Ezekiel 29
29
Egypt Siat ding Genkholhna
1A kum sawmna, a kha sawmna ni sawm le ni nih ni-in kei tungah TOPA thu hong tunga: 2 "Mihing tapa aw, Egypt kumpipa Pharaoh lam nga inla Egypt-te khempeuh le ama kisiat nading genkhol in. 3 Amah hopih inla: ‘Hih in Thupipen TOPA gen ahi hi:#Isa 19:1-17; Eze 26:1
"‘Egypt kumpipa Pharaoh aw,#Jer 44:30
nang na luite sunga a bok ganhing lianpi na hi a,
nang langah ka pang hi.
Nang in, "Nile kei aa ahi hi;
keima adinga ka bawlsa ahi hi," na ci hi.#Jer 46:8
4 Ahi hangin na khaguh ah sikkawi ka phut dinga,#2Ku 19:28
na lui sunga om ngasate nang tungah ka belhsak ding hi.
Na luite sung panin na tunga belhte khempeuh tawh#Eze 38:4
nang hong kikaikhia khawm ding hi.
5 Nang le na luite sunga om ngasa khempeuh
sehnel-gamah kong hici nusiat ding hi.
Lopaang lakah na kia dinga
kuamah in hong khawm lo-in hong tawm kei ding hi.#Jer 8:2
Leitung ganhingte le huihlak vasate an dingin
kong pia ding hi.
6 Tua ciangin Egypt-a tengte khempeuh in keimah TOPA ka hilam a thei ding uh hi.
"‘Nang Israel-te pumpeng ciangkhut na suak hi. 7 A khutun hong mek uh ciangin paa na hi manin kitamin a liangko uh na at a, nang tungah hong kingap uh ciangin na kitana a nung uh a hek a#29.7 Syriac (Septuagint le Vulgate zong en in) Hebrew in nang in a nungzang uh na tang suaksak hi. uh hi.#2Ku 18:21; Isa 36:6
8 "‘Tua ahi ciangin hih in Thupipen TOPA gen ahi hi: Nang kiangah namsau khat kong kuansak dinga na mite le a ganhingte uh ka thatsak ding hi. 9 Egypt-te a kinusia gamval a suak ding uh hi. Tua ciangin amaute in keimah TOPA ka hilam a thei ding uh hi.#Eze 25:13
"‘Bang hang hiam cih leh nang in, "Nile kei aa hi a; keima bawlsa ahi hi," na ci hi. 10 Tua ahi ciangin keimah nang le na luite langah ka pang hi, Egypt leitang ka siasak dinga Migdol panin Aswan ciang, Cush b#29.10 Tua in Nile khunglam kual gamgi dong gamtul gam simtham ka suaksak ding hi. 11 Mihing khe ganhing khe in tawn lo dinga; tua lai-ah kum sawmli sung kuamah a teng kei ding hi. 12 A kisiagawpte lakah Egypt leitang gamkhing ka suaksak dinga khuapi kisiate lakah gamkhingin a om ding hi. Minamte lakah Egypt mite ka delhzak dinga gam tuamtuam ah ka thehthang ding hi.#Jer 21:13
13 "‘Tua khit ah hih in Thupipen TOPA gen ahi hi. Kum sawmli a cin ciangin a kithehthangna uh minamte lak panin Egypt mite ka kaikhawm ding hi. 14 A saltanna panun amaute ka paikhiatpih kik dinga a pute a pate uh Egypt a#29.14 Hebrew in Pathros ah saklam ah a ciah kik ding uh hi. Tua lai-ah kumpi gam gina lo khatin a om ding uh hi. 15 Kumpi gamte lakah a gina lo pen hi ding uh a, minam dangte tungah a suak kik zo nawn kei ding uh hi. Ginasak lo lua ding ka hi manin minamte khat beek a uk zo ngei nawn kei ding uh hi. 16 Israel mite adingin Egypt-te a muan bulpi uh ahi ngei nawn kei ding hi. Ahi hangin a huh ding deih ama lam a nga peuhmah adingin mawhna phawksakna hi ding hi. Tua ciangin amaute in keimah Thupipen TOPA ka hilam hong thei ding uh hi,’ ci in," hong ci hi.#Isa 11:11
17 A kum sawmnih le sagihna a kha masa, a ni masa ni-in TOPA thu kei tungah hong tung hi. 18 "Mihing tapa aw, Babylon kumpipa Nebuchadnezzar in a galkapte nakpi-in hanciamsak a Tyre a sim hi. A vek un a sam uh pulhin a lu uh tol a, a liangko uh a vun kolhkhia hi. Tuaci zawzen napi Tyre a simna uh hangin amah le a galkapte in bangmah pahtakman a ngah kei uh hi. 19 Tua ahi ciangin hih in Thupipen TOPA thugen ahi hi: Keimah in Babylon kumpipa Nebuchadnezzar tungah Egypt ka pia dinga a hauhnate a puakhia mang ding hi. A galkapte khasum dingin a leitangte matsakin a laksak ding hi. 20 Amah le a galkapte in ka na sem uh ahi manin a hanciamna ka thukna-in pahtakman in amah Egypt ka piak ahi hi, Thupipen TOPA in cikhia hi.#Isa 43:3; Eze 24:1
21 "Tua ni ciangin Israel innkuante adingin ki b#29.21 Hih lai-ah ki in thahatna lim hi khat ka khangkhiasak dinga, amaute lakah na kam ka hong ding hi. Tua ciangin amaute in keimah TOPA ka hilam hong thei ding uh hi," hong ci hi.#Lk 1:69
Currently Selected:
Ezekiel 29: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
