ᓃᓵᐧᐤ ᓵᒼᔪᐃᓬ 13
13
1ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ ᐅᒪ, ᐋᑊᓴᓬᐊᒼ ᐅᑯᓯᓴ ᑌᐱᐟ ᑭ ᐅᑕᐁᐧᒫᐤ ᓇᐢᐱᐨ ᐁ ᑲᑕᐊᐧᓯᓯᔨᐟ ᑌᒫᕒ ᐁ ᐃᓯᔨᐦᑳᓱᔨᐟ; ᐁᑯᓯ ᐋᒼᓇᐣ ᐅᑯᓯᓴ ᑌᐱᐟ ᑭ ᓵᑭᐦᐁᐤ. 2ᐋᒼᓇᐣ ᒫᑲ ᐁ ᐃᓯ ᑲᐢᑫᔨᑕᕽ ᑭ ᐋᑯᓯᐤ ᐊᓂᐦᐃ ᐅᑕᐁᐧᒫᐊᐧ ᑌᒫᕒ ᐅᐦᒋ; ᒋᑫᒫ ᑭ ᐅᐢᑭᓂᑭᐢᑫᐧᐃᐧᔨᐊᐧ; ᐋᒼᓇᐣ ᒫᑲ ᑭ ᐋᔨᒣᔨᑕᒼ ᓈᐣᑕᐤ ᑭᑕ ᐃᑐᑕᐋᐧᐟ. 3ᐋᒼᓇᐣ ᒫᑲ ᑭ ᐅᑐᑌᒥᐤ ᒑᓇᑖᑊ ᐁ ᐃᓯᔨᐦᑳᓱᔨᐟ, ᐅᑯᓯᓴ ᓯᒥᔭ, ᑌᐱᐟ ᐅᒋᐋᐧᒪ; ᐊᓇ ᒫᑲ ᒑᓇᑖᑊ ᓈᐢᐱᐨ ᑭ ᑲᑫᑖᐃᐧ ᑲᔦᔨᓯᐃᐧ ᐊᔨᓯᔨᓂᐃᐧᐤ. 4ᐁᑯᓯ ᑭ ᐃᑎᐠ, ᑖᓀᐦᑭ ᑭᔭ ᑭᐦᒋ ᐅᑭᒫᐃᐧᑯᓯᓵᐣ, ᑳ ᐊᑎ ᑲᐋᐧᑲᑐᓱᔭᐣ ᑕᐦᑐᑭᓯᑳᐤ? ᓇᒪᒋ ᑭ ᑲ ᐃᐧᐦᑕᒪᐃᐧᐣ? ᐋᒼᓇᐣ ᒫᑲ ᑭ ᐃᑎᐠ, ᓂ ᓵᑭᐦᐋᐤ ᑌᒫᕒ, ᓂᒋᐋᐧᒼ ᐋᑊᓴᓬᐊᒼ ᐅᑕᐁᐧᒫᐊᐧ. 5ᒑᓇᑖᑊ ᒫᑲ ᐅᒥᓯ ᑭ ᐃᑌᐤ, ᐱᒥᓯᓂ ᑭ ᓂᐯᐃᐧᓂᕽ ᐋᐦᑯᓯᑳᓱ ᒫᑲ; ᐁᑯᓯ ᐃᐢᐱ ᑯᑖᐃᐧ ᐯ ᓇᑕᐋᐧᐸᒥᐢᑭ, ᐅᒥᓯ ᑭ ᑲ ᐃᑖᐤ, ᑭ ᐸᑯᓭᔨᒥᑎᐣ ᑭᔮᒼ ᓂᑕᐁᐧᒫᐤ ᑌᒫᕒ ᑭᑕ ᐯ ᐃᑐᐦᑌᐤ, ᑭᑕ ᒥᔨᐟ ᐸᐦᑫᐧᓯᑲᓇ ᑭᑕ ᒧᐃᐧᒪᐠ, ᐁᑯᓯ ᑭᑕ ᑭᓯᓴᕽ ᒥᒋᐃᐧᐣ ᐁ ᐋᐧᐸᒪᐠ, ᑭᑕ ᐋᐧᐸᐦᑕᒪᐧᐠ, ᒥᓇ ᑭᑕ ᒥᒋᐊᐧᐠ ᐅᒋᐦᒋᕽ ᐅᐦᒋ. 6ᐁᑯᓯ ᒫᑲ ᐋᒼᓇᐣ ᑭ ᐱᒥᓯᐣ ᐁ ᐋᐦᑯᓯᑳᓱᐟ; ᐃᐢᐱ ᒫᑲ ᑭᐦᒋ ᐅᑭᒫᐊᐧ ᐱᔦ ᓇᑕᐋᐸᒥᑯᐟ, ᐋᒼᓇᐣ ᑭ ᐃᑌᐤ ᑭᐦᒋ ᐅᑭᒫᐊᐧ, ᑭᔮᒼ ᓂᑕᐁᐧᒫᐤ ᑌᒫᕒ ᑭᑕ ᐯ ᐃᑐᐦᑌᐤ ᑭ ᐸᑯᓭᔨᒥᑎᐣ, ᒥᓇ ᓂ ᑲ ᐅᓯᐦᑕᒫᐠ ᓂᓱ ᐸᐦᑫᐧᓯᑲᓂᓴ ᐁ ᑲᓇᐋᐧᐸᒪᐠ ᑭᑕ ᒥᒋᓱᐊᐧᐠ ᐅᒋᐦᒋᕽ ᐅᐦᒋ.
7ᐁᑲᐧ ᑌᐱᐟ ᑭ ᓇᑐᒣᐤ ᑌᒫᕒᐊ ᐁ ᐃᑖᐟ, ᐃᑐᐦᑌ ᑭᔮᒼ ᑭᑕᐁᐧᒫᐤ ᐋᒼᓇᐣ ᐅ ᐋᐧᐢᑳᐦᐃᑲᓂᕽ, ᐁᑯᓯ ᑲᐧᔮᒋᑕᒪᐤ ᒥᒋᐃᐧᐣ. 8ᑌᒫᕒ ᒫᑲ ᑭ ᐃᑐᐦᑌᐤ ᐅᑕᐁᐧᒫᐊᐧ ᐋᒼᓇᓇ ᐅ ᐋᐧᐢᑳᐦᐃᑲᓂᔨᕽ; ᐁᑯᓯ ᑭ ᐱᒥᓯᓂᔨᐊᐧ, ᑭ ᐅᑎᓀᐤ ᒫᑲ ᐸᐦᑫᐧᓯᑲᓇ ᐁ ᑭ ᒫᒫᑯᓈᐟ, ᐁᑯᓯ ᐅᓯᐦᐁᐤ ᐸᐦᑫᐧᓯᑲᓇ ᐁ ᐋᐧᐸᒥᑯᐟ ᒥᓇ ᑭ ᑭᓯᓭᐧᐤ ᐊᓂᐦᐃ ᐸᐦᑫᐧᓯᑲᓇ. 9ᑭ ᐅᑎᓇᒼ ᒫᑲ ᐅᔭᑲᐣ ᐁᑯᑕ ᐁ ᑲᐧᔭᑯᓯᒫᐟ ᐁ ᐋᐧᐸᒥᑯᐟ; ᒫᑲ ᓇᒪᐃᐧᔭ ᐃᐧ ᒥᒋᓱᔨᐊᐧ. ᐁᑯᓯ ᐋᒼᓇᐣ ᑭ ᐃᑌᐧᐤ, ᑭᔮᒼ ᑲᐦᑭᔭᐤ ᓈᐯᐊᐧᐠ ᑭᑕ ᐊᐧᔭᐃᐧᐊᐧᐠ. ᑲᐦᑭᔭᐤ ᒫᑲ ᐊᐃᐧᔭ ᑭ ᐊᐧᔭᐃᐧᔨᐊᐧ. 10ᐁᑲᐧ ᐋᒼᓇᐣ ᑭ ᐃᑌᐤ ᑌᒫᕒᐊ, ᐯ ᐱᑐᑲᑖ ᐊᓂᒪ ᒥᒋᐃᐧᐣ ᓂᐯᐃᐧᑲᒥᑯᕽ, ᑭᑕ ᒥᒋᔮᐣ ᑭᒋᐦᒋᕽ ᐅᐦᒋ. ᐁᑯᓯ ᑌᒫᕒ ᑭ ᐅᑎᓀᐤ ᐊᓂᐦᐃ ᐸᐦᑫᐧᓯᑲᓇ ᑳ ᑭ ᐅᓯᐦᐋᐟ, ᒥᓇ ᑭ ᐱᑐᑲᑐᐁᐧᐤ ᐅᑕᐁᐧᒫᐊᐧ ᐋᒼᓇᓇ ᓂᐯᐃᐧᑲᒥᑯᕽ. 11ᐃᐢᐱ ᒫᑲ ᑭᓯᐋᐧᐠ ᐁᑐᑕᐃᒫᐟ ᑭᑕ ᒧᐋᐧᔨᐟ, ᑭ ᐅᑎᑎᓂᐠ, ᒥᓇ ᑭ ᐃᑎᐠ, ᐯ ᐃᐧᒉᐃᐧᐣ ᓂᑕᐁᐧᒫᐤ. 12ᑭ ᐃᑌᐤ ᒫᑲ, ᓇᒪᐃᐧᔭ ᓂᑕᐁᐧᒫᐤ, ᐁᑳᐃᐧᔭ ᑲᑫᐧ ᓵᑯᒋᐦᐃᐣ; ᒋᑫᒫ ᓇᒪᐃᐧᔭ ᐃᑕᐢᑌᐤ ᐁᑯᓯ ᑭᑕ ᐃᑐᒋᑳᑌᐠ ᐃᐢᕒᐁᐃᓬᐃᕽ; ᐁᑳᐃᐧᔭ ᐃᑐᑕ ᐅᒪ ᑲᑫᐹᑎᓯᐃᐧᐣ. 13ᓂᔭ ᒫᑲ ᑖᓂᑌ ᑫ ᐃᑖᒧᑖᔮᐣ ᓂ ᓇᓀᐯᐃᐧᓯᐃᐧᐣ? ᐁᑯᓯ ᐃᐧᔭ ᑭᔭ, ᑖᐱᐢᑯᐨ ᐯᔭᐠ ᐅᑲᑫᐹᑎᓯᐤ ᐃᐢᕒᐁᐃᓬᐃᕽ ᑭ ᑲ ᐃᓯᓈᑯᓯᐣ, ᐁᑲᐧ ᒫᑲ ᑭ ᐸᑯᓭᔨᒥᑎᐣ, ᐃᐧᐦᑕᒪᐤ ᑭᐦᒋ ᐅᑭᒫᐤ; ᒋᑫᒫ ᓇᒪᐃᐧᔭ ᓂ ᑲ ᒥᒋᒥᓂᐠ ᑭᔭ ᐅᐦᒋ. 14ᒫᑲ ᓵᑯᐨ ᓇᒪᐃᐧᔭ ᐃᐧ ᓇᑐᐦᑕᐁᐧᐤ; ᐁᑯᓯ ᐃᐧᔭ ᓇᐊᐧᐨ ᐁ ᒪᐢᑲᐃᐧᓯᐟ, ᑭ ᓵᑯᐦᐁᐤ, ᐁᑯᓯ ᑭ ᐃᐧᒉᐁᐧᐤ.
