ᓂᐢᑕᒼ ᓵᒼᔪᐃᓬ 28
28
1ᑭ ᐊᔨᑭᐣ ᒫᑲ ᐁᑯᐢᐱ ᐁ ᑲᑭᓯᑳᐠ, ᐱᓬᐃᐢᑎᓇᐠ ᑭ ᒫᐊᐧᒋᐦᐁᐊᐧᐠ ᐅᓄᑎᓂᑫᒥᐋᐧᐊᐧ ᑭᑕ ᓇᑐᐸᔨᒋᐠ ᑭᑕ ᓄᑎᓈᒋᐠ ᐃᐢᕒᐁᐃᓬᐊ. ᐁᑭᐢ ᒫᑲ ᑭ ᐃᑌᐤ ᑌᐱᑕ, ᑫᐦᒋᓈ ᑭᐢᑫᔨᑕ ᑭᑕ ᓇᑐᐸᔨᔭᕽ ᑭᔭ ᒥᓇ ᑯᐢᑭᓂᑭᒪᐠ. 2ᑌᐱᐟ ᒫᑲ ᑭ ᐃᑌᐤ ᐁᑭᓴ, ᑫᐦᒋᓈ ᑭ ᑲ ᑭᐢᑫᔨᑌᐣ ᑭᐟ ᐊᑐᐢᑫᔮᑲᐣ ᑫ ᐃᑐᑕᕽ. ᐁᑭᐢ ᒫᑲ ᑭ ᐃᑌᐤ ᑌᐱᑕ, ᐁᐊᐧᑯ ᐅᐦᒋ ᒫᑲ ᑭ ᑲ ᐅᑭᐦᒋᐦᑖᐃᐧᔨᓂᒥᒥᑎᐣ ᑳᑭᑫ.
3 #
1 ᓵᒼᔪᐃᓬ 25:1
#
ᓬᐃᐱᑎᑲᐢ 20:27; ᑎᔪᑕᕒᐊᓇᒥ 18:10,11 ᓵᒼᔪᐃᓬ ᒫᑲ ᑭ ᐳᓂ ᐱᒫᑎᓯᐤ, ᐁᑯᓯ ᑭ ᒪᐃᐧᑳᑎᐠ ᐃᐢᕒᐁᐃᓬᐊ ᒥᓇ ᑭ ᓇᐃᓂᐠ ᕒᐁᒪᐃᕽ, ᐃᐧᔭ ᐅᐟ ᐅᑌᓈᕽ. ᓵᓬ ᒫᑲ ᑭ ᐃᑲᑌᓀᐤ ᑲᐦᑭᔭᐤ ᑳ ᐅ ᐸᐋᐧᑲᓂᔨᐟ, ᒥᓇ ᒥᑌᐊᐧ, ᐁᑯᑕ ᐊᐢᑭᕽ ᐅᐦᒋ. 4ᐱᓬᐃᐢᑎᓇᐠ ᒫᑲ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ, ᒥᓇ ᑭ ᐯ ᓇᑕᐃᐧ ᑲᐯᓯᐊᐧᐠ ᐊᓂᑕ ᓱᓂᒼ; ᐁᑯᓯ ᓵᓬ ᑭ ᒫᒪᐃᐧ ᒫᐊᐧᒋᐦᐁᐤ ᑲᐦᑭᔭᐤ ᐃᐢᕒᐁᐃᓬᐊ, ᑭ ᑲᐯᓯᐊᐧᐠ ᒫᑲ ᐊᓂᑕ ᑭᓬᐳᐊ. 5ᐃᐢᐱ ᒫᑲ ᓵᓬ ᐃᐧᔮᐸᒫᐟ ᐅᓄᑎᓂᑫᒥᔨᐊᐧ ᐱᓬᐃᐢᑎᓇ, ᒥᐢᑕᐦᐃ ᑭ ᓭᑭᓯᐤ, ᒥᓇ ᒥᐢᑕᐦᐃ ᑭ ᓇᓇᒥᑌᐦᐁᐸᔦᔨᐤ. 6#ᓇᒼᐸᕒᐢ 27:21ᐁᑯᓯ ᐃᐢᐱ ᓵᓬ ᑫᑫᐧᒋᒫᐟ ᑳ ᑎᐯᔨᐦᒋᑫᔨᐟ, ᑳ ᑎᐯᔨᐦᒋᑫᔨᐟ ᓇᒪᐃᐧᔭ ᑭ ᓇᐢᑫᐧᐊᐧᓯᒥᐠ, ᓇᒪᐋᐧᐨ ᐸᐋᐧᒥᐃᐧᓇ ᐅᐦᒋ, ᐊᐦᐳ ᔪᕒᐃᒼ ᐅᐦᒋ, ᐊᐦᐳ ᐅᑭᐢᑭᐁᐧᐦᐃᑫᐊᐧ ᐅᐦᒋ.
7ᐁᑲᐧ ᒫᑲ ᓵᓬ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᑲᑫᐧ ᒥᐢᑲᕽ ᐃᐢᑫᐧᐤ ᐁ ᐅ ᐸᐋᐧᑲᓂᐟ, ᑭᑕ ᓇᑕᐋᐧᐸᒪᐠ, ᐁᑯᓯ ᑭᑕ ᑲᑫᐧᒋᒪᐠ. ᐅᐟ ᐊᑐᐢᑫᔮᑲᓇ ᒫᑲ ᑭ ᐃᑎᐠ, ᒫᑎᑲ ᐃᐦᑖᐤ ᐃᐢᑫᐧᐤ ᐊᓂᑕ ᐁᐣᑑᕒᐃᕽ ᐁ ᐅ ᐸᐋᐧᑲᓂᐟ. 8ᓵᓬ ᒫᑲ ᑭ ᐱᑐᓯᓇᑯᐃᓱ, ᒥᓇ ᑭ ᐳᓯᐢᑲᒼ ᑯᑕᑲ ᑭᑭᐢᑳᒋᑲᓇ, ᐁᑯᓯ ᑭ ᓯᐯᐧᑌᐤ, ᐃᐧᔭ ᒥᓇ ᓂᓱ ᓈᐯᐊᐧ ᐁ ᐃᐧᒉᐃᐧᑯᐟ, ᑭ ᐅᑎᑌᐊᐧᐠ ᒫᑲ ᐊᓂᐦᐃ ᐃᐢᑫᐧᐊᐧ ᓂᐹᑎᐱᐢᐠ; ᐁᑯᓯ ᑭ ᐃᑌᐤ, ᐸᑯᓇᐃᐧ ᐃᓯᐦᒋᑫᐢᑕᒪᐃᐧᐣ ᑭ ᐸᑯᓭᔨᒥᑎᐣ, ᑭ ᐸᐋᑲᐣ ᐅᐦᒋ, ᐁᑯᓯ ᐯᓯᐤ ᐱᑳᐧᓇ ᑫ ᐃᐧᐦᑕᒫᑖᐣ. 9ᐊᓂᐦᐃ ᒫᑲ ᐃᐢᑫᐧᐊᐧ ᑭ ᐃᑎᐠ, ᒫᑎᑲ, ᑭ ᑭᐢᑫᔨᑌᐣ ᓵᓬ ᑳ ᑭ ᐃᑐᑕᕽ, ᐁ ᑭ ᐃᓯ ᓂᓯᐊᐧᓈᒋᐦᐋᐟ ᑲᐦᑭᔭᐤ ᐊᓂᐦᐃ ᑳ ᐅ ᐸᐋᐧᑲᓂᔨᐟ, ᒥᓇ ᒥᑌᐊᐧ ᐅᑕ ᐊᐢᑭᕽ ᐅᐦᒋ; ᑫᑲᐧᐩ ᒫᑲ ᐅᐦᒋ ᑳ ᐅᔭᐢᑕᒪᐋᐧᑕᒪᐣ ᓂ ᐱᒫᑎᓯᐃᐧᐣ, ᑭᑕ ᐅᐦᒋ ᓂᐱᔮᐣ? 10ᓵᓬ ᒫᑲ ᑭ ᑭᐦᒋᐃᑌᐤ ᑳ ᑎᐯᔨᐦᒋᑫᔨᐟ ᐁ ᐊᐢᐱᒧᐟ, ᐁ ᐃᑌᐧᐟ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᓇᒪᐃᐧᔭ ᓈᐣᑕᐤ ᑭ ᑲ ᐃᓯ ᒥᓯᐦᐅᐣ ᐅᒪ ᐅᐦᒋ. 11ᐁᑲᐧ ᒫᑲ ᑭ ᐃᑌᐧᐤ ᐊᓇ ᐃᐢᑫᐧᐤ, ᐊᐁᐧᓇ ᒫᑲ ᑫ ᐯᑕᒫᑖᐣ? ᑭ ᐃᑌᐤ ᒫᑲ ᓵᒼᔪᐃᓬ ᐯᓯᐤ. 12ᐃᐢᐱ ᒫᑲ ᐊᓇ ᐃᐢᑫᐧᐤ ᐃᐧᔮᐸᒫᐟ ᓵᒼᔪᐃᓬᐊ, ᑭ ᑌᐯᐧᐤ ᐁ ᑭᓯᐁᐧᐟ: ᐊᓇ ᒫᑲ ᐃᐢᑫᐧᐤ ᑭ ᑭᑐᑌᐤ ᓵᓬᐊ, ᐁ ᐃᑌᐧᐟ, ᑖᓀᐦᑭ ᑳ ᑲᔦᓯᐃᔭᐣ? ᒋᑫᒫ ᑭᔭ ᓵᓬ. 13ᑭᐦᒋ ᐅᑭᒫᐤ ᒫᑲ ᑭ ᐃᑌᐤ, ᐁᑳᐃᐧᔭ ᓭᑫᓯ; ᑫᑲᐧᐩ ᐃᐧᔮᐸᐦᑕᒪᐣ? ᐊᓇ ᒫᑲ ᐃᐢᑫᐧᐤ ᑭ ᐃᑌᐤ ᓵᓬᐊ, ᓂ ᐋᐧᐸᒫᐤ ᒪᓂᑐ ᐊᐢᑭᕽ ᐁ ᐯ ᐅᐦᒋ ᓄᑯᓯᐟ. 14ᑭ ᐃᑌᐤ ᒫᑲ, ᑖᓂᓯ ᐁᓯᓈᑯᓯᐟ? ᐁᑯᓯ ᑭ ᐃᑎᐠ, ᑭᓭᔨᓂᐤ ᐯ ᓄᑯᓯᐤ; ᐊᑲᐧᓂᐃᐧᐣ ᐁ ᐊᑲᐧᓇᐦᐅᐟ. ᓵᓬ ᒫᑲ ᑭ ᑭᐢᑫᔨᑕᒼ ᐁᐊᐧᑯᓂᐃ ᓵᒼᔪᐃᓬᐊ, ᑭ ᓇᐊᐧᑭᐤ ᒫᑲ ᒧᐦᒋᕽ ᐃᓯ ᐁ ᓈᒥᐢᑫᐧᔨᐟ.
15ᓵᒼᔪᐃᓬ ᒫᑲ ᑭ ᐃᑌᐤ ᓵᓬᐊ, ᑖᓀᐦᑭ ᑳ ᒥᑯᐢᑳᒋᐃᔭᐣ, ᐅᑕ ᑳ ᐯ ᐃᑐᐦᑕᐦᐃᔭᐣ? ᐁᑯᓯ ᓵᓬ ᑭ ᓇᐢᑫᐧᐊᐧᓯᒣᐤ, ᒥᐢᑕᐦᐃ ᓂ ᑯᑕᑫᔨᒧᐣ; ᒋᑫᒫ ᐱᓬᐃᐢᑎᓇᐠ ᓂ ᓇᑐᐸᔨᐢᑖᑲᐧᐠ, ᐁᑯᓯ ᑭᓭᒪᓂᑐ ᓂ ᓇᑲᑎᐠ, ᒥᓇ ᓇᒪᐃᐧᔭ ᓂ ᓇᐢᑫᐧᐊᐧᓯᒥᐠ, ᓇᒪᐃᐧᔭ ᐅᑭᐢᑭᐁᐧᐦᐃᑫᐊᐧᐠ ᐅᐦᒋ, ᓇᒪᐃᐧᔭ ᒥᓇ ᐸᐋᒥᐃᐧᓇ ᐅᐦᒋ; ᐁᐊᐧᑯ ᒫᑲ ᑳ ᐅᐦᒋ ᓇᑐᒥᑖᐣ, ᑭᑕ ᑭᐢᑫᔨᑕᒧᐃᔭᐣ ᑖᓂᓯ ᑭᑕ ᐃᑐᑕᒫᐣ. 