ᓂᐢᑕᒼ ᓵᒼᔪᐃᓬ 24
24
1ᑭ ᐊᔨᑭᐣ ᒫᑲ ᐃᐢᐱ ᓵᓬ ᑳ ᐯ ᑭᐁᐧᐟ ᐁ ᑭ ᐱᒥᑎᓴᐦᐊᐧᐟ ᐱᓬᐃᐢᑎᓇ, ᑭ ᐃᐧᐦᑕᒪᐋᐧᐤ ᐁ ᐃᑌᐧᕽ, ᒫᑎᑲ, ᑌᐱᐟ ᐊᔮᐤ ᐁᐣᑭᑕᐩ ᐱᑲᐧᑕᐢᑭᕽ. 2ᓵᓬ ᒫᑲ ᑭ ᐅᑎᓀᐤ ᓂᐢᑖᐧᐤ ᑭᐦᒋ ᒥᑖᐦᑐᒥᑕᓇᐤ ᐁ ᓇᐊᐧᓱᓈᐟ ᐊᔨᓯᔨᓂᐊᐧ ᒥᓯᐁᐧ ᐃᐢᕒᐁᐃᓬ ᐅᐦᒋ, ᐁᑯᓯ ᐁ ᑭ ᓇᑕᐃᐧ ᓇᑐᓇᐋᐧᐟ ᑌᐱᑕ ᒥᓇ ᐅᐢᑭᓂᑭᒥᔨᐊᐧ ᐱᑲᐧᒋ ᐋᐧᐸᑎᕽ ᑭᐢᑖᐱᐢᑳᕽ. 3#ᓂᑲᒧᓇ 57; 142ᑭ ᐅᑎᑕᒼ ᒫᑲ ᒫᔭᑎᐦᑯᑲᒥᑲᐧ ᒋᑭ ᒣᐢᑲᓈᕽ, ᐃᑕ ᐋᐧᑎ ᐁ ᐊᔮᐠ; ᐁᑯᑕ ᒫᑲ ᓵᓬ ᑭ ᐱᐦᑐᑫᐤ ᑭᑕ ᐊᑲᐧᓇᐦᐊᕽ ᐅᓯᑕ. ᑌᐱᐟ ᒫᑲ ᐊᓯᒋ ᐅᐢᑭᓂᑭᒪ ᑭ ᐊᔮᐊᐧᐠ ᓀᑌ ᐁ ᑭᓯᐱ ᐊᔮᐠ ᐋᐧᑎ. 4ᐁᑯᓯ ᑌᐱᐟ ᐅᐢᑭᓂᑭᒪ ᑭ ᐃᑎᐠ, ᒫᑎᑲ, ᑭᓯᑳᐤ ᑳ ᑎᐯᔨᐦᒋᑫᐟ ᑳ ᑭ ᐃᑎᐢᐠ, ᒫᑎᑲ, ᓂ ᑲ ᐸᑭᑎᓈᐤ ᑳ ᐸᑳᐧᑎᐢᐠ ᑭᒋᐦᒋᕽ, ᐁᑯᓯ ᑭ ᑲ ᐃᑐᑕᐋᐧᐤ ᐁ ᐃᓯ ᒥᔮᐧᐱᓯᒥᑯᔭᐣ. ᐁᑲᐧ ᑌᐱᐟ ᑭ ᐸᓯᑯ, ᒥᓇ ᑭᒧᐨ ᑭ ᑭᐢᑭᓴᒣᐧᐤ ᐁ ᓀᔦᑲᓂᔨᐠ ᓵᓬ ᐅᐟ ᐊᑲᐧᓂᐃᐧᐣ. 5ᑭ ᐊᔨᑭᐣ ᒫᑲ ᒣᐧᐢᑕᐢ ᐃᔨᑯᕽ, ᑌᐱᐟ ᑭ ᒥᐦᒋᔭᐁᐧᑌᐦᐁᐸᔨᐤ, ᐊᓂᒪ ᐁ ᑭ ᑭᐢᑭᓴᒫᐧᐟ ᓵᓬᐊ ᐅᐟ ᐊᑲᐧᓂᐃᐧᓂᔨᐤ. 