ᓂᐢᑕᑦ ᑭᐦᒋ ᐅᑭᒫᐊᐧᐠ 4
4
1ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ ᑭ ᑭᐦᒋ ᐅᑭᒫᑲᑕᐁᐧᐤ ᑲᐦᑭᔭᐤ ᐃᐢᕒᐁᐃᓬᐊ. 2ᐁᐊᐧᑯᓂ ᒫᑲ ᐅᐦᐃ ᐅᑭᒫᐊᐧ ᑳ ᑭ ᐊᔮᐋᐧᐟ; ᐋᓴᕒᐋᔭ ᐅᑯᓯᓴ ᓭᑖᐠ, ᐊᔭᒥᐦᐁᐃᐧᔨᓂᐤ; 3ᐃᓬᐊᐃᐦᐋᕒᐁᑊ ᒥᓇ ᐊᐦᐊᐃᒐ, ᐅᑯᓯᓴ ᓯᓴ, ᒪᓯᓇᐦᐃᑫᐃᐧᔨᓂᐊᐧᐠ; ᒋᐦᐋᓴᐹᐟ ᐅᑯᓯᓴ ᐊᐦᐊᐃᓬᐊᐟ ᐅᒪᓯᓇᐦᐃᑫᐢᑕᒫᑫᐤ; 4ᐁᑯᓯ ᐱᓈᔭ ᐅᑯᓯᓴ ᒋᐦᐋᔭᑕ ᑭ ᑭᐦᒋᓯᒫᑲᓂᓯᐃᐧᑭᒫᐃᐧᐤ; ᒥᓇ ᓭᑖᐠ ᒥᓇ ᐊᐹᔭᑕᕒ ᑭ ᐊᔭᒥᐦᐁᐃᐧᔨᓂᐃᐧᐊᐧᐠ; 5ᒥᓇ ᐋᓴᕒᐋᔭ ᐅᑯᓯᓴ ᓀᐦᑖᐣ ᑭ ᑎᐯᔨᒣᐤ ᐅᑭᒫᓯᓴ; ᓭᐸᐟ ᒫᑲ ᐅᑯᓯᓴ ᓀᐦᑖᐣ ᑭ ᓂᑳᓂᐤ ᐅᐸᒥᐢᑖᑫᐤ ᒥᓇ ᑭᐦᒋ ᐅᑭᒫᐤ ᐅᑐᑌᒪ; 6ᐊᐦᐃᓴᕒ ᒫᑲ ᑭ ᐸᒥᑖᐤ ᐋᐧᐢᑳᐦᐃᑲᐣ ᒥᓇ ᐋᑕᓇᐃᕒᐊᒼ ᐅᑯᓯᓴ ᐋᑊᑕ ᑭ ᑎᐯᔨᐦᑕᒼ ᑎᐸᐦᐃᑫᐃᐁᐧᐃᐧᐣ.
7ᓵᓬᐊᒪᐣ ᒫᑲ ᑭ ᐊᔮᐁᐧᐤ ᒥᑖᑕᐦᐟ ᓂᓱᓵᑊ ᐅᑭᒫᐊᐧ ᐁ ᐸᒥᓇᒧᐃᐦᒋᐠ ᒥᓯᐁᐧ ᐃᐢᕒᐁᐃᓬ, ᐁᐊᐧᑯᓂᐠ ᑭ ᐅᐦᑎᓇᒪᐁᐧᐊᐧᐠ ᒥᒋᐃᐧᐣ ᑭᐦᒋ ᐅᑭᒫᐊᐧ ᒥᓇ ᑲᐦᑭᔭᐤ ᐅ ᐋᐧᐢᑳᐦᐃᑲᓂᕽ; ᐯᔭᐠ ᓈᐯᐤ ᑭ ᒪᓂᑲᑕᒼ ᐯᔭᐠ ᐱᓯᒼ ᑕᐦᑐ ᐊᐢᑭ. 8ᐁᐊᐧᑯᓂ ᒫᑲ ᐅᐦᐃ ᐅ ᐃᐧᔪᐃᐧᓂᐋᐧᐊᐧ; ᐯᐣᐦᐊᕒ, ᐁ ᐊᐧᒋᐊᐧᕽ ᐃᐸᕒᐁᐃᒼ ᐊᐢᑭ; 9ᐯᐣᑎᑲᕒ, ᒣᑳᓯᕽ, ᒥᓇ ᓭᐊᓬᐱᒥᕽ, ᒥᓇ ᐯᐟᓯᒣᓯᕽ, ᒥᓇ ᐃᓬᐊᐣᐯᐟ ᐦᐁᓈᐣ; 10ᐯᐣᐦᐃᓭᐟ, ᐊᕒᐊᐸᑎᕽ; ᐁᐊᐧᑯ ᑭ ᐊᔮᐤ ᑲᐦᑭᔭᐤ ᓵᑳ, ᒥᓇ ᑲᐦᑭᔭᐤ ᐦᐁᐸᕒ ᐊᐢᑭ; 11ᐯᐣᐊᐱᓇᑖᑊ, ᒥᓯᐁᐧ ᑐᕒ ᐊᐢᑭᕽ: ᐁᐊᐧᑯ ᑭ ᐊᔮᐤ ᑌᐹᐦᐟ ᐅᑖᓂᓴ ᓵᓬᐊᒪᓇ ᐁ ᐃᐧᐃᐧᐟ; 12ᐯᐋᓇ ᐅᑯᓯᓴ ᐊᐦᐊᐃᓬᐊᐟ, ᐊᓂᑕ ᑌᐊᓈᐠ, ᒥᓇ ᒣᑭᑐ, ᒥᓇ ᒥᓯᐁᐧ ᐯᐟᓯᐊᐣ ᑭᓯᐋᐧᐠ ᓵᕒᐃᑖᐣ ᑳ ᐊᔮᐠ, ᓂᐦᒑᔨᕽ ᒉᓴᕒᐃᓬ, ᐯᐟᓯᐊᐣ ᐅᐦᒋ ᐁᐱᓬᒥᐦᐋᓬᐊ ᐃᐢᑯ, ᐱᔨᐢ ᐊᐊᐧᓵᔨᕽ ᒑᐠᒥᐊᒼ; 13ᐯᐣᑭᐸᕒ, ᐊᓂᑕ ᕒᐁᒫᐦᐟ ᑭᓬᐃᔭᐟ; ᐁᐊᐧᑯ ᑭ ᐊᔮᐤ ᐅᑌᓈᔨᐊᐧ ᒉᐊᕒ ᐅᑯᓯᓴ ᒪᓈᓯ, ᐊᓂᐦᐃ ᑭᓬᐃᔭᐟ ᑳ ᐊᔮᑭ; ᐁᐊᐧᑯ ᐅᑎ ᑭ ᐊᔮᐤ ᐊᓂᒪ ᐋᕒᑳᑊ ᐊᐢᑭ, ᐯᓵᓂᕽ ᑳ ᐊᔮᐠ, ᓂᑯᑖᐧᓱᒥᑕᓇᐤ ᑭᐦᒋ ᐅᑌᓇᐊᐧ ᐁ ᒣᓂᐢᑭᑲᑌᑭ ᒥᓇ ᐅᓵᐋᐱᐢᐠ ᐋᑖᐱᐢᑲᐦᐃᑲᓇ; 14ᐁᐦᐃᓇᑖᑊ ᐅᑯᓯᓴ ᐃᑐ, ᒣᐦᐋᓀᐃᒥᕽ; 15ᐊᐦᐃᒣᐋᐢ ᐊᓂᑕ ᓈᑊᑕᓬᐊᐩ; ᐃᐧᔭ ᒥᓇ ᑭ ᐅᑎᓀᐤ ᐹᓯᒫᐦᐟ ᐅᑖᓂᓯᔨᐊᐧ ᓵᓬᐊᒪᐣ ᑭᑕ ᐃᐧᐃᐧᐟ; 16ᐯᐋᓇ ᐅᑯᓯᓴ ᐦᔪᓵᐩ, ᐊᓂᑕ ᐋᓴᕒ ᒥᓇ ᐱᐊᓬᐋᐦᐟ; 17ᒋᐦᐋᓴᐹᐟ ᐅᑯᓯᓴ ᐹᕒᐅᐊ, ᐊᓂᑕ ᐃᓵᑲᕒ; 18ᓯᒥᐊᐩ ᐅᑯᓯᓴ ᐃᓬᐊ ᐊᓂᑕ ᐯᐣᒋᒪᐣ; 19ᑭᐸᕒ ᐅᑯᓯᓴ ᔪᕒᐊᐩ ᐊᓂᑕ ᑭᓬᐃᔭᐟ ᐊᐢᑭᕽ, ᐅᐟ ᐊᐢᑭ ᐊᓇ ᓯᐦᐋᐣ ᐅ ᑭᐦᒋ ᐅᑭᒫᒥᐋᐧᐊᐧ ᐋᒪᕒᐊᐃᑕᐠ ᒥᓇ ᐋᐠ ᐯᓵᐣ ᑭᐦᒋ ᐅᑭᒫᐤ; ᐃᐧᔭ ᒫᑲ ᑭ ᐯᔭᑯ ᐅᑭᒫᐃᐧᐤ ᐁᐊᐧᑳᐧᓂᒪ ᐊᐢᑭ.