15ᐁᑲᐧ ᒫᑲ ᐋᒼᓇᐣ ᐊᔨᐋᐧᐠ ᑭ ᐸᑳᐧᑌᐤ; ᐁᑯᓯ ᐊᓂᒪ ᐁ ᐃᓯ ᐸᑳᐧᑖᐟ ᐊᔨᐋᐧᐠ ᐸᑳᐧᑌᐤ ᐃᔨᑯᕽ ᐃᐧᔭ ᑳ ᑭ ᐃᓯ ᓵᑭᐦᐋᐟ. ᐋᒼᓇᐣ ᒫᑲ ᑭ ᐃᑌᐤ, ᐊᐧᓂᐢᑳ, ᓯᐯᐧᐦᑌ. 16ᒫᑲ ᑭ ᐃᑎᐠ, ᓇᒪᐃᐧᔭ ᐁᑯᓯ, ᒋᑫᒫ ᐅᒪ ᑳ ᐃᓯ ᒫᔨᑐᑕᒪᐣ ᐁ ᐊᐧᔭᐃᐧᑎᓴᐅᔭᐣ ᐊᔨᐋᐧᑫᔨᑖᑲᐧᐣ ᐃᔨᑯᕽ ᐊᓂᒪ ᑯᑕᐠ ᑳ ᑭ ᑐᑕᐃᐧᔭᐣ. ᒫᑲ ᓇᒪᐃᐧᔭ ᐃᐧ ᓇᑐᐦᑕᐁᐧᐤ. 17ᐁᑲᐧ ᑭ ᓇᑐᒣᐤ ᐅᐟ ᐊᑐᐢᑫᔮᑲᓇ ᐊᓂᐦᐃ ᑳ ᐸᒥᐦᐃᑯᐟ, ᐁᑯᓯ ᑭ ᐃᑌᐤ, ᐊᐧᔭᐃᐧᑎᓴ ᐁᑲᐧ ᐊᐊᐧ ᐃᐢᑫᐧᐤ, ᐁᑯᓯ ᐋᒋᑭᐸᐊ ᐃᐢᑳᐧᑌᒼ ᑭ ᐊᐧᔭᐃᐧᒋ. 18ᑭ ᑭᑭᐢᑲᒼ ᒫᑲ ᐁ ᓇᓈᑐᑯᓯᓈᐢᑌᔨᐠ ᒥᐢᑯᑖᑲᐩ; ᒋᑫᒫ ᐁᑯᑐᐊᐧ ᑭᐦᒋ ᐅᑭᒫᐤ ᐅᑖᓂᓴ ᑳ ᐅᐢᑭᓂᑭᐢᑫᐧᐃᐧᔨᐟ ᑭ ᑭᑭᐢᑲᒥᔨᐊᐧ. ᐊᓂᐦᐃ ᒫᑲ ᐅᐟ ᐊᑐᐢᑫᔮᑲᓂᔨᐊᐧ ᑭ ᐊᐧᔭᐃᐧᑕᐦᐃᐠ, ᒥᓇ ᑭ ᐋᒋᑭᐸᐊᒥᔨᐊᐧ ᐃᐢᑳᐧᑌᒼ.
