ᓂᐢᑕᒼ ᓵᒼᔪᐃᓬ 30
30
1ᑭ ᐊᔨᑭᐣ ᒫᑲ ᐃᐢᐱ ᑌᐱᐟ ᒥᓇ ᐅᐢᑭᓂᑭᒪ ᑌᑯᓯᑭᐠ ᐊᓂᑕ ᓯᑲᓬᐋᐠ ᐁ ᐊᑎ ᓂᐢᑐᑭᓯᑳᔨᐠ ᐋᒪᓬᐃᑲᐃᑕᐠ ᐁᓴ ᑳ ᓇᑐᐸᔨᐢᑕᑭᐠ ᓵᐊᐧᓄᑖᕽ ᒥᓇ ᓯᑲᓬᐋᐠ, ᐁᑯᓯ ᑭ ᓂᓯᐊᐧᓈᒋᐦᑖᐊᐧᐠ ᓯᑲᓬᐋ ᒥᓇ ᑭ ᓴᐢᑲᐦᐊᒪᐧᐠ ᐃᐢᑯᑌᐤ ᐅᐦᒋ; 2ᑭ ᒧᐢᑎᓀᐊᐧᐠ ᒫᑲ ᐃᐢᑫᐧᐊᐧ ᒪᓇ ᑲᐦᑭᔭᐤ ᐁᑯᑕ ᑳ ᐊᔮᔨᐟ, ᐁ ᐊᐱᓯᓯᓯᔨᐟ ᒥᓇ ᐁ ᒥᓯᑭᑎᔨᐟ; ᓇᒪᐃᐧᔭ ᐊᐃᐧᔭ ᓂᐸᐁᐊᐧᐠ, ᒫᑲ ᑭ ᐅᑎᓀᐊᐧᐠ ᒥᓇ ᑭ ᐊᑎ ᓯᐯᐧᑌᐊᐧᐠ. 3ᐃᐢᐱ ᒫᑲ ᑌᐱᐟ ᒥᓇ ᐅᐢᑭᓂᑭᒪ ᐁᐧᑎᑕᑭᐠ ᐅᑌᓇᐤ, ᐳᑎ ᑭ ᒣᐢᑎᑲᑌᐤ ᐃᐢᑯᑌᐤ ᐅᐦᒋ; ᐁᑯᓯ ᐃᐧᐃᐧᐋᐧᐊᐧ ᒥᓇ ᐅᑯᓯᓯᐋᐧᐊᐧ ᒥᓇ ᐅᑖᓂᓯᐋᐧᐊᐧ ᑭ ᒪᓇᐋᑳᑎᒫᐊᐧ. 4ᐁᑲᐧ ᑌᐱᐟ ᒥᓇ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ ᑭ ᐯᐦᑖᑯᓯᐊᐧᐠ ᐁ ᒫᑐᒋᐠ, ᐱᔨᐢ ᐁ ᓀᐢᑐᒧᒋᐠ ᐁ ᒫᑐᒋᐠ. 5#1 ᓵᒼᔪᐃᓬ 25:42,43ᑌᐱᐟ ᒫᑲ ᐁ ᓂᓯᔨᐟ ᐃᐧᐊᐧ ᑭ ᒪᓇᐊᐧᑳᑎᒫᐊᐧ, ᐋᐦᐃᓄᐊᒼ ᐊᓇ ᒉᓴᕒᐃᓬ ᐃᐢᑫᐧᐤ, ᒥᓇ ᐋᐱᑫᓬ ᐃᐧᐊᐧ ᓀᐸᓬ ᐊᓇ ᑳᕒᒥᓬᐊᐃᐟ. 6ᑌᐱᐟ ᒫᑲ ᒥᐢᑕᐦᐃ ᑭ ᒥᑯᐢᑳᑌᔨᑕᒼ; ᒋᑫᒫ ᐊᔨᓯᔨᓂᐊᐧ ᑭ ᐃᑌᐧᔨᐊᐧ ᐁ ᐃᐧ ᐱᒫᐧᐱᐢᑲᐅᑯᐟ, ᐊᔨᐢ ᐅᐟ ᐊᐦᒑᐦᑯᐋᐧᕽ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᓇᒪ ᓇᐦᐁᔨᑕᒪᐧᐠ ᑲᐦᑭᔭᐤ ᓈᐯᐤ ᐅᑯᓯᓴ ᒥᓇ ᐅᑖᓂᓴ ᐅᐦᒋ; ᒫᑲ ᑌᐱᐟ ᑭ ᒪᐢᑲᐃᐧᓯᐃᓱ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ ᐅᐦᒋ.
