ᓃᓵᐧᐤ ᑲᕒᐃᐣᑎᔭᓇ 5
5
1ᒋᑫᒫ ᑭ ᑭᐢᑫᔨᑌᓈᓇᐤ ᑭᐢᐱᐣ ᐊᐢᑭᐃᐧ ᐋᐧᐢᑳᐦᐃᑲᐣ ᐃᑕ ᑳ ᐃᐧᑭᔭᕽ ᓂᓯᐊᐧᓈᑕᑭ, ᑭᐟ ᐊᔮᓇᐤ ᐋᐧᐢᑳᐃᑫᐃᐧᐣ ᐁ ᒥᔨᑯᔭᕽ ᑭᓭᒪᓂᑐ, ᐋᐧᐢᑳᐦᐃᑲᐣ ᐁᑳ ᒥᒋᐦᒋᔭ ᐁ ᐅᐦᒋ ᐅᓯᒋᑳᑌᐠ, ᑳᑭᑫ ᐁ ᐊᔮᐠ, ᑭᐦᒋ ᑭᓯᑯᕽ. 2ᒋᑫᒫ ᐅᒪ ᐃᐧᔭ ᑳ ᑭᑭᐢᑲᒪᕽ ᑭ ᒪᐃᐧᒧᐃᑯᓈᓇᐤ, ᐁ ᓄᑌ ᐳᐢᑕᓵᑲᐃᑯᓯᔭᕽ ᑭᑭᓇᐤ ᑭᐦᒋ ᑭᓯᑯᕽ ᑳ ᐅᐦᒋᐠ: 3ᐁᑯᓯ ᐃᓯ ᐁ ᑭ ᐳᐢᑕᓵᑲᐃᑲᐃᐧᔭᕽ ᐁᑳ ᑭᑕ ᒧᓭᐢᑲᑌᔭᕽ. 4ᒋᑫᒫ ᑖᐯᐧ ᑭᔮᓇᐤ ᐅᒪ ᑭᑭᓈᕽ ᑳ ᐊᔮᔭᕽ ᑭ ᒪᐃᐧᒧᐃᑯᓈᓇᐤ, ᐁ ᑯᓯᑯᐢᑳᑯᔭᕽ; ᓇᒪᐃᐧᔭ ᐁ ᓇᑕᐁᐧᔨᑕᒪᕽ ᑭᑕ ᑫᑕᓵᑫᓂᑲᐃᐧᔭᕽ, ᒫᑲ ᑭᑕ ᐳᐢᑕᓵᑲᐃᑲᐃᐧᔭᕽ, ᑳ ᓂᐳᐃᐧᓂᐊᐧᕽ ᑭᑕ ᒣᐦᒋ ᓇᒪᑕᑲᐧᕽ ᐱᒫᑎᓯᐃᐧᓂᕽ.
5ᐊᓇ ᒫᑲ ᑳ ᑭ ᐃᓯᐃᑯᔭᕽ ᐅᒪ ᑭᑕ ᐃᓯ ᐊᔮᔭᕽ ᐁᐊᐧᑯ ᑭᓭᒪᓂᑐ, ᑳ ᑭ ᒥᔨᑯᔭᕽ ᒥᓇ ᐅ ᑫᒋᓈᐅᐃᐧᐣ ᐊᐦᒑᕽ. 6ᑳᑭᑫ ᒫᑲ ᐁ ᒥᔪ ᓱᑫᔨᒧᔭᕽ, ᒥᓇ ᐁ ᑭᐢᑫᔨᑕᒪᕽ, ᒣᑳᐧᐨ ᐁ ᒥᔪ ᐊᔮᔭᕽ ᑭᔭᐃᐧᓈᕽ, ᓇᒪᐃᐧᔭ ᑭ ᐃᐧᒋ ᐊᔮᒫᓇᐤ ᑳ ᑎᐯᔨᐦᒋᑫᐟ 7(ᐃᐧᔭ ᑖᐯᐧᔦᔨᑕᒧᐃᐧᐣ ᐅᐦᒋ ᐁ ᐱᒧᐦᑌᔭᕽ, ᓇᒪᐃᐧᔭ ᐋᐧᐸᐦᑕᒧᐃᐧᐣ ᐅᐦᒋ); 8ᑭ ᒥᔪ ᓱᑫᔨᒧᓈᓇᐤ, ᓂᐟ ᐃᑖᐧᐣ, ᒥᓇ ᑭ ᒋᐦᑫᔨᑌᓈᓇᐤ ᓇᐊᐧᐨ ᑭᑕ ᓇᑲᑕᒪᕽ ᐅᒪ ᒥᔭᐤ, ᐁᑯᓯ ᑭᑕ ᐃᐧᒋ ᐊᔮᒫᔭᕽ ᑳ ᑎᐯᔨᐦᒋᑫᐟ. 9ᐁᑯᓯ ᒫᑲ ᒥᓇ ᐁᐊᐧᑯ ᑭ ᑲᓇᐋᐧᐸᑌᓈᓇᐤ, ᑭᐢᐱᐣ ᐁ ᐃᐧᒋ ᐊᔮᒫᔭᕽ ᐊᐦᐳ ᐁᑳ ᐁ ᐃᐧᒋ ᐊᔮᒫᔭᕽ, ᑭᑕ ᓇᐦᐃᔭᐁᐧᐋᔭᕽ. 10#ᕒᐅᒪᓇ 14:10ᐃᐧᔭ ᐁ ᐃᑕᐢᑌᐠ ᑲᐦᑭᔭᐤ ᑭᑕ ᓄᑯᓯᔭᕽ ᐅᔭᓱᐁᐧᐊᐧᐱᐃᐧᓂᕽ ᙭; ᑲᐦᑭᔭᐤ ᑭᑕ ᒥᔨᑲᐃᐧᔭᕽ ᐊᓂᐦᐃ ᑳ ᑭ ᐃᑐᑕᒪᕽ ᑭᔭᐃᐧᓈᕽ, ᐱᑯ ᐊᓂᒪ ᐁ ᑭ ᐃᑐᑕᒪᕽ, ᑭᐢᐱᐣ ᐁ ᒥᔮᐧᓯᐠ ᐊᐦᐳ ᐁ ᒫᔮᑕᕽ.