19ᑌᒫᕒ ᒫᑲ ᑭ ᐊᐢᑖᐤ ᐱᐦᑯᑌᐤ ᐅᐢᑎᑳᐧᓂᕽ, ᒥᓇ ᑭ ᔮᔨᑭᐱᑕᒼ ᐅᐢᑯᑖᑲᐩ ᑳ ᓇᓈᑐᑯᓯᓈᐢᑌᔨᐠ; ᐁᑯᓯ ᐁ ᒥᒋᒥᓇᕽ ᐅᐢᑎᑳᐧᐣ ᑭ ᓯᐯᐧᑌᐤ ᐁ ᒫᑐᐟ ᐁ ᐊᑎ ᐱᒧᐦᑌᐟ. 20ᐋᑊᓴᓬᐊᒪ ᒫᑲ ᐅᑕᐁᐧᒫᐊᐧ ᑭ ᐃᑎᐠ, ᑭ ᑭ ᐃᐧᒉᐃᐧᐠ ᒋ ᑭᑕᐁᐧᒫᐤ ᐋᒼᓇᐣ? ᑭᔮᒼ ᒫᑲ ᐁᑳᐃᐧᔭ ᓈᐣᑕᐤ ᐃᑌᐧ ᓂᑕᐁᐧᒫᐤ, ᑯᑕᐁᐧᒫᐣ ᒫᓇ ᒫᑲ; ᐁᑳᐃᐧᔭ ᐅᒪ ᑭ ᑲ ᐱᑫᐧᔨᑕᒥᐃᑯᐣ. ᐁᑯᓯ ᑌᒫᕒ ᑭ ᐸᐯᔭᑯ ᐅᑕᐁᐧᒫᐊᐧ ᐋᑊᓴᓬᐊᒪ ᐃᐧᑭᔨᕽ.
21ᒫᑲ ᐃᐢᐱ ᑭᐦᒋ ᐅᑭᒫᐤ ᑌᐱᐟ ᑳ ᐯᐦᑕᕽ ᑲᐦᑭᔭᐤ ᐅᐦᐃ, ᒥᐢᑕᐦᐃ ᑭ ᑭᓯᐋᐧᓯᐤ. 22ᐋᑊᓴᓬᐊᒼ ᒫᑲ ᓇᒪ ᑫᑲᐧᐩ ᐁ ᒥᔮᐧᓯᐠ ᐊᐦᐳ ᐁ ᒫᔮᑕᕽ ᐃᑌᐤ ᐋᒼᓇᓇ; ᒋᑫᒫ ᐋᑊᓴᓬᐊᒼ ᑭ ᐸᑳᐧᑌᐤ ᐋᒼᓇᓇ ᐃᐧᔭ ᐁ ᑭ ᓵᑯᒋᐋᔨᐟ ᐅᑕᐁᐧᒫᐊᐧ ᑌᒫᕒᐊ.
23ᑭ ᐊᔨᑭᐣ ᒫᑲ ᒥᑐᓂ ᑳ ᓂᓱ ᐊᐢᑭᐊᐧᕽ, ᑭ ᐊᔮᐁᐧᐤ ᒫᔭᑎᐦᑯ ᐅᐸᐢᑯᓯᑫᐊᐧ ᐁᑯᑕ ᐯᐊᓬᐦᐁᓴᕒ, ᐁᐊᐧᑯ ᑭᓯᐋᐧᐠ ᐃᐸᕒᐁᐃᒼ ᑳ ᐊᔮᐠ; ᐋᑊᓴᓬᐊᒼ ᒫᑲ ᑭ ᐃᐧᐦᑯᒣᐤ ᑲᐦᑭᔭᐤ ᑭᐦᒋ ᐅᑭᒫᐊᐧ ᐅᑯᓯᓯᔨᐊᐧ. 24ᐋᑊᓴᓬᐊᒼ ᒫᑲ ᑭ ᐯ ᓈᑌᐤ ᑭᐦᒋ ᐅᑭᒫᐊᐧ ᒥᓇ ᑭ ᐃᑌᐤ, ᒫᑎᑲ ᐁᑲᐧ ᑭᐟ ᐊᑐᐢᑫᔮᑲᐣ ᐊᔮᐁᐧᐤ ᒫᔭᑎᐦᑯ ᐅᐸᐢᑯᓯᑫᐊᐧ; ᑭᔮᒼ ᑭᐦᒋ ᐅᑭᒫᐤ ᑭ ᐸᑯᓭᔨᒥᑎᐣ, ᒥᓇ ᐅᐟ ᐊᑐᐢᑫᔮᑲᓇ ᑭᑕ ᐃᐧᒉᐁᐧᐊᐧᐠ ᑭᐟ ᐊᑐᐢᑫᔮᑲᓇ. 25ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᐋᑊᓴᓬᐊᒪ, ᓇᒪᐃᐧᔭ ᓂᑯᓭ, ᑭᔮᒼ ᐁᑳᐃᐧᔭ ᑲᐦᑭᔭᐤ ᓂ ᑲ ᐃᑐᑖᓈᐣ, ᐁᑳ ᑭᑕ ᒣᐢᑎᓂᑖᕽ. ᐁᑯᓯ ᑭ ᑭᐦᑭᒥᐠ ᒫᑲ ᓇᒪᐃᐧᔭ ᐃᐧ ᐃᑐᐦᑌᐤ ᒫᑲ ᓴᐁᐧᔨᒣᐤ. 26ᐁᑲᐧ ᑭ ᐃᑌᐧᐤ ᐋᑊᓴᓬᐊᒼ, ᑭᐢᐱᐣ ᓇᒪᐃᐧᔭ, ᑭ ᐸᑯᓭᔨᒥᑎᐣ ᑭᔮᒼ ᓂᒋᐋᐧᒼ ᐋᒼᓇᐣ ᓂ ᑲ ᐃᐧᒉᐃᐧᑯᓈᐣ. ᑭ ᐃᑎᐠ ᒫᑲ ᑭᐦᒋ ᐅᑭᒫᐊᐧ, ᑫᑲᐧᐩ ᐅᐦᒋ ᑫ ᐃᐧᒉᐃᐧᐢᐠ? 27ᒫᑲ ᐋᑊᓴᓬᐊᒼ ᑭ ᐋᓯᑭᒣᐤ, ᑭᑕ ᐸᑭᑎᓇᔨᐟ ᐋᒼᓇᓇ ᒥᓇ ᑲᐦᑭᔭᐤ ᑭᐦᒋ ᐅᑭᒫᐤ ᐅᑯᓯᓴ ᑭᑕ ᐃᐧᒉᐃᐧᑯᐟ. 28ᐋᑊᓴᓬᐊᒼ ᒫᑲ ᑭ ᐃᑕᓱᐋᑌᐤ ᐅᐟ ᐊᑐᐢᑫᔮᑲᓇ, ᐁ ᐃᑌᐧᐟ ᓈᑲᑌᔨᑕᒧᐠ ᐁᑲᐧ, ᐃᐢᐱ ᐋᒼᓇᐣ ᐊᐧᓂᐢᑫᐧᐃᑯᒋ ᓱᒥᓈᐳ; ᒥᓇ ᐃᐢᐱ ᐃᑎᑕᑳᐧᐃᐧ, ᐸᑲᒪᐅᕽ ᐋᒼᓇᐣ, ᐁᑲᐧ ᓂᐸᐦᐋᑫᐠ, ᐁᑲᐁᐧᔭ ᓵᑫᐧᔨᒧᐠ; ᓇᒪ ᒋ ᓂᔭ ᑭ ᑭ ᐃᑕᓱᐋᐧᑎᑎᓈᐋᐧᐤ? ᓱᑫᔨᒧᐠ ᒪᓇ ᓇᐯᑲᓱᐠ. 29ᐅᐟ ᐊᑐᐢᑫᔮᑲᓇ ᒫᑲ ᐋᑊᓴᓬᐊᒼ ᑭ ᐃᑐᑕᐁᐧᔨᐊᐧ ᐋᒼᓇᓇ ᑳ ᑭ ᐃᑕᓱᐋᐧᑎᑯᒋᐠ ᐋᑊᓴᓬᐊᒪ. ᐁᑲᐧ ᑲᐦᑭᔭᐤ ᑭᐦᒋᐅᑭᒪᐤ ᐅᑯᓯᓴ ᑭ ᐸᓯᑯᐊᐧᐠ, ᒥᓇ ᑲᐦᑭᔭᐤ ᐁ ᐃᐦᑕᓯᒋᐠ ᑭ ᑕᑌᒋᐸᔨᐦᐅᐊᐧᐠ ᐅ ᓱᓱᒥᐢᑕᑎᒧᒥᐋᐧᐊᐧ, ᒥᓇ ᐁ ᑭ ᑕᐸᓯᒋᐠ.
