ᓂᐢᑕᑦ ᑭᐦᒋ ᐅᑭᒫᐊᐧᐠ 15
15
1ᓵᓴᐩ ᒫᑲ ᒥᑖᑕᐦᐟ ᐊᔨᓈᓀᐅᓴᑊ ᑕᐦᑐ ᐊᐢᑭ ᐁ ᑭ ᑭᐦᒋ ᐅᑭᒫᐃᐧᐟ ᒉᕒᐊᐳᐊᒼ ᐅᑯᓯᓴ ᓂᐹᐟ ᐊᓇ ᐊᐸᐃᒐᒼ ᑭ ᒫᒋ ᑎᐯᔨᒣᐤ ᒍᑕ. 2ᓂᐢᑐ ᐊᐢᑭ ᑭ ᑭᐦᒋ ᐅᑭᒫᐃᐧᐤ ᒉᕒᐅᓴᓬᐊᒥᕽ; ᐅᑳᐃᐧᔭ ᒫᑲ ᒣᐋᑲ ᑭ ᐃᓯᔨᐦᑳᓱᔨᐊᐧ ᐅᑖᓂᓴ ᐋᑊᓴᓬᐊᒼ. 3ᑭ ᐱᒧᑖᑐᑕᒣᐧᐤ ᒫᑲ ᑲᐦᑭᔭᐤ ᐅᑖᐃᐧᔭ ᐅ ᒪᒋᐃᑎᐃᐧᓂᔨᐊᐧ, ᓂᑳᐣ ᑳ ᑭ ᐃᑐᑕᒥᔨᐟ; ᒥᓇ ᓇᒪᐃᐧᔭ ᑭ ᒪᒥᑐᓀᐤ ᐁ ᐃᓯᑌᐦᐁᐢᑕᐋᐧᐟ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ, ᑖᐱᐢᑯᐨ ᐅᑌᐦᐃᔨᐤ ᑌᐱᑕ ᐅᑖᐃᐧᔭ. 4#1 ᑭᐦᒋ ᐅᑭᒫᐊᐧᐠ 11:36ᐁᔨᐁᐧᕽ ᒫᑲ ᑌᐱᑕ ᐅᐦᒋ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ ᑭ ᒥᔨᐠ ᐋᐧᓴᐢᑯᑌᓂᑲᐣ ᒉᕒᐅᓴᓬᐊᒥᕽ, ᑭᑕ ᐋᓂᐢᑫ ᐅᔭᔮᔨᐟ ᐅᑯᓯᓴ, ᒥᓇ ᑭᑕ ᐋᔮᑕᐢᑖᐟ ᒉᕒᐅᓴᓬᐊᒼ; 5#2 ᓵᒼᔪᐃᓬ 11:1-27ᒋᑫᒫ ᑌᐱᐟ ᑭ ᐃᑐᑕᒼ ᐊᓂᒪ ᑳ ᑲᐧᔭᐢᑲᐧᓂᔨᐠ ᐁ ᐃᑖᐱᓯᒥᑯᐟ ᑳ ᑎᐯᔨᐦᒋᑫᐟ, ᐁᑳ ᐁ ᐊᐧᓂᒥᑎᒣᐟ ᓈᐣᑕᐤ ᑫᑲᐧᐩ ᑳ ᐃᑕᓱᐋᐧᑎᑯᐟ ᐃᔨᑯᕽ ᐁ ᑭ ᐱᒫᑎᓯᐟ, ᐱᑯ ᐊᓂᒪ ᑳ ᑭ ᐃᑐᑕᐋᐧᐟ ᔪᕒᐋᔭᐊᐧ ᐊᓇ ᐦᐃᑕᐃᐟ. 6#2 ᐊᑭᓀ ᐋᒋᒧᐃᐧᓇ 13:3-21ᑭ ᓇᑐᐸᔨᐢᑖᑐᐊᐧᐠ ᒫᑲ ᕒᐃᐦᐋᐳᐊᒼ ᒥᓇ ᒉᕒᐊᐳᐊᒼ ᐃᔨᑯᕽ ᐁ ᐱᒫᑎᓯᐟ.
7ᑲᐦᑭᔭᐤ ᒫᑲ ᑯᑕᑲ ᐅᐟ ᐃᓯᐦᒋᑫᐃᐧᓇ ᐊᐸᐃᒐᒼ, ᒥᓇ ᑲᐦᑭᔭᐤ ᑳ ᑭ ᐃᑐᑕᕽ, ᓇᒪ ᒋ ᒪᓯᓇᐃᑳᑌᐊᐧ ᒪᓯᓇᐦᐃᑲᓂᕽ ᑳ ᐊᑭᓀᔮᒋᒥᐦᒋᐠ ᒍᑕ ᑭᐦᒋ ᐅᑭᒫᐊᐧᐠ? ᑭ ᓇᑐᐸᔨᐢᑖᑐᐊᐧᐠ ᒫᑲ ᐊᐸᐃᒐᒼ ᒥᓇ ᒉᕒᐊᐳᐊᒼ. 8ᐊᐸᐃᒐᒼ ᒫᑲ ᑭ ᐃᐧᒋᓂᐹᒣᐤ ᐅᑖᐃᐧᔭ; ᐁᑯᓯ ᑭ ᓇᐦᐃᓀᐊᐧᐠ ᑌᐱᑕ ᐅᐟ ᐅᑌᓈᔨᕽ; ᐁᓵ ᒫᑲ ᐅᑯᓯᓴ ᑭ ᑭᐦᒋ ᐅᑭᒫᐃᐧᔨᐊᐧ ᐁ ᑖᐱᐢᑲᒫᑯᐟ.
9ᓂᓯᑕᓇᐤ ᒫᑲ ᑕᐦᑐ ᐊᐢᑭ ᐁ ᑭ ᑭᐦᒋ ᐅᑭᒫᐃᐧᐟ ᒉᕒᐊᐳᐊᒼ ᐃᐢᕒᐁᐃᓬ ᑭᐦᒋ ᐅᑭᒫᐤ ᐁᓵ ᑭ ᒫᒋ ᑎᐯᔨᐦᑕᒼ ᒍᑕ. 10ᓀᒥᑕᓇᐤ ᐯᔭᐠ ᐊᔨᐋᐧᐠ ᑕᐦᑐ ᐊᐢᑭ ᑭ ᑭᐦᒋ ᐅᑭᒫᐃᐧᐤ ᒉᕒᐅᓴᓬᐊᒥᕽ; ᐅᑳᐃᐧᔭ ᒫᑲ ᒣᐋᑲ ᑭ ᐃᓯᔨᐦᑳᓱᔨᐊᐧ ᐅᑖᓂᓴ ᐋᑊᓴᓬᐊᒼ. 11ᐁᓵ ᒫᑲ ᑭ ᐃᑐᑕᒼ ᐊᓂᒪ ᑳ ᑲᐧᔭᐢᑲᐧᓂᔨᐠ ᐁ ᐃᓯ ᐋᐧᐸᐦᑕᒥᔨᐟ ᑳ ᑎᐯᔨᐦᒋᑫᔨᐟ, ᑖᐱᐢᑯᐨ ᑌᐱᑕ ᐅᑖᐃᐧᔭ. 12#2 ᐊᑭᓀ ᐋᒋᒧᐃᐧᓇ 15:8-15ᑭ ᐊᐧᔭᐃᐧᑎᓴᐁᐧᐤ ᒫᑲ ᐊᓂᐦᐃ ᓵᑕᒫᐃᑕ ᐁᑯᑕ ᐊᐢᑭᕽ ᐅᐦᒋ, ᒥᓇ ᑭ ᐃᑲᑌᓀᐤ ᑲᐦᑭᔭᐤ ᐊᓂᐦᐃ ᒪᓂᑐᑳᓇ ᐅᑖᐃᐧᔭ ᑳ ᑭ ᐅᓯᐦᐋᔨᐟ. 