ᓂᐢᑕᒼ ᓵᒼᔪᐃᓬ 15
15
1 #
1 ᓵᒼᔪᐃᓬ 10:1
ᓵᒼᔪᐃᓬ ᒫᑲ ᑭ ᐃᑌᐤ ᓵᓬᐊ, ᑳ ᑎᐯᔨᐦᒋᑫᐟ ᓂ ᑭ ᐃᓯᑎᓴᐦᐅᐠ ᑭᑕ ᑐᒥᓂᑖᐣ ᑭᑕ ᑭᐦᒋ ᐅᑭᒫᑲᑖᒪᐟ ᐅᐟ ᐊᔨᓯᔨᓂᒪ, ᐃᐢᕒᐁᐃᓬ; ᐁᑲᐧ ᒫᑲ ᓇᑐᐦᑕ ᐁᑌᐧᒪᑲᓂᔨᑭ ᐅᐟ ᐃᑌᐧᐃᐧᓇ ᑳ ᑎᐯᔨᐦᒋᑫᐟ. 2#ᐁᐠᓴᑕᐢ 17:8-14; ᑎᔪᑕᕒᐊᓇᒥ 25:17-19ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᓂ ᑭ ᐋᐧᐸᐦᑕᒫᐧᐣ ᐊᓂᒪ ᐋᒪᓬᐃᐠ ᑳ ᑭ ᐃᑐᑕᐋᐧᐟ ᐃᐢᕒᐁᐃᓬᐊ, ᑳ ᑭ ᐃᓯ ᓇᑳᐢᑲᐋᐧᐟ ᒣᐢᑲᓈᕽ, ᐃᐢᐱ ᐃᒋᑊᑎᕽ ᑳ ᐯ ᐅᐦᑐᑌᔨᐟ. 3ᐁᑲᐧ ᒫᑲ ᓇᑕᐃᐧ ᐸᑲᒪᐅᐠ ᐋᒪᓬᐃᐠ, ᒥᓇ ᒥᑐᓂ ᓂᓯᐊᐧᓈᒋᐦᑖ ᑲᐦᑭᔭᐤ ᑳ ᐊᔮᒋᐠ, ᒥᓇ ᐁᑳᐃᐧᔭ ᒪᓈᒋᐃᐠ; ᒫᑲ ᓂᐸᐩ ᓈᐯᐤ ᒥᓇ ᐃᐢᑫᐧᐤ, ᐅᐢᑲᐋᐧᓯᐢ ᒥᓇ ᑳ ᒣᑳᐧ ᓄᐦᑐᐟ, ᒧᐢᑐᐢ ᒥᓇ ᒫᔭᑎᕽ, ᐱᐢᑳᐧᐃᐧᑲᐣ ᒥᓇ ᓱᓱᒥᐢᑕᑎᒼ.
4ᓵᓬ ᒫᑲ ᑭ ᓇᑐᒣᐤ ᐊᔨᓯᔨᓂᐊᐧ, ᒥᓇ ᑭ ᐊᑭᒣᐤ ᐊᓂᑕ ᑎᓬᐁᐃᒼ, ᓂᓵᐧᐤ ᒥᑖᐦᑐᒥᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ, ᐅᒧᐢᑐᑌᐊᐧ, ᒥᓇ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ ᒍᑕ ᐊᔨᓯᔨᓂᐊᐧ. 5ᓵᓬ ᒫᑲ ᑭ ᐅᑎᑕᒼ ᐋᒪᓬᐃᐠ ᐅᑌᓇᐤ, ᐁᑯᓯ ᑭ ᐊᐢᑲᒫᒋᑫᐤ ᐁᑯᑕ ᐋᐧᔮᒪᑎᓈᕽ.