30ᑭ ᐊᔨᑭᐣ ᒫᑲ ᒣᑳᐧᐨ ᒣᐢᑲᓈᕽ ᐁ ᐊᑎ ᐊᔮᒋᐠ ᑭ ᐯᑖᒋᒧᐢᑕᐋᐧᐤ ᑌᐱᐟ, ᐁ ᐃᑌᐧᕽ, ᐋᑊᓴᓬᐊᒼ ᑭ ᓂᐸᐁᐤ ᑲᐦᑭᔭᐤ ᑭᐦᒋᐅᑭᒪᐊᐧ ᐅᑯᓯᓯᔨᐊᐧ, ᓇᒪᐋᐧᐨ ᐯᔭᐠ ᐃᐢᑯᐋᐤ. 31ᐁᑲᐧ ᑭᐦᒋ ᐅᑭᒫᐤ ᑭ ᐸᓯᑯ, ᒥᓇ ᑭ ᔮᔨᑭᐱᑕᒼ ᐅ ᑭᑭᐢᑳᒋᑲᓇ, ᒥᓇ ᑭ ᐱᒥᓯᐣ ᒧᒋᕽ; ᑲᐦᑭᔭᐤ ᒫᑲ ᐅᐟ ᐊᑐᐢᑫᔮᑲᓇ ᐁ ᑭ ᔮᔨᑭᐱᑕᑭᐠ ᐅ ᑭᑭᐢᑲᒋᑲᓂᐋᐧᐊᐧ. 32ᒑᓇᑖᑊ ᒫᑲ ᐅᑯᓯᓴ ᓯᒥᔭ ᑌᐱᐟ ᐊᒋᐋᐧᒪ, ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᐁᑳᐃᐧᔭ ᓂᐟ ᐅᑭᒫᒼ ᑭᑕ ᐃᑌᔨᑕᒼ ᑲᐦᑭᔭᐤ ᐁ ᑭ ᓂᐸᐊᒋᐠ ᐊᓂᐦᐃ ᐅᐢᑭᓂᑭᐊᐧ ᑭᐦᒋ ᐅᑭᒫᐤ ᐅᑯᓯᓯᔨᐊᐧ; ᒋᑫᒫ ᐋᒼᓇᐣ ᐱᑯ ᑳ ᓂᐱᐟ; ᒋᑫᒫ ᐁ ᑭ ᐅᔦᔨᑕᕽ ᐋᑊᓴᓬᐊᒼ ᐅᒪ ᑭ ᑭᓭᔨᐦᒋᑳᑌᐤ ᐊᐢᐱᐣ ᑳ ᑭ ᓵᑯᒋᐋᔨᐟ ᐅᑕᐁᐧᒫᐊᐧ ᑌᒫᕒᐊ. 33ᐁᑲᐧ ᒫᑲ ᐁᑳᐃᐧᔭ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑭᑕ ᐱᑫᐧᔨᑕᒥᐃᐠ, ᑭᑕ ᐃᑌᔨᑕᕽ ᑲᐦᑭᔭᐤ ᐁ ᓂᐱᔨᐟ ᑭᐦᒋ ᐅᑭᒫᐤ ᐅᑭᓯᓴ; ᒋᑫᒫ ᐋᒼᓇᐣ ᐱᑯ ᓂᐱᐤ.