13ᐁᑯᓯ ᒥᓇ ᒣᐋᑲᐊᐧ ᐅᑳᐃᐧᔭ ᑭ ᐃᑲᑌᓀᐤ ᐁᑳ ᑭᑕ ᑭᐦ ᑭᐦᒋ ᐅᑭᒫᐢᑫᐧᐃᐧᔨᐟ, ᒋᑫᒫ ᑭ ᐅᓯᐦᐁᔨᐊᐧ ᐁ ᐸᑳᐧᑎᑯᓯᔨᐟ ᓇᐢᐱᓯᒋᑲᓇ ᐋᓴᕒᐊᐊᐧ ᐅᐦᒋ; ᐁᓵ ᒫᑲ ᑭ ᑭᐢᑲᑕᐦᐅᒣᐤ ᐅ ᓇᐢᐱᓯᒋᑲᓂᔨᐊᐧ, ᒥᓇ ᑭ ᒣᐢᑎᑲᓱᒣᐤ ᐊᓂᑕ ᑭᑕᕒᐊᐣ ᓯᐱᓯᓯᕽ. 14ᒫᑲ ᐃᐧᔭ ᐃᐢᐹᔭᐊᐧ ᓇᒪᐃᐧᔭ ᑭ ᐅᑎᓂᑳᑌᐊᐧ; ᐁᔨᐁᐧᕽ ᒫᑲ ᐅᑌᐦᐃᕽ ᐁᓵ ᑭ ᒪᒥᑐᓂᑲᐦᑕᐁᐧᐤ ᑳ ᑎᐯᔨᐦᒋᑫᔨᐟ ᐃᐢᑯ ᐁ ᐱᒫᑎᓯᐟ. 15ᑭ ᐱᑐᑲᑕᐤ ᒫᑲ ᐅ ᐋᐧᐢᑳᐦᐃᑲᓂᔨᕽ ᑳ ᑎᐯᔨᐦᒋᑫᔨᐟ ᑲᐦᑭᔭᐤ ᐊᓂᐦᐃ ᐅᑖᐃᐧᔭ ᑳ ᑭ ᐸᑭᑎᓈᓱᔨᐟ, ᒥᓇ ᐊᓂᐦᐃ ᐃᐧᔭ ᑳ ᑭ ᐸᑭᑎᓈᓱᐟ, ᐋᐧᐱᐢᑭᓱᓂᔮᐊᐧ ᒥᓇ ᐅᓴᐃᐧᓱᓂᔮᐊᐧ ᒥᓇ ᐊᓯᐊᐧᒋᑲᓇ.
16ᑭ ᓄᑎᓂᑐᐊᐧᐠ ᒫᑲ ᐁᓵ ᒥᓇ ᐯᐋᓴ ᐃᐢᕒᐁᐃᓬ ᑭᐦᒋ ᐅᑭᒫᐤ ᐃᐢᑯ ᐁ ᐱᒫᑎᓯᒋᐠ. 17ᐯᐋᓴ ᒫᑲ ᐃᐢᕒᐁᐃᓬ ᑭᐦᒋ ᐅᑭᒫᐤ ᑭ ᓇᑐᐸᔨᐢᑕᐁᐧᐤ ᒍᑕᐊᐧ, ᐁᑯᓯ ᑭ ᐅᓯᐦᑖᐤ ᕒᐁᒪ, ᐁᑳ ᐊᐃᐧᔭ ᑭᑕ ᐃᔨᓇᒪᐋᐧᐟ ᑭᑕ ᐊᐧᔭᐃᐧᔨᐟ ᐊᐦᐳ ᑭᑕ ᐱᑐᑲᐋᐧᔨᐟ ᐁᓵᐊᐧ ᒍᑕ ᑭᐦᒋ ᐅᑭᒫᐊᐧ. 