ᓂᐢᑕᑦ ᑭᐦᒋ ᐅᑭᒫᐊᐧᐠ 8
8
1 #
2 ᓵᒼᔪᐃᓬ 6:12-16; 1 ᐊᑭᓀ ᐋᒋᒧᐃᐧᓇ 15:25-29 ᓵᓬᐊᒪᐣ ᒫᑲ ᑭ ᒫᐊᐧᒋᐦᐁᐤ ᑳ ᓂᑳᓀᔨᑖᑯᓯᔨᐟ ᐃᐢᕒᐁᐃᓬᐊ, ᒥᓇ ᑲᐦᑭᔭᐤ ᐊᓂᐦᐃ ᑳ ᓂᑳᓇᑭᒥᒥᐦᐟ ᐁ ᐱᐢᑭᑐᑌᐃᐧᓯᔨᐟ, ᑳ ᐅᑭᒫᑲᑕᑭᐠ ᐅᑖᐃᐧᐋᐧᐊᐧ ᐃᐧᑭᔨᕽ ᐅᐟ ᐊᐋᐧᓯᒥᓴ ᐃᐢᕒᐁᐃᓬ, ᑭ ᒫᒪᐃᐧ ᓈᑌᐊᐧᐠ ᑭᐦᒋ ᐅᑭᒫᐊᐧ ᓵᓬᐊᒪᓇ ᒉᕒᐅᓴᓬᐊᒥᕽ, ᑭᑕ ᐯᑖᒋᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐅᐟ ᐅᑌᓈᕽ ᐅᐦᒋ ᑌᐱᐟ, ᐁᐊᐧᑳᐧᓂᒪ ᓵᔭᐣ. 2#ᓬᐃᐱᑎᑲᐢ 23:34ᑲᐦᑭᔭᐤ ᒫᑲ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᒫᒪᐃᐧ ᒫᐊᐧᒋᐦᐃᑐᐊᐧᐠ ᐃᑕ ᐁ ᐊᔮᔨᐟ ᓵᓬᐊᒪᓇ ᑭᐦᒋ ᐅᑭᒫᐊᐧ, ᐃᐧᐦᑯᐦᑐᐃᐧᓂᕽ ᐁ ᐊᑭᒥᐦᐟ ᐊᓇ ᐃᑕᓂᒼ ᐱᓯᒼ, ᐁᐊᐧᑯ ᑌᐸᑯᑊ ᐱᓯᒼ. 3ᐁᑯᓯ ᑲᐦᑭᔭᐤ ᑳ ᓂᑳᓀᔨᑖᑯᓯᒋᐠ ᐃᐢᕒᐁᐃᓬ ᑭ ᐯ ᐃᑐᐦᑌᐊᐧᐠ, ᐊᔭᒥᐦᐁᐃᐧᔨᓂᐊᐧᐠ ᒫᑲ ᑭ ᐅᑎᓇᒪᐧᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ. 4ᑭ ᐯᑖᐊᐧᐠ ᒫᑲ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ, ᒥᓇ ᒫᐊᐧᒋᐦᐃᑐᐃᐧ ᒥᑭᐋᐧᑊ, ᒥᓇ ᑲᐦᑭᔭᐤ ᑳ ᑲᓈᑕᑭ ᐊᓯᐊᐧᒋᑲᓇ ᒥᑭᐋᐧᐱᕽ ᑳ ᑭ ᐊᔮᑭ; ᐁᐊᐧᑯᓂ ᐅᑎ ᐊᔭᒥᐦᐁᐃᐧᔨᓂᐊᐧᐠ ᒥᓇ ᓬᐃᐸᐃᑕᐠ ᑭ ᐯᑖᐊᐧᐠ. 5ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ, ᒥᓇ ᑲᐦᑭᔭᐤ ᑳ ᒫᒪᐁᐧᔭᑎᒋᐠ ᐃᐢᕒᐁᐃᓬ ᑳ ᑭ ᒫᐊᐧᒋᐦᐃᑐᒋᐠ ᐃᑕ ᐁ ᐊᔮᐟ, ᑭ ᐃᐧᒉᐃᐧᐠ ᐅᑎᐢᑲᐤ ᑭᐢᑭᓇᐋᐧᒋᐅᐃᐧᓂᐊᐧᐟ, ᐁ ᐸᑭᑎᓈᓱᒋᐠ ᒫᔭᑎᐦᑲᐧ ᒥᓇ ᒧᐢᑐᓴ. ᐁᑳ ᑭᑕ ᑭ ᐃᐧᐦᑕᒥᕽ ᐊᐦᐳ ᑭᑕ ᑭ ᐊᑭᒥᐦᒋᐠ ᐁ ᐃᓯ ᐅᓵᒣᔭᑎᒋᐠ. 6ᐊᔭᒥᐦᐁᐃᐧᔨᓂᐊᐧᐠ ᒫᑲ ᑭ ᐱᑐᑲᑖᐊᐧᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐃᑕ ᑭᑕ ᐊᐢᑌᐠ ᐱᐦᒋ ᐃᐧᐦᑕᒫᑫᐃᐧᓂᕽ ᐋᐧᐢᑳᐦᐃᑲᓂᕽ, ᐃᑕ ᒫᒪᐁᐧᔭᐢ ᐁ ᑲᓈᑕᕽ, ᐊᓂᑕ ᐅᑎ ᓯᐹ ᐅᑕᑕᑲᓂᐋᐧᕽ ᒉᕒᐊᐱᒼ. 7ᐊᔨᐢ ᐊᓂᑭ ᒉᕒᐊᐱᒼ ᑭ ᓱᐃᐧᑕᑕᑲᐧᓀᐊᐧᐠ ᐃᐢᐱᒥᕽ ᐃᓯ ᐃᑕ ᐁ ᐊᔮᐠ ᑭᐢᑭᓇᐋᐧᒋᐅᐃᐧᓂᐊᐧᐟ, ᐁᑯᓯ ᐊᓂᑭ ᒉᕒᐊᐱᒼ ᑭ ᐊᑲᐧᓂᐢᑲᒪᐧᐠ ᑭᐢᑭᓇᐋᐧᒋᐅᐃᐧᓂᐊᐧᐟ ᐊᓯᒋ ᐊᐸᓱᔭ ᐃᐢᐱᒥᕽ ᐃᓯ. 8ᑭ ᔮᔨᐢᑭᓇᒪᐧᐠ ᒫᑲ ᐊᐸᓱᔭ ᐁᑯᓯ ᐁ ᑭᓯᐹᐢᑲᐧᑭ ᐊᐸᓱᔭ ᑭ ᓄᑲᐧᓇᐧ ᐃᑕ ᑳ ᑲᓈᑕᕽ ᐅᐦᒋ ᐅᐦᑎᐢᑲᐤ ᐊᓂᒪ ᐃᐧᐦᑕᒫᑫᐃᐧᐣ; ᒫᑲ ᓇᒪᐃᐧᔭ ᐊᐧᔭᐃᐧᑎᒫᔨᕽ ᐅᐦᒋ ᓄᑲᐧᓇᐧ; ᐁᑯᑕ ᒫᑲ ᐊᔮᐊᐧ ᐱᔨᐢ ᐊᓄᐦᐨ ᑳ ᑭᓯᑳᐠ. 9#ᑎᔪᑕᕒᐊᓇᒥ 10:5ᓇᒪᐃᐧᔭ ᑫᑲᐧᐩ ᐊᓯᐊᐧᑌᐤ ᑭᐢᑭᓇᐋᒋᐅᐃᐧᓂᐊᐧᑎᕽ ᐱᑯ ᐊᓂᐦᐃ ᓂᓱ ᓇᐸᑳᐱᐢᑲᐧ ᒧᓯᐢ ᑳ ᑭ ᐊᓯᐊᐧᔮᐟ ᐊᓂᑕ ᐦᐋᕒᐃᑊ, ᐃᐢᐱ ᑳ ᑎᐯᔨᐦᒋᑫᐟ ᑳ ᐃᐧᒋᐦᐃᓯᒋᑫᒫᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᐃᒋᑊᐟ ᐊᐢᑭᕽ ᑳ ᐯ ᐅᐦᑐᑌᔨᐟ. 10#ᐁᐠᓴᑕᐢ 40:34,35ᑭ ᐊᔨᑭᐣ ᒫᑲ ᐃᐢᐱ ᐊᔭᒥᐦᐁᐃᐧᔨᓂᐊᐧᐠ ᑳ ᐯ ᐊᐧᔭᐃᐧᒋᐠ ᑳ ᑲᓈᑕᓂᔨᐠ ᐅᐦᒋ, ᐊᓂᒪ ᐊᐧᐢᑯ ᑭ ᒧᐢᑭᓀᐤ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ; 11ᐁᑯᓯ ᐊᔭᒥᐦᐁᐃᐧᔨᓂᐊᐧᐠ ᓇᒪᐃᐧᔭ ᑲᐢᑭᑖᐊᐧᐠ ᑭᑕ ᓂᐸᐃᐧᒋᐠ ᑭᑕ ᐸᒥᑖᓱᒋᐠ ᐊᓂᒪ ᐊᐧᐢᑯ ᐅᐦᒋ; ᒋᑫᒫ ᐅ ᒪᓂᑐᐋᐧᐢᑌᐃᐧᐣ ᑳ ᑎᐯᔨᐦᒋᑫᐟ ᑭ ᒧᐢᑭᓀᐢᑲᒧᒪᑲᐣ ᐅ ᐋᐧᐢᑳᐦᐃᑲᐣ ᑳ ᑎᐯᔨᐦᒋᑫᐟ.
12 #
ᓂᑲᒧᓇ 18:11; 97:2 ᐁᑲᐧ ᒫᑲ ᑭ ᐱᑭᐢᑫᐧᐤ ᓵᓬᐊᒪᐣ, ᑳ ᑎᐯᔨᐦᒋᑫᐟ ᑭ ᐃᑌᐧᐤ ᑭᑕ ᐅᐟ ᐃᐦᑖᐃᐧᓂᐟ ᐸᓴᑯ ᐊᐧᓂᑎᐱᐢᑳᕽ. 13ᑫᐦᒋᓈ ᑭ ᑭ ᐅᓯᐦᑕᒫᑎᐣ ᐋᐧᐢᑳᐦᐃᑲᐣ ᑭᑕ ᐃᐧᑭᔭᐣ ᐃᑕ ᑭᑕ ᐅᐟ ᐃᐦᑖᐃᐧᓂᔭᐣ ᑳᑭᑫ. 14ᑭᐦᒋ ᐅᑭᒫᐤ ᒫᑲ ᑭ ᑭᐁᐧᐢᑫᐧᔨᐤ ᐁ ᑭ ᓴᐁᐧᔨᒫᐟ ᑲᐦᑭᔭᐤ ᑳ ᒫᒪᐃᐧ ᒫᐊᐧᒋᐦᐃᑐᔨᐟ ᐃᐢᕒᐁᐃᓬ; ᐁᑯᓯ ᑲᐦᑭᔭᐤ ᐁ ᒫᒪᐃᐧ ᒫᐊᐧᒋᐦᐃᑐᒋᐠ ᐃᐢᕒᐁᐃᓬ ᑭ ᓂᐸᐃᐧᐊᐧᐠ. 15ᐅᒥᓯ ᒫᑲ ᑭ ᐃᑌᐤ, ᑭᑕ ᓇᓈᐢᑯᒫᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᐅᑐᓂᕽ ᑳ ᑭ ᐅᐦᒋ ᐊᔭᒥᐦᐋᐟ ᑌᐱᑕ ᓄᑖᐃᐧᔭ, ᐁᑯᓯ ᒫᑲ ᐅᒋᐦᒋᕽ ᑳ ᑭ ᐅᐦᒋ ᑎᐱᐸᔨᑖᐟ, ᐁ ᐃᑌᐧᐟ, 16#2 ᓵᒼᔪᐃᓬ 7:4-11; 1 ᐊᑭᓀ ᐋᒋᒧᐃᐧᓇ 17:3-10ᐊᐢᐱᐣ ᐊᓂᒪ ᐁ ᑭᓯᑳᐠ ᑳ ᑭ ᐯ ᐊᐧᔭᐃᐧᑕᐊᑭᐠ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ ᐃᒋᑊᑎᕽ ᐅᐦᒋ ᓇᒪᐃᐧᔭ ᓄᐦ ᓇᐊᐧᓱᓀᐣ ᐅᑌᓇᐤ ᑲᐦᑭᔭᐤ ᐃᐢᕒᐁᐃᓬ ᐁ ᐃᑕᐦᑐᑌᐃᐧᓯᒋᐠ ᐅᐦᒋ ᑭᑕ ᐅᓯᐦᑖᔮᐣ ᐋᐧᐢᑳᐦᐃᑲᐣ, ᓂ ᐃᐧᔪᐃᐧᐣ ᐁᑯᑕ ᑭᑕ ᐊᔮᐠ; ᒫᑲ ᓂ ᑭ ᓇᐊᐧᓱᓈᐤ ᑌᐱᐟ ᑭᑕ ᑎᐯᔨᒫᐟ ᓂᐟ ᐊᔨᓯᔨᓂᒪ ᐃᐢᕒᐁᐃᓬ. 17#2 ᓵᒼᔪᐃᓬ 7:1-3; 1 ᐊᑭᓀ ᐋᒋᒧᐃᐧᓇ 17:1,2ᑭ ᐊᔮᔨᐤ ᒫᑲ ᐅᑌᐦᐃᕽ ᑌᐱᐟ ᓄᑖᐃᐧ ᑭᑕ ᐅᓯᐦᑖᐟ ᐋᐧᐢᑳᐦᐃᑲᐣ ᑭᑕ ᐋᐧᐢᑳᐦᐃᑲᓂᑲᑕᕽ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ. 18ᒫᑲ ᑳ ᑎᐯᔨᐦᒋᑫᐟ ᑭ ᐃᑌᐤ ᑌᐱᑕ ᓄᑖᐃᐧᔭ, ᐊᓂᒪ ᐁ ᑭ ᐊᔮᐠ ᑭᑌᐦᐃᕽ ᑭᑕ ᐋᐧᐢᑳᐦᐃᑲᓂᑳᑕᒪᐣ ᓂ ᐃᐧᔪᐃᐧᐣ, ᑭ ᑭ ᒥᔪᑐᑌᐣ ᑭᑌᐦᐃᕽ ᑳ ᑭ ᐊᔮᐠ; 19#2 ᓵᒼᔪᐃᓬ 7:12,13; 1 ᐊᑭᓀ ᐋᒋᒧᐃᐧᓇ 17:11,12ᐁᔨᐁᐧᕽ ᒫᑲ ᓇᒪᐃᐧᔭ ᑭᔭ ᑭ ᑲ ᐅᓯᐦᑖᐣ ᐋᐧᐢᑳᐦᐃᑲᐣ; ᒫᑲ ᑭᑯᓯᐢ ᑭᔭᐃᐧᕽ ᑫ ᐅᐦᒋᐟ, ᐁᐊᐧᑯ ᑫ ᐋᐧᐢᑳᐦᐃᑲᓂᑫᐟ ᓂ ᐃᐧᔪᐃᐧᐣ ᐅᐦᒋ. 20ᑳ ᑎᐯᔨᐦᒋᑫᐟ ᒫᑲ ᑭ ᐋᔮᑕᐢᑖᐤ ᐅᐟ ᐃᑌᐧᐃᐧᐣ ᑳ ᑭ ᐃᑌᐧᐟ; ᒋᑫᒫ ᓂ ᑭ ᐸᓯᑯᐣ ᐁ ᑖᐱᐢᑲᒪᐊᐧᐠ ᑌᐱᐟ ᓄᑖᐃᐧ, ᒥᓇ ᓂᐟ ᐊᐱᐣ ᐅ ᑭᐦᒋ ᐅᑭᒫᐊᐧᐱᐃᐧᓂᕽ ᐃᐢᕒᐁᐃᓬ, ᑳ ᑭ ᐃᓯ ᐊᓱᑕᒫᑫᐟ ᑳ ᑎᐯᔨᐦᒋᑫᐟ, ᐁᑯᓯ ᐁ ᑭ ᐋᐧᐢᑳᐦᐃᑲᓂᑲᑕᒫᐣ ᐅ ᐃᐧᔪᐃᐧᐣ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ. 21ᐁᑯᓯ ᐁᑯᑕ ᓂ ᑭ ᐅᔭᐢᑖᐣ ᐃᑕ ᑭᑕ ᐊᐢᑌᐠ ᑭᐢᑭᓇᐋᐧᒋᐅᐃᐧᓂᐊᐧᐟ, ᐃᑕ ᑳ ᐊᓯᐊᐧᑌᐠ ᐅ ᐃᐧᒋᐦᐃᓯᒋᑫᒥᐁᐧᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐃᓯᒋᑳᑖᐟ ᑯᑖᐃᐧᓇᐊᐧ, ᐃᐢᐱ ᐁ ᐯ ᐊᐧᔭᐃᐧᑕᐦᐋᐟ ᐃᒋᑊᐟ ᐊᐢᑭᕽ ᐅᐦᒋ.
22ᓵᓬᐊᒪᐣ ᒫᑲ ᑭ ᐅᐦᑎᐢᑲᐃᐧᑳᐸᐃᐧᐢᑕᒼ ᐅ ᐸᑭᑎᓈᓱᐃᐧᓈᐱᐢᑯᔨᐤ ᑳ ᑎᐯᔨᐦᒋᑫᔨᐟ ᐁ ᐋᐧᐸᒥᑯᐟ ᑲᐦᑭᔭᐤ ᐁ ᒫᐊᐧᒋᐦᐃᑐᔨᐟ ᐃᐢᕒᐁᐃᓬ, ᐁᑯᓯ ᑭᓯᑯᕽ ᑭ ᐃᓯ ᓱᐃᐧᓂᐢᑫᐤ; 23ᑭ ᐃᑌᐧᐤ ᒫᑲ, ᑌᐯᔨᐦᒋᑫᔭᐣ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᓇᒪᐃᐧᔭ ᐃᐦᑖᐤ ᑭᓭᒪᓂᑐ ᑖᐱᐢᑯᐨ ᑭᔭ, ᑭᐦᒋᑭᓯᑯᕽ ᐃᐢᐱᒥᕽ ᐊᐦᐳ ᐊᐢᑭᕽ ᓂᐦᒑᔨᕽ; ᑳ ᑎᐱᑐᑕᒪᐊᐧᒋᐠ ᐃᐧᒋᐦᐃᓯᒋᑫᒥᐁᐧᐃᐧᐣ ᒥᓇ ᑭᓭᐋᐧᑎᓯᐃᐧᐣ ᑭᐟ ᐊᑐᐢᑫᔮᑲᓇᐠ, ᑳ ᐸᒥᐢᑖᐢᑭᐠ ᒥᓯᐁᐧ ᐅᑌᐦᐃᐋᐧᕽ; 24ᑳ ᑭ ᑲᓇᐁᐧᔨᑕᒪᐊᐧᐟ ᑭᐟ ᐊᑐᐢᑫᔮᑲᐣ ᑌᐱᐟ ᓄᑖᐃᐧ ᐊᓂᒪ ᑳ ᑭ ᐊᓱᑕᒪᐊᐧᐟ; ᐁᐦᐁ, ᑭ ᑭ ᐱᑭᐢᑳᐧᐣ ᑭᑐᓂᕽ ᐅᐦᒋ, ᒥᓇ ᑭ ᑭ ᑎᐱᑐᑌᐣ ᑭᒋᐦᒋ ᐅᐦᒋ ᑳ ᐃᓯ ᐊᔮᐠ ᐊᓄᐦᐨ ᑳ ᑭᓯᑳᐠ. 25#1 ᑭᐦᒋ ᐅᑭᒫᐊᐧᐠ 2:4ᐁᑲᐧ ᒫᑲ ᑌᐯᔨᐦᒋᑫᔭᐣ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᑎᐱᑐᑕᒪᐤ ᑭᐟ ᐊᑐᐢᑫᔮᑲᐣ ᓄᑖᐃᐧ ᑌᐱᐟ ᐊᓂᒪ ᑳ ᑭ ᐊᓱᑕᒪᐊᐧᐟ, ᐁ ᐃᑌᐧᔭᐣ, ᓇᒪᐃᐧᔭ ᑭ ᑲ ᓄᐦᑌᐸᔨᐃᐠ ᓈᐯᐤ ᐁ ᑲᓇᐋᐧᐸᒪᐠ ᑭᑕ ᐊᐱᐟ ᐅ ᑭᐦᒋᐊᐱᐃᐧᓂᕽ ᐃᐢᕒᐁᐃᓬ; ᑭᐢᐱᐣ ᐱᑯ ᑭᐟ ᐊᐋᐧᓯᒥᓴᐠ ᐊᔮᑳᐧᒥᓯᑖᐧᐃᐧ ᐅᐟ ᐃᑖᑎᓯᐃᐧᓂᐋᐧᕽ, ᑭᑕ ᐸᒥᐢᑕᐃᐧᒋᐠ ᑳ ᑭ ᐃᓯ ᐸᒥᐢᑕᐃᐧᔭᐣ. 26ᐁᑲᐧ ᒫᑲ ᑭᔭ ᐅ ᑭᓭᒪᓂᑐᒪ ᐃᐢᕒᐁᐃᓬ, ᑭᔮᒼ ᑭᐟ ᐃᑌᐧᐃᐧᐣ ᑭ ᐸᑯᓭᔨᒥᑎᐣ ᑭᑕ ᑖᐯᐧᐊᐧᑫᔨᑖᑲᐧᐣ, ᑳ ᑭ ᐃᑕᐟ ᑭᐟ ᐊᑐᐢᑫᔮᑲᐣ ᑌᐱᐟ ᓄᑖᐃᐧ.
