Ляхнар 24
24
Феликсди Павелин месэла ахтармиш апӀуб
1Хьуд йигълан, сакьюдар кавхйир ва Тертулл кӀуру аьрзачи хъади, аьхюну малла Ананай гъюру ва гьюкумдрин улихь Павелиз къаршу вуди дугъан тахсрар ктухуру. 2Чаз дих гъапӀиган, Тертулли, Павел тахсирламиш апӀури, гьамци кӀуру:
3– Аьхю вуйи Феликс, гизаф вахтнан мясляаьт ва халкьдин ужуб дуланажагъ айивалиинди учу увуз буржлу вуча ва му учу разивалиинди кьабул апӀурача. 4Хъа уву артухъ инжик дарапӀбан бадали, увуз хас вуйи сабурлувалиинди ич жикъи вуйи аьрзайихъ хъпехъуб ккун апӀурача. 5Фицики учу му кас мясляаьт чӀюбгърур, вари дюнʼяйиъ жугьдарин арайиъ гъалабулугъар гъитӀирккурайир ва назаретлу кучӀлин диндин кӀул вуйивал ачухъ гъапӀунча. 6МитӀланра гъайри, дугъаз Аллагьдин хал чиркин апӀуз ккун гъабхьну, хъа учу думу гъидисунча. [7]#24:7 Грекарин саспи БикӀбариъ дибикӀна: «Хъа думу учуз ич закондиинди жазайиъ итуз ккун гъабхьунчуз, амма къушмарин аьхюр Лисийди думу учхьан гъидисну. Дугъу думу тахсир апӀурайидариз увухьна гъягъюз буйругъ дебккнийи».
8Дугъхьан силис гъадабгъну, учу дугъак кирчрайи тахсрар увхьан аьгъю апӀуз хьибдивухьан.
9Вари жугьдари, мурар вари гьякьяр ву кӀури, Тертуллин гафар тасдикь апӀуру.
Павелин улхуб
10Гьякимдари, ишара дапӀну, чаз улхуз ихтияр тувиган, Павели кӀуру:
– Уву гизаф йисари гьаму халкьдин гьякимвал апӀурайивал аьгъяди, узу шадвалиинди узук кирчрайи тахсрар дюз дарувал улупидиза. 11Увхьан ахтармиш апӀуз шулвухьанки, узу Ерусалимдиз икрам апӀуз гъафи вахтнахъанмина йицӀикьюд йигътӀан артухъ гъабхьундар. 12Гьаму вахтнан айитӀ узу Аллагьдин хулаъ шлихъдикӀа я гьюжатар апӀури, я мистаъ, я шагьрин жара йишваъ халкьдик гъал кипри гъяркъю кас адар. 13Ва гьамусра дурарихьан чпи узук кирчрайи тахсрар тасдикь апӀуз шули адар. 14Хъа узу гардандиъ бисуразаки, дурари кучӀал дин вуди гьисаб апӀурайи БикӀубдин бинайиин алди йиз абйирин Аллагьдиз гъуллугъ апӀураза. Узу Къанундиъ улупнайи гьарсабдихъ ва Пайгъамбрарин китабариъ дидикӀнайидарихъ хъугъраза. 15Ва, дураринси, йизра Аллагьди гьам гьякьлу, гьамсана гьякьсуз касар, гъачӀихъан, чӀиви апӀбак умуд кайиз. 16Гьаддиз Аллагьдин ва инсанарин улихь йиз намус марцци хьпан бадали, узхьан шлукьан чарйир зигураза.
17Гизаф йисар улдучӀвхъан, узу, йиз халкьдин арайиъ садакьа ва гъурбнар апӀуз Ерусалимдиз хъадакну гъафунза. 18Дупну ккундуки, узу марцц апӀру аьдатра тамам апӀури, дурариз Аллагьдин хулаъ гъяркъюнзу. Узу халкьдик гъалабулугъ кипри гъахьундарза. 19Мушваъ, эгер узуз къаршуди кӀуруб аш, Асияйиан вуйи жугьдарра яв улихьна дуфну ккундийи. 20Ясана гьамусяаьт мушваъ айидари, узу Ерусалимдиъ аьхю суддин улихь дерккиган, узук фицдар тахсрар кирчнуш, гъит йипри. 21Дурарихьан пуз шлуб ялгъуз гьамутӀан дар: дурарин кьялаъ дийигъну, узу: «Узу гъачӀидар чӀиви хьпахъ хъугъра кӀури, гъи учву йиз диван апӀурачва», – пну, чӀигъ гъапӀунза.
