ᓂᐢᑕᑦ ᑭᐦᒋ ᐅᑭᒫᐊᐧᐠ 10
10
1 #
ᒫᐟᔪ 12:42; ᓬᐅᐠ 11:31 ᐃᐢᐱ ᒫᑲ ᑳ ᑭᐦᒋ ᐅᑭᒫᐢᑫᐧᑲᑕᕽ ᓯᐸ ᐱᔦᐦᑕᕽ ᐁ ᐋᒋᒥᒥᐦᐟ ᓵᓬᐊᒪᓇ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ ᐅᐦᒋ, ᑭ ᐯ ᓇᑕᐃᐧ ᑲᑫᐧᒋᐁᐤ ᐁ ᐋᔨᒪᓂᔨᑭ ᑲᑫᐧᒋᑫᒧᐃᐧᓇ ᐅᐦᒋ. 2ᑭ ᐯ ᐃᑐᐦᑌᐤ ᒫᑲ ᒉᕒᐅᓴᓬᐊᒥᕽ ᒥᑐᓂ ᒥᐦᒉᐟ ᐁ ᐃᐧᒉᐃᐧᑯᐟ, ᐱᐢᑳᐧᐃᐧᑲᓇ ᐁ ᓇᔭᑕᒥᔨᐟ ᓯᐊᐧᐢᑭᐦᑭᔭ, ᒥᓇ ᒥᑐᓂ ᒥᐢᑕᐦᐃ ᐅᓵᐃᐧᓱᓂᔮᐊᐧ, ᒥᓇ ᓱᓂᔮᐊᐧᓯᓂᔭ; ᐃᐢᐱ ᒫᑲ ᐁᐧᑎᑖᐟ ᓵᓬᐊᒪᓇ, ᑭ ᐊᐧᐃᐧᑕᒪᐁᐧᐤ ᑲᐦᑭᔭᐤ ᑳ ᐃᑕᐢᑌᔨᐠ ᐅᑌᐦᐃᕽ. 3ᓵᓬᐊᒪᐣ ᒫᑲ ᑭ ᐃᐧᐦᑕᒫᐠ ᑲᐦᑭᔭᐤ ᐅ ᑲᑫᐧᒋᑫᒧᐃᐧᓇ; ᓇᒪ ᑫᑲᐧᐩ ᐁᑳ ᑭᑕ ᐃᐧᐦᑕᒫᑯᐟ ᑭᐦᒋ ᐅᑭᒫᐊᐧ. 4ᐃᐢᐱ ᒫᑲ ᐊᓇ ᓯᐸ ᑭᐦᒋ ᐅᑭᒫᐢᑫᐧᐤ ᑳ ᐋᐧᐸᐦᑕᒫᐧᐟ ᑲᐦᑭᔭᐤ ᐅᐟ ᐃᔨᓂᓯᐃᐧᓂᔨᐤ ᓵᓬᐊᒪᓇ, ᒥᓇ ᐋᐧᐢᑳᐦᐃᑲᐣ ᑳ ᑭ ᐅᓯᐦᑖᔨᐟ, 5ᒥᓇ ᒥᒋᐃᐧᐣ ᐅ ᒥᒋᓱᐃᐧᓈᑎᑯᕽ, ᒥᓇ ᐁ ᐃᑕᐱᔨᐟ ᐅᐟ ᐊᑐᐢᑫᔮᑲᓇ, ᒥᓇ ᐁ ᐃᓯ ᓂᐸᐃᐧᐢᑖᑯᐟ ᐅᐸᒥᑖᓱᐊᐧ, ᒥᓇ ᐁ ᐃᓯ ᑭᑭᐢᑲᒥᔨᐟ, ᒥᓇ ᑳ ᑕᐦᑯᓇᒥᔨᐟ ᐅ ᒥᓂᑳᐧᑲᓇ, ᒥᓇ ᐃᑕ ᑳ ᐋᒪᒋᐁᐧᔨᐟ ᐁ ᐃᑐᐦᑌᔨᐟ ᐅ ᐋᐧᐢᑲᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ; ᓇᒪᐋᐧᐨ ᐊᐊᐧᓯᒣ ᑭᑭᐢᑳᐠ ᒪᐢᑲᐁᐧᔨᑕᒧᐃᐧᐣ. 6ᑭ ᐃᑌᐤ ᒫᑲ ᑭᐦᒋ ᐅᑭᒫᐊᐧ, ᑭ ᑖᐹᐧᓂᐋᐧᐣ ᐁᓵᓂ ᑳ ᑭ ᐯᑕᒫᐣ ᓂᔭ ᓂᐟ ᐊᐢᑭᕽ ᐁ ᐋᑐᑖᑲᐧᐦᑭ ᑭᐟ ᐃᓯᐦᒋᑫᐃᐧᓇ ᒥᓇ ᑭᐟ ᐃᔨᓂᓯᐃᐧᐣ. 7ᐁᔨᐁᐧᕽ ᒫᑲ ᓇᒪᐃᐧᔭ ᓂ ᑭ ᑖᐯᐧᑌᐣ ᐃᑌᐧᐃᐧᓇ, ᐹᑎᒫ ᐃᔨᑯᕽ ᑳ ᐯ ᐃᑐᐦᑌᔮᐣ, ᒥᓇ ᓂᐢᑭᓯᑯᕽ ᐅᐦᒋ ᑳ ᐋᐧᐸᐦᑕᒫᐣ; ᐁᑯᓯ ᐳᑎ, ᓇᒪᐋᐧᐨ ᐋᐱᑕᐤ ᓄᐦ ᐃᐧᐦᑕᒫᑲᐃᐧᐣ; ᑭᐟ ᐃᔨᓂᓯᐃᐧᐣ ᒥᓇ ᑭ ᒥᔪ ᐊᔮᐃᐧᐣ ᐊᔨᐋᐧᑭᐢᑲᒧᒪᑲᐣ ᐋᒋᒧᐃᐧᐣ ᑳ ᑭ ᐯᑕᒫᐣ. 8ᒥᔪ ᐊᔮᐊᐧᐠ ᑭᐟ ᐊᔨᓯᔨᓂᒪᐠ ᒥᔪ ᐊᔮᐊᐧᐠ ᐅᑭ ᑭᐟ ᐊᑐᐢᑫᔮᑲᓇᐠ, ᑕᐦᑭᓀ ᑳ ᐅᐦᑎᐢᑲᐃᐧᑳᐸᐃᐧᐢᑖᐢᑭᐠ, ᒥᓇ ᑳ ᐯᐦᑕᐦᑭᐠ ᑭᐟ ᐃᔨᓂᓯᐃᐧᐣ. 9ᑭᑕ ᐃᐧ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑳ ᑭ ᒥᔦᐧᔨᒥᐢᐠ, ᐁ ᐊᐱᐃᐢᐠ ᐅ ᑭᐦᒋ ᐅᑭᒫᐊᐧᐱᐃᐧᓂᕽ ᐃᐢᕒᐁᐃᓬ; ᒋᑫᒫ ᑳ ᑎᐯᔨᐦᒋᑫᐟ ᐁ ᑭ ᓵᑭᐦᐋᐟ ᐃᐢᕒᐁᐃᓬᐊ ᑳᑭᑫ, ᐁᐊᐧᑯ ᐅᐦᒋ ᑳ ᑭᐦᒋ ᐅᑭᒫᑳᑎᐢᐠ, ᑭᑕ ᐃᑐᑕᒪᐣ ᐅᔭᓱᐁᐧᐃᐧᐣ ᒥᓇ ᑲᐧᔭᐢᐠ ᐅᔭᓱᐋᐧᓯᐁᐧᐃᐧᐣ. 