ᓂᐢᑕᑦ ᑭᐦᒋ ᐅᑭᒫᐊᐧᐠ 11
11
1 #
ᑎᔪᑕᕒᐊᓇᒥ 17:17
ᒫᑲ ᑭᐦᒋ ᐅᑭᒫᐤ ᓵᓬᐊᒪᐣ ᑭ ᓵᑭᐦᐁᐤ ᒥᐦᒉᐟ ᐊᔭᐦᒋ ᐃᐢᑫᐧᐊᐧ, ᐊᓯᒋ ᐅᑖᓂᓯᔨᐊᐧ ᐯᕒᐅ, ᐅᐟ ᐃᐢᑫᐧᒥᔨᐊᐧ ᒧᐊᐸᐃᑕ, ᐋᒪᓇᐃᑕ, ᐃᑕᒪᐃᑕ, ᓴᐃᑕᓂᐊᓇ, ᒥᓇ ᐦᐃᑕᐃᑕ; 2#ᐁᐠᓴᑕᐢ 34:16; ᑎᔪᑕᕒᐊᓇᒥ 7:3,4ᐊᓂᐦᐃ ᐊᔨᓯᔨᓂᐊᐧ ᐅᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑖᐟ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᓇᒪᐃᐧᔭ ᑭ ᑲ ᐱᑐᑲᐋᐧᐊᐧᐠ ᐊᐦᐳ ᓇᒪᐃᐧᔭ ᑭ ᑲ ᐱᑐᑳᑯᐋᐧᐊᐧᐠ; ᒋᑫᒫ ᑫᐦᒋᓈ ᑭᑕ ᑫᐧᐢᑭᓇᒪᐧᐠ ᑭᑌᐦᐃᐋᐧᐊᐧ ᑭᑕ ᐱᒥᑎᓴᐅᒫᔦᐠ ᐅ ᒪᓂᑐᑳᓂᐋᐧᐊᐧ; ᓵᓬᐊᒪᐣ ᐁᐊᐧᑯᓂ ᐅᐦᐃ ᑳ ᓵᑭᐦᐋᐟ. 3ᑌᐸᑯᐦᐹᐧᐤ ᒥᑖᐦᑐᒥᑕᓇᐤ ᒫᑲ ᑭ ᐃᑕᓯᔨᐊᐧ ᐃᐧᐊᐧ, ᐅᑭᒫᐢᑫᐧᐊᐧ, ᐁᑯᓯ ᓂᐢᑖᐧᐤ ᒥᑖᐦᑐᒥᑕᓇᐤ ᑭ ᐃᑕᓯᔨᐊᐧ ᐅ ᑲᓇᐃᐧᐢᑫᐧᐋᐧᓇ; ᐃᐧᐊᐧ ᒫᑲ ᑭ ᑫᐧᐢᑭᓇᒥᔨᐊᐧ ᐅᑌᐦ. 4ᒋᑫᒫ ᑭ ᐊᔨᑭᐣ ᐃᐢᐱ ᐁ ᑭᓭᔨᓂᐃᐧᐟ ᓵᓬᐊᒪᐣ, ᐃᐧᐊᐧ ᑭ ᑫᐧᐢᑭᓇᒥᔨᐊᐧ ᐅᑌᐦ ᑭᑕ ᐱᒥᑎᓴᐋᐧᐟ ᑯᑕᑲ ᒪᓂᑐᐊᐧ; ᐁᑯᓯ ᓇᒪᐃᐧᔭ ᑭ ᒪᒥᑐᓂᒪᑲᓂᔨᐤ ᐅᑌᐦ ᐁ ᐃᓯ ᐊᑐᐢᑲᐋᐧᐟ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ, ᑳ ᑭ ᐃᓯ ᐊᔨᔨᐠ ᐅᑌᐦᐃᔨᐤ ᐅᑖᐃᐧᔭ ᑌᐱᑕ. 5ᒋᑫᒫ ᓵᓬᐊᒪᐣ ᑭ ᐱᒥᑎᓴᐁᐧᐤ ᐅ ᒪᓂᑐᐃᐧᐢᑫᐧᒥᔨᐊᐧ ᓴᐃᑕᓂᐊᓇ, ᒥᓇ ᒥᓬᑳᒼ ᐅ ᐸᑳᐧᑌᔨᑖᑯᓯᐃᐧᓂᐋᐧᐤ ᐋᒪᓇᐃᑕᐠ. 6ᓵᓬᐊᒪᐣ ᒫᑲ ᑭ ᒪᒋᐃᓯᒋᑫᐤ ᐁ ᐃᓯ ᐋᐧᐸᐦᑕᒥᔨᐟ ᑳ ᑎᐯᔨᐦᒋᑫᔨᐟ, ᒥᓇ ᓇᒪᐃᐧᔭ ᒥᑐᓂ ᐱᒥᑎᓴᐁᐧᐤ ᑳ ᑎᐯᔨᐦᒋᑫᔨᐟ, ᑳ ᑭ ᐃᑐᑕᒥᔨᐟ ᑌᐱᑕ ᐅᑖᐃᐧᔭ. 