ᓂᐢᑕᒼ ᑲᕒᐃᐣᑎᔭᓇ 3
3
1ᓂᔭ ᒫᑲ, ᓂᒋᐋᐧᒥᑎᐠ, ᓇᒪᐃᐧᔭ ᑭ ᑭ ᐃᓯ ᐱᑭᐢᑳᐧᑎᑎᓈᐋᐧᐤ ᑖᐱᐢᑯᐨ ᐁ ᐊᐦᒑᑯᐃᐧᔦᐠ, ᒫᑲ ᑖᐱᐢᑯᐨ ᐁ ᐃᐧᔮᓯᐃᐧᔦᐠ, ᑖᐱᐢᑯᐨ ᐅᐢᑲᐋᐧᓯᓴᐠ ᙭ ᐃᓯ. 2#ᐦᐃᐸᕒᐅᐊᐧ 5:12,13ᑐᑐᓵᐳ ᑭ ᑭ ᐊᓴᒥᑎᓈᐋᐧᐤ, ᓇᒪᐃᐧᔭ ᐃᐧᔮᐢ; ᒋᑫᒫ ᓇᒪᐃᐧᔭ ᑭ ᑭ ᐅᑎᓀᓈᐋᐧᐤ, ᐊᐦᐳ, ᓇᒣᐢᑲᐧ ᑭ ᑲᐢᑭᑖᓈᐋᐧᐤ ᑭᑕ ᐅᑎᓇᒣᐠ.
3ᒋᑫᒫ ᑫᔮᐱᐨ ᑭ ᐃᐧᔮᓯᐃᐧᓈᐋᐧᐤ: ᐃᐧᔭ ᐁ ᐃᐦᑕᑲᐧᕽ ᐃᑕ ᑳ ᐊᔮᔦᐠ ᐃᓴᐋᐧᓇᑫᔨᒧᐃᐧᐣ ᒥᓇ ᒫᔨᐃᐧᒉᑐᐃᐧᐣ, ᓇᒪ ᒋ ᑭ ᐃᐧᔮᓯᐃᐧᓈᐋᐧᐤ, ᒥᓇ ᑭ ᐱᒧᑖᓈᐋᐧᐤ ᐁ ᐃᓯᐦᒋᑫᒋᐠ ᐊᔨᓯᔨᓂᐊᐧᐠ? 4#1 ᑲᕒᐃᐣᑎᔭᓇ 1:12ᐃᐧᔭ ᐯᔭᐠ ᐁ ᐃᑌᐧᐟ, ᓂᔭ ᐹᓬ ᐅᐦᒋ; ᒥᓇ ᑯᑕᐠ, ᓂᔭ ᐊᐹᓬᐊᐢ ᐅᐦᒋ; ᓇᒪ ᒋ ᑭᐟ ᐊᔨᓯᔨᓂᐃᐧᓈᐋᐧᐤ? 5ᑫᑯᑳᐣ ᒫᑲ ᐊᐊᐧ ᐊᐹᓬᐊᐢ? ᒥᓇ ᑫᑯᑳᐣ ᐊᐊᐧ ᐹᓬ? ᐅᑕᑐᐢᑫᐢᑖᑫᐋᐧᐠ ᐁᐊᐧᑯᓂᐠ ᐅᐦᒋ ᐁ ᑭ ᑖᐯᐧᑕᒣᐠ; ᒥᓇ ᐸᐯᐢᑭᐢ ᐁ ᑭ ᐃᓯ ᒥᔨᑯᒋᐠ ᑳ ᑎᐯᔨᐦᒋᑫᔨᐟ. 6#ᐃᓯᐦᒋᑫᐃᐧᓂᐋᐧᐊᐧ 18:4-11; ᐃᓯᐦᒋᑫᐃᐧᓂᐋᐧᐊᐧ 18:24-28ᓂᔭ ᓂ ᑭ ᑭᐢᑎᑳᐣ, ᐊᐹᓬᐊᐢ ᑭ ᓵᓯᑲᐅᐹᑕᒼ; ᒫᑲ ᑭᓭᒪᓂᑐ ᑭ ᔭᑭᑭᑖᐤ. 7ᐁᑯᓯ ᒫᑲ ᓇᒪᐃᐧᔭ ᐊᓇ ᑳ ᑭᐢᑎᑫᐟ ᑳ ᐊᑭᒋᑲᓱᐟ, ᒥᓇ ᓇᒪᐃᐧᔭ ᐊᓇ ᑳ ᓵᓯᑲᐊᒋᑫᐟ; ᒫᑲ ᑭᓭᒪᓂᑐ ᑳ ᔭᑭᑭᑖᐟ. 8ᐊᓇ ᒫᑲ ᑳ ᑭᐢᑎᑫᐟ ᒥᓇ ᐊᓇ ᑳ ᓵᓯᑲᐊᒋᑫᐟ ᐯᔭᑯᐊᐧᐠ: ᒫᑲ ᒐᒉᑊ ᑭᑕ ᒥᔮᐤ ᑕᐦᑐ ᐊᔨᓯᔨᓂᐤ ᑳ ᐃᓯ ᐊᑐᐢᑫᐟ. 9ᒋᑫᒫ ᓂᔭᓈᐣ ᑭᓭᒪᓂᑐ ᐆ ᐃᐧᒋ ᐊᑐᐢᑫᒫᑲᓇ: ᑭᔭᐋᐧᐤ ᑭᓭᒪᓂᑐ ᐅ ᑭᐢᑎᑫᐃᐧᐣ, ᑭᓭᒪᓂᑐ ᐅ ᐋᐧᐢᑳᐦᐃᑲᓂᑫᐃᐧᐣ.
