ᓃᓵᐧᐤ ᓵᒼᔪᐃᓬ 21
21
1ᑭ ᓄᑌᑲᑖᓂᐊᐧᐣ ᒫᑲ ᒣᑳᐧᐨ ᐁ ᐅᑭᓯᑳᒥᐟ ᑌᐱᐟ ᓂᐢᑐ ᐊᐢᑭ, ᓈᓈᐊᐧᐩ ᐁ ᐊᑎ ᐊᐢᑭᐊᐧᕽ; ᑌᐱᐟ ᒫᑲ ᑭ ᑲᑫᐧᒋᒣᐤ ᑳ ᑎᐯᔨᐦᒋᑫᔨᐟ. ᐁᑯᓯ ᑳ ᑎᐯᔨᐦᒋᑫᐟ ᑭ ᐃᑌᐧᐤ, ᓵᓬ ᐅᐦᒋ, ᒥᓇ ᑳ ᓂᐸᑖᑫᐢᑭᔨᐟ ᐃᐧᑭᕽ, ᒋᑫᒫ ᑭ ᓂᐸᐁᐤ ᑭᐱᔭᓇᐃᑕ. 2#ᒑᐢᔪᐊ 9:3-15ᑭᐦᒋ ᐅᑭᒫᐤ ᒫᑲ ᑭ ᓇᑐᒣᐤ ᑭᐱᔭᓇᐃᑕ ᒥᓇ ᑭ ᐃᑌᐤ; (ᐅᑭ ᒫᑲ ᑭᐱᔭᓇᐃᑕᐠ ᓇᒪᐃᐧᔭ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒫᑲ ᐁ ᐃᐢᑯᐃᐦᒋᐠ ᐊᓂᑭ ᐋᒪᕒᐊᐃᑕᐠ; ᐁᑯᓯ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑭᐦᒋᐃᑌᐊᐧᐠ; ᒫᑲ ᓵᓬ ᑭ ᓇᑐᓇᒼ ᑭᑕ ᓂᐸᐦᐋᐟ ᐁ ᐋᑲᒣᔨᒧᐢᑕᒪᐋᐧᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᒥᓇ ᒍᑕᐊᐧ;) 3ᐁᑯᓯ ᑌᐱᐟ ᑭ ᐃᑌᐤ ᐊᓂᐦᐃ ᑭᐱᔭᓇᐃᑕ, ᑫᑲᐧᐩ ᑫ ᑐᑕᒫᑕᑯᐠ? ᒥᓇ ᑫᑲᐧᐩ ᑫ ᑭ ᐅᐦᒋ ᐅᓯᐦᑖᔮᐣ ᐯᔭᑯᐃᑐᐃᐧᐣ ᑭᑕ ᓴᐁᐧᔨᑕᒫᐧᔦᐠ ᐅ ᑎᐯᔨᒋᑲᐣ ᑳ ᑎᐯᔨᐦᒋᑫᐟ? 4ᐊᓂᐦᐃ ᒫᑲ ᑭᐱᔭᓂᐃᑕ ᑭ ᐃᑎᐠ, ᓇᒪᐃᐧᔭ ᐋᐧᐱᐢᑭᓱᓂᔮᐤ ᐊᐦᐳ ᐅᓵᐃᐧᓱᓂᔮᐤ ᓂ ᓇᑕᐁᐧᔨᒫᓈᐣ ᓵᓬ ᐅᐦᒋ ᐊᐦᐳ ᐅ ᐋᐧᐢᑳᐦᐃᑲᓂᕽ ᐅᐦᒋ; ᓇᒪᐃᐧᔭ ᒥᓇ ᐃᑕᐢᑌᐤ ᓂᔭᓈᐣ ᑭᑕ ᓂᐸᐦᐋᔮᕽ ᓈᐢᑕᐤ ᐊᔨᓯᔨᓂᐤ ᐃᐢᕒᐁᐃᓬᐃᕽ. ᐁᑯᓯ ᑭ ᐃᑌᐤ, ᐱᑯ ᑫ ᐃᑌᐧᐁᐧᑫᐧ ᐁᐊᐧᑯ ᑫ ᐃᑐᑕᒫᑕᑯᐠ. 5ᑭ ᐃᑌᐊᐧᐠ ᒫᑲ ᑭᐦᒋ ᐅᑭᒫᐊᐧ, ᐊᓇ ᓈᐯᐤ ᑳ ᑭ ᒣᐦᒋᐦᐃᑯᔮᕽ ᒥᓇ ᑳ ᑭ ᐃᑕᓱᐋᐧᑎᑯᔮᕽ ᑭᑕ ᓂᓯᐊᐧᓈᒋᐃᑲᐃᐧᔮᕽ ᐁᑳ ᑭᑕ ᐊᔮᔮᕽ ᓈᐣᑕᐤ ᐁ ᐃᐢᑯ ᐅᑕᐢᑭᒋᐠ ᐃᐢᕒᐁᐃᓬ, 6ᑭᔮᒼ ᑌᐸᑯᑊ ᐅᑯᓯᓴ ᓂ ᑲ ᐸᑭᑎᓇᒫᑲᐃᐧᓈᐣ, ᐁᑯᓯ ᓂ ᑲ ᐊᑯᑕᒪᐋᐧᓈᐣ ᑳ ᑎᐯᔨᐦᒋᑫᐟ ᐊᓂᑕ ᑭᐱᔭ ᑳ ᑭ ᐊᔮᐟ ᓵᓬ, ᐊᓇ ᑳ ᑭ ᓇᐊᐧᓱᓂᑯᐟ ᑳ ᑎᐯᔨᐦᒋᑫᐟ. ᑭᐦᒋ ᐅᑭᒫᐊᐧ ᒫᑲ ᑭ ᐃᑎᑲᐧᐠ, ᑭ ᑲ ᒥᔨᑎᓈᐋᐧᐤ.
7 #
1 ᓵᒼᔪᐃᓬ 20:15-17; 2 ᓵᒼᔪᐃᓬ 9:1-7 ᒫᑲ ᑭᐦᒋ ᐅᑭᒫᐤ ᑭ ᒪᓈᒋᐁᐤ ᒣᐦᐱᐳᓭᐦᑕ ᐅᑯᓯᓴ ᒐᓇᐦᑕᐣ ᐅᑯᓯᓴ ᓵᓬ, ᐊᓂᒪ ᐅᐦᒋ ᑳ ᑎᐯᔨᐦᒋᑫᐟ ᐅ ᑭᐦᒋᐃᑌᐧᐃᐧᐣ ᑳ ᑭ ᐃᑎᑐᒋᐠ, ᑌᐱᐟ ᐅᑎ ᒥᓇ ᒑᓇᐦᑕᐣ ᐅᑯᓯᓴ ᓵᓬ ᑳ ᑭ ᐃᑎᑐᒋᐠ. 8#1 ᓵᒼᔪᐃᓬ 18:19ᒫᑲ ᑭᐦᒋ ᐅᑭᒫᐤ ᑭ ᐅᑎᓂᒣᐤ ᐁ ᓂᓯᔨᐟ ᐅᑯᓯᓯᔨᐊᐧ ᕒᐃᐢᐸ ᐅᑖᓂᓴ ᐋᔭ, ᑳ ᑭ ᓂᐦᑖᐃᐧᑭᑕᒪᐊᐧᐟ ᓵᓬᐊ, ᐋᕒᒫᓇᐩ ᒥᓇ ᒣᐦᐱᐳᓭᐦᐟ; ᒥᓇ ᐁ ᓂᔮᓇᓂᔨᐟ ᐅᑯᓯᓴ ᒪᐃᑲᓬ ᐅᑖᓂᓴ ᓵᓬ, ᑳ ᑭ ᓂᐦᑖᐃᐧᑭᑕᒪᐋᐧᐟ ᐁᑕᕒᐃᔭᓬᐊ ᐅᑯᓯᓴ ᐸᕒᓯᓬᐋᐩ ᐊᓇ ᒥᐦᐋᓬᐊᑕᐃᐟ; 9ᑭ ᐸᑭᑎᓀᐤ ᒫᑲ ᐅᒋᐦᒋᔨᕽ ᑭᐱᔭᓇᐃᑕ, ᐁᑯᓯ ᑭ ᐊᑯᑌᔨᐊᐧ ᐊᓂᑕ ᐊᐧᒋᕽ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᑲᐦᑭᔭᐤ ᒫᑲ ᑌᐸᑯᑊ ᐁ ᐃᐦᑕᓯᒋᐠ ᑭ ᒫᒪᐃᐧ ᓂᐱᐊᐧᐠ; ᑭ ᓂᐸᐦᐋᐊᐧᐠ ᒫᑲ ᐁ ᒪᓂᓯᑫᐃᐧ ᑭᓯᑳᐠ, ᓂᐢᑕᒼ ᐁ ᑭᓯᑳᐠ, ᐁ ᒫᒋᒪᓂᓱᐦᐟ ᐃᐢᑫᐧᓯᓯᑳᐣ.
