ᓃᓵᐧᐤ ᓵᒼᔪᐃᓬ 19
19
1ᑭ ᐃᐧᐦᑕᒪᐋᐧᐤ ᒫᑲ ᒍᐋᑊ, ᒫᑎᑲ, ᑭᐦᒋ ᐅᑭᒫᐤ ᒫᑐ ᒥᓇ ᒪᐃᐧᑳᑌᐤ ᐋᑊᓴᓬᐊᒪ. 2ᓵᑯᑖᐧᐃᐧᐣ ᒫᑲ ᐁᐊᐧᑳᐧᓂᒪ ᐁ ᑭᓯᑳᐠ ᑭ ᒥᐦᑖᑕᒪᐧᐠ ᑲᐦᑭᔭᐤ ᐊᔨᓯᔨᓂᐊᐧᐠ; ᒋᑫᒫ ᐊᔨᓯᔨᓂᐊᐧᐠ ᐯᐦᑕᒪᐧᐠ ᐁ ᐃᑌᐧᕽ ᐁᐊᐧᑳᐧᓂᒪ ᐁ ᑭᓯᑳᐠ, ᑭᐦᒋ ᐅᑭᒫᐤ ᒥᐦᑖᑌᐤ ᐅᑯᓯᓴ. 3ᐊᔨᓯᔨᓂᐊᐧᐠ ᒫᑲ ᑭ ᐯᔭᑕᑭ ᐱᐦᑐᑫᐊᐧᐠ ᐅᑌᓈᕽ ᐁᐊᐧᑳᐧᓂᒪ ᐁ ᑭᓯᑳᐠ, ᑖᐱᐢᑯᐨ ᐊᔨᓯᔨᓂᐊᐧᐠ ᐁ ᓈᓀᐯᐃᐧᓯᒋᐠ ᑳᐦ ᑕᐸᓯᑖᐧᐃᐧ ᓄᑎᓂᑐᐃᐧᓂᕽ. 4ᒫᑲ ᑭᐦᒋ ᐅᑭᒫᐤ ᑭ ᐋᑯᑫᐧᐅᓱ, ᒥᓇ ᑭᐦᒋ ᐅᑭᒫᐤ ᑭ ᒫᑐ ᐁ ᑭᓯᐁᐧᐟ ᐁ ᐃᑌᐧᐟ, ᐋ ᓂᑯᓯᐢ ᐋᑊᓴᓬᐊᒼ, ᐋ ᐋᑊᓴᓬᐊᒼ ᓂᑯᓯᐢ, ᓂᑯᓯᐢ! 5ᒍᐋᑊ ᒫᑲ ᑭ ᐯ ᓇᑕᐋᐧᐸᒣᐤ ᑭᐦᒋ ᐅᑭᒫᐊᐧ ᐋᐧᐢᑳᐦᐃᑲᓂᕽ, ᐁᑯᓯ ᑭ ᐃᑌᐤ, ᑭ ᑭ ᓇᓀᐯᐃᐧᐦᐋᐊᐧᐠ ᐊᓄᐦᐨ ᑳ ᑭᓯᑳᐠ ᑲᐦᑭᔭᐤ ᑭᐟ ᐊᑐᐢᑫᔮᑲᓇᐠ, ᑳ ᑭ ᐱᒫᒋᐦᑖᒋᐠ ᑭ ᐱᒫᑎᓯᐃᐧᐣ ᐊᓄᐦᐨ ᑳ ᑭᓯᑳᐠ ᒥᓇ ᐅ ᐱᒫᑎᓯᐃᐧᓂᐋᐧᐤ ᑭᑯᓯᓴᐠ ᒥᓇ ᑭᑖᓂᓴᐠ, ᒥᓇ ᐅ ᐱᒫᑎᓯᐃᐧᓂᐋᐧᐊᐧ ᑭᐊᐧ ᒥᓇ ᐅ ᐱᒫᑎᓯᐃᐧᓂᐋᐧᐤ ᑭ ᑲᓇᐃᐧᐢᑫᐧᐋᐧᓇᐠ; 6ᐊᔨᐢ ᐁ ᓵᑭᐦᐊᒋᐠ ᐊᓂᑭ ᑳ ᐸᑳᐧᑎᐢᑭᐠ ᒥᓇ ᐁ ᐸᑳᐧᑕᒋᐠ ᐊᓂᑭ ᑳ ᓵᑭᐦᐃᐢᑭᐠ. ᒋᑫᒫ ᑭ ᓄᑯᑖᐣ ᐊᓄᐦᐨ ᑳ ᑭᓯᑳᐠ, ᐁᑳ ᓈᐣᑕᐤ ᐁ ᐃᑕᑭᒪᒋᐠ ᐅᑭᒫᐊᐧᐠ ᒥᓇ ᐊᑐᐢᑫᔮᑲᓇᐠ; ᒋᑫᒫ ᓂ ᐋᐧᐸᐦᑌᐣ ᐊᓄᐦᐨ ᑳ ᑭᓯᑳᐠ ᑭᐢᐱᐣ ᐋᑊᓴᓬᐊᒼ ᑭ ᐱᒫᑎᓯᐟ ᐁᑯᓯ ᑲᐦᑭᔭᐤ ᑭ ᓂᐱᔮᕽ ᐊᓄᐦᐨ ᑳ ᑭᓯᑳᐠ, ᑭ ᑳᐦ ᓇᐁᔨᑌᐣ. 7ᐁᑲᐧ ᒫᑲ ᐸᓯᑯ, ᐊᐧᔭᐃᐧ, ᒥᓇ ᒥᔪ ᐊᔭᒥᐃᐠ ᑭᐟ ᐊᑐᐢᑫᔮᑲᓇᐠ; ᒋᑫᒫ ᓂ ᑭᐦᒋᐃᑖᐧᐣ ᑳ ᑎᐯᔨᐦᒋᑫᐟ ᐁ ᐊᐢᐱᒧᔮᐣ, ᑭᐢᐱᐣ ᐁᑳ ᐊᐧᔭᐃᐧᔭᓂ, ᓇᒪᐋᐧᐨ ᐊᐃᐧᔭᐠ ᐊᔨᓯᔨᓂᐤ ᑭ ᑲ ᑭᓵᑎᐠ ᐊᓄᐦᐨ ᑫ ᑎᐱᐢᑳᐠ; ᓇᐊᐧᐨ ᒫᑲ ᐁᐊᐧᑯ ᑭ ᑲ ᒫᔨᐸᔨᐦᐃᑯᐣ ᐃᔨᑯᕽ ᑲᐦᑭᔭᐤ ᐁ ᐋᔨᒥᕽ ᑳ ᑭ ᐅᑎᐦᑎᑯᔭᐣ ᐁ ᐅᐢᑭᓂᑭᔭᐣ ᐅᐦᒋ ᐱᔨᐢ ᐊᓄᐦᐨ. 8ᐁᑲᐧ ᑭ ᐸᓯᑯ ᑭᐦᒋ ᐅᑭᒫᐤ ᒥᓇ ᑭ ᐊᐱᐤ ᑭᐦᒋᐃᐢᑳᐧᑌᒥᕽ. ᑭ ᐃᐧᐦᑕᒪᐁᐧᐊᐧᐠ ᒫᑲ ᑲᐦᑭᔭᐤ ᐊᔨᓯᔨᓂᐊᐧ, ᐁ ᐃᑌᐧᒋᐠ, ᒫᑎᑲ, ᑭᐦᒋ ᐅᑭᒫᐤ ᐊᐱᐤ ᑭᐦᒋᐃᐢᑳᐧᑌᒥᕽ; ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ ᑭᐦᒋ ᐅᑭᒫᐊᐧ.
ᐃᐢᕒᐁᐃᓬ ᒫᑲ ᑭ ᐃᑖᒧᐊᐧᐠ ᑲᐦᑭᔭᐤ ᐊᔨᓯᔨᓂᐤ ᐃᐧᑭᕽ.
9ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᒥᑯᐢᑳᑌᔨᑕᒪᐧᐠ ᒥᓯᐁᐧ ᐁ ᐃᑖᐦᑐᑌᐃᐧᓯᐟ ᐃᐢᕒᐁᐃᓬ, ᐁ ᐃᑌᐧᒋᐠ, ᑭᐦᒋ ᐅᑭᒫᐤ ᑭ ᑭ ᐸᐢᐱᐦᐃᑯᓇᐤ ᐅᒋᐦᒋᔨᕽ ᐅᐦᒋ ᑭ ᓄᑎᓈᑲᓂᓄᓇᐊᐧ, ᒥᓇ ᑭ ᑭ ᐸᐢᐱᐦᐃᑯᓇᐤ ᐅᒋᐦᒋᔨᕽ ᐅᐦᒋ ᐱᓬᐃᐢᑎᓇ; ᐁᑲᐧ ᒫᑲ ᐋᑊᓴᓬᐊᒪ ᑭ ᓯᐯᐧᔮᒧᑳᑎᐠ ᐅᑕ ᐊᐢᑭᕽ ᐅᐦᒋ. 10ᐁᑯᓯ ᐋᑊᓴᓬᐊᒼ ᑳ ᑭ ᑐᒥᓈᔭᕽ ᑭᑕ ᑎᐯᔨᒥᑯᔭᕽ, ᓂᐱᐤ ᓄᑎᓂᑐᐃᐧᓂᕽ. ᐁᑲᐧ ᒫᑲ ᑖᓀᐦᑭ ᐁᑳ ᓈᐣᑕᐤ ᑳ ᐃᑌᐧᔦᐠ ᑭᑕ ᐯ ᑭᐁᐧᑕᐋᔦᐠ ᑭᐦᒋ ᐅᑭᒫᐤ?
11ᑭᐦᒋ ᐅᑭᒫᐤ ᑌᐱᐟ ᒫᑲ ᑭ ᐃᓯᑎᓴᐁᐧᐤ ᓭᑖᑲ ᒥᓇ ᐊᐹᔭᑕᕒᐊ ᐊᔭᒥᐦᐁᐃᐧᔨᓂᐊᐧ, ᐅᒥᓯ ᐁ ᐁᑖᐟ, ᐊᔭᒥᐃᐠ ᑳ ᓂᑳᓀᔨᑖᑯᓯᒋᐠ ᒍᑕ, ᐁ ᐃᑌᐧᔦᐠ, ᑖᓀᐦᑭ ᑭᔭᐋᐧᐤ ᐃᐢᑲᐧᔮᓂᕽ ᑳ ᐊᔮᔦᐠ ᑭᑕ ᑭᐁᐧᑕᐋᔦᐠ ᑭᐦᒋ ᐅᑭᒫᐤ ᐃᐧᑭᕽ? ᐁ ᓄᑲᐧᕽ ᐅ ᐱᑭᐢᑫᐧᐃᐧᓂᐋᐧᐤ ᑲᐦᑭᔭᐤ ᐃᐢᕒᐁᐃᓬ ᐁ ᐅᑎᐦᑎᑯᐟ ᑭᐦᒋ ᐅᑭᒫᐤ ᑭᑕ ᑭᐁᐧᑕᐦᐃᑯᐟ ᐅ ᐋᐧᐢᑳᐦᐃᑲᓂᕽ. 12ᑭᔭᐋᐧᐤ ᓂᒋᐋᐧᒪᐠ, ᑭᔭᐋᐧᐤ ᓂᐢᑲᐣ ᒥᓇ ᓂᐃᐧᔮᐢ; ᑖᓀᐦᑭ ᒫᑲ ᑭᔭᐋᐧᐤ ᐃᐢᑳᐧᔮᓂᕽ ᑳ ᐊᔮᔦᐠ ᑭᑕ ᑭᐁᐧᑕᐋᔦᐠ ᑭᐦᒋ ᐅᑭᒫᐤ? 13ᐃᑎᕽ ᒥᓇ ᐁᒫᓴ, ᓇᒪ ᒋ ᑭᔭ ᓂᐢᑲᐣ ᒥᓇ ᓂ ᐃᐧᔮᐢ? ᑭᓭᒪᓂᑐ ᐁᑯᓯ ᓂ ᑲ ᐃᐧ ᐃᑐᑖᐠ ᒥᓇ ᐊᐊᐧᓯᒣ ᐊᐦᐳ, ᑭᐢᐱᐣ ᐁᑳ ᑭᔭ ᑕᐦᑭᓀ ᓯᒫᑲᓂᓯᐃᐧᑭᒫᐃᐧᔭᓂ ᐁ ᐋᐧᐸᒥᑖᐣ ᐁ ᑎᐯᔨᒪᒋᐠ ᐅᓄᑎᓂᑫᐊᐧᐠ, ᒍᐋᑊ ᑭᑕ ᑖᐱᐢᑲᒪᐊᐧᐟ. 14ᐁᑯᓯ ᑭ ᓴᐃᐧᓇᒣᐧᐤ ᐅᑌᐦᐃᔨᐊᐧ ᑲᐦᑭᔭᐤ ᒍᑕ ᐊᔨᓯᔨᓂᐊᐧ, ᑖᐱᐢᑯᐨ ᐯᔭᐠ ᐊᔨᓯᔨᓂᐤ; ᐅᑌᐦ; ᐁᑯᓯ ᑭ ᐃᓯᑎᓴᐦᐊᒪᐁᐧᐊᐧᐠ ᑭᐦᒋ ᐅᑭᒫᐊᐧ ᐁ ᐃᑖᒋᐠ, ᐯ ᑭᐁᐧ ᑭᔭ ᒥᓇ ᑲᐦᑭᔭᐤ ᑭᐟ ᐊᑐᐢᑫᔮᑲᓇᐠ. 15ᐁᑯᓯ ᒫᑲ ᑭᐦᒋ ᐅᑭᒫᐤ ᑭ ᑭᐁᐧᐤ, ᐁ ᑭ ᑕᑯᓯᕽ ᒑᕒᑕᓂᕽ. ᒍᑕ ᒫᑲ ᑭ ᐯ ᐃᑐᐦᑌᐊᐧᐠ ᑭᓬᑳᓬᐃᕽ, ᑭᑕ ᓇᑕᐃᐧ ᓇᑭᐢᑲᐋᐧᒋᐠ ᑭᐦᒋ ᐅᑭᒫᐊᐧ, ᑭᑕ ᐋᓱᐊᐧᑳᒣᑕᐋᒋᐠ ᑭᐦᒋᐅᑭᒪᐊᐧ ᒑᕒᑕᓂᕽ.
16 #
2 ᓵᒼᔪᐃᓬ 16:5-13
ᓯᒥᐊᐩ ᒫᑲ ᐅᑯᓯᓴ ᑭᕒᐊ, ᐊᓇ ᐯᐣᒋᒪᐃᐟ, ᐹᐦᐊᕒᐃᒼ ᑳ ᐅᐦᒋᐟ, ᑭ ᑲᑫᐧᔮᐦᐅ ᐁᑯᓯ ᑭ ᐯ ᐃᐧᒉᐁᐧᐤ ᒍᑕ ᐊᔨᓯᔨᓂᐊᐧ ᑭᑕ ᓇᑭᐢᑲᐋᐧᐟ ᑭᐦᒋ ᐅᑭᒫᐊᐧ ᑌᐱᑕ. 17ᑭᐦᒋᒥᑖᐦᑐᒥᑕᓇᐤ ᒫᑲ ᐯᐣᒋᒪᐣ ᓈᐯᐊᐧ ᑭ ᐃᐧᒉᐃᐧᐠ, ᒥᓇ ᓯᐸ ᐊᑐᐢᑫᔮᑲᐣ ᐅ ᐋᐧᐢᑳᐦᐃᑲᓂᕽ ᓵᓬ, ᐁ ᐃᐧᒉᐃᐧᑯᐟ ᒥᑖᑕᐦᐟ ᓂᔮᓇᓄᓵᑊ ᑳ ᐃᐦᑕᓯᔨᐟ ᐅᑯᓯᓴ ᒥᓇ ᐁ ᓂᓯᑕᓇᐁᐧᔨᐟ ᐅᐟ ᐊᑐᐢᑫᔮᑲᓇ; ᑭ ᐋᓱᐊᐧᐊᒪᐧᐠ ᒫᑲ ᒑᕒᑕᐣ ᐁ ᐋᐧᐸᒥᑯᒋᐠ ᑭᐦᒋ ᐅᑭᒫᐊᐧ. 18ᐁᑯᑕ ᒫᑲ ᑭ ᐋᓱᐊᐧᑳᒣᐸᔨᐤ ᒥᐢᑎᑯᓯ ᑭᑕ ᐋᓱᐊᐧᐅᔨᑯᔨᐟ ᑭᐦᒋ ᐅᑭᒫᐤ ᐃᐧᑭᕽ ᑳ ᐊᔮᔨᐟ, ᒥᓇ ᑭᑕ ᐃᑖᐸᒋᐦᑖᐟ ᐱᑯ ᐁ ᐃᓯ ᒥᔦᐧᔨᑕᕽ. ᓯᒥᐊᐩ ᒫᑲ ᐅᑯᓯᓴ ᑭᕒᐊ ᑭ ᐸᑕᐱᐸᔨᐦᐅ ᐅᐦᑎᐢᑲᐤ ᑭᐦᒋ ᐅᑭᒫᐊᐧ, ᐃᐢᐱ ᐁ ᑭ ᐋᓱᐊᐧᐊᒥᔨᐟ ᒑᕒᑕᐣ. 19ᑭ ᐃᑌᐤ ᒫᑲ ᑭᐦᒋ ᐅᑭᒫᐊᐧ, ᑭᔮᒼ ᐁᑳᐃᐧᔭ ᓂᐟ ᐅᑭᒫᒼ ᒪᒑᔨᐃᐧᐣ ᓂ ᑲ ᐊᑳᐧᑕᒫᐠ, ᐊᐦᐳ ᐁᑳᐃᐧᔭ ᑭᐢᑭᓯᑐᑕ ᐊᓂᒪ ᑭᐟ ᐊᑐᐢᑫᔮᑲᐣ ᑳ ᑭ ᐃᓯ ᐊᐧᓂᑐᑕᕽ ᐊᓂᒪ ᐁ ᑭᓯᑳᐠ ᐃᐢᐱ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑳ ᑭ ᐊᐧᔭᐃᐧᐟ ᒉᕒᐅᓴᓬᐊᒥᕽ ᐅᐦᒋ, ᑭᐦᒋ ᐅᑭᒫᐤ ᑭᑕ ᐱᓯᐢᑫᔨᑕᕽ ᐅᑌᐦᐃᕽ. 20ᒋᑫᒫ ᑭᐟ ᐊᑐᐢᑫᔮᑲᐣ ᑭᐢᑫᔨᑕᒼ ᐁ ᑭ ᐊᐧᓂᑐᑕᒫᐣ; ᐁᐊᐧᑯ ᐅᐦᒋ ᒫᑎᑲ ᓂ ᐯ ᐃᑐᐦᑖᐣ ᐊᓄᐦᐨ ᑳ ᑭᓯᑳᐠ ᓂᔭ ᓂᑳᐣ ᑲᐦᑭᔭᐤ ᐅ ᐋᐧᐢᑳᐦᐃᑲᓂᕽ ᒍᓯᑊ ᑭᑕ ᐯ ᓇᑕᐃᐧ ᓇᑭᐢᑲᐊᐧᐠ ᓂᐟ ᐅᑭᒫᒼ ᑭᐦᒋ ᐅᑭᒫᐤ.
21ᒫᑲ ᐋᐱᓵᐩ ᐅᑯᓯᓴ ᓯᕒᔪᐋᔭ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐧᐤ, ᓇᒪ ᒋ ᓯᒥᐊᐩ ᑭᑕ ᓂᐸᐦᐋᐤ ᐅᒪ ᐅᐦᒋ, ᐁ ᑭ ᒫᒪᒋᐃᑖᐟ ᑳ ᑎᐯᔨᐦᒋᑫᔨᐟ ᐅ ᑐᒥᓈᑲᓇ? 22ᑌᐱᐟ ᒫᑲ ᑭ ᐃᑌᐧᐤ. ᑖᓂᓯ ᑭᔨᐋᐧᐤ ᑫ ᐃᑐᑖᑕᑯᐠ, ᑭᔭᐋᐧᐤ ᐅᑯᓯᓴ ᓯᕒᔪᐋᔭ, ᐊᓄᐦᐨ ᑳ ᑭᓯᑲᐠ ᑳ ᓇᑳᐢᑲᐃᐧᔦᐠ? ᐊᐃᐧᔭᐠ ᒋ ᐊᔨᓯᔨᓂᐤ ᑭᑕ ᓂᐸᐦᐋᐤ ᐊᓄᐦᐨ ᑳ ᑭᓯᑳᐠ ᐃᐢᕒᐁᐃᓬᐃᕽ? ᒋᑫᒫ ᓇᒪ ᒋ ᓂ ᑭᐢᑫᔨᑌᐣ ᐊᓄᐦᐨ ᑳ ᑭᓯᑳᐠ ᐁ ᑭᐦᒋ ᐅᑭᒫᑲᑕᐊᐧᑭᐠ ᐃᐢᕒᐁᐃᓬ? 23ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᓯᒥᐊᔭ, ᓇᒪᐃᐧᔭ ᑭ ᑲ ᓂᐱᐣ. ᑭᐦᒋ ᐅᑭᒫᐤ ᒫᑲ ᑭ ᑭᐦᒋᐃᑌᐤ.
24 #
2 ᓵᒼᔪᐃᓬ 9:1-13; 16:1-4 ᐁᑯᓯ ᒣᐦᐱᐳᓭᐦᐟ ᐅᑯᓯᓴ ᓵᓬ ᑭ ᐯ ᓇᑕᐃᐧ ᓇᑭᐢᑲᐁᐧᐤ ᑭᐦᒋ ᐅᑭᒫᐊᐧ; ᐁᑯᓯ ᓇᒪᐃᐧᔭ ᐅᐦᒋ ᓈᓇᐹᒋᐦᑖᐤ ᐅᓯᑕ, ᐊᐦᐳ ᓇᒪᐃᐧᔭ ᐅᐦᒋ ᓈᓇᐹᒋᐦᑖᐤ ᐅ ᒥᐦᐃᐢᑐᐋᐧᓇ, ᐊᐦᐳ ᓇᒪᐃᐧᔭ ᐅᐦᒋ ᑭᓯᐯᑭᓇᒼ ᐅ ᑭᑭᐢᑳᒋᑲᓇ, ᐊᓂᒪ ᐁ ᑭᓯᑳᔨᐠ ᐅᐦᒋ ᑳ ᑭ ᓯᐯᐧᑌᔨᐟ ᑭᐦᒋ ᐅᑭᒫᐊᐧ ᐃᐢᑯ ᐊᓂᒪ ᑭᓯᑳᐤ ᑳ ᑭ ᒥᔪᑕᑯᓯᓂᔨᐟ ᐃᐧᑭᔨᕽ. 25ᑭ ᐊᔨᑭᐣ ᒫᑲ ᐃᐢᐱ ᑌᑯᓯᕽ ᒉᕒᐅᓴᓬᐊᒥᕽ ᑭᐦᒋ ᐅᑭᒫᐊᐧ ᑭᑕ ᓇᑭᐢᑲᐋᐧᐟ, ᑭᐦᒋ ᐅᑭᒫᐊᐧ ᑭ ᐃᑎᐠ, ᑖᓀᐦᑭ ᐁᑳ ᑳ ᑭ ᐯ ᓇᑕᐃᐧ ᓇᑭᐢᑲᐃᐧᔭᐣ, ᒣᐦᐱᐳᓭᐦᐟ? 26ᑭ ᓇᐢᑫᐧᐊᐧᓯᒣᐤ ᒫᑲ, ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᓂᐟ ᐊᑐᐢᑫᔮᑲᐣ ᓂ ᑭ ᐊᐧᔦᓯᒥᐠ; ᒋᑫᒫ ᑭᐟ ᐊᑐᐢᑫᔮᑲᐣ ᑭ ᐃᑌᐧᐤ, ᓂ ᑲ ᐅᔭᐱᑕᒫᓱᐣ ᓱᓱᒥᐢᑕᑎᒼ, ᑭᑕ ᑌᐦᑕᐱᔮᐣ, ᐁᑯᓯ ᓂ ᑲ ᐃᐧᒉᐋᐧᐤ ᑭᐦᒋ ᐅᑭᒫᐤ; ᐊᔨᐢ ᑭᐟ ᐊᑐᐢᑫᔮᑲᐣ ᒫᐢᑭᓯᑌᐤ. 27ᑭ ᒫᔮᒋᒣᐤ ᒫᑲ ᑭᐟ ᐊᑐᐢᑫᔮᑲᓇ ᐁ ᐋᒋᒧᐢᑕᐋᐧᐟ ᓂᐟ ᐅᑭᒫᒪ ᑭᐦᒋ ᐅᑭᒫᐊᐧ; ᒫᑲ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑖᐱᐢᑯᐨ ᑭᓭᒪᓂᑐ ᐅᑭᓯᑯᒪ; ᐃᐦᑐᑕ ᒫᑲ ᐁ ᐃᓯ ᒥᔮᐧᐱᓯᒥᑯᔭᐣ. 28ᒋᑫᒫ ᑲᐦᑭᔭᐤ ᑳ ᑭ ᐊᔮᒋᐠ ᓄᑖᐃᐧ ᐃᐧᑭᕽ ᑖᐯᐧ ᐱᑯ ᓂᐳᐃᐧᔨᓂᐊᐧᐠ ᐁ ᐃᓯ ᐋᐧᐸᐦᑕᕽ ᓂᐟ ᐅᑭᒫᒼ ᑭᐦᒋ ᐅᑭᒫᐤ; ᐁᑯᓯ ᐁᔨᐁᐧᕽ ᑭ ᑭ ᐊᓯᑕᐱᐋᐤ ᑭᐟ ᐊᑐᐢᑫᔮᑲᐣ ᐊᓂᑭ ᑳ ᒥᒋᓱᒋᐠ ᑭᔭ ᑭ ᒥᒋᓱᐃᐧᓈᑎᑯᕽ. ᑫᑲᐧᐩ ᒫᑲ ᐅᐦᒋ ᑫᔮᐱᐨ ᑫ ᑳᑭᓯᒧᑐᑕᐊᐧᐠ ᑭᐦᒋ ᐅᑭᒫᐤ? 29ᑭᐦᒋ ᐅᑭᒫᐤ ᒫᑲ ᑭ ᐃᑌᐤ, ᑖᓀᐦᑭ ᑫᔮᐱᐨ ᑳ ᒫᒥᐢᑯᑕᒪᐣ ᑭᐟ ᐊᔨᑎᓂᑫᐃᐧᓇ? ᓂᐟ ᐃᑖᐧᐣ, ᑭᔭ ᒥᓇ ᓯᐸ ᓂᓱᑖᐧᑐᐠ ᐊᐢᑭ. 30ᒣᐦᐱᐳᓭᐦᐟ ᒫᑲ ᑭ ᐃᑌᐤ ᑭᐦᒋ ᐅᑭᒫᐊᐧ, ᐁᐦᐁ, ᑭᔮᒼ ᑲᐦᑭᔭᐤ ᑭᑕ ᐅᑎᓇᒼ, ᑌᐱᔮᕽ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑳᐃᐧ ᐁ ᒥᔪ ᑕᑯᓯᕽ ᑎᐱᔭᐤ ᐃᐧᑭᕽ.
31 #
2 ᓵᒼᔪᐃᓬ 17:27-29
ᐸᕒᓯᓬᐋᐩ ᒫᑲ ᐊᓇ ᑭᓬᐃᔭᑕᐃᐟ ᑭ ᐯ ᐃᑐᐦᑌᐤ ᕒᐋᑭᓬᐃᒼ ᐅᐦᒋ; ᑭ ᐋᓱᐊᐧᐊᒼ ᒫᑲ ᒑᕒᑕᐣ ᐊᓯᒋ ᑭᐦᒋ ᐅᑭᒫᐊᐧ, ᑭᑕ ᓄᓴᐋᐧᐸᒫᐟ ᐊᑳᒥᕽ ᒑᕒᑕᓂᕽ. 32ᐸᕒᓯᓬᐋᐩ ᒫᑲ ᒥᐢᑕᐦᐃ ᑭ ᑭᓭᔨᓂᐃᐧᐤ ᐊᔨᓈᓀᒥᑕᓇᐤ ᐁ ᐃᑕᐦᑐᐱᐳᓀᐧᐟ; ᑭ ᐅᐦᑎᓇᒪᐁᐧᐤ ᒫᑲ ᒥᒋᐃᐧᐣ ᑭᐦᒋ ᐅᑭᒫᐊᐧ ᒣᑳᐧᐨ ᒣᐦᐋᓀᐃᒥᕽ ᑳ ᐊᔮᔨᐟ; ᒋᑫᒫ ᓈᐢᐱᐨ ᑭ ᑭᐦᒋᐊᔨᓯᔨᓂᐃᐧᐤ. 33ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐸᕒᓯᓬᐋᔭ, ᐯ ᐋᓱᐃᐧ ᐃᐧᒉᐃᐧᐣ, ᑭ ᑲ ᐸᒥᐃᑎᐣ ᒫᑲ ᒉᕒᐅᓴᓬᐊᒥᕽ ᐃᑕ ᑳ ᐊᔮᔮᐣ. 34ᐁᑯᓯ ᐸᕒᓯᓬᐋᐩ ᑭ ᐃᑌᐤ ᑭᐦᒋ ᐅᑭᒫᐊᐧ, ᑖᓂᑕᐦᑐ ᑭᓯᑳᐤ ᑫᔮᐱᐨ ᑫ ᐱᒫᑎᓯᔮᐣ, ᑭᑕ ᑭ ᐃᓯ ᐃᐧᒉᐊᐧᐠ ᑭᐦᒋ ᐅᑭᒫᐤ ᒉᕒᐅᓴᓬᐊᒥᕽ? 35ᐊᓄᐦᐨ ᑳ ᑭᓯᑳᐠ ᐊᔨᓈᓀᒥᑕᓇᐤ ᓂᐟ ᐃᑕᐦᑐᐱᐳᓈᐧᐣ; ᓂ ᑲ ᑭ ᐸᐋᐧᑖᐣ ᒋ ᒫᑲ ᑳ ᒥᔮᐧᓯᐠ ᒥᓇ ᐁᑳ ᑳ ᒥᔮᐧᓯᐠ? ᑭᑕ ᑭ ᒋ ᓂᓯᑐᐢᐱᑕᒼ ᑭᐟ ᐊᑐᐢᑫᔮᑲᐣ ᐊᓂᒪ ᑳ ᒥᒋᔮᐣ ᐊᐦᐳ ᐊᓂᒪ ᑳ ᒥᓂᐦᑫᐧᔮᐣ? ᑫᔮᐱᐨ ᒋ ᓂ ᑲ ᑭ ᐯᑕᒫᐧᐣ ᐁ ᐃᑎᑖᑯᓯᒋᐠ ᑳ ᓂᑲᒧᒋᐠ ᓈᐯᐊᐧᐠ ᒥᓇ ᑳ ᓂᑲᒧᒋᐠ ᐃᐢᑫᐧᐊᐧᐠ? ᑫᑳᐧᐩ ᒫᑲ ᐅᐦᒋ ᑭᐟ ᐊᑐᐢᑫᔮᑲᐣ ᑫᔮᐱᐨ ᑫ ᐅᑕᒥᐊᐠ ᓂᐟ ᐅᑭᒫᒼ ᑭᐦᒋ ᐅᑭᒫᐤ? 36ᑭᐟ ᐊᑐᐢᑫᔮᑲᐣ ᑌᐱᔮᕽ ᐱᑯ ᐃᐧ ᐋᓱᐊᐧᑲᒣᐃᐧᒉᐁᐧᐤ ᑭᐦᒋ ᐅᑭᒫᐊᐧ ᒑᕒᑕᓂᕽ; ᑫᑲᐧᐩ ᒫᑲ ᐅᐦᒋ ᑭᐦᒋ ᐅᑭᒫᐤ ᑳ ᐃᐧ ᐃᓯ ᑎᐸᐦᐊᒪᐃᐧᐟ? 37ᑭᔮᒼ ᑭᐟ ᐊᑐᐢᑫᔮᑲᐣ ᑭ ᐸᑯᓭᔨᒥᑎᐣ ᑭᑕ ᑭᐁᐧᐤ ᒥᓇ, ᑭᑕ ᐳᓂ ᐱᒫᑎᓯᔮᐣ ᓂᔭ ᑎᐱᔭᐤ ᓂᐟ ᐅᑌᓈᕽ, ᑭᑕ ᓇᐃᓂᑲᐃᐧᔮᐣ ᐅ ᔨᑲᐧᐦᐊᐢᑳᓂᕽ ᓄᑖᐃᐧ ᒥᓇ ᓂᑳᐃᐧ. ᒫᑲ ᒫᑎᑲᐊᐧ ᑭᐟ ᐊᑐᐢᑫᔮᑲᐣ ᑭᒼᐦᐋᒼ; ᑭᔮᒼ ᐁᐊᐧᑯ ᑭᑕ ᐋᓱᐊᐧᑲᒣ ᐃᐧᒉᐁᐧᐤ ᓂᐟ ᐅᑭᒫᒪ ᑭᐦᒋ ᐅᑭᒫᐊᐧ; ᒥᓇ ᐃᐦᑐᑕᐤ ᑫ ᐃᓯ ᒥᔮᐧᐱᓯᒥᑯᐊᐧᓀ. 38ᑭᐦᒋ ᐅᑭᒫᐤ ᒫᑲ ᑭ ᓇᐢᑫᐧᐊᐧᓯᒣᐤ, ᑭᒼᐦᐋᒼ ᓂ ᑲ ᐊᓱᐊᐧᑳᒣ ᐃᐧᒉᐃᐧᐠ, ᐁᑯᓯ ᓂ ᑲ ᐃᑐᑕᐋᐧᐤ ᐊᓂᒪ ᑫ ᐃᓯ ᒥᔮᐧᐱᓯᒥᑯᐊᐧᓀ; ᒥᓇ ᐱᑯ ᑫᑲᐧᐩ ᑫ ᓇᑕᐁᐧᔨᑕᒪᐃᐧᐊᐧᓀ ᑭ ᑲ ᐃᑐᑕᒫᑎᐣ. 39ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᐊᓱᐊᐧᐊᒪᐧᐠ ᒑᕒᑕᐣ, ᒥᓇ ᑭᐦᒋ ᐅᑭᒫᐤ ᑭ ᐊᓱᐊᐧᐊᒼ; ᐁᑲᐧ ᑭᐦᒋ ᐅᑭᒫᐤ ᑭ ᐅᒉᒣᐤ ᐸᕒᓯᓬᐋᔭ ᒥᓇ ᑭ ᓴᐁᐧᔨᒣᐤ, ᐁᑯᓯ ᑭ ᑭᐁᐧᔨᐊᐧ ᐅᐟ ᐃᐦᑖᐃᐧᓂᔨᕽ.
40ᐁᑯᓯ ᒫᑲ ᑭᐦᒋ ᐅᑭᒫᐤ ᑭ ᐋᓱᐊᐧᐊᒼ ᑭᓬᑳᓬᐃᕽ, ᒥᓇ ᑭᒼᐦᐋᒼ ᑭ ᐋᓱᐊᐧᑳᒣᐃᐧᒉᐃᐧᐠ; ᒥᓇ ᑲᐦᑭᔭᐤ ᒍᑕ ᐊᔨᓯᔨᓂᐊ, ᒥᓇ ᐋᐱᑕᐤ ᐃᐢᕒᐁᐃᓬ ᐊᔨᓯᔨᓂᐊᐧᐠ. 41ᐁᑯᓯ ᒫᑎᑲ ᑲᐦᑭᔭᐤ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ ᑭᐦᒋ ᐅᑭᒫᐊᐧ, ᒥᓇ ᑭ ᐃᑌᐊᐧᐠ ᑭᐦᒋ ᐅᑭᒫᐊᐧ, ᑖᓀᐦᑭ ᓂᒋᐋᐧᒥᓈᓇᐠ ᒍᑕ ᐊᔨᓯᔨᓂᐊᐧᐠ ᑭᒧᐨ ᑳ ᑭ ᐅᑎᓂᐢᑭᐠ ᐁᑯᓯ ᑳ ᑭ ᐯ ᐋᓱᐊᐧᑳᒣᑕᐋᒋᐠ ᒑᕒᑕᓂᕽ ᑭᐦᒋ ᐅᑭᒫᐊᐧ ᒥᓇ ᐊᓂᐦᐃ ᐃᐧᑭᕽ, ᒥᓇ ᑲᐦᑭᔭᐤ ᑌᐱᐟ ᐅᐢᑭᓂᑭᒪ ᑭᑭ? 42ᑲᐦᑭᔭᐤ ᒫᑲ ᒍᑕ ᐊᔨᓯᔨᓂᐊᐧᐠ ᑭ ᓇᐢᑫᐧᐊᐧᓯᒣᐊᐧᐠ ᐃᐢᕒᐁᐃᓬ ᐊᔨᓯᔨᓂᐊᐧ, ᒋᑫᒫ ᑭᐦᒋ ᐅᑭᒫᐤ ᑭᓯᐋᐧᐠ ᓂ ᐋᐧᑯᒥᑯᓈᐣ; ᑖᓀᐦᑭ ᒫᑲ ᑳ ᑭᓯᐋᐧᓯᔦᐠ ᐅᒪ ᐅᐦᒋ? ᑭ ᑎᐸᐊᒼ ᒋ ᑭᐦᒋ ᐅᑭᒫᐤ ᑳ ᑭ ᒥᒋᔮᕽ? ᐊᐦᐳ ᒋ ᓈᐣᑕᐤ ᑫᑲᐧᐩ ᓂ ᑭ ᒥᔨᑯᓈᐣ? 43ᐃᐢᕒᐁᐃᓬ ᐊᔨᓯᔨᓂᐊᐧᐠ ᒫᑲ ᑭ ᓇᐢᑫᐧᐊᐧᓯᒣᐊᐧᐠ ᒍᑕ ᐊᔨᓯᔨᓂᐊᐧ, ᒥᓇ ᑭ ᐃᑌᐧᐊᐧᐠ, ᒥᑖᐦᑖᐧᐤ ᐃᔨᑯᕽ ᓂᐟ ᐊᔮᐋᐧᓈᐣ ᑭᐦᒋ ᐅᑭᒫᐤ, ᒥᓇ ᓇᐊᐧᐨ ᓂᔭᓈᐣ ᓂ ᐃᐧᒉᐋᐧᓈᐣ ᑌᐱᐟ ᐃᔨᑯᕽ ᑭᔭᐋᐧᐤ; ᑖᓀᐦᑭ ᒫᑲ ᑳ ᑭ ᐱᐁᐧᔨᒥᔮᕽ ᐁᑳ ᑳ ᑲᑫᐧᒋᒥᑲᐃᐧᔮᕽ ᓂᑳᐣ ᐁ ᐃᐧ ᐯ ᑭᐁᐧᑕᐃᐦᐟ ᑭᐦᒋ ᐅᑭᒫᐤ? ᐅᐟ ᐃᑌᐧᐃᐧᓂᐋᐧᐊᐧ ᒫᑲ ᒍᑕ ᐊᔨᓯᔨᓂᐊᐧᐠ ᓇᐊᐧᐨ ᑭ ᑭᓯᐃᐧᑖᑲᐧᓂᔨᐊᐧ ᐃᔨᑯᕽ ᐅᐟ ᐃᑌᐧᐃᐧᓂᐋᐧᐊᐧ ᐃᐢᕒᐁᐃᓬ ᐊᔨᓯᔨᓂᐊᐧᐠ.
Currently Selected:
ᓃᓵᐧᐤ ᓵᒼᔪᐃᓬ 19: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
