ᓃᓵᐧᐤ ᑲᕒᐃᐣᑎᔭᓇ 1

1 # ᐃᓯᐦᒋᑫᐃᐧᓂᐋᐧᐊᐧ 18:1 ᐹᓬ, ᐅᐟ ᐊᐹᐢᑎᓬᐃᒪ ᙭ ᒋᓴᐢ ᐁ ᐃᑌᔨᑕᕽ ᑭᓭᒪᓂᑐ, ᒥᓇ ᑎᒪᑏ ᑭᒋᐋᐧᒥᓇᐤ, ᐁ ᒪᓯᓇᐦᐊᒪᐋᐧᐟ ᐅᑕᔭᒥᐦᐋᐊᐧ ᑳ ᐊᔭᒥᐦᐁᐢᑕᐋᐧᒋᐠ ᑭᓭᒪᓂᑐᐊᐧ ᐊᓂᑕ ᑳᕒᐃᐣᐟ, ᐊᓯᒋ ᑲᐦᑭᔭᐤ ᐅᑲᓈᑎᓯᐊᐧᐠ ᒥᓯᐁᐧ ᐋᑫᐃᔭ ᑳ ᐊᔮᒋᐠ: 2ᓂᓱᑲᒫᑯᐃᐧᐣ ᒥᓇ ᐯᔭᑕᑫᔨᒧᐃᐧᐣ ᑭ ᑲ ᐃᐧ ᐅᐦᒋᐢᑕᒫᑯᐋ ᑭᓭᒪᓂᑐ ᑯᑖᐃᐧᓇᐤ ᒥᓇ ᑳ ᑎᐯᔨᐦᒋᑫᐟ ᒋᓴᐢ ᙭.

3ᑭᑕ ᑭ ᓇᓈᐢᑯᒥᐦᐟ ᐅ ᑭᓭᒪᓂᑐᒪ ᒥᓇ ᐅᑖᐃᐧᔭ ᑳ ᑎᐯᔨᒥᑯᔭᕽ ᒋᓴᐢ ᙭, ᑳ ᐅᔪᑖᐃᐧᐢᑳᑯᐟ ᑭᓭᐋᐧᑎᓯᐃᐧᓇ ᒥᓇ ᑭᓭᒪᓂᑐ ᑲᐦᑭᔭᐤ ᑳ ᐅᐦᒋ ᒥᔪᑌᐁᕽ; 4ᑳ ᒥᔪᑌᐁᐃᑯᔭᕽ ᑲᐦᑭᔭᐤ ᑭᐟ ᐋᔨᒥᓯᐃᐧᓂᓈᕽ, ᑭᑕ ᑭ ᒥᔪᑌᐁᐋᔭᑯᐠ ᒥᓇ ᐊᓂᑭ ᓈᐣᑕᐤ ᐋᔨᒥᓯᐃᐧᓂᕽ ᑳ ᐊᔮᒋᐠ, ᐊᓂᒪ ᒥᔪᑌᐁᐃᑯᐃᐧᐣ ᐅᐦᒋ ᑭᔮᓇᐤ ᑳ ᒥᔪᑌᐁᐃᑯᔮᕽ ᑭᓭᒪᓂᑐ. 5ᒋᑫᒫ ᑳ ᐃᓯ ᐁᐧᔪᑎᓇᒫᑲᐃᐧᔭᕽ ᐅ ᑯᑕᑭᑖᐃᐧᓇᓇ ᙭, ᐁᑯᓯ ᒥᓇ ᑭ ᒥᔪᑌᐁᐃᑯᐃᐧᓂᓇᐤ ᐁᐧᔪᒋ ᐊᔮᐤ ᐃᐧᔭ ᐅᐦᒋ ᙭. 6ᑭᐢᐱᐣ ᒫᑲ ᓂ ᑯᑕᑭᐦᐃᑲᐃᐧᓈᐣ, ᑭᔭᐋᐧᐤ ᑭ ᒥᔪᑌᐁᐃᑲᐃᐧᓈᐣ, ᑭᔭᐋᐧᐤ ᑭ ᒥᔪᑌᐁᐃᑯᐃᐧᓂᐋᐧᐤ ᐅᐦᒋ, ᑳ ᐊᑐᐢᑫᒪᑲᕽ ᐁ ᓯᐯᔨᑕᒧᐃᐧ ᐅᑎᓇᒣᐠ ᐊᓂᐦᐃ ᑯᑕᑭᑖᐃᐧᓇ ᓂᔭᓈᐣ ᒥᓇ ᑳ ᐃᓯ ᑯᑕᑭᑖᔮᕽ: 7ᐁᑯᓯ ᐋᔮᑕᐣ ᐊᓂᒪ ᐁ ᐃᑕᑌᔨᑕᒫᑖᕽ; ᐁ ᑭᐢᑫᔨᑕᒫᕽ ᐅᒪ, ᑳ ᐃᓯ ᐃᐧᒋᐃᐁᐧᔦᐠ ᑯᑕᑭᑖᐃᐧᓂᕽ, ᐁᑯᓯ ᒥᓇ ᑫ ᐃᓯ ᐃᐧᒋᐃᐁᐧᔦᐠ ᒥᔪᑌᐁᐃᑯᐃᐧᓂᕽ. 8#1 ᑲᕒᐃᐣᑎᔭᓇ 15:32ᐃᐧᔭ ᐁᑳ ᐁ ᓇᑕᐁᐧᔨᑕᒫᕽ ᑭᑕ ᐊᐧᓀᔨᑕᒣᐠ, ᓂᒋᐋᐧᒥᑎᐠ, ᐊᓂᒪ ᑳ ᑭ ᐃᓯ ᐋᔨᒥᓯᔮᕽ ᐁᓯᔭᐃᕽ, ᑳ ᑭ ᐃᓯ ᒫᑫᐧᔨᑕᒧᐃᑲᐃᐧᔮᕽ ᒥᐢᑕᐦᐃ, ᐊᐊᐧᓯᒣ ᐁ ᐃᐢᐱᓯᔮᕽ, ᐃᔨᑯᕽ ᐱᔨᐢ ᐁᑳ ᐁ ᐃᑕᑌᔨᑕᒫᕽ ᑭᑕ ᑭ ᐱᒫᑎᓯᔮᕽ: 9ᐁᐦᐁ, ᓂᐟ ᐃᓯ ᑭᑭᐢᑳᑯᓈᐣ ᑖᐱᐢᑯᐨ ᐁ ᐅᔭᓱᐋᐧᑎᑲᐃᐧᔮᕽ ᓂᐳᐃᐧᓂᕽ, ᐁᑳ ᑭᑕ ᒪᒥᓯᑐᑖᓱᔮᕽ, ᒫᑲ ᑭᓭᒪᓂᑐ ᑭᑕ ᒪᒥᓯᑐᑕᐋᐧᔮᕽ ᑳ ᐊᐧᓂᐢᑳᓈᐟ ᐅᓂᐱᐊᐧ: 10ᑳ ᑭ ᐸᐢᐱᐃᑯᔮᕽ ᐃᔨᑯᕽ ᑭᐦᒋ ᓂᐳᐃᐧᓂᕽ ᐅᐦᒋ, ᐁᑯᓯ ᑫ ᐸᐢᐱᐃᑯᔮᕽ: ᐁᐊᐧᑯ ᒥᓇ ᑳ ᐊᐢᐯᔨᒧᑐᑕᐋᐧᔮᕽ ᑫᔮᐱᐨ ᑭᑕ ᐸᐢᐱᐃᑯᔮᕽ; 11ᑭᔭᐋᐧᐤ ᒥᓇ ᐁ ᓂᓱᑲᒫᑫᔦᐠ ᐁ ᐊᔭᒥᐦᐁᐢᑕᒪᐃᐧᔮᕽ; ᐊᓂᒪ, ᑳ ᐃᓯ ᒥᔨᑯᐃᐧᓯᔮᕽ ᒥᐦᒉᐟ ᐅᐦᒋ, ᒥᐦᒉᐟ ᒥᓇ ᑭᑕ ᓇᓈᐢᑯᒧᐢᑕᒫᑯᔮᐦᑭᐠ.