18ᐁᑲᐧ ᐁᓵ ᑭ ᐅᑎᓀᐤ ᑲᐦᑭᔭᐤ ᐋᐧᐱᐢᑭᓱᓂᔮᐊᐧ ᒥᓇ ᐅᓵᐃᐧᓱᓂᔮᐊᐧ ᑳ ᐃᐢᑲᐧᐱᔨᐟ ᐃᑕ ᓱᓂᔮᐊᐧ ᐁ ᐊᔮᔨᐟ ᐅ ᐋᐧᐢᑳᐦᐃᑲᓂᕽ ᑳ ᑎᐯᔨᐦᒋᑫᐟ, ᒥᓇ ᐃᑕ ᓱᓂᔮᐊᐧ ᐁ ᐊᔮᔨᐟ ᑭᐦᒋ ᐅᑭᒫᐤ ᐅ ᐋᐧᐢᑳᐦᐃᑲᓂᕽ, ᐁᑯᓯ ᑭ ᐸᑭᑎᓇᒪᐁᐧᐤ ᐅᒋᐦᒋᔨᕽ ᐅᐟ ᐊᑐᐢᑫᔮᑲᓇ; ᑭᐦᒋ ᐅᑭᒫᐤ ᐁᓵ ᒫᑲ ᑭ ᐃᓯᑎᓴᐦᐊᒪᐁᐧᐤ ᐯᐣᐦᐁᑖᑕ, ᐅᑯᓯᓴ ᑖᐸᕒᐃᒪᐣ, ᐅᑯᓯᓴ ᐦᐁᓯᔭᐣ, ᓯᕒᐃᔭ ᑭᐦᒋ ᐅᑭᒫᐤ, ᑕᒫᐢᑲᓯᕽ ᑳ ᐊᔮᔨᐟ, ᐁ ᐃᑖᐟ, 19ᑭ ᐃᐧᒋᐦᐃᓯᒋᑫᒥᑐᓈᓇᐤ, ᒥᓇ ᑯᑖᐃᐧᓇᐊᐧᐠ ᑭ ᐃᐧᒋᐦᐃᓯᒋᑫᒥᑐᐊᐧᐠ; ᒫᑎᑲ, ᑭᐟ ᐃᓯᑎᓴᐦᐊᒫᑎᐣ ᒣᑭᐃᐧᐣ, ᐋᐧᐱᐢᑭᓱᓂᔮᐋᐧᐱᐢᐠ ᒥᓇ ᐅᓵᐃᐧᓱᓂᔮᐋᐧᐱᐢᐠ; ᓂᔮ, ᐱᑯᓇ ᑳ ᐃᐧᒋᐦᐃᓯᒋᑫᒥᑐᔦᐠ ᐯᐋᓴ ᐃᐢᕒᐁᐃᓬ ᑭᐦᒋ ᐅᑭᒫᐤ ᑭᑕ ᐳᓂᐦᑲᐃᐧᐟ. 20ᐯᐣᐦᐁᑖᐟ ᒫᑲ ᑭ ᓇᑐᐦᑕᐁᐧᐤ ᑭᐦᒋ ᐅᑭᒫᐊᐧ ᐁᓵᐊᐧ, ᐁᑯᓯ ᑭ ᐃᓯᑎᓴᐁᐧᐤ ᓯᒫᑲᓂᓯᐃᐧᑭᒫᐊᐧ ᑳ ᑎᐯᔨᒫᔨᐟ ᐅ ᓯᒫᑲᓂᓯᒪ ᑭᑕ ᓇᑐᐸᔨᐢᑕᒥᔨᐟ ᐅᑌᓇᐊᐧ ᐃᐢᕒᐁᐃᓬᐃᕽ, ᑭ ᐸᑲᒪᐊᒪᐧᐠ ᒫᑲ ᐊᐃᒐᐣ, ᒥᓇ ᑖᐣ, ᒥᓇ ᐁᐱᓬᐯᐦᐟᒣᐋᑲ, ᒥᓇ ᒥᓯᐁᐧ ᑭᓇᕒᐋᐦᐟ, ᐊᓯᒋ ᒥᓯᐁᐧ ᓈᑊᑕᓬᐊᐩ ᐊᐢᑭ. 21ᑭ ᐊᔨᑭᐣ ᒫᑲ ᐃᐢᐱ ᐯᐋᓴ ᐱᔦᐦᑕᕽ ᐁᐊᐧᑫᐧᔨᐤ, ᑭ ᐳᓂ ᐊᑐᐢᑳᑕᐣ ᕒᐁᒪ, ᐁᑯᓯ ᑎᕒᓴᐃᕽ ᑭ ᐊᔭᔮᐤ. 22ᐁᑲᐧ ᑭᐦᒋ ᐅᑭᒫᐤ ᐁᓵ ᑭ ᐃᓯᐦᒋᑫᐤ ᑭᑕ ᑌᐹᐧᑕᒫᐦᒋᐠ ᑲᐦᑭᔭᐤ ᒍᑕ; ᓇᒪᐃᐧᔭ ᐊᐃᐧᔭᐠ ᐃᐢᑯᓈᐤ; ᑭ ᓯᐯᐧᔮᐊᐧᔦᐊᐧᐠ ᒫᑲ ᐊᓯᓂᔭ ᕒᐁᒪᐃᕽ ᐅᐦᒋ, ᒥᓇ ᒥᐢᑎᑲᐧ ᐯᐋᓴ ᑳ ᑭ ᐋᐧᐢᑲᐦᐃᑲᓂᑳᑫᐟ; ᐁᑯᓯ ᑭᐦᒋ ᐅᑭᒫᐤ ᐁᓵ ᐁᐊᐧᑯᓂ ᐁ ᐋᐸᒋᐋᐟ ᑭ ᐅᓯᐦᑖᐤ ᑭᐸ ᐯᐣᒋᒪᐣ ᐊᐢᑭᕽ, ᒥᓇ ᒥᐢᐸ.
23ᑯᑕᑲ ᒫᑲ ᐅᐟ ᐃᓯᐦᒋᑫᐃᐧᓇ ᐁᓵ, ᒥᓇ ᑲᐦᑭᔭᐤ ᐅ ᒪᐢᑲᐃᐧᓯᐃᐧᐣ, ᒥᓇ ᑲᐦᑭᔭᐤ ᑳ ᑭ ᐃᑐᑕᕽ, ᒥᓇ ᐅᑌᓇᐊᐧ ᑳ ᑭ ᐅᓯᐦᑖᐟ, ᓇᒪ ᒋ ᒪᓯᓇᐃᑳᑌᐊᐧ ᒪᓯᓇᐦᐃᑲᓂᕽ ᑳ ᐊᑭᓀᔮᒋᒥᐦᒋᐠ ᒍᑕ ᑭᐦᒋ ᐅᑭᒫᐊᐧᐠ? ᒫᑲ ᐃᐢᐱ ᐁ ᑭᓭᔨᓂᐃᐧᐟ ᑭ ᐋᐦᑯᓯᐤ ᐅᓯᑎᕽ. 24ᐁᓵ ᒫᑲ ᑭ ᐃᐧᒋᓂᐹᒣᐤ ᐅᑖᐃᐧᔭ, ᐁᑯᓯ ᑭ ᓇᐦᐃᓈᐤ ᐊᓯᒋ ᐅᑖᐃᐧᐸᓇ ᐅᐟ ᐅᑌᓈᔨᕽ ᑌᐱᑕ ᐅᑖᐃᐧᔭ; ᐅᑯᓯᓴ ᒫᑲ ᒋᐦᐋᓴᐹᐟ ᑭ ᑭᐦᒋ ᐅᑭᒫᐃᐧᔨᐊᐧ ᐁ ᑖᐱᐢᑲᒫᑯᐟ.
