ᓂᐢᑕᒼ ᓵᒼᔪᐃᓬ 29
29
1ᐁᑲᐧ ᒫᑲ ᐱᓬᐃᐢᑎᓇᐠ ᑭ ᒫᒪᐃᐧ ᒫᐊᐧᒋᐦᐁᐊᐧᐠ ᑲᐦᑭᔭᐤ ᐅᓄᑎᓂᑫᒥᐋᐧᐊᐧ ᐊᓂᑕ ᐋᐦᐯᐠ; ᐁᑯᓯ ᐃᐢᕒᐁᐃᓬᐊᐃᑕᐠ ᑭ ᑲᐯᓯᐊᐧᐠ ᒋᑭ ᒧᐦᑭᒋᐊᐧᓂᐯᑯᕽ ᑭᓯᐋᐧᐠ ᒉᓴᕒᐃᓬ ᑳ ᐊᔮᐠ. 2ᐅᑭᒫᒥᐋᐧᐊᐧ ᒫᑲ ᐱᓬᐃᐢᑎᓇᐠ ᑭ ᐱᒧᐦᑌᐊᐧᐠ ᐁ ᒫᒥᑖᐦᑐᒥᑕᓇᐁᐧᒋᐠ ᒥᓇ ᐁ ᑲᑭᐦᒋᒥᑖᐦᑐᒥᑕᓇᐁᐧᒋᐠ; ᐁᑯᓯ ᑌᐱᐟ ᒥᓇ ᐅᐢᑭᓂᑭᒪ ᑭ ᐊᑎ ᐱᒧᐦᑌᐊᐧᐠ ᐁ ᐃᐧᒉᐋᐧᒋᐠ ᐁᑭᓴ ᐅᑖᐢᑲᓈᕽ. 3ᐁᑲᐧ ᑭ ᐃᑌᐧᐊᐧᐠ ᐊᓂᑭ ᐱᓬᐃᐢᑎᓇᐠ ᐅᑭᒫᒥᐋᐧᐊᐧ, ᑫᑲᐧᐩ ᐁᐧᓯᑖᒋᐠ ᐅᑕ ᐅᑭ ᐦᐃᐸᕒᐅᐊᐧᐠ? ᐁᑭᐢ ᒫᑲ ᑭ ᐃᑌᐤ ᐊᓂᐦᐃ ᐱᓬᐃᐢᑎᓇᐠ ᐅᑭᒫᒥᐋᐧᐊᐧ, ᓇᒪ ᒋ ᐁᐊᐧᑯ ᐊᐊᐧ ᑌᐱᐟ, ᐅᐟ ᐊᑐᐢᑫᔮᑲᓇ ᓵᓬ ᐃᐢᕒᐁᐃᓬ ᑭᐦᒋ ᐅᑭᒫᐤ, ᑳ ᑭ ᐃᐧᒋᐊᔮᒥᐟ ᐁᑲᐧ ᐅᐦᐃ ᑭᓯᑳᐊᐧ ᐊᐦᐳ ᐅᐦᐃ ᐊᐢᑭᐃᐧᓇ, ᐁᑯᓯ ᓇᒪᐃᐧᔭ ᓄᐦ ᒥᐢᑫᐣ ᑭᑕ ᑭ ᐅᐦᒋ ᐋᓀᐧᔨᒪᐠ ᐊᐢᐱᐣ ᐊᓂᒪ ᐁ ᑭᓯᑳᐠ ᑳ ᑭ ᐯ ᓈᓯᐟ ᐱᔨᐢ ᐊᓄᐦᐨ ᑳ ᑭᓯᑳᐠ? 4ᒫᑲ ᐊᓂᑭ ᐱᓬᐃᐢᑎᓇᐠ ᐅᑭᒫᒥᐋᐧᐊᐧ ᑭ ᑭᓯᐢᑕᐁᐧᐊᐧᐠ; ᐁᑯᓯ ᐱᓬᐃᐢᑎᓇᐠ ᐅᑭᒫᒥᐋᐧᐊᐧ ᑭ ᐃᑌᐊᐧᐠ, ᑭᐁᐧᑎᓴᐤ ᐊᓇ ᓈᐯᐤ ᑭᑕ ᑭᐁᐧᐟ ᐃᑕ ᑳ ᐊᔮᐟ ᑳ ᑭ ᒥᔭᐟ, ᐁᑯᓯ ᐁᑳᐃᐧᔭ ᑭ ᑲ ᐃᐧᒉᐃᐧᑯᓇᐤ ᓄᑎᓂᑐᐃᐧᓂᕽ, ᐁᑳ ᓈᐣᑕᐤ ᐃᓯ ᓄᑎᓂᑐᐃᐧᓂᕽ ᑭ ᑲ ᑭ ᓄᑎᓂᑯᓇᐤ; ᒋᑫᒫ ᑫᑲᐧᐩ ᑫ ᑭ ᐅᐦᒋ ᒥᔪᔭᐁᐧᐊᐟ ᐅᑭᒫᒪ? ᓇᒪ ᒋ ᐅᐢᑎᑳᐧᓂᔨᐊᐧ ᐅᐦᒋ ᐅᐦᐃ ᐊᔨᓯᔨᓂᐊᐧ? 5#1 ᓵᒼᔪᐃᓬ 18:7; 21:11ᓇᒪ ᒋ ᐁᐊᐧᑯ ᐊᐊᐧ ᑌᐱᐟ ᒫᒥᐢᑯᐨ ᑳ ᑭ ᓇᑲᒧᐋᒋᐠ ᓂᒥᐃᑐᐃᐧᓂᕽ ᐁ ᐃᑌᐧᒋᐠ, ᓵᓬ ᑭ ᓂᐸᐁᐤ ᑭᐦᒋᒥᑖᐦᑐᒥᑕᓇᐤ, ᒫᑲ ᑌᐱᐟ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ?
6ᐁᑲᐧ ᐁᑭᐢ ᑭ ᓇᑐᒣᐤ ᑌᐱᑕ ᒥᓇ ᑭ ᐃᑌᐤ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ ᑭ ᑭ ᑲᐧᔭᐢᑭᑖᑎᓯᐣ, ᒥᓇ ᐁ ᐊᐧᔭᐃᐧᔭᐣ ᒥᓇ ᐁ ᐱᐦᑐᑫᔭᐣ ᒣᑳᐧ ᐅᓄᑎᓂᑫᐊᐧᐠ ᓂ ᒥᔮᐧᐱᓯᒥᑯᐣ; ᒋᑫᒫ ᓇᒪᐃᐧᔭ ᓄᐦ ᒥᐢᑫᐣ ᒪᒋ ᑫᑲᐧᐩ ᑭᑕ ᑭᑭᐢᑳᑯᔭᐣ ᐊᐢᐱᐣ ᐊᓂᒪ ᐁ ᑭᓯᑳᐠ ᑳ ᑭ ᐅᑎᓯᔭᐣ ᐱᔨᐢ ᐊᓄᐦᐨ ᑳ ᑭᓯᑳᐠ; ᒫᑲ ᐃᐧᔭ ᐅᑭᒫᐊᐧᐠ ᓇᒪᐃᐧᔭ ᑭ ᒥᔦᐧᔨᒥᑲᐧᐠ. 7ᐁᑯᓯ ᒫᑲ ᐁᑲᐧ ᑭᐁᐧ, ᒥᓇ ᓯᐯᐧᐦᑌ ᐯᔭᐦᑕᐠ, ᐁᑳ ᑭᑕ ᓇᔦᐦᑖᐃᐧᔭᐁᐧᐊᒋᐠ ᐅᑭᒫᒥᐋᐧᐊᐧ ᐱᓬᐃᐢᑎᓇᐠ.
8ᑌᐱᐟ ᒫᑲ ᑭ ᐃᑌᐤ ᐁᑭᓴ, ᑫᑲᐧᐩ ᒫᑲ ᑳ ᑐᑕᒫᐣ? ᒥᓇ ᑫᑲᐧᐩ ᑳ ᒥᐢᑲᒪᐣ ᐁ ᑭᑭᐢᑳᑯᐟ ᑭᐟ ᐊᑐᐢᑫᔮᑲᐣ ᐃᔨᑯᕽ ᐅᒪ ᑳ ᑭ ᐋᐧᐸᒥᔭᐣ ᐱᔨᐢ ᐊᓄᐦᐨ ᑳ ᑭᓯᑳᐠ, ᑭᑕ ᑭ ᐅᐦᒋ ᐁᑳ ᓇᑕᐃᐧ ᓄᑎᓂᒪᐠ ᐅ ᓄᑎᓈᑲᓇ ᓄᑭᒫᒼ ᑭᐦᒋ ᐅᑭᒫᐤ? 9ᐁᑭᐢ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᑌᐱᑕ, ᓂ ᑭᐢᑫᔨᑌᐣ ᐁ ᒥᔮᐧᑎᓯᔭᐣ ᓂᔭ ᐁ ᐃᓯ ᐋᐧᐸᒥᑖᐣ, ᑖᐱᐢᑯᐨ ᑭᓭᒪᓂᑐ ᐅᑭᓯᑯᒪ; ᒫᑲ ᓵᑯᐨ ᐅᑭᒫᒥᐋᐧᐊᐧ ᐱᓬᐃᐢᑎᓇᐠ ᑭ ᐃᑌᐧᐊᐧᐠ ᓇᒪᐃᐧᔭ ᑭ ᑲ ᐃᐧᒉᐃᐧᑯᓇᐤ ᓄᑎᓂᑐᐃᐧᓂᕽ. 10ᐁᑯᓯ ᒫᑲ ᐊᐧᓂᐢᑳ ᐃᐧᐸᐨ ᑫᑭᓭᐹᔮᑭ ᐊᓯᒋ ᐅᐟ ᐊᑐᐢᑫᔮᑲᓇ ᑭᐟ ᐅᑭᒫᒼ ᑳ ᐯ ᐃᐧᒋᐦᐃᐧᐢᑭᐠ; ᒥᓇ ᓭᒫᐠ ᑭ ᐊᐧᓂᐢᑳᔦᑯ ᑫᑭᓭᐹᔮᑭ, ᒥᓇ ᐊᑎ ᑭᐦᑳᓈᑲᐧᑭ ᓯᐯᐧᑌᐠ. 11ᐁᑯᓯ ᑌᐱᐟ ᑭ ᐊᐧᓂᐢᑳᐤ ᐃᐧᐸᐨ ᑫᑭᓭᐸ ᐃᐧᔭ ᒥᓇ ᐅᐢᑭᓂᑭᒪ, ᑭᑕ ᑫᑭᓭᐹ ᓯᐯᐧᑌᒋᐠ, ᑭᑕ ᑭᐁᐧᒋᐠ ᐅᐟ ᐊᐢᑭᔨᕽ ᐱᓬᐃᐢᑎᓇ. ᐱᓬᐃᐢᑎᓇᐠ ᒫᑲ ᑭ ᐃᑐᐦᑌᐊᐧᐠ ᒉᓴᕒᐃᓬᐃᕽ.
Currently Selected:
ᓂᐢᑕᒼ ᓵᒼᔪᐃᓬ 29: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
