ᓂᐢᑕᒼ ᑲᕒᐃᐣᑎᔭᓇ 16
16
1 #
ᕒᐅᒪᓇ 15:25,26 ᐁᑲᐧ ᒫᑲ ᐅᒪ ᐸᑭᑎᓈᓱᐃᐧᐣ ᐅᑲᓈᑎᓯᐊᐧᐠ ᐅᐦᒋ, ᑳ ᑭ ᐃᓯ ᐅᔭᐢᑕᒪᐊᐧᑭᐠ ᐅᑕᔭᒥᐦᐋᐊᐧᐠ ᑲᓬᐁᓯᔭᐃᕽ, ᐁᑯᓯ ᑭᐢᑕᐋᐧᐤ ᐃᑐᑕᒧᐠ. 2ᓂᐢᑕᒼ ᐁ ᑭᓯᑳᐠ ᑕᐦᑖᐧᐤ ᐁ ᐃᐢᐸᔨᐠ ᑲᐦᑭᔭᐤ ᐊᐃᐧᔭᐠ ᑳ ᐃᑕᓯᔦᐠ ᑭᔮᒼ ᑭᑕ ᓇᐊᐢᑖᐤ, ᑫ ᐃᓯ ᒥᔨᑯᐃᐧᓯᑫᐧ, ᐁᑳ ᑭᑕ ᒫᐊᐧᒋᒋᑳᓂᐃᐧᐠ ᑭ ᑕᑯᓯᓂᔮᓂ. 3ᐃᐢᐱ ᒫᑲ ᑕᑯᓯᓂᔮᓂ, ᐱᑯ ᐊᐃᐧᔭᐠ ᑭᔭᐋᐧᐤ ᑫ ᒥᔪᑭᓵᐧᑖᔦᑯᐠ ᑭ ᒪᓯᓇᐦᐊᒫᑫᐃᐧᓂᐋᐧᕽ, ᐁᐊᐧᑯᓂᐠ ᓂ ᑲ ᐃᓯᑎᓴᐋᐧᐊᐧᐠ ᑭᑕ ᐃᑐᑕᑖᒋᐠ ᑭ ᑭᓭᐋᐧᑎᓯᐃᐧᓂᐋᐧᐤ ᒉᕒᐅᓴᓬᐊᒥᕽ: 4ᑭᐢᐱᐣ ᒫᑲ ᓇᐃᐸᔨᑭ ᓂᐢᑕ ᑭᑕ ᐃᑐᐦᑌᔮᐣ, ᓂ ᑲ ᐃᐧᒉᐃᐧᑲᐧᐠ.
5 #
ᐃᓯᐦᒋᑫᐃᐧᓂᐋᐧᐊᐧ 19:21
ᒫᑲ ᐃᐧᔭ ᑭ ᑲ ᐅᑎᑎᑎᓈᐋᐧᐤ, ᑭ ᓴᐳ ᐱᒧᐦᑌᔮᓂ ᒫᓯᑖᓂᔭᐃᕽ; ᒋᑫᒫ ᓂ ᑲ ᐱᒧᑖᐣ ᓵᐳ ᒫᓯᑖᓂᔭᐃᕽ; 6ᒫᑲ ᑭᔭᐋᐧᐤ ᒫᐢᑯᐨ ᑭ ᑲ ᐃᐧᒋ ᐊᔮᒥᑎᓈᐋᐧᐤ, ᐊᐦᐳ ᑭ ᑲ ᐃᐧᒋ ᐱᐳᓂᓯᒥᑎᓈᐋᐧᐤ, ᑭᑕ ᑭ ᓄᒪᑫ ᐃᐧᒋᐃᔦᐠ ᓂ ᐱᒧᐦᑌᐅᐃᐧᓂᕽ ᐱᑯ ᐃᑌ ᑫ ᐃᑐᑌᐋᐧᓀ. 7ᒋᑫᒫ ᓇᒪᐃᐧᔭ ᑭ ᓄᑌ ᓇᐢᑲᐁᐧ ᐋᐧᐸᒥᑎᓈᐋᐧᐤ ᐊᓄᐦᐨ; ᐃᐧᔭ ᐁ ᐃᑕᑌᔨᑕᒫᐣ ᑭᓀᐧᓯᐢ ᑭᑕ ᐃᐧᒋ ᐊᔮᒥᑕᑯᐠ; ᑭᐢᐱᐣ ᑳ ᑎᐯᔨᐦᒋᑫᐟ ᐸᑭᑎᓇᒪᐃᐧᒋ. 8#ᓬᐃᐱᑎᑲᐢ 23:15-21; ᑎᔪᑕᕒᐊᓇᒥ 16:9-11#ᐃᓯᐦᒋᑫᐃᐧᓂᐋᐧᐊᐧ 19:8-10ᒫᑲ ᐁᐱᓴᓯᕽ ᓂ ᑲ ᐊᔮᐣ ᐃᐢᑯ ᐅᑎᐦᒋᐸᔨᑭ ᐯᐣᑎᑳᐢᐟ; 9ᒋᑫᒫ ᑭᐦᒋ ᐃᐢᑳᐧᑌᒼ ᒥᓇ ᐁ ᑲᐢᑭᐁᐊᐧᕽ ᓂ ᔪᑌᓇᒫᑲᐃᐧᐣ, ᒥᐦᒉᑎᐊᐧᐠ ᒫᑲ ᑳ ᓇᑳᐢᑲᐃᐧᒋᐠ.