20ᒍᑕ ᒥᓇ ᐃᐢᕒᐁᐃᓬ ᑭ ᒥᐦᒉᑎᐊᐧᐠ, ᑖᐱᐢᑯᐨ ᔦᑲᐤ ᒋᑭ ᑭᐦᒋᑲᒥᕽ ᐁ ᐃᓯ ᐅᓵᒣᔭᑎᒋᐠ, ᐁ ᒥᒋᓱᒋᐠ ᒥᓇ ᐁ ᒥᓂᐦᑫᐧᒋᐠ ᒥᓇ ᐁ ᒥᔭᐊᐧᑕᑭᐠ.
21 #
ᒉᓂᓯᐢ 15:18; 2 ᐊᑭᓀ ᐋᒋᒧᐃᐧᓇ 9:26 ᓵᓬᐊᒪᐣ ᒫᑲ ᑭ ᑎᐯᔨᐦᑕᒼ ᑲᐦᑭᔭᐤ ᑭᐦᒋ ᐅᑭᒫᐃᐧᐃᐧᓇ ᓯᐱᕽ ᐅᐦᒋ ᐱᔨᐢ ᐅᐟ ᐊᐢᑭᔨᕽ ᐱᓬᐃᐢᑎᓇ, ᒥᓇ ᐁ ᐃᐢᑯ ᐊᔮᐠ ᐃᒋᑊᐟ; ᑭ ᐯᑖᐊᐧᐠ ᒣᑭᐃᐧᓇ ᒥᓇ ᑭ ᐊᑐᐢᑲᐁᐧᐊᐧᐠ ᓵᓬᐊᒪᓇ ᐃᐢᑯ ᐁ ᐱᒫᑎᓯᔨᐟ. 22ᓵᓬᐊᒪᐣ ᒫᑲ ᐅ ᒥᒋᒥᒼ ᐯᔭᐠ ᑭᓯᑳᐤ, ᓂᐢᑐᒥᑕᓇᐤ ᒥᓯᒪᑲᕽ ᐁ ᒥᔪᓯᐟ ᐸᐦᑫᐧᓯᑲᐣ, ᒥᓇ ᓂᑯᑖᐧᓱᒥᑕᓇᐤ ᒥᓯᒪᑲᕽ ᐸᐦᑫᐧᓯᑲᐣ; 23ᒥᑖᑕᐦᐟ ᐁ ᐃᐧᔨᓄᒋᐠ ᔮᐯᒧᐢᑐᓴᐧᐠ, ᒥᓇ ᓂᓯᑕᓇᐤ ᔮᐯᒧᐢᑐᓴᐧᐠ ᒧᐢᑕᐢᑯᓯᐊᐧᑳᕽ ᐅᐦᒋ, ᒥᓇ ᒥᑖᐦᑐᒥᑕᓇᐤ ᒫᔭᑎᐦᑲᐧ, ᐋᑕᐃᐧᔭ ᒥᓇ ᐊᑎᑲᐧᐠ, ᒥᓇ ᐊᐱᐢᑕᑎᑯᓴᐠ, ᒥᓇ ᐋᐧᐋᐧᐢᑫᓯᐊᐧᐠ, ᒥᓇ ᐁ ᐃᐧᔨᓄᒋᐠ ᒥᓯᔦᐊᐧᐠ. 24ᒋᑫᒫ ᑭ ᑎᐯᔨᑕᒼ ᒥᓯᐁᐧ ᐊᐢᑭ ᐅᑌ ᐃᑖᑳᒼ ᐊᓂᒪ ᓯᐱ, ᑎᐦᑊᓴ ᐅᐦᒋ ᑫᓴ ᐃᐢᑯ ᑲᐦᑭᔭᐤ ᑭᐦᒋ ᐅᑭᒫᐊᐧ ᐅᑌ ᐃᑕᑳᒼ ᐊᓂᒪ ᓯᐱ; ᐃᐧᑕᐢᑭᐃᐧᐣ ᒫᑲ ᑭ ᐊᔮᐤ ᒥᓯᐁᐧ ᐋᐧᐢᑳ. 25ᐁᑯᓯ ᒍᑕ ᒥᓇ ᐃᐢᕒᐁᐃᓬ ᑭ ᐊᐧᐋᐧᓇᐢᑫᐊᐧᐠ, ᑲᐦᑭᔭᐤ ᐊᔨᓯᔨᓂᐤ ᓯᐹ ᐅ ᓱᒥᓈᑎᑯᕽ ᒥᓇ ᐅ ᒥᓂᓵᑎᑯᕽ, ᑖᐣ ᐅᐦᒋ ᐱᕒᓯᐸ ᐃᐢᑯ, ᐃᔨᑯᕽ ᐁ ᐅ ᑭᓯᑳᒥᐟ ᓵᓬᐊᒪᐣ. 26#1 ᑭᐦᒋ ᐅᑭᒫᐊᐧᐠ 10:26; 2 ᐊᑭᓀ ᐋᒋᒧᐃᐧᓇ 1:14; 9:25ᓵᓬᐊᒪᐣ ᒫᑲ ᑭ ᐊᔮᐁᐧᐤ ᓀᒥᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ ᑕᐦᑐᑖᐸᐣ ᒥᐢᑕᑎᒪᐧ ᐅ ᑎᑎᐱᑖᐹᓈᐢᑲᐧ ᐅᐦᒋ ᐁᑯᓯ ᒥᑖᑕᐦᐟ ᓂᓱᓵᑊ ᑕᐦᑐ ᑭᐦᒋᒥᑖᐦᑐᒥᑕᓇᐤ ᐅᑌᑕᐱᐊᐧ. 27ᐊᓂᑭ ᒫᑲ ᐅᑭᒫᐊᐧᐠ ᑭ ᐅᐦᑎᓇᒪᐁᐧᐊᐧᐠ ᒥᒋᐃᐧᐣ ᑭᐦᒋ ᐅᑭᒫᐊᐧ ᓵᓬᐊᒪᓇ, ᒥᓇ ᑲᐦᑭᔭᐤ ᐊᓂᐦᐃ ᑳ ᐯ ᐃᑐᐦᑌᔨᐟ ᓵᓬᐊᒪᓇ ᐅ ᒥᒋᓱᐃᐧᓈᑎᑯᔨᕽ, ᑲᐦᑭᔭᐤ ᐊᔨᓯᔨᓂᐤ ᐅ ᐱᓯᒧᒪ ᐁ ᐅᑎᐦᒋᐸᔨᔨᐟ; ᓇᒪᐃᐧᔭ ᑫᑲᐧᐩ ᓄᐦᑕᐤ ᐸᑭᑎᓇᒪᐧᐠ. 28ᐃᐢᑫᐧᓯᓯᑳᐣ ᒥᓇ ᐊᓯᒋ ᐸᐦᑫᐧᓯᑲᓇᐢᐠ ᒥᐢᑕᑎᒪᐧᐠ ᒥᓇ ᐱᐢᑳᐧᐃᐧᑲᓇᐠ ᑭᑕ ᐋᐸᒋᐦᑖᒋᐠ ᑭ ᐯᑖᐊᐧᐠ ᐃᑕ ᐁ ᐊᔮᒋᐠ ᐊᓂᑭ ᐅᑭᒫᐊᐧᐠ, ᑲᐦᑭᔭᐤ ᐊᔨᓯᔨᓂᐤ ᐁ ᐃᑕᑭᑕᒫᐦᐟ.