6ᐁᑯᓯ ᓵᓬ ᑭ ᐃᑌᐤ ᐊᓂᐦᐃ ᑭᓇᐃᑕ, ᓂᔮᐠ, ᓯᐯᐧᑌᐠ, ᓇᑲᑎᑯᐠ ᐊᓂᑭ ᐊᒫᓬᐃᑲᐃᑕᐠ, ᐁᑳ ᑭᑕ ᑭᑲᐱᓇᑎᑕᑯᐠ; ᒋᑫᒫ ᑭ ᑭ ᒥᔪᑐᑕᐋᐧᐋᐧᐊᐧᐠ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐃᐢᐱ ᐃᒋᑊᑎᕽ ᑳ ᐯ ᐅᐦᑐᑌᒋᐠ. ᐁᑯᓯ ᒫᑲ ᑭᓇᐃᑕᐠ ᑭ ᓇᑲᑌᐊᐧᐠ ᐋᒪᓬᐃᑲᐃᑕ. 7ᓵᓬ ᒫᑲ ᑭ ᓂᐸᐁᐤ ᐊᓂᐦᐃ ᐋᒪᓬᐃᑲᐃᑕ, ᐦᐋᐱᓬᐊ ᐅᐦᒋ ᓴᕒ ᐁ ᐊᑎ ᐃᑐᐦᑌᕽ ᐁᐊᐧᑯ ᑎᐱᐢᑯᐨ ᐃᒋᑊᐟ ᑳ ᐊᔮᐠ. 8ᑭ ᒧᐢᑎᓀᐤ ᒫᑲ ᐁᑳᑲ ᐋᒪᓬᐃᑲᐃᑕᐠ ᐅ ᑭᐦᒋ ᐅᑭᒫᒥᐋᐧᐊᐧ, ᐁᑯᓯ ᒥᑐᓂ ᑭ ᓂᓯᐊᐧᓈᒋᐁᐊᐧᐠ ᑲᐦᑭᔭᐤ ᐊᔨᓯᔨᓂᐊᐧ ᐁ ᐃᓯ ᑭᓈᐱᑕᑳᐠ ᐃᓴᐁᐧᐢᐠ ᐁ ᐋᐸᒋᐦᑖᐠ. 9ᒫᑲ ᓵᓬ ᒥᓇ ᐊᔨᓯᔨᓂᐊᐧᐠ ᑭ ᒪᓈᒋᐁᐊᐧᐠ ᐁᑳᑲ, ᒥᓇ ᐁ ᒫᐊᐧᒋ ᒥᔪᓯᔨᐟ ᒫᔭᑎᐦᑲᐧ, ᒥᓇ ᒧᐢᑐᓴᐧ, ᒥᓇ ᑖᐦᒋᐳᐋᑲᓇ, ᒥᓇ ᒫᔭᑎᐦᑯᓯᓴ, ᒥᓇ ᑲᐦᑭᔭᐤ ᑳ ᒥᔪᓯᔨᐟ, ᓇᒪᐃᐧᔭ ᒫᑲ ᒥᑐᓂ ᐃᐧ ᓂᓯᐊᐧᓈᒋᐁᐊᐧᐠ; ᒫᑲ ᑲᐦᑭᔭᐤ ᑫᑲᐧᐩ ᐁᑳ ᑳ ᒥᔮᐧᓯᐠ ᒥᓇ ᑳ ᐋᑕᐁᐧᔨᑖᑲᐧᕽ, ᐁᐊᐧᑫᐧᔨᐤ ᒥᑐᓂ ᑭ ᓂᓯᐊᐧᓈᒋᐦᑖᐊᐧᐠ.