10ᑳ ᐃᓯ ᒥᔨᑲᐃᐧᔮᐣ ᒫᑲ ᐅ ᓂᓱᑲᒫᑫᐃᐧᐣ ᑭᓭᒪᓂᑐ, ᑖᐱᐢᑯᐨ ᑳ ᐃᔨᓂᓯᐟ ᐅᓂᑳᓂ ᐋᐧᐢᑳᐦᐃᑲᓂᑫᐤ ᓂ ᑭ ᐅᔭᐢᒋᑳᐣ; ᐁᑯᓯ ᑯᑕᐠ ᑭ ᐊᑎ ᐋᐧᐢᑳᐦᐃᑲᓂᑫᐤ ᐁᑯᑕ. ᒫᑲ ᑭᔮᒼ ᑕᐦᑐ ᐊᔨᓯᔨᓂᐤ ᑭᑕ ᐊᔮᑳᐧᒥᓯᐤ ᑖᓂᓯ ᐁᓯ ᐋᐧᐢᑳᐦᐃᑲᓂᑫᐟ ᐁᑯᑕ. 11ᒋᑫᒫ ᑯᑕᐠ ᐅᔭᐢᒋᑫᐃᐧᐣ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭ ᐅᔭᐢᑖᐤ ᐃᔨᑯᕽ ᐊᓂᒪ ᑳ ᑭ ᐅᔭᐢᑌᐠ, ᐁᐊᐧᑯ ᒋᓴᐢ ᙭. 12ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᐋᐧᐢᑳᐦᐃᑲᓂᑲᑫᒋ ᐁᑯᑖ ᐅᔭᐢᒋᑫᐃᐧᓂᕽ ᐅᓵᐃᐧᓱᓂᔮᐋᐧᐱᐢᑲᐧ, ᐋᐧᐱᐢᑭᓱᓂᔮᐋᐧᐱᐢᑲᐧ, ᑳ ᐋᑲᐧᑭᓱᔨᐟ ᐊᓯᓂᔭ, ᒥᐢᑎᐠ, ᒪᐢᑯᓯᔭ, ᐃᐢᑯᓵᐋᐧᒋᑲᓇ; 13ᑕᐦᑐ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᑭᑕ ᓄᑲᐧᓂᔨᐤ: ᒋᑫᒫ ᐊᓂᒪ ᑭᓯᑳᐤ ᑭᑕ ᐃᐧᑕᒧᒪᑲᐣ, ᐃᐧᔭ ᐃᐢᑯᑌᕽ ᑭᑕ ᐅᐦᒋ ᑭᐢᑫᔨᑖᑲᐧᐣ; ᐁᑯᓯ ᐃᐢᑯᑌᐤ ᑫᐦᒋᐋᐧᐠ ᑭᑕ ᑯᒋᐃᐧᑖᒪᑲᐣ ᑲᐦᑭᔭᐤ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᐁᓯ ᐊᔮᔨᑫᐧ. 14ᑭᐢᐱᐣ ᒫᑲ ᐊᐃᐧᔭᐠ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᐋᔮᑕᓂᔨᑭ ᐁᑯᑕ ᑳ ᑭ ᐋᐧᐢᑳᐃᑫᐟ, ᑭᑕ ᐅᐦᑎᓇᒼ ᑎᐸᐦᐊᒫᑯᐃᐧᐣ. 15ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐅᐟ ᐊᑐᐢᑫᐃᐧᐣ ᑭᓯᑌᔨᑭ, ᑭᑕ ᐊᐧᓂᒋᑫᐤ: ᒫᑲ ᐃᐧᔮ ᑭᑕ ᐱᒫᒋᐦᐋᐤ; ᒫᑲ ᑖᐱᐢᑯ ᐱᑯ ᐃᐢᑯᑌᕽ ᐅᐦᒋ.