7 #
1 ᓵᒼᔪᐃᓬ 22:20-23
ᑌᐱᐟ ᒫᑲ ᑭ ᐃᑌᐤ ᐊᐹᔭᑕᕒᐊ ᐊᔭᒥᐦᐁᐃᐧᔨᓂᐊᐧ, ᐅᑯᓯᓴ ᐊᐦᐃᒥᓬᐃᐠ, ᐯᑖ ᐅᑕ ᐁᐦᐸᐟ. ᐊᐹᔭᑕᕒ ᒫᑲ ᑭ ᐯᑕᒪᐁᐧᐤ ᐁᐦᐸᑎᔨᐤ ᑌᐱᑖ. 8ᑌᐱᐟ ᒫᑲ ᑭ ᑲᑫᐧᒋᒣᐤ ᑳ ᑎᐯᔨᐦᒋᑫᔨᐟ ᐁ ᐃᑌᐧᐟ, ᑭᐢᐱᐣ ᐱᒥᑌᓴᐊᐧᑳᐧᐃᐧ ᐅᑭ ᑳ ᒥᓀᔭᑎᒋᐠ ᓂ ᑲ ᐊᑎᒫᐊᐧᐠ ᒋ? ᑭ ᓇᐢᑫᐧᐊᐧᓯᒥᐠ ᒫᑲ, ᐱᒥᑎᓴᐦᐅᐠ; ᒋᑫᒫ ᑫᐦᒋᓇ ᑭ ᑲ ᐊᑎᒫᐊᐧᐠ, ᒥᓇ ᐁᑳ ᐁ ᐊᓯᐊᐧᕽ ᑲᐦᑭᔭᐤ ᒥᓇ ᑭ ᑲ ᐅᑎᓈᐊᐧᐠ. 9ᐁᑯᓯ ᑌᐱᐟ ᑭ ᓯᐯᐧᑌᐤ, ᐃᐧᔭ ᒥᓇ ᐊᓂᐦᐃ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓈᐯᐊᐧ ᑳ ᐃᐧᒉᐃᐧᑯᐟ, ᑭ ᐅᑎᐦᑕᒪᐧᐠ ᒫᑲ ᐱᓵᕒ ᓯᐱᓯᐢ, ᐁᑲᐧ ᐁᑯᑕ ᑳ ᓇᑲᑎᐦᒋᐠ ᑭ ᐊᔮᐊᐧᐠ. 10ᒫᑲ ᑌᐱᐟ ᑭ ᓇᐊᐧᓭᐧᐤ, ᐃᐧᔭ ᒥᓇ ᓀᐋᐤ ᒥᑖᐦᑐᒥᑕᓇᐤ ᓈᐯᐊᐧ; ᒋᑫᒫ ᓂᓵᐧᐤ ᒥᑖᐦᑐᒥᑕᓇᐤ, ᑭ ᑭᐱᐦᒋᐊᐧᐠ, ᐁ ᐃᓯ ᓀᐢᑐᓯᒋᐠ ᐁᑳ ᐁ ᑭ ᐋᓱᐊᐧᐊᑭᐠ ᐱᓵᕒ ᓯᐱᓯᐢ.
11ᑭ ᒥᐢᑲᐁᐧᐊᐧᐠ ᒫᑲ ᐃᒋᑊᐟ ᐊᔨᓯᔨᓂᐊᐧ ᐸᐢᑲᐧᕽ, ᐁᑯᓯ ᑭ ᐯᑕᒪᐁᐧᐊᐧᐠ ᑌᐱᑕ, ᑭ ᒥᔦᐊᐧᐠ ᒫᑲ ᐸᐦᑫᐧᓯᑲᓇ ᐁᑯᓯ ᑭ ᒧᐁᐧᔨᐊᐧ; ᒥᓇ ᑭ ᒥᔦᐊᐧᐠ ᓂᐱ ᑭᑕ ᒥᓂᐦᑫᐧᔨᐟ. 12ᑭ ᒥᔦᐊᐧᐠ ᒫᑲ ᐊᐱᓯᐢ ᒥᓯᓱᒥᓂ ᐱᑎᑯᓂᑲᓇ, ᒥᓇ ᓂᓱ ᐁ ᐊᓯᓂᑖᐃᐧᑭᔨᐟ ᓱᒥᓂᓴ; ᐃᐢᐱ ᒫᑲ ᑳ ᒥᒋᓱᐟ ᑭ ᒥᓇᐃᐧ ᐊᔮᔨᐊᐧ ᐅᐟ ᐊᐦᒑᐦᑲᐧ ᒋᑫᒫ ᓇᒪᐃᐧᔭ ᐅᐦᒋ ᒧᐁᐧᐤ ᐸᐦᑫᐧᓯᑲᓇ ᐊᐦᐳ ᓇᒪᐃᐧᔭ ᐅᐦᒋ ᒥᓂᐦᑫᐧᐤ ᓂᐱ ᓂᐢᑐ ᑭᓯᑳᐊᐧ ᒥᓇ ᓂᐢᑐ ᑎᐱᐢᑳᐊᐧ. 13ᑌᐱᐟ ᒫᑲ ᑭ ᐃᑌᐤ, ᐊᐁᐧᓇ ᑌᐯᔨᒥᐢ? ᒥᓇ ᑕᓂᑌ ᐁᐧᐦᒋᔭᐣ? ᑭ ᐃᑌᐧᐤ ᒫᑲ, ᓂᔭ ᐃᒋᑊᐟ ᐅᐦᒋ ᐅᐢᑭᓂᑭᐤ, ᐁ ᐊᑐᐢᑲᐊᐧᐠ ᐋᒪᓬᐃᑲᐃᐟ; ᐁᑯᓯ ᓂᐟ ᐅᑭᒫᒼ ᓂ ᑭ ᓇᑲᑎᐠ, ᒋᑫᒫ ᓂᐢᑐ ᑭᓯᑳᐊᐧ ᐁᑲᐧ ᐊᐢᐱᐣ ᑳ ᐋᑯᓯᔮᐣ. 14ᓂ ᑭ ᓇᑐᐸᔨᐢᑕᐋᐧᓈᓇᐠ ᐊᓂᑭ ᓵᐊᐧᓄᑖᕽ ᑫᕒᐃᑕᐃᑕᐠ, ᒥᓇ ᐊᓂᒪ ᒍᑕ ᑳ ᑎᐯᔨᐦᑕᕽ, ᒥᓇ ᓵᐊᐧᓄᑖᕽ ᑫᓬᐃᑊ; ᐁᑯᓯ ᓯᑲᓬᐋᐠ ᓂ ᑭ ᓴᐢᑲᐁᓈᐣ ᐃᐢᑯᑌᐤ ᐅᐦᒋ. 15ᑌᐱᐟ ᒫᑲ ᑭ ᐃᑌᐤ, ᑭ ᑲ ᐃᑐᑕᐃᐣ ᒋ ᐃᑕ ᐁ ᐊᔮᒋᐠ ᐅᑭ ᑳ ᒫᒪᐁᐧᔭᑎᒋᐠ? ᐁᑯᓯ ᑭ ᐃᑎᐠ, ᑭᐦᒋ ᐃᓯᐣ ᑭᓭᒪᓂᑐ ᐁ ᐊᐢᐱᒧᔭᐣ, ᐁᑳ ᑭᑕ ᓂᐸᐃᔭᐣ ᐊᐦᐳ ᑭᑕ ᐸᑭᑎᓂᔭᐣ ᐅᒋᐦᒋᕽ ᓂᐟ ᐅᑭᒫᒼ, ᐁᑯᓯ ᑭ ᑲ ᐃᑐᑕᐦᐃᑎᐣ ᐃᑕ ᐁ ᐊᔮᒋᐠ ᐅᑭ ᑳ ᒫᒪᐁᐧᔭᑎᒋᐠ.