27 #
2 ᐊᑭᓀ ᐋᒋᒧᐃᐧᓇ 2:6
ᒫᑲ ᑖᐯᐧ ᒋ ᑭᓭᒪᓂᑐ ᑭᑕ ᐅᐟ ᐃᐦᑖᐃᐧᓂᐤ ᐊᐢᑭᕽ? ᒫᑎᑲ, ᑭᓯᐠ ᒥᓇ ᑭᐦᒋᑭᓯᐠ ᓇᒪᐃᐧᔭ ᑭ ᑌᐸᐢᑭᓇᐃᑯᐣ; ᐋᐧᐃᐧᐢ ᒫᑲ ᐅᒪ ᐋᐧᐢᑳᐦᐃᑲᐣ ᑳ ᑭ ᐅᓯᐦᑖᔮᐣ! 28ᐁᔨᐁᐧᕽ ᒫᑲ ᐱᓯᐢᑫᔨᐦᑕᒼ ᐅᐟ ᐊᔭᒥᐦᐋᐃᐧᐣ ᑭᐟ ᐊᑐᐢᑫᔮᑲᐣ ᒥᓇ ᐅ ᒪᐃᐧᒧᐢᒋᑫᐃᐧᐣ, ᑳ ᑎᐯᔨᐦᒋᑫᔭᐣ ᓂ ᑭᓭᒪᓂᑐᒼ, ᑭᑕ ᓇᑐᐦᑕᒪᐣ ᒪᐃᐧᒧᑫᐃᐧᐣ ᒥᓇ ᐊᔭᒥᐦᐋᐃᐧᐣ ᑭᐟ ᐊᑐᐢᑫᔮᑲᐣ ᑳ ᐃᓯ ᐊᔭᒥᐦᐁᐢᑕᐢᐠ ᐊᓄᐦᐨ ᑳ ᑭᓯᑳᐠ; 29#ᑎᔪᑕᕒᐊᓇᒥ 12:11ᑭᑕ ᑲᓇᐋᐧᐸᐦᑕᒪᐣ ᐅᒪ ᐋᐧᐢᑳᐦᐃᑲᐣ ᐁ ᑎᐱᐢᑳᐠ ᒥᓇ ᐁ ᑭᓯᑳᐠ, ᐅᒪ ᐅᑎ ᐃᑕ ᑳ ᑭ ᐃᑌᐧᔭᐣ, ᐁᑯᑕ ᓂ ᐃᐧᔪᐃᐧᐣ ᑭᑕ ᐊᔮᐤ; ᑭᑕ ᓇᑐᐦᑕᒪᐣ ᐊᔭᒥᐦᐋᐃᐧᐣ ᑭᐟ ᐊᑐᐢᑫᔮᑲᐣ ᑫ ᐃᓯ ᐊᔭᒥᐦᐋᐟ ᐃᑌᐦᑫ ᐅᒪ ᑳ ᐊᔮᐠ. 30ᓇᑐᐦᑕᒼ ᒫᑲ ᐅ ᒪᐃᐧᒧᐢᒋᑫᐃᐧᐣ ᑭᐟ ᐊᑐᐢᑫᔮᑲᐣ ᒥᓇ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᐃᐢᐱ ᐁᔭᒥᐋᑖᐧᐃᐧ ᐃᑌᐦᑫ ᐅᒪ ᑳ ᐊᔮᐠ; ᐁᐦᐁ ᓇᑐᐦᑕ ᑭᐦᒋᑭᓯᑯᕽ ᐃᑕ ᑳ ᐊᔮᔭᐣ; ᐃᐢᐱ ᒫᑲ ᐱᔦᑕᒪᓂ, ᐳᓀᔨᑕᒪᐃᐧᐠ.
31ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐊᐧᓂᑐᑕᐋᐧᒋ ᐃᐧᒋᐊᔨᒋᔨᓂᐊᐧ, ᐁᑯᓯ ᑭᐦᒋᐃᑌᐧᐃᐧᐣ ᐸᑭᑎᓇᒫᐦᒋ ᑭᑕ ᑭᐦᒋᐃᑌᐧᐟ, ᐯ ᓇᑕᐃᐧ ᑭᐦᒋᐃᑌᐧᒋ ᒫᑲ ᐅᐦᑎᐢᑲᐤ ᑭ ᐸᑭᑎᓈᓱᐃᐧᓈᐱᐢᑯᕽ ᐅᑕ ᐋᐧᐢᑲᐦᐃᑲᓂᕽ; 32ᐁᑲᐧ ᓇᑐᐦᑕ ᑭᐦᒋᑭᓯᑯᕽ ᒥᓇ ᐃᐦᑐᑕ, ᒥᓇ ᐅᔭᓱᐋᐧᓯᐠ ᑭᐟ ᐊᑐᐢᑫᔮᑲᓇᐠ, ᐁ ᐅᔭᓱᐋᐧᑕᐟ ᑳ ᒪᒑᔨᐃᐧᐟ, ᑭᑕ ᐸᑲᒥᐢᑳᑯᐟ ᐅᐟ ᐃᓯᐦᒋᑫᐃᐧᐣ ᐃᐧᔭ ᐅᐢᑎᑳᐧᓂᕽ; ᐁᑯᓯ ᑭᑕ ᑲᐧᔭᐢᑲᐧᐢᑕᒪᐊᐧᐟ ᐅᑲᐧᔭᐢᑭᑖᑎᓯᐤ, ᑭᑕ ᒥᔭᐟ ᐁ ᐃᑕᐢᑌᔨᐠ ᐅ ᑲᐧᔭᐢᑭᑕᑎᓯᐃᐧᐣ.
33ᑭᐢᐱᐣ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ ᓵᑯᒋᐦᐃᑯᑖᐧᐃᐧ ᐅ ᓄᑎᓈᑲᓂᐋᐧᐊᐧ, ᐁ ᑭ ᒪᒋᑐᑖᐢᑭᐟ ᐅᐦᒋ ᑳᐃᐧ ᒫᑲ ᑫᐧᐢᑭᐢᑖᐢᑳᐧᐃᐧ, ᒥᓇ ᐋᐧᐃᐧᑕᑳᐧᐃᐧ ᑭ ᐃᐧᔪᐃᐧᐣ, ᒥᓇ ᐊᔭᒥᐦᐋᑖᐧᐃᐧ ᒥᓇ ᒪᐃᐧᒧᐢᑖᐢᑳᐧᐃᐧ ᐅᑕ ᐋᐧᐢᑳᐦᐃᑲᓂᕽ; 34ᐁᑲᐧ ᓇᑐᐦᑕ ᑭᐦᒋᑭᓯᑯᕽ, ᒥᓇ ᐳᓀᔨᑕᒪᐃᐧᐠ ᐅ ᒪᒋᐦᑎᐃᐧᓂᐋᐧᐤ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᑳᐃᐧ ᒫᑲ ᐯᓯᐋᐧᑲᓂᐠ ᐊᐢᑭᕽ ᑳ ᑭ ᒥᔨᒪᐟ ᐅᑖᐃᐧᐋᐊᐧ.
35ᑭᐢᐱᐣ ᑭᓯᐠ ᑭᐸᐦᐃᑳᑌᑭ, ᐁᑳ ᒫᑲ ᑭᒥᐊᐧᑭ, ᐁ ᑭ ᒪᒋᑐᑖᐢᑭᐠ ᐅᐦᒋ; ᑭᐢᐱᐣ ᐊᔭᒥᐦᐋᑖᐧᐃᐧ ᐃᑌᐦᑫ ᐅᒪ ᑳ ᐊᔮᐠ, ᒥᓇ ᐋᐧᐃᐧᑕᑳᐧᐃᐧ ᑭ ᐃᐧᔪᐃᐧᐣ, ᒥᓇ ᐳᓂᑖᑖᐧᐃᐧ ᐅ ᒪᒋᐃᑎᐃᐧᓂᐋᐧᐤ, ᐃᐢᐱ ᑯᑕᑭᐊᑖᐧᐃᐧ; 36ᐁᑲᐧ ᓇᑐᐦᑕ ᑭᐦᒋᑭᓯᑯᕽ ᒥᓇ ᐳᓀᔨᑕᒪᐃᐧᐠ ᐅ ᒪᒋᐃᑎᐃᐧᓂᐋᐧᐤ ᑭᐟ ᐊᑐᐢᑫᔮᑲᓇᐠ ᒥᓇ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ ᐃᐢᐱ ᑭᐢᑭᓄᐦᐊᒪᐊᐧᑖᐧᐃᐧ ᐊᓂᒪ ᐁ ᒥᔮᐧᓯᐠ ᒣᐢᑲᓇᐤ ᐃᑕ ᐁ ᐃᑕᐢᑌᐠ ᑭᑕ ᐱᒧᐦᑌᒋᐠ; ᒥᓇ ᐃᓯᑎᓴᐦᐊ ᑭᒥᐊᐧᐣ ᑭᐟ ᐊᐢᑭᕽ, ᑳ ᑭ ᒥᔭᒋᐠ ᑭᐟ ᐊᔨᓯᔨᓂᒪᐠ ᑭᑕ ᐅ ᑎᐯᔨᒋᑲᓂᒋᐠ.
37ᑭᐢᐱᐣ ᓄᑌᑲᑌᐃᐧᐣ ᐊᔮᑭ ᐊᐢᑭᕽ, ᑭᐢᐱᐣ ᐋᔨᒫᐢᐱᓀᐃᐧᐣ, ᑭᐢᐱᐣ ᐊᔮᑭ ᓀᓱᐃᐧᑭᒋᑫᐃᐧᐣ ᐊᐦᐳ ᒫᔨᑭᒋᑫᐃᐧᐣ, ᑳᐧᐢᑯᑎᓯᓴᐠ ᐊᐦᐳ ᐅᒫᐧᐸᑫᐧᐊᐧᐠ; ᑭᐢᐱᐣ ᐅ ᓄᑎᓈᑲᓂᐋᐊᐧ ᐋᐧᐢᑳᐢᑳᑯᑖᐧᐃᐧ ᐁᑯᑕ ᐊᐢᑭᕽ ᑳ ᐅᑌᓇᐃᐧᑖᒋᐠ; ᑭᐢᐱᐣ ᐋᓱᐢᑲᒫᑐᐃᐧ ᐃᑖᐢᐱᓀᐃᐧᐣ ᐊᐦᐳ ᐱᑯ ᑐᐃᐧ ᐋᐦᑯᓯᐃᐧᐣ ᐃᐦᑕᑲᐧᑭ; 38ᐱᑳᐧᓂᒪ ᐊᔭᒥᐦᐋᐃᐧᐣ ᐊᐦᐳ ᒪᐃᐧᒧᐢᒋᑫᐃᐧᐣ ᑫ ᐃᓯ ᐊᔭᒥᐦᐋᐟ ᐊᐃᐧᔭᐠ ᐊᔨᓯᔨᓂᐤ, ᐊᐦᐳ ᑲᐦᑭᔭᐤ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᑫ ᑭᐢᑫᔨᑕᕽ ᑲᐦᑭᔭᐤ ᐊᔨᓯᔨᓂᐤ ᐁ ᐃᑖᐢᐱᓀᐟ ᐅᑌᐦᐃᕽ, ᒥᓇ ᐅᒪ ᐋᐧᐢᑳᐦᐃᑲᐣ ᓱᐃᐧᓂᐢᑫᔨᐢᑕᑭ; 39ᐁᑲᐧ ᓇᑐᐦᑕ ᑭᐦᒋᑭᓯᑯᕽ ᐃᑕ ᑳ ᐊᔮᔭᐣ, ᒥᓇ ᐳᓀᔨᑕᒫᑫ ᒥᓇ ᐃᐦᑐᑕ, ᒥᓇ ᒥᔮᑲᐣ ᑲᐦᑭᔭᐤ ᐊᔨᓯᔨᓂᐤ ᐁ ᐃᑕᐢᑌᔨᑭ ᑲᐦᑭᔭᐤ ᐅᐟ ᐃᓯᐦᒋᑫᐃᐧᓇ, ᐅᑌᐦ ᑳ ᑭᐢᑫᔨᑕᒪᐧᐟ; (ᒋᑫᒫ ᑭᔭ, ᑭᔭ ᐅᑎ ᐱᑯ, ᑭ ᑭᐢᑫᔨᑕᒫᐧᐣ ᐅᑌᐦᐃᐋᐧᐊᐧ ᑲᐦᑭᔭᐤ ᐊᔨᓯᔨᓂᐊᐧᐠ ᐅᐟ ᐊᐋᐧᓯᒥᓯᐋᐧᐊᐧ;) 40ᑭᑕ ᑯᐢᑎᐢᑭᐠ ᑕᐦᑐ ᑭᓯᑳᐤ ᑫ ᐱᒫᑎᓯᐋᐧᑫᐧ ᐁᑯᑕ ᐊᐢᑭᕽ ᑳ ᑭ ᒥᔭᒋᐠ ᓄᑖᐃᐧᓈᓇᐠ. 41ᐁᑯᓯ ᒥᓇ ᐊᓇ ᒫᓂᑌᐤ, ᐁᑳ ᑳ ᐅᐦᒋᐟ ᑭᐟ ᐊᔨᓯᔨᓂᒪ ᐃᐢᕒᐁᐃᓬ, ᒫᑲ ᐋᐧᔮᐤ ᐊᐢᑭᕽ ᑳ ᐯ ᐅᐦᑐᑌᐟ ᑭ ᐃᐧᔪᐃᐧᐣ ᐅᐦᒋ; 42(ᒋᑫᒫ ᑭᑕ ᐯᐦᑕᒪᐧᐠ ᐁ ᐋᑐᑖᑲᐧᕽ ᑭ ᑭᐦᒋᐃᐧᔪᐃᐧᐣ, ᒥᓇ ᐁ ᓱᑳᔭᐊᐧᕽ ᑭᒋᐦᒋ, ᒥᓇ ᑳ ᓱᐃᐧᓂᐢᑫᔨᔭᐣ;) ᐃᐢᐱ ᐯ ᓇᑕᐃᐧ ᐊᔭᒥᐦᐋᒋ ᐅᒪ ᐋᐧᐢᑳᐦᐃᑲᐣ ᐃᑌᐦᑫ; 43ᓇᑐᐦᑕ ᑭᐦᒋᑭᓯᑯᕽ ᐃᑕ ᑳ ᐊᔮᔭᐣ, ᒥᓇ ᐃᐦᑐᑕ ᑲᐦᑭᔭᐤ ᐊᓇ ᒫᓂᑌᐤ ᐁ ᐃᓯ ᑳᑭᓯᒧᑐᑖᐢᐠ; ᑲᐦᑭᔭᐤ ᐊᔨᓯᔨᓂᐊᐧᐠ ᐊᐢᑭᕽ ᑳ ᐊᔮᒋᐠ ᑭᑕ ᑭᐢᑫᔨᑕᐦᑭᐠ ᑭ ᐃᐧᔪᐃᐧᐣ, ᑭᑕ ᑯᓯᑫᐧᔨᒥᐢᑭᐠ, ᑳ ᐃᑐᑕᐦᑭᐠ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᒥᓇ ᑭᑕ ᑭᐢᑫᔨᑕᐦᑭᐠ ᐅᒪ ᐋᐧᐢᑳᐦᐃᑲᐣ ᑳ ᑭ ᐅᓯᐦᑖᔮᐣ ᐁ ᐃᐧᒋᑳᑌᐠ ᑭᔭ ᑭ ᐃᐧᔪᐃᐧᐣ.
