ᓂᐢᑕᒼ ᓵᒼᔪᐃᓬ 25
25
1ᓵᒼᔪᐃᓬ ᒫᑲ ᑭ ᐳᓂ ᐱᒫᑎᓯᐤ, ᐁᑯᓯ ᑲᐦᑭᔭᐤ ᐃᐢᕒᐁᐃᓬ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ, ᒥᓇ ᑭ ᒪᐃᐧᑳᑎᐠ, ᐁᑯᓯ ᑭ ᓇᐃᓂᐠ ᐅ ᐋᐧᐢᑳᐦᐃᑲᓂᕽ ᕒᐁᒪᐃᕽ. ᑌᐱᐟ ᒫᑲ ᑭ ᐸᓯᑯ, ᒥᓇ ᑭ ᐃᑐᐦᑌᐤ ᐯᕒᐋᐣ ᐱᑲᐧᑕᐢᑭᕽ.
2ᑭ ᐃᐦᑖᐤ ᒫᑲ ᐯᔭᐠ ᓈᐯᐤ ᒣᐊᓂᕽ, ᐁ ᐅ ᑎᐯᔨᒋᑲᓂᐟ ᑳᕒᒥᓬᐃᕽ; ᐁᑯᓯ ᐊᓇ ᓈᐯᐤ ᒥᐢᑕᐦᐃ ᑭ ᑭᐦᒑᔨᐃᐧᐤ, ᑭ ᐊᔮᐁᐧᐤ ᓂᐢᑖᐧᐤ ᑭᐦᒋᒥᑖᐦᑐᒥᑕᓇᐤ ᒫᔭᑎᐦᑲᐧ, ᒥᓇ ᑭᐦᒋᒥᑖᐦᑐᒥᑕᓇᐤ ᐋᐧᐸᑎᑲᐧ; ᐁᑯᓯ ᒣᑳᐧᐨ ᐁ ᐸᐢᑯᓵᐧᐟ ᐅ ᒫᔭᑎᐦᑯᒪ ᑳᕒᒥᓬᐃᕽ. 3ᓀᐸᓬ ᒫᑲ ᑭ ᐃᓯᔨᐦᑳᓱ ᐊᓇ ᓈᐯᐤ; ᐁᑯᓯ ᐃᐧᐊᐧ ᐋᐱᑫᓬ ᑭ ᐃᓯᔨᐦᑳᓱᔨᐊᐧ; ᐊᓇ ᒫᑲ ᐃᐢᑫᐧᐤ ᑭ ᒥᔪ ᐅ ᓂᓯᑐᐦᑕᒧᐃᐧᓂᐤ, ᒥᓇ ᑭ ᑲᑕᐋᐧᓯᓯᐤ ᐁ ᐃᑖᐸᒥᓈᑯᓯᐟ; ᒫᑲ ᐊᓇ ᓈᐯᐤ ᑭ ᒪᒑᑎᓯᐤ ᒥᓇ ᑭ ᒪᒋᐃᓯᒋᑫᐢᑭᐤ; ᑭ ᐅᐦᒋᐤ ᒫᑲ ᐅ ᐋᐧᐢᑳᐦᐃᑲᓂᔨᕽ ᑫᓬᐃᑊ.
4ᑌᐱᐟ ᒫᑲ ᑭ ᐯᐦᑕᒼ ᐁᑯᑕ ᐱᑲᐧᑕᐢᑭᕽ ᓀᐸᓬᐊ ᐁ ᐸᐢᑯᓵᐧᔨᐟ ᐅ ᒫᔭᑎᐦᑯᒥᔨᐊᐧ. 5ᐁᑯᓯ ᑌᐱᐟ ᑭ ᐃᓯᑎᓴᐁᐧᐤ ᒥᑖᑕᐦᐟ ᐅᐢᑭᓂᑭᐊᐧ, ᑌᐱᐟ ᒫᑲ ᑭ ᐃᑌᐤ ᐊᓂᐦᐃ ᐅᐢᑭᓂᑭᐊᐧ, ᑳᕒᒥᓬᐃᕽ ᐃᑐᐦᑌᐠ, ᓇᑕᐋᐧᐸᒥᕽ ᓀᐸᓬ ᒥᓇ ᐊᑕᒥᐢᑳᕽ ᓂ ᐃᐧᔪᐃᐧᓂᕽ; 6ᐅᒥᓯ ᒫᑲ ᑭ ᑲ ᐃᑖᐋᐧᐤ ᐊᓇ ᑳ ᐊᔮᐟ ᒥᔪᐊᔮᐃᐧᓂᕽ, ᐯᔭᐦᑕᑫᔨᒧᐃᐧᐣ ᑭ ᑲ ᐃᐧ ᐊᔮᐣ ᑭᔭ, ᒥᓇ ᑭᑕ ᐃᐧ ᐊᔮᐤ ᑭ ᐋᐧᐢᑳᐦᐃᑲᓂᕽ, ᒥᓇ ᑭᑕ ᐃᐧ ᐯᔭᑕᑭ ᐊᔮᐤ ᑲᐦᑭᔭᐤ ᑫᑲᐧᐩ ᑳ ᐊᔮᔭᐣ. 7ᐁᑲᐧ ᒫᑲ ᓂ ᑭ ᐯᐦᑌᐣ ᐁ ᐊᔮᐊᐧᒋᐠ ᐅᐸᐢᑯᓯᑫᐊᐧᐠ; ᑯᑲᓇᐃᐧᒫᔭᑎᑫᐧᒪᐠ ᒫᑲ ᓂ ᑭ ᐃᐧᒋᐊᔮᒥᑯᓈᓇᐠ, ᐁᑯᓯ ᓇᒪᐃᐧᔭ ᓄᐦ ᒫᔨᑐᑕᐋᐧᓈᓇᐠ, ᓇᒪᐃᐧᔭ ᒥᓇ ᑫᑲᐧᐩ ᑭᐧᑐᓇᒪᐧᐠ ᐃᔨᑯᕽ ᑳ ᐊᔮᒋᐠ ᑳᕒᒥᓬᐃᕽ. 8ᑲᑫᐧᒋᒥᐠ ᑯᐢᑭᓂᑭᒪᐠ ᐁᑯᓯ ᑭ ᑲ ᐃᐧᐦᑕᒫᑲᐧᐠ; ᐁᑯᓯ ᒫᑲ ᑭᔮᒼ ᐅᐢᑭᓂᑭᐊᐧᐠ ᑭᑕ ᒥᐢᑲᒪᐧᐠ ᑭᑕ ᒥᔪ ᑲᓇᐋᐸᒪᒋᐠ; ᒋᑫᒫ ᓂ ᑕᑯᓯᓂᓈᐣ ᐁ ᒣᑲᐧ ᓇᐃᐸᔨᐠ; ᒥᔨᐠ ᑭ ᐸᑯᓭᔨᒥᑎᐣ, ᑭᐟ ᐊᑐᐢᑫᔮᑲᓇᐠ, ᒥᓇ ᑭᑯᓯᐢ ᑌᐱᐟ, ᐱᑯ ᑫᑲᐧᐩ ᑭᒋᐦᒋᕽ ᐁ ᐊᔮᐠ. 9ᐃᐢᐱ ᒫᑲ ᑌᐱᐟ ᐅᐢᑭᓂᑭᒪ ᑌᑯᓯᓂᔨᐟ, ᑭ ᐃᐧᐦᑕᒪᐁᐧᐊᐧᐠ ᓀᐸᓬᐊ ᑲᐦᑭᔭᐤ ᐅᐦᐃ ᐃᑌᐧᐃᐧᓈ ᐅ ᐃᐧᔪᐃᐧᓂᔨᕽ ᑌᐱᑕ ᐁᑯᓯ ᑭ ᑭᐱᑐᐁᐧᐊᐧᐠ.
10ᓀᐸᓬ ᒫᑲ ᑭ ᓇᐢᑫᐧᐊᐧᓯᒣᐤ ᑌᐱᑕ ᐅᐟ ᐊᑐᐢᑫᔮᑲᓂᔨᐊᐧ, ᑭ ᐃᑌᐤ ᒫᑲ, ᐊᐁᐧᓈᓇ ᑌᐱᐟ? ᒥᓇ ᐊᐁᐧᓈᓇ ᒉᓯ ᐅᑯᓯᓴ? ᒥᐦᒉᑎᐅᐧᐊᐧᐠ ᐁᑲᐧ ᐊᑐᐢᑫᔮᑲᓇᐠ ᐁ ᓂᐦᑖ ᓇᑲᒋᐸᐋᒋᐠ ᐅᐟ ᐅᑭᒫᒥᐋᐧᐊᐧ. 11ᓂ ᑲ ᐅᑎᓈᐤ ᒋ ᒫᑲ ᓂ ᐸᐦᑫᐧᓯᑲᓂᒼ, ᒥᓇ ᓂ ᓂᐱᒼ, ᒥᓇ ᓂ ᐃᐧᔮᓯᒼ ᑳ ᑭ ᓂᐸᑕᒪᐊᑭᐠ ᓄᐸᐢᑯᓯᑫᒪᐠ, ᐁᑯᓯ ᑭᑕ ᒥᔭᑭᐠ ᐊᔨᓯᔨᓂᐊᐧᐠ ᐁᑳ ᐁ ᑭᐢᑫᔨᒪᑭᐠ ᑖᓂᑌ ᐁᐧᐦᒋᐋᐧᑫᐧ? 