Ляхнар 26
26
Павелин улхуб
1Гьадмуган Агриппайи Павелиз кӀуру:
– Гьамус увхьан улхуз шулвухьан.
Павелира, чан хил за дапӀну, чан тахсир адруваликан пуз хъюгъру:
2– Агриппа паччагь! Жугьдари узук кирчрайи вари тахсрарихьан яв улихь жвув уьрхюб аьхю бахт вуди гьисаб апӀураза. 3Фицики уву жугьдарин вари аьдатарихъди ва гьюжат али месэлйирихъди таниш вува. Гьаддиз увкан узухъ сабурниинди хъпехъуб тӀалаб апӀурза.
4Вари жугьдариз, фици узу жигьил вахтнахъанмина йиз халкьдин арайиъ, хъасин Ерусалимдиъ яшамиш шули гъахьнуш, аьгъя. 5Дурариз узу ухдихъанмина аьгъя ва, чпиз ккун гъабхьиш, дурарихьан узу фарисей вуди хьуваликан ва ихь диндиз тялукь вуйи ижми саягънан уьмур хъапӀри хьуваликан шагьидвал апӀуз шулу. 6Гьамус узу, Аллагьди ихь абйириз туву гафнак умуд кивбаз лигну, 7йигъ-йишвди Аллагьдиз гъуллугъ апӀури, ич йицӀикьюб тухми думу гаф тамам хьпак умуд кивбаз лигну, суддин улихь дийигъназа. Магьа гьаму умудназ лигну, Агриппа паччагь, жугьдари узу тахсиркар апӀура. 8Уву, Аллагьдихьан гъачӀидар чӀиви апӀуз хьуб мумкин дарубси гьисаб апӀурана? 9Сифтейиан узура, Назаретдиан вуйи Исайин гафназ къаршу вуйи гизаф ляхнар апӀуб лазим ву, кӀури, гьисаб апӀуйза. 10Узу гьадрар вари Ерусалимдиъ апӀурийза. Мидкан аьхюну маллйирихьан гьюкум гъадабгъну, аьхючӀвеъ Исайихъ хъугърайидар дустагъдиъ ирчунза. Хъа Исайин ученикар йивну йихру вахтна, узу мидʼин рази шуйза. 11Узу дурар вари мистариъ, дурарихьди чпин хъугъувал батӀул апӀуз гъитуз чалишмиш шули, жаза туври гъахьнийза. Дурарихьна йиз даккнишин гьадмукьан гъатиб вуйики, узу дурарихъ хъергуз жара шагьраризра кмиди гъягъюйза.
12Гьациб кьаст ади узу сабан, аьхюну маллйирин гьюкум ва табшуругъар хьади, Дамаскдиз гъушнийза. 13Лисун шулайи вахтна, узу рякъюъ айиган, ригъдинтӀан гужли аквну, завариан гъюри, узуна узухъ хъайидар ккаънийи. 14Учу вари жилʼина алдакчу, ва узуз узухъди жугьуд чӀалниинди улхурайи гьамциб дих гъеебхьзуз: «Эй Саул, Саул! Уву Узухъ гьаз хъергнава? Аллагьдиз къаршу гъудужвну, жвуваз писвал апӀурава». 15Хъа узу: «Уву фуж вува, Агъа?» – пну, гьерхза. Ва Агъайи узуз жаваб туву: «Узу уву хъергнайи Иса вуза. 16Ликриина гъудужв. Гьеле увуз гъябкъюб гъубзри, хъа Узу увуз улупуз ккимбубдинра шагьид шлу, Йиз гъуллугъчиди дерккуз увухьна ачухъ духьназа. 17Узу уву яв халкьдихьан уьрхидиза ва жугьуд дарударихьна гьаъдизаву. Хъа дурарихьанра увуз зарар тувуз хьибдар. 18Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».
19Гьаци вуйиган, паччагь Агриппа, узхьан аьршарин амрихъ хъпебехъди гъузуз гъабхьундарзухьан. 20Хъа Дамаскдиъ, гьацира Ерусалимдиъ ва вари уьлкейиъ, хъасин жугьуд дарударин арайиъра, дурари, чпин тахсрар гардандиъ дидисну, Аллагьдихьинди илдицбан бадали ва чпин ляхнариинди му тасдикь апӀбан бадали, аьгъювалар улупуз хъюгъюнза. 21Гьамдин кӀуллан жугьдариз, узу Аллагьдин хулаъ айи вахтна, дидисну йикӀуз ккун гъабхьну. 22Хъа Аллагьди узуз, гъийин йигъазкьан кюмек апӀура. Дугъан кюмекниинди узу гъи, бицӀидариз ва аьхюдариз шагьидвал апӀури, пайгъамбрари ва Мусайи гьаци хьибди гъапибдилан гъайри, фукӀара жара артухъуб гъапундарза.