Павел дустагъдиъ хьуб
22Гьадмуган Агъайин рякъ ужуди аьгъю Феликсди, диван апӀувал дебккну, гьамци гъапи:
– Узу яв ляхниз кьушмарин аьхюр Лисий гъафи вахтна лигидиза.
23Дугъу юзбашийиз Павелиин ул алди гъитуб ва саризра дугъахьна гъюз ва дугъан ярар-дустариз дугъан гъайгъушнаъ хьуз гъадагъа дарапӀуб буйругъ тувру. 24Сакьюдар йигъарилан Феликс, чан жугьуд шив Друзиллара хъади дуфну, Павел хуз гъитну, Месигь Исайин хъугъваликан вуйи дугъан улхбарихъ хъпехъуру. 25Хъа Павел гьякьваликан, сабурлуваликан ва аьхирзамандихъан шлу дивандикан улхуз хъюгъиган, Феликсдиз гучӀ шулу ва кӀуру: «Гьелелиг гъарах. Хъа вахт гъабшиган, дих апӀидизавуз». 26Павели чав деетузди пул тувур, кӀури, Феликсдин миж кайи. Гьаддиз дугъу кми-кмиди Павелиз чахьна дих апӀури ва дугъахъди сюгьбатар гъахури гъахьну. 27Кьюд йис улдучӀвхъан, Феликсдин йишвʼин Порций Фест дерккнийи. Жугьдар рази ктаури, Феликсди Павел дустагъдиъ итнийи.
Currently Selected:
Ляхнар 24: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Ляхнар 24
24
Феликсди Павелин месэла ахтармиш апӀуб
1Хьуд йигълан, сакьюдар кавхйир ва Тертулл кӀуру аьрзачи хъади, аьхюну малла Ананай гъюру ва гьюкумдрин улихь Павелиз къаршу вуди дугъан тахсрар ктухуру. 2Чаз дих гъапӀиган, Тертулли, Павел тахсирламиш апӀури, гьамци кӀуру:
3– Аьхю вуйи Феликс, гизаф вахтнан мясляаьт ва халкьдин ужуб дуланажагъ айивалиинди учу увуз буржлу вуча ва му учу разивалиинди кьабул апӀурача. 4Хъа уву артухъ инжик дарапӀбан бадали, увуз хас вуйи сабурлувалиинди ич жикъи вуйи аьрзайихъ хъпехъуб ккун апӀурача. 5Фицики учу му кас мясляаьт чӀюбгърур, вари дюнʼяйиъ жугьдарин арайиъ гъалабулугъар гъитӀирккурайир ва назаретлу кучӀлин диндин кӀул вуйивал ачухъ гъапӀунча. 6МитӀланра гъайри, дугъаз Аллагьдин хал чиркин апӀуз ккун гъабхьну, хъа учу думу гъидисунча. [7]#24:7 Грекарин саспи БикӀбариъ дибикӀна: «Хъа думу учуз ич закондиинди жазайиъ итуз ккун гъабхьунчуз, амма къушмарин аьхюр Лисийди думу учхьан гъидисну. Дугъу думу тахсир апӀурайидариз увухьна гъягъюз буйругъ дебккнийи».
8Дугъхьан силис гъадабгъну, учу дугъак кирчрайи тахсрар увхьан аьгъю апӀуз хьибдивухьан.
9Вари жугьдари, мурар вари гьякьяр ву кӀури, Тертуллин гафар тасдикь апӀуру.
