Ляхнар 25
25
Павел Фестдин улихь хьуб
1Фест гьякимдар духьну шубуд йигълан, думу Къайсарияйиан Ерусалимдиз гъягъюру. 2Аьхюну маллйири ва жугьдарин садпи агьлари дугъан улихь Павелин тахсрар ктухуру. 3Дурари, гьамци гъапӀиш, ужу хьибди, кӀури, Павел Ерусалимдиз гьауб Фестдикан тӀалаб апӀуру, фицики дурариз думу рякъюъ йикӀуз ккунди айи. 4Фестди дурариз, Павел Къайсарияйиъ мюгькамди уьрхюра ва багарихьди учв дина гъягъюрза, кӀури, жаваб тувру.
5– Гъит ичв аьхюдарикан сакьюдар узухъди гъюри, – гъапи дугъу, – ва думу касдик тахсир каш, гьадушваъ тахсиркар апӀри.
6Фест дурарихъди ургуд-йицӀуд йигъан гъузру. Къайсарияйиз хътакиган, Фестди, диванбегийин йишвʼин деъну, Павел дина хуз буйругъ тувру. 7Хъа думу гъахиган, Ерусалимдиан гъафи жугьдари, Павел кьялаъ тӀаъну, дугъак гизаф аьхю тахсрар кирчру, амма дурарихьан мурар усбат апӀуз гъахьундар. 8Павели: «Узу жугьдарин къанундиз, Аллагьдин хулаз, я Римдин паччагьдиз къаршу ляхин гъапӀундарза», – кӀури, учв дурарихьан уьрхюри гъахьну.
9Хъа Фест жугьдар рази апӀуз чалишмиш шули гъахьну ва гьаддиз Павелиз гьамциб суал тувру:
– Увуз, Ерусалимдиз душну, гьадушваъ, увук кирчрайи тахсрариз лигну, узу яв диван дапӀну ккундунуз?
10Павели жаваб тувру:
– Узу гьамусяаьт йиз диван дапӀну ккуни Римдин паччагьдин дивандин улихь дийигъназа. Узу жугьдариз саб чӀуру ляхинра гъапӀундарза, му увуз лап ужуди аьгъявуз. 11Эгер узу гьякь дарш ва йикӀбаз лайикь вуйи ляхин гъапӀнуш, узу дидккан кӀул ккадабгъури адарза. Хъа гьаму касари, йиз тахсир адарди, узук тахсрар кирчраш, узу шлихьанкӀа дурарин хилиз тувуз хьибдар. Узу йиз диван Римдин паччагьди апӀуб ккун апӀураза.
12Мажлисдихъди мясляаьт дапӀну, Фестди жаваб туву:
– Уву яв диван Римдин паччагьди апӀуб ккун гъапӀунва, гьаддиз Римдин паччагьдихьна гъягъидива.
Фестдинна Агриппайин сюгьбат
13Сакьюдар йигъарилан паччагь Агриппа, Вереникара хъади, Фест тебрик апӀбан бадали, Къайсарияйиз гъюру. 14Дурари душваъ адау сакьюдар йигъарин арайиъ Фестди паччагьдиз Павелин месэлайикан, гьамци кӀури, ктибтуру:
– Мушваъ Феликсди дустагъ дапӀну гъитнайи сар кас а. 15Узу Ерусалимдиъ айиган, дугъак тахсрар кирчри, жугьдарин аьхюну маллйирина кавхйири дугъан диван апӀуб тӀалаб гъапӀнийи. 16Хъа узу, тахсир илипурайириз, тахсрар кирчрайидарихьди машна-машди дяркъну, учв уьрхюз мумкинвал тутрувди, думу аьжализ тувуб римлуйирин аьдат дар, гъапунза. 17Гьаддиз, гьадму жугьдар мина гъафиган, узу ляхин кьаназ илдидипди, хъайигъан диванбегийин йишвʼин деъну, гьадму кас дина хуз буйругъ тувунза. 18Думу тахсирламиш апӀурайидар гъудужвну гъулхиган, дурарихьан узу ккилигурайи гьич саб тахсирра пуз гъабхьундар. 19Дурари дугъахъди чпин диндикан ва гьапӀрур-вуш сар дукӀнайи Исайикан гьюжатар апӀури гъахьну. Павели, думу чӀивир ву, кӀурира тасдикь апӀурайи. 20Му ляхниз фици лигуруш аьгъдарди, узу Павелихьан, Ерусалимдиз душну, гьадушваъ яв диван дапӀну ккундунуз, пну, гьерхунза.