10ᑭ ᒥᔦᐤ ᒫᑲ ᑭᐦᒋ ᐅᑭᒫᐊᐧ ᒥᑖᐦᑐᒥᑕᓇᐤ ᒥᓇ ᓂᓯᑕᓇᐤ ᐊᔨᐋᐧᐠ ᑕᐦᑐ ᑖᓬᐊᐣᑕ ᐅᓵᐃᐧᓱᓂᔮᐊᐧ, ᒥᓇ ᓯᐊᐧᐢᑭᐦᑭᔭ ᒥᑐᓂ ᒥᐢᑕᐦᐃ, ᒥᓇ ᓱᓂᔮᐊᐧᓯᓂᔭ; ᓇᒪᐃᐧᑳᐨ ᐁᑯᔨᑯᕽ ᒥᐢᑕᐦᐃ ᓯᐊᐧᐢᑭᑭᔭ ᑭ ᐯᑖᓂᐊᐧᓇᐧ ᐃᔨᑯᕽ ᐅᐦᐃ ᓯᐸ ᑭᐦᒋ ᐅᑭᒫᐢᑫᐧᐤ ᑳ ᑭ ᒥᔮᐟ ᓵᓬᐊᒪᓇ. 11ᒥᓇ ᐅ ᓈᐱᑳᐧᓇ ᐦᐊᐃᕒᐊᒼ, ᑳ ᐯᑕᐅᔮᒋᐠ ᐅᓵᐃᐧᓱᓂᔭᐊᐧ ᐋᐦᐸᕒ ᐅᐦᒋ, ᑭ ᐯᑕᐅᔦᐊᐧᐠ ᐋᐦᐸᕒ ᐅᐦᒋ ᑭᐦᒋ ᒥᐦᒉᐟ ᐋᓬᒪᑳᐧᑎᑲᐧ ᒥᓇ ᓱᓂᔮᐊᐧᓯᓂᔭ. 12ᑭᐦᒋ ᐅᑭᒫᐤ ᒫᑲ ᑭ ᐅᓯᐦᐁᐤ ᐊᓂᐦᐃ ᐋᓬᒪᑳᐧᑎᑲᐧ ᐅᐦᒋ ᒋᒪᒋᑲᓇ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ, ᒥᓇ ᑭᐦᒋ ᐅᑭᒫᐤ ᐅ ᐋᐧᐢᑳᐦᐃᑲᓂᕽ, ᐦᐋᕒᐸ ᐊᓯᒋ ᒥᓇ ᓵᓬᑕᕒᐃᐊ ᐅᓂᑲᒧᐋᐧᐠ ᑭᑕ ᐋᐸᒋᐦᑖᒋᐠ; ᓇᒪᐃᐧᑳᐨ ᒥᓇ ᐁᑯᔨᑯᕽ ᐋᓬᒪᑳᐧᑎᑲᐧᐠ, ᐊᐦᐳ ᓇᒪᐃᐧᔭ ᑭ ᐅᐦᒋ ᐋᐧᐸᒫᐊᐧᐠ ᐱᔨᐢ ᐊᓄᐦᐨ ᑳ ᑭᓯᑳᐠ. 13ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ ᑭ ᒥᔦᐤ ᓯᐸ ᑭᐦᒋ ᐅᑭᒫᐢᑫᐧᐊᐧ ᑲᐦᑭᔭᐤ ᑳ ᐃᓯ ᓇᑕᐁᐧᔨᑕᒥᔨᐟ, ᐱᑯ ᑫᑲᐧᐩ ᐁ ᓇᑐᑕᒥᔨᐟ, ᐋᑕᐃᐧᔭ ᒥᓇ ᐱᐢᑭᐦᐨ ᐊᓂᒪ ᓵᓬᐊᒪᐣ ᑳ ᑭ ᒥᔮᐟ ᐅ ᑭᐦᒋ ᐅᑭᒫᐃᐧ ᐁᐧᔪᑎᓇᒫᑫᐃᐧᐣ. ᐁᑯᓯ ᒫᑲ ᑭ ᑭᐁᐧᐤ, ᐅᐟ ᐊᐢᑭᕽ ᐁ ᑭ ᐃᑐᐦᑌᐟ ᐃᐧᔭ ᒥᓇ ᐅᐟ ᐊᑐᐢᑫᔮᑲᓇ.
