ᓃᓵᐧᐤ ᓵᒼᔪᐃᓬ 20
20
1 #
1 ᑭᐦᒋ ᐅᑭᒫᐊᐧᐠ 12:16; 2 ᐊᑭᓀ ᐋᒋᒧᐃᐧᓇ 10:16 ᐁᑯᑕ ᒫᑲ ᑭ ᐊᔮᐤ ᐱᓬᐃᔭᓬ ᐊᔨᓯᔨᓂᐤ, ᓯᐸ ᐁ ᐃᓯᔨᐦᑳᓱᐟ, ᐅᑯᓯᓴ ᐱᑲᕒᐊᐩ, ᐯᐣᒋᒪᐃᐟ; ᑭ ᐳᑖᑕᒼ ᒫᑲ ᐱᐱᑲᐧᐣ ᒥᓇ ᑭ ᐃᑌᐧᐤ, ᓇᒪᐃᐧᔭ ᑫᑲᐧᐩ ᑯᐃᐧᒉᐋᐧᑲᓂᓈᓇᐤ ᑌᐱᐟ ᒥᓇ ᓇᒪᐃᐧᔭ ᑯᑎᐯᔨᒋᑲᓂᓈᓇᐤ ᐅᑯᓯᓴ ᒉᓯ; ᑲᐦᑭᔭᐤ ᐊᔨᓯᔨᓂᐤ ᑭᑕ ᑭᐁᐧᐤ ᐃᐧᑭᕽ ᑭᔭᐋᐧᐤ ᐃᐢᕒᐁᐃᓬ. 2ᐁᑯᓯ ᒫᑲ ᑲᐦᑭᔭᐤ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᐳᓂ ᐱᒥᑎᓴᐁᐧᐊᐧᐠ ᑌᐱᑕ, ᒥᓇ ᑭ ᐱᒥᑎᓴᐁᐧᐊᐧᐠ ᓯᐸ ᐅᑯᓯᓴ ᐱᑲᕒᐊᐩ; ᒫᑲ ᐃᐧᔭ ᒍᑕ ᐊᔨᓯᔨᓂᐊᐧᐠ ᑭ ᒥᒋᒥᓀᐊᐧᐠ ᐅ ᑭᐦᒋ ᐅᑭᒫᒥᐋᐧᐊᐧ, ᒑᕒᑕᐣ ᐅᐦᒋ ᐱᔨᐢ ᒉᕒᐅᓴᓬᐊᒥᕽ ᐃᐢᑯ.
3 #
2 ᓵᒼᔪᐃᓬ 16:22
ᑌᐱᐟ ᒫᑲ ᑭ ᑕᑯᓯᐣ ᐅ ᐋᐧᐢᑳᐦᐃᑲᓂᕽ ᒉᕒᐅᓴᓬᐊᒥᕽ; ᐁᑯᓯ ᑭᐦᒋ ᐅᑭᒫᐤ ᑭ ᐅᑎᓀᐤ ᐊᓂᐦᐃ ᒥᑖᑕᐦᐟ ᐃᐢᑫᐧᐊᐧ ᐅ ᑲᓇᐃᐧᐢᑫᐧᐋᐧᓇ ᑳ ᑭ ᓇᑲᑖᐟ ᑭᑕ ᑲᓇᐁᐧᔨᑕᒥᔨᐟ ᐋᐧᐢᑳᐦᐃᑲᐣ, ᑭ ᑭᐸᐁᐧᐤ ᒫᑲ, ᐁᑯᓯ ᑭ ᐸᒥᐁᐤ ᒫᑲ ᓇᒪᐃᐧᔭ ᐱᑐᑲᐁᐧᐤ. ᐁᑯᓯ ᑭ ᑭᐸᐦᐃᑳᓱᐊᐧᐠ ᐃᐢᑯ ᐁ ᐳᓂ ᐱᒫᑎᓯᒋᐠ, ᓯᑳᐃᐧᐢᑫᐧᕽ ᐁ ᐃᓯ ᐱᒫᑎᓯᒋᐠ.
4ᐁᑲᐧ ᑭᐦᒋ ᐅᑭᒫᐣ ᑭ ᐃᑌᐤ ᐁᒫᓴᐊᐧ, ᐯ ᒫᒪᐃᐧ ᓇᑐᒥᐠ ᒍᑕ ᐊᔨᓯᔨᓂᐊᐧᐠ ᓂᐢᑐ ᑭᓯᑳᐤ ᐃᔨᑯᕽ, ᒥᓇ ᑭᔭ ᐅᑕ ᐯ ᐊᔮ. 5ᐁᑯᓯ ᒫᑲ ᐁᒫᓴ ᑭ ᓇᑕᐃᐧ ᒫᒪᐃᐧ ᓇᑐᒣᐤ ᒍᑕ ᐊᔨᓯᔨᓂᐊᐧ; ᒫᑲ ᓇᐊᐧᐨ ᑭᓀᐧᐢ ᑭ ᐊᔮᐤ ᐃᔨᑯᕽ ᐊᓂᒪ ᑳ ᑭ ᐃᑕᑭᑕᒫᑯᐟ. 6ᑌᐱᐟ ᒫᑲ ᑭ ᐃᑌᐤ ᐋᐱᓵᔭ, ᐁᑲᐧ ᐊᐊᐧ ᓯᐸ ᐅᑯᓯᓴ ᐱᑲᕒᐊᐩ ᐊᐊᐧᓯᒣ ᑫ ᒫᔨᑐᑖᑯᔭᕽ ᐃᔨᑯᕽ ᐋᑊᓴᓬᐊᒼ ᑳ ᑭ ᑐᑕᕽ; ᐅᑎᓂᐠ ᑭᔭ ᑭᐟ ᐅᑭᒫᒼ ᐅᐟ ᐊᑐᐢᑫᔮᑲᓇ, ᒥᓇ ᓇᐊᐧᓵᐧᐢ, ᐁᑳ ᑭᑕ ᐅᑎᓇᕽ ᐁ ᒣᓂᐢᑭᑲᑌᑭ ᐅᑌᓇᐊᐧ, ᐁᑯᓯ ᑭᑕ ᑭᑎᐢᑭᐸᐃᑯᔭᕽ. 7ᐁᑯᓯ ᑭ ᐱᒥᑎᓴᐦᐅᐠ ᒍᐋᑊ ᐅᐢᑭᓂᑭᒪ, ᒥᓇ ᑫᕒᐃᑕᐃᑕᐠ, ᒥᓇ ᐯᓬᐃᑕᐃᑕᐠ, ᒥᓇ ᑲᐦᑭᔭᐤ ᑳ ᓱᑳᔭᐃᐧᓯᒋᐠ ᓈᐯᐊᐧᐠ; ᑭ ᐊᐧᔭᐃᐧᐊᐧᐠ ᒫᑲ ᒉᕒᐅᓴᓬᐊᒥᕽ ᐅᐦᒋ ᑭᑕ ᓇᐊᐧᓵᐧᑖᒋᐠ ᓯᐸ ᐅᑯᓯᓴ ᐱᑲᕒᐊᐩ. 8ᐃᐢᐱ ᒫᑲ ᐁᔮᒋᐠ ᒥᐢᑕᓯᓂᕽ ᑭᐱᔭᓂᕽ ᑳ ᐊᔮᐟ, ᐁᒫᓴᐊᐧ ᑭ ᐯ ᓇᑭᐢᑳᑲᐧᐠ. ᒍᐋᑊ ᒫᑲ ᑭ ᐸᑲᐧᑌᐦᐅᑐᑕᒼ ᐅ ᓄᑎᓂᑫᐃᐧ ᑭᑭᐢᑳᒋᑲᓇ ᑳ ᑭ ᐳᓯᐢᑲᕽ, ᐁᑯᓯ ᐁᑯᑕ ᑭᑭᐢᑲᒼ ᐸᑲᐧᑌᐦᐅᐣ ᐃᓴᐁᐧᐢᐠ ᐁ ᑭᑲᒧᔨᐠ ᐋᐱᑐᓯᔨᐤ ᐱᐦᒋᑯᒫᓈᓂᕽ; ᐁ ᐊᑎ ᓯᐯᐧᑌᐟ ᒫᑲ ᑭ ᔮᔨᐢᑭᐸᔨᔨᐤ. 9ᒍᐋᑊ ᒫᑲ ᑭ ᐃᑌᐤ ᐁᒫᓴᐊᐧ, ᑭ ᒥᔪᐊᔮᐣ ᒋ ᓂᒋᐋᐧ? ᒍᐋᑊ ᒫᑲ ᑭ ᓴᑭᒥᔨᐢᑐᐋᐧᓀᓀᐤ ᐅ ᑭᐦᒋᓂᐢᐠ ᐅᐦᒋ ᑭᑕ ᐅᒉᒫᐟ.