23Месигь йикӀиди ва гъийихдарикан сарпирди, гъачӀихъан, чӀиви хьиди, ва Дугъу гьам жугьдариз, гьамсана жара халкьариз акв хибди.
Агриппа хъугъувалиина хуз Павелин чалишмишʼвал
24Павел учв уьрхюз улхури имиди, Фестди зарб сесниинди:
– Павел, уву деллур вува! Аьхю зигьимлували уву аькьвлиан адаънаву! – кӀуру.
25– Узу деллур дарза, гизаф гьюрматлу Фест, – жаваб туву Павели. – Узу кӀурайиб гьякьлуб ва фагьумлуб вуйиз. 26Паччагь Агриппайиз мидкан аьгъя ва узу дугъахъди ачухъди кӀураза. Узу фикир апӀуразаки, дугъу йиз вари гафариз фикир тутрувди гъидрибтур, фицики мурар вари гизафдариз рякъюри гъашидар ву. 27Паччагь Агриппа! Уву пайгъамбрарихъ хъугъурна? Уву хъугърайиб аьгъязуз.
28Гьадмуган Агриппайи Павелиз кӀуру:
– Уву, узу гьамци рягьятди Исайихъ хъугърур хьуз шул кӀури, фикир апӀурана?
29– Рягьятди вуш вая читинди вуш, му метлеблу дар, – жаваб туву Павели. – Неинки уву, хъа гъи узухъ хъпехъурайидар вари узусдар хьузди, амма зунжрар алдарди, Аллагьдиз ккарагураза.
30Гьадмуган паччагь, гьякимдар Фест, Вереника ва дурарихъди деънайидар вари гъудужвуру. 31Диванханайиан удучӀвну, чпи-чпихъди гьамци улхуру:
– Му касди йикӀбаз вая дустагъ апӀбаз лайикьлу вуйи саб чӀуру ляхинра дапӀнадар.
32Агриппайи Фестдиз гъапи:
– Му кас, эгер дугъу Римдин паччагьдин улихь жаваб тувуз ккун дапӀнадайиш, азад апӀузра шуйи.
Currently Selected:
Ляхнар 26: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Ляхнар 26
26
Павелин улхуб
1Гьадмуган Агриппайи Павелиз кӀуру:
– Гьамус увхьан улхуз шулвухьан.
Павелира, чан хил за дапӀну, чан тахсир адруваликан пуз хъюгъру:
2– Агриппа паччагь! Жугьдари узук кирчрайи вари тахсрарихьан яв улихь жвув уьрхюб аьхю бахт вуди гьисаб апӀураза. 3Фицики уву жугьдарин вари аьдатарихъди ва гьюжат али месэлйирихъди таниш вува. Гьаддиз увкан узухъ сабурниинди хъпехъуб тӀалаб апӀурза.
4Вари жугьдариз, фици узу жигьил вахтнахъанмина йиз халкьдин арайиъ, хъасин Ерусалимдиъ яшамиш шули гъахьнуш, аьгъя. 5Дурариз узу ухдихъанмина аьгъя ва, чпиз ккун гъабхьиш, дурарихьан узу фарисей вуди хьуваликан ва ихь диндиз тялукь вуйи ижми саягънан уьмур хъапӀри хьуваликан шагьидвал апӀуз шулу. 6Гьамус узу, Аллагьди ихь абйириз туву гафнак умуд кивбаз лигну, 7йигъ-йишвди Аллагьдиз гъуллугъ апӀури, ич йицӀикьюб тухми думу гаф тамам хьпак умуд кивбаз лигну, суддин улихь дийигъназа. Магьа гьаму умудназ лигну, Агриппа паччагь, жугьдари узу тахсиркар апӀура. 8Уву, Аллагьдихьан гъачӀидар чӀиви апӀуз хьуб мумкин дарубси гьисаб апӀурана? 9Сифтейиан узура, Назаретдиан вуйи Исайин гафназ къаршу вуйи гизаф ляхнар апӀуб лазим ву, кӀури, гьисаб апӀуйза. 10Узу гьадрар вари Ерусалимдиъ апӀурийза. Мидкан аьхюну маллйирихьан гьюкум гъадабгъну, аьхючӀвеъ Исайихъ хъугърайидар дустагъдиъ ирчунза. Хъа Исайин ученикар йивну йихру вахтна, узу мидʼин рази шуйза. 11Узу дурар вари мистариъ, дурарихьди чпин хъугъувал батӀул апӀуз гъитуз чалишмиш шули, жаза туври гъахьнийза. Дурарихьна йиз даккнишин гьадмукьан гъатиб вуйики, узу дурарихъ хъергуз жара шагьраризра кмиди гъягъюйза.