34ᐋᑊᓴᓬᐊᒼ ᒫᑲ ᑭ ᑕᐸᓯᐤ. ᐅᐢᑭᓂᑭᐤ ᒫᑲ ᑳ ᐊᓴᐋᐧᐱᐟ ᑭ ᐃᑖᐱᐤ ᒥᓇ ᑭ ᐋᐧᐸᐦᑕᒼ, ᐁᑯᓯ ᐳᑎ ᒥᐦᒉᐟ ᐊᔨᓯᔨᓂᐊᐧ ᑭ ᐯ ᐃᑐᐦᑌᔨᐊᐧ ᐅᐦᐱᒣᔮᒪᑎᐣ ᐅᑖᓈᑭᒥᕽ ᐃᑌᐦᑫ. 35ᒑᓇᑖᑊ ᒫᑲ ᑭ ᐃᑌᐤ ᑭᐦᒋ ᐅᑭᒫᐊᐧ, ᒫᑎᑲ, ᑭᐦᒋ ᐅᑭᒫᐤ ᐅᑯᓯᓴ ᑕᑯᓯᓂᔨᐊᐧ; ᑳ ᑭ ᐃᑌᐧᐟ ᑭᐟ ᐊᑐᐢᑫᔮᑲᐣ ᐁᑯᓯ ᒣᐧᐦᒋ ᐁᑭᕽ. 36ᑭ ᐊᔨᑭᐣ ᒫᑲ ᐁ ᐊᑎ ᐳᓂᐱᑭᐢᑫᐧᐟ ᑭᐦᒋ ᐅᑭᒫᐤ ᐅᑯᓯᓴ ᑭ ᑕᑯᓯᓂᔨᐊᐧ, ᐁᑯᓯ ᑭ ᑭᓯᐁᐧᐊᐧᐠ ᐁ ᒫᑐᒋᐠ; ᑭᐦᒋ ᐅᑭᒫᐤ ᒥᓇ ᐊᓯᒋ ᑲᐦᑭᔭᐤ ᐅᐟ ᐋᑐᐢᑫᔮᑲᓇ ᒥᐢᑕᐦᐃ ᑭ ᒫᑐᐊᐧᐠ.
37 #
2 ᓵᒼᔪᐃᓬ 3:3
ᐋᑊᓴᓬᐊᒼ ᒫᑲ ᑭ ᑕᐸᓯᐤ, ᑭ ᓇᑕᐋᐧᐸᒣᐤ ᒫᑲ ᑖᓬᒪᐩ ᐅᑯᓯᓴ ᐊᒪᐃᐦᐊᐟ, ᑭᓴᕒ ᑭᐦᒋ ᐅᑭᒫᐤ. ᑌᐱᐟ ᒫᑲ ᑕᐦᑐ ᑭᓯᑳᐤ ᑭ ᒪᐃᐧᑳᑌᐤ ᐅᑯᓯᓴ.
38ᐁᑯᓯ ᒫᑲ ᐋᑊᓴᓬᐊᒼ ᑭ ᑕᐸᓯᐤ ᒥᓇ ᑭ ᐃᑐᐦᑌᐤ ᐊᓂᑕ ᑭᓴᕒ, ᐁᑯᑕ ᒫᑲ ᑭ ᐊᔮᐤ ᓂᐢᑐ ᐊᐢᑭ. 39ᐅᐟ ᐊᐦᒑᐦᑲᐧ ᒫᑲ ᑭᐦᒋᐅᑭᒪᐤ ᑌᐱᐟ ᑭ ᐱᑭᐢᑳᑌᔨᐊᐧ ᑭᑕ ᓇᑕᐊᐧᐸᒫᐟ ᐋᑊᓴᓬᐊᒪ; ᒋᑫᒫ ᑭ ᐳᓂ ᐱᑭᐢᑳᑌᐤ ᐋᒼᓇᓇ ᐃᐧᔭ ᐁ ᓂᐱᔨᐟ.
Currently Selected:
ᓃᓵᐧᐤ ᓵᒼᔪᐃᓬ 13: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