10ᒫᑲ ᐁᒫᓴ ᓇᒪᐃᐧᔭ ᐊᓱᐢᑕᒼ ᐃᓴᐁᐧᑯᒫᓂᔨᐤ ᑳ ᑕᐦᑯᓇᒥᔨᐟ ᒍᐋᐸ ᐅᒋᐦᒋᔨᕽ; ᐁᑯᓯ ᒫᑲ ᑭ ᐸᑲᒪᐅᐠ ᐁᐊᐧᑫᐧᔨᐤ ᐅᐦᒋ ᐊᐧᑖᕽ, ᑭ ᑲᐧᔭᑯᐸᔨᔨᐊᐧ ᒫᑲ ᐅᑕᑖᒥᔭᐊᐧ ᒧᒋᕽ, ᓇᒪᐃᐧᔭ ᒫᑲ ᑭᐦᑖᐧᒼ ᐸᑲᒪᐅᐠ; ᐁᑯᓯ ᑭ ᓂᐱᐤ. ᒍᐋᑊ ᒫᑲ ᐊᓯᒋ ᐋᐱᓵᐩ ᐅᒋᐋᐧᒪ ᑭ ᓇᐊᐧᓵᐧᑌᐊᐧᐠ ᓯᐸᐊᐧ ᐅᑯᓯᓴ ᐱᑲᕒᐊᐩ. 11ᐯᔭᐠ ᒫᑲ ᒍᐋᑊ ᐅᐢᑭᓂᑭᒪ ᑭ ᓂᐸᐃᐧᐢᑕᐁᐧᐤ ᒥᓇ ᑭ ᐃᑌᐧᐤ, ᐊᓇ ᑳ ᒥᔦᐧᔨᒫᐟ ᒍᐋᐸ, ᒥᓇ ᐊᓇ ᑳ ᐃᐧᒉᐋᐧᐟ ᑌᐱᑕ, ᑭᔮᒼ ᑭᑕ ᐱᒥᑎᓴᐁᐧᐤ ᒍᐋᐸ. 12ᐁᒫᓴ ᒫᑲ ᑭ ᐱᒥᓯᒼ ᐁ ᓵᐳᑫᐧᐟ ᐁᑯᑕ ᒣᑳᐧᐨ ᐱᒧᐦᑌᐢᑲᓈᕽ. ᐃᐢᐱ ᒫᑲ ᐊᓇ ᓈᐯᐤ ᐃᐧᔮᐸᐦᑕᕽ ᑲᐦᑭᔭᐤ ᐊᔨᓯᔨᓂᐊᐧ ᐁ ᑭᐱᒋᑳᐸᐃᐧᔨᐟ, ᐅᐦᐱᒣᐢᑭᓈᕽ ᐊᐧᔭᐃᐧᑎᒫᔨᕽ ᑭ ᐃᑐᑕᐁᐤ ᐁᒫᓴᐊᐧ, ᒥᓇ ᒥᐢᑯᑖᑲᐩ ᑭ ᐊᑲᐧᓂᐁᐧᐱᓇᒪᐁᐧᐤ, ᐁ ᐋᐧᐸᐦᑕᕽ ᑲᐦᑭᔭᐤ ᐊᐃᐧᔭ ᑳ ᐅᑎᐦᑖᔨᐟ ᐁ ᑭᐱᐦᒋᑳᐸᐃᐧᔨᐟ. 13ᐃᐢᐱ ᒫᑲ ᑳ ᐃᑲᑌᓂᐦᐟ ᑭᐦᒋᒣᐢᑲᓈᕽ ᐅᐦᒋ, ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᐱᒥᑎᓴᐁᐧᐊᐧᐠ ᒍᐋᐸ, ᐁ ᓇᐊᐧᓵᐧᑖᒋᐠ ᓯᐸᐊᐧ ᐅᑯᓯᓴ ᐱᑲᕒᐊᐩ.
