Hosea 13
13
Israel Tunga TOPA Hehna
1Ephraim a pau ciangin mite ling uh hi;#Thk 12:1
Israel ah amah kitawisang hi.
Ahi hangin amah in Baal a biakna hangin khiala a si hi.
2 Tu-in amaute in mawhna a bawl thuahthuah uh hi;
amau ngun panin amau mah in milimte bawl uh a,#Isa 46:6; Jer 10:4
piltakin limsuaite zem uh hi;
tuate khempeuh khutsiamte bawl ahi hi.
Tua pen hih mite tungah,
"Amaute in mihing biakna-in pia uh a,
bawngno limte a nam c#13.2 Ahikeh biakna pia mite in / tawp uh hi," ci-in kigen hi.
3 Tua ahi ciangin amaute zingsang meiilum bang ding uh a,
a mangthang zingsang dainom bangin,#Hos 6:4
ancilna pana ansi kizap leng bang ding uh a,
tawhlet pana meikhu suakkhia a bang ding uh hi.#Ph 68:2
4 "Ahi hangin Egypt panin
hong paikhiatpih d#13.4 Ahikeh Na om na panun hong paikhiatpihTOPA note Pasian ka hi hi.#Hos 12:9
Note in keimah longal Pasian dang na nei kei ding uh a,#Pk 20:3
kei mah longal Honpa dang na nei kei ding uh hi.
5 Kei mah in sehnel-gam nisa hong katna ah
nang kong kem hi.
6 Amaute ka vak ciangin gilvah uh hi;
amaute a gilvah uh ciangin kiphasak uh hi;
tua ciangin kei hong mangngilh uh hi.
7 Tua ahi ciangin amaute tungah humpinelkai bang le gialbem bangin ka pai dinga,
lam gei-ah ka pang ding hi.
8 A no kilaksak vompi bangin#2Sa 17:8
amaute ka sim dinga, ka balkham ding hi.
Humpinelkai bangin amaute ka valh dinga;
gamsa gilo khat in amaute a balnen ding hi.#Ps 50:22
9 "Israel aw, nang hong huhpa
keima langah pang na hi manin nang hong kisusia hi.
10 Nang hong hon thei dingin na kumpipa koi-ah om ahi hiam?#2Ku 17:4
Na khuapi khempeuh ua ukpite,
"Kumpi khat le thukhente kei hong pia in,"#Hos 8:4
na cihte uh koi-ah om ahi hiam?
11 Tua ciangin ka heh suakin kumpi khat kong pia-a,
thangpaisa-in amah ka lakhiamang hi.#1Ku 14:10; Hos 10:7
12 Ephraim khialhna kikhol khawma,
ama mawhnate kiciamteh hi.
13 Ama tungah numei nausuah nat bangin tunga,
ahi hangin amah pilna a nei lo naupang khat ahi hi;
a hunin a tut ciangin
naubu kihong napi a paikhia kei hi.
14 "Hankhuk e#13.14 Hebrew ah Sheol vangliatna panin amaute tatna sum ka pia ding hi;
sihna panin amaute ka tankhia ding hi.#Isa 25:8
Sihna aw, na gimna koi-ah om hiam?
Hankhuk f#13.14 Hebrew ah Sheol aw, na siatsakna koi-ah om hiam?#1Cor 15:55*
15 "Ama sanggamte lakah a khanpha pen zawzen zongin
ka khuatuah kei ding hi.
TOPA kiang panin nisuahna huih khat hong pai-in,#Eze 19:12
sehnel-gam panin mut ding hi;
a tuinak kangin
a tuikhuk keucip ding hi.#Jer 51:36
Ama vankholna inn kiluhin a goute khempeuh
kisutmang ding hi.#Jer 20:5
16 Samaria mite in Pasian langah lehdo uh ahi manin#Hos 7:14
amau khialhna thuak ding uh hi.#Hos 10:2
Amaute namsau in puk ding uh hi;
a ta ngekte uh leilak kidenna-in,
a numei gaite uh kikuikham ding hi" ci hi.#2Ku 15:16
Currently Selected:
Hosea 13: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission