ᓂᐢᑕᒼ ᓵᒼᔪᐃᓬ 10
10
1ᐁᑲᐧ ᓵᒼᔪᐃᓬ ᑭ ᐅᑎᓇᒼ ᒧᑌᔭᐱᐢᐠ ᐱᒥᔨᐤ, ᐁᑯᓯ ᐁ ᑭ ᓯᑭᓇᒫᐧᐟ ᐅᐢᑎᑳᐧᓂᔨᕽ, ᒥᓇ ᐁ ᑭ ᐅᒉᒫᐟ, ᐅᒥᓯ ᐁ ᑭ ᐃᑖᐟ, ᓇᒪ ᒋ ᑳ ᑎᐯᔨᐦᒋᑫᐟ ᐁ ᑭ ᑐᒥᓂᐢᐠ ᑭᑕ ᑭᐦᒋ ᐅᑭᒫᑲᑕᒪᐧᐟ ᐅ ᑎᐯᔨᐦᒋᑲᐣ? 2ᐃᐢᐱ ᓇᑲᓯᔭᓂ ᐊᓄᐦᐨ ᑳ ᑭᓯᑳᐠ, ᑭ ᑲ ᒥᐢᑲᐋᐧᐊᐧᐠ ᓂᓱ ᓈᐯᐊᐧᐠ ᒋᑭ ᐃᑕ ᑳ ᓇᐦᐃᓂᐦᐟ ᕒᐁᒋᓬ, ᐊᓂᑕ ᑳ ᑭᓯᐱ ᐊᔮᐟ ᐯᐣᒋᒪᐣ ᓭᓬᓴᐃᕽ; ᐁᑯᓯ ᑭ ᑲ ᐃᑎᑲᐧᐠ, ᓱᓱᒥᐢᑕᑎᒪᐧᐠ ᑳ ᑭ ᓇᑐᓇᐊᐧᒋᐠ ᑭ ᒥᐢᑲᐋᐧᐊᐧᐠ; ᐁᑯᓯ, ᒫᑎᑲ, ᑯᑕᐃᐧ ᐳᓂ ᒥᑯᐢᑳᑌᔨᑕᒥᐦᐃᐠ ᒥᐢᑕᑎᒪᐧ, ᑭᔭᐋᐧᐤ ᐁᑲᐧ ᐁ ᒥᐦᑖᑎᑯᔦᐠ ᐁ ᐃᑌᐧᐟ, ᑖᓂᓯ ᐁᑲᐧ ᑫ ᐃᐦᑐᑕᒪᐣ ᓂᑯᓯᐢ ᐅᐦᒋ? 3ᐁᑲᐧ ᑭ ᑲ ᓯᐯᐧᑖᐣ ᐁᑯᑕ ᐅᐦᒋ, ᐁᑯᓯ ᑭ ᑲ ᐊᑎ ᐅᑎᐦᑌᐣ ᑌᐹᕒ ᒪᐢᑯᑌᐤ, ᐁᑯᑕ ᒫᑲ ᑭ ᑲ ᓇᑭᐢᑳᑲᐧᐠ ᓂᐢᑐ ᓈᐯᐊᐧᐠ ᐁ ᓇᑕᐃᐧ ᐊᑐᐢᑲᐋᐧᒋᐠ ᑭᓭᒪᓂᑐᐊᐧ ᐯᐦᑎᓬᐃᕽ, ᐯᔭᐠ ᐁ ᐱᒧᑕᐦᐋᐟ ᓂᐢᑐ ᒫᔭᑎᐦᑯᓯᓴ, ᐁᑯᓯ ᑯᑕᐠ ᐁ ᐱᒧᑕᐦᐋᐟ ᓂᐢᑐ ᐸᐦᑫᐧᓯᑲᓇ, ᒥᓇ ᑯᑕᐠ ᐁ ᐱᒥᐃᐧᑖᐟ ᓱᒥᓈᐳ ᐊᓯᐊᐧᒋᑲᓂᕽ. 