14ᐁ ᐃᐢᐱᑎᓂᑲᐧᑎᔨᐟ ᒫᑲ ᐅᓵᐃᐧᓱᓂᔮᐊᐧ ᑳ ᑭ ᐅᑎᐦᑎᑯᐟ ᓵᓬᐊᒪᐣ ᐯᔭᐠ ᐊᐢᑭ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓂᑯᑖᐧᓱᒥᑕᓇᐤ ᓂᑯᑖᐧᓱᓵᑊ ᑖᓬᐊᐣᑕ ᐅᓵᐃᐧᓱᓂᔮᐤ, 15ᐋᑕᐃᐧᔭ ᒥᓇ ᐊᓂᒪ ᑳ ᒥᔨᑯᐟ ᐅᑕᑖᐁᐧᓴ, ᒥᓇ ᐅᐟ ᐊᑖᐁᐧᐃᐧᓂᐋᐧᐤ ᐊᑖᐁᐧᐃᐧᔨᓂᐊᐧᐠ, ᒥᓇ ᑲᐦᑭᔭᐤ ᐅ ᑭᐦᒋ ᐅᑭᒫᒥᐋᐧᐊᐧ ᑳ ᑭᔨᑲᐁᐧᔭᑎᒋᐠ ᐊᔨᓯᔨᓂᐊᐧᐠ, ᒥᓇ ᑳ ᐅᔭᓱᐁᐧᐃᐧᑭᒫᐃᐧᒋᐠ ᐁᑯᑕ ᐊᐢᑭᕽ.
16ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ ᑭ ᐅᓯᐦᐁᐤ ᓂᓵᐧᐤ ᒥᑖᐦᑐᒥᑕᓇᐤ ᑭᐦᒋ ᐸᐸᐦᐊᐦᑳᐧᓇ ᐁ ᐅᔭᑕᐅᐦᐟ ᐅᓵᐃᐧᓱᓂᔮᐋᐧᐱᐢᐠ; ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᓭᑭᓬᐊ ᐅᓵᐃᐧᓱᓂᔮᐤ ᑭ ᐃᐢᐸᔨᐤ ᐯᔭᐠ ᑭᐦᒋ ᐸᐸᐦᐊᐦᑳᐧᐣ. 17ᒥᓇ ᑭ ᐅᓯᐦᐁᐤ ᓂᐢᑖᐧᐤ ᒥᑖᐦᑐᒥᑕᓇᐤ ᐸᐸᐊᑳᐧᓂᓴ ᐁ ᐅᔭᑕᐅᐦᐟ ᐅᓵᐃᐧᓱᓂᔮᐤ; ᓂᐢᑐ ᑯᓯᑲᐧᐣ ᐅᓵᐃᐧᓱᓂᔮᐤ ᑭ ᐃᐢᐸᔨᐤ ᐯᔭᐠ ᐸᐸᐊᑳᐧᓂᐢ; ᑭᐦᒋ ᐅᑭᒫᐤ ᒫᑲ ᑭ ᐸᑭᑎᓀᐤ ᐊᓂᒪ ᐋᐧᐢᑳᐦᐃᑲᓂᕽ ᓬᐁᐱᓇᐣ ᓴᑳᐢᑳᐧᕽ.