44ᑭᐢᐱᐣ ᑭᐟ ᐊᔨᓯᔨᓂᒪᐠ ᓇᑐᐸᔨᐢᑕᐋᐧᑖᐧᐃᐧ ᐅ ᓄᑎᓈᑳᓂᐋᐧᐊᐧ, ᐱᑯ ᐃᑌ ᑫ ᐊᔨᓯᑎᓴᐋᐧᐊᐧᑌᓂᐠ, ᐁᑯᓯ ᐊᔭᒥᐦᐁᐢᑕᐋᐧᑖᐧᐃᐧ ᑳ ᑎᐯᔨᐦᒋᑫᔨᐟ ᐊᓂᒪ ᐅᑌᓇᐤ ᐃᑌᐦᑫ ᑳ ᑭ ᓇᐊᐧᓱᓇᒪᐣ, ᒥᓇ ᐃᑌᐦᑫ ᐊᓂᒪ ᐋᐧᐢᑳᐦᐃᑲᐣ ᑳ ᑭ ᐅᓯᐦᑖᔮᐣ ᑭ ᐃᐧᔪᐃᐧᐣ ᐅᐦᒋ; 45ᐁᑲᐧ ᓇᑐᐦᑕᒼ ᑭᐦᒋᑭᓯᑯᕽ ᐅᐟ ᐊᔭᒥᐦᐋᐃᐧᓂᐋᐧᐤ ᒥᓇ ᐅ ᒪᐃᐧᒧᐢᒋᑫᐃᐧᓂᐋᐧᐤ, ᒥᓇ ᓯᑐᓇᒪᐃᐧᐠ ᑳ ᐃᓯ ᓇᑐᓇᐦᑭᐠ.
46ᑭᐢᐱᐣ ᒪᒋᑐᑖᐢᑳᐧᐃᐧ, (ᒋᑫᒫ ᓇᒪᐃᐧᔭ ᐃᐦᑖᐤ ᐊᔨᓯᔨᓂᐤ ᐁᑳ ᑳ ᒪᒋᑐᑕᕽ,) ᐁᑯᓯ ᑭᓯᐢᑕᐊᐧᑖᐧᐃᐧ, ᒥᓇ ᐸᑭᑎᓇᒫᒪᒋ ᐅ ᓄᑎᓈᑲᓂᐋᐧᐊᐧ, ᐁᑯᓯ ᒫᑲ ᓯᐯᐧᑕᐃᑯᑖᐧᐃᐧ ᐁ ᒪᓇᐊᐧᑳᑎᑯᒋᐠ ᐅᐟ ᐊᐢᑭᔨᕽ ᐅ ᓄᑎᓈᑲᓂᐋᐧᐊᐧ, ᐋᐧᔭᐤ ᐊᐦᐳ ᑭᓯᐋᐧᐠ; 47ᐁᔨᐁᐧᕽ ᒫᑲ ᑭᐢᐱᐣ ᒫᒥᑐᓀᔨᒥᓱᑖᐧᐃᐧ ᐊᐢᑭᕽ ᑳ ᑭ ᐃᑐᑕᐃᐦᒋᐠ ᐁ ᒪᓇᐊᐧᑳᑎᐦᒋᐠ, ᒥᐦᒋᔭᐁᐧᓯᑖᐧᐃᐧ ᒫᑲ ᒥᓇ ᒪᐃᐧᒧᐢᑖᐢᑳᐧᐃᐧ ᐊᓂᑕ ᐅᐟ ᐊᐢᑭᔨᕽ ᐊᓂᐦᐃ ᑳ ᑭ ᒪᓇᐊᐧᑳᑎᑯᒋᐠ, ᐃᑌᐧᑖᐧᐃᐧ, ᓂ ᑭ ᒪᒋᑐᑌᓈᐣ. ᒥᓇ ᓂ ᑭ ᐊᐧᓂᑐᑌᓈᐣ, ᓂ ᑭ ᒪᒋᐃᓯᒋᑳᓈᐣ; 48ᐁᑯᓯ ᒫᑲ ᑭᐁᐧᑐᑖᐢᑳᐧᐃᐧ ᒥᓯᐁᐧ ᐅᑌᐦᐃᐋᐧᕽ, ᒥᓇ ᒥᓯᐁᐧ ᐅᐟ ᐊᐦᒑᑯᐋᐧᕽ, ᐊᓂᑕ ᐅᐟ ᐊᐢᑭᔨᕽ ᐊᓂᐦᐃ ᐅ ᓄᑎᓈᑲᓂᐋᐧᐊᐧ, ᑳ ᑭ ᒪᓇᐊᐧᑳᑎᑯᒋᐠ, ᐁᑯᓯ ᐅᐟ ᐊᐢᑭᐋᐧᕽ ᐃᓯ ᐊᔭᒥᐦᐁᐢᑖᐢᑳᐧᐃᐧ, ᑳ ᑭ ᒥᔨᒪᐟ ᐅᑖᐃᐧᐋᐧᐊᐧ, ᐅᑌᓇᐤ ᑳ ᑭ ᓇᐊᐧᓱᓇᒪᐣ, ᒥᓇ ᐋᐧᐢᑳᐦᐃᑲᐣ ᑳ ᑭ ᐅᓯᐦᑖᔮᐣ ᑭ ᐃᐧᔪᐃᐧᐣ ᐅᐦᒋ; 49ᐁᑲᐧ ᓇᑐᐦᑕᒼ ᐅᐟ ᐊᔭᒥᐦᐋᐃᐧᓂᐋᐧᐤ ᒥᓇ ᐅ ᒪᐃᐧᒧᐢᒋᑫᐃᐧᓂᐋᐧᐤ ᑭᐦᒋᑭᓯᑯᕽ ᐃᑕ ᑳ ᐊᔮᔭᐣ, ᒥᓇ ᓯᑐᓇᒪᐃᐧᐠ ᑳ ᐃᓯ ᓇᑐᓇᑭᐠ; 50ᒥᓇ ᐳᓀᔨᑕᒪᐃᐧᐠ ᑭᐟ ᐊᔨᓯᔨᓂᒪᐠ ᑳ ᑭ ᐃᓯ ᒪᒋᑐᑖᐢᑭᐠ, ᒥᓇ ᑲᐦᑭᔭᐤ ᐅ ᐊᐧᓂᑐᑕᒧᐃᐧᓂᐋᐧᐊᐧ ᑳ ᑭ ᐃᓯ ᐊᐧᓂᑐᑖᐢᑭᐠ, ᒥᔨᐠ ᒫᑲ ᑭᑕ ᑭᑎᒫᑭᓈᑯᒋᐠ ᐊᓂᐦᐃ ᑳ ᑭ ᒪᓇᐊᐧᑳᑎᑯᒋᐠ, ᑭᑕ ᑭᑎᒫᑭᓈᑯᒋᐠ; 51ᒋᑫᒫ ᐁᐊᐧᑯᓂᐠ ᑭᐟ ᐊᔨᓯᔨᓂᒪᐠ, ᒥᓇ ᑭ ᑎᐯᔨᒫᑲᓇᐠ, ᐃᒋᑊᑎᕽ ᑳ ᑭ ᐯ ᐅᐦᑐᐦᑕᐊᒋᐠ, ᒣᑳᐧᐊᔨᕽ ᐱᐋᐧᐱᐢᑯ ᑎᐦᑳᐱᐢᑭᓯᑲᓂᕽ ᐅᐦᒋ; 52ᑭᑕ ᑲᓇᐋᐧᐸᐦᑕᒪᐧᐟ ᐅ ᒪᐃᐧᒧᐢᒋᑫᐃᐧᐣ ᑭᐟ ᐊᑐᐢᑫᔮᑲᐣ ᒥᓇ ᐅ ᒪᐃᐧᒧᐢᒋᑫᐃᐧᓂᐋᐧᐊᐧ ᑭᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᑭᑕ ᓇᑐᐦᑕᐊᐧᒋᐠ ᑕᐦᑖᐧᐤ ᐁ ᒪᐃᐧᒧᐢᑖᐢᑭᐠ. 53ᒋᑫᒫ ᑭ ᑭ ᐸᐦᑳᓂᐋᐊᐧᐠ ᐃᑕ ᐁ ᐊᔮᔨᐟ ᐅᐦᒋ ᑲᐦᑭᔭᐤ ᐊᔨᓯᔨᓂᐊᐧ ᐊᐢᑭᕽ, ᑭᑕ ᐅ ᑎᐯᔨᒫᑲᓂᔭᐣ, ᒣᐧᐦᒋ ᑳ ᑭ ᐃᑌᐧᔭᐣ ᐅᒋᐦᒋᕽ ᐅᐦᒋ ᑭᐟ ᐋᑐᐢᑫᔮᑲᐣ ᒧᓯᐢ, ᐃᐢᐱ ᐁ ᐯ ᐊᐧᔭᐃᐧᑕᐊᒋᐠ ᓄᑖᐃᐧᓈᓇᐠ ᐃᒋᑊᑎᕽ ᐅᐦᒋ, ᑳ ᑎᐯᔨᐦᒋᑫᔭᐣ ᑭᓭᒪᓂᑐ.