10ᐁᑲᐧ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑭ ᐅᑎᐦᑎᐠ ᓵᒼᔪᐃᓬ, ᐁ ᐃᑌᐧᔨᐟ, 11ᓂ ᒥᑖᑌᐣ ᐁ ᑭ ᐃᑕᔭᐠ ᓵᓬ ᑭᑕ ᑭᐦᒋ ᐅᑭᒫᐃᐧᐟ; ᒋᑫᒫ ᑭᐁᐧᐤ ᑳ ᑭ ᐱᒥᑎᓴᐅᐟ, ᒥᓇ ᓇᒪᐃᐧᔭ ᑎᐱᑐᑕᒼ ᓂᐟ ᐃᑕᓱᐁᐧᐃᐧᓇ. ᓵᒼᔪᐃᓬ ᒫᑲ ᑭ ᒥᐦᒋᔭᐁᐧᓯᐤ; ᑭ ᒪᐃᐧᒧᐢᑕᐁᐧᐤ ᒫᑲ ᑳ ᑎᐯᔨᐦᒋᑫᔨᐟ ᑲᐯᑎᐱᐢᐠ. 12ᓵᒼᔪᐃᓬ ᒫᑲ ᑭ ᐊᐧᓂᐢᑳᐤ ᐃᐧᐸᐨ ᑭᑕ ᓇᑭᐢᑲᐋᐧᐟ ᓵᓬᐊ ᐁ ᑫᑭᓭᐸᔮᔨᐠ; ᐁᑯᓯ ᑭ ᐃᐧᐦᑕᒪᐋᐧᐤ ᓵᒼᔪᐃᓬ, ᐁ ᐃᑎᐦᐟ, ᓵᓬ ᑭ ᑕᑯᓯᐣ ᑳᕒᒥᓬᐃᕽ, ᐁᑯᓯ ᒫᑎᑲ, ᑭ ᐅᔭᐢᑭᑕᒫᓱ ᑭᐢᑭᓇᐋᐧᒋᐅᐃᐧᐣ, ᐁᑯᓯ ᑭ ᐋᐧᔪᓂᐤ, ᒥᓇ ᑭ ᐊᑎ ᐊᓱᐃᐧ ᓯᐯᐧᑌᐤ, ᒥᓇ ᑭᓬᑳᓬᐃᕽ ᑭ ᐊᑎ ᐃᑐᐦᑌᐤ. 13ᓵᒼᔪᐃᓬ ᒫᑲ ᑭ ᐅᑎᐦᑌᐤ ᓵᓬᐊ; ᐁᑯᓯ ᓵᓬᐊ ᑭ ᐃᑎᐠ, ᑭ ᑲ ᐃᐧ ᓴᐁᐧᔨᒥᐠ ᑳ ᑎᐯᔨᐦᒋᑫᐟ, ᓂ ᑭ ᑎᐱᑐᑕᒫᐧᐣ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ. 14ᓵᒼᔪᐃᓬ ᒫᑲ ᑭ ᐃᑌᐧᐤ, ᑖᓀᐦᑭ ᒫᑲ ᐅᒪ ᑳ ᒪᑌᐧᑭᑐᒋᐠ ᒫᔭᑎᐦᑲᐧᐠ, ᒥᓇ ᑳ ᐱᑎᑲᐧᑖᒧᒋᐠ ᒧᐢᑐᓴᐧᐠ ᑳ ᐯᑕᒫᐣ? 15ᐁᑯᓯ ᓵᓬ ᑭ ᐃᑌᐧᐤ, ᑭ ᐯᓯᐁᐧᐊᐧᐠ ᐋᒪᓬᐃᑲᐃᑕ ᐅᐦᒋ; ᒋᑫᒫ ᐊᔨᓯᔨᓂᐊᐧᐠ ᑭ ᒪᓈᒋᐁᐊᐧᐠ ᐁ ᒫᐊᐧᒋ ᒥᔪᓯᔨᐟ ᒫᔭᑎᐦᑲᐧ ᒥᓇ ᒧᐢᑐᓴᐧ, ᑭᑕ ᐸᑭᑎᓇᒪᐋᐧᒋᐠ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ; ᐁᑯᓯ ᑯᑕᑲᐠ ᐃᐧᔭ ᒥᑐᓂ ᓂ ᑭ ᓂᓯᐊᐧᓈᒋᐦᐋᓈᓇᐠ. 