ᓂᐢᑕᑦ ᑭᐦᒋ ᐅᑭᒫᐊᐧᐠ 9
9
1ᑭ ᐊᔨᑭᐣ ᒫᑲ ᐃᐢᐱ ᓵᓬᐊᒪᐣ ᑳ ᑭᓯᑖᐟ ᐁ ᐅᓯᐦᑖᐟ ᐅ ᐋᐧᐢᑳᐦᐃᑲᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᑭᐦᒋ ᐅᑭᒫᐤ ᐅ ᐋᐧᐢᑳᐦᐃᑲᐣ, ᒥᓇ ᑲᐦᑭᔭᐤ ᓵᓬᐊᒪᐣ ᑳ ᐃᑌᔨᑕᕽ ᐁ ᐃᐧ ᐅᓯᐦᑖᐟ, 2#1 ᑭᐦᒋ ᐅᑭᒫᐊᐧᐠ 3:5; 2 ᐊᑭᓀ ᐋᒋᒧᐃᐧᓇ 1:7ᑳ ᑎᐯᔨᐦᒋᑫᔨᐟ ᑭ ᓄᑯᐦᐃᓱᐢᑖᐠ ᓵᓬᐊᒪᐣ ᐁᑲᐧ ᓂᓵᐧᐤ, ᑳ ᑭ ᐁᓯ ᓄᑯᐦᐃᓱᐢᑖᑯᐟ ᐊᓂᑕ ᑭᐱᔭᐣ. 3ᑳ ᑎᐯᔨᐦᒋᑫᔨᐟ ᒫᑲ ᑭ ᐃᑎᐠ, ᓂ ᑭ ᐯᐦᑌᐣ ᑭᐟ ᐊᔭᒥᐦᐋᐃᐧᐣ ᒥᓇ ᑭ ᒪᐃᐧᒧᐢᒋᑫᐃᐧᐣ ᑳ ᑭ ᐃᑌᐧᔭᐣ ᐁ ᐅᐦᑎᐢᑲᐃᐧᐢᑲᐃᐧᔭᐣ; ᓂ ᑭ ᑲᓈᒋᐦᑖᐣ ᐅᒪ ᐋᐧᐢᑳᐦᐃᑲᐣ ᑳ ᑭ ᐅᓯᐦᑖᔭᐣ, ᑭᑕ ᐊᐢᑖᔮᐣ ᓂ ᐃᐧᔪᐃᐧᐣ ᐁᑯᑕ ᑳᑭᑫ; ᐁᑯᓯ ᓂᐢᑭᓯᑲᐧ ᒥᓇ ᓂᑌᐦ ᐁᑯᑕ ᑭᑕ ᐊᔮᐊᐧ ᑳᑭᑫ. 4ᑭᔭ ᒫᑲ ᑭᐢᐱᐣ ᐃᓯ ᐱᒫᑎᓯᔭᓂ ᐁ ᐃᓯ ᐋᐧᐸᒥᑖᐣ, ᑖᐱᐢᑯᐨ ᑌᐱᐟ ᑯᑖᐃᐧ ᑳ ᑭ ᐃᓯ ᐱᒫᑎᓯᐟ, ᒥᔪ ᒥᑌᐦᐃᕽ ᒥᓇ ᑲᐧᔭᐢᑳᐧᑎᓯᐃᐧᓂᕽ, ᑭᑕ ᐃᑐᑕᒪᐣ ᑲᐦᑭᔭᐤ ᐊᓂᒪ ᑳ ᑭ ᐃᑕᓱᐋᐧᑎᑖᐣ, ᒥᓇ ᐃᐧ ᑲᓀᐧᔨᑕᒪᓂ ᓂ ᑲᑫᐢᑫᐧᐃᐧᓇ ᒥᓇ ᓄᔭᓱᐋᐧᓯᐁᐧᐃᐧᓇ; 5#1 ᑭᐦᒋ ᐅᑭᒫᐊᐧᐠ 2:4ᓂ ᑲ ᐋᔮᑕᐢᑖᐣ ᑭᐦᒋ ᐅᑭᒫᐊᐧᐱᐃᐧᐣ ᐁ ᑭᐦᒋ ᐅᑭᒫᑲᑕᐊᐧᒋᐠ ᐃᐢᕒᐁᐃᓬ ᑳᑭᑫ; ᑳ ᑭ ᐃᓯ ᐊᓱᑕᒪᐊᐧᐠ ᑌᐱᐟ ᑯᑖᐃᐧ ᐁ ᐃᑌᐧᔮᐣ, ᓇᒪᐃᐧᔭ ᑭ ᑲ ᓄᐦᑌᐸᔨᐃᐠ ᓈᐯᐤ ᑭᑕ ᐊᐱᐟ ᐃᐢᕒᐁᐃᓬ ᑭᐦᒋᐅᑭᒪᐊᐧᐱᐃᐧᓂᕽ. 