25ᓀᑖᑊ ᒫᑲ ᐅᑯᓯᓴ ᒉᕒᐊᐳᐊᒼ ᑭ ᒫᒋ ᑭᐦᒋᐅᑭᒪᑲᑕᐁᐧᐤ ᐃᐢᕒᐁᐃᓬᐊ ᓂᓱ ᐊᐢᑭ ᐁ ᐊᑎ ᑎᐯᔨᐦᑕᒥᔨᐟ ᐁᓵᐊᐧ ᒍᑕ ᑭᐦᒋ ᐅᑭᒫᐊᐧ, ᓂᓱ ᐊᐢᑭ ᒫᑲ ᑭ ᑭᐦᒋ ᐅᑭᒫᑲᑕᐁᐧᐤ ᐃᐢᕒᐁᐃᓬᐊ. 26ᑭ ᐃᑐᑕᒼ ᒫᑲ ᐊᓂᒪ ᑳ ᒫᔮᑕᓂᔨᐠ ᐁ ᐃᓯ ᑭᑖᐸᑕᒥᔨᐟ ᑳ ᑎᐯᔨᐦᒋᑫᔨᐟ, ᐁᑯᓯ ᑭ ᐱᒧᑖᑐᑕᒣᐧᐤ ᐅ ᒣᐢᑲᓈᔨᐤ ᐅᑖᐃᐧᔭ, ᒥᓇ ᐅ ᒪᒋᑐᑕᒧᐃᐧᓂᔨᐤ ᐃᑕ ᑳ ᑭ ᒪᒋᑐᑕᒧᐦᐋᔨᐟ ᐃᐢᕒᐁᐃᓬᐊ.
27ᐯᐋᓴ ᒫᑲ ᐅᑯᓯᓴ ᐊᐦᐊᐃᒐ, ᐅ ᐋᐧᐢᑳᐦᐃᑲᓂᔨᕽ ᐅᐦᒋ ᐃᓵᑲᕒ, ᑭ ᑭᒧᒋᑲᑕᐁᐧᐤ; ᐯᐋᓴ ᒫᑲ ᑭ ᐸᑲᒪᐁᐧᐤ ᑭᐱᐦᑕᓂᕽ, ᐱᓬᐃᐢᑎᓇᐠ ᑳ ᑭ ᐊᔮᒋᐠ; ᒋᑫᒫ ᓀᑖᑊ ᒥᓇ ᑲᐦᑭᔭᐤ ᐃᐢᕒᐁᐃᓬ ᑭ ᒣᑳᐧ ᑲᐯᓯᑐᑕᒪᐧᐠ ᑭᐱᐦᑕᐣ. 28ᓂᐢᑐ ᐊᐢᑭ ᐅᑎ ᐁ ᐊᑎ ᐃᐢᐸᔨᐠ ᐁᓵ ᐁ ᑭᐦᒋ ᐅᑭᒫᑲᑕᐋᐧᐟ ᒍᑕᐊᐧ ᐯᐋᓴ ᑳ ᑭ ᓂᐸᐦᐋᐟ ᓀᑖᐸ, ᒥᓇ ᑳ ᑭ ᑭᐦᒋᐅᑭᒪᐃᐟ ᐁ ᒥᐢᑯᑎᐢᑲᒫᐋᐧᐟ. 29#1 ᑭᐦᒋ ᐅᑭᒫᐊᐧᐠ 14:10ᑭ ᐊᔨᑭᐣ ᒫᑲ ᓭᒫᐠ ᐁ ᑭᐦᒋ ᐅᑭᒫᐃᐧᐟ, ᑭ ᐸᑲᒪᐁᐧᐤ ᑲᐦᑭᔭᐤ ᐅ ᐋᐧᐢᑳᐦᐃᑲᓂᔨᕽ ᒉᕒᐊᐳᐊᒪ; ᓇᒪᐃᐧᔭ ᐊᐃᐧᔭ ᐁ ᐹᐸᑭᑕᑖᒧᔨᐟ ᑭ ᐃᐢᑯᐃᒣᐤ ᒉᕒᐊᐳᐊᒪ, ᐱᔨᐢ ᒥᑐᓂ ᐁ ᑭ ᓂᓯᐊᐧᓈᒋᐦᐋᐟ; ᑳ ᑭ ᐃᑕᐢᑌᔨᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᑳ ᑭ ᐃᑌᐧᐦᐋᐟ ᐅᐟ ᐊᑐᐢᑫᔮᑲᓇ ᐊᐦᐊᐃᒐᐊᐧ ᐊᓇ ᓵᐃᓬᐊᓇᐃᐟ; 30ᐅ ᒪᒋᐃᑎᐃᐧᓇ ᐅᐦᒋ ᒉᕒᐊᐳᐊᒼ ᑳ ᑭ ᐃᓯ ᒪᒋᑐᑕᕽ, ᒥᓇ ᑳ ᑭ ᐃᓯ ᒪᒋᑐᑕᒧᐦᐋᐟ ᐃᐢᕒᐁᐃᓬᐊ; ᐅ ᑭᓯᐋᐧᑖᐧᐃᐧᒼ ᐅᐦᒋ ᑳ ᑭ ᐃᑐᑕᐋᐧᐟ ᑳ ᑎᐯᔨᐦᒋᑫᔨᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ ᑭᑕ ᑭᓯᐋᐧᓯᔨᐟ.