12Гьациб кьаст ади узу сабан, аьхюну маллйирин гьюкум ва табшуругъар хьади, Дамаскдиз гъушнийза. 13Лисун шулайи вахтна, узу рякъюъ айиган, ригъдинтӀан гужли аквну, завариан гъюри, узуна узухъ хъайидар ккаънийи. 14Учу вари жилʼина алдакчу, ва узуз узухъди жугьуд чӀалниинди улхурайи гьамциб дих гъеебхьзуз: «Эй Саул, Саул! Уву Узухъ гьаз хъергнава? Аллагьдиз къаршу гъудужвну, жвуваз писвал апӀурава». 15Хъа узу: «Уву фуж вува, Агъа?» – пну, гьерхза. Ва Агъайи узуз жаваб туву: «Узу уву хъергнайи Иса вуза. 16Ликриина гъудужв. Гьеле увуз гъябкъюб гъубзри, хъа Узу увуз улупуз ккимбубдинра шагьид шлу, Йиз гъуллугъчиди дерккуз увухьна ачухъ духьназа. 17Узу уву яв халкьдихьан уьрхидиза ва жугьуд дарударихьна гьаъдизаву. Хъа дурарихьанра увуз зарар тувуз хьибдар. 18Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».
19Гьаци вуйиган, паччагь Агриппа, узхьан аьршарин амрихъ хъпебехъди гъузуз гъабхьундарзухьан. 20Хъа Дамаскдиъ, гьацира Ерусалимдиъ ва вари уьлкейиъ, хъасин жугьуд дарударин арайиъра, дурари, чпин тахсрар гардандиъ дидисну, Аллагьдихьинди илдицбан бадали ва чпин ляхнариинди му тасдикь апӀбан бадали, аьгъювалар улупуз хъюгъюнза. 21Гьамдин кӀуллан жугьдариз, узу Аллагьдин хулаъ айи вахтна, дидисну йикӀуз ккун гъабхьну. 22Хъа Аллагьди узуз, гъийин йигъазкьан кюмек апӀура. Дугъан кюмекниинди узу гъи, бицӀидариз ва аьхюдариз шагьидвал апӀури, пайгъамбрари ва Мусайи гьаци хьибди гъапибдилан гъайри, фукӀара жара артухъуб гъапундарза.
23Месигь йикӀиди ва гъийихдарикан сарпирди, гъачӀихъан, чӀиви хьиди, ва Дугъу гьам жугьдариз, гьамсана жара халкьариз акв хибди.
Агриппа хъугъувалиина хуз Павелин чалишмишʼвал
24Павел учв уьрхюз улхури имиди, Фестди зарб сесниинди:
– Павел, уву деллур вува! Аьхю зигьимлували уву аькьвлиан адаънаву! – кӀуру.
25– Узу деллур дарза, гизаф гьюрматлу Фест, – жаваб туву Павели. – Узу кӀурайиб гьякьлуб ва фагьумлуб вуйиз. 26Паччагь Агриппайиз мидкан аьгъя ва узу дугъахъди ачухъди кӀураза. Узу фикир апӀуразаки, дугъу йиз вари гафариз фикир тутрувди гъидрибтур, фицики мурар вари гизафдариз рякъюри гъашидар ву. 27Паччагь Агриппа! Уву пайгъамбрарихъ хъугъурна? Уву хъугърайиб аьгъязуз.
28Гьадмуган Агриппайи Павелиз кӀуру:
– Уву, узу гьамци рягьятди Исайихъ хъугърур хьуз шул кӀури, фикир апӀурана?
29– Рягьятди вуш вая читинди вуш, му метлеблу дар, – жаваб туву Павели. – Неинки уву, хъа гъи узухъ хъпехъурайидар вари узусдар хьузди, амма зунжрар алдарди, Аллагьдиз ккарагураза.
30Гьадмуган паччагь, гьякимдар Фест, Вереника ва дурарихъди деънайидар вари гъудужвуру. 31Диванханайиан удучӀвну, чпи-чпихъди гьамци улхуру:
– Му касди йикӀбаз вая дустагъ апӀбаз лайикьлу вуйи саб чӀуру ляхинра дапӀнадар.
32Агриппайи Фестдиз гъапи:
– Му кас, эгер дугъу Римдин паччагьдин улихь жаваб тувуз ккун дапӀнадайиш, азад апӀузра шуйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023