ᓂᐢᑕᒼ ᓵᒼᔪᐃᓬ 27
27
1ᑌᐱᐟ ᒫᑲ ᑭ ᐃᑌᐧᐤ ᐅᑌᐦᐃᕽ, ᑭᐦᑭᕽ ᓈᐣᑕᐤ ᑲᑭᓯᑳᑭ ᓂ ᑲ ᓂᓯᐊᐧᓈᑎᓯᐣ ᐅᒋᐦᒋᕽ ᓵᓬ ᐅᐦᒋ; ᓇᐊᐧᐨ ᑭᑕ ᐃᑖᒧᔮᐣ ᐱᓬᐃᐢᑎᓇᐠ ᐅᐟ ᐊᐢᑭᐋᐧᕽ ᓵᓬ ᒫᑲ ᓂ ᑲ ᐃᔨᒧᑲᐦᑖᐠ, ᐁᑯᓯ ᓇᒪᐃᐧᔭ ᓂ ᑲ ᓇᓈᑐᓈᐠ ᐃᑕ ᐁ ᐃᐢᑯ ᐅᐟ ᐊᐢᑭᔨᐟ ᐃᐢᕒᐁᐃᓬ; ᓂ ᑲ ᐸᐢᐱᐣ ᒫᑲ ᐅᒋᐦᒋᕽ ᐅᐦᒋ. 2ᑌᐱᐟ ᒫᑲ ᑭ ᐸᓯᑯ, ᑭ ᐊᓱᐃᐧ ᐃᑐᐦᑌᐤ ᒫᑲ, ᐃᐧᔭ ᒥᓇ ᐊᓂᐦᐃ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓈᐯᐊᐧ ᑳ ᐃᐧᒉᐃᐧᑯᐟ, ᐁ ᓈᑖᐟ ᐁᑭᐢ ᐅᑯᓯᓴ ᒣᐋᐠ, ᑭᐦᒋ ᐅᑭᒫᐤ ᐊᓂᑕ ᑳᐦᐟ. 3ᑌᐱᐟ ᒫᑲ ᑭ ᐃᐧᒋᐊᔮᒣᐤ ᐁᑭᓴ ᐊᓂᑕ ᑳᐦᐟ, ᐃᐧᔭ ᒥᓇ ᐅᐢᑭᓂᑭᒪ, ᑲᐦᑭᔭᐤ ᓈᐯᐤ ᐁ ᐃᑕᐦᑐᑫᐟ, ᑌᐱᐟ ᐅᑎ ᐊᓯᒋ ᐁ ᓂᓯᔨᐟ ᐃᐧᐊᐧ, ᐋᐦᐃᓄᐊᒼ ᐊᓇ ᒉᓴᕒᐃᓬ ᐃᐢᑫᐧᐤ, ᒥᓇ ᐋᐱᑫᓬ ᐊᓇ ᑳᕒᒥᓬ ᐃᐢᑫᐧᐤ ᓀᐸᓬ ᐃᐧᐊᐧ. 4ᑭ ᐃᐧᐦᑕᒪᐋᐧᐤ ᒫᑲ ᓵᓬ ᐊᓂᑕ ᑳᐦᐟ ᐁ ᐃᑖᒧᔨᐟ ᑌᐱᑕ; ᓇᒪᐃᐧᔭ ᒫᑲ ᒥᓇ ᐃᐧᑳᐨ ᓇᓈᑐᓇᐁᐧᐤ.
5ᑌᐱᐟ ᒫᑲ ᑭ ᐃᑌᐤ ᐁᑭᓴ, ᑭᐢᐱᐣ ᐁᑲᐧ ᑳ ᒥᐢᑲᒧᐋᐧᓀ ᑭᑕ ᒥᔪ ᑲᓇᐋᐸᒥᔭᐣ, ᑭᔮᒼ ᓂ ᑲ ᒥᔨᑲᐧᐠ ᐃᑕ ᑭᑕ ᐊᔮᔭᐣ ᓂᑯᑖᐧ ᐯᔭᐠ ᐅᑌᓇᐤ ᐅᐦᐱᒣ, ᐁᑯᑕ ᑭᑕ ᐊᔮᔮᐣ; ᒋᑫᒫ ᑫᑲᐧᐩ ᐅᐦᒋ ᑭᐟ ᐊᑐᐢᑫᔮᑲᐣ ᑫ ᐊᔮᐟ ᑭᐦᒋᐅᑭᒪᐃᐧ ᐅᑌᓈᕽ ᐃᑕ ᑭᔭ ᐁ ᐊᔮᔭᐣ? 6ᐁᑲᐧ ᐁᑭᐢ ᑭ ᒥᔨᐠ ᓯᑲᓬᐋᐠ ᐁᐊᐧᑳᐧᓂᒪ ᐁ ᑭᓯᑳᐠ; ᐁᐊᐧᑯ ᐅᐦᒋ ᓯᑲᓬᐋᐠ ᑎᐯᔨᐦᑕᒪᐧᐠ ᒍᑕ ᑭᐦᒋ ᐅᑭᒫᐊᐧᐠ ᐱᔨᐢ ᐊᓄᐦᐨ ᑳ ᑭᓯᑳᐠ.
7ᑕᐦᑐ ᑭᓯᑳᐊᐧ ᒫᑲ ᑌᐱᐟ ᑳ ᑭ ᐊᔮᐟ ᐅᐟ ᐊᐢᑭᔨᕽ ᐱᓬᐃᐢᑎᓇ ᒥᑐᓂ ᐯᔭᐠ ᐊᐢᑭ ᒥᓇ ᓀᐅᐱᓯᒼ.
8ᑌᐱᐟ ᒫᑲ ᒥᓇ ᐅᐢᑭᓂᑭᒪ ᑭ ᐃᑐᐦᑌᐊᐧᐠ, ᐁ ᓇᑐᐸᔨᐢᑕᐋᐧᒋᐠ ᑭᐢᔪᕒᐃᑕ, ᒥᓇ ᑭᕒᓴᐃᑕ, ᒥᓇ ᐋᒪᓬᐃᑲᐃᑕ; ᒋᑫᒫ ᐁᐊᐧᑯᓂᐠ ᐊᔨᓯᔨᓂᐊᐧᐠ ᑭ ᐅᐟ ᐃᐦᑖᐃᐧᓂᐊᐧᐠ ᐊᓂᒪ ᐊᐢᑭ ᑲᔮᐢ ᑳ ᑭ ᐊᔮᒋᐠ, ᐁ ᐊᑎ ᐃᑐᐦᑌᕽ ᓴᕒ, ᐱᔨᐢ ᐃᐢᑯ ᐃᒋᑊᐟ ᐊᐢᑭ. 9ᑌᐱᐟ ᒫᑲ ᑭ ᐸᑲᒪᐊᒼ ᐊᓂᒪ ᐊᐢᑭ, ᐁᑯᓯ ᓇᒪᐃᐧᔭ ᐱᒫᒋᐦᐁᐤ ᓈᐯᐊᐧ ᐊᐦᐳ ᐃᐢᑫᐧᐊᐧ, ᑭ ᐅᑎᓀᐤ ᒫᑲ ᒫᔭᑎᐦᑲᐧ, ᒥᓇ ᒧᐢᑐᓴᐧ, ᒥᓇ ᓱᓱᒥᐢᑕᑎᒪᐧ ᒥᓇ ᐅᐱᐢᑳᐧᐃᐧᑲᓀᐊᐧ, ᒥᓇ ᑭᑭᐢᑳᒋᑲᐣ ᐁᑯᓯ ᑭ ᐯ ᑭᐁᐧᐤ, ᒥᓇ ᑭ ᐅᑎᐦᑌᐤ ᐁᑭᓴ. 10ᐁᑭᐢ ᒫᑲ ᑭ ᐃᑌᐤ, ᑖᓂᑌ ᑳ ᐃᓯ ᓇᑐᐸᔨᔦᐠ ᐊᓄᐦᐨ ᑳ ᑭᓯᑳᐠ? ᑌᐱᐟ ᒫᑲ ᑭ ᐃᑌᐧᐤ, ᓵᐊᐧᓄᑖᕽ ᐃᑌᐦᑫ ᒍᑕ, ᒥᓇ ᓵᐊᐧᓄᑖᕽ ᐃᑌᐦᑫ ᒉᕒᐊᒥᓬᐊᐃᑕᐠ, ᒥᓇ ᓵᐊᐧᓄᑖᕽ ᑭᓇᐃᑕᐠ. 11ᑌᐱᐟ ᒫᑲ ᓇᒪᐋᐧᐨ ᐃᐢᑯᐁᐤ ᓈᐯᐊᐧ ᐊᐦᐳ ᐃᐢᑫᐧᐊᐧ, ᑭᑕ ᐯ ᐃᑐᐦᑕᐦᐋᐟ ᐊᓂᑕ ᑳᐦᐟ, ᐁ ᐃᑌᐧᐟ, ᓈᐣᑕᐤ ᐃᓯ ᑭ ᑲ ᐋᒋᒥᑯᓇᐊᐧᐠ, ᑭᑕ ᐃᑌᐧᒋᐠ, ᐁᑯᓯ ᑭ ᐃᑐᑕᒼ ᑌᐱᐟ, ᐁᑯᓯ ᒫᑲ ᒥᓇ ᑕᐦᑭ ᑫ ᐃᑐᑕᕽ ᐃᐢᑯ ᑫ ᐊᔮᐟ ᐱᓬᐃᐢᑎᓇ ᐅᐟ ᐊᐢᑭᔨᕽ. 12ᐁᑭᐢ ᒫᑲ ᑭ ᑖᐯᐧᑕᐁᐧᐤ ᑌᐱᑕ, ᐁ ᐃᑌᐧᐟ, ᑭ ᐃᓯᐦᒋᑫᐤ ᑭᑕ ᐅᐦᒋ ᓈᐢᐱᒋ ᐸᑳᐧᑎᑯᐟ ᐅᐟ ᐊᔨᓯᔨᓂᒪ ᐃᐢᕒᐁᐃᓬ; ᐁᐊᐧᑯ ᒫᑲ ᐅᐦᒋ ᓂ ᑲ ᐅᐟ ᐊᑐᐢᑫᔮᑲᓂᐣ ᑳᑭᑫ.
Currently Selected:
ᓂᐢᑕᒼ ᓵᒼᔪᐃᓬ 27: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