10 #
1 ᑲᕒᐃᐣᑎᔭᓇ 4:17
ᑭᐢᐱᐣ ᒫᑲ ᑎᒪᑏ ᑕᑯᓯᑭ, ᓈᑲᑌᔨᑕᒧᐠ ᐁᑳ ᐊᐢᑖᓯᐃᐧᓂᕽ ᑭᑕ ᐃᐧᒉᐋᐧᔦᐠ; ᒋᑫᒫ ᐊᑐᐢᑳᑕᒼ ᐅᐟ ᐊᑐᐢᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᑖᐱᐢᑯᐨ ᓂᐢᑕ ᑳ ᐃᑐᑕᒫᐣ: 11ᐁᑳᐃᐧᔭ ᒫᑲ ᐊᐃᐧᔭ ᑭᑕ ᐱᐁᐧᔨᒥᐠ. ᒫᑲ ᓄᒪᑫ ᐃᐧᒋᐃᕽ ᐅ ᐱᒧᐦᑌᐅᐃᐧᓂᕽ ᐯᔭᑕᐠ, ᑭᑕ ᑭ ᐯ ᓈᓯᐟ ᒋᑫᒫ ᓂᐟ ᐃᑕᑌᔨᒫᐤ ᑭᑕ ᐃᐧᒉᐋᐧᐟ ᐅᒋᐋᐧᒥᒫᐊᐧ. 12ᒫᑲ ᐃᐧᔭ ᑭᒋᐋᐧᒥᓇᐤ ᐊᐹᓬᐊᐢ, ᒥᐢᑕᐦᐃ ᓂ ᑭ ᐋᑕ ᓇᑕᐁᐧᔨᒫᐤ ᑭᑕ ᐯ ᓇᑕᐋᐧᐸᒥᑯᔦᐠ ᐊᓯᒋ ᐅᒋᐋᐧᒥᒫᐊᐧ: ᒫᑲ ᓇᒪᐃᐧᔭ ᑭ ᐃᑌᔨᑕᒼ ᐊᓄᐦᐨ ᐃᐧᔭ ᑭᑕ ᐯ ᐃᑐᐦᑌᐟ; ᒫᑲ ᑭᑕ ᐯ ᐃᑐᐦᑌᐤ ᐃᐢᐱ ᓇᐃᐸᔨᐃᑯᒋ.
13ᐊᓴᐋᐧᐱᐠ ᑭᔭᐋᐧᐤ, ᓱᑭᑳᐸᐃᐧᐠ ᑖᐯᐧᔦᔨᑕᒧᐃᐧᓂᕽ, ᓈᐯᑳᓱᐠ, ᐃᐧ ᒪᐢᑲᐃᐧᓯᐠ. 14ᑭᔮᒼ ᑲᐦᑭᔭᐤ ᑳ ᐃᑐᑕᒣᐠ ᑭ ᑲ ᐃᐧ ᐃᑐᑌᓈᐋᐧᐤ ᓵᑭᐦᐃᐁᐧᐃᐧᓂᕽ.