16 #
1 ᑲᕒᐃᐣᑎᔭᓇ 6:19; 2 ᑲᕒᐃᐣᑎᔭᓇ 6:16 ᓇᒪ ᒋ ᑭ ᑭᐢᑫᔨᑌᓈᐋᐧᐤ ᑭᔭᐋᐧᐤ ᐁ ᐅᐟ ᐊᔭᒥᐦᐁᐃᐧᑲᒥᑯᐟ ᑭᓭᒪᓂᑐ, ᒥᓇ ᐅᐟ ᐊᐦᒑᐦᑲᐧ ᑭᓭᒪᓂᑐ ᐁ ᑭᑭᐢᑳᑯᔦᐠ? 17ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᓂᓯᐊᐧᓈᒋᑖᐋᐧᒋ ᐅᐟ ᐊᔭᒥᐦᐁᐃᐧᑲᒥᑯᔨᐤ ᑭᓭᒪᓂᑐᐊᐧ, ᑭᑕ ᓂᓯᐊᐧᓈᒋᐃᐠ ᐃᐧᔭ ᑭᓭᒪᓂᑐᐊᐧ; ᒋᑫᒫ ᑲᓇᑕᓂᔨᐤ ᐅᐟ ᐊᔭᒥᐦᐁᐃᐧᑲᒥᐠ ᑭᓭᒪᓂᑐ, ᐁᐊᐧᑯ ᒫᑲ ᑭᔭᐋᐧᐤ.
18ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᔦᓯᐃᓱ. ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐃᑕ ᑳ ᐊᔮᔦᐠ ᐃᔨᓂᓯᐊᐧᑫᔨᒥᓱᒋ ᐅᑕ ᐊᐢᑭᕽ, ᑭᔮᒼ ᒥᑐᓂ ᑭᑕ ᒧᐦᒍᐃᐧᐤ, ᑭᑕ ᑭ ᐃᔨᓂᓯᐟ. 19#ᒍᑊ 5:13ᒋᑫᒫ ᐅᒪ ᐊᐢᑭᐃᐧ ᐃᔨᓂᓯᐃᐧᐣ ᒧᐦᒍᐃᐧᐃᐧᐣ ᐃᑕᑭᑕᒼ ᑭᓭᒪᓂᑐ. ᒋᑫᒫ ᐃᑕᓯᓇᐦᐃᑳᑌᐤ, ᐅᑎᓀᐤ ᑳ ᐃᔨᓂᓯᔨᐟ ᐅ ᒪᒥᔪᓂᑫᐃᐧᓂᔨᕽ: 20#ᓂᑲᒧᓇ 94:11ᒥᓇ ᒫᑲ, ᑳ ᑎᐯᔨᐦᒋᑫᐟ ᑭᐢᑫᔨᑕᒣᐧᐤ ᐅ ᒫᒥᑐᓀᔨᒋᑲᓂᔨᐊᐧ ᑳ ᐃᔨᓂᓯᔨᐟ, ᐱᑯᓇᑕ ᐁ ᐃᑌᔨᑖᑲᐧᓂᔨᑭ 21ᐁᑳᐃᐧᔭ ᒫᑲ ᐊᐃᐧᔭᐠ ᐊᔨᓯᔨᓂᐤ ᑭᑕ ᒪᒥᐦᒋᒧ ᐊᔨᓯᔨᓂᓈᕽ ᐃᐧᔭ ᐃᓯ. ᒋᑫᒫ ᑲᐦᑭᔭᐤ ᑫᑲᐧᐩ ᑭᔭᐋᐧᐤ ᑭᐟ ᐊᔮᐃᐧᓂᐋᐧᐤ; 22ᑭᐢᐱᐣ ᐹᓬ, ᐊᐦᐳ ᐊᐹᓬᐊᐢ, ᐊᐦᐳ ᓯᐹᐢ, ᐊᐦᐳ ᐊᐢᑭ, ᐊᐦᐳ ᐱᒫᑎᓯᐃᐧᐣ, ᐊᐦᐳ ᓂᐱᐃᐧᐣ, ᐊᐦᐳ ᐊᓄᐦᐨ ᑳ ᐊᔮᑭ, ᐊᐦᐳ ᓂᑳᐣ ᑫ ᐊᔮᑭ; ᑲᐦᑭᔭᐤ ᑭᔭᐋᐧᐤ; 23ᐁᑯᓯ ᑭᔭᐋᐧᐤ ᙭ ᑭᐟ ᐊᔮᐃᐧᑯᐋᐧᐤ; ᒥᓇ ᙭ ᑭᓭᒪᓂᑐᐊᐧ ᐊᔮᐃᐧᐠ.
Currently Selected:
ᓂᐢᑕᒼ ᑲᕒᐃᐣᑎᔭᓇ 3: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