4ᑭ ᑲ ᐊᑕᒥᐢᑳᑲᐧᐠ ᒫᑲ, ᒥᓇ ᑭ ᑲ ᒥᔨᑲᐧᐠ ᓂᓱ ᐸᐦᑫᐧᓯᑲᓇ, ᑭ ᑲ ᐅᑎᓂᒫᐊᐧ ᒫᑲ. 5ᐁᑲᐧ ᑭ ᑲ ᐊᑎ ᐃᑐᐦᑖᐣ ᐅ ᐊᐧᒋᒥᕽ ᑭᓭᒪᓂᑐ, ᐃᑕ ᐅᐟ ᐊᓴᐧᐅᐁᐧᒥᐋᐧᐊᐧ ᐱᓬᐃᐢᑎᓇᐠ ᑳ ᐊᔮᔨᐟ; ᑭᑕ ᐃᐦᑭᐣ ᒫᑲ ᐃᐢᐱ ᑕᑯᓯᓂᔭᓀ ᐁᑯᑕ ᐅᑌᓈᕽ ᑭ ᑲ ᓇᑭᐢᑲᐋᐧᐊᐧᐠ ᐅᑭᐢᑭᐁᐧᐦᐃᑫᐊᐧᐠ ᐃᐢᐹᔭᓄᕽ ᐁ ᐅᐦᑐᑌᒋᐠ ᐅ ᓂᑳᓂᒥᐋᐧᕽ ᐁ ᑭᑐᐦᑖᐃᐧᐦᐟ ᓵᓬᑕᕒᐃ, ᒥᓇ ᑌᑊᕒᐃᐟ, ᒥᓇ ᐳᑖᒋᑲᐣ, ᒥᓇ ᐦᐋᕒᑊ; ᐁᑯᓯ ᑭᑕ ᑭᐢᑭᐁᐧᐦᐃᑫᐊᐧᐠ; 6ᑳ ᑎᐯᔨᐦᒋᑫᐟ ᐅᐟ ᐊᐦᒑᐦᑲᐧ ᒫᑲ ᑭ ᑲ ᐅᑎᐦᑎᑯᔨᐊᐧ, ᐁᑯᓯ ᑭ ᑲ ᐃᐧᒋ ᑭᐢᑭᐁᐧᐦᐃᑫᒫᐊᐧᐠ. ᒥᓇ ᑖᐱᐢᑯᐨ ᑯᑕᐠ ᓈᐯᐤ ᑭ ᑲ ᐃᓯ ᐊᔮᐣ. 7ᐁᑯᓯ ᑭᔮᒼ, ᐃᐢᐱ ᐅᐦᐃ ᑭᐢᑭᓇᐋᐧᒋ ᐅᑎᐦᑎᑯᔭᓂ, ᐱᑯ ᑫ ᐃᓯ ᓇᐃᐸᔨᐃᑯᐊᐧᓀ ᐃᐦᑐᑕ; ᒋᑫᒫ ᑭᓭᒪᓂᑐ ᑭ ᐃᐧᒉᐃᐧᐠ. 8ᑭᔭ ᒫᑲ ᓂᑳᐣ ᑭ ᑲ ᐃᑐᐦᑖᐣ ᑭᓬᑳᓬᐃᕽ; ᐁᑯᓯ, ᒫᑎᑲ, ᑭ ᑲ ᓇᑕᐃᐧ ᐅᑎᐦᑎᑎᐣ, ᑭᑕ ᐸᑭᑎᓇᒫᐣ ᒪᒍᐢᑌᐦᐊᒫᑫᐃᐧᓇ, ᒥᓇ ᑭᑕ ᐸᑭᑎᓇᓱᔮᐣ ᐯᔭᐦᑕᑫᔨᒧᐃᐧ ᐸᑭᑎᓇᓱᐃᐧᓇ: ᑌᐸᑯᑊ ᑭᓯᑳᐊᐧ ᑭ ᑲ ᐯᐦᐃᐣ, ᐃᐢᑯ ᑭᑕ ᐅᑎᐦᑎᑖᐣ ᒥᓇ ᑭᑕ ᐋᐧᐸᑎᔨᑖᐣ, ᐊᓂᒪ ᑫ ᐃᐦᑐᑕᒪᐣ.
9ᐁᑯᓯ ᒫᑲ ᑭ ᐃᐦᑭᐣ, ᐁ ᐊᑎ ᐊᑎᒥᑳᐸᐃᐧᐢᑕᐋᐧᐟ ᓵᒼᔪᐃᓬᐊ ᑭᑕ ᓇᑲᑖᐟ, ᑭᓭᒪᓂᑐᐊᐧ ᑭ ᒥᔨᐠ ᑯᑕᐠ ᒥᑌᐦ: ᒥᓇ ᑲᐦᑭᔭᐤ ᑳ ᑭ ᑭᐢᑭᓇᐋᐧᒋ ᐃᐧᐦᑕᒫᐦᐟ ᑭ ᑎᐱᐸᔨᔨᐤ ᐁᐊᐧᑯ ᐁ ᑭᓯᑳᐠ.
10ᐃᐢᐱ ᒫᑲ ᐊᐧᒋᕽ ᐁᑎ ᐊᔮᒋᐠ, ᐳᑎ, ᐅᑭᐢᑭᐁᐧᐦᐃᑫᐊᐧ ᑭ ᓇᑭᐢᑳᐠ; ᑭᓭᒪᓂᑐᐊᐧ ᒫᑲ ᐅᐟ ᐊᐦᒑᐦᑯᔨᐊᐧ ᑭ ᐅᑎᐦᑎᐠ ᐁᑯᓯ ᑭ ᐃᐧᒋ ᑭᐢᑭᐁᐧᐦᐃᑫᒣᐤ. 11ᑭ ᐊᔨᐦᑭᐣ ᒫᑲ, ᐃᐢᐱ ᑲᐦᑭᔭᐤ ᐊᓂᐦᐃ ᑲᔭᐦᑌ ᑳ ᑭ ᑭᐢᑫᔨᒥᑯᐟ, ᐃᐧᔮᐸᒥᑯᐟ, ᐳᑎ, ᐁ ᐃᐧᒋ ᑭᐢᑭᐁᐧᐦᐃᑫᒫᐟ ᐅᑭᐢᑭᐁᐧᐦᐃᑫᐊᐧ, ᐁᑲᐧ ᑭ ᐊᔨᑎᑐᐊᐧᐠ ᐊᓂᑭ ᐊᔨᓯᔨᓂᐊᐧᐠ, ᑫᑲᐧᐩ ᐅᒪ ᑳ ᐅᑎᐦᑎᑯᔨᐟ ᑭᐢ ᐅᑯᓯᓴ? ᓵᓬ ᑭ ᐁᑲᐧ ᐃᐧᒉᐁᐧᐤ ᐅᑭᐢᑭᐁᐧᐦᐃᑫᐊᐧ? 12#1 ᓵᒼᔪᐃᓬ 19:23,24ᐯᔭᐠ ᒫᑲ ᐁᑯᑕ ᐅᐦᒋ ᑭ ᓇᐢᑫᐧᐊᐧᓯᒣᐤ ᑭ ᐃᑌᐧᐤ, ᐊᐁᐧᓂᐦᐃ ᒫᑲ ᐁᐧᔪᑖᐃᐧᒋᐠ? ᐁᑯᓯ ᐁᑯᑕ ᐅᐦᒋ ᑭ ᓀᑲᒥ ᐃᑖᐧᓂᐤ ᒫᓇ, ᓵᓬ ᒋ ᐁᑲᐧ ᐃᐧᒉᐁᐧᐤ ᐅᑭᐢᑭᐁᐧᐦᐃᑫᐊᐧ. 13ᐃᐢᐱ ᒫᑲ ᑳᐦ ᐳᓂ ᑭᐢᑭᐁᐧᐦᐃᑫᐟ, ᑭ ᐯ ᐃᑐᐦᑌᐤ ᐊᓂᑕ ᐃᐢᐹᔭᓄᕽ.
14ᓵᓬ ᒫᑲ ᐅᐦᑯᒥᓴ ᑭ ᐃᑎᐠ ᐃᐧᔭ ᒥᓇ ᐅᐟ ᐊᑐᐢᑫᔮᑲᓇ, ᑖᓂᑌ ᑳ ᐃᑐᐦᑌᔦᐠ? ᑭ ᐃᑌᐤ ᒫᑲ, ᐁ ᓇᑐᓇᐋᐧᔮᐦᑭᐠ ᓱᓱᒥᐢᑕᑎᒪᐧᐠ; ᐃᐢᐱ ᒫᑲ ᐃᐧᔮᐸᐦᑕᒫᕽ ᐁᑳ ᓈᐣᑕᐤ ᐃᑕ ᐁ ᐊᔮᒋᐠ, ᓂ ᑭ ᐅᑎᐦᑖᓈᐣ ᓵᒼᔪᐃᓬ. 15ᓵᓬ ᒫᑲ ᐅᐦᑯᒥᓴ ᑭ ᐃᑎᐠ, ᐃᐧᐦᑕᒪᐃᐧᐣ, ᑭ ᐸᑯᓭᔨᒥᑎᐣ, ᑖᓂᓯ ᓵᒼᔪᐃᓬ ᑳ ᐃᑎᐢᐠ. 16ᓵᓬ ᒫᑲ ᑭᐦ ᐃᑌᐤ ᐅᐦᑯᒥᓴ, ᓂ ᑭ ᐃᐧᐦᑕᒫᑯᓈᐣ ᓱᐢᑳᐧᐨ ᐁ ᒥᐢᑳᐦᒋᐠ ᒥᐢᑕᑎᒪᐧᐠ. ᒫᑲ ᐊᓂᒪ ᐃᐧᔭ ᑭᐦᒋ ᐅᑭᒫᐃᐧᐃᐧᐣ ᓵᒼᔪᐃᓬᐊ ᑳ ᑭ ᐃᐧᐦᑕᒫᑯᐟ, ᓇᒪ ᓈᐣᑕᐤ ᑭ ᐃᑌᐤ.
17ᓵᒼᔪᐃᓬ ᒫᑲ ᑭ ᒫᒪᐃᐧ ᓇᑐᒣᐤ ᐊᔨᓯᔨᓂᐊᐧ ᐃᑕ ᐁ ᐊᔮᔨᐟ ᑳ ᑎᐯᔨᐦᒋᑫᔨᐟ, ᒥᐢᐸᐃᕽ; 18ᐁᑯᓯ ᐅᒥᓯ ᐁ ᑭᐦ ᐃᑖᐟ ᐃᐢᕒᐁᐃᓬᐊ ᐅᐟ ᐊᐋᐧᓯᒥᓯᔨᐊᐧ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᓂ ᑭ ᐯ ᐊᐧᔭᐃᐧᑕᐦᐋᐤ ᐃᐢᕒᐁᐃᓬ ᐃᒋᑊᑎᕽ ᐅᐦᒋ, ᒥᓇ ᑭ ᑭ ᐸᐢᐱᐦᐃᑎᓈᐋᐧᐤ ᐅ ᒋᐦᒋᐋᐧᕽ ᐅᐦᒋ ᐃᒋᑊᐟ ᐊᔨᓯᔨᓂᐊᐧᐠ, ᒥᓇ ᐅ ᒋᐦᒋᐊᐧᕽ ᐅᐦᒋ ᑲᐦᑭᔭᐤ ᑭᐦᒋ ᐅᑭᒫᐃᐧᐃᐧᓂᕽ, ᑳ ᐊᐢᐱᐃᑯᔦᑯᐠ: 19ᐊᓄᐦᐨ ᒫᑲ ᑳ ᑭᓯᑳᐠ ᑭ ᑭ ᐁᐧᐱᓈᐋᐧᐤ ᑭ ᑭᓭᒪᓂᑐᒥᐋᐧᐤ, ᐃᐧᔭ ᑫᐦᒋᐋᐧᐠ ᑳ ᑭᐦ ᐱᒫᒋᐦᐃᑯᔦᐠ ᑲᐦᑭᔭᐤ ᑭ ᒫᔨᐸᔨᐃᐧᓂᐋᐧᕽ ᒥᓇ ᑭᐟ ᐋᔨᒥᓯᐃᐧᓂᐋᐧᕽ ᐅᐦᒋ; ᐁᑯᓯ ᑭ ᑭ ᐃᑖᐋᐧᐤ, ᑭᔮᒼ ᐅᔭᑭᑕᒪᐃᐧᓈᐣ ᑭᐦᒋ ᐅᑭᒫᐤ ᑭᑕ ᑎᐯᔨᒥᑯᔮᕽ. ᐁᑲᐧ ᒫᑲ ᐯ ᐅᐦᑎᐢᑲᐃᐧᐢᑳᕽ ᑳ ᑎᐯᔨᐦᒋᑫᐟ ᐁ ᐊᔨᑕᐦᑐᑌᐃᐧᓯᔦᐠ, ᒥᓇ ᐁ ᐊᔨᑕᐦᑐ ᑭᐦᒋ ᒥᑖᐦᑐᒥᑕᓇᐁᔦᐠ. 20ᐃᐢᐱ ᒫᑲ ᓵᒼᔪᐃᓬ ᑲᐦᑭᔭᐤ ᐁ ᐃᑕᐦᑐᑌᐃᐧᓯᔨᐟ ᐃᐢᕒᐁᐃᓬ ᑭᓯᐋᐧᐠ ᑳᐦ ᐃᑐᐦᑕᐋᐟ ᐯᐣᒋᒪᐣ ᐁ ᐱᐢᑭᑐᑌᐃᐧᓯᐟ ᑭ ᐅᑎᓈᐤ. 21ᐃᐢᐱ ᐯᐣᒋᒪᓈ ᐁ ᐱᐢᑭᑐᑌᐃᐧᓯᔨᐟ ᑭᓯᐋᐧᐠ ᑳᐦ ᐃᑐᐦᑕᐋᐟ ᐁ ᐋᐃᓯ ᐋᐧᑯᑐᔨᐟ, ᒫᑕᕒᐊᐩ ᐁ ᐃᓯ ᐋᐧᑯᑐᐟ ᑭ ᐅᑎᓈᐤ, ᐁᑲᐧ ᒫᑲ ᓵᓬ ᐅᑯᓯᓴ ᑭᐢ ᑭ ᐅᑎᓈᐤ: ᒫᑲ ᐃᐢᐱ ᓀᑐᓇᐋᐧᒋᐠ, ᓇᒪ ᓈᐣᑕᐤ ᐃᑕ ᑭ ᒥᐢᑲᐋᐧᐤ. 22ᐁᑯᓯ ᒥᓇ ᑭ ᐊᑎ ᑲᑫᐧᒋᒣᐊᐧᐠ ᑳ ᑎᐯᔨᐦᒋᑫᔨᐟ, ᒫᐦᑎ ᐁᐊᐧᑯᓂ ᓈᐯᐊᐧ ᑫᔮᐱᐨ ᑭᑕ ᐯ ᐃᑐᐦᑌᔨᐟ. ᑳ ᑎᐯᔨᐦᒋᑫᔨᐟ ᒫᑲ ᑭ ᓇᐢᑫᐧᐊᐧᓯᒥᑲᐧᐠ, ᒋᐢᐟ ᑭ ᑳᓱ ᒣᑳᐧ ᐊᔮᐃᐧᓂᕽ. 23ᑭ ᐃᐢᐸᑖᐊᐧᐠ ᒫᑲ ᐁ ᓈᑖᑭᐠ ᐁᑯᑕ ᐅᐦᒋ: ᐃᐢᐱ ᒫᑲ ᐃᐧᔨᒋᑳᐸᐃᐧᐢᑕᐋᐧᐟ ᐊᔨᓯᔨᓂᐊᐧ, ᑭ ᐊᔨᐃᐧᑳᐸᐃᐧᐢᑕᐁᐧᐤ ᐱᑳᐧᓂᐃ ᐊᔨᓯᔨᓂᐊᐧ ᐅᑎᐦᑎᒪᓂᕽ ᐅᐦᒋ ᐃᐢᐱᒥᕽ ᐃᓯ. 24ᐁᑯᓯ ᓵᒼᔪᐃᓬ ᑭ ᐃᑌᐤ ᑲᐦᑭᔭᐤ ᐊᔨᓯᔨᓂᐊ, ᑭ ᐋᐧᐸᒫᐋᐧᐤ ᒋ ᐊᓇ ᑳ ᑭᐦ ᓇᐊᐧᓱᓂᑯᐟ ᑳ ᑎᐯᔨᐦᒋᑫᔨᐟ, ᐁᑳ ᐊᐃᐧᔭ ᐁ ᑎᐱᐃᑯᐟ ᐁ ᐃᐦᑕᓯᔨᐟ ᐊᔨᓯᔨᓂᐊ? ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᑌᐯᐧᐊᐧᐠ, ᒥᓇ ᑭ ᐃᑌᐧᐊᐧᐠ, ᑭᓀᐧᐢ ᑭᑕ ᐃᐧ ᐱᒫᑎᓯᐤ ᑭᐦᒋ ᐅᑭᒫᐤ.
25ᐁᑲᐧ ᓵᒼᔪᐃᓬ ᑭ ᐃᐧᐦᑕᒪᐁᐧᐤ ᐊᔨᓯᔨᓂᐊᐧ ᐊᓂᒪ ᑭᑕ ᐊᔨᓯᒋᑫᕽ ᑭᐦᒋ ᐅᑭᒫᐃᐧᐃᐧᓂᕽ, ᒥᓇ ᑭ ᒪᓯᓇᐦᐊᒼ ᒪᓯᓇᐦᐃᑲᓂᕽ, ᐁᑯᓯ ᑭ ᓇᐊᐢᑖᐤ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. ᓵᒼᔪᐃᓬ ᒫᑲ ᑭ ᓯᐯᐧᑎᓴᐁᐧᐤ ᑲᐦᑭᔭᐤ ᐊᔨᓯᔨᓂᐊᐧ, ᑲᐦᑭᔭᐤ ᐊᔨᓯᔨᓂᐤ ᑭᑕ ᑭᐁᐧᐟ ᐃᐧᑭᕽ.
26ᓵᓬ ᒫᑲ ᐃᐧᐢᑕ ᑭ ᑭᐁᐧᐤ ᑭᐱᔭ; ᑭ ᐃᐧᒉᐃᐧᐠ ᒫᑲ ᑎᐱᑕᐦᑐ ᐊᔨᓯᔨᓂᐊ, ᐅ ᑌᐦᐃᔨᐊᐧ ᑳ ᑭ ᓴᐃᐧᓇᒥᔨᐟ ᑭᓭᒪᓂᑐᐊᐧ. 27ᒫᑲ ᐋᑎᐦᐟ ᒪᒋ ᐊᔨᓯᔨᓂᐊᐧᐠ ᑭ ᐃᑌᐧᐊᐧᐠ, ᑖᓂᓯ ᐃᐧᔭ ᐊᐊᐧ ᓈᐯᐤ ᑫ ᑭ ᐃᓯ ᐱᒫᒋᐦᐃᑯᔭᕽ? ᑭᐦ ᐋᑕᐁᐧᔨᒣᐊᐧᐠ ᒫᑲ, ᒥᓇ ᓇᒪ ᑫᑲᐧᐩ ᒣᑭᐃᐧᓇ ᑭ ᐯᑕᒪᐁᐧᐊᐧᐠ, ᒫᑲ ᓇᒪ ᓈᐣᑕᐤ ᐃᑌᐧᐤ.
Currently Selected:
ᓂᐢᑕᒼ ᓵᒼᔪᐃᓬ 10: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
