Паччагьлугъар-1 6
6
Раббийин сундух кьяляхъ гъюру
1Филистимарин уьлкейиъ РАББИЙИН сундух ургуб вазли гъубзну, 2ва филистимар чпин бутариз гъуллугъ апӀурайидарихьна ва сюгьюрчйирихьна илтӀикӀуру:
– Учу РАББИЙИН сундхикан гьапӀну ккунду? Думу фици кьяляхъ хътапӀуруш, учуз улупай.
3– Эгер учвуз Израилин Заанурин сундух кьяляхъ хътапӀуз ккундуш, – жаваб туву дурари, – думу пешкешар хътарди медеебтанай. Дидиз хил алдабгъувализ лайикь хьпан пешкеш чарасуз аьбкъинай. Думуган учву сагъ хьидичва ва, учвуз Дугъан хли гьаз жаза тувраш, гъавриъ ахъдичва.
4– Дидиз хил алдабгъувализ лайикь хьпан пешкешди фу хучахъа? – гьерху дурари.
– Хьур гьюкумдар айичв – гъизиликан вуйи хьуб аьмгъял ва гъизиликан вуйи хьуб кьюл акъинай, ичв вари хьуб шагьриина саб зулумат гъафну аьхир. 5Гъизиликан гьацдар аьмгълар ва ичв уьлке ичӀи апӀурайи кьюлар кадаай, гьаддиинди Израилин Заанур адлу апӀинай. Мумкин ву, Дугъу учвлан, ичв бутарилан ва ичв жилилан Чан хил алдабгъур. 6Египетлуйирси ва фяряуьнси ижмиди дийигъувал ичв гьаз вуйичв? Гьаци вушра Думу дурариин гъалиб гъахьну, ва дурариз израилар деертуб алабхъну, ва израилар гъушну! 7Гьаци вуйиган, цӀийи аьраба кадапӀай, гьамусдиз юрккгъикк ккидритӀу ккитру кьюб хюни аьрабайикк ккитӀай, хъа дурарин кӀарар аьхъиз гъайихай. 8РАББИЙИН сундух гъадабгъай, думу аьрабайиъ ивай, хъа дидиз учву хру хил алдабгъувализ лайикь хьпан пешкешарди хру гъизилин шейʼар сундхин багахь ишкӀиъ ивай. Хъасин сундух деебтай, гъит гъарабхри. 9Дидихъ ул хъипай: эгер думу Бет-Шемеш#6:9 Бет-Шемеш: думу шагьур филистимариз варитӀан багахь вуйи. шагьриз рякъюъди, чан уьлкейиз, гъубшиш, гьаци кӀуруб вуки, ухьʼинна бедбахтвал гъабхир РАББИ ву. Эгер дици дархьиш, ухьуз аьгъю хьибдихьузки, ухьуз жаза тувур Думу дар, хъа думу гьаци алабхъувал гъабхьну.
10Дурари гьаци гъапӀнура ву: ккитру кьюб хюни гъидисну, аьрабайикк ккитӀну, хъа кӀарар аьхъиъ гъитну. 11Аьрабайиъ РАББИЙИН сундух ва гъизиликан гъапӀу кьюларна аьмгълар айи ишикӀ иву. 12Хюнйир дюзди Бет-Шемешдин терефназди рякъюъ учӀву. Дурар, я арччлахъинди, я гагвлахъинди илтӀитӀикӀди, рякъюъди гъягъюрайи ва ягъалди рагурайи. Хъа филистим гьюкумдрар дурарихъди тап Бет-Шемешайихънакьан гъюру.
13Бет-Шемешдиъ думуган игнар ургру вахт вуйи – дерейиъ дяхнин бегьер уч апӀурайи. Дикъатниинди гъилигиган, игнар ургурайидариз сундух гъябкънийи, ва дурар шад гъахьнийи. 14Аьраба Бет-Шемешдиан вуйи Гьисайин хутӀлиина гъафнийи ва душвʼин аьхю гъвандихъ дийибгънийи. Аьраба ургуз гакӀвлариз гъюбгънийи ва аьрабайин гакӀвларин цӀиин хюнйир РАББИЙИЗ вариургбан гъурбан гъапӀнийи. 15Дидиз улихьна левитари#6:15 Левитар: Левийин наслиан вуйидар, Заанурин гъуллугъчйирин кюмекчйир. Левий Якьубдин (Израилин) шубурпи бай вуйи. РАББИЙИН сундух ва дидин багахь хьайи гъизилин шейʼар айи ишикӀ аьрабайиан адагънийи ва дурар аьхю гъвандиин дивнийи. Бет-Шемешдин агьалйири думу йигъан РАББИЙИЗ вариургбан гъурбнар ва жара гъурбнар гъапӀнийи. 16Думу ляхин дябкъну, филистим хьур гьюкумдар гьадму йигъан Экрондиз кьяляхъ хътаркнийи.
17Магьа филистимари РАББИЙИЗ хил алдабгъуз лайикь хьпан пешкешди гъахи гъизиликан гъапӀу аьмгъларин сиягь: саб – Ашдоддихъан, саб – Газайихъан, саб – Ашкелондихъан, саб – Гъатдихъан ва саб – Экрондихъан. 18Гъизиликан гъапӀу кьюлар гьадмукьан вуйики, хьур филистим гьюкумдрин мюгькам дапӀнайи шагьрар, чпин багагь хьайи бицӀи гъуларра кади, фукьан вуш. РАББИЙИН сундух диву ва гъабхьибдин шагьид вуйи аьхю гъван Бет-Шемешдин Гьисайин хутӀлиин гъира#6:18 Гъира: китаб гъибикӀу вахтнакан кӀура. рябкъюз шулу.
19Хъа РАББИЙИ Чан сундхин айитӀинди лигбан Бет-Шемешдин агьалйириз жаза тувну ва ургуцӀур кас гъакӀну. Агьалйирик хажалат кабхъну, гьаз гъапиш хайлиндариз РАББИЙИ гъивну.
20– Шлихьан РАББИЙИН, гьаму Гирами Заанурин, улихь дурум тувуз шул? – кӀуйи дурари. – Ухьхьан Думу шлихьна-вуш жарарихьна гъушнийиш!
21Дурари Кирьят-Еаримдиз «Филистимари РАББИЙИН сундух кьяляхъ гъапӀну. Гъачай ва думу учвухьна гъайибхай» гафар хьади чархачйир гьау.
Currently Selected:
Паччагьлугъар-1 6: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-1 6
6
Раббийин сундух кьяляхъ гъюру
1Филистимарин уьлкейиъ РАББИЙИН сундух ургуб вазли гъубзну, 2ва филистимар чпин бутариз гъуллугъ апӀурайидарихьна ва сюгьюрчйирихьна илтӀикӀуру:
– Учу РАББИЙИН сундхикан гьапӀну ккунду? Думу фици кьяляхъ хътапӀуруш, учуз улупай.
3– Эгер учвуз Израилин Заанурин сундух кьяляхъ хътапӀуз ккундуш, – жаваб туву дурари, – думу пешкешар хътарди медеебтанай. Дидиз хил алдабгъувализ лайикь хьпан пешкеш чарасуз аьбкъинай. Думуган учву сагъ хьидичва ва, учвуз Дугъан хли гьаз жаза тувраш, гъавриъ ахъдичва.
4– Дидиз хил алдабгъувализ лайикь хьпан пешкешди фу хучахъа? – гьерху дурари.
– Хьур гьюкумдар айичв – гъизиликан вуйи хьуб аьмгъял ва гъизиликан вуйи хьуб кьюл акъинай, ичв вари хьуб шагьриина саб зулумат гъафну аьхир. 5Гъизиликан гьацдар аьмгълар ва ичв уьлке ичӀи апӀурайи кьюлар кадаай, гьаддиинди Израилин Заанур адлу апӀинай. Мумкин ву, Дугъу учвлан, ичв бутарилан ва ичв жилилан Чан хил алдабгъур. 6Египетлуйирси ва фяряуьнси ижмиди дийигъувал ичв гьаз вуйичв? Гьаци вушра Думу дурариин гъалиб гъахьну, ва дурариз израилар деертуб алабхъну, ва израилар гъушну! 7Гьаци вуйиган, цӀийи аьраба кадапӀай, гьамусдиз юрккгъикк ккидритӀу ккитру кьюб хюни аьрабайикк ккитӀай, хъа дурарин кӀарар аьхъиз гъайихай. 8РАББИЙИН сундух гъадабгъай, думу аьрабайиъ ивай, хъа дидиз учву хру хил алдабгъувализ лайикь хьпан пешкешарди хру гъизилин шейʼар сундхин багахь ишкӀиъ ивай. Хъасин сундух деебтай, гъит гъарабхри. 9Дидихъ ул хъипай: эгер думу Бет-Шемеш#6:9 Бет-Шемеш: думу шагьур филистимариз варитӀан багахь вуйи. шагьриз рякъюъди, чан уьлкейиз, гъубшиш, гьаци кӀуруб вуки, ухьʼинна бедбахтвал гъабхир РАББИ ву. Эгер дици дархьиш, ухьуз аьгъю хьибдихьузки, ухьуз жаза тувур Думу дар, хъа думу гьаци алабхъувал гъабхьну.
10Дурари гьаци гъапӀнура ву: ккитру кьюб хюни гъидисну, аьрабайикк ккитӀну, хъа кӀарар аьхъиъ гъитну. 11Аьрабайиъ РАББИЙИН сундух ва гъизиликан гъапӀу кьюларна аьмгълар айи ишикӀ иву. 12Хюнйир дюзди Бет-Шемешдин терефназди рякъюъ учӀву. Дурар, я арччлахъинди, я гагвлахъинди илтӀитӀикӀди, рякъюъди гъягъюрайи ва ягъалди рагурайи. Хъа филистим гьюкумдрар дурарихъди тап Бет-Шемешайихънакьан гъюру.
13Бет-Шемешдиъ думуган игнар ургру вахт вуйи – дерейиъ дяхнин бегьер уч апӀурайи. Дикъатниинди гъилигиган, игнар ургурайидариз сундух гъябкънийи, ва дурар шад гъахьнийи. 14Аьраба Бет-Шемешдиан вуйи Гьисайин хутӀлиина гъафнийи ва душвʼин аьхю гъвандихъ дийибгънийи. Аьраба ургуз гакӀвлариз гъюбгънийи ва аьрабайин гакӀвларин цӀиин хюнйир РАББИЙИЗ вариургбан гъурбан гъапӀнийи. 15Дидиз улихьна левитари#6:15 Левитар: Левийин наслиан вуйидар, Заанурин гъуллугъчйирин кюмекчйир. Левий Якьубдин (Израилин) шубурпи бай вуйи. РАББИЙИН сундух ва дидин багахь хьайи гъизилин шейʼар айи ишикӀ аьрабайиан адагънийи ва дурар аьхю гъвандиин дивнийи. Бет-Шемешдин агьалйири думу йигъан РАББИЙИЗ вариургбан гъурбнар ва жара гъурбнар гъапӀнийи. 16Думу ляхин дябкъну, филистим хьур гьюкумдар гьадму йигъан Экрондиз кьяляхъ хътаркнийи.
17Магьа филистимари РАББИЙИЗ хил алдабгъуз лайикь хьпан пешкешди гъахи гъизиликан гъапӀу аьмгъларин сиягь: саб – Ашдоддихъан, саб – Газайихъан, саб – Ашкелондихъан, саб – Гъатдихъан ва саб – Экрондихъан. 18Гъизиликан гъапӀу кьюлар гьадмукьан вуйики, хьур филистим гьюкумдрин мюгькам дапӀнайи шагьрар, чпин багагь хьайи бицӀи гъуларра кади, фукьан вуш. РАББИЙИН сундух диву ва гъабхьибдин шагьид вуйи аьхю гъван Бет-Шемешдин Гьисайин хутӀлиин гъира#6:18 Гъира: китаб гъибикӀу вахтнакан кӀура. рябкъюз шулу.
19Хъа РАББИЙИ Чан сундхин айитӀинди лигбан Бет-Шемешдин агьалйириз жаза тувну ва ургуцӀур кас гъакӀну. Агьалйирик хажалат кабхъну, гьаз гъапиш хайлиндариз РАББИЙИ гъивну.
20– Шлихьан РАББИЙИН, гьаму Гирами Заанурин, улихь дурум тувуз шул? – кӀуйи дурари. – Ухьхьан Думу шлихьна-вуш жарарихьна гъушнийиш!
21Дурари Кирьят-Еаримдиз «Филистимари РАББИЙИН сундух кьяляхъ гъапӀну. Гъачай ва думу учвухьна гъайибхай» гафар хьади чархачйир гьау.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023