16ᐁᑲᐧ ᓵᒼᔪᐃᓬ ᑭ ᐃᑌᐤ ᓵᓬᐊ, ᒉᐢᑲᐧ, ᑭ ᑲ ᐃᐧᐦᑕᒫᑎᐣ ᑳ ᑎᐯᔨᐦᒋᑫᐟ ᑳ ᑭ ᐃᓯᐟ ᐊᓄᐦᐨ ᑳ ᑎᐱᐢᑳᐠ. ᑭ ᐃᑎᐠ ᒫᑲ, ᑭᔮᒼ ᐃᐧᐦᑕ. 17ᐁᑲᐧ ᓵᒼᔪᐃᓬ ᑭ ᐃᑌᐧᐤ, ᒣᑳᐧᐨ ᐁ ᐊᐱᐢᑌᔨᒧᔭᐣ, ᓇᒪᒋ ᑭ ᑭ ᓂᑳᓇᑭᒥᑲᐃᐧᐣ ᐁ ᐃᑕᐦᑐᑌᐃᐧᓯᒋᐠ ᐃᐢᕒᐁᐃᓬ? ᐁᑯᓯ ᑳ ᑎᐯᔨᐦᒋᑫᐟ ᑭ ᑭ ᑐᒥᓂᐠ ᑭᑕ ᑭᐦᒋ ᐅᑭᒫᑲᑕᐊᐧᒋᐠ ᐃᐢᕒᐁᐃᓬ; 18ᑳ ᑎᐯᔨᐦᒋᑫᐟ ᒫᑲ ᑭ ᑭ ᓯᐯᐧᑎᓴᐦᐅᐠ ᐱᒧᐦᑌᐅᐃᐧᓂᕽ, ᒥᓇ ᑭ ᑭ ᐃᑎᐠ, ᓇᑕᐃᐧ ᒥᑐᓂ ᓂᓯᐊᐧᓈᒋᐃᐠ ᐊᓂᑭ ᑳ ᒪᒑᔨᐃᐧᒋᐠ ᐋᒪᓬᐃᑲᐃᑕᐠ, ᒥᓇ ᓄᑎᓂᐠ ᐱᔨᐢ ᐃᔨᑯᕽ ᑭᑕ ᒣᐦᒋ ᓂᓯᐊᐧᓈᑎᓯᒋᐠ. 19ᑖᓀᐦᑭ ᒫᑲ ᐁᑳ ᑳ ᑭ ᓇᓇᐃᑕᒪᐧᐟ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ. ᒫᑲ ᐁ ᑭ ᑳᐧᐢᑯᑐᑕᒪᐣ ᒪᓂᐊᐧᑌᐃᐧᐣ, ᒥᓇ ᐁ ᑭ ᐃᑐᑕᒪᐣ ᐊᓂᒪ ᑳ ᒪᔮᐱᓯᒥᑯᐟ ᑳ ᑎᐯᔨᐦᒋᑫᐟ? 20ᓵᓬ ᒫᑲ ᑭ ᐃᑌᐤ ᓵᒼᔪᐃᓬᐊ, ᓵᑯᐨ, ᓂ ᑭ ᓇᓇᐃᑕᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ. ᒥᓇ ᓂ ᑭ ᐃᑐᐦᑖᐣ ᐃᑌ ᑳ ᑎᐯᔨᐦᒋᑫᐟ ᑳ ᑭ ᐃᓯᑎᓴᐦᐅᐟ, ᐁᑯᓯ ᓂ ᑭ ᐯᓯᐋᐧᐤ ᐁᑳᐠ ᐋᒪᓬᐃᐠ ᑭᐦᒋ ᐅᑭᒫᐤ, ᒥᓇ ᒥᑐᓂ ᓂ ᑭ ᓂᓯᐊᐧᓈᒋᐦᐋᐊᐧᐠ ᐊᒫᓬᐃᑲᐃᑕᐠ. 