12ᐁᑯᓯ ᒫᑲ ᑌᐱᐟ ᐅᐢᑭᓂᑭᒪ ᑭ ᐋᐧᔪᓂᐊᐧᐠ ᒥᓇ ᑭ ᑭᐁᐧᐊᐧᐠ, ᑭ ᐯ ᓇᑕᐃᐧ ᐃᐧᐦᑕᒪᐁᐧᐊᐧᐠ ᒫᑲ ᑲᐦᑭᔭᐤ ᐅᐦᐃ ᐃᑌᐧᐃᐧᓇ. 13ᑌᐱᐟ ᒫᑲ ᑭ ᐃᑌᐤ ᐅᐢᑭᓂᑭᒪ, ᐸᑲᐧᑎᐅᑐᑕᒧᐠ ᑲᐦᑭᔭᐤ ᓈᐯᐤ ᐅᐟ ᐃᓴᐁᐧᑯᒫᐣ. ᑭ ᐸᑲᐧᑌᐦᐅᑐᑕᒼ ᒫᑲ ᑲᐦᑭᔭᐤ ᓈᐯᐤ ᐅᐟ ᐃᓴᐁᐧᑯᒫᐣ. ᑌᐱᐟ ᒫᑲ ᐃᐧᐢᑕ ᑭ ᐸᑲᐧᑌᐦᐅᑐᑕᒼ ᐅᐟ ᐃᓴᐁᐧᑯᒫᐣ; ᑭ ᐱᒥᑎᓴᐦᐅᐠ ᒫᑲ ᑌᐱᐟ ᓈᐣᑕᐤ ᓀᐋᐧᐤ ᒥᑖᐦᑐᒥᑕᓇᐤ ᓈᐯᐊᐧ; ᐁᑯᓯ ᓂᓵᐧᐤ ᒥᑖᐦᑐᒥᑕᓇᐤ ᑭ ᐃᐧᑕᐱᑕᒪᐧᐠ ᐊᔮᐃᐧᓇ.
14ᒫᑲ ᐯᔭᐠ ᐅᐢᑭᓂᑭᐤ ᑭ ᐃᐧᐦᑕᒪᐁᐧᐤ ᐋᐱᑫᓬᐊ, ᓀᐸᓬ ᐃᐧᐊᐧ, ᐁ ᐃᑌᐧᐟ, ᒫᑎᑲ, ᑌᐱᐟ ᑭ ᐃᓯᑎᓴᐦᐊᒪᐁᐧᐤ ᓄᑭᒫᒥᓈᓇ ᐅᑖᒋᒧᐊᐧ ᐱᑲᐧᑕᐢᑭᕽ ᐅᐦᒋ ᑭᑕ ᐊᑕᒥᐢᑲᐋᐧᔨᐟ ᓄᑭᒫᒥᓈᓇ; ᐁᑯᓯ ᑭ ᑭᐦᑳᒣᐤ. 15ᒫᑲ ᐊᓂᑭ ᓈᐯᐊᐧᐠ ᓂ ᑭ ᒥᔪᑐᑖᑯᓈᓇᐠ, ᐁᑯᓯ ᓇᒪᐃᐧᔭ ᓈᐣᑕᐤ ᓂᐟ ᐃᑐᑖᑲᐃᐧᓈᐣ, ᒥᓇ ᓇᒪᐃᐧᔭ ᑫᑲᐧᐩ ᓄᐦ ᐊᐧᓂᑖᓈᐣ ᐃᔨᑯᕽ ᑳ ᑭ ᐊᐧᐃᐧᒉᐊᐧᑭᐦᒋᐠ ᐱᑲᐧᒑᔨᕽ ᐁ ᐊᔮᔮᕽ; 16ᓂ ᑭ ᒣᓂᑲᓂᐢᑳᑯᓈᓇᐠ ᐁ ᑎᐱᐢᑳᔨᐠ ᒥᓇ ᐁ ᑭᓯᑳᔨᐠ ᐃᔨᑯᕽ ᑳ ᑭ ᐃᐧᒋᐊᔮᒪᑭᐦᒋᐠ ᐁ ᑲᓇᐁᐧᔨᒫᔮᑭᐠ ᒫᔭᑎᐦᑲᐧᐠ. 17ᐁᑲᐧ ᒫᑲ ᑭᐢᑫᔨᑕ ᒥᓇ ᒫᒥᑐᓀᔨᑕ ᑖᓂᓯ ᑭᑕ ᐃᑐᑕᒪᐣ, ᒋᑫᒫ ᒫᔨ ᑫᑲᐧᐩ ᑭᓭᔨᑕᒪᐋᐤ ᓂᐟ ᐅᑭᒫᒥᓈᐣ ᒥᓇ ᑲᐦᑭᔭᐤ ᐃᐧᑭᕽ; ᐊᔨᐢ ᐁ ᐃᓯ ᒪᒑᑎᓯᐟ ᓇᒪ ᐊᐃᐧᔭ ᓈᐣᑕᐤ ᑭᑕ ᑭ ᐃᑎᑯᐟ.