15 #
1 ᑲᕒᐃᐣᑎᔭᓇ 1:16
ᐁᑲᐧ ᒫᑲ ᑭ ᐸᑯᓭᔨᒥᑎᓈᐋᐧᐤ ᓂᒋᐋᐧᒥᑎᐠ, (ᑭ ᑭᐢᑫᔨᒫᐋᐧᐊᐧᐠ ᐃᐢᑌᐸᓇᐢ ᑳ ᐃᑕᓯᐟ, ᐁᐊᐧᑯᓂᐠ ᓂᑳᐣ ᐁ ᒥᓂᓯᐊᐧᕽ ᐁᑳᔭ, ᐁᑯᓯ ᒥᑐᓂ ᐁ ᑭ ᐃᑕᐃᓱᒋᐠ ᑭᑕ ᐸᒥᐦᐋᒋᐠ ᐅᑲᓈᑎᓯᐊᐧ), 16ᑭᔭᐋᐧᐤ ᒥᓇ ᑭᑕ ᓇᓇᐃᑕᐋᐧᔦᑳᐧᐤ ᐁᑯᑐᐊᐧ, ᒥᓇ ᑲᐦᑭᔭᐤ ᐊᐃᐧᔭᐠ ᑳ ᐅᐦᒋᑲᒫᑫᐟ ᐊᑐᐢᑫᐃᐧᐣ ᒥᓇ ᑳ ᐊᑐᐢᑫᐟ. 17ᓂ ᒪᒪᐦᑖᑯᓯᐣ ᐁ ᑭ ᐯ ᐃᑐᐦᑌᒋᐠ ᐃᐢᑎᐸᓇᐢ ᒥᓇ ᐹᕒᑐᓀᑕᐢ ᒥᓇ ᐋᑫᐃᑲᐢ: ᒋᑫᒫ ᐊᓂᒪ ᑭᔭᐋᐧᐤ ᑳ ᓄᑌᐸᔨᔦᐠ ᐃᐧᔭᐋᐧᐤ ᑭ ᑎᐱᑐᑕᒪᐧᐠ. 18ᒋᑫᒫ ᑭ ᒪᐢᑲᐃᐧᓯᐢᑲᐁᐧᐊᐧᐠ ᑭᐟ ᐊᐦᒑᑯᓇᐊᐧ: ᑭᐢᑌᔨᒥᑯᐠ ᒫᑲ ᐁᑯᑐᐊᐧ.
19 #
ᐃᓯᐦᒋᑫᐃᐧᓂᐋᐧᐊᐧ 18:2
ᐅᑕᔭᒥᐦᐋᐊᐧᐠ ᐁᓯᔭᐃᕽ ᑳ ᐊᔮᒋᐠ ᑭᐟ ᐊᑕᒥᐢᑳᑯᐋᐧᐊᐧᐠ. ᐊᑭᐧᓬᐊ ᒥᓇ ᐸᕒᐃᐢᑲ ᒥᐢᑕᐦᐃ ᑭᐟ ᐊᑕᒥᐢᑳᑯᐋᐧᐊᐧᐠ ᑳ ᑎᐯᔨᐦᒋᑫᐟ ᐃᓯ, ᐊᓯᒋ ᐅᑕᔭᒥᐦᐋᐊᐧ ᐃᐧᑭᐊᐧᕽ ᑳ ᐊᔮᔨᐟ. 20ᑲᐦᑭᔭᐤ ᐅᒋᐋᐧᒥᒫᐊᐧᐠ ᑭᐟ ᐊᑕᒥᐢᑳᑯᐋᐧᐊᐧᐠ. ᐊᔭᑕᒥᐢᑯᑖᑐᐠ ᑲᓈᒋ ᐅᒉᑐᐃᐧᓂᕽ.
21ᓂᔭ ᐹᓬ ᑭᐟ ᐊᑕᒥᐢᑳᑎᓈᐋᐧᐤ ᑫᐦᒋᐋᐧᐠ ᓂ ᒋᐦᒋ ᐅᐦᒋ. 22ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᐁᑳ ᓵᑭᐦᐋᒋ ᑳ ᑎᐯᔨᐦᒋᑫᔨᐟ, ᑭᔮᒼ ᑭᑕ ᒪᒐᑭᒋᑳᓱ. ᑯᑎᐯᔨᒋᑫᒥᓇᐤ ᐯ ᐃᑐᐦᑌᐤ. 23ᐅ ᑭᓭᐋᐧᑎᓯᐃᐧᐣ ᑳ ᑎᐯᔨᐦᒋᑫᐟ ᒋᓴᐢ ᙭ ᑭ ᑲ ᐃᐧ ᐃᐧᒋ ᐊᔮᒥᑯᓈᐋᐧᐤ. 24ᓂ ᓵᑭᐦᐃᐁᐧᐃᐧᐣ ᑭ ᑲ ᐃᐧ ᐊᔮᓈᐋᐧᐤ ᑲᑭᔭᐤ ᙭ ᒋᓴᐢ ᐃᓯ. ᐋᒣᐣ.
Currently Selected:
ᓂᐢᑕᒼ ᑲᕒᐃᐣᑎᔭᓇ 16: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