31ᑯᑕᑲ ᒫᑲ ᐅᐟ ᐃᓯᐦᒋᑫᐃᐧᓇ ᓀᑖᑊ, ᒥᓇ ᑲᐦᑭᔭᐤ ᑳ ᑭ ᐃᑐᑕᕽ, ᓇᒪ ᒋ ᒪᓯᓇᐃᑳᑌᐊᐧ ᒪᓯᓇᐦᐃᑲᓂᕽ ᑳ ᐊᑭᓀ ᐋᒋᒥᐦᒋᐠ ᐃᐢᕒᐁᐃᓬ ᑭᐦᒋ ᐅᑭᒫᐊᐧᐠ? 32ᑭ ᓄᑎᓂᑐᐊᐧᐠ ᒫᑲ ᐁᓵ ᒥᓇ ᐯᐋᓴ ᐃᐢᕒᐁᐃᓬ ᑭᐦᒋ ᐅᑭᒫᐤ ᐃᐢᑯ ᐁ ᐱᒫᑎᓯᒋᐠ.
33ᓂᐢᑐ ᐊᐢᑭ ᐁ ᐊᑎ ᐃᐢᐸᔨᐠ ᐁᓵ ᐁ ᑭᐦᒋ ᐅᑭᒫᑲᑕᐋᐧᐟ ᒍᑕᐊᐧ, ᐯᐋᓴ ᐅᑯᓯᓴ ᐊᐦᐊᐃᒐ ᑭ ᒫᒋ ᑭᐦᒋ ᐅᑭᒫᑲᑕᐁᐧᐤ ᑲᐦᑭᔭᐤ ᐃᐢᕒᐁᐃᓬᐊ ᑎᕒᓴᐃᕽ, ᐁᑯᓯ ᑭ ᑭᐦᒋ ᐅᑭᒫᐃᐧᐤ ᓂᓯᑕᓇᐤ ᓀᐤ ᐊᔨᐊᐧᐠ ᑕᐦᑐ ᐊᐢᑭ. 34ᑭ ᐃᑐᑕᒼ ᒫᑲ ᐊᓂᒪ ᑳ ᒫᔮᑕᓂᔨᐠ ᐁ ᐃᓯ ᑭᑖᐸᑕᒥᔨᐟ ᑳ ᑎᐯᔨᐦᒋᑫᔨᐟ, ᒥᓇ ᑭ ᐱᒧᑖᑐᑕᒣᐧᐤ ᐅ ᒣᐢᑲᓈᔨᐤ ᒉᕒᐊᐳᐊᒪ, ᒥᓇ ᐅ ᒪᒋᐃᑎᐃᐧᓂᔨᐤ ᑳ ᑭ ᐃᓯ ᒪᒋᑐᑕᒧᐋᔨᐟ ᐃᐢᕒᐁᐃᓬᐊ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 15: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