18ᐁᑲᐧ ᐋᐱᑫᓬ ᑭ ᑲᑫᐧᔮᐦᐅ, ᑭ ᐅᑎᓀᐤ ᓂᓵᐧᐤ ᒥᑖᐦᑐᒥᑕᓇᐤ ᐸᐦᑫᐧᓯᑲᓇ, ᒥᓇ ᓂᓱ ᐊᓯᐊᐧᒋᑲᓇ ᓱᒥᓈᐳ, ᒥᓇ ᓂᔮᓇᐣ ᒫᔭᑎᐦᑲᐧ ᐁ ᑲᐧᔮᒋᒋᑳᓱᔨᐟ, ᒥᓇ ᓂᔮᓇᐣ ᒪᑲᕽ ᐁ ᑳᐢᐱᓱᐟ ᐸᐦᑫᐧᓯᑲᓂᑳᐣ, ᒥᓇ ᒥᑖᐦᑐᒥᑕᓇᐤ ᑕᐦᑐ ᐊᓴᐱᑌᐤ ᓱᒥᓂᓴ, ᒥᓇ ᓂᓵᐧᐤ ᒥᑖᐦᑐᒥᑕᓇᐤ ᑕᐦᑐ ᐋᐧᐃᐧᔦᓂᑲᓇ ᒥᓯᓱᒥᓇ, ᐁᑯᓯ ᑭ ᓇᔭᑕᐁᐤ ᓱᓱᒥᐢᑕᑎᒪᐧ. 19ᑭ ᐃᑌᐤ ᒫᑲ ᐅᐢᑭᓂᑭᒪ, ᓂᑳᓄᑕᐃᐧᐠ, ᒫᑎᑲ ᑭ ᑲ ᐯ ᓈᐊᐧᔪᐢᑳᑎᓈᐋᐧᐤ. ᓇᒪᐃᐧᔭ ᒫᑲ ᐃᐧᐦᑕᒪᐁᐧᐤ ᐅᓈᐯᒪ ᓀᐸᓬᐊ. 20ᑭ ᐊᔨᑭᐣ ᒫᑲ ᐁ ᐊᑎ ᑌᐦᑕᐱᐟ ᐅ ᓱᓱᒥᐢᑕᑎᒧᒪ ᐁᑯᓯ ᐁ ᐊᑎ ᐊᔮᐟ ᓀᔮᒪᑎᓈᕽ, ᐳᑎ ᑌᐱᐟ ᒥᓇ ᐅᐢᑭᓂᑭᒪ ᑭ ᒣᑳᐧᐢᑳᐠ; ᐁᑯᓯ ᑭ ᐊᑎ ᓇᑭᐢᑲᐁᐧᐤ. 21ᑌᐱᐟ ᒫᑲ ᑭ ᐃᑌᐧᐤ, ᐱᑯᓇᑕ ᐁᓵᓂ ᑳ ᑭ ᑲᓇᐁᐧᔨᑕᒪᐊᐧᐠ ᐊᐊᐧ ᐊᔨᓯᔨᓂᐤ ᑲᐦᑭᔭᐤ ᑫᑲᐧᐩ ᑳ ᐊᔮᐟ ᐱᑲᐧᑕᐢᑭᕽ, ᐁᑯᓯ ᐁᑳ ᑫᑲᐧᐩ ᐁ ᑭ ᐊᐧᓂᑖᓱᐟ ᑲᐦᑭᔭᐤ ᑳ ᐊᔮᐟ; ᐁᑲᐧ ᒫᑲ ᒥᐢᑯᐨ ᓂ ᒫᔨᑐᑖᐠ ᐁ ᑭ ᒥᔪᑐᑕᐊᐧᐠ. 22ᑭᓭᒪᓂᑐ ᑭᑕ ᐃᐧ ᐃᑐᑕᐁᐧᐤ ᑌᐱᑕ ᐅ ᓄᑎᓈᑲᓂᔨᐊᐧ ᒥᓇ ᐊᐊᐧᓯᒣ ᐊᐦᐳ, ᑭᐢᐱᐣ ᐃᐢᑯᐃᒪᑭ ᑲᐦᑭᔭᐤ ᑳ ᐊᔮᐋᐧᐟ ᑫᑭᓭᐹᔮᑭ ᐯᔭᐠ ᐊᐦᐳ ᐊᐋᐧᓯᓴ ᐁ ᓈᐯᐃᐧᔨᐟ.