29ᑭᓭᒪᓂᑐ ᒫᑲ ᑭ ᒥᔦᐤ ᓵᓬᐊᒪᓇ ᐃᔨᓂᓯᐃᐧᐣ ᒥᓇ ᓂᓯᑐᐦᑕᒧᐃᐧᐣ ᒥᐢᑕᐦᐃ ᐊᔨᐋᐧᐠ, ᒥᓇ ᐁ ᒥᓵᐠ ᒥᑌᐦ, ᑖᐱᐢᑯᐨ ᐃᓴ ᐱᑯ ᔦᑲᐤ ᓯᓱᒑᔨᕽ ᑭᐦᒋᑲᒥᕽ. 30ᓵᓬᐊᒪᐣ ᒫᑲ ᐅᐟ ᐃᔨᓂᓯᐃᐧᐣ ᑭ ᐊᔨᐋᐧᑭᐢᑲᒧᒪᑲᓂᔨᐤ ᐅᐟ ᐃᔨᓂᓯᐃᐧᓂᐋᐧᐤ ᑲᐦᑭᔭᐤ ᐊᔨᓯᔨᓂᐊᐧᐠ ᐋᐧᐸᓄᑖᕽ ᒥᓇ ᑲᐦᑭᔭᐤ ᐃᔨᓂᓯᐃᐧᐣ ᐃᒋᑊᑎᕽ. 31#ᓂᑲᒧᓇ 89ᒋᑫᒫ ᐊᔨᐋᐧᐠ ᑭ ᐃᔨᓂᓯᐤ ᐃᔨᑯᕽ ᑲᐦᑭᔭᐤ ᐊᔨᓯᔨᓂᐤ; ᐊᔨᐋᐧᐠ ᐃᔨᑯᕽ ᐃᐦᑖᐣ ᐊᓇ ᐁᓴᕒᐊᐦᐊᐃᐟ, ᒥᓇ ᐦᐃᒪᐣ, ᒥᓇ ᑳᓬᑲᓬ, ᒥᓇ ᑖᕒᑕ, ᐅᑯᓯᓴ ᒫᐦᐊᓬ; ᒥᓯᐁᐧ ᒫᑲ ᐋᐧᐢᑳ ᐊᔨᓯᔨᓂᓈᕽ ᑭ ᐋᒋᒫᐤ. 32#ᑲᑫᐦᑖᐁᐧᐃᐧᓇ 1:1; 10:1; 25:1; ᓂᑲᒧᓇ ᐅ ᓂᑲᒧᐣ 1:1ᑭ ᐃᐧᐦᑕᒼ ᒫᑲ ᓂᐢᑖᐧᐤ ᑭᐦᒋᒥᑖᐦᑐᒥᑕᓇᐤ ᑲᑫᑖᐃᐧ ᓀᑳᒣᐧᐃᐧᓇ; ᐁᑯᓯ ᐅ ᓂᑲᒧᓇ ᑭᐦᒋᒥᑖᐦᑐᒥᑕᓇᐤ ᓂᔮᓇᐣ ᐊᔨᐋᐧᐠ ᑭ ᑕᐦᑎᓂᔨᐊᐧ. 33ᑭ ᐋᔨᒧᒣᐤ ᒥᓇ ᒥᐢᑎᑲᐧ ᐊᓂᐦᐃ ᒫᓯᑭᐢᑳᑎᑲᐧ ᓬᐁᐱᓇᓂᕽ ᑳ ᐊᔮᔨᐟ ᐅᐦᒋ ᐱᔨᐢ ᐦᐃᓴᑊ ᐋᐧᐢᑳᐦᐃᑲᐃᐧᓂᕽ ᑳ ᐅᐦᒋ ᓵᑲᐢᑭᐠ; ᑭ ᐋᔨᒧᒣᐤ ᒥᓇ ᐱᓯᐢᑭᐊᐧ ᒥᓇ ᑳ ᐸᐹᒥᔮᔨᐟ, ᒥᓇ ᑳ ᐸᐹᒥᑖᒋᒧᔨᐟ, ᒥᓇ ᑭᓄᓭᐊᐧ. 34ᑭ ᐯ ᐃᑐᐦᑌᐊᐧᐠ ᒫᑲ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᐯᐦᑕᐦᑭᐠ ᐅᐟ ᐃᔨᓂᓯᐃᐧᓂᔨᐤ ᓵᓬᐊᒪᓇ, ᑲᐦᑭᔭᐤ ᑭᐦᒋ ᐅᑭᒫᐊᐧᐠ ᐊᐢᑭᕽ ᐅᐦᒋ, ᑳ ᑭ ᐯᐦᑕᐦᑭᐠ ᐁ ᐋᑐᑖᑲᐧᓂᔨᐠ ᐅᐟ ᐃᔨᓂᓯᐃᐧᐣ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 4: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
