃᑕ ᐁ ᑌᓂᓴᐃᐧ ᐊᔮᐠ; ᓂ ᑭ ᐸᐢᐱᐦᐃᐠ, ᒋᑫᒫ ᓂ ᑭ ᒥᐁᐧᔨᒥᐠ.
21ᑳ ᑎᐯᔨᐦᒋᑫᐟ ᓂ ᑭ ᒥᔨᐠ ᑳ ᐃᓯ ᑲᐧᔭᐢᐠ ᐃᓯᐁᐧᐱᓯᐊᐧᐠ; ᑳ ᐃᓯ ᐯᑭᒋᐦᒉᐊᐧᐠ ᓂ ᑭ ᐃᓯ ᑎᐸᐦᐊᒫᐠ.
22ᒋᑫᒫ ᓂ ᑭ ᑲᓇᐁᐧᔨᑕᒫᐧᐣ ᐅᐟ ᐃᓯᑖᐧᐃᐧᓇ ᑳ ᑎᐯᔨᐦᒋᑫᐟ, ᒥᓇ ᓇᒪᐃᐧᔭ ᒪᒑᔨᐃᐧᐣ ᐅᐦᒋ ᓂ ᓇᑲᑖᐤ ᓂ ᑭᓭᒪᓂᑐᒼ.
23ᐊᔨᐢ ᑲᐦᑭᔭᐤ ᐅᔭᓱᐋᐧᓯᐁᐧᐃᐧᓇ ᓂ ᑲᓇᐋᐧᐸᐦᑕᒫᐧᐣ, ᐁᑯᓯ ᐃᐧᔭ ᐅ ᑲᑫᐢᑭᒥᐁᐧᐃᐧᓇ ᓇᒪᐃᐧᔭ ᓄᐦ ᓇᑲᑕᒪᐧᐣ.
24ᒥᓇ ᓂ ᑭ ᒪᒥᑐᓂᐣ ᐁ ᐃᓯ ᐃᐧᒉᐊᐧᐠ, ᐁᑯᓯ ᓂ ᑭ ᓇᑳᓂᓱᐣ ᓂ ᒪᒑᔨᐃᐧᓂᕽ ᐅᐦᒋ.
25ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᓂ ᑭ ᑎᐸᐦᐊᒫᐠ ᑳ ᐃᓯ ᑲᐧᔭᐢᐠ ᐃᓯᐁᐧᐱᓯᐊᐧᐠ, ᑳ ᐃᓯ ᐯᑭᒋᐦᒉᐊᐧᐠ ᐁ ᐃᓯ ᐋᐧᐸᒥᐟ.
26ᑳ ᑭᓭᐋᐧᑎᓯᒋᐠ ᑭ ᑲ ᑭᓭᐋᐧᑐᑕᐋᐧᐊᐧᐠ; ᑳ ᒪᒥᑐᓂᐟ ᐊᔨᓯᔨᓂᐤ ᑭ ᑲ ᐋᐧᐸᐦᑕᐦᐋᐤ ᐁ ᒪᒥᑐᓂᔭᐣ.
27ᑳ ᐯᐦᑳᑎᓯᐟ ᑭ ᑲ ᐋᐧᐸᐦᑕᐦᐋᐤ ᐁ ᐯᐦᑳᑎᓯᔭᐣ: ᒥᓇ ᑳ ᐋᐦᑳᐧᑎᓯᐟ ᑭ ᑲ ᐋᐦᑳᐧᑎᓯᐢᑕᐋᐧᐤ.
28ᒋᑫᒫ ᑭ ᑲ ᐱᒫᒋᐦᐋᐊᐧᐠ ᑳ ᑯᑕᑭᐦᐃᐦᒋᐠ ᐊᔨᓯᔨᓂᐊᐧᐠ; ᒫᑲ ᑳ ᐃᐢᐯᔨᒥᓱᒋᐠ ᑭ ᑲᓇᐋᐧᐸᒫᐊᐧᐠ ᑭᑕ ᓂᐦᒋ ᐁᐧᐱᓇᒋᐠ.