23ᐃᐢᐱ ᒫᑲ ᐋᐱᑫᓬ ᐃᐧᔮᐸᒪᐟ ᑌᐱᑕ, ᑭ ᑲᑫᐧᔮᐦᐅ, ᑭ ᓂᐦᒋᐸᔨᐦᐅ ᐅ ᓱᓱᒥᐢᑕᑎᒧᒪ, ᐁᑯᓯ ᑭ ᓇᐊᐧᑭᐢᑕᐁᐧᐤ ᒧᐦᒋᕽ ᐃᓯ. 24ᑭ ᐸᐦᑭᓯᐣ ᒫᑲ ᐅᓯᑎᔨᕽ, ᒥᓇ ᑭ ᐃᑌᐧᐤ, ᓂᔭ, ᓂᐟ ᐅᑭᒫᒼ ᓂᔭ ᑭᔮᒼ ᐅᒪ ᐊᐧᓂᐃᑎᐃᐧᐣ ᓂ ᑲ ᐹᑕᑯᐢᑯᐣ; ᐁᑯᓯ ᑭᔮᒼ ᑭᐟ ᐊᑐᐢᑫᔮᑲᓂᐢᑫᐧᒼ ᑭ ᐸᑯᓭᔨᒥᑎᐣ, ᑭᑕ ᐱᑭᐢᑫᐧᐤ ᑭᐦᑕᐊᐧᑲᕽ, ᒥᓇ ᓇᑐᐦᑕᒼ ᐅᐟ ᐃᑌᐧᐃᐧᓇ ᑭᐟ ᐊᑐᐢᑫᔮᑲᓂᐢᑫᐧᒼ. 25ᑭᔮᒼ ᐁᑳᐃᐧᔭ ᓂᐟ ᐅᑭᒫᒼ ᑭ ᐸᑯᓭᔨᒥᑎᐣ ᑭᑕ ᐱᓯᐢᑫᔨᒣᐤ ᐅᐦᐃ ᐱᓬᐃᔭᓬ ᐊᔨᓯᔨᓂᐊᐧ, ᓀᐸᓬ ᐅᑎ; ᒋᑫᒫ ᑳ ᐃᓯ ᐃᐧᔨᐦᐟ ᐁᑯᑐᐃᐧᑳᓂᐃᐧᐤ; ᓀᐸᓬ ᐃᓯᔨᐦᑳᓱ, ᐁᑯᓯ ᑲᑫᐹᑎᓯᐃᐧᐣ ᑭᑭᐢᑲᐠ; ᒫᑲ ᓂᔭ ᑭᐟ ᐊᑐᐢᑫᔮᑲᓂᐢᑫᐧᒼ ᓇᒪᐃᐧᔭ ᓄᐦ ᐋᐧᐸᒥᒫᐊᐧ ᓂᐟ ᐅᑭᒫᒼ ᐅᐢᑭᓂᑭᒪ, ᐊᓂᑭ ᑳ ᑭ ᐃᓯᑎᓴᐦᐊᐧᒋᐠ. 26ᐁᑲᐧ ᒫᑲ ᓂᐟ ᐅᑭᒫᒼ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᒥᓇ ᐁ ᐱᒫᑎᓯᐟ ᑭᐟ ᐊᐦᒑᕽ, ᐃᐧᔭ ᑳ ᑎᐯᔨᐦᒋᑫᐟ ᐁ ᓇᑳᓂᐢᐠ ᐁᑳ ᑭᑕ ᓇᑕᐃᐧ ᓯᑭᓇᒪᐣ ᒥᐦᑯ, ᒥᓇ ᐁᑳ ᑭᑕ ᐋᐯᐅᔭᐣ ᑭᔭ ᑭᒋᐦᒋ ᐅᐦᒋ, ᐁᑲᐧ ᒫᑲ ᑭᔮᒼ ᑳ ᐸᑳᐧᑌᐢᑭᐠ ᒥᓇ ᐊᓂᑭ ᑳ ᓇᑐᓇᐦᑭᐠ ᑭᑕ ᒫᔨᑐᑕᐋᐧᒋᐠ ᓂᐟ ᐅᑭᒫᒪ, ᑭᑕ ᐃᐧ ᐃᓯ ᐊᔮᐊᐧᐠ ᑖᐱᐢᑯᐨ ᓀᐸᓬ. 27ᐁᑲᐧ ᒫᑲ ᐅᒪ ᒣᑭᐃᐧᐣ ᑭᐟ ᐊᑐᐢᑫᔮᑲᓂᐢᑫᐧᒼ ᑳ ᑭ ᐯᑕᒪᐋᐧᐟ ᓂᐟ ᐅᑭᒫᒪ, ᑭᔮᒼ ᑭᑕ ᒥᔮᐊᐧᐠ ᐅᐢᑭᓂᑭᐊᐧᐠ ᑳ ᐱᒥᑎᓴᐋᐧᒋᐠ ᓂᐟ ᐅᑭᒫᒪ. 28ᐳᓀᔨᑕᒪᐤ ᑭ ᐸᑯᓭᔨᒥᑎᐣ ᐅ ᐊᐧᓂᑐᑕᒧᐃᐧᐣ ᑭᐟ ᐊᑐᐢᑫᔮᑲᓂᐢᑫᐧᒼ; ᒋᑫᒫ ᑳ ᑎᐯᔨᐦᒋᑫᐟ ᑫᐦᒋᓈ ᑭᑕ ᐅᓯᐦᑕᒪᐁᐧᐤ ᓂᐟ ᐅᑭᒫᒪ ᐁ ᑫᐦᒋᓈᑕᕽ ᐋᐧᐢᑳᐦᐃᑲᐣ, ᐊᔨᐢ ᓂᐟ ᐅᑭᒫᒼ ᓄᑎᓂᑫᐤ ᑳ ᑎᐯᔨᐦᒋᑫᐟ ᐅ ᓄᑎᓂᑫᐃᐧᓇ; ᐁᑯᓯ ᒪᒑᔨᐃᐧᐣ ᓇᒪᐃᐧᔭ ᑭᑕ ᒥᐢᑭᑳᑌᐤ ᑭᑕ ᑭᑭᐢᑳᑯᔭᐣ ᐃᐢᑯ ᑭᑕ ᐅ ᑭᓯᑳᒥᔭᐣ. 29ᐋᑕ ᒫᑲ ᐊᔨᓯᔨᓂᐤ ᐁ ᐸᓯᑯᐟ ᑭᑕ ᐸᐹᒥᑎᓴᐅᐢᐠ, ᒥᓇ ᑭᑕ ᓇᑐᓇᐋᐧᐟ ᑭᐟ ᐊᐦᒑᐦᑲᐧ, ᐁᔨᐁᐧᕽ ᐅᐟ ᐊᐦᒑᐦᑲᐧ ᓂᐟ ᐅᑭᒫᒼ ᑭᑕ ᐊᓯᑕᐱᓱᔨᐊᐧ ᐃᑕ ᐁ ᒫᒪᐊᐧᐱᑌᐠ ᐱᒫᑎᓯᐃᐧᐣ ᑭᑭ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ; ᐁᑯᓯ ᐅᐟ ᐊᐦᒑᐦᑯᔨᐊᐧ ᑳ ᐸᑳᐧᑎᐢᑭᐠ, ᐁᐊᐧᑯᓂ ᑭᑕ ᐁᐧᐸᓯᓈᑌᐤ ᑖᐱᐢᑯᐨ ᐁᐧᐸᓯᓈᓂᕽ ᐅᐦᒋ. 30ᑭᑕ ᐃᐦᑭᐣ ᒫᑲ ᐃᐢᐱ ᑳ ᑎᐯᔨᐦᒋᑫᐟ ᑭ ᐃᑐᑕᐋᐧᒋ ᓂᐟ ᐅᑭᒫᒪ ᐁ ᐃᑕᐢᑌᐠ ᑲᐦᑭᔭᐤ ᒥᔪ ᑫᑲᐧᐩ ᑭ ᐃᑌᐧᐟ ᑭᔭ ᐅᐦᒋ, ᒥᓇ ᑭ ᐃᑕᔨᐢᑭ ᑭᑕ ᐅᑭᒪᑲᑕᐊᐧᒋᐠ ᐃᐢᕒᐁᐃᓬ; 31ᐅᒪ ᓇᒪᐃᐧᔭ ᑭ ᑲ ᒥᐦᒋᔭᐁᐧᐃᑯᐣ ᒥᓇ ᓇᒪᐃᐧᔭ ᑭᑕ ᓇᔦᐦᑖᐃᐧᑌᐦᐁᐢᑳᐠ ᓂᐟ ᐅᑭᒫᒼ, ᓂᑯᑖᐧ ᐱᑯᓇᑕ ᐁ ᑭ ᓯᑭᓇᒪᐣ ᒥᐦᑯ, ᐊᐦᐳ ᓂᐟ ᐅᑭᒫᒼ ᐁ ᑭ ᐋᐯᐦᐅᐟ; ᐃᐢᐱ ᒫᑲ ᑳ ᑎᐯᔨᐦᒋᑫᔨᐟ ᑭ ᒥᔪᑐᑖᑯᒋ ᓂᐟ ᐅᑭᒫᒼ, ᐁᑲᐧ ᑭᐢᑭᓯᑐᑕᐋᑲᐣ ᑭᐟ ᐊᑐᐢᑫᔮᑲᓂᐢᑫᐧᒼ.