7ᐁᑲᐧ ᓵᓬᐊᒪᐣ ᑭ ᐅᓯᐦᑖᐤ ᐁ ᐃᐢᐸᔮᐊᐧᕽ ᑭᒫᐢ ᐅᐦᒋ ᐅ ᐸᑳᐧᑌᔨᑖᑯᓯᐃᐧᐣ ᒧᐋᑊ, ᐊᐧᒋᕽ ᑎᐱᐢᑯᐨ ᒉᕒᐅᓴᓬᐊᒼ, ᒥᓇ ᒫᓬᐃᐠ ᐅ ᐸᑳᐧᑌᔨᑖᑯᓯᐃᐧᓂᐋᐧᐤ ᐅᐟ ᐊᐋᐧᓯᒥᓴ ᐋᒪᐣ. 8ᐁᑯᓯ ᒫᑲ ᒥᓇ ᑭ ᐃᑐᑕᒪᐁᐧᐤ ᑲᐦᑭᔭᐤ ᐊᔭᐦᒋ ᐃᐢᑫᐧᐊᐧ ᑳ ᐃᐧᐃᐧᐟ ᑳ ᐃᐧᑭᒫᓴᒪᐋᐧᔨᐟ ᒥᓇ ᑳ ᐸᑭᑎᓈᒪᐋᐧᔨᐟ ᐸᑭᑎᓈᓱᐃᐧᓇ ᐅ ᒪᓂᑐᒥᔨᐊᐧ.
9ᑳ ᑎᐯᔨᐦᒋᑫᔨᐟ ᒫᑲ ᑭ ᑭᓯᐢᑕᐠ ᓵᓬᐊᒪᐣ, ᒋᑫᒫ ᐅᑌᐦᐃᕽ ᐁ ᑭ ᓇᑲᑖᐟ ᑳ ᑎᐯᔨᐦᒋᑫᔨᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᐊᓂᐦᐃ ᓂᓵᐧᐤ ᑳ ᑭ ᓄᑯᐦᐃᓱᐢᑖᑯᐟ, 10ᒥᓇ ᑳ ᑭ ᐃᑕᓱᐋᐧᑎᑯᐟ ᐁᐋᐧᑫᐧᔨᐤ ᐅᒪ ᐅᐦᒋ ᐁᑳ ᑭᑕ ᐱᒥᑎᓴᐦᐊᐧᐟ ᐱᑐᐢ ᒪᓂᑐᐊᐧ; ᒫᑲ ᓇᒪᐃᐧᔭ ᑭ ᐱᒥᑎᓴᐦᐊᒼ ᐊᓂᒪ ᑳ ᑎᐯᔨᐦᒋᑫᔨᐟ ᑳ ᑭ ᐃᑕᓱᐁᐧᔨᐟ. 11ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑭ ᐃᑌᐤ ᓵᓬᐊᒪᓇ, ᒋᑫᒫ ᐅᒥᓯ ᐁ ᑭ ᐃᑐᑕᒪᐣ, ᒥᓇ ᐁᑳ ᐁ ᐱᒥᑎᓴᐦᐊᒪᐣ ᓂ ᐃᐧᒋᐦᐃᓯᒋᑫᒥᐁᐧᐃᐧᐣ ᒥᓇ ᓂ ᑲᑫᐢᑫᐧᐃᐧᓇ ᑳ ᑭ ᐃᑕᓱᐋᐧᑎᑖᐣ, ᑫᐦᒋᓈ ᑭ ᑲ ᒪᐢᑲᒥᑎᐣ ᑭᐦᒋ ᐅᑭᒫᐃᐧᐃᐧᐣ ᐁᑯᓯ ᓂ ᑲ ᒥᔮᐤ ᑭᐟ ᐊᑐᐢᑫᔮᑲᐣ. 12ᐁᔨᐁᐧᕽ ᒫᑲ ᒣᑳᐧᐨ ᑭᔭ ᐁ ᐅᑯᓯᑳᒥᔭᐣ ᓇᒪᐃᐧᔭ ᓂ ᑲ ᐃᑐᑌᐣ, ᑌᐱᐟ ᑯᑖᐃᐧ ᐅᐦᒋ; ᒫᑲ ᓂ ᑲ ᑫᒋᒋᐦᒉᐱᑖᐤ ᑭᑯᓯᐢ. 13ᐁᔨᐁᐧᕽ ᒫᑲ ᓇᒪᐃᐧᔭ ᑭ ᑲ ᒪᐢᑲᒥᑎᐣ ᒥᓯᐁᐧ ᑭᐦᒋ ᐅᑭᒫᐃᐧᐃᐧᐣ; ᒫᑲ ᐯᔭᑯᑌᐤ ᓂ ᑲ ᒥᔮᐤ ᑭᑯᓯᐢ, ᑌᐱᐟ ᓂᐟ ᐊᑐᐢᑫᔮᑲᐣ ᐅᐦᒋ ᒥᓇ ᒉᕒᐅᓴᓬᐊᒼ ᐅᐦᒋ ᑳ ᑭ ᓇᐊᐧᓱᓇᒫᐣ.
