Паччагьлугъар-1 7
7
1Кирьят-Еаримдин агьалйир гъафи, дурари РАББИЙИН сундух гъадабгъу ва тепейиин али Авинадавдин хулаз гъубху, хъа дугъан бай Элеазар, РАББИЙИН сундхиз лигбан бадали, марцц гъапӀу.
Шамуил – Израилин регьбер
2Кирьят-Еаримдиъ сундух дивхъанмина гизаф вахт гъубшнийи – къад йис. Вари израилар ишури РАББИЙИХЬНА илтӀикӀнийи. 3Шамуили дурариз гъапи:
– Эгер учву РАББИЙИХЬНА кӀваантӀан кьяляхъ хътаркнуш, жарадарин бутар ва Астарта#7:3 Астарта: бегьерлувалин бут-дишагьли, дидиз ханаанари ибадат апӀури гъахьну. Астартайиз ибадат апӀру йишвариъ гакӀвлин дестгар дурснади гъахьну, мумкин ву, бут-дишагьлийин адатӀнайи шиклар кади. кӀуру бут ярхла апӀинай, юкӀв РАББИЙИХЬНА илтӀибкӀай ва Дугъаз сариз гъуллугъ апӀинай. Думуган Дугъу филистимарихьан учву уьрхиди.
4Израилари чпин бутар ярхла гъапӀнийи; бутарин ччвурар Баал#7:4 Баал: ханаанарин кӀулин бут, чаз кюгьне вахтари ханаанари ибадат апӀури гъахьи завар рахбан бут. Думу гафнан мяна – «агъа, эйси». ва Астарта вуйи. Ва дурар анжагъ сар РАББИЙИЗ гъуллугъ апӀуз хъюгъю.
5Шамуили гъапи:
– Гъит вари израилар Мицпайиъ уч ишри – узу учвхъанди РАББИЙИЗ ккарагидиза.
6Дурар Мицпайиъ уч гъахьи, шид уч гъапӀу ва думу РАББИЙИН улихь удубзу. Думу йигъан душваъ дурари ушв гъибиснийи ва кӀуйи:
– Учу РАББИЙИЗ къаршу гунгьар гъапӀунча.
Мицпайиъ Шамуили учв израиларин регьберси гъухну.
7Филистимариз израилар Мицпайиъ уч хьуваликан аьгъю гъабхьиган, дурарин гьюкумдрар Израилиз къаршу дявдиз удучӀву. Дидкан гъеебхьган, израилариз филистимарихьан гучӀ гъабхьи. 8Дурари Шамуилиз гъапи:
– Учу магатӀархьан! Зат ккебебехъди, РАББИЙИЗ, ихь Заануриз, Дугъу ухьу филистимарихьан уьрхбан бадали, ккараг.
9Шамуили никкдихъ хъайи ччил гъадабгъу ва думу РАББИЙИЗ вариубгбан гъурбан гъапӀу. Шамуил, Израилиз кюмек ккун апӀури, РАББИЙИЗ гьарайниинди ккарагу, ва РАББИЙИ дугъаз жаваб туву.
10Гьеле Шамуили вариубгбан гъурбан апӀури, хъа филистимар, Израилиин алархьуз ккунди, багахь шули имиди, РАББИЙИ филистимарин кӀулʼин аьхю хъухърумар гъапӀу – думу йигъан Дугъу филистимарик гъалабулугъ кипу, ва дурар израилари дагъитмиш гъапӀу. 11Израилин кьушум Мицпайиан удубчӀву ва Бет-Карихъна ва дидлантинара филистимарихъ, рякъюъ дурар йивну йикӀури, хъчӀабкку.
12Шамуили гъван гъадабгъу ва думу Мицпайинна Шендин арайиъ диву, ва, «Гьамушвахъна ухьухъди РАББИЙИН кюмек хъайи!» дупну, думу гъвандиз Эвен-Эзер (кюмек апӀбан гъван) ччвур туву. 13Филистимар сикин гъапӀнийи, ва сарун дурар израиларин ругариина алжагъундайи; Шамуил чӀивиди имидикьан гагьди, филистимар РАББИЙИ Чан хлихъди дерккнийи. 14Мугагьназ филистимари гъидису шагьрар, Экрондихъан Гъатдихъна, Израили кьяляхъ гъидису. Гьадму шагьрарин багарихь хьайи жиларра израилари филистимарихьан кьяляхъ гъидиснийи. Амореярихъди Израилин ислягьвал айи.
15Чан аьжал хьайизкьан Шамуил Израилин регьбер вуди гъахьну. 16Гьарисан думу рякъюъ учӀвуйи ва нубатнахъди Бет-Эл, Гилгал ва Мицпа шагьрарилан илдицуйи. Израилин регьбриси, дугъу гьадму вари шагьрариин гьюкумдарвал апӀурайи. 17Амма гьарган думу Рамайиз кьяляхъ хътаркуйи; душваъ дугъан хулар айи, душвʼан дугъу Израилиин гьюкумдарвал апӀуйи, душваъ дугъу РАББИЙИЗ гъурбан апӀрушв тикмиш гъапӀнийи.