32ᑌᐱᐟ ᒫᑲ ᑭ ᐃᑌᐤ ᐋᐱᑫᓬᐊ, ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᑳ ᑭ ᐃᓯᑎᓴᐦᐅᐢᐠ ᐊᓄᐦᐨ ᑳ ᑭᓯᑳᐠ ᑭᑕ ᓇᑭᐢᑲᐃᐧᔭᐣ; 33ᑭᑕ ᐃᐧ ᒥᔪᑭᓵᐧᒋᑳᑌᐤ ᑭᐟ ᐃᔨᓂᓯᐃᐧᐣ, ᒥᓇ ᑭᔭ ᑭ ᑲ ᐃᐧ ᓴᐁᐧᔨᑖᑯᓯᐣ, ᑳ ᑭ ᓇᑳᓂᔭᐣ ᐊᓄᐦᐨ ᑳ ᑭᓯᑳᐠ ᐁᑳ ᑭᑕ ᓯᑭᓇᒫᐣ ᒥᐦᑯ, ᒥᓇ ᑭᑕ ᐋᐯᐦᐅᔮᐣ ᓂᔭ ᓂᒋᐦᒋ ᐅᐦᒋ. 34ᒋᑫᒫ ᐅᐦᒋᑕ ᐱᑯ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᐊᓇ ᑳ ᑭ ᓇᑳᓂᐟ ᐁᑳ ᓈᐣᑕᐤ ᑭᑕ ᐃᑐᑖᑖᐣ, ᑭᐢᐱᐣ ᐁᑳ ᑫᓯᐢᑲᐤ ᑭ ᐯ ᓇᑕᐃᐧ ᓇᑭᐢᑳᐃᐧᔭᐣ, ᑫᐦᒋᓇ ᓇᒪᐃᐧᔭ ᑭᑖᐦ ᐃᐢᑯᐃᒫᐊᐧ ᓀᐸᓬ ᑫᑭᓭᐹᔭᔨᐠ ᐯᔭᐠ ᐊᐦᐳ ᐊᐋᐧᓯᓴ ᐁ ᓈᐯᐃᐧᔨᐟ. 35ᐁᑯᓯ ᑌᐱᐟ ᑭ ᐅᑎᓇᒣᐧᐤ ᐅᒋᐦᒋᔨᕽ ᐊᓂᒪ ᑳ ᑭ ᐯᑕᒫᑯᐟ; ᐅᒥᓯ ᒫᑲ ᑭ ᐃᑌᐤ, ᐯᔭᐦᑕᑫᔨᒧᐃᐧᓂᕽ ᐃᑐᐦᑌ ᑭ ᐋᐧᐢᑳᐦᐃᑲᓂᕽ; ᐋᐧᐸᐦᑕ, ᓂ ᑭ ᓇᑐᐦᑌᐣ ᑭᐟ ᐃᑌᐧᐃᐧᐣ, ᒥᓇ ᑭ ᑭ ᐅᑌᔨᒥᑎᐣ.
36ᐋᐱᑫᓬ ᒫᑲ ᑭ ᐯ ᐅᑎᐦᑌᐤ ᓀᐸᓬᐊ; ᐁᑯᓯ ᐳᑎ ᑭ ᐃᐧᑯᑫᐤ ᐃᐧᑭᕽ, ᑖᐱᐢᑯᐨ ᑭᐦᒋ ᐅᑭᒫᐤ ᐅ ᐃᐧᑯᑫᐃᐧᐣ; ᓀᐸᓬ ᒫᑲ ᑭ ᒥᔭᐋᐧᑎᑯᑌᐦᐁᐤ, ᒋᑫᒫ ᒥᑐᓂ ᑭ ᑭᐢᑫᐧᐯᐤ; ᐁᐊᐧᑯ ᐅᐦᒋ ᒫᑲ ᓇᒪ ᓈᐣᑕᐤ ᐃᑌᐤ ᓄᐦᑕᐤ ᐊᐦᐳ ᐊᐊᐧᓯᒣ, ᐹᑎᒫ ᐁ ᑫᑭᓭᐹᔮᔨᐠ. 37ᑭ ᐊᔨᑭᐣ ᒫᑲ ᐁ ᑫᑭᓭᐹᔮᐠ, ᐃᐢᐱ ᐁ ᐋᐢᑌᐯᐟ ᓀᐸᓬ, ᐃᐧᐊᐧ ᑭ ᐃᐧᐦᑕᒫᐠ ᑲᐦᑭᔭᐤ ᐅᐦᐃ, ᐁᑯᓯ ᐅᑌᐦ ᑭ ᓂᐳᐃᐧᐢᑳᐠ ᒥᓇ ᑭ ᐊᑎ ᐃᓯ ᐊᔮᐤ ᑖᐱᐢᑯᐨ ᐊᓯᓂ. 38ᑭ ᐊᔨᑭᐣ ᒫᑲ ᓈᐣᑕᐤ ᒥᑖᑕᐦᐟ ᑭᓯᑳᐤ ᒣᐧᐢᑕᐢ ᐃᔨᑯᕽ, ᑳ ᑎᐯᔨᐦᒋᑫᔨᐟ ᑭ ᐸᑲᒪᐅᐠ ᓀᐸᓬ, ᐁᑯᓯ ᑭ ᓂᐱᐤ.