21Хъа Павели чан месэла Римдин паччагь Августди гьял апӀуб тӀалаб апӀбаз лигну, узуз думу Римдин паччагьдихьна гьауз мумкинвал хьайиз, Къайсарияйиъ гъаравликк гъитуз буйругъ тувунза.
22Агриппайи Фестдиз: «Узузра гьадму касдихъ хъпехъуз ккунди азуз», – гъапиган, Фестди: «Закур уву дугъахъ хъпехъидива», – пну, жаваб тувру.
Павел Агриппайин улихь хьуб
23Хъайигъан, Агриппана Вереника гизаф дамахлуди дуфну, кьушмарин аьхюдарихъдина шагьрин адлу агьалйирихъди диванханайиъ учӀвиган, Фестди Павел хуз буйругъ тувру. 24Хъасин Фестди кӀуру:
– Агриппа паччагь ва вари мушваъ айи агьлар! Учвуз Ерусалимдиъ ва гьамушваъ чакан вари жугьдарин жямяаьтди аьрзар апӀурайи гьаму кас рякъюрачвуз. Дурари, му кас яшамиш духьну ккундар, кӀури, чӀигъар апӀури гъахьну. 25Хъа узу, думу йивну йикӀуз лайикьлу вуйи гьич саб тахсир ктар, кӀури, гьисаб апӀураза. Хъа дугъу чан диван Римдин паччагьди апӀуб тӀалаб гъапӀиган, узу думу дугъахьна гьауб кьатӀъ гъапӀунза. 26Хъа узу Римдин паччагьдиз якьинди фу бикӀурушра аьгъдруган, гьаддиз думу ичв варидарин улихьна, иллагьки, паччагь Агриппа, яв улихьна хуб буйругъ тувунза. Учву дугъан ляхин ахтармиш апӀбалан кьяляхъ, узу Римдин паччагьдиз му ляхникан фу бикӀуруш ачухъ шул. 27Фицики дустагъ дапӀнайи касдин тахсир фтиъ аш, улулупди, гьауб фагьумсуз ляхинси гьибгъразуз.
Currently Selected:
Ляхнар 25: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Ляхнар 25
25
Павел Фестдин улихь хьуб
1Фест гьякимдар духьну шубуд йигълан, думу Къайсарияйиан Ерусалимдиз гъягъюру. 2Аьхюну маллйири ва жугьдарин садпи агьлари дугъан улихь Павелин тахсрар ктухуру. 3Дурари, гьамци гъапӀиш, ужу хьибди, кӀури, Павел Ерусалимдиз гьауб Фестдикан тӀалаб апӀуру, фицики дурариз думу рякъюъ йикӀуз ккунди айи. 4Фестди дурариз, Павел Къайсарияйиъ мюгькамди уьрхюра ва багарихьди учв дина гъягъюрза, кӀури, жаваб тувру.
5– Гъит ичв аьхюдарикан сакьюдар узухъди гъюри, – гъапи дугъу, – ва думу касдик тахсир каш, гьадушваъ тахсиркар апӀри.
6Фест дурарихъди ургуд-йицӀуд йигъан гъузру. Къайсарияйиз хътакиган, Фестди, диванбегийин йишвʼин деъну, Павел дина хуз буйругъ тувру. 7Хъа думу гъахиган, Ерусалимдиан гъафи жугьдари, Павел кьялаъ тӀаъну, дугъак гизаф аьхю тахсрар кирчру, амма дурарихьан мурар усбат апӀуз гъахьундар. 8Павели: «Узу жугьдарин къанундиз, Аллагьдин хулаз, я Римдин паччагьдиз къаршу ляхин гъапӀундарза», – кӀури, учв дурарихьан уьрхюри гъахьну.
9Хъа Фест жугьдар рази апӀуз чалишмиш шули гъахьну ва гьаддиз Павелиз гьамциб суал тувру:
– Увуз, Ерусалимдиз душну, гьадушваъ, увук кирчрайи тахсрариз лигну, узу яв диван дапӀну ккундунуз?
