ᓂᐢᑕᒼ ᑲᕒᐃᐣᑎᔭᓇ 2

1ᓂᔭ ᒫᑲ, ᓂᒋᐋᐧᒥᑎᐠ, ᐃᐢᐱ ᑳ ᐯ ᐅᑎᑎᑕᑯᐠ, ᓇᒪᐃᐧᔭ ᓄᐦᒋ ᐯ ᑭᑭᐣ ᑳ ᒪᒥᔪᑎᑖᕽ ᐱᑭᐢᑫᐧᐃᐧᐣ ᐊᐦᐳ ᐃᔨᓂᓯᐃᐧᐣ, ᐁ ᐃᐧᐦᑕᒫᑕᑯᐠ ᐅ ᑭᐢᑫᔨᑕᒧᐃᐁᐧᐃᐧᐣ ᑭᓭᒪᓂᑐ. 2ᒋᑫᒫ ᓂ ᑭ ᑭᓭᔨᑌᐣ ᐁᑳ ᑫᑲᐧᐩ ᑭᑕ ᑭᐢᑫᔨᑕᒫᐣ ᐃᑕ ᑳ ᐊᔮᔦᐠ, ᐱᑯ ᒋᓴᐢ ᙭, ᒥᓇ ᐁᐊᐧᑯ ᐁ ᒋᐢᑕᐦᐋᐢᑳᐧᑎᐦᐟ. 3#ᐃᓯᐦᒋᑫᐃᐧᓂᐋᐧᐊᐧ 18:9ᐁᑯᓯ ᑭ ᑭ ᐃᐧᒋ ᐊᔮᒥᑎᓈᐋᐧᐤ ᓀᓱᐃᐧᓯᐃᐧᓂᕽ, ᒥᓇ ᐊᐢᑖᓯᐃᐧᓂᕽ, ᒥᓇ ᓂᔭᒥᓯᐃᐧᓂᕽ. 4ᐁᑯᓯ ᓂ ᐱᑭᐢᑫᐧᐃᐧᐣ ᒥᓇ ᓂ ᑳᑫᐢᑭᒥᐁᐧᐃᐧᐣ ᓇᒪ ᐃᐧᔭ ᐁ ᓵᑯᒋᐃᐁᐧᒪᑲᑭ ᐃᔨᓂᓯᐃᐧ ᐊᔭᒥᐃᐧᓇ, ᒫᑲ ᐁ ᐃᓯ ᑫᒋᓈᐃᐁᐧᐟ ᐊᐦᒑᕽ ᒥᓇ ᑲᐢᑭᐦᐁᐃᐧᓯᐃᐧᐣ: 5ᑭ ᑖᐯᐧᔦᔨᑕᒧᐃᐧᓂᐋᐧᐤ ᐁᑳ ᑭᑕ ᐊᔭᑕᕽ ᐅᐟ ᐃᔨᓂᓯᐃᐧᓂᐋᐧᕽ ᐊᔨᓯᔨᓂᐊᐧᐠ, ᒫᑲ ᐅ ᒪᐢᑲᐃᐧᓯᐃᐧᓂᕽ ᑭᓭᒪᓂᑐ.