14ᑭ ᐊᑎ ᓈᓈᑌᐤ ᒫᑲ ᑲᐦᑭᔭᐤ ᐁ ᐃᑕᐦᑐᑌᐃᐧᓯᔨᐟ ᐃᐢᕒᐁᐃᓬ ᐊᓂᑕ ᐁᐱᓬ, ᒥᓇ ᐯᐦᐟᒣᐋᑲ, ᒥᓇ ᑲᐦᑭᔭᐤ ᐱᕒᐊᐃᑕ; ᑲᐦᑭᔭᐤ ᒫᑲ ᑭ ᒫᐊᐧᒋᐦᐃᑐᔨᐊᐧ ᒥᓇ ᑭ ᐱᒥᑎᓴᐦᐅᐠ. 15ᑭ ᐯ ᓇᑕᐃᐧ ᐃᐧᑫᐧᐢᑲᐁᐧᐊᐧᐠ ᒫᑲ ᐁᐱᓬᐃᕽ ᑳ ᐊᔮᐠ ᐯᐦᐟᒣᐋᑲᐃᕽ, ᑭ ᐃᐧᐢᑎᑫᐢᑖᐊᐧᐠ ᒫᑲ ᐊᓯᐢᑭ ᒋᑭ ᐅᑌᓈᕽ ᐁᑯᓯ ᑭ ᐃᐢᐸᐢᑌᐤ ᒋᑭ ᒣᓂᐢᑭᑳᓂᕽ ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑳ ᐃᐧᒉᐋᐧᒋᐠ ᒍᐋᐸ ᑭ ᐹᐸᑲᒪᐊᒪᐧᐠ ᒣᓂᐢᑭᑳᐣ ᑭᑕ ᑲᐃᐧᐁᐧᐸᐊᑭᐠ.
