ᓃᓵᐧᐤ ᑲᕒᐃᐣᑎᔭᓇ 4

1ᐁᑯᓯ ᒫᑲ ᐁ ᐊᔮᔮᕽ ᐅᒪ ᐸᒥᐢᑖᑫᐃᐧᐣ, ᑳ ᑭ ᐃᓯ ᑭᑎᒫᑭᓈᑲᐃᐧᔭᕽ, ᓇᒪᐃᐧᔭ ᓂ ᐳᔪᓈᐣ: 2ᒫᑲ ᓂ ᑭ ᐁᐧᐱᓀᓈᐣ ᑳ ᑳᑖᓂᐊᐧᑭ ᐊᓂᐦᐃ ᑳ ᓇᓀᐯᐃᐧᓈᑲᐧᑭ, ᐁᑳ ᑲᑲᔦᔨᓯᐃᐧᓂᕽ ᐁ ᐱᒧᐦᑌᔮᕽ, ᒥᓇ ᓇᒪᐃᐧᔭ ᑲᑲᔦᔨᓯᐃᐧᓂᕽ ᐁ ᐸᒥᑖᔮᕽ ᑭᓭᒪᓂᑐ ᐅᐟ ᐃᑌᐧᐃᐧᐣ; ᒫᑲ ᐁ ᓄᑯᑖᔮᕽ ᑖᐯᐧᐃᐧᐣ ᓂᐟ ᐃᓯ ᐋᐧᐸᑎᔮᓈᐣ ᑲᐦᑭᔭᐤ ᐊᔨᓯᔨᓂᐤ ᑭᑕ ᐃᓯ ᓇᐃᐢᑳᑯᐟ ᐅ ᒫᒥᑐᓀᔨᒋᑲᓂᕽ ᐁ ᐃᓯ ᑭᑕᐸᑕᕽ ᑭᓭᒪᓂᑐ. 3ᒫᑲ ᑭᐢᐱᐣ ᓂ ᒥᔮᐧᒋᒧᐃᐧᓂᓈᐣ ᐋᑯᐃᑳᑌᐤ, ᐊᑯᐊᒪᐋᐧᐊᐧᐠ ᐊᓂᑭ ᑳ ᓂᓯᐊᐧᓈᒋᐦᐅᒋᐠ: 4ᐁᐊᐧᑯᓂᐠ ᐊᓇ ᑳ ᒪᓂᑐᐃᐧᐟ ᐅᑕ ᐊᐢᑭᕽ ᑳ ᑭ ᐃᓯ ᑲᑫᐸᐧᐱᓇᒫᐧᐟ ᐅ ᒥᑐᓀᔨᒋᑲᓂᔨᐊᐧ ᐊᓂᐦᐃ ᐁᑳ ᑳ ᑖᐯᐧᑕᒥᔨᐟ, ᐊᓂᒪ ᐁ ᐃᓯ ᐋᐧᐢᑌᔨᐠ ᒥᔮᐧᒋᒧᐃᐧᐣ ᐅ ᑭᐢᑌᔨᑖᑯᓯᐃᐧᐣ ᙭, ᐁᐊᐧᑯ ᐅᐟ ᐃᓯᓈᑯᓯᐃᐧᐣ ᑭᓭᒪᓂᑐ, ᐁᑳ ᑭᑕ ᓵᑳᐢᑌᐢᑳᑯᒋᐠ. 5ᒋᑫᒫ ᓇᒪᐃᐧᔭ ᓂᔭᓈᐣ ᑳ ᐋᒋᒥᓱᔮᕽ ᐁ ᑲᑫᐢᑭᒥᐁᐧᔮᕽ, ᒫᑲ ᙭ ᒋᓴᐢ ᑳ ᑎᐯᔨᐦᒋᑫᐟ, ᐁᑯᓯ ᓂᔭᓈᐣ ᐃᐧᔭ ᑭᐟ ᐊᑐᐢᑫᔮᑲᓂᐋᐧᐊᐧᐠ ᒋᓴᐢ ᐅᐦᒋ. 6#ᒉᓂᓯᐢ 1:3ᐃᐧᔭ ᒋᑫᒫ ᑭᓭᒪᓂᑐ, ᑳ ᑭ ᐃᑌᐧᐟ ᐋᐧᐢᑌᐤ ᑭᑕ ᓵᑳᐢᑌᐠ ᐊᐧᓂᑎᐱᐢᑳᕽ, ᑳ ᐋᐧᐢᑌᓂᑫᐟ ᓂ ᑌᐃᓈᕽ, ᑭᑕ ᒣᑭᔮᕽ ᐊᓂᒪ ᐋᐧᐢᑌᐃᐧᐣ ᐁ ᑭᐢᑫᔨᑖᑲᐧᓂᔨᐠ ᐅ ᑭᐢᑌᔨᑖᑯᓯᐃᐧᐣ ᑭᓭᒪᓂᑐ ᐅᑳᐧᑲᓂᕽ ᒋᓴᐢ ᙭.