14ᑳ ᑎᐯᔨᐦᒋᑫᐟ ᒫᑲ ᑭ ᐸᓯᑯᓀᐤ ᐊᐃᐧᔭ ᑭᑕ ᓇᑳᐢᑳᑯᔨᐟ ᓵᓬᐊᒪᓇ, ᐦᐁᑖᐟ ᐊᓇ ᐃᑕᒪᐃᐟ ᑭ ᐋᐧᑯᒣᐤ ᑭᐦᒋ ᐅᑭᒫᐊᐧ ᐃᑕᒥᕽ. 15ᒋᑫᒫ ᑭ ᐊᔨᑭᐣ ᐃᐢᐱ ᑌᐱᐟ ᐃᑕᒥᕽ ᑳ ᐊᔮᐟ, ᒥᓇ ᒍᐋᑊ ᓯᒫᑲᓂᓯᐃᐧᑭᒫᐤ ᑳ ᐃᑐᐦᑌᐟ ᑭᑕ ᓇᐃᓈᐟ ᓂᐸᑖᑲᓇ, ᒥᓇ ᑳ ᓂᐸᐦᐋᐟ ᑲᐦᑭᔭᐤ ᑳ ᓈᐯᐃᐧᔨᐟ ᐃᑕᒥᕽ; 16(ᐊᔨᐢ ᒍᐋᑊ ᒥᓇ ᑲᐦᑭᔭᐤ ᐃᐢᕒᐁᐃᓬ ᓂᑯᑖᐧᓱᐱᓯᒼ ᐁᑯᑕ ᑭ ᐊᔮᐊᐧᐠ, ᐱᔨᐢ ᐁ ᑭ ᒣᐦᒋᐋᒋᐠ ᑲᐦᑭᔭᐤ ᑳ ᓇᐯᐃᐧᔨᐟ ᐃᑕᒥᕽ;) 17ᐊᓇ ᐦᐁᑖᐟ ᑭ ᑕᐸᓯᐤ, ᐃᐧᔭ ᒥᓇ ᐋᑎᐦᐟ ᐃᑕᒪᐃᑕ ᐅᑖᐃᐧᔭ ᐅᐟ ᐊᑐᐢᑫᔮᑲᓂᔨᐊᐧ ᐁ ᐃᐧᒉᐃᐧᑯᐟ, ᑭᑕ ᐃᑐᐦᑌᒋᐠ ᐃᒋᑊᑎᕽ; ᐦᐁᑖᐟ ᑫᔮᐱᐨ ᐁ ᐊᐱᐢᑕᐋᐧᓯᓯᐃᐧᐟ. 18ᑭ ᓯᐯᐧᑌᐊᐧᐠ ᒫᑲ ᒥᑎᔭᓂᕽ ᐅᐦᒋ, ᐁᑯᓯ ᑭ ᑕᑯᓯᓇᐧᐠ ᐯᕒᐊᓂᕽ, ᑭ ᐊᑎ ᐅᑎᓀᐊᐧᐠ ᒫᑲ ᓈᐯᐊᐧ ᑭᑕ ᐃᐧᒉᐃᐧᑯᒋᐠ ᐯᕒᐋᐣ ᐅᐦᒋ, ᒥᓇ ᑭ ᑕᑯᓯᓇᐧᐠ ᐃᒋᑊᑎᕽ ᐁ ᐅᑎᑖᒋᐠ ᐊᓂᐦᐃ ᐯᕒᐅ ᐃᒋᑊᐟ ᑭᐦᒋᐅᑭᒫᐤ; ᐁᐊᐧᑯᓂ ᒫᑲ ᑭ ᒥᔨᐠ ᐋᐧᐢᑳᐦᐃᑲᐣ, ᒥᓇ ᑭ ᐅᐦᑎᓇᒫᐠ ᒥᒋᐃᐧᐣ ᒥᓇ ᑭ ᒥᔨᐠ ᐊᐢᑭ. 19ᐦᐁᑖᐟ ᒫᑲ ᑭ ᐃᓯ ᒥᐢᑲᒼ ᒥᐢᑕᐦᐃ ᑭᑕ ᒥᔪ ᑲᓇᐋᐧᐸᒥᑯᐟ ᐯᕒᐅᐊᐧ, ᐁᑯᓯ ᑭ ᒥᔨᐠ ᑭᑕ ᐃᐧᐃᐧᐟ ᐃᐧᒋᓵᓂᔨᐊᐧ ᑖᐦᐱᓂᐢ ᑭᐦᒋ ᐅᑭᒫᐢᑫᐧᐊᐧ. 20ᐊᓂᐦᐃ ᒫᑲ ᐃᐧᒋᓵᓂᔨᐊᐧ ᑖᐦᐱᓂᐢ ᑭ ᓂᐦᑖᐃᐧᑭᑕᒫᐠ ᑫᓄᐸᐦᐟ ᐅᑯᓯᓴ, ᐁᐊᐧᑯᓂ ᑖᐦᐱᓂᐢ ᑭ ᐳᓂ ᓄᔦᐤ ᐯᕒᐅᐊᐧ ᐅ ᐋᐧᐢᑳᐦᐃᑲᓂᔨᕽ; ᑫᓄᐹᐦᐟ ᒫᑲ ᑭ ᐊᔮᐤ ᐯᕒᐅᐊᐧ ᐅ ᐋᐧᐢᑳᐦᐃᑲᓂᔨᕽ ᐁ ᐃᐧᒉᐋᐧᐟ ᐯᕒᐅᐊᐧ ᐅᑯᓯᓯᔨᐊᐧ. 21ᐃᐢᐱ ᒫᑲ ᐦᐁᑖᐟ ᐱᔦᐦᑕᕽ ᐃᒋᑊᑎᕽ ᑌᐱᑕ ᐁ ᐃᐧᒋᓂᐹᒫᔨᐟ ᐅᑖᐃᐧᔨᐊᐧ, ᐁᑯᓯ ᒥᓇ ᒍᐋᑊ ᒥᓇ ᑭᐦᒋᓯᒫᑲᓂᓯᐃᐧᓂᑭᒫᐤ ᐁ ᓂᐱᐟ, ᐦᐁᑖᐟ ᑭ ᐃᑌᐤ ᐯᕒᐅᐊᐧ, ᑭᔮᒼ ᓂ ᑲ ᓯᐯᐧᑖᐣ ᑭᑕ ᐃᑐᐦᑌᔮᐣ ᑎᐱᔭᐤ ᓂᐟ ᐊᐢᑭᕽ. 22ᐁᑲᐧ ᐯᕒᐅᐊᐧ ᑭ ᐃᑎᐠ, ᑫᑲᐧᐩ ᒫᑲ ᑳ ᑭᐧᑕᒫᔭᐣ ᓂᔭ ᐁ ᐃᐧᒋᐊᔮᒥᔭᐣ, ᐁᑯᓯ ᒫᑎᑲ, ᑳ ᓇᑐᓇᒪᐣ ᑭᑕ ᐃᑐᐦᑌᔭᐣ ᑭᔭ ᑭᐟ ᐊᐢᑭᕽ? ᑭ ᓇᐢᑫᐧᐊᐧᓯᒣᐤ ᒫᑲ, ᓇᒪ ᑫᑲᐧᐩ; ᐁᔨᐁᐧᕽ ᒫᑲ ᑭᔮᒼ ᐸᑭᑎᓂᐣ ᑭᑕ ᓯᐯᐧᑌᔮᐣ.
