Насигьятар 9
9
1Аькьвли чаз хал тикмиш гъапӀнийи, гъурчӀву ургуб мурхьул ккивнийи.
2Дугъу гьязур дапӀну йикк, чяхрик кахьну ицци ниъ хъайи укӀар, ккабалгуру суфра.
3Ва гьарай ипуз гьау гъараваш дишагьлийир шагьрин ягълишвариина, ебхьруси варидариз:
4– Уьмрин тажруба цӀибди айидар, узухьинди илтӀикӀай! Аькьвли фикир дарапӀрудариз гъапи:
5– Гъачай, ипӀинай йиз ипӀруб, убхъай ицци ниъ хъайи укӀар кахьнайи йиз чяхрар!
6Йипай аьвамвализ гежехайрар – хьидичва яшамиш; фагьум тувру жилгъайиъди гъарахай.
7Беябур дархьиди гъузидар, ягьсузур дюз алаиш, жвув асккан хьуб мумкин ву, гьякьсузриз чан тахсир гъапиш.
8Ягьсузриз миван тягьна – апӀидиву даккун, аькьюл айириз йип – хьидиву ккун.
9Аькьюл айир ужуб рякъюхъ хъаъ – дугъаъ хъана артухъ аькьюл ибшди, дарсар тув гьякьлуйиз – думу артухъ фагьумлу хьиди.
10РАББИЙИХЬАН гучӀури хьуб – магьа эвел аькьвлин, Заанур фукьан гирами вуш аьгъю апӀуб – магьа фтиъ аш фагьум!
11Узухъди, Аькьвлихъди, ярхи хьиди яв йигъар, ва артухъ хьиди яв уьмрин йисар.
12Эгер уву аькьюл айир вуш, яв увуз ужу хьибди, эгер уву дугъʼин аьлхъюраш – яв уву аьзиятнакк ккахъдиву.
13Абдалвал – ягь дудубгнайи дишагьлийиз ухшар ву. Тербия хъадру, аьвам ву думу.
14Думу чан урчӀарихъ шулу деъну ягъли йишвʼин, вари шагьрин уликк учв ккади,
15дих апӀуз багхьантина гъярайи варидариз, рякъди чпин ляхнариз гъярайидариз:
16– Уьмрин тажруба цӀибди айидар, илтӀикӀай узухьинди! Думу дишагьлийи кӀура фикир дарапӀрудариз:
17– ГьитӀибкӀу шид меълибтӀан меълиб ву, жин гъапӀу уьл иццибтӀан ицциб ву!
18Хъа дурариз аьгъю хьузкьан аьгъдар, чпиз гъачӀидарихьна дих апӀурайиб, гъийихдарин дюнʼяйин деринариъ айиб думу дишагьлийин хялар.
Currently Selected:
Насигьятар 9: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