12ᒋᑫᒫ ᓂ ᑲᑭᒋᒧᐃᐧᓂᓈᐣ ᐁᐊᐧᑯᒪ, ᐁ ᐋᒋᒧᐢᑖᑯᔮᕽ ᓂ ᑭᐢᑫᔨᒥᓱᐃᐧᓂᓈᐣ, ᑲᓈᑎᓯᐃᐧᓂᕽ ᒥᓇ ᐁᑳ ᐁ ᑲᔦᓯᐋᔮᕽ ᑭᓭᒪᓂᑐ, ᓇᒪᐃᐧᔭ ᐃᐧᔮᓯᐃᐧ ᐃᔨᓂᓯᐃᐧᓂᕽ ᒫᑲ ᐅ ᓂᓱᑲᒫᑫᐃᐧᓂᕽ ᑭᓭᒪᓂᑐ, ᓂ ᑭ ᐃᑖᐸᒥᓈᑯᒋᑳᓈᐣ ᐊᐢᑭᕽ, ᐅᓵᒼ ᒫᑲ ᑭᔭᐋᐧᐤ ᐃᓯ. 13ᒋᑫᒫ ᓇᒪᐃᐧᔭ ᐱᑐᐢ ᑫᑲᐧᐩ ᑭ ᒪᓯᓇᐦᐊᒫᑎᓈᐣ, ᐱᑯ ᐊᓂᒪ ᑳ ᐊᔭᒥᑖᔦᐠ ᐊᐦᐳ ᑳ ᐃᑕᒣᐠ, ᒥᓇ ᑳ ᐃᓯ ᐸᑯᓭᔨᒧᔮᐣ ᑭᑕ ᑖᐯᐧᑕᒣᐠ ᐱᔨᐢ ᐃᐢᑳᐧᔮᐨ: 14ᑖᐱᐢᑯᐨ ᐋᑎᐦᐟ ᑳ ᑭ ᐃᓯ ᓇᐢᑯᒥᔮᕽ, ᓂᔭᓈᐣ ᐁ ᐅᐦᒋ ᒪᒪᐦᑖᑯᓯᔦᐠ, ᑖᐱᐢᑯᐨ ᒥᓇ ᑭᔭᐋᐧᐤ ᑫ ᐅᐦᒋ ᒪᒪᐦᑖᑯᓯᔮᕽ, ᐅ ᑭᓯᑳᒥᒋ ᑳ ᑎᐯᔨᒥᑯᔭᕽ ᒋᓴᐢ.