29ᒋᑫᒫ ᑭ ᑲ ᓴᐢᑲᐦᐁᐣ ᓂ ᐋᐧᓴᐢᑯᑌᓂᑲᐣ; ᑳ ᑎᐯᔨᐦᒋᑫᐟ ᑭᑕ ᐋᐧᓭᐢᑲᒼ ᓂ ᐊᐧᓂᑎᐱᐢᑭᓯᐃᐧᐣ.
30ᒋᑫᒫ ᑭᔭ ᐅᐦᒋ ᓂ ᑭ ᓵᐳᐸᐦᑖᐣ ᓄᑎᓂᑐᐃᐧᓂᕽ; ᓂ ᑭᓭᒪᓂᑐᒼ ᐅᐦᒋ ᓂ ᐹᓯᒋᑳᐧᐢᑯᑎᐣ ᒣᓂᑫᐃᐧᓂᕽ.
31ᑭᓭᒪᓂᑐ ᒫᑲ, ᒥᔮᐧᓯᓂᔨᐤ ᐅᐟ ᐃᓯᑖᐧᐃᐧᐣ; ᑳ ᑎᐯᔨᐦᒋᑫᐟ ᐅᐟ ᐃᑌᐧᐃᐧᐣ ᑭ ᑯᒋᐦᑖᐋᐧᐣ; ᐃᐧᔭ ᐅ ᐸᐸᐊᑳᐧᓂᒥᐠ ᑲᐦᑭᔭᐤ ᐊᓂᐦᐃ ᑳ ᒪᒥᓯᑐᑖᑯᐟ.
32ᒋᑫᒫ ᐊᐁᐧᓇ ᑫᓭᒪᓂᑐᐃᐧᐟ ᐱᑯ ᑳ ᑎᐯᔨᐦᒋᑫᐟ? ᐊᐦᐳ ᐊᐁᐧᓇ ᑫᐢᑖᐱᐢᑯᐃᐧᐟ ᐱᑯ ᑭ ᑭᓭᒪᓂᑐᒥᓇᐤ?
33ᑭᓭᒪᓂᑐ ᐁᐊᐧᑯ ᑳ ᓱᑲᕽ ᓂᐟ ᐊᓱᐃᐧᑲᒥᐠ; ᒥᓇ ᐁᐊᐧᑯ ᑳ ᑭᐢᑭᓄᑕᐋᐟ ᐅ ᒪᒥᑐᓂᐊᐧ ᐅ ᒣᐢᑲᓈᕽ.
34 #
ᐦᐋᐹᑲᐠ 3:19
ᐃᓯᑖᐤ ᓂᓯᑕ ᑖᐱᐢᑰᐨ ᐊᑎᕽ ᐅᓯᑕ, ᒥᓇ ᓂ ᑌᐦᑕᔨᐠ ᓂᐟ ᐃᐢᐹᔭᐃᐧᒥᕽ.
35ᑭᐢᑭᓄᐦᐊᒪᐋᐧᑕᒼ ᓂᒋᐦᒋᔭ ᑫ ᐃᓯ ᓄᑎᓂᑫᒪᑲᓂᔨᑭ, ᐁᑯᓯ ᐱᐋᐧᐱᐢᑲᐧᒑᐱ ᓂ ᓴᐋᐧᑭᐱᑖᐤ.
36ᒥᓇ ᑭ ᑭ ᒥᔨᐣ ᑭ ᐱᒫᒋᐦᐃᐁᐧᐃᐧᐣ ᑭᑕ ᐅ ᐸᐸᐊᑳᐧᓂᔮᐣ; ᐁᑯᓯ ᒥᓇ ᑭ ᒪᓈᒋᐦᐃᐁᐧᐃᐧᐣ ᓂ ᑭ ᑭᐢᑌᔨᑖᑯᐃᑯᐣ.