39ᐃᐢᐱ ᒫᑲ ᑌᐱᐟ ᐱᔦᐦᑕᕽ ᓀᐸᓬᐊ ᐁ ᓂᐱᔨᐟ, ᑭ ᐃᑌᐧᐤ, ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ, ᑳ ᑭ ᑭᐢᐯᐋᐧᓯᐟ ᐁ ᓇᓀᐯᐃᐧᐦᐃᑲᐃᐧᐋᐧᐠ ᐅᒋᐦᒋᕽ ᐅᐦᒋ ᓀᐸᓬ, ᒥᓇ ᑳ ᑭ ᓇᑳᓈᐟ ᐅᐟ ᐊᑐᐢᑫᔮᑲᓇ ᐁᑳ ᑭᑕ ᒪᒋᑐᑕᒥᔨᐟ; ᐁᑯᓯ ᐅ ᒪᒋᑐᑕᒧᐃᐧᐣ ᓀᐸᓬ ᑳ ᑎᐯᔨᐦᒋᑫᔨᐟ ᑭ ᑭᐁᐧᓇᒫᐠ ᐃᐧᔭ ᐅᐢᑎᑳᐧᓂᕽ. ᑌᐱᐟ ᒫᑲ ᑭ ᐃᓯᑎᓴᐦᐅᐁᐧᐤ ᒥᓇ ᑭ ᐱᑭᐢᑫᐧᐤ ᐋᐱᑫᓬᐊ ᐅᐦᒋ ᐁ ᐃᐧ ᐅᑌᓈᐟ ᑭᑕ ᐃᐧᐃᐧᐟ. 40ᐃᐢᐱ ᒫᑲ ᐅᐟ ᐊᑐᐢᑫᔮᑲᓂᔨᐊᐧ ᑌᐱᐟ ᐁᐧᑎᑎᑯᐟ ᐋᐱᑫᓬ ᐊᓂᑕ ᑳᕒᒥᓬᐃᕽ, ᑭ ᐊᔭᒥᐃᐠ ᐁ ᐃᑌᐧᔨᐟ, ᑌᐱᐟ ᓂ ᑭ ᐯ ᐃᓯᑎᓴᐦᐅᑯᓈᐣ ᐁ ᐃᐧ ᐅᑎᓂᐢᐠ ᑭᑕ ᐃᐧᑭᒥᐢᐠ. 41ᑭ ᐸᓯᑯ ᒫᑲ ᐁ ᑭ ᓈᒥᐢᑫᐧᔨᐟ ᒧᐦᒋᕽ ᐃᓯ, ᐁᑯᓯ ᑭ ᐃᑌᐧᐤ, ᒫᑎᑲ, ᑭᔮᒼ ᑭᐟ ᐊᑐᐢᑫᔮᑲᓂᐢᑫᐧᒼ ᑭᑕ ᐊᑐᐢᑫᔮᑲᓂᐃᐧᐤ ᑭᑕ ᑭᓯᐯᑭᓯᑌᓂᒫᐟ ᐅᐟ ᐊᑐᐢᑫᔮᑲᓂᔨᐊᐧ ᓂᐟ ᐅᑭᒫᒪ. 42ᐋᐱᑫᓬ ᒫᑲ ᑭ ᑲᑫᐧᔮᐦᐅ, ᐁᑯᓯ ᑭ ᐸᓯᑯ, ᒥᓇ ᑭ ᑌᐦᑕᐱᐤ ᓱᓱᒥᐢᑕᑎᒪᐧ, ᐊᓯᒋ ᓂᔮᓇᐣ ᐅᐟ ᐅᐢᑭᓂᑭᐢᑫᐧᒪ ᑳ ᐱᒥᑎᓴᐦᐅᑯᐟ; ᐁᑯᓯ ᑭ ᐱᒥᑎᓴᐁᐧᐤ ᐅᐟ ᐊᑐᐢᑫᔮᑲᓂᔨᐊᐧ ᑌᐱᑕ, ᒥᓇ ᑭ ᐃᐧᑭᒥᐠ. 43ᑌᐱᐟ ᒫᑲ ᐊᓯᒋ ᑭ ᐅᑎᓀᐤ ᐋᐦᐃᓄᐊᒼ ᒉᓴᕒᐃᓬ ᐅᐦᒋ; ᐁᑯᓯ ᑖᐱᐢᑯᐨ ᐁᐊᐧᑯᓂ ᑭ ᐃᐧᐃᐧᐤ.
44 #
2 ᓵᒼᔪᐃᓬ 3:14-16
ᒫᑲ ᓵᓬ ᑭ ᒣᑭᐤ ᐅᑖᓂᓴ ᒪᐃᑲᓬᐊ ᑌᐱᐟ ᐃᐧᐃᐧᔨᐊᐧ, ᐁ ᑭ ᒥᔮᐟ ᐊᓂᐦᐃ ᐹᓬᑕᐩ ᐅᑯᓯᓴ ᓬᐁᐃᐢ, ᑳᓬᐃᒼ ᑳ ᐅᐦᒋᐟ.
Currently Selected:
ᓂᐢᑕᒼ ᓵᒼᔪᐃᓬ 25: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