16ᓵᒼᔪᐃᓬ ᒫᑲ ᑭ ᐃᑌᐤ, ᑖᓀᐦᑭ ᒫᑲ ᑳ ᑲᑫᐧᒋᒥᔭᐣ, ᐃᐧᔭ ᑳ ᑎᐯᔨᐦᒋᑫᐟ ᐁ ᓇᑲᑎᐢᐠ ᒥᓇ ᐁ ᐅᓄᑎᓈᑲᓂᔭᐣ? 17#1 ᓵᒼᔪᐃᓬ 15:28ᑳ ᑎᐯᔨᐦᒋᑫᐟ ᒫᑲ ᑭ ᑭ ᐃᑐᑖᐠ ᒣᐧᐦᒋ ᑳ ᑭ ᐃᑌᐧᐃᐟ; ᐁᑯᓯ ᑳ ᑎᐯᔨᐦᒋᑫᐟ ᑭ ᒪᓂᐱᑕᒼ ᑭᐦᒋ ᐅᑭᒫᐃᐧᐃᐧᐣ ᑭᒋᐦᒋᕽ ᐅᐦᒋ, ᒥᓇ ᑭ ᒥᔦᐤ ᑭᒋᔨᓂᐊᐧ ᐊᓂᐦᐃ ᐅᑎ ᑌᐱᑕ. 18#1 ᓵᒼᔪᐃᓬ 15:3-9ᒋᑫᒫ ᐁᑳ ᐁ ᑭ ᓇᓇᐃᑕᒪᐧᐟ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᒥᓇ ᐁᑳ ᐁ ᑭ ᐅᐦᒋ ᑎᐱᑐᑕᒪᐧᐟ ᑳ ᑭᐦᒋ ᑭᓯᐋᐧᓯᐢᑕᐋᐧᐟ ᐋᒪᓬᐃᑲ, ᐁᐊᐧᑯ ᐅᐦᒋ ᐅᒪ ᑳ ᐃᑐᑖᐢᐠ ᑳ ᑎᐯᔨᐦᒋᑫᐟ ᐊᓄᐦᐨ ᑳ ᑭᓯᑳᐠ. 19ᐁᑯᓯ ᒥᓇ ᑳ ᑎᐯᔨᐦᒋᑫᐟ ᑭᑕ ᐸᑭᑎᓀᐤ ᐃᐢᕒᐁᐃᓬᐊ ᑭᔭ ᐊᓯᒋ ᐅᒋᐦᒋᐋᐧᕽ ᐱᓬᐃᐢᑎᓇᐠ; ᐋᐧᐸᐦᑭ ᒫᑲ ᑭᔭ ᒥᓇ ᑭᑯᓯᓴᐠ ᑭ ᑲ ᐃᐧᒋᐊᔮᒥᓈᐋᐧᐤ; ᑳ ᑎᐯᔨᐦᒋᑫᐟ ᑭᑕ ᐸᑭᑎᓀᐤ ᐃᐢᕒᐁᐃᓬ ᐅᓄᑎᓂᑫᐊᐧ ᐅᒋᐦᒋᔨᕽ ᐱᓬᐃᐢᑎᓇ. 20ᐁᑲᐧ ᓵᓬ ᓭᒫᐠ ᑭ ᐸᐦᑭᓯᐣ ᒧᐦᒋᕽ ᐁ ᓯᑳᓯᕽ, ᒥᓇ ᒥᐢᑕᐦᐃ ᑭ ᓭᑭᓯᐤ ᓵᒼᔪᐃᓬᐊ ᐅᐟ ᐃᑌᐧᐃᐧᓂᔨᐊᐧ ᐅᐦᒋ; ᓇᒪᐃᐧᔭ ᒫᑲ ᒪᐢᑲᐃᐧᓯᐃᐧᐣ ᑭᑭᐢᑳᐠ; ᒋᑫᒫ ᓇᒪᐃᐧᔭ ᐅᐦᒋ ᒧᐁᐧᐤ ᐸᐦᑫᐧᓯᑲᓇ ᑲᐯᑭᓯᐠ ᒥᓇ ᑲᐯᑎᐱᐢᐠ.