6#1 ᓵᒼᔪᐃᓬ 26:11ᑭ ᐃᑌᐤ ᒫᑲ ᐅᐢᑭᓂᑭᒪ, ᑳ ᑎᐯᔨᐦᒋᑫᐟ ᓂ ᑲ ᐃᐧ ᑭᑕᐦᐊᒫᐠ ᐅᒪ ᑭᑕ ᐃᑐᑕᐊᐧᐠ ᓂᐟ ᐅᑭᒫᒼ, ᑳ ᑎᐯᔨᐦᒋᑫᐟ ᐅ ᑐᒥᓈᑲᓇ ᑭᑕ ᓱᐃᐧᓂᐢᑫᔨᐢᑕᐊᐧᐠ, ᐊᔨᐢ ᐁᐊᐧᑯᓂ ᑳ ᑎᐯᔨᐦᒋᑫᐟ ᐅ ᑐᒥᓈᑲᓇ. 7ᐁᑯᓯ ᒫᑲ ᑌᐱᐟ ᑭ ᑭᐱᒋᐁᐤ ᐅᐢᑭᓂᑭᒪ ᐅᒪ ᐁ ᐃᑌᐧᐟ, ᒥᓇ ᓇᒪᐃᐧᔭ ᐃᔭᓇᒪᐁᐧᐤ ᑭᑕ ᐸᓯᑯᐢᑕᐋᐧᔨᐟ ᓵᓬᐊ. ᓵᓬ ᒫᑲ ᑭ ᐊᐧᓂᐢᑳᐤ ᐋᐧᑎᕽ, ᒥᓇ ᑭ ᐊᑎ ᓯᐯᐧᑌᐤ.
8ᑌᐱᐟ ᐃᐧᐢᑕ ᑭ ᐸᓯᑯ ᒣᐧᐢᑕᐢ ᐃᔨᑯᕽ, ᒥᓇ ᑭ ᐊᐧᔭᐃᐧᐤ ᐋᐧᑎᕽ ᐅᐦᒋ, ᐁᑯᓯ ᑭ ᓄᓴᐃᐧ ᑌᐹᐧᑌᐤ ᓵᓬᐊ, ᐁ ᐃᑌᐧᐟ, ᓂᐟ ᐅᑭᒫᒼ, ᑭᐦᒋ ᐅᑭᒫᐤ. ᐃᐢᐱ ᒫᑲ ᓵᓬ ᐃᔮᐸᓵᐱᐟ, ᑌᐱᐟ ᑭ ᓇᐊᐧᑭᐢᑫᐧᔨᐤ ᒧᒋᕽ ᐃᓯ, ᒥᓇ ᑭ ᐊᑕᒥᐢᑲᐁᐧᐤ.
9ᑌᐱᐟ ᒫᑲ ᑭ ᐃᑌᐤ ᓵᓬᐊ, ᑖᓀᐦᑭ ᑳ ᓇᑐᐦᑕᒪᐧᐟ ᐊᔨᓯᔨᓂᐊᐧᐠ ᐅᐟ ᐃᑌᐧᐃᐧᓂᐋᐧᐊᐧ, ᐁ ᐃᑌᐧᒋᐠ, ᒫᑎᑲ, ᑌᐱᐟ ᓇᑐᓇᒼ ᓈᐣᑕᐤ ᑭᑕ ᐃᑐᑖᐢᐠ? 10ᒫᑎᑲ, ᐊᓄᐦᐨ ᑳ ᑭᓯᑳᐠ ᑭᐢᑭᓯᑯᕽ ᑭ ᑭ ᐋᐧᐸᐦᑌᐣ ᑳ ᑎᐯᔨᐦᒋᑫᐟ ᐁ ᑭ ᐃᓯ ᐸᑭᑎᓂᐢᐠ ᓂᒋᐦᒋᕽ ᐋᐧᑎᑳᓂᕽ; ᐁᑯᓯ ᐋᑎᐦᐟ ᓂ ᑭ ᓯᑭᒥᑲᐧᐠ ᑭᑕ ᓂᐸᐃᑖᐣ; ᒫᑲ ᑭ ᑭ ᒪᓇᒋᐃᑎᐣ; ᐁᑯᓯ ᓂ ᑭ ᐃᑖᐧᐣ, ᓇᒪᐃᐧᔭ ᓂ ᑲ ᓱᐁᐧᓂᐢᑫᔨᐢᑕᐋᐧᐤ ᓂᐟ ᐅᑭᒫᒼ; ᒋᑫᒫ ᐁᐊᐧᑯ ᑳ ᑎᐯᔨᐦᒋᑫᐟ ᐅ ᑐᒥᓈᑲᓇ. 