Павелин улхуб
10Гьякимдари, ишара дапӀну, чаз улхуз ихтияр тувиган, Павели кӀуру:
– Уву гизаф йисари гьаму халкьдин гьякимвал апӀурайивал аьгъяди, узу шадвалиинди узук кирчрайи тахсрар дюз дарувал улупидиза. 11Увхьан ахтармиш апӀуз шулвухьанки, узу Ерусалимдиз икрам апӀуз гъафи вахтнахъанмина йицӀикьюд йигътӀан артухъ гъабхьундар. 12Гьаму вахтнан айитӀ узу Аллагьдин хулаъ шлихъдикӀа я гьюжатар апӀури, я мистаъ, я шагьрин жара йишваъ халкьдик гъал кипри гъяркъю кас адар. 13Ва гьамусра дурарихьан чпи узук кирчрайи тахсрар тасдикь апӀуз шули адар. 14Хъа узу гардандиъ бисуразаки, дурари кучӀал дин вуди гьисаб апӀурайи БикӀубдин бинайиин алди йиз абйирин Аллагьдиз гъуллугъ апӀураза. Узу Къанундиъ улупнайи гьарсабдихъ ва Пайгъамбрарин китабариъ дидикӀнайидарихъ хъугъраза. 15Ва, дураринси, йизра Аллагьди гьам гьякьлу, гьамсана гьякьсуз касар, гъачӀихъан, чӀиви апӀбак умуд кайиз. 16Гьаддиз Аллагьдин ва инсанарин улихь йиз намус марцци хьпан бадали, узхьан шлукьан чарйир зигураза.
17Гизаф йисар улдучӀвхъан, узу, йиз халкьдин арайиъ садакьа ва гъурбнар апӀуз Ерусалимдиз хъадакну гъафунза. 18Дупну ккундуки, узу марцц апӀру аьдатра тамам апӀури, дурариз Аллагьдин хулаъ гъяркъюнзу. Узу халкьдик гъалабулугъ кипри гъахьундарза. 19Мушваъ, эгер узуз къаршуди кӀуруб аш, Асияйиан вуйи жугьдарра яв улихьна дуфну ккундийи. 20Ясана гьамусяаьт мушваъ айидари, узу Ерусалимдиъ аьхю суддин улихь дерккиган, узук фицдар тахсрар кирчнуш, гъит йипри. 21Дурарихьан пуз шлуб ялгъуз гьамутӀан дар: дурарин кьялаъ дийигъну, узу: «Узу гъачӀидар чӀиви хьпахъ хъугъра кӀури, гъи учву йиз диван апӀурачва», – пну, чӀигъ гъапӀунза.
Павел дустагъдиъ хьуб
22Гьадмуган Агъайин рякъ ужуди аьгъю Феликсди, диван апӀувал дебккну, гьамци гъапи:
– Узу яв ляхниз кьушмарин аьхюр Лисий гъафи вахтна лигидиза.
23Дугъу юзбашийиз Павелиин ул алди гъитуб ва саризра дугъахьна гъюз ва дугъан ярар-дустариз дугъан гъайгъушнаъ хьуз гъадагъа дарапӀуб буйругъ тувру. 24Сакьюдар йигъарилан Феликс, чан жугьуд шив Друзиллара хъади дуфну, Павел хуз гъитну, Месигь Исайин хъугъваликан вуйи дугъан улхбарихъ хъпехъуру. 25Хъа Павел гьякьваликан, сабурлуваликан ва аьхирзамандихъан шлу дивандикан улхуз хъюгъиган, Феликсдиз гучӀ шулу ва кӀуру: «Гьелелиг гъарах. Хъа вахт гъабшиган, дих апӀидизавуз». 26Павели чав деетузди пул тувур, кӀури, Феликсдин миж кайи. Гьаддиз дугъу кми-кмиди Павелиз чахьна дих апӀури ва дугъахъди сюгьбатар гъахури гъахьну. 27Кьюд йис улдучӀвхъан, Феликсдин йишвʼин Порций Фест дерккнийи. Жугьдар рази ктаури, Феликсди Павел дустагъдиъ итнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023