6ᒫᑲ ᑭᐢᐱᐣ ᐳᓂ ᐱᒥᑎᓴᐅᔦᑯ, ᑭᔭᐋᐧᐤ ᐊᐦᐳ ᑭᐟ ᐊᐋᐧᓯᒥᓯᐋᐧᐊᐧᐠ, ᒥᓇ ᐁᑳ ᑲᓀᐧᔨᑕᒣᑯ ᓂᐟ ᐃᑕᓱᐁᐧᐃᐧᓇ ᒥᓇ ᓂ ᑲᑫᐢᑫᐧᐃᐧᓇ ᑳ ᑭ ᐅᐦᑎᐢᑲᐊᐧᐢᑖᐧᑕᑯᐠ, ᒫᑲ ᓇᑕᐃᐧ ᐊᑐᐢᑲᐋᐧᔦᑳᐧᐃᐧ ᑯᑕᑲᐠ ᒪᓂᑐᐊᐧᐠ ᒥᓇ ᐊᔭᒥᐦᐁᐢᑕᐋᐧᔦᑳᐧᐃᐧ; 7ᐁᑲᐧ ᓂ ᑲ ᑭᐢᑭᐁᐧᐸᐋᐧᐊᐧᐠ ᐃᐢᕒᐁᐃᓬ ᐁᑯᑕ ᐊᐢᑭᕽ ᐅᐦᒋ ᑳ ᑭ ᒥᔭᑭᐠ; ᒥᓇ ᐅᒪ ᐋᐧᐢᑳᐦᐃᑲᐣ, ᑳ ᑭ ᑲᓈᒋᐦᑖᔮᐣ ᓂ ᐃᐧᔪᐃᐧᐣ ᐅᐦᒋ, ᓂ ᑲ ᐁᐧᐱᓀᐣ ᐁᑳ ᑭᑕ ᐋᐧᐸᐦᑕᒫᐣ; ᒥᓇ ᐃᐢᕒᐁᐃᓬ ᓀᑳᒣᐧᐃᐧᐣ ᒥᓇ ᐱᐃᐧᑭᓵᐧᒋᑲᐣ ᑭᑕ ᐃᓯᐋᐤ ᐃᑕ ᐁ ᐊᔮᒋᐠ ᑲᐦᑭᔭᐤ ᐊᔨᓯᔨᓂᐊᐧᐠ; 8#2 ᑭᐦᒋ ᐅᑭᒫᐊᐧᐠ 25:9; 2 ᐊᑭᓀ ᐋᒋᒧᐃᐧᓇ 36:19ᐅᒪ ᒫᑲ ᐋᐧᐢᑳᐦᐃᑲᐣ ᐃᔨᑯᕽ ᐋᑕ ᑳ ᐃᐢᐹᐠ, ᐁᔨᐁᐧᕽ ᑲᐦᑭᔭᐤ ᐊᐃᐧᔭᐠ ᐁᑯᑕ ᑳ ᐱᒧᐦᑌᐟ ᑭᑕ ᒫᒪᐢᑳᑕᒼ, ᒥᓇ ᑭᑕ ᑯᐢᑯᐸᔨᐤ; ᑭᑕ ᐃᑌᐧᐊᐧᐠ ᒫᑲ, ᑖᓀᑭ ᑳ ᑎᐯᔨᐦᒋᑫᐟ ᐅᒥᓯ ᑳ ᑭ ᐃᑐᑕᕽ ᐅᒪ ᐊᐢᑭ, ᒥᓇ ᐅᒪ ᐋᐧᐢᑳᐦᐃᑲᐣ? 