16ᐃᐢᐱ ᒫᑲ ᑳ ᐃᑐᑕᐦᐃᑯᐟ, ᐳᑎ ᒥᓯᐁᐧ ᐸᐹᒥ ᑭ ᐊᔮᔨᐊᐧ ᒧᒋᕽ, ᐁ ᒥᒋᓱᔨᐟ ᒥᓇ ᐁ ᒥᓂᐦᑫᐧᔨᐟ ᒥᓇ ᐁ ᐃᐧᐦᑯᐦᑐᔨᐟ, ᒋᑫᒫ ᒥᐢᑕᐦᐃ ᒪᓂᐊᐧᑌᐃᐧᐣ ᐁ ᑭ ᐅᑎᓇᒪᔨᐟ ᐱᓬᐃᐢᑎᓇ ᐅᐟ ᐊᐢᑭᔨᕽ ᐅᐦᒋ ᒥᓇ ᒍᑕ ᐊᐢᑭᕽ ᐅᐦᒋ. 17ᑌᐱᐟ ᒫᑲ ᑭ ᐸᑲᒪᐁᐧᐤ ᐁ ᐊᐧᐋᐧᓂᓈᑲᐧᕽ ᐅᐦᒋ ᐱᔨᐢ ᐁ ᐅᑖᑯᓯᐠ ᑯᑕᐠ ᐁ ᐊᑎ ᑭᓯᑳᐠ; ᓇᒪᐋᐧᐨ ᒫᑲ ᐯᔭᐠ ᐊᔨᓯᔨᓂᐤ ᑭ ᐸᐢᐱᐤ ᐁ ᐃᐦᑕᓯᒋᐠ ᐱᑯ ᓀᐋᐧᐤ ᒥᑖᐦᑐᒥᑕᓇᐤ ᐅᐢᑭᓂᑭᐊᐧᐠ ᑳ ᑭ ᑌᐦᑕᐱᒋᐠ ᐱᐢᑳᐧᐃᐧᑲᓇ ᒥᓇ ᑳ ᑭ ᑕᐸᓯᒋᐠ. 18ᑌᐱᐟ ᒫᑲ ᑳᐃᐧ ᑭ ᐅᑎᓇᒼ ᑲᐦᑭᔭᐤ ᐋᒪᓬᐃᑲᐃᑕ ᑳ ᑭ ᓯᐯᐧᑕᑖᔨᐟ; ᒥᓇ ᑌᐱᐟ ᑭ ᐸᐢᐱᐦᐁᐤ ᐁ ᓂᓯᔨᐟ ᐃᐧᐊᐧ. 19ᓇᒪ ᑫᑲᐧᐩ ᒫᑲ ᑭᐧᑕᐁᐧᔨᑕᒪᐧᐠ ᐁ ᐊᐱᓵᓯᓂᔨᐠ ᐊᐦᐳ ᐁ ᒥᓵᔨᐠ, ᓇᒪᐃᐧᔭ ᒥᓇ ᐅᑯᓯᓯᐋᐧᐊᐧ ᐊᐦᐳ ᐅᑖᓂᓯᐋᐧᐊᐧ, ᓇᒪᐃᐧᔭ ᒥᓇ ᒪᓂᐊᐧᑌᐃᐧᐣ ᐊᐦᐳ ᓈᐣᑕᐤ ᑫᑲᐧᐩ ᑳ ᑭ ᐅᑎᓇᒥᔨᐟ; ᑲᐦᑭᔭᐤ ᑌᐱᐟ ᑭ ᐯ ᑭᐁᐧᑕᑖᐤ. 20ᑌᐱᐟ ᒫᑲ ᑭ ᐅᑎᓀᐤ ᑲᐦᑭᔭᐤ ᒫᔭᑎᐦᑲᐧ ᒥᓇ ᐱᓯᐢᑭᐊᐧ ᐁᐊᐧᑯᓂ ᑳ ᑭ ᐊᑎ ᔭᑭᑎᓴᐋᐧᒋᐠ ᓂᑳᐣ ᐊᓂᐦᐃ ᑯᑕᑲ ᒧᐢᑐᓴᐧ, ᐁᑯᓯ ᑭ ᐃᑌᐧᐊᐧᐠ ᐁᐋᐧᑯᓂ ᑌᐱᐟ ᐅ ᒪᓂᐊᐧᑌᐃᐧᓇ.