7ᒫᑲ ᐅᒪ ᑭᐦᒋ ᑫᑲᐧᐩ ᓂᐟ ᐊᔮᓈᐣ ᐊᐢᑭᐃᐧ ᐊᓯᐊᐧᒋᑲᓂᕽ, ᐁ ᐃᓯ ᑭᐦᒉᔨᑖᑲᐧᕽ ᑲᐢᑭᐦᐁᐃᐧᓯᐃᐧᐣ ᑭᓭᒪᓂᑐᕽ ᑭᑕ ᐅᐦᒋᐠ, ᓇᒪᐃᐧᔭ ᒫᑲ ᓂᔭᓈᐣ ᐅᐦᒋ; 8ᒥᓯᐁᐧ ᐃᑕ ᐅᐦᒋ ᓂ ᓯᑎᐢᑳᑲᐃᐧᓈᐣ, ᒫᑲ ᓇᒪᐃᐧᔭ ᓂ ᑭᐱᐢᑳᑲᐃᐧᓈᐣ; ᓂ ᐊᐧᐋᐧᓀᔨᑌᓈᐣ, ᒫᑲ ᓇᒪᐃᐧᔭ ᓂᐟ ᐃᔨᒧᑳᓈᐣ; 9ᓂ ᐱᒥᑎᓴᐅᑲᐃᐧᓈᐣ, ᒫᑲ ᓇᒪᐃᐧᔭ ᓂ ᓇᑲᑎᑲᐃᐧᓈᐣ; ᓂ ᐸᑲᒪᐅᑲᐃᐧᓈᐣ, ᒫᑲ ᓇᒪᐃᐧᔭ ᓂ ᓂᓯᐊᐧᓈᒋᐃᑲᐃᐧᓈᐣ; 10ᑳᑭᑫ ᐁ ᐸᐹᒧᑕᑖᔮᕽ ᐅᑕ ᒥᔭᐃᐧᕽ ᐅ ᓂᐳᐃᐧᐣ ᒋᓴᐢ, ᐅ ᐱᒫᑎᓯᐃᐧᐣ ᒥᓇ ᒋᓴᐢ ᑭᑕ ᓄᑲᐧᓂᔨᐠ ᓂᔭᐃᐧᓈᕽ. 11ᒋᑫᒫ ᓂᔭᓈᐣ ᑳ ᐱᒫᑎᓯᔮᕽ ᑳᑭᑫ ᓂ ᐸᑭᑎᓂᑲᐃᐧᓈᐣ ᓂᐳᐃᐧᓂᕽ ᒋᓴᐢ ᐅᐦᒋ, ᐅ ᐱᒫᑎᓯᐃᐧᐣ ᒥᓇ ᒋᓴᐢ ᑭᑕ ᓄᑲᐧᓂᔨᐠ ᓂ ᐃᐧᔮᓯᓈᕽ ᑳ ᓂᐳᒪᑲᕽ. 12ᐁᑯᓯ ᒫᑲ ᓂᐳᐃᐧᐣ ᐊᑐᐢᑫᒪᑲᐣ ᓂᔭᐃᐧᓈᕽ, ᒫᑲ ᐱᒫᑎᓯᐃᐧᐣ ᑭᔭᐋᐧᐤ. 13#ᓂᑲᒧᓇ 116:10ᒫᑲ ᐁ ᐊᔮᐋᐧᔮᕽ ᑫᔮᐱᐨ ᐁᐊᐧᑯ ᑖᐯᐧᔦᔨᑕᒧᐃᐧ ᐊᐦᒑᕽ, ᐊᓂᒪ ᑳ ᐃᑕᓯᓇᐦᐃᑳᑌᐠ, ᓂ ᑭ ᑖᐯᐧᑌᐣ, ᐁᐊᐧᑯ ᒫᑲ ᑳ ᑭ ᐅᐦᒋ ᐱᑭᐢᑫᐧᔮᐣ; ᓂᔭᓈᐣ ᒥᓇ ᓂ ᑖᐯᐧᑌᓈᐣ, ᐁᐊᐧᑯ ᒫᑲ ᐅᐦᒋ ᑳ ᐱᑭᐢᑫᐧᔮᕽ; 14ᐁ ᑭᐢᑫᔨᑕᒫᕽ ᐊᓇ ᑳ ᑫ ᐊᐧᓂᐢᑳᓈᐟ ᑳ ᑎᐯᔨᐦᒋᑫᔨᐟ ᒋᓴᓴ ᓂᔭᓈᐣ ᒥᓇ ᑭᑕ ᐊᐧᓂᐢᑳᓂᑯᔮᕽ ᐊᓯᒋ ᒋᓴᐢ, ᒥᓇ ᑭᑕ ᓄᑯᐃᑯᔮᕽ ᐊᓯᒋ ᑭᔭᐋᐧᐤ. 15ᒋᑫᒫ ᑲᐦᑭᔭᐤ ᑭᑲᐧᐩ ᑭᔭᐋᐧᐤ ᐅᐦᒋ, ᐊᓂᒪ ᑭᓭᐋᐧᑎᓯᐃᐧᐣ, ᒫᒥᒉᑖᐧᐤ ᐁ ᐊᑎ ᓄᑲᐧᕽ ᐁ ᒥᐦᒉᑎᕽ ᐅᐦᒋ, ᑭᑕ ᑭ ᐅᐦᒋ ᒥᓇ ᐁᐧᔪᒋ ᐊᔮᐠ ᓇᓈᐢᑯᒧᐃᐧᐣ ᐅ ᑭᐢᑌᔨᑖᑯᐃᑯᐃᐧᓂᕽ ᑭᓭᒪᓂᑐ.

16ᐁᐊᐧᑯ ᐅᐦᒋ ᒫᑲ ᓇᒪᐃᐧᔭ ᓂ ᓄᑌᓯᓂᓈᐣ; ᒫᑲ ᑭᐢᐱᐣ ᐋᑕ ᐊᐧᐢᑭᐨ ᓂᐟ ᐊᔨᓯᔨᓂᐃᐧᐃᐧᓂᓈᐣ ᐁ ᐊᑎ ᑭᓭᔨᓂᐃᐧᒪᑲᕽ, ᐁᔨᐁᐧᕽ ᐱᐦᒑᔨᕽ ᓂᐟ ᐊᔨᓯᔨᓂᐃᐧᐃᐧᓂᓈᐣ ᐅᐢᑫᓂᑯᐋᐤ ᑕᐦᑐ ᑭᓯᑳᐤ. 17ᒋᑫᒫ ᑳ ᔮᑲᓯᐠ ᓂᐟ ᐋᔨᒥᓯᐃᐧᓂᓈᐣ, ᐊᒋᔭᐤ ᐱᑯ ᑳ ᐊᔮᐠ, ᓂᐟ ᐊᑐᐢᑳᑕᒫᑯᓈᐣ ᐊᐊᐧᓯᒣ ᒥᓇ ᐊᐊᐧᓯᒣ ᐊᔨᐋᐧᐠ ᐁ ᑯᓯᑲᐧᕽ ᑳᑭᑫ ᑭᐢᑌᔨᑖᑯᓯᐃᐧᐣ; 18ᐃᐧᔭ ᐁ ᑲᓇᐊᐧᐸᑕᒫᕽ ᓇᒪᐃᐧᔭ ᐊᓂᐦᐃ ᑳ ᓄᑲᐧᑭ, ᒫᑲ ᐊᓂᐦᐃ ᐁᑳ ᑳ ᓄᑲᐧᑭ: ᒋᑫᒫ ᐊᓂᐦᐃ ᑳ ᓄᑲᐧᑭ ᐊᒋᔭᐤ ᐱᑯ ᐊᔮᐊᐧ; ᒫᑲ ᐊᓂᐦᐃ ᐁᑳ ᑳ ᓄᑲᐧᑭ ᑳᑭᑫ ᐊᔮᐊᐧ.

Currently Selected:

ᓃᓵᐧᐤ ᑲᕒᐃᐣᑎᔭᓇ 4: KKMs

Highlight

Copy

Compare