16ᐁᑲᐧ ᑭ ᑌᐯᐧᐤ ᐁ ᐃᔨᓂᓯᐟ ᐃᐢᑫᐧᐤ ᐅᑌᓈᕽ ᐅᐦᒋ, ᓇᑐᐦᑕᒧᐠ, ᓇᑐᐦᑕᒧᐠ; ᐃᐧᐦᑕᒫᕽ ᑭ ᐸᑯᓭᔨᒥᑎᓈᐋᐧᐤ ᒍᐋᑊ, ᑭᓯᐋᐠ ᐅᑕ ᐯ ᐃᑐᐦᑌ ᑭ ᐸᑯᓭᔨᒥᑎᐣ ᑭᑕ ᐃᐧᒋᐱᑭᐢᑫᐧᒥᑖᐣ. 17ᐁᑲᐧ ᒫᑲ ᑭᓯᐋᐧᐠ ᑭ ᐯ ᐃᑐᐦᑌᔨᐊᐧ, ᐊᓇ ᒫᑲ ᐃᐢᑫᐧᐤ ᑭ ᐃᑌᐧᐤ, ᑭᔭ ᒋ ᒍᐋᑊ? ᑭ ᓇᐢᑫᐧᐊᐧᓯᒣᐤ ᒫᑲ, ᓂᔭ ᐁᐊᐧᑯ. ᐁᑲᐧ ᒫᑲ ᑭ ᐃᑌᐧᐤ, ᓇᑐᐦᑕᒼ ᐅᐟ ᐃᑌᐧᐃᐧᓇ ᑭᐟ ᐊᑐᐢᑫᔮᑲᓂᐢᑫᐧᒼ. ᐁᑲᐧ ᑭ ᓇᐢᑫᐧᐊᐧᓯᒣᐤ, ᓂ ᓇᑐᐦᑌᐣ ᒫᑲ. 18ᐁᑲᐧ ᑭ ᐱᑭᐢᑫᐧᐤ ᐁ ᐃᑌᐧᐟ, ᑲᔮᐢ ᒫᓇ ᑭ ᐸᐱᑭᐢᑫᐧᐊᐧᐠ ᐁ ᐃᑌᐧᒋᐠ, ᑭᐦᒋᓈ ᑭᑕ ᓇᑐᐢᑲᒪᐧᐠ ᐅᔭᓱᐁᐧᐃᐧᐣ ᐁᐱᓬᐃᕽ; ᐁᑯᓯ ᒫᑲ ᑭ ᐃᓯ ᑭᓯᑖᐊᐧᐠ. 19ᓂᔭ ᒫᑲ ᑐᐃᐧᑳᐣ ᐊᓂᑭ ᑳ ᐯᔭᑕᑳᑎᓯᒋᐠ ᒥᓇ ᑳ ᐊᔮᑳᐧᒥᓯᒋᐠ ᐃᐢᕒᐁᐃᓬᐃᕽ; ᑭ ᓇᑐᓀᐣ ᑭᑕ ᓂᓯᐊᐧᓈᒋᐦᑖᔭᐣ ᐅᑌᓇᐤ ᒥᓇ ᐊᓇ ᑳ ᐅᑳᐃᐧᐢᑲᕽ ᐃᐢᕒᐁᐃᓬ; ᑖᓀᐦᑭ ᑳ ᐃᐧ ᓂᓯᐊᐧᓈᒋᐦᑖᐊᐧᐟ ᐅ ᑎᐯᔨᒋᑲᐣ ᑳ ᑎᐯᔨᐦᒋᑫᐟ? 20ᒍᐋᑊ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᓇᒪᐃᐧᔭ ᓭᓯᐠ, ᓇᒪᐃᐧᔭ ᓭᓯᐠ ᓄᑕᔮᓂᐣ ᑭᑕ ᓂᓯᐊᐧᓈᒋᐦᑖᔮᐣ ᐊᐦᐳ ᑭᑕ ᐱᑯᓇᒫᐣ. 