Hosea 7
7
1Israel ka damsak peuhpeuh ciangin
Ephraim mawhnate pholak in
Samaria tatkhialhnate ki laak ding hi.#Hos 6:4
Amaute in zuauphuak uh a,
gutate in inn sung luhin,
misuamte in lampi-ah a sut uh hi.
2 Ahi hangin amaute in a mau gamtat sia khempeuh ka ciamteh lam
a phawk kei uh hi;#Jer 14:10; Hos 8:13
a mawhnate un amaute valhcip a,
ka mai ah a om den uh hi.
3 "Amaute in a gitlohna uh tawh a kumpipa uh lungkimsak uh a,
a zuau thu uh tawh uliante a nuamsak uh hi.
4 Amaute angkawm vive hi uh a,
annel lom a pawm masiah
a empa in a mei mutkuang
a kullo meikhuk sunga om tawh kibang uh hi.
5 I Kumpipa pawi bawl ni-in,
kumpipa tapate in zu uang kham mahmah uh a,
mi selnohte tawh a kilen uh hi.#Ph 1:1
6 Amaute lungtang meikhuk tawh kibang a;
amaute in amah gitlohsawmsimna tawh a naih uh hi.
Amaute ukluatna in zan tawntung in kanga,
zingsang ciangin mei kuanglai bangin a kuang hi.
7 Amaute khempeuh meikhuk bangin sa uh a;
amaute in a uliante uh a valhtum uh hi.
A kumpite khempeuh uh puk napi#Hos 13:10
amaute khat beek in kei hong sam lo uh hi.#Ph 14:4
8 "Minamte tawh Ephraim kigawma;#Ph 106:35; Hos 5:13
Ephraim pen a kilumlet lo mohpheng ahi hi.
9 Gamdangte in amah thanemsak uh a,
ahi hangin amah in tua a phawk kei hi.
Ama sam lakkan napi amah in
a phawk kei hi.
10 Israel kisaktheihna in ama langah teci pang hi;#Hos 5:5
tua hi napi,
TOPA ama Pasian lamah kihei loin
amah a zong tuan kei hi.#Isa 9:13
11 Ephraim kawlvakhu tawh kibanga,
khemnop mahmah in ngaihsutna mel nei lo a -
tu-in Egypt samsam in,#Hos 9:6
tu-in Assyria lamah kihei hi.
12 Amaute a pai uh ciangin ka len ka khuh ding hi;
huih laka vasate bangin amaute ka kaikhiasuk ding hi.
Amaute a ciakkhawm uh ka zak ciangin
amaute ka man ding hi.
13 Ka kiang panin amaute lampial uh ahi manin
gimna thuak ta uh hen!#Hos 9:12
Amaute in kei hong lehdo uh ahi manin#Jer 14:10
amaute tungah siatna tung ta hen!
Amaute ka tatkhiat nop hangin
kei langkhatah zuauthu a phuak uh hi.#Mt 23:37
14 Amaute a lungsimun kei tungah hong kiko lo uh a,#Jer 3:10
amau lupna tungah a tau uh hi.
Amaute an le zuthak adingin a kikaihkhop a#7.14 Hebrew khutgelh tampen; Hebrew khutgelh pawlkhat le Septuagint amau le amau kikuikek uh hangin
kei kiang pan a kiheikhia uh hi.
15 Amaute kisinsakin ka thakhauhsak a,
ahi hangin kei langkhat ah a hoih lo sep a sawm uh hi.#Na 1:9,11
16 Sangpen Pa lamah amaute kihei lo uh a,
thalpeu neemsa a bang uh hi.
Amaute thusimlohna kammalte hangin
a makaite uh namsau-in a puk uh hi.
Hih thu hangin Egypt gamah
amaute mi nuihsatin a om ding uh hi.#Hos 9:3
Currently Selected:
Hosea 7: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