21ᐊᓇ ᒫᑲ ᐃᐢᑫᐧᐤ ᑭ ᐯ ᓈᑌᐤ ᓵᓬᐊ, ᐁᑯᓯ ᐋᐧᐸᐦᑕᒼ ᒥᐢᑕᐦᐃ ᐁ ᒥᑯᐢᑳᑌᔨᑕᒥᔨᐟ, ᑭ ᐃᑌᐤ ᒫᑲ, ᒫᑎᑲ ᑭᐟ ᐊᑐᐢᑫᔮᑲᓂᐢᑫᐧᒼ ᑭ ᓇᑐᐦᑕᒼ ᑭᐟ ᐃᑌᐧᐃᐧᐣ ᒥᓇ ᓂ ᑭ ᐊᐢᑖᐣ ᓂ ᐱᒫᑎᓯᐃᐧᐣ ᓂᒋᐦᒋᕽ, ᒥᓇ ᓂ ᑭ ᓇᑐᐦᑌᐣ ᑭᐟ ᐃᑌᐧᐃᐧᐣ ᑳ ᑭ ᐃᓯᔭᐣ. 22ᐁᑲᐧ ᒫᑲ ᑭ ᐸᑯᓭᔨᒥᑎᐣ ᓇᑐᐦᑕᒼ ᑭᔭ ᒥᓇ ᐅᐟ ᐃᑌᐧᐃᐧᐣ ᑭᐟ ᐊᑐᐢᑫᔮᑲᓂᐢᑫᐧᒼ, ᒥᓇ ᑭᔮᒼ ᑭ ᑲ ᐅᔭᐢᑖᐧᑎᐣ ᐊᐱᓯᐢ ᐹᑫᐧᓯᑲᐣ; ᒥᒋᓱ ᒫᑲ ᑭᑕ ᐊᔮᔭᐣ ᒪᐢᑲᐃᐧᓯᐃᐧᐣ, ᐃᐢᐱ ᓯᐯᐧᑌᔭᓂ. 23ᒫᑲ ᑭ ᐋᓀᐧᑕᒼ, ᒥᓇ ᑭ ᐃᑌᐧᐤ, ᓇᒪᐃᐧᔭ ᓂ ᑲ ᒥᒋᓱᐣ. ᒫᑲ ᐅᐟ ᐊᑐᐢᑫᔮᑲᓇ ᐊᓯᒋ ᐊᓂᐦᐃ ᐃᐢᑫᐧᐊᐧ ᑭ ᓵᑯᒋᒥᐠ; ᐁᑯᓯ ᑭ ᓇᑐᐦᑕᒣᐧᐤ ᐅᐟ ᐃᑌᐧᐃᐧᓂᔨᐤ. ᑭ ᐊᐧᓂᐢᑳᐤ ᒫᑲ ᒧᐦᒋᕽ ᐅᐦᒋ, ᐁᑯᓯ ᑭ ᐊᐱᐤ ᓂᐯᐃᐧᓂᕽ. 24ᐊᓇ ᒫᑲ ᐃᐢᑫᐧᐤ ᑭ ᐊᔮᐁᐧᐤ ᐁ ᑭ ᑖᐦᒋᐳᐃᒥᐦᐟ ᒧᐢᑐᓱᓯᓴ ᐋᐧᐢᑳᐦᐃᑲᓂᕽ; ᑭ ᑲᑫᐧᔮᐦᐅ ᒫᑲ, ᒥᓇ ᑭ ᓂᐸᐁᐤ; ᐁᑯᓯ ᑭ ᐅᑎᓀᐤ ᐸᐦᑫᐧᓯᑲᓇ, ᒥᓇ ᑭ ᒫᒫᑯᓀᐤ, ᒥᓇ ᑭ ᑭᓯᓭᐧᐤ ᐁᑳ ᐁ ᐅᐦᐱᓱᔨᐟ ᐸᐦᑫᐧᓯᑲᓇ ᐁᐊᐧᑯᓂ ᐅᐦᒋ. 25ᑭ ᐯ ᐅᔭᐢᑐᐁᐧᐤ ᒫᑲ ᓵᓬᐊ ᒥᓇ ᐅᐟ ᐊᑐᐢᑫᔮᑲᓂᔨᐊᐧ: ᐁᑯᓯ ᑭ ᒥᒋᓱᔨᐊᐧ. ᐁᑲᐧ ᒫᑲ ᑭ ᐸᓯᑯᐊᐧᐠ ᒥᓇ ᑭ ᓯᐯᐧᑌᐊᐧᐠ ᐁᐊᐧᑳᐧᓂᒪ ᐁ ᑎᐱᐢᑳᐠ.
Currently Selected:
ᓂᐢᑕᒼ ᓵᒼᔪᐃᓬ 28: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