18ᐁᑲᐧ ᒥᓇ ᑭᐦᒋ ᐅᑭᒫᐤ ᑭ ᐅᓯᐦᑖᐤ ᐁ ᒥᓵᐠ ᑭᐦᒋ ᐅᑭᒫᐊᐧᐱᐃᐧᐣ ᐋᐧᐱᑲᐣ ᐅᐦᒋ, ᐁᑯᓯ ᑭ ᐁᐧᐁᐧᑲᒧᐁᐤ ᒫᐊᐧᐨ ᐁ ᒥᔪᓯᔨᐟ ᐅᓵᐃᐧᓱᓂᔮᐊᐧ. 19ᑭ ᐃᐢᑳᐧᑕᐃᐧᐃᐧᓂᐊᐧᐣ ᓂᑯᑖᐧᓯᐠ ᑕᐦᑯᐢᑫᐃᐧᐣ ᐊᓂᒪ ᑭᐦᒋ ᐅᑭᒫᐊᐧᐱᐃᐧᐣ, ᐁᑯᓯ ᑕᐦᑯᐨ ᐊᓂᒪ ᑭᐦᒋᐊᐱᐃᐧᐣ ᑭ ᐋᐧᐃᐧᔦᑖᓂᐊᐧᐣ ᒥᐢᐱᐢᑲᐧᓂᕽ ᐃᑌᐦᑫ; ᐁᑯᓯ ᒥᐢᐱᑐᓂᑳᒋᑲᓇ ᑭ ᐊᔮᐊᐧ ᐋᔨᑕᐤ ᐊᐱᐃᐧᓂᕽ, ᒥᓇ ᓂᓱ ᒥᐢᑕᐦᑫᓯᑳᓇᐠ ᐁ ᓂᐸᐃᐧᐢᑕᑭᐠ ᒥᐢᐱᑐᓂᑳᒋᑲᓇ. 20ᒥᑖᑕᐦᐟ ᓂᓱᓵᑊ ᒫᑲ ᒥᐢᑕᐦᑫᓯᑳᓇᐠ ᑭ ᓂᐸᐃᐧᐊᐧᐠ ᓇᐸᑌ ᒥᓇ ᑫᐧᐢᑭ ᐊᓂᐦᐃ ᓂᑯᑖᐧᓯᐠ ᑕᐦᑯᐢᑫᐃᐧᓇ; ᓇᒪᐋᐧᐨ ᐁᑯᓯ ᐁ ᐃᓯᓈᑲᐧᕽ ᑭ ᐅᐦᒋ ᐅᓯᐦᒋᑳᑌᐤ ᓈᐣᑕᐤ ᑭᐦᒋ ᐅᑭᒫᐃᐧᐃᐧᓂᕽ.
21ᑲᐦᑭᔭᐤ ᒫᑲ ᐅ ᒥᓂᑳᐧᑲᓇ ᓵᓬᐊᒪᐣ ᐅᓵᐃᐧᓱᓂᔮᐤ, ᒥᓇ ᑲᐦᑭᔭᐤ ᐊᓯᐊᐧᒋᑲᓇ ᐊᓂᒪ ᐋᐧᐢᑳᐦᐃᑲᐣ ᓬᐁᐱᓇᐣ ᓴᑳᐢᑳᐧᕽ ᑭ ᒣᒧᐦᒋ ᐅᓵᐃᐧᓱᓂᔮᐊᐧᓇᐧ; ᓇᒪᐋᐧᐨ ᐯᔭᐠ ᐋᐧᐱᐢᑭᓱᓂᔮᐤ ᐃᐧᔭ; ᓇᒪᐋᐧᐨ ᓈᐣᑕᐤ ᑭ ᐃᑕᑭᒋᑳᓱ ᒣᑳᐧᐨ ᓵᓬᐊᒪᐣ ᑳ ᐅ ᑭᓯᑳᒥᐟ. 22ᒋᑫᒫ ᑭᐦᒋ ᐅᑭᒫᐤ ᑭ ᐊᔮᐤ ᑭᐦᒋᑲᒥᕽ ᑖᕒᓯᐢ ᓈᐱᑳᐧᓇ ᐊᓯᒋ ᐅ ᓈᐱᑳᐧᓇ ᐦᐊᐃᕒᐊᒼ; ᑕᐦᑖᐧᐤ ᐁ ᐊᑎ ᓂᐢᑐᐊᐢᑭᐊᐧᕽ ᐯᔭᑳᐧᐤ ᑭ ᐸᐸᔨᐊᐧ ᐊᓂᐦᐃ ᓈᐱᑳᐧᓇ ᑖᕒᓯᐢ ᑳ ᐅᐦᒋᑭ ᐁ ᐯᑕᐅᔮᒋᐠ ᐅᓵᐃᐧᓱᓂᔮᐊᐧ, ᒥᓇ ᐋᐧᐱᐢᑭᓱᓂᔮᐊᐧ, ᒥᓇ ᐊᔨᓯᓈᑫᓯᓴ, ᒥᓇ ᑭᓄᑕᓀᐃᐧ ᒥᓯᔦᐊᐧ.
23ᐁᑯᓯ ᒫᑲ ᑭᐦᒋ ᐅᑭᒫᐤ ᓵᓬᐊᒪᐣ ᑭ ᐊᔨᐋᐧᑭᐢᑲᐁᐧᐤ ᑲᐦᑭᔭᐤ ᑭᐦᒋ ᐅᑭᒫᐊᐧ ᐊᐢᑭᕽ ᑳ ᐊᔮᔨᐟ ᐁᐧᔪᑎᓯᐃᐧᓂᕽ ᒥᓇ ᐃᔨᓂᓯᐃᐧᓂᕽ. 24ᒥᓯᐁᐧ ᒫᑲ ᐊᐢᑭ ᑭ ᓇᓈᑐᓈᐠ ᓵᓬᐊᒪᐣ, ᑭᑕ ᐯᑕᒥᔨᐟ ᐅᐟ ᐃᔨᓂᓯᐃᐧᐣ, ᑭᓭᒪᓂᑐᐊᐧ ᑳ ᑭ ᐊᐢᑖᔨᐟ ᐅᑌᐦᐃᕽ. 25ᑭ ᐯᑖᐊᐧᐠ ᒫᑲ ᑲᐦᑭᔭᐤ ᐊᔨᓯᔨᓂᐤ ᐅ ᒣᑭᐃᐧᐣ, ᐋᐧᐱᐢᑭᓱᓂᔮᐤ ᐊᓯᐊᐧᒋᑲᓇ, ᒥᓇ ᐅᓵᐃᐧᓱᓂᔮᐤ ᐊᓯᐊᐧᒋᑲᓇ, ᒥᓇ ᑭᑭᐢᑳᒋᑲᐣ, ᒥᓇ ᓇᑐᐸᔨᐃᐧ ᑭᑭᐢᑳᒋᑲᐣ, ᒥᓇ ᓯᐊᐧᐢᑭᐦᑭᔭ, ᒥᓇ ᒥᐢᑕᑎᒪᐧ, ᒥᓇ ᓱᓱᒥᐢᑕᑎᒪᐧ, ᑕᐦᑐ ᐊᐢᑭ ᑎᐱᑕᐦᑐ.
