Паччагьлугъар-1 8
8
Израилари паччагь ккун апӀуру
1Шамуили, учв кьаби гъахьиган, чан баяр Израилиин регьбрарди дерккнийи. 2Аьхюну бализ Яил кӀуйи, хъа кьюрпирин ччвур Авия вуйи; дурари Беэр-Шевайиъ гьюкумдарвал апӀурайи. 3Амма баяри чпин адашди апӀрубси апӀурдайи; дурар тямягькрар вуйи, дурари дашбашар дисуйи ва гьякь диван апӀувал чӀур апӀуйи.
4Вари Израилин аьхюдар уч гъахьнийи, Рамайиз Шамуилихьна гъафнийи, 5ва дурари гъапнийи:
– Лиг, уву кьаби духьнава, хъа яв баяри уву апӀрубси апӀурадар. ДицитӀан, учʼин гьюкумдарвал апӀуз, вари жара халкьарин ккебгънайиганси, учуз паччагь деркк.
6– Учʼин гьюкумдарвал апӀуз учуз паччагь ча, – кӀуру гьаму гафар Шамуилиз кьабул гъахьундайи, ва думу РАББИЙИЗ ккарагуз хъюгънийи. 7РАББИЙИ Шамуилиз гъапи:
– Халкьдин тӀалабназ мютӀюгъ йихь, дурари увкан ккун апӀурайиб вари апӀин. Дурари уву ярхла апӀурадар гьа, хъа Узу ярхла апӀура – Узу чпин паччагь вуди ккундар. 8Узу дурар Египетдиан адаъхъанмина гьамусдизкьан дурари гьаци апӀури гъахьну ва апӀура – дурари Узу ярхла апӀуйи ва жарадарин бутариз гъуллугъ апӀуйи. Увухъдира дурари гьаци апӀура. 9Дурарин тӀалабназ мютӀюгъ йихь, амма дурар улихьмиди хабардар апӀин ва, дурариин паччагьди гъахьиган, паччагьди дурариин фици гьюкумдарвал апӀидиш, чарасузди гъаврикк ккаъ.
10Чакан паччагь тӀалаб апӀурайи халкьдиз Шамуили чаз РАББИЙИ гъапиб вари ктибту. 11Дугъу гъапи:
– Учвʼин паччагь гъахьиган, паччагьди гьамци гьюкумдарвал апӀиди: дугъу ичв баяр тадагъиди, саспидар фургънарин кьушмиъ ва атлуйирин кьушмиъ гъуллугъ апӀуз гьаъди, тмундарикан чан фургънихъ хъайи атлуйир апӀиди. 12Дугъу дурар агъзур-агъзуриз ва хьцӀур-хьцӀуриз пай дапӀнайи, эскрарин кьушмин буйругъчйирди дерккди. Ичв баяри дугъан хутӀлар хъаъди ва дугъан бегьер уч апӀиди, дугъаз яракь ва дявдин аьрабйириз вуйи алатар апӀиди. 13Чаз ицци ниар хъайи ччимар, хурагар гьязур апӀуз ва уьл убжуз дугъу ичв шубар тадагъиди. 14Ичв ужударсдар хутӀлар, тӀумтӀин багълар ва зейтундин багъар дугъу тадагъиди ва чан везирариз тувди. 15Тахилин ва тӀумтӀарин бегьерин йицӀубпи пай дугъу учвхьан тадабгъиди ва чан гъуллугъчйиризна везирариз тувди. 16Ичв ужударсдар лукӀар ва лукӀ-дишагьлийир, варитӀан гужлидар ва жигьил, ва ичв дажйир дугъу паччагьдин ляхнариина тадагъиди. 17Дугъу йицӀуб пайнак саб пай ичв цӀигьар ва марччар тадагъиди. Учву дугъан лукӀар хьидичва. 18Учву игьар ва учву учвуз ктагъу паччагьдилан аьрзар апӀидичва, амма думуган сарун РАББИ учвухъ хъпехъидар.
19Амма халкь Шамуилин гафарихъ хъпехъундайи.
– Ваъ, – гъапнийи дурари, – гъит учʼин паччагь ишри, 20учура жара халкьарси хьпан бадали: паччагьди учʼин гьюкумдарвал апӀуз, дявйириъ ич кӀулиъ хьуз ва учу женгназ гъахуз.
21Шамуил хъпехъу дурарихъ, ва дугъу РАББИЙИЗ дурарин гафар ктиту. 22РАББИЙИ Шамуилиз амур гъапӀу:
– Дурариз мютӀюгъ йихь ва дурариин паччагь деркк.
Хъасин Шамуили израилариз гъапну:
– Гьарсар ичв шагьрариз гьарахай.
Currently Selected:
Паччагьлугъар-1 8: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-1 8
8
Израилари паччагь ккун апӀуру
1Шамуили, учв кьаби гъахьиган, чан баяр Израилиин регьбрарди дерккнийи. 2Аьхюну бализ Яил кӀуйи, хъа кьюрпирин ччвур Авия вуйи; дурари Беэр-Шевайиъ гьюкумдарвал апӀурайи. 3Амма баяри чпин адашди апӀрубси апӀурдайи; дурар тямягькрар вуйи, дурари дашбашар дисуйи ва гьякь диван апӀувал чӀур апӀуйи.
4Вари Израилин аьхюдар уч гъахьнийи, Рамайиз Шамуилихьна гъафнийи, 5ва дурари гъапнийи:
– Лиг, уву кьаби духьнава, хъа яв баяри уву апӀрубси апӀурадар. ДицитӀан, учʼин гьюкумдарвал апӀуз, вари жара халкьарин ккебгънайиганси, учуз паччагь деркк.
6– Учʼин гьюкумдарвал апӀуз учуз паччагь ча, – кӀуру гьаму гафар Шамуилиз кьабул гъахьундайи, ва думу РАББИЙИЗ ккарагуз хъюгънийи. 7РАББИЙИ Шамуилиз гъапи:
– Халкьдин тӀалабназ мютӀюгъ йихь, дурари увкан ккун апӀурайиб вари апӀин. Дурари уву ярхла апӀурадар гьа, хъа Узу ярхла апӀура – Узу чпин паччагь вуди ккундар. 8Узу дурар Египетдиан адаъхъанмина гьамусдизкьан дурари гьаци апӀури гъахьну ва апӀура – дурари Узу ярхла апӀуйи ва жарадарин бутариз гъуллугъ апӀуйи. Увухъдира дурари гьаци апӀура. 9Дурарин тӀалабназ мютӀюгъ йихь, амма дурар улихьмиди хабардар апӀин ва, дурариин паччагьди гъахьиган, паччагьди дурариин фици гьюкумдарвал апӀидиш, чарасузди гъаврикк ккаъ.
10Чакан паччагь тӀалаб апӀурайи халкьдиз Шамуили чаз РАББИЙИ гъапиб вари ктибту. 11Дугъу гъапи:
– Учвʼин паччагь гъахьиган, паччагьди гьамци гьюкумдарвал апӀиди: дугъу ичв баяр тадагъиди, саспидар фургънарин кьушмиъ ва атлуйирин кьушмиъ гъуллугъ апӀуз гьаъди, тмундарикан чан фургънихъ хъайи атлуйир апӀиди. 12Дугъу дурар агъзур-агъзуриз ва хьцӀур-хьцӀуриз пай дапӀнайи, эскрарин кьушмин буйругъчйирди дерккди. Ичв баяри дугъан хутӀлар хъаъди ва дугъан бегьер уч апӀиди, дугъаз яракь ва дявдин аьрабйириз вуйи алатар апӀиди. 13Чаз ицци ниар хъайи ччимар, хурагар гьязур апӀуз ва уьл убжуз дугъу ичв шубар тадагъиди. 14Ичв ужударсдар хутӀлар, тӀумтӀин багълар ва зейтундин багъар дугъу тадагъиди ва чан везирариз тувди. 15Тахилин ва тӀумтӀарин бегьерин йицӀубпи пай дугъу учвхьан тадабгъиди ва чан гъуллугъчйиризна везирариз тувди. 16Ичв ужударсдар лукӀар ва лукӀ-дишагьлийир, варитӀан гужлидар ва жигьил, ва ичв дажйир дугъу паччагьдин ляхнариина тадагъиди. 17Дугъу йицӀуб пайнак саб пай ичв цӀигьар ва марччар тадагъиди. Учву дугъан лукӀар хьидичва. 18Учву игьар ва учву учвуз ктагъу паччагьдилан аьрзар апӀидичва, амма думуган сарун РАББИ учвухъ хъпехъидар.
19Амма халкь Шамуилин гафарихъ хъпехъундайи.
– Ваъ, – гъапнийи дурари, – гъит учʼин паччагь ишри, 20учура жара халкьарси хьпан бадали: паччагьди учʼин гьюкумдарвал апӀуз, дявйириъ ич кӀулиъ хьуз ва учу женгназ гъахуз.
21Шамуил хъпехъу дурарихъ, ва дугъу РАББИЙИЗ дурарин гафар ктиту. 22РАББИЙИ Шамуилиз амур гъапӀу:
– Дурариз мютӀюгъ йихь ва дурариин паччагь деркк.
Хъасин Шамуили израилариз гъапну:
– Гьарсар ичв шагьрариз гьарахай.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023