11ᐁ ᑭᐢᑫᔨᑕᒫᕽ ᒫᑲ ᐅ ᑯᐢᑖᑎᑯᓯᐃᐧᐣ ᑳ ᑎᐯᔨᐦᒋᑫᐟ, ᓂ ᓯᑭᒫᓈᐣ ᐊᔨᓯᔨᓂᐤ, ᒫᑲ ᐃᐧᔭ ᑭᓭᒪᓂᑐ ᓂ ᑭᐢᑫᔨᒥᑯᓈᐣ; ᒥᓇ ᓂᐟ ᐃᓯ ᐸᑯᓭᔨᒧᐣ ᐁᑯᓯ ᐁ ᐃᓯ ᑭᐢᑫᔨᑖᑯᐃᑯᔮᕽ ᑭ ᑭᐢᑫᔨᒥᓱᐃᐧᓂᐋᐧᕽ. 12ᒋᑫᒫ ᓇᒪᐃᐧᔭ ᒥᓇ ᑭ ᐃᐧ ᒪᒥᔪᒥᓱᐢᑖᑎᓈᐣ, ᒫᑲ ᓂᐟ ᐃᓯ ᐱᑭᐢᑳᐧᓈᐣ ᑭᑕ ᑭ ᐊᔮᔦᐠ ᑭᑕ ᐅᐦᒋ ᒪᒥᒋᒥᔮᕽ, ᑭᑕ ᑭ ᓇᐢᑫᐧᐊᐧᓯᐋᔦᑯᐠ ᐊᓂᑭ ᑳ ᒪᒥᒋᒧᒋᐠ ᐃᓯᓈᑯᓯᐃᐧᓂᕽ, ᒫᑲ ᓇᒪᐃᐧᔭ ᒥᑌᐃᕽ. 13ᐃᐧᔭ ᑭᐢᐱᐣ ᓂᐟ ᐊᔨᐋᐧᑭ ᐃᓯᒋᑳᓈᐣ, ᑭᓭᒪᓂᑐ ᐅᐦᒋ; ᐊᐦᐳ ᑭᐢᐱᐣ ᓂᐟ ᐃᔨᓂᓯᐃᐧ ᒫᒥᑐᓀᔨᑌᓈᐣ, ᑭᔭᐋᐧᐤ ᐅᐦᒋ. 14ᒋᑫᒫ ᐅ ᓵᑭᐦᐃᐁᐧᐃᐧᐣ ᙭ ᓂ ᓯᑭᐢᑳᑯᓈᐣ; ᐃᐧᔭ ᐅᒥᓯ ᐁ ᐃᑕᑭᒋᑫᔮᕽ, ᐯᔭᐠ ᐁ ᑭ ᓂᐳᐢᑕᒪᐋᐧᐟ ᑲᐦᑭᔭᐤ, ᐁᑯᓯ ᐁᓴ ᑲᐦᑭᔭᐤ ᑭ ᓂᐱᐊᐧᐠ; 15ᐁᑯᓯ ᑲᐦᑭᔭᐤ ᐁ ᑭ ᓂᐳᐢᑕᒪᐋᐧᐟ, ᐁᑳ ᐁᑲᐧ ᐃᐧᔭᐋᐧᐤ ᐅᐦᒋ ᑭᑕ ᐱᒫᑎᓯᒋᐠ, ᒫᑲ ᐊᓂᐦᐃ ᐃᐧᔭᐋᐧᐤ ᐅᐦᒋ ᑳ ᑭ ᓂᐱᐟ ᐁᑯᓯ ᒥᓇ ᑳ ᑭ ᐊᐧᓂᐢᑳᐟ.