26 #
1 ᑭᐦᒋ ᐅᑭᒫᐊᐧᐠ 4:26
ᓵᓬᐊᒪᐣ ᒫᑲ ᑭ ᒫᐊᐧᒋᐦᐁᐤ ᑎᑎᐱᑖᐹᓈᐢᑲᐧ ᒥᓇ ᐅᑌᑕᐱᐊᐧ; ᐁᑯᓯ ᑭ ᐊᔮᐁᐧᐤ ᑭᐦᒋᒥᑖᐦᑐᒥᑕᓇᐤ ᐊᔨᐊᐧᐠ ᓀᐋᐤ ᒥᑖᐦᑐᒥᑕᓇᐤ ᑎᑎᐱᑖᐹᓈᐢᑲᐧ, ᒥᓇ ᒥᑖᑕᐦᐟ ᓂᓱᓵᑊ ᑕᐦᑐ ᑭᐦᒋᒥᑖᐦᑐᒥᑕᓇᐤ ᐅᑌᑕᐱᐊᐧ, ᐁᐊᐧᑯᓂ ᑭ ᐃᐦᑕᑌᐤ ᑎᑎᐱᑖᐹᓈᐢᑯ ᐅᑌᓈᕽ ᒥᓇ ᐃᑕ ᐁ ᐊᔮᐟ ᑭᐦᒋ ᐅᑭᒫᐤ ᒉᕒᐅᓴᓬᐊᒥᕽ. 27#ᑎᔪᑕᕒᐊᓇᒥ 17:17ᑭᐦᒋ ᐅᑭᒫᐤ ᒫᑲ ᑭ ᐃᓯ ᐁᐧᔪᒋᐁᐤ ᐋᐧᐱᐢᑭᓱᓂᔮᐊᐧ ᒉᕒᐅᓴᓬᐊᒥᕽ ᑖᐱᐢᑯᐨ ᐊᓯᓂᔭᐠ, ᒥᓇ ᒫᓯᑭᐢᑲᐧ ᑖᐱᐢᑯᐨ ᓯᑲᒫᕒ ᑐᐋᐧᑎᑲᐧᐠ ᑕᐸᑖᔭᐋᐧᕽ ᑳ ᐃᓯ ᐁᐧᔪᒋ ᐊᔮᒋᐠ.
28 #
ᑎᔪᑕᕒᐊᓇᒥ 17:16
ᒥᐢᑕᑎᒪᐧ ᒫᑲ ᓵᓬᐊᒪᐣ ᑳ ᐊᔮᐋᐧᐟ ᐃᒋᑊᑎᕽ ᑭ ᐯ ᐅᐦᑐᑕᐋᐊᐧᐠ; ᑭᐦᒋ ᐅᑭᒫᐤ ᐅᐟ ᐊᑖᐁᐧᐃᐧᔨᓂᒪ ᑭ ᐅᑎᓀᐊᐧᐠ ᐁ ᐋᐊᓯᑎᓴᐅᒥᐦᐟ, ᐸᐯᐢᑭᐢ ᐁ ᐊᓯᑎᓴᐅᒥᐦᐟ ᐁ ᐃᓯ ᑎᐸᐋᐧᒋᐠ. 29ᑎᑎᐱᑖᐹᓈᐢᐠ ᒫᑲ ᑭ ᐯ ᐃᐢᐸᔨᐤ ᐃᒋᑊᑎᕽ ᐁ ᐯ ᐅᐦᒋᐸᔨᐟ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᑕᐦᑖᐧᐱᐢᐠ ᐋᐧᐱᐢᑭᓱᓂᔮᐤ ᐁ ᐃᑕᑭᓱᐟ, ᐁᑯᓯ ᒥᐢᑕᑎᒼ ᒥᑖᐦᑐᒥᑕᓇᐤ ᓂᔮᓇᓄᒥᑕᓇᐤ ᐃᔨᑯᕽ; ᐁᑯᓯ ᒫᑲ ᒥᓇ ᒣᐧᐦᒋ ᐃᔨᑯᕽ ᑲᐦᑭᔭᐤ ᐅ ᑭᐦᒋ ᐅᑭᒫᒥᐋᐧᐊᐧ ᐦᐃᑕᐃᑕᐠ ᐅᐦᒋ, ᒥᓇ ᓯᕒᐃᔭ ᑭᐦᒋ ᐅᑭᒫᐊᐧᐠ ᐅᐦᒋ, ᑭ ᐯᓯᐁᐧᐊᐧᐠ ᐁ ᐃᓯ ᐋᐸᒋᐋᒋᐠ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 10: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