15ᐅᒪ ᒫᑲ ᐁ ᐃᓯ ᐋᔮᑌᔨᑕᒫᐣ ᓵᓴᐩ ᑭ ᑭ ᐃᐧ ᐯ ᓇᑕᐋᐧᐸᒥᑎᓈᐋᐧᐤ, ᑭᑖᐧᒼ ᑭᑕ ᑭ ᐋᐸᒋᐃᑯᔦᐠ; 16#ᐃᓯᐦᒋᑫᐃᐧᓂᐋᐧᐊᐧ 19:21ᐁᑯᓯ ᑭᔭᐋᐧᐤ ᐅᐦᒋ ᑭᑕ ᐊᑎ ᐃᑐᐦᑌᔮᐣ ᒫᓯᑖᓂᔭᐃᕽ, ᒥᓇ ᒫᓯᑖᓂᔭᐃᕽ ᐅᐦᒋ ᑭᑕ ᐯ ᓈᑎᑕᑯᐠ, ᑭᔭᐋᐧᐤ ᑭᑕ ᓄᒪᑫ ᐃᐧᒋᐃᔦᐠ ᒫᑲ ᓯᐯᐧᔪᑌᐅᔮᓂ ᒍᑎᔭᐃᕽ ᐃᓯ. 17ᐃᐢᐱ ᒫᑲ ᐅᒪ ᑳ ᐃᑌᔨᑕᒫᐣ, ᐁ ᐱᑭᐢᑳᓯᐠ ᒋ ᒫᒥᑐᓀᔨᒋᑲᐣ ᓂ ᑭ ᓄᑯᑖᐣ? ᐊᐦᐳ ᐊᓂᐦᐃ ᑳ ᐅᔦᔨᑕᒫᐣ, ᓄᔦᔨᑌᐣ ᒋ ᐃᐧᔮᓯᐃᐧᓂᕽ ᐃᓯ, ᓂᔭ ᐅᐦᒋ ᑭᑕ ᐃᑌᐧᔮᐣ ᐁᐦᐁ, ᐁᐦᐁ, ᐊᐦᐳ, ᓇᒪᐃᐧᔭ, ᓇᒪᐃᐧᔭ? 18ᒫᑲ ᐁ ᐃᓯ ᑖᐯᐧᐃᐧᓂᐃᐧᐟ ᑭᓭᒪᓂᑐ, ᓂᐟ ᐃᑌᐧᐃᐧᓂᓈᐣ ᑳ ᐃᑎᑖᕽ ᓇᒪᔦᐤ ᐁᐦᐁ ᒥᓇ ᓇᒪᐃᐧᔭ. 19#ᐃᓯᐦᒋᑫᐃᐧᓂᐋᐧᐊᐧ 18:5ᒋᑫᒫ ᐊᓇ ᑭᓭᒪᓂᑐ ᐅᑯᓯᓴ, ᒋᓴᐢ ᙭, ᑳ ᑭ ᐃᓯ ᑲᑫᐢᑭᒥᑖᕽ ᓂᔭᓈᐣ, ᓂᔭ ᐅᑎ ᒥᓇ ᓯᓬᐯᓇᐢ ᒥᓇ ᑎᒪᑏ, ᓇᒪᔦᐤ ᐁᐦᐁ ᒥᓇ ᓇᒪᐃᐧᔭ, ᒫᑲ ᐁᐊᐧᑯ ᐁᐦᐁ. 20ᒋᑫᒫ ᑖᓂᔨᑯᕽ ᐁ ᐃᑕᑎᓂᔨᑭ ᐅᐟ ᐊᓱᑕᒫᑫᐃᐧᓇ ᑭᓭᒪᓂᑐ, ᐃᐧᔭ ᑳ ᑭᑭᐢᑳᑯᐟ ᐁᐦᐁ: ᐁᑯᓯ ᒥᓇ ᐃᐧᔭ ᐅᐦᒋ ᐋᒣᐣ, ᐅ ᑭᐢᑌᔨᑖᑯᓯᐃᐧᓂᕽ ᐃᓯ ᑭᓭᒪᓂᑐ ᓂᔭᓈᐣ ᐅᐦᒋ. 21ᐁᑲᐧ ᒫᑲ ᐊᓇ ᑳ ᐋᔮᒋᐃᑯᔭᕽ ᙭ ᐃᓯ ᒥᓇ ᑳ ᐅᔭᑭᒥᑯᔭᕽ, ᐁᐊᐧᑯ ᑭᓭᒪᓂᑐ; 22ᑳ ᑭ ᒥᓇ ᑭᐢᑭᓇᐋᐧᒋᐃᑯᔭᕽ ᒥᓇ ᑳ ᑭ ᒥᔨᑯᔭᕽ ᐅ ᑫᒋᓈᐃᐁᐧᐃᐧᐣ ᐊᐦᒑᕽ ᑭᑌᐃᓈᕽ.

23ᓂ ᓇᓈᑐᒫᐤ ᒫᑲ ᑭᓭᒪᓂᑐ ᑭᑕ ᐋᒋᒧᐢᑕᒪᐃᐧᐟ ᓂᐟ ᐊᐦᒑᑯᕽ, ᐁ ᒪᓈᒋᐃᑕᑯᐠ ᑳ ᐅᐦᒋ ᐁᑳ ᐯ ᐃᑐᐦᑌᔮᐣ ᑳᕒᐃᐣᑎᕽ. 24ᓇᒪᐃᐧᔭ ᒫᑲ ᐁ ᑎᐯᔨᑕᒫᕽ ᑭ ᑖᐯᐧᔦᔨᑕᒧᐃᐧᓂᐋᐧᐤ, ᒫᑲ ᐁ ᐃᐧᒋᑖᔮᕽ ᑭ ᒪᒪᐦᑖᑯᓯᐃᐧᓂᐋᐧᐤ: ᒋᑫᒫ ᑖᐯᐧᔦᔨᑕᒧᐃᐧᐣ ᐅᐦᒋ ᑳ ᓂᐸᐃᐧᔦᐠ.

Currently Selected:

ᓃᓵᐧᐤ ᑲᕒᐃᐣᑎᔭᓇ 1: KKMs

Highlight

Copy

Compare