21ᒫᑲ ᐊᔨᓯᔨᓂᐊᐧᐠ ᑭ ᐅᑌᓇᒪᐧᐠ ᒪᓂᐊᐧᑌᐃᐧᐣ, ᒫᔭᑎᐦᑲᐧ ᒥᓇ ᒧᐢᑐᓴᐧ, ᐊᓂᐦᐃ ᐁ ᑭᐦᒑᔨᐊᐧᑭ ᑳ ᑭ ᐸᑭᑌᔨᑖᑲᐧᐦᑭ, ᑭᑕ ᐸᑭᑎᓈᓱᐢᑕᐋᐧᒋᐠ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ ᑭᓬᑳᓬᐃᕽ. 22ᐁᑯᓯ ᓵᒼᔪᐃᓬ ᑭ ᐃᑌᐧᐤ,
ᐁᑯᔨᑯᕽ ᒋ ᒥᔦᐧᔨᑕᒼ ᑳ ᑎᐯᔨᐦᒋᑫᐟ ᒪᒍᐢᑌᐦᐊᒫᑫᐃᐧᓇ ᒥᓇ ᐸᑭᑎᓈᓱᐃᐧᓇ, ᑖᐱᐢᑯᐨ ᐁ ᓇᓇᐃᑕᒥᕽ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ? ᒫᑎᑳ, ᐁ ᓇᓇᐃᑕᒥᕽ ᐊᔨᐋᐧᑫᔨᑖᑲᐧᐣ ᐃᔨᑯᕽ ᐸᑭᑎᓈᓱᐃᐧᐣ, ᒥᓇ ᐁ ᓇᑐᐦᑕᒥᕽ ᐃᔨᑯᕽ ᐅ ᐃᐧᔨᓄᐋᐧᐤ ᔮᐯᒫᔭᑎᑲᐧᐠ.
23ᒋᑫᒫ ᒫᔭᑲᒥᑭᓯᐃᐧᐣ ᐃᓯ ᒪᒐᔨᐊᐧᐣ ᑖᐱᐢᑯᐨ ᒥᑌᐃᐧᐃᐧᐣ, ᒥᓇ ᓴᓯᐱᑕᒧᐃᐧᐣ ᑖᐱᐢᑯᐨ ᒪᓂᑐᑫᐃᐧᐣ ᒥᓇ ᑌᕒᐊᐱᒼ. ᐊᔨᐢ ᑭ ᑭ ᐋᑕᐁᐧᔨᑕᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᑭᐢᑕ ᑭ ᑭ ᐋᑕᐁᐧᔨᒥᐠ ᑭᑕ ᑭᐦᒋ ᐅᑭᒫᐃᐧᔭᐣ.
24ᓵᓬ ᒫᑲ ᑭ ᐃᑌᐤ ᓵᒼᔪᐃᓬᐊ, ᓂ ᑭ ᒪᒋᑐᑌᐣ, ᒋᑫᒫ ᓂ ᑭ ᐊᐧᓂᑐᑕᒫᐧᐣ ᐅᐟ ᐃᑕᓱᐁᐧᐃᐧᐣ ᑳ ᑎᐯᔨᐦᒋᑫᐟ ᒥᓇ ᑭᔭ ᑭᐟ ᐃᑌᐧᐃᐧᓇ; ᐊᔨᐢ ᓂ ᑯᐢᑖᐊᐧᐠ ᐊᔨᓯᔨᓂᐊᐧᐠ, ᒥᓇ ᓂ ᑭ ᑖᐯᐧᑕᐋᐧᐊᐧᐠ ᐁ ᐃᑌᐧᒋᐠ. 25ᐁᑲᐧ ᒫᑲ ᑭ ᐸᑯᓭᔨᒥᑎᐣ, ᐳᓀᔨᑕᒪᐃᐧᐣ ᓂ ᒪᒋᑐᑕᒧᐃᐧᐣ, ᐁᑯᓯ ᑳᐃᐧ ᒥᓇ ᐃᐧᒉᐃᐧᐣ ᑭᑕ ᐊᔭᒥᐦᐁᐢᑕᐊᐠ ᑳ ᑎᐯᔨᐦᒋᑫᐟ. 26ᓵᒼᔪᐃᓬ ᒫᑲ ᑭ ᐃᑌᐤ ᓵᓬᐊ, ᓇᒪᐃᐧᔭ ᑳᐃᐧ ᑭ ᑲ ᐃᐧᒉᐃᐧᑎᐣ; ᒋᑫᒫ ᑭ ᑭ ᐋᑕᐁᐧᔨᑕᒫᐧᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᐁᑯᓯ ᑳ ᑎᐯᔨᐦᒋᑫᐟ ᑭ ᑭ ᐋᑕᐁᐧᔨᒥᐠ ᑭᑕ ᑭᐦᒋ ᐅᑭᒫᑲᑕᐊᐧᐟ ᐃᐢᕒᐁᐃᓬ. 27#1 ᓵᒼᔪᐃᓬ 28:17; 1 ᑭᐦᒋ ᐅᑭᒫᐊᐧᐠ 11:30,31ᓵᒼᔪᐃᓬ ᒫᑲ ᐁ ᐊᑎ ᑫᐧᐢᑭᑳᐸᐃᐧᐟ ᑭᑕ ᓯᐯᐧᑌᐟ, ᑭ ᐅᑎᑎᓇᒥᔨᐊᐧ ᐁ ᑭᓯᐯᑲᓂᔨᐠ ᐅᐟ ᐊᑲᐧᓂᐃᐧᐣ, ᐁᑯᓯ ᐸᑫᐧᐱᑕᒥᔨᐊᐧ. 28ᓵᒼᔪᐃᓬ ᒫᑲ ᑭ ᐃᑌᐤ, ᑳ ᑎᐯᔨᐦᒋᑫᐟ ᑭ ᐸᑫᐧᐱᑕᒼ ᐃᐢᕒᐁᐃᓬ ᑭᐦᒋ ᐅᑭᒫᐃᐧᐃᐧᐣ ᐊᓄᐦᐨ ᑳ ᑭᓯᑳᐠ ᑭᔭ ᐁ ᒪᐢᑲᒥᐢᐠ ᐁᑯᓯ ᑭ ᒥᔦᐤ ᑭᐦᒋ ᐊᔨᓯᔨᓂᐊᐧ, ᐊᔨᐋᐧᐠ ᑳ ᒥᔮᐧᑎᓯᔨᐟ ᐃᔨᑯᕽ ᑭᔭ. 29ᐁᑯᓯ ᒥᓇ ᐅ ᒪᐢᑲᐃᐧᓯᐃᐧᐣ ᐃᐢᕒᐁᐃᓬ ᓇᒪᐃᐧᔭ ᑭᑕ ᑭᔮᐢᑭᐤ ᒥᓇ ᓇᒪᐃᐧᔭ ᑭᑕ ᑫᐧᐢᑳᑎᓯᐣ; ᒋᑫᒫ ᓇᒪᐃᐧᔭ ᐊᔨᓯᔨᓂᐃᐧᐤ ᑭᑕ ᑭ ᑫᐧᐢᑳᑎᓯᐟ. 30ᐁᑲᐧ ᒫᑲ ᑭ ᐃᑌᐧᐤ, ᓂ ᑭ ᒪᒋᑐᑌᐣ; ᐁᔨᐁᐧᕽ ᒫᑲ ᑭᐢᑌᔨᑖᑯᐃᐣ ᑭ ᐸᑯᓭᔨᒥᑎᐣ ᐁ ᐋᐧᐸᒥᒋᐠ ᑳ ᓂᑳᓀᔨᑖᑯᓯᒋᐠ ᓂᐟ ᐊᔨᓯᔨᓂᒪᐠ, ᒥᓇ ᐃᐢᕒᐁᐃᓬ; ᐁᑯᓯ ᑳᐃᐧ ᒥᓇ ᐃᐧᒉᐃᐧᐣ ᑭᑕ ᐊᔭᒥᐦᐋᐃᐧ ᐊᑐᐢᑲᐊᐧᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ. 31ᐁᑯᓯ ᓵᒼᔪᐃᓬ ᑳᐃᐧ ᒥᓇ ᑭ ᐱᒥᑎᓴᐁᐧᐤ ᓵᓬᐊ; ᐁᑯᓯ ᓵᓬ ᑭ ᐊᔭᒥᐦᐋᐃᐧ ᐊᑐᐢᑲᐁᐧᐤ ᑳ ᑎᐯᔨᐦᒋᑫᔨᐟ.