9ᑭᑕ ᐃᓯ ᓇᐢᑫᐧᐊᐧᓯᒧᐊᐧᐠ ᒫᑲ, ᒋᑫᒫ ᑭ ᓇᑲᑌᐊᐧᐠ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒥᐋᐧᐊᐧ, ᑳ ᑭ ᐯ ᐊᐧᔭᐃᐧᑕᐦᐋᔨᐟ ᐅᑖᐃᐧᐋᐧᐊᐧ ᐃᒋᑊᐟ ᐊᐢᑭᕽ ᐅᐦᒋ ᒥᓇ ᑭ ᐅᑎᐦᑎᓀᐊᐧᐠ ᑯᑕᑲ ᒪᓂᑐᐊᐧ, ᒥᓇ ᑭ ᐊᔭᒥᐦᐁᐢᑕᐁᐧᐊᐧᐠ ᒥᓇ ᑭ ᐊᑐᐢᑲᐁᐧᐊᐧᐠ; ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑭ ᐸᑭᑎᓇᒪᐁᐧᐤ ᑲᐦᑭᔭᐤ ᐅᒪ ᒪᒑᔨᐃᐧᐣ.
10ᑭ ᐊᔨᑭᐣ ᒫᑲ ᐁ ᐳᓂ ᓂᓯᑕᓇᐤ ᑕᐦᑐ ᐊᐢᑭᐋᐧᕽ, ᐃᑕ ᓵᓬᐊᒪᐣ ᑳ ᑭ ᐅᓯᐦᑖᐟ ᐊᓂᐦᐃ ᓂᓱ ᐋᐧᐢᑳᐦᐃᑲᓇ, ᐅ ᐋᐧᐢᑳᐦᐃᑲᐣ ᑳ ᑎᐯᔨᐦᒋᑫᐟ ᒥᓇ ᑭᐦᒋ ᐅᑭᒫᐤ ᐅ ᐋᐧᐢᑳᐦᐃᑲᐣ. 11(ᐦᐊᐃᕒᐊᒼ ᒫᑲ ᐊᓇ ᑖᔭᕒ ᑭᐦᒋ ᐅᑭᒫᐤ ᑭ ᐅᐦᑎᓇᒪᐁᐧᐤ ᓵᓬᐊᒪᓇ ᒫᓯᑭᐢᑳᑎᑲᐧ ᒥᓇ ᒥᓇᐦᐃᑲᐧ ᒥᓇ ᐅᓵᐃᐧᓱᓂᔮᐊᐧ, ᐃᔨᑯᕽ ᐁ ᐃᓯ ᓇᑕᐁᐧᔨᑕᒥᔨᐟ,) ᐁᑲᐧ ᑭᐦᒋ ᐅᑭᒫᐤ ᓵᓬᐊᒪᐣ ᑭ ᒥᔦᐤ ᐦᐊᐃᕒᐊᒪ ᓂᓯᑕᓇᐤ ᐅᑌᓇᐊᐧ ᑳᓬᐃᓬᐃ ᐊᐢᑭᕽ. 12ᐦᐊᐃᕒᐊᒼ ᒫᑲ ᑭ ᐯ ᐃᑐᐦᑌᐤ ᑖᔭᕒ ᐅᐦᒋ ᑭᑕ ᐋᐸᑕᕽ ᐊᓂᐦᐃ ᐅᑌᓇᐊᐧ ᓵᓬᐊᒪᓇ ᑳ ᑭ ᒥᔨᑯᐟ; ᓇᒪᐃᐧᔭ ᒫᑲ ᑭ ᒥᔦᐧᔨᑕᒼ. 13ᐁᑯᓯ ᑭ ᐃᑌᐧᐤ, ᑫᑯ ᐅᑌᓇᐊᐧ ᐅᐦᐃ ᑳ ᑭ ᒥᔨᔭᐣ ᓂᒋᐋᐧ? ᑫᐸᓬ ᐊᐢᑭ ᒫᑲ ᑭ ᐃᓯᔨᐦᑳᑕᒼ ᐱᔨᐢ ᐊᓄᐦᐨ ᑳ ᑭᓯᑳᐠ. 14ᐦᐊᐃᕒᐊᒼ ᒫᑲ ᑭ ᐃᓯᑎᓴᐦᐊᒪᐁᐧᐤ ᑭᐦᒋᐅᑭᒫᐊᐧ ᓂᑯᑖᐧᓱᒥᑕᓇᐤ ᑕᐦᑐ ᑖᓬᐃᐣᑕ ᐅᓵᐃᐧᓱᓂᔮᐊᐧ.