10ᐁᑯᓯ ᕒᐃᐢᐸ ᐅᑖᓂᓴ ᐋᔭ ᑭ ᐅᑎᓇᒼ ᑲᐢᑭᑌᐁᐧᑭᐣ, ᑭ ᑕᓭᐧᑲᐢᑕᒫᓱ ᒫᑲ ᑭᐢᑖᐱᐢᑳᕽ, ᐁ ᒫᒋᐸᔨᐠ ᒪᓂᓯᑫᐃᐧᐣ ᐅᐦᒋ ᐱᔨᐢ ᓂᐱ ᐁ ᓯᑭᓇᒫᐦᒋᐠ ᑭᓯᑯᕽ ᐅᐦᒋ; ᐁᑯᓯ ᓇᒪᐃᐧᔭ ᐃᔨᓇᒪᐁᐧᐤ ᐱᔦᓯᓴ ᑭᑕ ᑌᐧᐦᐅᑐᑕᐋᐧᔨᐟ ᐁ ᑭᓯᑳᐠ ᐊᐦᐳ ᐱᑲᐧᒋ ᐱᓯᐢᑭᐊᐧᐠ ᐁ ᑎᐱᐢᑳᐠ. 11ᑭ ᐃᐧᐦᑕᒪᐋᐧᐤ ᒫᑲ ᑌᐱᐟ ᐊᓂᒪ ᕒᐃᐢᐸ ᐅᑖᓂᓴ ᐋᔭ ᐅ ᑲᓇᐃᐧᐢᑫᐧᐋᐧᓇ ᓵᓬ ᑳ ᑭ ᐃᑐᑕᒥᔨᐟ.
12 #
1 ᓵᒼᔪᐃᓬ 31:8-13
ᑌᐱᐟ ᒫᑲ ᑭ ᓇᑕᐃᐧ ᐅᑎᓇᒣᐧᐤ ᐅᐢᑲᓂᔨᐊᐧ ᓵᓬ ᒥᓇ ᐅᐢᑲᓂᔨᐊᐧ ᒑᓇᐦᑕᐣ ᐅᑯᓯᓴ ᒉᐱᐢᑭᓬᐃᔭᐟ ᐊᔨᓯᔨᓂᐊᐧ ᑳ ᐊᔮᔨᐟ, ᑳ ᑭ ᑭᒧᒋᐅᑎᓇᒥᔨᐟ ᐱᒧᐦᑌᐢᑲᓈᕽ ᐯᐦᐟᓵᐣ ᐅᐦᒋ, ᐃᑕ ᐱᓬᐃᐢᑎᓇᐠ ᑳ ᑭ ᐊᑯᑖᒋᐠ, ᐊᓂᒪ ᐁ ᑭᓯᑳᐠ ᐱᓬᐃᐢᑎᓇᐠ ᑳ ᑭ ᓂᐸᐦᐋᒋᐠ ᓵᓬᐊ ᑭᓬᐳᐊᐃᕽ; 13ᐁᑯᑕ ᒫᑲ ᑭ ᐅᐦᑐᑕᑖᐁᐧᐤ ᐅᐢᑲᓂᔨᐊᐧ ᓵᓬ ᒥᓇ ᐅᐢᑲᓂᔨᐊᐧ ᒑᓇᐦᑕᓇ ᐅᑯᓯᓯᔨᐊᐧ; ᑭ ᒫᐊᐧᓴᑯᓇᒪᐧᐠ ᒫᑲ ᐅᐢᑲᓂᔨᐊᐧ ᐊᓂᐦᐃ ᑳ ᑭ ᐊᑯᑎᒥᐦᐟ. 14ᐁᑯᓯ ᑭ ᓇᐃᓇᒣᐧᐊᐧᐠ ᐅᐢᑲᓂᔨᐊᐧ ᓵᓬ ᒥᓇ ᐅᐢᑲᓂᔨᐊᐧ ᒑᓇᐦᑕᓇ ᐅᑯᓯᓯᔨᐊᐧ; ᐯᐣᒋᒪᐣ ᐅᐟ ᐊᐢᑭᔨᕽ ᓯᓬᐊᐃᕽ, ᐅ ᓇᐦᐃᓂᑐᐃᐧᑲᒥᑯᔨᕽ ᑭᐢ ᐅᑖᐃᐧᔭ; ᑭ ᑎᐱᑐᑕᒪᐧᐠ ᒫᑲ ᑲᐦᑭᔭᐤ ᑳ ᑭ ᐃᑕᓱᐁᐧᔨᐟ ᑭᐦᒋ ᐅᑭᒫᐊᐧ. ᒣᐧᐢᑕᐢ ᐃᔨᑯᕽ ᒫᑲ ᑭᓭᒪᓂᑐ ᑭ ᑭᑎᒫᑭᓇᒼ ᐊᐢᑭ.
15ᑫᔮᐱᐨ ᒫᑲ ᐱᓬᐃᐢᑎᓇᐠ ᑭ ᓄᑎᓀᐊᐧᐠ ᐃᐢᕒᐁᐃᓬᐊ; ᐁᑯᓯ ᑌᐱᐟ ᑭ ᐃᑐᐦᑌᐤ, ᐅᐟ ᐊᑐᐢᑫᔮᑲᓇ ᐁ ᐃᐧᒉᐃᐧᑯᐟ; ᑭ ᓄᑎᓀᐤ ᒫᑲ ᐱᓬᐃᐢᑎᓇ; ᑌᐱᐟ ᒫᑲ ᑭ ᐊᑎ ᓄᐦᑌᓯᐣ. 16ᐁᑯᓯ ᐃᐢᐸᐃᐱᓈᑊ ᑳ ᐅᐦᒋᐟ ᐊᓇ ᒥᐢᑖᐯᐤ ᐅᑯᓯᓴ, ᐅ ᑕᐦᑲᒋᑲᐣ ᓂᐢᑖᐧᐤ ᒥᑖᐦᑐᒥᑕᓇᐤ ᐅᓵᐋᐧᐱᐢᐠ ᓭᑭᓬᐊ ᑳ ᑭ ᐃᐢᐱᑎᓂᑲᐧᓂᔨᐠ, ᐁᐊᐧᑯ ᐁ ᑭ ᐸᑲᐧᑌᐦᐅᑐᑕᕽ ᐅᐢᑭ ᐃᓴᐁᐧᐢᐠ, ᑭ ᐃᑌᔨᑕᒼ ᑭᑕ ᓂᐸᐦᐋᐟ ᑌᐱᑕ. 17#1 ᑭᐦᒋ ᐅᑭᒫᐊᐧᐠ 11:36; ᓂᑲᒧᓇ 132:17ᒫᑲ ᐋᐱᓵᐩ ᐅᑯᓯᓴ ᓯᕒᔪᐋᔭ ᑭ ᓈᑕᒪᐁᐧᐤ ᐁᑯᓯ ᑭ ᐸᑲᒪᐁᐧᐤ ᐊᓂᐦᐃ ᐱᓬᐃᐢᑎᓇ ᒥᓇ ᑭ ᓂᐸᐁᐤ. ᐁᑲᐧ ᑌᐱᐟ ᐅᐢᑭᓂᑭᒪ ᑭ ᑭᐦᒋᐃᑌᐧᐊᐧᐠ ᐁ ᐃᑖᒋᐠ, ᓇᒪᐃᐧᔭ ᐁᑲᐧ ᐃᐧᑳᐨ ᑭ ᑲ ᐃᐧᒉᐃᐧᓈᐣ ᓄᑎᓂᑐᐃᐧᓂᕽ, ᐁᑳ ᑭᑕ ᐋᐢᑕᐃᐧᐊᒪᐧᐟ ᐅ ᐋᐧᓴᐢᑯᑌᓂᑲᐣ ᐃᐢᕒᐁᐃᓬ.
18ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ ᒥᓇ ᑭ ᓄᑎᓈᐊᐧᐠ ᐱᓬᐃᐢᑎᓇᐠ ᐊᓂᑕ ᑳᑊ; ᐁᑲᐧ ᓯᐱᑲᐩ ᐊᓇ ᐦᐊᓴᑕᐃᐟ ᑭ ᓂᐸᐁᐤ ᓵᐦᑊ, ᐁᐊᐧᑯᓂ ᒥᓇ ᐯᔭᐠ ᒥᐢᑖᐯᐤ ᐅᑯᓯᓴ. 19ᐁᑯᓯ ᒥᓇ ᑭᐦᑖᐧᒼ ᑭ ᓄᑎᓈᐊᐧᐠ ᐱᓬᐃᐢᑎᓇᐠ ᐊᓂᑕ ᑳᑊ; ᐁᑯᓯ ᐁᓬᐦᐁᓈᐣ ᐅᑯᓯᓴ ᒉᐊᕒᐃᐋᕒᐃᑭᒼ ᐊᓇ ᐯᐟᓬᐃᐊᒪᐃᐟ ᑭ ᓂᐸᐁᐤ ᑲᓬᐋᔭᑕ ᐊᓇ ᑭᑕᐃᐟ, ᐅ ᑕᐦᑲᒋᑲᓈᑎᐠ ᑳ ᐃᓯᓈᑲᐧᓂᔨᐠ ᑖᐱᐢᑯᐨ ᐅ ᓯᐦᑫᑭᓄᑫᐤ ᐅ ᐱᒥᑕᑯᒋᑲᐣ. 20ᐁᑯᓯ ᑫᔮᐱᐨ ᒥᓇ ᑭ ᓄᑎᓂᑐᓈᓂᐊᐧᐣ ᐊᓂᑕ ᑳᐦᐟ ᐃᑕ ᑳ ᑭ ᐊᔮᐟ ᓈᐯᐤ ᐊᔨᐋᐧᐠ ᐁ ᑭᓄᑳᐸᐃᐧᐟ, ᐊᔨᑕᐤ ᐅᒋᐦᒋᕽ ᐁ ᓂᑯᑖᐧᓯᓂᔨᑭ ᐅ ᔨᔨᑭᒋᐦᒑᓇ, ᒥᓇ ᐋᔨᑕᐤ ᐅᓯᑕ ᓂᑯᑖᐧᓯᐠ ᔨᔨᑭᓯᑖᓇ, ᒫᒪᐃᐧ ᓂᓯᑕᓇᐤ ᓀᐅᓵᑊ ᐁ ᐃᑕᑎᓂᔨᑭ ᐁᑯᓯ ᐁᐊᐧᑯ ᒥᓇ ᑭ ᓂᐦᑖᐃᐧᑭᑕᒪᐋᐧᐤ ᒥᐢᑖᐯᐤ. 21ᐃᐢᐱ ᒫᑲ ᐁ ᒫᔦᔨᒫᐟ ᐃᐢᕒᐁᐃᓬᐊ, ᒑᓇᐦᑕᐣ ᐅᑯᓯᓴ ᓯᒥᔭ ᑌᐱᐟ ᐅᒋᐋᐧᒪ ᑭ ᓂᐸᐦᐃᐠ. 22ᐁᐊᐧᑯᓂᐠ ᐅᑭ ᓀᐤ ᑭ ᓂᐦᑖᐃᐧᑭᑕᒪᐋᐧᐤ ᐊᓇ ᒥᐢᑖᐯᐤ ᐁᑯᑕ ᑳᐦᐟ; ᐁᑯᓯ ᑭ ᐸᐦᑭᓯᓇᐧᐠ ᐅᒋᐦᒋ ᑌᐱᐟ ᐅᐦᒋ ᒥᓇ ᐅᒋᐦᒋᔨᐊᐧ ᐅᐟ ᐊᑐᐢᑫᔮᑲᓇ.
Currently Selected:
ᓃᓵᐧᐤ ᓵᒼᔪᐃᓬ 21: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