32ᐁᑲᐧ ᑭ ᐃᑌᐧᐤ ᓵᒼᔪᐃᓬ, ᐯ ᐸᑭᑎᓇᒪᐃᐧᐠ ᐅᑕ ᐁᑳᐠ ᐋᒪᓬᐃᑲᐃᑕᐠ ᐅ ᑭᐦᒋ ᐅᑭᒫᒥᐋᐊᐧ. ᐁᑳᑲ ᒫᑲ ᐅᒉᐦᑲᒼ ᑭ ᐯ ᓈᑎᐠ. ᐁᑯᓯ ᐁᑳᐠ ᑭ ᐃᑌᐧᐤ, ᒪᔮᐢᑲᒧᐸᔨᐤ ᐁᑐᑫ ᐁ ᐃᓯ ᐋᑲᐧᕽ ᓂᐳᐃᐧᐣ. 33ᓵᒼᔪᐃᓬ ᒫᑲ ᑭ ᐃᑌᐧᐤ, ᐊᔨᐢ ᑭᐟ ᐃᓴᐁᐧᑯᒫᐣ ᑭ ᒣᐢᑐᓭᓂᑲᐧᐠ ᐃᐢᑫᐧᐊᐧᐠ, ᐁᑯᓯ ᑭᐢᑕ ᑭᑳᐃᐧ ᑫ ᐃᓯ ᒣᐢᑐᓭᓂᐦᐟ ᐃᐢᑫᐧᓈᕽ. ᓵᒼᔪᐃᓬ ᒫᑲ ᑭ ᐱᑭᐢᑭᑲᐁᐧᐤ ᐁᑳᑲ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᑭᓬᑳᓬᐃᕽ.
34ᐁᑲᐧ ᓵᒼᔪᐃᓬ ᑭ ᐃᑐᐦᑌᐤ ᕒᐁᒪᐃᕽ; ᓵᓬ ᒫᑲ ᑭ ᐃᑐᐦᑌᐤ ᐅ ᐋᐧᐢᑳᐦᐃᑲᓂᕽ ᑭᐱᔭᐃᕽ ᓵᓬ ᑳ ᐊᔮᐟ. 35ᓵᒼᔪᐃᓬ ᒫᑲ ᓇᒪᐃᐧᑳᐨ ᒥᓇ ᑭ ᐯ ᓇᑕᐋᐧᐸᒣᐤ ᓵᓬᐊ ᐱᔨᐢ ᐊᓂᒪ ᐁ ᑭᓯᑳᐠ ᑳ ᑭ ᐳᓂ ᐱᒫᑎᓯᐟ; ᒫᑲ ᓵᒼᔪᐃᓬ ᑭ ᒥᑖᑌᐤ ᓵᓬᐊ; ᐁᑯᓯ ᑳ ᑎᐯᔨᐦᒋᑫᐟ ᑭ ᒥᑯᐢᑳᑌᔨᑕᒥᐃᐠ ᐁ ᑭ ᐅᔭᑭᒫᐟ ᓵᓬᐊ ᑭᑕ ᑭᐦᒋ ᐅᑭᒫᑲᑕᐋᐧᔨᐟ ᐃᐢᕒᐁᐃᓬᐊ.
Currently Selected:
ᓂᐢᑕᒼ ᓵᒼᔪᐃᓬ 15: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