15ᐁᐊᐧᑯ ᒫᑲ ᐅᒪ ᐅᐦᒋ ᓵᓬᐊᒪᐣ ᑭᐦᒋ ᐅᑭᒫᐤ ᑳ ᑭ ᒫᒥᐢᑯᒋ ᐅᑎᓈᐟ ᐊᔨᓯᔨᓂᐊᐧ ᐁ ᐊᑐᐢᑲᐋᐟ; ᑭᑕ ᐅᓯᐦᑖᐟ ᐅ ᐋᐧᐢᑳᐦᐃᑲᓂᔨᐤ ᑳ ᑎᐯᔨᐦᒋᑫᔨᐟ, ᒥᓇ ᐃᐧᔭ ᐅ ᐋᐧᐢᑳᐦᐃᑲᐣ, ᒥᓇ ᒥᓬᐋ, ᒥᓇ ᒣᓂᐢᑭᑫᐃᐧᐣ ᒉᕒᐅᓴᓬᐊᒥᕽ, ᒥᓇ ᐦᐁᓵᕒ, ᒥᓇ ᒣᑭᑐ, ᒥᓇ ᑭᓴᕒ. 16ᒋᑫᒫ ᐯᕒᐅ ᐃᒋᑊᐟ ᑭᐦᒋ ᐅᑭᒫᐤ ᑭ ᐃᑐᐦᑌᐤ ᒥᓇ ᑭ ᐅᑎᓇᒼ ᑭᓴᕒ, ᒥᓇ ᑭ ᓴᐢᑲᐊᒼ, ᒥᓇ ᑭ ᓂᐸᐁᐤ ᑫᓇᓇᐃᑕ ᐁᑯᑕ ᑳ ᑭ ᐅᐟ ᐃᐦᑖᐃᐧᓂᔨᐟ, ᐁᑯᓯ ᑭ ᒥᔦᐤ ᐃᐢᐱ ᐁ ᐅᓈᐯᒥᔨᐟ ᐅᑖᓂᓴ ᓵᓬᐊᒪᐣ ᐃᐧᐃᐧᔨᐊᐧ. 17ᓵᓬᐊᒪᐣ ᒫᑲ ᑭ ᐅᓯᐦᑕᐤ ᑭᓴᕒ, ᒥᓇ ᐯᐟᐦᐋᕒᐊᐣ ᓂᐦᒑᔨᕽ ᑳ ᐊᔮᐠ, 18ᒥᓇ ᐯᐊᓬᐋᐦᐟ, ᒥᓇ ᑖᐟᒫᕒ ᐱᑲᐧᒑᔨᕽ, ᐁᑯᑕ ᐊᐢᑭᕽ, 19ᑲᐦᑭᔭᐤ ᒫᑲ ᐊᐢᑖᓱᐃᐧᓂ ᐅᑌᓇᐊᐧ ᓵᓬᐊᒪᐣ ᑳ ᐊᔮᐟ, ᒥᓇ ᐅᑌᓇᐊᐧ ᐅ ᑎᑎᐱᑖᐹᓈᐢᑲᐧ ᐃᑕ ᑭᑕ ᐊᔮᔨᐟ, ᒥᓇ ᐅᑌᓇᐊᐧ ᐅᑌᑕᐱᐊᐧ ᐃᑕ ᑭᑕ ᐊᔮᔨᐟ, ᒥᓇ ᐊᓂᒪ ᓵᓬᐊᒪᐣ ᑳ ᑭ ᐃᓯ ᒥᔦᐧᔨᑕᕽ ᑭᑕ ᐅᓯᐦᑖᐟ ᒉᕒᐅᓴᓬᐊᒥᕽ, ᒥᓇ ᓬᐁᐱᓇᓂᕽ, ᒥᓇ ᒥᓯᐁᐧ ᐊᐢᑭᕽ ᐃᑕ ᐁ ᑎᐯᔨᐦᑕᕽ. 20ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑳ ᑭ ᐃᐢᑯᐃᐦᒋᐠ ᐋᒪᕒᐊᐃᑕᐠ, ᐦᐃᑕᐃᑕᐠ, ᐯᕒᐃᓴᐃᑕᐠ, ᐦᐊᐃᐸᐃᑕᐠ, ᒥᓇ ᒉᑊᔪᓴᐃᑕᐠ, ᐁᑳ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑳ ᑭ ᐅᐦᒋᒋᐠ; 21ᐊᓂᐦᐃ ᐅᐟ ᐊᐋᐧᓯᒥᓯᐋᐧᐊᐧ ᑳ ᑭ ᐃᐢᑯᐃᒥᐦᐟ ᐊᐢᑭᕽ, ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᐁᑳ ᑳ ᑭ ᑲᐢᑭᑖᒋᐠ ᒥᑐᓂ ᑭᑕ ᓂᓯᐊᐧᓈᒋᐦᐋᒋᐠ, ᐁᐊᐧᑯᓂ ᓵᓬᐊᒪᐣ ᑭ ᐅᔭᑭᑕᒪᐁᐧᐤ ᐊᑐᐢᑫᐃᐁᐧᐃᐧᐣ ᐊᐋᐧᑳᐣ ᑳ ᐃᓯ ᐊᑐᐢᑫᔮᑲᓂᐃᐧᐟ ᐱᔨᐢ ᐊᓄᐦᐨ ᑳ ᑭᓯᑳᐠ. 22ᒫᑲ ᐃᐧᔭ ᐊᓂᐦᐃ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᓵᓬᐊᒪᐣ ᓇᒪᐃᐧᔭ ᐊᐊᐧᑳᓂᕽ ᑭ ᐃᓯ ᐊᑐᐢᑲᐦᐋᐤ; ᒫᑲ ᑭ ᓇᑐᐸᔨᐃᐧᔨᓂᐃᐧᐊᐧᐠ, ᒥᓇ ᑭ ᐅᐟ ᐊᑐᐢᑫᔮᑲᓂᐤ, ᑭ ᐅᐟ ᐅᑭᒫᒥᐤ, ᒥᓇ ᑭ ᐅ ᓯᒫᑲᓂᓯᐃᐧᑭᒫᒥᐤ, ᒥᓇ ᑭ ᑎᐯᔨᒣᔨᐊᐧ ᐅ ᑎᑎᐱᑖᐹᓈᐢᑲᐧ ᒥᓇ ᐅᑌᐦᑕᐱᐊᐧ. 23ᐁᐊᐧᑯᓂᐠ ᐅᑭ ᑳ ᑭ ᓂᑳᓀᔨᑖᑯᓯᒋᐠ ᐅᑭᒫᓯᓴᐠ ᑳ ᑭ ᑲᓇᐋᐧᐸᐦᑕᐦᑭᐠ ᓵᓬᐊᒪᐣ ᐅᐟ ᐊᑐᐢᑫᐃᐧᐣ, ᓂᔮᓇᓈᐧᐤ ᒥᑖᐦᑐᒥᑕᓇᐤ ᒥᓇ ᓂᔮᓇᓄᒥᑕᓇᐤ, ᑳ ᑎᐯᔨᒫᒋᐠ ᐊᔨᓯᔨᓂᐊᐧ ᑳ ᐊᑐᐢᑳᑕᒥᔨᐟ ᐊᑐᐢᑫᐃᐧᐣ.