10Павели жаваб тувру:
– Узу гьамусяаьт йиз диван дапӀну ккуни Римдин паччагьдин дивандин улихь дийигъназа. Узу жугьдариз саб чӀуру ляхинра гъапӀундарза, му увуз лап ужуди аьгъявуз. 11Эгер узу гьякь дарш ва йикӀбаз лайикь вуйи ляхин гъапӀнуш, узу дидккан кӀул ккадабгъури адарза. Хъа гьаму касари, йиз тахсир адарди, узук тахсрар кирчраш, узу шлихьанкӀа дурарин хилиз тувуз хьибдар. Узу йиз диван Римдин паччагьди апӀуб ккун апӀураза.
12Мажлисдихъди мясляаьт дапӀну, Фестди жаваб туву:
– Уву яв диван Римдин паччагьди апӀуб ккун гъапӀунва, гьаддиз Римдин паччагьдихьна гъягъидива.
Фестдинна Агриппайин сюгьбат
13Сакьюдар йигъарилан паччагь Агриппа, Вереникара хъади, Фест тебрик апӀбан бадали, Къайсарияйиз гъюру. 14Дурари душваъ адау сакьюдар йигъарин арайиъ Фестди паччагьдиз Павелин месэлайикан, гьамци кӀури, ктибтуру:
– Мушваъ Феликсди дустагъ дапӀну гъитнайи сар кас а. 15Узу Ерусалимдиъ айиган, дугъак тахсрар кирчри, жугьдарин аьхюну маллйирина кавхйири дугъан диван апӀуб тӀалаб гъапӀнийи. 16Хъа узу, тахсир илипурайириз, тахсрар кирчрайидарихьди машна-машди дяркъну, учв уьрхюз мумкинвал тутрувди, думу аьжализ тувуб римлуйирин аьдат дар, гъапунза. 17Гьаддиз, гьадму жугьдар мина гъафиган, узу ляхин кьаназ илдидипди, хъайигъан диванбегийин йишвʼин деъну, гьадму кас дина хуз буйругъ тувунза. 18Думу тахсирламиш апӀурайидар гъудужвну гъулхиган, дурарихьан узу ккилигурайи гьич саб тахсирра пуз гъабхьундар. 19Дурари дугъахъди чпин диндикан ва гьапӀрур-вуш сар дукӀнайи Исайикан гьюжатар апӀури гъахьну. Павели, думу чӀивир ву, кӀурира тасдикь апӀурайи. 20Му ляхниз фици лигуруш аьгъдарди, узу Павелихьан, Ерусалимдиз душну, гьадушваъ яв диван дапӀну ккундунуз, пну, гьерхунза.
21Хъа Павели чан месэла Римдин паччагь Августди гьял апӀуб тӀалаб апӀбаз лигну, узуз думу Римдин паччагьдихьна гьауз мумкинвал хьайиз, Къайсарияйиъ гъаравликк гъитуз буйругъ тувунза.
22Агриппайи Фестдиз: «Узузра гьадму касдихъ хъпехъуз ккунди азуз», – гъапиган, Фестди: «Закур уву дугъахъ хъпехъидива», – пну, жаваб тувру.
Павел Агриппайин улихь хьуб
23Хъайигъан, Агриппана Вереника гизаф дамахлуди дуфну, кьушмарин аьхюдарихъдина шагьрин адлу агьалйирихъди диванханайиъ учӀвиган, Фестди Павел хуз буйругъ тувру. 24Хъасин Фестди кӀуру:
– Агриппа паччагь ва вари мушваъ айи агьлар! Учвуз Ерусалимдиъ ва гьамушваъ чакан вари жугьдарин жямяаьтди аьрзар апӀурайи гьаму кас рякъюрачвуз. Дурари, му кас яшамиш духьну ккундар, кӀури, чӀигъар апӀури гъахьну. 25Хъа узу, думу йивну йикӀуз лайикьлу вуйи гьич саб тахсир ктар, кӀури, гьисаб апӀураза. Хъа дугъу чан диван Римдин паччагьди апӀуб тӀалаб гъапӀиган, узу думу дугъахьна гьауб кьатӀъ гъапӀунза. 26Хъа узу Римдин паччагьдиз якьинди фу бикӀурушра аьгъдруган, гьаддиз думу ичв варидарин улихьна, иллагьки, паччагь Агриппа, яв улихьна хуб буйругъ тувунза. Учву дугъан ляхин ахтармиш апӀбалан кьяляхъ, узу Римдин паччагьдиз му ляхникан фу бикӀуруш ачухъ шул. 27Фицики дустагъ дапӀнайи касдин тахсир фтиъ аш, улулупди, гьауб фагьумсуз ляхинси гьибгъразуз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023