21ᓇᒪᐃᐧᔭ ᐁᑯᓯ ᐃᐦᑭᐣ; ᒫᑲ ᐊᔨᓯᔨᓂᐤ ᐊᐧᒋᐊᐧᐢᑭᕽ ᐃᐸᕒᐁᐃᒼ ᐅᐦᒋ, ᓯᐸ ᐅᑯᓯᓴ ᐱᑲᕒᐊᐩ ᐁ ᐃᓯᔨᐦᑳᓱᐟ ᑭ ᐅᐦᐱᓂᐢᑫᔨᐢᑕᐁᐧᐤ ᑭᐦᒋ ᐅᑭᒫᐊᐧ, ᑌᐱᑕ ᐅᑎ; ᐁᐊᐧᑯ ᐱᑯ ᐸᐦᑭᐦᑎᐣ, ᐁᑯᓯ ᓂ ᑲ ᓇᑲᑌᐣ ᐅᑌᓇᐤ. ᐊᓇ ᒫᑲ ᐃᐢᑫᐧᐤ ᑭ ᐃᑌᐤ ᒍᐋᐸ, ᒫᑎᑲ, ᐅᐢᑎᑳᐧᐣ ᑭ ᑲ ᐁᐧᐱᓇᒫᑲᐃᐧᐣ ᐹᓯᒋ ᒣᓂᐢᑭᑳᓂᕽ. 22ᐊᓇ ᒫᑲ ᐃᐢᑫᐧᐤ ᑭ ᓈᑌᐤ ᑲᐦᑭᔭᐤ ᐊᔨᓯᔨᓂᐊᐧ ᐅᐟ ᐃᔨᓂᓯᐃᐧᓂᕽ. ᑭ ᑭᐢᑭᑫᐧᑕᐁᐧᐊᐧᐠ ᒫᑲ ᓯᐸᐊᐧ ᐅᑯᓯᓴ ᐱᑲᕒᐊᐩ, ᒥᓇ ᑭ ᐊᐧᔭᐃᐧᐁᐧᐱᓇᒪᐁᐧᐊᐧᐠ ᐅᐢᑎᑳᐧᓂᔨᐤ ᒍᐋᐸ. ᑭ ᑭᑐᐦᑖᐤ ᒫᑲ ᐱᐱᑲᐧᐣ, ᐁᑯᓯ ᑭ ᓇᑲᑕᒪᐧᐠ ᐅᑌᓇᐤ ᑲᐦᑭᔭᐤ ᐊᐃᐧᔭᐠ ᐁ ᐃᑐᐦᑌᐟ ᐃᐧᑭᕽ. ᒍᐋᑊ ᒫᑲ ᑭ ᐯ ᑭᐁᐧᐤ ᒉᕒᐅᓴᓬᐊᒥᕽ ᑭᐦᒋ ᐅᑭᒫᐊᐧ ᐃᑕ ᐁ ᐊᔮᔨᐟ.
23ᒍᐋᑊ ᒫᑲ ᑭ ᑎᐯᔨᒣᐤ ᑲᐦᑭᔭᐤ ᐃᐢᕒᐁᐃᓬ ᐅᓇᑐᐸᔨᐊᐧ; ᐁᑯᓯ ᐱᓀᐋᔭ ᐅᑯᓯᓴ ᒋᐦᐋᔭᑕ ᑭ ᑎᐯᔨᒣᐤ ᑫᕒᐃᑕᐃᑕ ᒥᓇ ᐯᓬᐃᑕᐃᑕ; 24ᐊᑖᕒᐊᒼ ᒫᑲ ᑭ ᑎᐯᔨᐦᑕᒼ ᒣᑭᓱᓂᔮᐁᐧᐃᐧᐣ; ᒥᓇ ᒋᐦᐋᓴᐹᐟ ᐅᑯᓯᓴ ᐊᐦᐊᐃᓬᐊᐟ ᑭ ᑲᓇᐊᐧᓯᓇᐃᑲᓀᐤ; 25ᓯᐸ ᒫᑲ ᑭ ᒪᓯᓇᐦᐃᑫᐢᑕᒫᑫᐤ; ᐁᑯᓯ ᓭᑖᐠ ᒥᓇ ᐊᐹᔭᑕᕒ ᑭ ᐊᔭᒥᐦᐁᐃᐧᔨᓂᐃᐧᐊᐧᐠ; 26ᐊᐃᕒᐊ ᒫᑲ ᐊᓇ ᒉᐊᕒᐊᐃᐟ ᑭ ᓂᑳᓂ ᐅᔭᓱᐁᐧᐃᐧᔨᓂᒥᐤ ᑌᐱᐟ.
Currently Selected:
ᓃᓵᐧᐤ ᓵᒼᔪᐃᓬ 20: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
