Hosea 8
8
Israel in Pingpei At ding
1"Na pengkul na muk tawh tuah in!
Mite in ka thukhun palsatin,
ka thukham lehdo khin uh ahi manin#Hos 4:6; 6:7
TOPA innkuante tungah muvanlai khat a om hi.#Jer 4:13
2 Israel in kei tungah,
‘Kote Pasian aw, nang kong thei ta hi!’ ci-in hong kiko hi.
3 Ahi hangin Israel in a hoih nial khin zo hi;
galte khat in amah a nungdelh ding hi.
4 Kei thukimna loin kumpite koih uh a,
kei kipsak lohin gam ukte a teel uh hi.#Hos 13:10
Amaute mah a siat nadingun
amaute mah in
ngun le kham tawh milimte a bawl uh hi.#Hos 2:8
5 Samaria aw, na bawngno lim paikhia in!#Hos 10:5
Tuate langah ka hehna kuang hi.
Amaute bangtan vei siantho thei lo lai ding hiam?
6 Amaute Israel pan ahi uh hi!
Hih bawngno - khutsiampa bawl ahi hi;
Pasian ahi kei hi.#Hos 14:3
Tua Samaria bawngno
kisunen ding hi.#Eze 32:4
7 "Amaute in huih vawh uh a,
pingpei a at uh hi.
Ankung in vui nei lo-a,
tua in annel a piangsak kei ding hi.
A tang gahsak ta leh
gamdangte in valhtum ding uh hi.#Hos 2:9
8 Israel kivalhtum hi;
tu-in amah kimanna a nei lo na khat bangin
minamte lakah a om hi.
9 Ahang in a tangtat gamsung laa bangin
amaute Assyria ah paito uh hi.
Ephraim amah leh amah a lawmpate tungah a kizuak khin hi.
10 Minamte lakah amau le amau a kizuak khit uh hangin
tu-in amaute ka kaikhawm kik ding hi.#Eze 16:37; 22:20
A thahat kumpipa netniamna nuai-ah
amaute a thakiam uh kipan ta ding hi.#Jer 42:2
11 "Ephraim in mawhna hanga biakna dingin biakna-tau tampi a dawh hangin#Eze 23:5; Hos 5:13
hihte mawhna bawlna tau a suak hi.#Hos 10:1; 12:11
12 Amau adingin ka thukham nate tampi gelh ta leng,
a tuamdang na khatin a sim uh hi.
13 Amaute in kei tungah hong kipia biaknate
hong pia-in a sa ne uh a,
ahi hangin tuate ah TOPA a lungkim kei hi.
Tu-in amah in amau gitlohnate ciamteh dinga,#Hos 7:2
a mawhnate uh dan pia ding hi.
Amaute Egypt ah kileh kik ding uh hi.
14 Israel in amah a Bawlpa mangngilh hi;#Tp 32:18; Hos 2:13
kumpi-inn a lam hi.
Judah in khuapi neu tampi kulhin a um hi.
Ahi hangin a khuapite uh tungah mei ka sawl dinga,
a kulh muanhuaite uh tua in a kang tum ding hi," a ci hi.#Jer 17:27
Currently Selected:
Hosea 8: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