11ᐁᑯᓯ ᒥᓇ ᓄᐦᑖ, ᐋᐧᐸᐦᑕ, ᐁᐦᐁ, ᐋᐧᐸᐦᑕ ᐁ ᓀᔦᑲᕽ ᑭᐟ ᐊᑲᐧᓂᐃᐧᐣ ᑳ ᑕᐦᑯᓇᒫᐣ; ᒋᑫᒫ ᐊᓂᒪ ᑳ ᑭ ᑭᐢᑭᓴᒫᐣ ᐁ ᓀᔦᑲᕽ ᑭᐟ ᐊᑲᐧᓂᐃᐧᐣ ᐁᑳ ᒫᑲ ᐁ ᓂᐸᐃᑖᐣ, ᑭᐢᑫᔨᑕ ᒥᓇ ᐋᐧᐸᐦᑕ ᐁᑳ ᒪᒑᔨᐃᐧᐣ ᐊᐦᐳ ᐊᐧᓂᑐᑕᒧᐃᐧᐣ ᓂᒋᐦᒋᕽ ᐁ ᐊᔮᐠ, ᒥᓇ ᓇᒪᐃᐧᔭ ᑯᐦ ᒪᒋᑐᑖᑎᐣ, ᐋᑕ ᐁ ᓇᓈᑐᓇᐊᐧᐟ ᓂᐟ ᐊᐦᒑᕽ ᑭᑕ ᐅᑎᓇᐟ. 12ᑳ ᑎᐯᔨᐦᒋᑫᐟ ᑭ ᑲ ᐃᐧ ᐅᔭᓱᐋᐧᑎᑯᓇᐤ ᑭᔭ ᒥᓇ ᓂᔭ, ᒥᓇ ᑳ ᑎᐯᔨᐦᒋᑫᐟ ᓂ ᑲ ᐃᐧ ᐋᐯᐅᐢᑕᒫᐠ ᑭᔭ ᐅᐦᒋ; ᒫᑲ ᓂᔭ ᓂᒋᐦᒋ ᓇᒪᐃᐧᔭ ᑭ ᑲ ᐸᑲᒥᐢᑳᑯᐣ. 13ᑳ ᐃᑌᐧᒪᑲᓂᔨᐠ ᐅ ᓀᑳᒣᐧᐃᐧᓂᐋᐧᐤ ᑲᔮᐢ, ᑳ ᒪᒑᔨᐃᐧᐟ ᐁᑯᑕ ᐅᐦᒋᐸᔨᐤ ᒪᒑᔨᐃᐧᐣ; ᒫᑲ ᓂᔭ ᓂᒋᐦᒋ ᓇᒪᐃᐧᔭ ᑭ ᑲ ᐸᑲᒥᐢᑳᑯᐣ. 14#1 ᓵᒼᔪᐃᓬ 26:20ᐊᐁᐧᔨᐊᐧ ᐃᐢᕒᐁᐃᓬ ᑭᐦᒋ ᐅᑭᒫᐤ ᑳ ᐯ ᓄᓱᓀᐋᐧᐟ? ᐊᐁᐧᓇ ᑳ ᓇᐊᐧᓵᐧᑕᐟ? ᐅᓂᐳᐊᐧᑎᒼ, ᒪᓂᒍᐢ. 15ᑳ ᑎᐯᔨᐦᒋᑫᐟ ᒫᑲ ᑭᑕ ᐅᔭᓱᐁᐧᐤ, ᒥᓇ ᑭ ᑲ ᐅᔭᓱᐋᐧᑎᑯᓇᐤ ᓂᔭ ᒥᓇ ᑭᔭ, ᒥᓇ ᑭᑕ ᐋᐧᐸᐦᑕᒼ ᑭᑕ ᑭᐢᐯᐋᐧᓯᐟ, ᒥᓇ ᑭᑕ ᐸᐢᐱᐦᐃᐟ ᑭᒋᐦᒋᕽ ᐅᐦᒋ.
