Hosea 12
12
1Ephraim huihin kivak hi;#Eze 17:10
sun nilohin nisuahna huih nungdelh a,
zuauthu le ngongtatna behlap hi.#Hos 4:19
Amah le Assyria in thukimna bawl uh a,#Hos 5:13
Egypt ah olive thau a khak hi.
2 TOPA in Judah langah mawhsakna khat puak hi;
ama lampite tawh kizui-in Jacob d#12.2 Jacob pen amah in khetul ah man cihna(amah khem cih tehpihna) dan tuaksak ding a,
ama gamtatnasa tawh kizui-in a thuk kik ding hi.#Hos 4:9
3 Amah in naubu sungah a sanggampa’ khetul man hi;#Pc 25:26
mi khat bangin Pasian a lai hi.#Pc 32:24-29
4 Vansawltak tawh kilai-a, a zo hi;
amah kapin a angvan ding a ngen hi.
Amah’n Bethel ah amah mu-a,
tua lai-ah amah hopih hi -
5 Thahatpen TOPA Pasian
ama min TOPA in kithei hi!#Pk 3:15
6 Ahi hangin Pasian kiangah note na kihei pelmawh ding uh hi;#Isa 19:22
itna le thutangin zom unla,
a tawntungin note Pasian ngak un.#Hos 6:1-3; 10:12
7 Sumbukpa in tehna maan lo zang hi;#Am 8:5
a maan lo-a sumngah nuamsa hi.
8 Ephraim kiphasak a,
"Ka hau mahmah hi; mihau ka suak zo hi.#Ph 62:10
Ka hauhnate khempeuh hangin amaute in kei sungah
khialhna lian le mawhna khat peuhpeuh a mu kei ding uh hi," a ci hi.
9 "Keimah in Egypt pan a#12.9 Ahikeh na om ua kipan note hong paikhiatpih TOPA
note Pasian ka hi hi;#Sp 23:43; Hos 11:1
a kisehsa na pawi nite uh mah bangin
note puanbuk ah kong tengsak kik ding hi.#Ne 8:17
10 Kamsangte hopih in,
mangmuhna tampi ka musak a,
tuate tawnin gentehnate ka gen hi.#2Ku 17:13; Eze 20:49
11 Gilead gilo ahi hiam?#Hos 6:8
A mite in man nei lo uh hi!
Gilgal ah amaute in biakna-in bawngtalte a pia uh hiam?#Hos 4:15
Amau biakna-taute a kikhosa lo sunga#Hos 8:11
suang kiciang tawh kibang ding hi.
12 Aram b#12.12 Tua pen Leilu nitumna Masopotamia gamah Jacob tai hi;#Pc 28:5
Israel in zi thalawhin na sem a,
tuanu man dingin tuu a cing hi.#Pc 29:18
13 Egypt pan Israel a paikhiatpih to dingin TOPA in kamsang khat zang hi;#Hos 11:1
kamsang khat zangin amah a kem hi.#Isa 63:11-14
14 Ahi hangin Ephraim in amah nasiatakin hehsak hi;
a Topa in a luansak sisan hanga mawhna ama tungah nusiat dinga,
a simmawhna a thuk kik ding hi.#Da 11:18
Currently Selected:
Hosea 12: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission