ᓃᓵᐧᐤ ᓵᒼᔪᐃᓬ 14
14
1ᒍᐋᑊ ᒫᑲ ᐅᑯᓯᓴ ᓯᕒᔪᐋᔭ ᑭ ᐋᐧᐸᐦᑕᒼ ᑭᐦᒋ ᐅᑭᒫᐊᐧ ᐁ ᐃᓯᑌᐦᐁᐢᑕᐋᐧᔨᐟ ᐋᑊᓴᓬᐊᒪ. 2ᐁᑯᓯ ᒍᐋᑊ ᑭ ᐃᓯᑎᓴᐦᐅᐁᐧᐤ ᐊᓂᑕ ᑎᑳᐊ, ᐁᑯᑕ ᐅᐦᒋ ᑭ ᓈᑎᒫᐊᐧ ᐁ ᐃᔨᓂᓯᔨᐟ ᐃᐢᑫᐧᐊᐧ, ᐅᒥᓯ ᒫᑲ ᑭ ᐃᑌᐤ, ᐅᓇᓀᑳᒋᒧ ᐃᓯᓈᑯᐃᓱ, ᐳᓯᐢᑲ ᐁᑯᑐᐊᐧ ᑳ ᐃᓯ ᑭᑭᐢᑲᕽ, ᑭ ᐸᑯᓭᔨᒥᑎᐣ, ᒥᓇ ᐁᑳᐃᐧᔭ ᑕᒪᐢᑯ ᒫᑲ ᐃᓯᓈᑯᐃᓱ ᑖᐱᐢᑯᐨ ᐃᐢᑫᐧᐤ ᑲᔮᐢ ᐅᐦᒋ ᐁ ᑭ ᒪᐃᐧᑳᑖᐟ ᐅᓂᐱᐊᐧ; 3ᐱᑐᑲᐤ ᒫᑲ ᑭᐦᒋ ᐅᑭᒫᐤ, ᐅᒥᓯ ᒫᑲ ᑭ ᑲ ᐃᓯ ᑭᑐᑖᐤ. ᒍᐋᑊ ᒫᑲ ᑭ ᒥᔦᐤ ᐱᑭᐢᑫᐧᐃᐧᓇ ᑭᑕ ᐃᑌᐧᔨᐟ.
4ᐃᐢᐱ ᒫᑲ ᐊᓇ ᑎᑯᐊ ᐃᐢᑫᐧᐤ ᐁᔭᒥᐋᐟ ᑭᐦᒋ ᐅᑭᒫᐊᐧ, ᒧᐢᑕᐢᑲᒪᐠ ᑭ ᐃᓯ ᐸᑕᐱᐸᔨᐦᐅ, ᐁᑯᓯ ᑭ ᐊᑕᒥᐢᑲᐁᐧᐤ, ᑭ ᐃᑌᐧᐤ ᒫᑲ, ᐃᐧᒋᐦᐃᐣ ᑭᐦᒋ ᐅᑭᒫᐤ. 5ᑭᐦᒋ ᐅᑭᒫᐊᐧ ᒫᑲ ᑭ ᐃᑎᐠ, ᑖᓀᑎᔭᐣ? ᐁᑯᓯ ᑭ ᓇᐢᑫᐧᐊᐧᓯᒣᐤ, ᑖᐯᐧ ᓂᔭ ᓯᑳᐃᐧᐢᑫᐧᐤ, ᒥᓇ ᓂᓈᐯᒼ ᑭ ᐳᓂ ᐱᒫᑎᓯᐤ. 6ᑭᐟ ᐊᑐᐢᑫᔮᑲᓂᐢᑫᐧᒼ ᒫᑲ ᑭ ᓂᓯᔨᐊᐧ ᐅᑯᓯᓴ, ᐁᑯᓯ ᑭ ᒫᓯᐃᑐᐊᐧᐠ ᐋᐧᔭᐃᐧᑎᒫᔨᕽ ᐁ ᐃᓯ ᓂᓯᒋᐠ ᓇᒪᐃᐧᔭ ᒫᑲ ᐊᐃᐧᔭ ᐃᑖᔨᐊᐧ ᑭᑕ ᑭᐱᒋᐦᐃᑯᒋᐠ, ᒫᑲ ᐯᔭᐠ ᑭ ᐸᑲᒪᐁᐧᐤ ᐊᓂᐦᐃ ᑯᑕᑲ, ᐁᑯᓯ ᑭ ᓂᐸᐁᐤ. 7ᐁᑲᐧ ᒫᑲ ᑲᐦᑭᔭᐤ ᐁ ᐃᓯ ᐋᐧᑯᑐᒋᐠ ᐸᓯᑯᐢᑕᐁᐧᐊᐧᐠ ᑭᐟ ᐊᑐᐢᑫᔮᑲᓂᐢᑫᐧᒪ, ᐃᑌᐧᐊᐧᐠ ᒫᑲ, ᐸᐦᑭᐦᑎᐣ ᐊᓇ ᑳ ᑭ ᐸᑲᒪᐋᐧᐟ ᐅᒋᐋᐧᒪ, ᑭᑕ ᓂᐸᐦᐋᔮᕽ ᐅ ᐱᒫᑎᓯᐃᐧᓂᔨᐤ ᐅᒋᐋᐧᒪ ᐅᐦᒋ ᑳ ᑭ ᓂᐸᐦᐋᐟ, ᑭᑕ ᓂᓯᐊᐧᓈᒋᐦᐋᔮᕽ ᐅᑖᓂᐢᑫᐢᑲᒫᑫᐤ ᐊᓯᒋ; ᐁᑯᓯ ᐃᓯ ᒫᑲ ᑭᑕ ᐋᐢᑕᐁᐧᐊᒪᐧᐟ ᓂᐟ ᐃᐢᑳᐧᐢᑭᓭᒼ ᑳ ᐃᐢᑯᒪᑲᓂᔨᐠ, ᒥᓇ ᓇᒪᐃᐧᔭ ᑲᓇᑫ ᐃᐧᔪᐃᐧᐣ ᐊᐦᐳ ᐃᐢᑯᓇᒫᑯᐃᐧᐣ ᑭᑕ ᐃᐢᑯᓇᒪᐁᐧᐊᐧᐠ ᓂᓈᐯᒪ ᐊᐧᐢᑭᑕᐢᑲᒥᐠ.
8ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐊᓂᐦᐃ ᐃᐢᑫᐧᐊᐧ, ᓂᔮ ᑭᐁᐧ ᑭᑭᕽ, ᓂ ᑲ ᐊᔮᑳᐧᒥᒥᐋᐧᐣ ᑭᔭ ᐅᐦᒋ. 9ᐊᓇ ᒫᑲ ᑎᑯᐊ ᐃᐢᑫᐧᐤ ᐅᒥᓯ ᑭ ᐃᑌᐤ ᑭᐦᒋ ᐅᑭᒫᐊᐧ, ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᓂᔭ ᐊᓂᐃᑎᐃᐧᐣ ᓂ ᑲ ᑭᑭᐢᑳᑯᐣ ᒥᓇ ᓄᑖᐃᐧ ᐅ ᐋᐧᐢᑳᐦᐃᑲᐣ; ᐁᑯᓯ ᐃᐧᔭ ᑭᐦᒋ ᐅᑭᒫᐤ ᒥᓇ ᐅ ᑭᐦᒋ ᐅᑭᒫᐊᐧᐱᐃᐧᐣ ᐁᑳ ᐊᑖᒣᔨᑖᑯᓯᐃᐧᐣ ᑭᑕ ᐊᔮᐟ. 10ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᑭᐢᐱᐣ ᐊᐃᐧᔭᐠ ᓈᐣᑕᐤ ᐃᑎᐢᑭ ᐅᑕ ᐯᓯᐤ, ᓇᒪᐃᐧᔭ ᒫᑲ ᒥᓇ ᐃᐧᑳᐨ ᑭ ᑲ ᓵᒥᓂᐠ. 11ᐁᑲᐧ ᒫᑲ ᑭ ᐃᑌᐧᐤ, ᑭ ᐸᑯᓭᔨᒥᑎᐣ, ᑭᔮᒼ ᑭᐦᒋ ᐅᑭᒫᐤ ᑭᑕ ᑭᐢᑭᓯᑐᑕᐁᐧᐤ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ ᐊᓇ ᒥᐦᑯ ᐅᐦᒋ ᑳ ᐋᐯᐅᐟ ᐁᑳ ᐊᐊᐧᓯᒣ ᑭᑕ ᓂᓯᐊᐧᓈᒋᐦᐃᐁᐧᐟ ᐁᑳ ᓈᐣᑕᐤ ᐃᓯ ᑭᑕ ᓂᓯᐊᐧᓈᒋᐦᐋᒋᐠ ᓂᑯᓯᓴ. ᑭ ᐃᑎᐠ ᒫᑲ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᓇᒪᐋᐧᐨ ᐯᔭᐠ ᐁᐧᐢᑕᑲᐩ ᑭᑯᓯᐢ ᑭᑕ ᐸᑭᑎᓂᔨᐤ ᐊᐢᑭᕽ.
12ᐁᑲᐧ ᐊᓇ ᐃᐢᑫᐧᐤ ᑭ ᐃᑌᐧᐤ, ᑭᔮᒼ ᑭᐟ ᐊᑐᐢᑫᔮᑲᓂᐢᑫᐧᒼ ᑭ ᐸᑯᓭᔨᒥᑎᐣ ᑭᑕ ᐃᐧᐦᑕᒪᐁᐧᐤ ᐯᔭᐠ ᐸᐢᑭᑐᐁᐧᐃᐧᐣ ᓂᐟ ᐅᑭᒫᒪ ᑭᐦᒋ ᐅᑭᒫᐊᐧ. ᑭ ᐃᑎᐠ ᒫᑲ, ᑭᔮᒼ ᐃᑌᐧ. 13ᐁᑲᐧ ᐊᓇ ᐃᐢᑫᐧᐤ ᑭ ᐃᑌᐧᐤ, ᑖᓀᐦᑭ ᒫᑲ ᐅᒪ ᑳ ᑭ ᐃᓯᒋᑳᑎᒪᐟ ᑭᓭᒪᓂᑐ ᐅᐟ ᐊᔨᓯᔨᓂᒪ? ᒋᑫᒫ ᐅᒪ ᑳ ᐃᑌᐧᔭᐣ ᑭᐦᒋ ᐅᑭᒫᐤ ᑖᐱᐢᑯᐨ ᐊᐃᐧᔭᐠ ᑳ ᒪᒋᑐᑕᕽ, ᐊᓂᒪ ᐅᑎ ᑭᐦᒋ ᐅᑭᒫᐤ ᐁᑳ ᐁ ᐯ ᑭᐁᐧᑕᐋᐟ ᐅ ᓯᐯᐧᑎᓴᐋᐧᑲᓇ. 14ᒋᑫᒫ ᐅᐦᒋᑕ ᐱᑯ ᑭᑕ ᓂᐱᔭᕽ, ᒥᓇ ᑭᐟ ᐃᓯ ᐊᔮᓇᐤ ᑖᐱᐢᑯᐨ ᓂᐱ ᑳ ᓯᑭᓂᑳᑌᐠ ᐊᐢᑭᕽ, ᐁᑳ ᒥᓇ ᑭᑕ ᑭ ᒧᓴᑭᓇᒥᕽ; ᒥᓇ ᓇᒪᐃᐧᔭ ᑭᓭᒪᓂᑐ ᐅᑎᓇᒼ ᐱᒫᑎᓯᐃᐧᐣ, ᒫᑲ ᐊᐧᔪᐦᒋᐸᔨᑖᐤ ᐊᓂᐦᐃ ᐅ ᓯᐯᐧᑎᓴᐋᐧᑲᓇ ᐁᑳ ᑭᑕ ᐁᐧᐱᓂᑳᓱᔨᐟ. 15ᐊᓄᐦᐨ ᒫᑲ ᐅᒪ ᐃᑌᐧᐃᐧᐣ ᑳ ᐯ ᐊᔨᑕᐠ ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᐁ ᓭᑭᐦᐃᒋᐠ ᐊᔨᓯᔨᓂᐊᐧᐠ ᐁᐊᐧᑯ ᐅᐦᒋ; ᐁᑯᓯ ᑭᐟ ᐊᑐᐢᑫᔮᑲᓂᐢᑫᐧᒼ ᑭ ᐃᑌᐧᐤ, ᑭᔮᒼ ᐁᑲᐧ ᓂ ᑲ ᐊᔭᒥᐦᐋᐤ ᑭᐦᒋ ᐅᑭᒫᐤ; ᑭᑕ ᑭ ᐃᐦᑭᐣ ᑭᐦᒋ ᐅᑭᒫᐤ ᑭᑕ ᐃᑐᑕᕽ ᑳ ᐃᓯ ᑲᑫᐧᒋᒥᑯᐟ ᐅᐟ ᐊᑐᐢᑫᔮᑲᓇ. 16ᒋᑫᒫ ᑭᐦᒋ ᐅᑭᒫᐤ ᑭᑕ ᐯᐦᑕᒼ ᑭᑕ ᐸᐢᐱᐦᐋᐟ ᐅᐟ ᐊᑐᐢᑫᔮᑲᓇ ᐅᒋᐦᒋᔨᕽ ᐅᐦᒋ ᐊᓂᐦᐃ ᐊᔨᓯᔨᓂᐊᐧ ᑳ ᐃᐧ ᓂᓯᐊᐧᓈᒋᐃᔨᐟ ᓂᔭ ᒥᓇ ᓂᑯᓯᓴ ᒫᒪᐃᐧ ᐅ ᑎᐯᔨᒋᑲᓂᔨᕽ ᑭᓭᒪᓂᑐᐊᐧ ᐅᐦᒋ. 17#2 ᓵᒼᔪᐃᓬ 19:27ᐁᑲᐧ ᑭᐟ ᐊᑐᐢᑫᔮᑲᓂᐢᑫᐧᒼ ᑭ ᐃᑌᐧᐤ, ᑭᔮᒼ ᑭ ᐸᑯᓭᔨᒥᑎᐣ, ᐅᐟ ᐃᑌᐧᐃᐧᐣ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑭᑕ ᒥᔪᑌᐦᐁᑖᑲᐧᓂᔨᐤ; ᒋᑫᒫ ᑖᐱᐢᑯᐨ ᑭᓭᒪᓂᑐ ᐅᑭᓯᑯᒪ ᐁᑯᓯ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᐁᓯ ᓂᓯᑕᐃᐧᓇᕽ ᑳ ᒥᔮᐧᓯᐠ ᒥᓇ ᑳ ᒫᔮᑕᕽ; ᒥᓇ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑭ ᑲ ᐃᐧ ᐃᐧᒉᐃᐧᐠ.
18ᐁᑲᐧ ᑭᐦᒋ ᐅᑭᒫᐤ ᑭ ᓇᐢᑫᐧᐊᐧᓯᐃᐁᐧᐤ ᒥᓇ ᑭ ᐃᑌᐤ ᐊᓂᐦᐃ ᐃᐢᑫᐧᐊᐧ, ᐁᑳᐃᐧᔭ ᑳᑕᒪᐃᐧᐣ ᑭ ᐸᑯᓭᔨᒥᑎᐣ, ᓈᐣᑕᐤ ᑫᑲᐧᐩ ᑫ ᑲᑫᐧᒋᒥᑕᐣ. ᐊᓇ ᐃᐢᑫᐧᐤ ᒫᑲ ᑭ ᐃᑌᐧᐤ, ᑭᔮᒼ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᐁᑲᐧ ᑭᑕ ᐱᑭᐢᑫᐤ. 19ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᒍᐋᑊ ᒋ ᐅᒋᐦᒋ ᑭ ᐃᐧᒉᐃᐧᑯᐋᐧᐣ ᑲᐦᑭᔭᐤ ᐅᒪ ᑳ ᐃᑌᐧᔭᐣ? ᐊᓇ ᒫᑲ ᐃᐢᑫᐧᐤ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐧᐤ, ᐁ ᐱᒫᑎᓯᐟ ᑭᐟ ᐊᐦᒑᕽ ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᓇᒪᐃᐧᔭ ᐊᐃᐧᔭᐠ ᑭᑕ ᑭ ᐸᐢᑫᑐᑕᒼ ᑭᐦᒋᓂᐢᑭᕽ ᐃᓯ ᐊᐦᐳ ᓇᒪᑎᓂᕽ ᐃᓯ ᓈᐣᑕᐤ ᑫᑲᐧᐩ ᓂᐟ ᐅᑭᒫᐣ ᑭᐦᒋ ᐅᑭᒫᐤ ᑳ ᑭ ᐃᑌᐧᐟ; ᒋᑫᒫ ᑭᐟ ᐊᑐᐢᑫᔮᑲᐣ ᒍᐋᑊ ᐁᐊᐧᑯ ᑳ ᑭ ᓯᑭᒥᐟ, ᒥᓇ ᑭ ᐊᐢᑖᐤ ᑲᐦᑭᔭᐤ ᑳ ᑭ ᐃᑌᐧᔮᐣ ᐅᑐᓂᔨᕽ ᑭᐟ ᐊᑐᐢᑫᔮᑲᓂᐢᑫᐧᒪ. 20ᑭᑕ ᑫᐧᐢᑭᓈᑯᑖᐟ ᒫᑲ ᐅᒪ ᐁᐊᐧᑯ ᐅᐦᒋ ᑭᐟ ᐊᑐᐢᑫᔮᑲᐣ ᒍᐋᑊ ᐅᒪ ᑳ ᑭ ᐃᑐᑕᕽ; ᐁᑯᓯ ᓂᐟ ᐅᑭᒫᒼ ᐃᔨᓂᓯᐤ, ᐁ ᐃᓯ ᐃᔨᓂᓯᔨᐟ ᑭᓭᒪᓂᑐ ᐅᑭᓯᑯᒪ, ᑭᑕ ᑭᐢᑫᔨᑕᕽ ᑲᐦᑭᔭᐤ ᑫᑲᐧᐩ ᐊᐢᑭᕽ ᑳ ᐊᔮᐠ.
21ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᒍᐋᐸ, ᒫᑎᑲ ᐁᑲᐧ, ᓂ ᑭ ᐃᑐᑌᐣ ᐅᒪ; ᓇᑕᐃᐧ ᐯᓯᐤ ᒫᑲ ᐊᓇ ᐅᐢᑭᓂᑭᐤ ᐋᑊᓴᓬᐊᒼ ᒥᓇ. 22ᒍᐋᑊ ᒫᑲ ᒧᒋᕽ ᑭ ᐃᑎᐢᑫᐧᐸᔨᐦᐅ ᒥᓇ ᑭ ᓇᐊᐧᑭᐢᑕᐁᐧᐤ ᒥᓇ ᑭ ᓇᓈᐢᑯᒣᐤ ᑭᐦᒋ ᐅᑭᒫᐊᐧ; ᐁᑯᓯ ᒍᐋᑊ ᑭ ᐃᑌᐧᐤ, ᐊᓄᐦᐨ ᑳ ᑭᓯᑳᐠ ᑭᐟ ᐊᑐᐢᑫᔮᑲᐣ ᑭᐢᑫᔨᑕᒼ ᐁ ᑭ ᒥᐢᑲᒫᐣ ᑭᑕ ᒥᔪ ᑲᓇᐋᐧᐸᒥᔭᐣ, ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᐊᓂᒪ ᑭᐦᒋ ᐅᑭᒫᐤ ᐁ ᑭ ᐃᑐᑕᕽ ᑳ ᑭ ᐃᓯ ᑲᑫᐧᒋᒥᑯᐟ ᐅᐟ ᐊᑐᐢᑫᔮᑲᓇ. 23ᒍᐋᑊ ᒫᑲ ᑭ ᐸᓯᑯ ᒥᓇ ᑭ ᐃᑐᐦᑌᐤ ᐊᓂᑕ ᑭᓴᕒ, ᐁᑯᓯ ᑭ ᐯᓯᐁᐧᐤ ᐋᑊᓴᓬᐊᒪ ᒉᕒᐅᓴᓬᐊᒥᕽ. 24ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᑭᔮᒼ ᐃᐧᑭᕽ ᑭᑕ ᐃᑐᐦᑌᐤ, ᑭᔮᒼ ᒫᑲ ᐁᑳᐃᐧᔭ ᓂ ᑲ ᐋᐧᐸᒥᐠ. ᐁᑯᓯ ᒫᑲ ᐋᑊᓴᓬᐊᒼ ᐃᐧᑭᕽ ᑭ ᐃᑐᐦᑌᐤ, ᓇᒪᐃᐧᔭ ᒫᑲ ᐋᐧᐸᒣᐤ ᑭᐦᒋ ᐅᑭᒫᐊᐧ.
25ᒥᓯᐁᐧ ᒫᑲ ᐃᐢᕒᐁᐃᓬ ᓇᒪᐃᐧᔭ ᐊᐃᐧᔭᐠ ᑭᑕ ᑭ ᐃᓯ ᒪᒥᐦᒋᒥᐦᐟ ᑖᐱᐢᑯᐨ ᐋᑊᓴᓬᐊᒼ ᐁ ᐃᓯ ᑲᑕᐊᐧᓯᓯᐟ; ᐅᓯᑎᕽ ᐅᐦᒋ ᐱᔨᐢ ᑕᐦᑯᐨ ᐅᐢᑎᑳᐧᓂᕽ ᓇᒪ ᓈᐣᑕᐤ ᐃᑕ ᒫᔨᓈᑯᓯᐤ. 26ᐃᐢᐱ ᒫᑲ ᐁᐧᔭᐁᐧᐊᐦᑭ ᐅᐢᑎᑳᐧᐣ, (ᐊᔨᐢ ᑕᐦᑐ ᐊᐢᑭ ᐁ ᐊᑎ ᐳᓂᐸᔨᐠ ᑳ ᑭ ᐅᔭᐁᐧᐊᕽ; ᒋᑫᒫ ᐁᐧᐢᑕᑲᔭ ᐁ ᑯᓯᑲᐧᓂᔨᑭ ᐁᐊᐧᑯ ᐅᐦᒋ ᑳ ᐅᔭᐁᐧᐊᕽ;) ᑭ ᑎᐹᐯᐢᑯᑖᐤ ᐁᐧᐢᑕᑲᔭ ᐅᐢᑎᑳᐧᓂᕽ ᓂᓵᐧᐤ ᒥᑖᐦᑐᒥᑕᓇᐤ ᓭᑭᓬᐊ, ᑭᐦᒋ ᐅᑭᒫᐤ ᐅ ᑎᐹᐯᐢᑯᒋᑲᐣ. 27ᐋᑊᓴᓬᐊᒼ ᒫᑲ ᑭ ᓂᐦᑖᐃᐧᑭᑕᒪᐋᐧᐤ ᓂᐢᑐ ᐅᑯᓯᓴ ᒥᓇ ᐯᔭᐠ ᐅᑖᓂᓴ, ᑌᒫᕒ ᐁ ᐃᓯᔨᐦᑳᓱᔨᐟ; ᐁᐊᐧᑯ ᐃᐢᑫᐧᐤ ᑭ ᑲᑕᐊᐧᓯᓯᐤ.
28ᐋᑊᓴᓬᐊᒼ ᒫᑲ ᒥᑐᓂ ᓂᓱ ᐊᐢᑭ ᑭ ᐊᔮᐤ ᒉᕒᐅᓴᓬᐊᒥᕽ; ᐁᑯᓯ ᓇᒪᐃᐧᔭ ᐋᐧᐸᒣᐤ ᑭᐦᒋ ᐅᑭᒫᐊᐧ. 29ᐁᑲᐧ ᐋᑊᓴᓬᐊᒼ ᑭ ᓇᑐᒣᐤ ᒍᐋᐸ, ᐁ ᐃᐧ ᐃᓯᑎᓴᐋᐧᐟ ᑭᑕ ᓇᑕᐋᐧᐸᒫᔨᐟ ᑭᐦᒋᐅᑭᒪᐊᐧ ᒫᑲ ᓇᒪᐃᐧᔭ ᐃᐧ ᐯ ᓈᑎᐠ, ᓂᓵᐧᐤ ᒫᑲ ᐁ ᓇᑐᒫᐟ ᓇᒪᐃᐧᔭ ᐃᐧ ᐯ ᐃᑐᐦᑌᔨᐊᐧ. 30ᐁᐊᐧᑯ ᒫᑲ ᐅᐦᒋ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᒍᐋᑊ ᐅ ᑭᐢᑎᑳᐣ ᑭᓯᐋᐠ ᓂ ᑭᐢᑎᑳᓂᕽ ᐊᔮᔨᐤ, ᐁᑯᓯ ᐃᐢᑫᐧᓯᓯᑳᓇ ᐁᑯᑕ ᐊᔮᐁᐧᐤ; ᓇᑕᐃᐧ ᓴᐢᑲᐦᐊᒪᐧᕽ. ᐁᑯᓯ ᐋᑊᓴᓬᐊᒼ ᐅᐟ ᐊᑐᐢᑫᔮᑲᓇ ᑭ ᓴᐢᑲᐦᐊᒥᔨᐊᐧ ᑭᐢᑎᑲᐣ. 31ᐁᑲᐧ ᒍᐋᑊ ᑭ ᐸᓯᑯ ᒥᓇ ᑭ ᐯ ᓇᑌᐤ ᐋᑊᓴᓬᐊᒪ ᐃᐧᑭᔨᕽ, ᑭ ᐃᑌᐤ ᒫᑲ, ᑖᓀᐦᑭ ᑭᐟ ᐊᑐᐢᑫᔮᑲᓇᐠ ᑳ ᑭ ᓴᐢᑲᐦᐊᐦᑭᐠ ᓂ ᑭᐢᑎᑳᐣ? 32ᐋᑊᓴᓬᐊᒼ ᒫᑲ ᑭ ᓈᐢᑫᐧᐊᐧᓯᒣᐤ ᒍᐋᐸ, ᒫᑎᑲ, ᑭ ᑭ ᓇᑐᒥᑎᐣ ᐁ ᐃᑌᐧᔮᐣ ᐯ ᐃᑐᐦᑌ, ᑭᑕ ᐃᓯᑎᓴᐦᐅᑖᐣ ᑭᑕ ᓇᑕᐋᐧᐸᒪᐟ ᑭᐦᒋ ᐅᑭᒫᐤ ᑭᑕ ᐃᑕᐟ, ᑫᑲᐧᐩ ᐅᐦᒋ ᑭᓴᕒ ᑳ ᑭ ᓇᑲᑕᒫᐣ? ᓇᐊᐧᐨ ᑭᑕ ᑭ ᒥᔮᐧᓯᓄᐸᐣ ᐁᑯᑕ ᑫᔮᐱᐨ ᑭᑕ ᑭ ᐊᔮᔮᐣ; ᐁᑲᐧ ᒫᑲ ᑭᔮᒼ ᓂ ᑲ ᐋᐧᐸᒫᐤ ᑭᐦᒋᐅᑭᒪᐤ; ᑭᐢᐱᐣ ᒫᑲ ᐊᐧᓂᐃᑎᐃᐧᐣ ᑫᑭᐢᑳᑯᐋᐧᓀ ᑭᔮᒼ ᓂ ᑲ ᓂᐸᐦᐃᐠ. 33ᐁᑯᓯ ᒫᑲ ᒍᐋᑊ ᑭ ᓇᑕᐋᐧᐸᒣᐤ ᑭᐦᒋ ᐅᑭᒫᐊᐧ, ᒥᓇ ᑭ ᐃᐧᐦᑕᒪᐁᐧᐤ; ᐃᐢᐱ ᒫᑲ ᑳ ᓇᑐᒫᐟ ᐋᑊᓴᓬᐊᒪ, ᑭ ᐯ ᓇᑕᐋᐧᐸᒣᐤ ᑭᐦᒋ ᐅᑭᒫᐊᐧ, ᑭ ᓈᒥᐢᑫᐧᔨᐤ ᒫᑲ ᒧᒋᕽ ᐃᓯ ᐁ ᐅᐦᑎᐢᑲᐃᐧᐢᑲᐋᐧᐟ ᑭᐦᒋ ᐅᑭᒫᐊᐧ; ᐁᑯᓯ ᑭᐦᒋ ᐅᑭᒫᐤ ᑭ ᐅᒉᒣᐤ ᐋᑊᓴᓬᐊᒪ.
Currently Selected:
ᓃᓵᐧᐤ ᓵᒼᔪᐃᓬ 14: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