Currently Selected:
Паччагьлугъар-1 7: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-1 7
7
1Кирьят-Еаримдин агьалйир гъафи, дурари РАББИЙИН сундух гъадабгъу ва тепейиин али Авинадавдин хулаз гъубху, хъа дугъан бай Элеазар, РАББИЙИН сундхиз лигбан бадали, марцц гъапӀу.
Шамуил – Израилин регьбер
2Кирьят-Еаримдиъ сундух дивхъанмина гизаф вахт гъубшнийи – къад йис. Вари израилар ишури РАББИЙИХЬНА илтӀикӀнийи. 3Шамуили дурариз гъапи:
– Эгер учву РАББИЙИХЬНА кӀваантӀан кьяляхъ хътаркнуш, жарадарин бутар ва Астарта#7:3 Астарта: бегьерлувалин бут-дишагьли, дидиз ханаанари ибадат апӀури гъахьну. Астартайиз ибадат апӀру йишвариъ гакӀвлин дестгар дурснади гъахьну, мумкин ву, бут-дишагьлийин адатӀнайи шиклар кади. кӀуру бут ярхла апӀинай, юкӀв РАББИЙИХЬНА илтӀибкӀай ва Дугъаз сариз гъуллугъ апӀинай. Думуган Дугъу филистимарихьан учву уьрхиди.
4Израилари чпин бутар ярхла гъапӀнийи; бутарин ччвурар Баал#7:4 Баал: ханаанарин кӀулин бут, чаз кюгьне вахтари ханаанари ибадат апӀури гъахьи завар рахбан бут. Думу гафнан мяна – «агъа, эйси». ва Астарта вуйи. Ва дурар анжагъ сар РАББИЙИЗ гъуллугъ апӀуз хъюгъю.
5Шамуили гъапи:
– Гъит вари израилар Мицпайиъ уч ишри – узу учвхъанди РАББИЙИЗ ккарагидиза.
6Дурар Мицпайиъ уч гъахьи, шид уч гъапӀу ва думу РАББИЙИН улихь удубзу. Думу йигъан душваъ дурари ушв гъибиснийи ва кӀуйи:
– Учу РАББИЙИЗ къаршу гунгьар гъапӀунча.
Мицпайиъ Шамуили учв израиларин регьберси гъухну.
7Филистимариз израилар Мицпайиъ уч хьуваликан аьгъю гъабхьиган, дурарин гьюкумдрар Израилиз къаршу дявдиз удучӀву. Дидкан гъеебхьган, израилариз филистимарихьан гучӀ гъабхьи. 8Дурари Шамуилиз гъапи:
– Учу магатӀархьан! Зат ккебебехъди, РАББИЙИЗ, ихь Заануриз, Дугъу ухьу филистимарихьан уьрхбан бадали, ккараг.
9Шамуили никкдихъ хъайи ччил гъадабгъу ва думу РАББИЙИЗ вариубгбан гъурбан гъапӀу. Шамуил, Израилиз кюмек ккун апӀури, РАББИЙИЗ гьарайниинди ккарагу, ва РАББИЙИ дугъаз жаваб туву.
10Гьеле Шамуили вариубгбан гъурбан апӀури, хъа филистимар, Израилиин алархьуз ккунди, багахь шули имиди, РАББИЙИ филистимарин кӀулʼин аьхю хъухърумар гъапӀу – думу йигъан Дугъу филистимарик гъалабулугъ кипу, ва дурар израилари дагъитмиш гъапӀу. 11Израилин кьушум Мицпайиан удубчӀву ва Бет-Карихъна ва дидлантинара филистимарихъ, рякъюъ дурар йивну йикӀури, хъчӀабкку.
12Шамуили гъван гъадабгъу ва думу Мицпайинна Шендин арайиъ диву, ва, «Гьамушвахъна ухьухъди РАББИЙИН кюмек хъайи!» дупну, думу гъвандиз Эвен-Эзер (кюмек апӀбан гъван) ччвур туву. 13Филистимар сикин гъапӀнийи, ва сарун дурар израиларин ругариина алжагъундайи; Шамуил чӀивиди имидикьан гагьди, филистимар РАББИЙИ Чан хлихъди дерккнийи. 14Мугагьназ филистимари гъидису шагьрар, Экрондихъан Гъатдихъна, Израили кьяляхъ гъидису. Гьадму шагьрарин багарихь хьайи жиларра израилари филистимарихьан кьяляхъ гъидиснийи. Амореярихъди Израилин ислягьвал айи.
15Чан аьжал хьайизкьан Шамуил Израилин регьбер вуди гъахьну. 16Гьарисан думу рякъюъ учӀвуйи ва нубатнахъди Бет-Эл, Гилгал ва Мицпа шагьрарилан илдицуйи. Израилин регьбриси, дугъу гьадму вари шагьрариин гьюкумдарвал апӀурайи. 17Амма гьарган думу Рамайиз кьяляхъ хътаркуйи; душваъ дугъан хулар айи, душвʼан дугъу Израилиин гьюкумдарвал апӀуйи, душваъ дугъу РАББИЙИЗ гъурбан апӀрушв тикмиш гъапӀнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023