6ᐋᑕᐃᐧᔭ ᒫᑲ ᐃᔨᓂᓯᐃᐧᐣ ᓂ ᐃᐧᐦᑕᒪᐋᐧᓈᓇᐠ ᐊᓂᑭ ᑳ ᑭᓯᐃᑯᐃᐧᓯᒋᐠ: ᒫᑲ ᓇᒪᐃᐧᔭ ᐅᑕ ᐊᐢᑭᕽ ᐅᐦᒋ ᐃᔨᓂᓯᐃᐧᐣ, ᓇᒪᐃᐧᔭ ᒥᓇ ᑳ ᐅᔭᓱᐋᐧᑕᑭᐠ ᐅᒪ ᐊᐢᑭ ᐅᐦᒋ ᐁᑳ ᓈᐣᑕᐤ ᑳ ᐊᑎ ᐃᑖᐸᑕᑭ: 7ᒫᑲ ᓂ ᐃᐧᐦᑕᒫᐧᓈᐣ ᑭᓭᒪᓂᑐ ᐅᐟ ᐃᔨᓂᓯᐃᐧᐣ ᒪᒫᑖᐊᐧᓄᕽ, ᐊᓂᒪ ᐅᑎ ᐃᔨᓂᓯᐃᐧᐣ ᐁᑳ ᑳ ᑭ ᐅᐦᒋ ᓄᑳᐧᕽ, ᑭᓭᒪᓂᑐ ᓂᔮᐠ ᑳ ᑭ ᐅᔭᑭᑕᕽ ᒪᐧᔦᐢ ᐊᐢᑭᐊᐧᕽ ᑭᔮᓇᐤ ᑭ ᑭᐢᑌᔨᑖᑯᓯᐃᐧᓂᓈᕽ: 8ᐁᑳ ᐊᐃᐧᔭᐠ ᑯᔭᓱᐋᐧᑕᑭᐠ ᐅᒪ ᐊᐢᑭ ᑳ ᑭᐢᑫᔨᑕᐦᑭᐠ: ᒋᑫᒫ ᑭ ᑭᐢᑫᔨᑕᒧᐋᐧᑯᐸᓀ, ᓇᒪᐃᐧᔭ ᐅ ᑲ ᑭ ᒋᐢᑕᐦᐋᐢᑳᐧᑖᑖᐋᐧᐤ ᑳ ᑎᐯᔨᑕᒥᔨᐟ ᑭᐢᑌᔨᑖᑯᓯᐃᐧᐣ: 9#ᐊᐩᓵᔭ 64:4ᒫᑲ ᑖᐱᐢᑯᐨ ᑳ ᐃᑕᓯᓇᐦᐃᑳᑌᐠ, ᐊᓂᐦᐃ ᒥᐢᑭᓯᐠ ᐁᑳ ᑳ ᑭ ᐅᐦᒋ ᐋᐧᐸᐦᑕᒧᒪᑲᕽ, ᒥᓇ ᒥᑕᐊᐧᑲᐩ ᐁᑳ ᑳ ᑭ ᐅᐦᒋ ᐯᑕᒧᒪᑲᕽ, ᒥᓇ ᐁᑳ ᑳ ᑭ ᐅᐦᒋ ᐱᐦᑐᑫᒪᑲᓂᔨᐠ ᐅᑌᐃᕽ ᐊᔨᓯᔨᓂᐤ, ᑕᐦᑐ ᑫᑲᐧᐩ ᑭᓭᒪᓂᑐ ᑳ ᑭ ᑲᐧᔮᒋᑕᒪᐋᐧᐟ ᐊᓂᐦᐃ ᑳ ᓵᑭᐦᐃᑯᐟ. 10ᒫᑲ ᑭᓭᒪᓂᑐ ᑭ ᑭ ᑭᐢᑫᔨᑕᒧᐃᑯᓇᐤ ᑭᔮᓇᐤ ᐊᐦᒑᐦᑲᐧ ᐅᐦᒋ: ᒋᑫᒫ ᐊᐦᒑᕽ ᓇᓈᑐᑭᐢᑫᔨᑕᒼ ᑲᐦᑭᔭᐤ ᑫᑲᐧᐩ, ᐁᐦᐁ, ᐋᐧᐋᐧᐨ ᐊᓂᐦᐃ ᐋᔨᒪᓄᕽ ᑳ ᐊᔮᐟ ᑭᓭᒪᓂᑐ. 