23ᒥᓇ ᒫᑲ ᑯᑕᑲ ᑭᓭᒪᓂᑐᐊᐧ ᑭ ᐸᓯᑯᓇᒫᐠ ᑭᑕ ᓇᑳᐢᑳᑯᐟ, ᕒᐃᓴᐣ ᐅᑯᓯᓴ ᐃᓬᐋᔭᑕ, ᑳ ᑭ ᑕᐸᓯᐋᐟ ᐅᑭᒫᒪ ᐊᓂᐦᐃ ᐦᐁᑖᑎᓴᕒ ᓵᐸ ᑭᐦᒋ ᐅᑭᒫᐤ; 24ᑭ ᒫᐊᐧᓴᑯᓇᒫᓱ ᒫᑲ ᐊᔨᓯᔨᓂᐊᐧ ᐁᑯᓯ ᑭ ᓯᒫᑲᓂᓯᐃᐧᑭᒫᑲᑕᐁᐧᐤ ᐁ ᒥᓀᔭᑎᔨᐟ, ᐃᐢᐱ ᑌᐱᐟ ᑳ ᓂᐸᐦᐋᐟ ᐊᓂᐦᐃ ᓵᐸ ᐅᐦᒋ; ᑭ ᐃᑐᐦᑌᐊᐧᐠ ᒫᑲ ᑕᒫᐢᑲᓯᕽ, ᐁᑯᓯ ᐁᑯᑕ ᑭ ᐊᔮᐊᐧᐠ ᒥᓇ ᑭ ᑎᐯᔨᐦᑕᒪᐧᐠ ᑕᒫᐢᑲᐢ. 25ᑭ ᓇᑳᐢᑲᐁᐧᐤ ᒫᑲ ᐃᐢᕒᐁᐃᓬᐊ ᒥᓴᑳᒣ ᒣᑳᐧᐨ ᐁ ᐅ ᑭᓯᑳᒥᔨᐟ ᓵᓬᐊᒪᓇ, ᐋᑕᐃᐧᔭ ᒥᓇ ᐊᓂᒪ ᐦᐁᑖᐟ ᑳ ᑭ ᐃᓯ ᐊᐧᓈᑖᔨᐟ; ᐁᑯᓯ ᑭ ᐸᑳᐧᑌᐤ ᐃᐢᕒᐁᐃᓬᐊ ᒥᓇ ᑭ ᑎᐯᔨᐦᑕᒼ ᓯᕒᐃᔭ.
26ᒉᕒᐊᐳᐊᒼ ᒫᑲ ᐅᑯᓯᓴ ᓂᐹᐟ, ᐃᐸᕒᐁᐃᒪᐃᐟ, ᓭᕒᐃᑕ ᐅᐦᒋ, ᐅᐟ ᐊᑐᐢᑫᔮᑲᓇ ᓵᓬᐊᒪᐣ, ᐅᑳᐃᐧᔭ ᓭᕒᔪᐊ ᐁ ᐃᓯᔨᐦᑳᓱᔨᐟ, ᓯᑳᐃᐧᐢᑫᐧᐤ, ᐃᐧᐢᑕ ᑭ ᐅᐦᐱᓇᒪᐁᐧᐤ ᐅᒋᐦᒋ ᑭᐦᒋ ᐅᑭᒫᐊᐧ. 27ᐁᐊᐧᑫᐧᔨᐤ ᒫᑲ ᐅᒪ ᑳ ᑭ ᐅᐦᒋ ᐅᐦᐱᒋᐦᒉᔨᐢᑕᐋᐧᐟ ᑭᐦᒋ ᐅᑭᒫᐊᐧ; ᓵᓬᐊᒪᐣ ᑭ ᐅᓯᐦᑖᐤ ᒥᓬᐋ, ᒥᓇ ᑭ ᒪᒥᓴᐊᒼ ᐃᑕ ᑳ ᑭ ᐱᑯᓂᑳᑌᔨᐠ ᐅᐟ ᐅᑌᓈᔨᐤ ᑌᐱᑕ ᐅᑖᐃᐧᔭ. 28ᐊᓇ ᒫᑲ ᓈᐯᐤ ᒉᕒᐊᐳᐊᒼ ᑭ ᓱᑫᔨᑖᑯᓯᐤ ᓇᑐᐸᔨᐃᐧᓂᕽ; ᓵᓬᐊᒪᐣ ᒫᑲ ᐋᐧᐸᒣᐤ ᐁᐊᐧᑯᓂ ᐅᐢᑭᓂᑭᐊᐧ ᐁ ᑭᓯᓴᐃᐧᓯᔨᐟ, ᐁᑯᓯ ᑭ ᑎᐯᔨᐦᑕᒧᐁᐤ ᑲᐦᑭᔭᐤ ᐅᐟ ᐊᑐᐢᑫᐃᐧᓂᔨᐤ ᐅᑯᓯᓴ ᒍᓯᑊ. 29ᑭ ᐊᔨᑭᐣ ᒫᑲ ᐁᑯᐢᐱ, ᒉᕒᐊᐳᐊᒼ ᐁ ᑭ ᐊᐧᔭᐃᐧᐟ ᒉᕒᐅᓴᓬᐊᒥᕽ ᐅᐦᒋ, ᐅᑭᐢᑭᐁᐧᐦᐃᑫᐃᐧᔨᓂᐊᐧ ᐊᐦᐊᐃᒐ ᐊᓇ ᓵᐃᓬᐊᓇᐃᐟ ᑭ ᒥᐢᑳᐠ ᒣᐢᑲᓈᕽ; ᐊᐊᐧ ᒫᑲ ᐊᐦᐊᐃᒐ ᑭ ᐳᓯᐢᑲᒼ ᐅᐢᑭ ᒥᐢᑯᑖᑲᐩ; ᐁᑯᓯ ᐃᐧᔭᐋᐧᐤ ᐱᑯ ᐁ ᐃᓯ ᓂᓯᒋᐠ ᑭ ᐊᔮᐊᐧᐠ ᐅᐦᐱᒣ ᐃᑕ. 30ᐊᐦᐊᐃᒐ ᒫᑲ ᑭ ᐅᑎᑎᓇᒼ ᐊᓂᒪ ᐅᐢᑭ ᒥᐢᑯᑖᑲᐩ ᑳ ᑭᑭᐢᑳᕽ, ᐁᑯᓯ ᑭ ᐹᐱᑯᐱᑕᒼ ᒥᑖᑕᐦᐟ ᓂᓱᓵᑊ ᐁ ᐃᑖᐦᑐ ᐸᑫᐧᐱᑕᕽ. 31ᑭ ᐃᑌᐤ ᒫᑲ ᒉᕒᐊᐳᐊᒪ, ᐅᑎᓇ ᒥᑖᑕᐦᐟ ᐸᑫᐧᐱᒋᑲᓇ; ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᒫᑎᑲ, ᓂ ᑲ ᑫᒋᒋᐦᒉᐱᑖᐤ ᓵᓬᐊᒪᐣ ᑭᐦᒋ ᐅᑭᒫᐃᐧᐃᐧᐣ, ᐁᑯᓯ ᒥᑖᑕᐦᐟ ᐁ ᐱᐢᑭᑐᑌᐃᐧᓯᒋᐠ ᑭᔭ ᑭ ᑲ ᒥᔨᑎᐣ; 32(ᒫᑲ ᑭᑕ ᐊᔮᐁᐧᐤ ᐯᔭᑯᑌᐤ, ᓂᐟ ᐊᑐᐢᑫᔮᑲᐣ ᑌᐱᐟ ᐅᐦᒋ, ᒥᓇ ᒉᕒᐅᓴᓬᐊᒼ ᐅᐦᒋ, ᐊᓂᒪ ᐅᑌᓇᐤ ᑳ ᑭ ᓇᐊᐧᓱᓇᒫᐣ ᑲᐦᑭᔭᐤ ᐃᐢᕒᐁᐃᓬ ᐁ ᐃᑕᐦᑐᑌᐃᐧᓯᒋᐠ ᐅᐦᒋ;) 33ᐊᔨᐢ ᓂ ᑭ ᐁᐧᐱᓂᑲᐧᐠ ᒥᓇ ᑭ ᐊᔭᒥᐦᐋᐃᐧ ᐊᑐᐢᑲᐁᐧᐊᐧᐠ ᐋᐢᑕᕒᐋᐦᐟ ᐅ ᒪᓂᑐᐢᑫᐧᒥᔨᐊᐧ ᓴᐃᑕᓂᐊᓇ, ᑭᒫᐢ ᒧᐋᑊ ᐅ ᒪᓂᑐᒪ, ᒥᓇ ᒥᓬᑳᒼ ᐅ ᒪᓂᑐᒥᔨᐊᐧ ᐋᒪᐣ ᐅᐟ ᐊᐋᐧᓯᒥᓴ; ᓇᒪᐃᐧᔭ ᒫᑲ ᐅᐦᒋ ᐱᒧᑖᑐᑕᒪᐧᐠ ᓂᐟ ᐃᑖᑎᓯᐃᐧᓇ ᑭᑕ ᐃᑐᑕᐦᑭᐠ ᑳ ᑲᐧᔭᐢᑲᐧᕽ ᓂᔭ ᐁ ᐃᑖᐱᓯᒥᑯᔮᐣ, ᒥᓇ ᑭᑕ ᑲᓀᐧᔨᑕᐦᑭᐠ ᓂ ᑲᑫᐢᑫᐧᐃᐧᓇ ᒥᓇ ᓄᔭᓱᐋᐧᓯᐁᐧᐃᐧᓇ, ᑳ ᑭ ᐃᑐᑕᒥᔨᐟ ᑌᐱᑕ ᐅᑖᐃᐧᔭ. 34ᐁᔨᐁᐧᕽ ᒫᑲ ᓇᒪᐃᐧᔭ ᒥᓯᐁᐧ ᑭᐦᒋ ᐅᑭᒫᐃᐧᐃᐧᐣ ᓂ ᑲ ᒪᐢᑲᒫᐤ; ᒫᑲ ᓂ ᑲ ᐅᑭᒫᑳᑖᐤ ᐃᐢᑯ ᑭᓯᑳᐊᐧ ᑫ ᐱᒫᑎᓯᐟ, ᑌᐱᐟ ᓂᐟ ᐊᑐᐢᑫᔮᑲᐣ ᐅᐦᒋ ᑳ ᑭ ᓇᐊᐧᓱᓇᐠ, ᒋᑫᒫ ᑭ ᑲᓀᐧᔨᑕᒼ ᓂᐟ ᐃᑕᓱᐁᐧᐃᐧᓇ ᒥᓇ ᓂ ᑲᑫᐢᑫᐧᐃᐧᓇ; 35ᒫᑲ ᐅᑯᓯᓴ ᓂ ᑲ ᒪᐢᑲᒥᒫᐊᐧ ᑭᐦᒋ ᐅᑭᒫᐃᐧᐃᐧᐣ, ᐁᑯᓯ ᑭᔭ ᑭ ᑲ ᒥᔨᑎᐣ, ᒥᑖᑕᐦᐟ ᐅᑎ ᐁ ᐱᐢᑭᑐᑌᐃᐧᓯᒋᐠ. 36ᐁᑯᓯ ᐅᑯᓯᓴ ᐯᔭᑯᑌᐤ ᓂ ᑲ ᒥᔨᒫᐊᐧ, ᑌᐱᐟ ᓂᐟ ᐊᑐᐢᑫᔮᑲᐣ ᒧᓴᐠ ᑭᑕ ᐊᔮᐟ ᐋᐧᐢᑌᓇᒫᑲᐣ ᑭᑕ ᐋᐧᐸᐦᑕᒪᐣ ᒉᕒᐅᓴᓬᐊᒥᕽ, ᐊᓂᒪ ᐅᑌᓇᐤ ᑳ ᑭ ᓇᐊᐧᓱᓇᒫᐣ ᐁᑯᑕ ᓂ ᐃᐧᔪᐃᐧᐣ ᑭᑕ ᐊᐢᑖᔮᐣ. 37ᑭ ᑲ ᐅᑎᓂᑎᐣ ᒫᑲ ᐁᑯᓯ ᑭ ᑲ ᑎᐯᔨᑌᐣ ᐱᑭᐧᔨᑯᕽ ᐁ ᐃᓯ ᓈᑕᐁᐧᔨᑕᕽ ᑭᐟ ᐊᐦᒑᕽ, ᐁᑯᓯ ᑭ ᑲ ᑭᐦᒋ ᐅᑭᒫᑲᑕᐋᐧᐊᐧᐠ ᐃᐢᕒᐁᐃᓬ. 38ᑭᑕ ᐃᐦᑭᐣ ᒫᑲ ᑭᐢᐱᐣ ᑫ ᓇᑐᐦᑕᒧᐊᐧᓀ ᑲᐦᑭᔭᐤ ᑫ ᐃᑕᓱᐋᐧᑎᑖᐣ, ᒥᓇ ᐱᒧᑖᑐᑕᒪᓂ ᓂᐟ ᐃᑖᑎᓯᐃᐧᓇ, ᒥᓇ ᐃᑐᑕᒪᓂ ᐊᓂᒪ ᑳ ᑲᐧᔭᐢᑲᐧᕽ ᓂᔭ ᐁ ᐃᑖᐱᓯᒥᑯᔮᐣ, ᑭᑕ ᑲᓀᐧᔨᑕᒪᐣ ᓂ ᑲᑫᐢᑫᐧᐃᐧᓇ ᒥᓇ ᓂᐟ ᐃᑕᓱᐁᐧᐃᐧᓇ, ᑖᐱᐢᑯᐨ ᑌᐱᐟ ᓂᐟ ᐊᑐᐢᑫᔮᑲᐣ ᑳ ᑭ ᐃᑐᑕᕽ; ᑭ ᑲ ᐃᐧᒉᐃᐧᑎᐣ, ᒥᓇ ᑭ ᑲ ᐅᓯᐦᑖᐧᑎᐣ ᐁ ᑫᐦᒋᓈᑕᕽ ᐋᐧᐢᑳᐦᐃᑲᐣ, ᑖᐱᐢᑯᐨ ᑳ ᑭ ᐃᓯ ᐅᓯᐦᑕᒪᐊᐧᐠ ᑌᐱᐟ, ᒥᓇ ᐃᐢᕒᐁᐃᓬ ᑭ ᑲ ᒥᔨᑎᐣ. 39ᐅᒪ ᒫᑲ ᐅᐦᒋ ᓂ ᑲ ᑯᑕᑭᐦᐃᒫᐊᐧ ᐅ ᓂᐦᑖᐃᐧᑭᐦᐋᑲᓇ ᑌᐱᐟ, ᓇᒪᐃᐧᔭ ᒫᑲ ᑳᑭᑫ. 40ᓵᓬᐊᒪᐣ ᒫᑲ ᑭ ᓇᑐᓇᒼ ᑭᑖ ᓂᐸᐦᐋᐟ ᒉᕒᐊᐳᐊᒪ; ᒫᑲ ᒉᕒᐊᐳᐊᒼ ᑭ ᐸᓯᑯ ᐁ ᑭ ᐃᑖᒧᐟ ᐃᒋᑊᑎᕽ, ᐁ ᓇᑕᐋᐸᒫᐟ ᓯᓵᑲ ᐃᒋᑊᐟ ᑭᐦᒋ ᐅᑭᒫᐊᐧ, ᐁᑯᓯ ᐃᒋᑊᑎᕽ ᑭ ᐊᔮᐤ ᐱᔨᐢ ᐁ ᐳᓂ ᐱᒫᑎᓯᔨᐟ ᓵᓬᐊᒪᓇ.
41ᑲᐦᑭᔭᐤ ᒫᑲ ᑯᑕᑲ ᐅᐟ ᐃᓯᐦᒋᑫᐃᐧᓇ ᓵᓬᐊᒪᐣ, ᒥᓇ ᑲᐦᑭᔭᐤ ᑳ ᑭ ᐃᑐᑕᕽ, ᒥᓇ ᐅᐟ ᐃᔨᓂᓯᐃᐧᐣ, ᓇᒪ ᒋ ᒪᓯᓇᐃᑳᑌᐊᐧ ᒪᓯᓇᐦᐃᑲᓂᕽ ᐅᐟ ᐃᓯᐦᒋᑫᐃᐧᓇ ᓵᓬᐊᒪᐣ? 42ᐃᔨᑯᕽ ᒫᑲ ᓵᓬᐊᒪᐣ ᑳ ᑭ ᑭᐦᒋ ᐅᑭᒫᐃᐧᐟ ᒉᕒᐅᓴᓬᐊᒥᕽ ᐁ ᑎᐯᔨᒫᐟ ᑲᐦᑭᔭᐤ ᐃᐢᕒᐁᐃᓬᐊ, ᓀᒥᑕᓇᐤ ᑕᐦᑐ ᐊᐢᑭ. 43ᓵᓬᐊᒪᐣ ᒫᑲ ᑭ ᐃᐧᒋᓂᐹᒣᐤ ᐅᑖᐃᐧᔭ, ᒥᓇ ᑭ ᓇᐃᓈᐤ ᐅᐟ ᐅᑌᓈᔨᕽ ᑌᐱᑕ ᐅᑖᐃᐧᔭ; ᐁᑯᓯ ᕒᐃᐦᐋᐳᐊᒼ ᐅᑯᓯᓴ ᑭ ᑭᐦᒋ ᐅᑭᒫᐃᐧᔨᐊᐧ ᐁ ᑖᐱᐢᑲᒫᑯᐟ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 11: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