24ᒫᑲ ᐯᕒᐅ ᐅᑖᓂᓴ ᑭ ᓇᑲᑕᒼ ᑌᐱᑕ ᐅᐟ ᐅᑌᓈᔨᐤ, ᐃᐧᑭᕽ ᐁ ᐃᑐᐦᑌᐟ ᓵᓬᐊᒪᐣ ᑳ ᑭ ᐅᓯᐦᑕᒪᐊᐧᐟ; ᐁᑲᐧ ᒫᑲ ᑭ ᐅᓯᐦᑖᐤ ᒥᓬᐅ.
25 #
ᐁᐠᓴᑕᐢ 23:17; 34:23; ᑎᔪᑕᕒᐊᓇᒥ 16:16 ᓂᐢᑖᐧᐤ ᒫᑲ ᑕᐦᑐ ᐊᐢᑭ ᓵᓬᐊᒪᐣ ᑭ ᐸᑭᑎᓇᒼ ᒪᒍᐢᑌᐦᐊᒫᑫᐃᐧᓇ ᒥᓇ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐸᑭᑎᓈᓱᐃᐧᓈᐱᐢᑯᕽ ᑳ ᑭ ᐅᓯᐦᑕᒪᐋᐧᐟ ᑳ ᑎᐯᔨᐦᒋᑫᔨᐟ, ᐁᑯᑕ ᐁ ᒣᐢᑎᑲᓴᕽ ᐃᐧᑭᒫᓯᑲᐣ ᐸᑭᑎᓈᓱᐃᐧᓈᐱᐢᑯᕽ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑳ ᐊᔮᐟ. ᐁᑯᓯ ᑭ ᐃᓯ ᑭᓯᑖᐤ ᐋᐧᐢᑳᐦᐃᑲᐣ.
26ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ ᑭ ᐅᓯᐦᑖᐤ ᓈᐱᑳᐧᓇ ᐊᓂᑕ ᐁᓯᔭᐣᑭᐸᕒ, ᑭᓯᐋᐧᐠ ᐃᓬᐋᐦᐟ ᑳ ᐊᔮᐠ, ᒪᑖᐃᐧᓵᕽ ᒥᐦᑳᐧᑲᒥᐃᐧ ᐃᐧᓂᐱᑯᕽ, ᐃᑕᒼ ᐊᐢᑭᕽ. 27ᐦᐊᐃᕒᐊᒼ ᒫᑲ ᑭ ᐃᓯᑎᓴᐁᐧᐤ ᓈᐱᑳᐧᓂᕽ ᐅᐟ ᐊᑐᐢᑫᔮᑲᓇ, ᓈᐱᑳᐧᓂᔨᓂᐊᐧ ᑳ ᓇᑲᒋᐦᑖᔨᐟ ᑭᐦᒋᑲᒥ, ᑭᑕ ᐃᐧᒉᐋᐧᔨᐟ ᓵᓬᐊᒪᓇ ᐅᐟ ᐊᑐᐢᑫᔮᑲᓂᔨᐊᐧ. 28ᑭ ᐯ ᐃᑐᐦᑌᐊᐧᐠ ᒫᑲ ᐋᐦᐸᕒᐃᕽ ᐁᑯᑕ ᐁ ᓈᑖᐋᐧᒋᐠ ᐅᓵᐃᐧᓱᓂᔮᐊᐧ, ᓀᐋᐧᐤ ᒥᑖᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᑕᐦᑐ ᑖᓬᐊᐣᑕ, ᐁᑯᓯ ᑭ ᐯᑕᒪᐁᐧᐊᐧᐠ ᑭᐦᒋ ᐅᑭᒫᐊᐧ ᓵᓬᐊᒪᓇ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 9: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