21ᑌᐱᐟ ᒫᑲ ᑭ ᐯ ᐅᑎᐦᑌᐤ ᐊᓂᐦᐃ ᓂᓵᐧᐤ ᒥᑖᐦᑐᒥᑕᓇᐤ ᓈᐯᐊᐧ ᑳ ᑭ ᐃᓯ ᓄᑌᓯᓂᔨᐟ ᐁᑳ ᐁ ᑭ ᐱᒥᑎᓴᐦᐅᑯᐟ ᑌᐱᐠ ᐁᑯᓯ ᑳ ᑭ ᓇᑲᑖᐟ ᐁᑯᑕ ᐱᓵᕒ ᓯᐱᓯᓯᕽ; ᑭ ᐯ ᓇᑕᐃᐧ ᓇᑭᐢᑳᐠ ᒫᑲ ᑌᐱᐟ, ᒥᓇ ᑭ ᓇᑭᐢᑲᐁᐧᔨᐊᐧ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ; ᐃᐢᐱ ᒫᑲ ᑌᐱᐟ ᑭᓯᐋᐧᐠ ᐁᑎ ᐅᑎᑖᐟ ᐁᐊᐧᑯᓂ ᐊᔨᓯᔨᓂᐊᐧ ᑭ ᐊᑕᒥᐢᑲᐁᐧᐤ. 22ᐁᑲᐧ ᒫᑲ ᑭ ᓇᐢᑫᐧᐊᐧᓯᒣᐊᐧᐠ ᑲᐦᑭᔭᐤ ᐊᓂᑭ ᒪᒋ ᐊᔨᓯᔨᓂᐊᐧᐠ ᒥᓇ ᐱᓬᐃᔭᓬ ᐊᔨᓯᔨᓂᐊᐧᐠ ᑳ ᐃᐧᒉᐋᐧᒋᐠ ᑌᐱᑕ, ᑭ ᐃᑌᐧᐊᐧᐠ ᒫᑲ, ᐊᔨᐢ ᓇᒪᐃᐧᔭ ᑯᐦ ᐃᐧᒉᐃᐧᑯᓇᐊᐧᐠ ᓇᒪᐃᐧᔭ ᑫᑲᐧᐩ ᑭ ᑲ ᒥᔮᓇᐊᐧᐠ ᒪᓂᐊᐧᑌᐃᐧᐣ ᑳ ᑭ ᑳᐃᐧ ᐅᑎᓇᒪᕽ, ᐱᑯ ᑲᐦᑭᔭᐤ ᓈᐯᐤ ᑭ ᑲ ᒥᔮᓇᐤ ᐃᐧᐊᐧ ᒥᓇ ᐅᐟ ᐊᐋᐧᓯᒥᓴ, ᑭᑕ ᑭ ᓯᐯᐧᑕᐦᐋᒋᐠ ᐁᑯᓯ ᑭᑕ ᓯᐯᐧᑌᒋᐠ. 23ᐁᑲᐧ ᑭ ᐃᑌᐧᐤ ᑌᐱᐟ, ᓇᒪᐃᐧᔭ ᐁᑯᓯ ᑭ ᑲ ᐃᑐᑌᓈᐋᐧᐤ ᓂᒋᐋᐧᒥᑎᐠ, ᐊᓂᒪ ᑳ ᑎᐯᔨᐦᒋᑫᐟ ᑳ ᑭ ᒥᔨᑯᔭᕽ, ᑳ ᑭ ᑲᓇᐁᐧᔨᒥᑯᔭᕽ ᒥᓇ ᑳ ᑭ ᐸᑭᑎᓈᐟ ᑭᒋᐦᒋᓈᕽ ᑳ ᒫᒪᐁᐧᔭᑎᔨᐟ ᑳ ᑭ ᐯ ᒪᐃᐧᓀᐢᑳᑯᔭᑯᐠ. 24ᒥᓇ ᐊᐁᐧᓇ ᑫ ᑭ ᓇᑐᐦᑖᑯᔦᐠ ᐅᒪ ᐃᓯᐦᒋᑫᐃᐧᓂᕽ? ᒋᑫᒫ ᑖᐱᐢᑯᐨ ᐅ ᒫᑎᓇᒫᑯᐃᐧᐣ ᐊᓇ ᑳ ᐃᑐᐦᑌᐟ ᓄᑎᓂᑐᐃᐧᓂᕽ, ᐁᑯᓯ ᑫ ᐃᓯ ᒫᑎᓇᒫᐦᐟ ᐊᓇ ᑳ ᑲᓇᐁᐧᔨᑕᕽ ᐊᔮᐃᐧᓇ; ᑖᐱᐢᑯᐨ ᑭᑕ ᐃᓯ ᒥᔮᐊᐧᐠ. 25ᐁᑯᓯ ᒫᑲ ᑭ ᐃᓯᒋᑳᓂᐊᐧᐣ ᐁᐊᐧᑯ ᐁ ᑭᓯᑳᐠ ᐅᐦᒋ ᓂᑳᐣ ᐃᓯ ᐁᐊᐧᑫᐧᔨᐤ ᑭ ᐅᔭᑭᐦᑕᒼ ᑭᑕ ᐃᓯᐦᒋᑫᕽ ᒥᓇ ᑭᑕ ᐃᓯᑖᐧᕽ ᐃᐢᕒᐁᐃᓬᐃᕽ, ᐱᔨᐢ ᐊᓄᐦᐨ ᑳ ᑭᓯᑳᐠ.