37ᑭ ᑭ ᒥᓵᑖᐣ ᓄᑕᐊᒣᐃᐧᓇ, ᐁᑳ ᑭᑕ ᐅᓵᓯᓯᑌᓯᓂᔮᐣ.
38ᓂ ᑭ ᐱᒥᑎᓴᐋᐧᐊᐧᐠ ᓂ ᓄᑎᓈᑲᓇᐠ, ᒥᓇ ᓂ ᑭ ᓂᓯᐊᐧᓇᒋᐋᐊᐧᐠ: ᐁᑯᓯ ᓇᒪᐃᐧᔭ ᓄᐦᑕᐤ ᓂ ᐳᔪᐣ ᐹᑎᒫ ᐃᔨᑯᕽ ᑲᐦᑭᔭᐤ ᐁ ᓂᓯᐊᐧᓈᒋᐦᐊᑭᐠ.
39ᓂ ᑭ ᒣᐦᒋᐦᐋᐊᐧᐠ ᒥᓇ ᓂ ᑭ ᓵᐳᐢᑕᐋᐧᐊᐧᐠ ᐁᑳ ᑭᑕ ᑲᐢᑭᑖᒋᐠ ᑭᑕ ᐸᓯᑯᒋᐠ; ᓯᐹ ᓂᓯᑎᕽ ᑭ ᐸᐦᑭᓯᓇᐧᐠ.
40ᒋᑫᒫ ᑭ ᑭ ᐸᑲᐧᑌᐦᐅᐣ ᒪᐢᑲᐃᐧᓯᐃᐧᐣ ᑭᑕ ᓄᑎᓂᑫᔮᐣ; ᑭ ᑭ ᓵᑯᑕᒪᐃᐧᐣ ᐊᓂᑭ ᑳ ᐸᓯᑯᐢᑕᐃᐧᒋᐠ.
41ᑭ ᑭ ᐃᑐᑕᐋᐧᐊᐧᐠ ᓂ ᓄᑎᓈᑲᓇᐠ ᑭᑕ ᑕᐸᓯᐦᐃᒋᐠ; ᑭᑕ ᑭ ᓂᓯᐊᐧᓈᒋᐦᐊᑭᐠ ᐊᓂᑭ ᑳ ᐸᑳᐧᓯᒋᐠ.
42ᑭ ᐃᑖᐱᐊᐧᐠ, ᒫᑲ ᓇᒫᐃᐧᔭ ᑭ ᐃᐦᑕᔨᐊᐧ ᑫ ᐱᒫᒋᐦᐃᑯᒋᐠ; ᐊᐦᐳᒋᑲ ᑳ ᑎᐯᔨᐦᒋᑫᔨᐟ ᑭ ᒪᐃᐧᒧᐢᑕᐁᐧᐊᐧᐠ, ᒫᑲ ᓇᒪ ᑭ ᓇᐢᑫᐧᐊᐧᓯᒥᑲᐧᐠ.
43ᐁᑯᓯ ᓂ ᑭ ᐱᓴᑕᐋᐧᐊᐧᐠ ᑖᐱᐢᑯᐨ ᒪᒋᑲᐧᓈᐢ ᑳ ᐁᐧᐹᐢᑕᕽ; ᓂ ᑭ ᑖᑕᑯᐢᑳᑖᐊᐧᐠ ᑖᐱᐢᑯᐨ ᐊᓯᐢᑭ ᐱᒧᐦᑌᐢᑲᓈᕽ, ᒥᓇ ᓂ ᑭ ᐱᐃᐧᓯᒫᐊᐧᐠ.
44ᑭ ᑭ ᐸᐢᐱᐦᐃᐣ, ᐅ ᐃᐧᑯᐃᐧᓂᐊᐧᕽ ᐊᔨᓯᔨᓂᐊᐧᐠ ᐅᐦᒋ; ᑭ ᑭ ᑎᐯᔨᐦᑕᒧᐦᐃᐣ ᐁᑳ ᑳ ᐊᔭᒥᐦᐋᒋᐠ; ᐊᔨᓯᔨᓂᐊᐧᐠ ᐁᑳ ᑳ ᑭ ᑭᐢᑫᔨᒪᑭᐠ ᓂ ᑲ ᐊᑐᐢᑫᐢᑖᑲᐧᐠ.