54ᐁᑯᓯ ᑭ ᐃᐦᑭᐣ ᐃᐢᐱ ᓵᓬᐊᒪᐣ ᑳ ᐳᓂ ᐊᔭᒥᐦᐁᐢᑕᐋᐧᐟ ᑲᐦᑭᔭᐤ ᐅᒪ ᐊᔭᒥᐦᐋᐃᐧᐣ ᒥᓇ ᒪᐃᐧᒧᐢᒋᑫᐃᐧᐣ ᑳ ᑎᐯᔨᐦᒋᑫᔨᐟ, ᑭ ᐸᓯᑯ ᐅᐦᑎᐢᑲᐤ ᐅ ᐸᑭᑎᓈᓱᐃᐧᓈᐱᐢᑯᔨᐤ ᑳ ᑎᐯᔨᐦᒋᑫᔨᐟ ᐅᐦᒋ ᐊᓂᒪ ᐁ ᑭ ᐅᒋᐦᒋᐦᑲᐧᓇᐱᐟ ᐅᐦᒋᑲᐧᓂᕽ ᑭᐦᒋᑭᓯᑯᕽ ᐁ ᐃᓯ ᓱᐃᐧᓂᐢᑫᔨᐟ. 55ᑭ ᓂᐸᐃᐧᐤ ᒫᑲ ᐁ ᑭ ᓴᐁᐧᔨᒫᐟ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐃᐢᕒᐁᐃᓬ ᐁ ᑭᓯᐁᐧᐟ, ᐁ ᐃᑌᐧᐟ, 56#ᑎᔪᑕᕒᐊᓇᒥ 12:10; ᒑᐢᔪᐊ 21:44,45ᑭᑕ ᓇᓈᐢᑯᒫᐤ ᑳ ᑎᐯᔨᐦᒋᑫᐟ, ᑳ ᑭ ᐊᔦᐧᐱᐋᐟ ᐅᐟ ᐊᔨᓯᔨᓂᒪ ᐃᐢᕒᐁᐃᓬ, ᒣᐧᐦᒋ ᑲᐦᑭᔭᐤ ᑳ ᑭ ᐃᓯ ᐊᓱᑕᒫᑫᐟ; ᓇᒪᐋᐧᐨ ᐯᔭᐠ ᐃᑌᐧᐃᐧᐣ ᓄᐦᑌᐸᔨᐤ ᑲᐦᑭᔭᐤ ᐅ ᒥᔪ ᐊᓱᑕᒫᑫᐃᐧᓇ, ᑳ ᑭ ᐊᓱᑕᒫᑫᐠ ᐅᒋᐦᒋᔨᕽ ᐅᐦᒋ ᒧᓯᓴ ᐅᐟ ᐊᑐᐢᑫᔮᑲᓇ. 57ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑭ ᑲ ᐃᐧ ᐃᐧᒉᐃᐧᑯᓇᐤ ᑳ ᑭ ᐃᓯ ᐃᐧᒉᐋᐧᐟ ᑯᑖᐃᐧᓇᐊᐧ; ᑭᔮᒼ ᐁᑳᐃᐧᔭ ᑭ ᑲ ᓇᑲᑎᑯᓇᐤ ᐊᐦᐳ ᐁᐧᐱᓂᑯᓇᐤ; 58ᑭᑕ ᐃᑕᐢᑕᒫᓱᐟ ᑭᑌᐦᐃᓇᐊᐧ, ᑭᑕ ᐱᒧᑖᑐᑕᒫᐧᔭᕽ ᑲᐦᑭᔭᐤ ᐅᐟ ᐃᑖᑎᓯᐃᐧᓇ, ᒥᓇ ᑭᑕ ᑲᓀᐧᔨᑕᒫᐧᔭᕽ ᐅᐟ ᐃᑕᓱᐁᐧᐃᐧᓇ ᒥᓇ ᐅ ᑲᑫᐢᑫᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᑳ ᑭ ᐃᑕᓱᐋᐧᑖᐟ ᑯᑖᐃᐧᓇᐊᐧ. 59ᑭᔮᒼ ᒫᑲ ᐅᐦᐃ ᓂᐟ ᐃᑌᐧᐃᐧᓇ ᑳ ᑭ ᐃᓯ ᒪᐃᐧᒧᐢᒋᑫᔮᐣ ᐅᐦᑎᐢᑲᐤ ᑳ ᑎᐯᔨᐦᒋᑫᐟ, ᑭᑕ ᐃᐧ ᐯᓴᐧᐸᒥᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᐁ ᑭᓯᑳᐠ ᒥᓇ ᐁ ᑎᐱᐢᑳᐠ, ᑭᑕ ᓯᑐᓇᒪᐋᐧᐟ ᐁ ᐃᓯ ᓇᑐᓇᒥᔨᐟ ᐅᐟ ᐅᑐᐢᑫᔮᑲᓇ, ᒥᓇ ᐁ ᐃᓯ ᓇᑐᓇᒥᔨᐟ ᐅᐟ ᐊᔨᓯᔨᓂᒪ ᐃᐢᕒᐁᐃᓬ, ᑫ ᐃᓯ ᓇᑕᐁᐧᔨᑖᑲᐧᕽ ᑕᐦᑐ ᑭᓯᑳᐤ; 60ᑲᐦᑭᔭᐤ ᐊᔨᓯᔨᓂᐊᐧᐠ ᐊᐢᑭᕽ ᑭᑕ ᑭᐢᑫᔨᑕᐦᑭᐠ ᑳ ᑎᐯᔨᐦᒋᑫᐟ ᐁ ᑭᓭᒪᓂᑐᐃᐧᐟ; ᓇᒪᐃᐧᔭ ᑯᑕᐠ ᐃᐦᑕᐤ. 61ᑭᔮᒼ ᒫᑲ ᑭᑌᐦᐃᐋᐧᐊᐧ ᑭᑕ ᑲᐧᔭᐢᑳᐧᑎᓯᐢᑖᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ, ᑭᑕ ᐱᒧᑖᑐᑕᒫᐧᔦᐠ ᐅ ᑲᑫᐢᑫᐧᐃᐧᓇ, ᒥᓇ ᑭᑕ ᑲᓀᐧᔨᑕᒫᐧᔦᐠ ᐅᐟ ᐃᑕᓱᐁᐧᐃᐧᓇ, ᑳ ᐃᓯ ᐊᔮᐠ ᐊᓄᐦᐨ ᑳ ᑭᓯᑳᐠ.