26ᐃᐢᐱ ᒫᑲ ᑌᐱᐟ ᑌᑯᓯᕽ ᐁᑯᑕ ᐊᓂᒪ ᓯᑲᓬᐋᐠ, ᑭ ᓯᐯᐧᑎᓴᐦᐊᒪᐁᐧᐤ ᐊᓂᒪ ᒪᓂᐊᐧᑌᐃᐧᐣ ᐅᐦᒋ ᑳ ᓂᑳᓀᔨᑖᑯᓯᔨᐟ ᒍᑕ, ᐅᑐᑌᒪ ᐊᑎ, ᐁ ᐃᑌᐧᐟ, ᒫᑎᑲ ᐁ ᒥᔨᑲᐃᐧᔦᐠ ᐁ ᑭ ᒪᓂᐊᐧᑖᑎᒋᐠ ᑳ ᑎᐯᔨᐦᒋᑫᐟ ᐅᓄᑎᓈᑲᓇ; 27ᐊᓂᐦᐃ ᑳ ᐊᔮᔨᐟ ᐯᐦᑎᓬᐃᕽ, ᒥᓇ ᐊᓂᐦᐃ ᑳ ᐊᔮᔨᐟ ᕒᐁᒫᐦᑎᕽ ᓵᐊᐧᓄᑖᕽ, ᒥᓇ ᐊᓂᐦᐃ ᑳ ᐊᔮᔨᐟ ᒑᑕᕒᐃᕽ; 28ᒥᓇ ᐊᓂᐦᐃ ᑳ ᐊᔮᔨᐟ ᐋᕒᐅᐋᕒᐃᕽ, ᒥᓇ ᐊᓂᐦᐃ ᑳ ᐊᔮᔨᐟ ᓯᑊᒪᑎᕽ, ᒥᓇ ᐊᓂᐦᐃ ᑳ ᐊᔮᔨᐟ ᐃᐢᑎᒧᐊᐃᕽ; 29ᒥᓇ ᐊᓂᐦᐃ ᑳ ᐊᔮᔨᐟ ᕒᐋᑳᓬᐃᕽ, ᒥᓇ ᐊᓂᐦᐃ ᑳ ᐊᔮᔨᐟ ᐅᐟ ᐅᑌᓈᔨᕽ ᒉᕒᐊᒥᓬᐊᐃᑕ, ᒥᓇ ᐊᓂᐦᐃ ᑳ ᐊᔮᔨᐟ ᐅᐟ ᐅᑌᓈᔨᕽ ᑭᓇᐃᑕ, 30ᒥᓇ ᐊᓂᐦᐃ ᑳ ᐊᔮᔨᐟ ᐦᐋᕒᒪᐃᕽ, ᒥᓇ ᐊᓂᐦᐃ ᑳ ᐊᔮᔨᐟ ᑳᕒᐊᓵᓂᕽ, ᒥᓇ ᐊᓂᐦᐃ ᑳ ᐊᔮᔨᐟ ᐋᐦᑖᑭᕽ; 31ᒥᓇ ᐊᓂᐦᐃ ᑳ ᐊᔮᔨᐟ ᐦᐁᐸᕒᐊᓂᕽ, ᒥᓇ ᒥᓯᐁᐧ ᐃᑕ ᑌᐱᐟ ᒥᓇ ᐅᐢᑭᓂᑭᒪ ᑳ ᓀᑳᒥ ᐊᔮᒋᐠ.
Currently Selected:
ᓂᐢᑕᒼ ᓵᒼᔪᐃᓬ 30: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