45ᒫᓂᑌᐊᐧᐠ ᓂ ᑲ ᐸᑕᐱᐢᑖᑲᐧᐠ; ᒪᔭᐤ ᐯᐦᑕᐃᐧᑖᐧᐃᐧ, ᓂ ᑲ ᓇᓇᐦᐃᐦᑖᑲᐧᐠ.
46ᒫᓂᑌᐊᐧᐠ ᑭᑕ ᐊᑎ ᓇᒪᑌᐊᐧᐠ, ᐁᑯᓯ ᐁ ᓭᑭᓯᒋᐠ ᑭᑕ ᐯ ᒧᐢᑭᐊᐧᐠ ᐃᑕ ᐁ ᑭ ᑳᓱᒋᐠ ᐅᐦᒋ.
47ᑳ ᑎᐯᔨᐦᒋᑫᐟ ᐱᒫᑎᓯᐤ; ᑭᑕ ᒥᔪᑭᓵᐧᑖᐤ ᓂ ᑭᐢᑖᐱᐢᑯᒼ; ᒥᓇ ᑭᓭᒪᓂᑐ ᓂᐱᒫᒋᐦᐃᐁᐧᒼ ᑭᑕ ᑭᐢᑌᔨᑖᑯᐦᐋᐤ.
48ᐊᓇ ᐅᑎ ᑭᓭᒪᓂᑐ ᑳ ᓈᑕᒪᐃᐧᐟ, ᒥᓇ ᑳ ᓵᑯᑕᒪᐃᐧᐟ ᐊᔨᓯᔨᓂᐊᐧ.
49ᑳ ᐸᐢᐱᐦᐃᐟ ᓂ ᓄᑎᓈᑲᓇ ᐅᐦᒋ; ᐁᐦᐁ, ᑭᐟ ᐃᐢᐹᑫᓂᐣ ᑭᑕ ᐊᔨᐋᐧᑭᐢᑲᐊᐧᑭᐠ ᑳ ᐸᓯᑰᐢᑕᐃᐧᒋᐠ; ᑭ ᐸᐢᐱᐦᐃᓂᐣ ᐅᑖᑳᐧᑎᓯᐃᐧ ᐊᔨᓯᔨᓂᐤ ᐅᐦᒋ.
50 #
ᕒᐅᒪᓇ 15:9
ᐁᐊᐧᑯ ᐅᐦᒋ ᑭ ᑲ ᓇᓈᐢᑯᒥᑎᐣ, ᑳ ᑎᐯᔨᐦᒋᑫᔭᐣ, ᐃᑕ ᐁ ᐊᔮᒋᐠ ᐁᑳ ᑳ ᐊᔭᒥᐦᐋᒋᐠ, ᒥᓇ ᓂ ᑲ ᓂᑲᒧᐣ ᑭᑕ ᒪᒥᐦᒋᐦᑕᒫᐣ ᑭ ᐃᐧᔪᐃᐧᐣ.
51ᑭᐦᒋ ᐸᐢᐱᐦᐃᐁᐧᐃᐧᐣ ᒥᔦᐤ ᐅ ᑭᐦᒋ ᐅᑭᒫᒪ; ᒥᓇ ᐊᐧᐸᐦᑎᐁᐤ ᑭᓭᐋᐧᑎᓯᐃᐧᐣ ᐅ ᑐᒥᓈᑲᓇ, ᑌᐱᑕ, ᒥᓇ ᐅᐟ ᐊᐋᐧᓯᒥᓯᔨᐊᐧ ᑳᑭᑫ.
Currently Selected:
ᓃᓵᐧᐤ ᓵᒼᔪᐃᓬ 22: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