16ᑭ ᐊᔨᑭᐣ ᒫᑲ ᐃᐢᐱ ᑌᐱᐟ ᑳ ᐳᓂ ᐊᔨᑖᐟ ᓵᓬᐊ ᐅᐦᐃ ᐃᑌᐧᐃᐧᓇ, ᓵᓬ ᑭ ᐃᑌᐧᐤ, ᑭᔭ ᒋ ᐅᒪ ᑭᐟ ᐃᑌᐧᐃᐧᐣ ᓂᑯᓯᐢ ᑌᐱᐟ? ᓵᓬ ᒫᑲ ᑭ ᐯᐦᑖᑯᓯᐤ ᒥᓇ ᑭ ᒫᑐ. 17ᐁᑲᐧ ᒫᑲ ᑭ ᐃᑌᐤ ᑌᐱᑕ, ᓇᐊᐧᐨ ᑭᔭ ᑭ ᑲᐧᔭᐢᑭᑖᑎᓯᐣ ᐃᔨᑯᕽ ᓂᔭ; ᒋᑫᒫ ᑭ ᑭ ᒥᔪᑐᑕᐃᐧᐣ ᐋᑕ ᓂᔭ ᐁ ᑭ ᒫᔨᑐᑖᑖᐣ. 18ᐁᑯᓯ ᐊᓄᐦᐨ ᑳ ᑭᓯᑳᐠ ᑭ ᑭ ᐋᐧᐸᐦᑕᐦᐃᐣ ᐁ ᐃᓯ ᒥᔪᑐᑕᐃᐧᔭᐣ; ᒋᑫᒫ ᑳ ᑎᐯᔨᐦᒋᑫᐟ ᐁ ᑭ ᐸᑭᑎᓂᐟ ᑭᒋᐦᒋᕽ ᓇᒪᐃᐧᔭ ᑯᐦ ᓂᐸᐃᐣ. 19ᒋᑫᒫ ᑭᐢᐱᐣ ᐊᔨᓯᔨᓂᐤ ᒥᐢᑲᐋᐧᒋ ᑳ ᐸᑳᐧᑎᑯᐟ, ᑭᑕ ᒥᔪ ᐸᑭᑎᓀᐤ ᒋ? ᐁᐊᐧᑯ ᐅᐦᒋ ᒫᑲ ᑳ ᑎᐯᔨᐦᒋᑫᐟ ᑭ ᑲ ᐃᐧ ᒥᔪ ᑎᐸᐦᐊᒫᐠ ᐊᓂᒪ ᐅᐦᒋ ᑳ ᑭ ᐃᑐᑕᐃᐧᔭᐣ ᐊᓄᐦᐨ ᑳ ᑭᓯᑳᐠ. 20ᐁᑲᐧ ᒫᑲ ᒫᑎᑲ, ᓂ ᑭᐢᑫᔨᑌᐣ ᑫᐦᒋᓈ ᑭᑕ ᑭᐦᒋ ᐅᑭᒫᐃᐧᔭᐣ, ᐁᑯᓯ ᐃᐢᕒᐁᐃᓬ ᑭᐦᒋ ᐅᑭᒫᐃᐧᐃᐧᐣ ᑭᑕ ᐋᔮᑕᐢᑌᐠ ᑭᒋᐦᒋᕽ. 21ᐁᑲᐧ ᒫᑲ ᑭᐦᒋᐃᓯᐣ, ᑳ ᑎᐯᔨᐦᒋᑫᐟ ᐁ ᐊᐢᐱᒧᔭᐣ, ᐁᑳ ᑭᑕ ᑭᐢᑭᐁᐧᐸᐊᐧᒋᐠ ᓂ ᓂᐦᑖᐃᐧᑭᐦᐋᑲᓇᐠ ᑫ ᐋᓂᐢᑫᐢᑲᒪᐃᐧᒋᐠ, ᒥᓇ ᐁᑳ ᑭᑕ ᓂᓯᐊᐧᓈᒋᐦᑖᔭᐣ ᓂ ᐃᐧᔪᐃᐧᐣ ᓄᑖᐃᐧ ᐅ ᐋᐧᐢᑳᐦᐃᑲᓂᕽ ᐅᐦᒋ. 22ᑌᐱᐟ ᒫᑲ ᑭ ᑭᐦᒋᐃᑌᐤ ᓵᓬᐊ. ᐁᑯᓯ ᓵᓬ ᑭ ᑭᐁᐧᐤ, ᒫᑲ ᑌᐱᐟ ᒥᓇ ᐅᐢᑭᓂᑭᒪ ᑭ ᐃᑐᐦᑌᔨᐊᐧ ᐋᐧᑎᕽ.
Currently Selected:
ᓂᐢᑕᒼ ᓵᒼᔪᐃᓬ 24: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