62ᑭᐦᒋ ᐅᑭᒫᐤ ᒫᑲ ᐊᓯᒋ ᑲᐦᑭᔭᐤ ᐃᐢᕒᐁᐃᓬ ᑭ ᐸᑭᑎᓈᓱᐊᐧᐠ ᐸᑭᑎᓈᓱᐃᐧᓇ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 63ᓵᓬᐊᒪᐣ ᒫᑲ ᑭ ᐸᑭᑎᓈᓱ ᐁ ᐸᑭᑎᓇᕽ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᑳ ᐸᑭᑎᓇᒪᐋᐧᐟ ᑳ ᑎᐯᔨᐦᒋᑫᔨᐟ, ᓂᓯᑕᓇᐤ ᓂᓱᓵᑊ ᑕᐦᑐ ᑭᐦᒋᒥᑖᐦᑐᒥᑕᓇᐤ ᔮᐯᒧᐢᑐᓴᐧ, ᒥᓇ ᒥᑖᐦᑐᒥᑕᓇᐤ ᓂᓯᑕᓇᐤ ᐊᔨᐋᐧᐠ ᑕᐦᑐ ᑭᐦᒋᒥᑖᐦᑐᒥᑕᓇᐤ ᒫᔭᑎᐦᑲᐧ. ᐁᑯᓯ ᒫᑲ ᑭᐦᒋ ᐅᑭᒫᐤ ᒥᓇ ᑲᐦᑭᔭᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ ᑭ ᑭᐢᑕᑭᑖᑯᑖᐊᐧᐠ ᐅ ᐋᐧᐢᑳᐦᐃᑲᐣ ᑳ ᑎᐯᔨᐦᒋᑫᐟ. 64ᐁᐊᐧᑳᐧᓂᒪ ᐁ ᑭᓯᑳᐠ ᑭᐦᒋ ᐅᑭᒫᐤ ᑭ ᑲᓇᒋᐦᑖᐤ ᑖᐋᔨᕽ ᑳ ᐱᐢᑭᐦᒋᑕᐋᐧᐠ ᐅᐦᑎᐢᑲᐤ ᐅ ᐋᐧᐢᑲᐦᐃᑲᐣ ᑳ ᑎᐯᔨᐦᒋᑫᐟ; ᒋᑫᒫ ᐁᑯᑕ ᑭ ᐸᑭᑎᓈᓱ ᒪᒍᐢᑌᐦᐊᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᒥᓇ ᐃᐧᔨᐣ ᐊᓂᐦᐃ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ; ᒋᑫᒫ ᐊᓂᒪ ᐅᓵᐋᐧᐱᐢᐠ ᐸᑭᑎᓈᓱᐃᐧᓈᐱᐢᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑳ ᐊᔮᐠ ᐅᓵᒼ ᑭ ᐊᐱᓵᓯᐣ ᑭᑕ ᑭ ᑌᐸᐢᑌᐠ ᒪᒍᐢᑌᐦᐊᒫᑫᐃᐧᐣ, ᒥᓇ ᐸᐦᑫᐧᓯᑲᓂ ᐸᑭᑎᓈᓱᐃᐧᐣ, ᒥᓇ ᐃᐧᔨᐣ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓂᕽ ᐅᐦᒋ. 65ᐁᑯᓯ ᓵᓬᐊᒪᐣ ᑭ ᐃᐧᑯᑫᐤ ᐁᑯᐢᐱ ᐊᓂᒪ, ᐊᓯᒋ ᑲᐦᑭᔭᐤ ᐃᐢᕒᐁᐃᓬ, ᑭᐦᒋ ᒫᐊᐧᒋᐦᐃᑐᐃᐧᐣ, ᐁ ᐊᑎ ᐱᐦᑐᑫᒧᐠ ᐦᐁᒫᐦᐟ ᐅᐦᒋ ᐃᐢᑯ ᐊᓂᒪ ᐃᒋᑊᐟ ᓯᐱᓯᐢ, ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ, ᑌᐸᑯᑊ ᑭᓯᑳᐤ, ᒥᓇ ᑌᐸᑯᑊ ᑭᓯᑳᐤ ᒥᑖᑕᐦᐟ ᓀᐅᓵᑊ ᑭᓯᑳᐤ ᐅᑎ. 66ᐁᑲᐧ ᐁ ᐊᑎ ᐊᔨᓈᓀᐅᑭᓯᑳᔨᐠ ᑭ ᓯᐯᐧᑎᓴᐁᐧᐤ ᐊᔨᓯᔨᓂᐊᐧ, ᑭ ᓇᓈᐢᑯᒣᐊᐧᐠ ᒫᑲ ᑭᐦᒋ ᐅᑭᒫᐊᐧ ᒥᓇ ᑭ ᑭᐁᐧᐊᐧᐠ ᐃᐧᑭᐋᐧᕽ ᐁ ᒪᒪᐦᑖᑯᓯᒋᐠ ᒥᓇ ᐁ ᒥᔦᐧᔨᑕᐦᑭᐠ ᐅᑌᐦᐃᐋᐧᕽ ᑲᐦᑭᔭᐤ ᐊᓂᒪ ᒥᔪᑐᑖᑫᐃᐧᐣ ᑳ ᑎᐯᔨᐦᒋᑫᐟ ᑳ ᑭ ᐋᐧᐸᐦᑕᐋᐟ ᑌᐱᑕ ᐅᐟ ᐊᑐᐢᑫᔮᑲᓇ, ᒥᓇ ᐃᐢᕒᐁᐃᓬ ᐅᐟ ᐊᔨᓯᔨᓂᒪ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 8: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