11ᒋᑫᒫ ᑖᓈᓇ ᐊᔨᓯᔨᓂᓈᕽ ᑳ ᑭᐢᑫᔨᑕᕽ ᐁ ᐃᓯ ᐊᔮᔨᐟ ᐊᔨᓯᔨᓂᐊᐧ, ᐱᑯ ᐅᐟ ᐊᐦᒑᐦᑲᐧ ᐊᔨᓯᔨᓂᐤ ᑳ ᑭᑭᐢᑳᑯᐟ? ᐁᑯᓯ ᒥᓇ ᐊᓂᐦᐃ ᑳ ᐃᓯ ᐊᔮᐟ ᑭᓭᒪᓂᑐ ᓇᒪᐃᐧᔭ ᐊᐃᐧᔭᐠ ᑭᐢᑫᔨᑕᒼ, ᐱᑯ ᐅᐟ ᐊᐦᒑᐦᑲᐧ ᑭᓭᒪᓂᑐ. 12ᒫᑲ ᑭ ᑭ ᒥᔨᑲᐃᐧᓈᓇᐤ, ᓇᒪᐃᐧᔭ ᐊᐢᑭᐃᐧ ᐊᐦᒑᕽ, ᒫᑲ ᐊᓇ ᐊᐦᒑᕽ ᑭᓭᒪᓂᑐᕽ ᑳ ᐅᐦᒋᐟ; ᑭᑕ ᑭᐢᑫᔨᑕᒪᕽ ᐊᓂᐦᐃ ᑳ ᒧᐦᒋ ᒥᔨᑯᔭᕽ ᑭᓭᒪᓂᑐ. 13ᐁᐊᐧᑯᓂ ᒥᓇ ᑳ ᐃᐧᐦᑕᒫᕽ, ᓇᒪᐃᐧᔭ ᐁ ᐋᐸᒋᑖᔮᕽ ᐃᑌᐧᐃᐧᓇ ᐊᔨᓯᔨᓂᐤ ᐅᐟ ᐃᔨᓂᓯᐃᐧᐣ ᑳ ᑭᐢᑭᓄᐦᐊᒫᑯᐟ, ᒫᑲ ᐊᐦᒑᕽ ᑳ ᑭᐢᑭᓄᐦᐊᒫᑫᐟ; ᐊᐦᒑᑯᐃᐧ ᑫᑲᐧᔭ ᐁ ᐅᐦᒋ ᑎᐸᐋᑫᔮᕽ ᐊᐦᒑᑯᐃᐧ ᑫᑲᐧᔭ. 14ᑳ ᐃᓯᐃᑯᐃᐧᓯᐟ ᒫᑲ ᐊᔨᓯᔨᓂᐤ ᓇᒪᐃᐧᔭ ᐅᑎᓇᒼ ᐊᓂᐦᐃ ᑭᓭᒪᓂᑐ ᐅᐟ ᐊᐦᒑᐦᑲᐧ ᑳ ᐊᔮᔨᐟ: ᒋᑫᒫ ᓇᒪᐃᐧᔭ ᐃᔨᓂᓯᐊᐧᑫᔨᑕᒼ; ᒥᓇ ᓇᒪᐃᐧᔭ ᑭᑕ ᑭ ᑭᐢᑫᔨᑕᕽ, ᒋᑫᒫ ᐊᐦᒑᑯᐃᐧ ᓂᓯᑕᐁᐧᔨᒋᑳᑌᐊᐧ. 15ᒫᑲ ᐊᓇ ᐊᐦᒑᐦᑲᐧ ᑳ ᐊᔮᐋᐧᐟ ᑲᐦᑭᔭᐤ ᑫᑲᐧᐩ ᓂᓯᑕᐁᐧᔨᑕᒼ, ᒫᑲ ᐃᐧᔭ ᓇᒪᐃᐧᔭ ᐊᐃᐧᔭ ᐊᔨᓯᔨᓂᐊᐧ ᓂᓯᑕᐁᐧᔨᒥᐠ. 16#ᐊᐩᓵᔭ 40:13ᒋᑫᒫ ᐊᐃᐧᓇ ᑳ ᑭᐢᑫᔨᑕᒫᐧᐟ ᐅ ᒥᑐᓀᔨᒋᑲᓂᔨᐤ ᑳ ᑎᐯᔨᐦᒋᑫᔨᐟ, ᑭᑕ ᑭ ᑭᐢᑭᓄᐦᐊᒪᐋᐧᐟ? ᒫᑲ ᑭᔮᓇᐤ ᑭᐟ ᐊᔮᐋᐧᓇᐤ ᐅ ᒥᑐᓀᔨᒋᑲᐣ ᙭.

Currently Selected:

ᓂᐢᑕᒼ ᑲᕒᐃᐣᑎᔭᓇ 2: KKMs

Highlight

Copy

Compare