16ᐁᑲᐧ ᒫᑲ ᓇᒪᐃᐧᔭ ᐊᐃᐧᔭᐠ ᓂ ᑭᐢᑫᔨᒫᓈᐣ ᐃᐧᔮᓯᐃᐧᓂᕽ ᐃᓯ: ᐊᐦᐳ ᐋᑕ ᙭ ᐁ ᑭ ᑭᐢᑫᔨᒫᔮᕽ ᐃᐧᔮᓯᐃᐧᓂᕽ ᐃᓯ, ᓇᒪᐃᐧᔭ ᐁᑲᐧ ᐁᑯᓯ ᓂᐟ ᐃᓯ ᑭᐢᑫᔨᒫᓈᐣ. 17ᑭᐢᐱᐣ ᒫᑲ ᐊᐃᐧᔭᐠ ᙭ᐊ ᐃᐧᒉᐋᐧᒋ ᐅᐢᑭ ᐅᓯᐦᒋᑲᓂᐃᐧᐤ: ᑲᔮᓯ ᑫᑲᐧᔭ ᒣᐦᒋᐸᔨᐊᐧ; ᒫᑎᑲ, ᑲᐦᑭᔭᐤ ᐅᐢᑳᔨᐊᐧᓇᐧ 18ᒫᑲ ᑲᐦᑭᔭᐤ ᑫᑲᐧᐩ ᑭᓭᒪᓂᑐ ᑳ ᐅᐦᒋᐢᑕᒫᑫᐟ, ᐊᓇ ᑳ ᑭ ᑳᐃᐧ ᒥᔪ ᐃᐧᒉᐃᐧᑯᔭᕽ ᙭ ᐅᐦᒋ, ᐁᑯᓯ ᑳ ᑭ ᒥᔨᑯᔮᕽ ᑲᐃᐧ ᒥᔪ ᐃᐧᒉᑕᐃᐁᐧᐃᐧ ᐸᒥᐢᑖᑫᐃᐧᐣ; 19ᐅᒪ ᐅᑎ, ᑭᓭᒪᓂᑐ ᐁ ᑭ ᑭᑭᐢᑲᐋᐧᐟ ᙭ᐊ ᐁ ᑳᐃᐧ ᒥᔪ ᐃᐧᒉᑕᐃᓱᐟ ᐊᐢᑭᕽ ᑳ ᐊᔮᔨᐟ, ᓇᒪᐃᐧᔭ ᐁ ᐊᑭᑕᒪᐋᐧᐟ ᐅ ᒪᒋᐃᑎᐃᐧᓂᔨᐊᐧ, ᐁᑯᓯ ᐁ ᑭ ᐸᑭᑎᓇᒫᑯᔮᕽ ᒥᔪ ᐃᐧᒉᑐᐃᐧ ᐃᑌᐧᐃᐧᐣ.
20ᐁᑲᐧ ᒫᑲ ᓂᔭᓈᐣ ᐅᑕᑐᐢᑫᐢᑕᒫᑫᐊᐧᐠ ᐁ ᐱᑭᐢᑫᐧᐢᑕᒪᐋᐧᔮᕽ ᙭ ᑖᐱᐢᑯᐨ ᑭᓭᒪᓂᑐ ᐁ ᑭᐦᑭᒥᑯᔦᐠ ᓂᔭᓈᐣ ᐅᐦᒋ: ᑭ ᑳᑭᓯᒧᑐᑖᑎᓈᐣ ᙭ ᐁ ᐱᑭᐢᑫᐧᐢᑕᒪᐋᐧᔮᕽ, ᑭᑕ ᑳᐃᐧ ᒥᔪ ᐃᐧᒉᐋᐧᔦᐠ ᑭᓭᒪᓂᑐ. 21ᐊᓂᐦᐃ ᐁᑳ ᒪᒋᐃᑎᐃᐧᐣ ᑳ ᑭᐢᑫᔨᑕᒥᔨᐟ ᑭ ᐃᓯᐦᐁᐤ ᒪᒋᐃᑎᐃᐧᐣ ᑭᑕ ᐃᑕᑭᒥᒥᐦᐟ ᑭᔮᓇᐤ ᐅᐦᒋ; ᐁᑯᓯ ᑭᔮᓇᐤ ᐅ ᑲᐧᔭᐢᑭᑖᑎᓯᐃᐧᐣ ᑭᓭᒪᓂᑐ ᑭᑕ ᐃᓯ ᐊᔭᔮᕽ ᐃᐧᔭ ᐅᐦᒋ.
Currently Selected:
ᓃᓵᐧᐤ ᑲᕒᐃᐣᑎᔭᓇ 5: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
