Ezekiel 28

Tyre kumpite Siat ding Genkholhna

1TOPA thu kei tungah hong tunga: 2 "Mihing tapa aw, Tyre ukpa tungah gen in, Hih in Thupipen TOPA gen ahi hi:#Isa 13:11

"‘Na lungsim sungah kiphasakin,

"Kei pasian khat ka hi hi;

tuipi laizang

a pasian tokhom tungah ka tu hi," na ci hi.

Nang pasian khat zaha pilin na kingaihsut hangin#Pc 3:5

pasian na hi kei a, mihing lel khat na hi hi.

3 Nang Daniel a#28.3 Ahikeh Danel; Hebrew laimal ah kamsang Daniel lo adang khat kingawh thei hi. sangin pilzaw na hi hiam?

Na theih loh om lo ahi hiam?

4 Na pilna le na theihna hangin

neihsa na hau mahmah a,

na sumkholna ah

ngun le kham tampi na khol hi.#Isa 10:13

5 Sumbawl na siamna hangin

na hauhna kibehlap toto a,#Jer 9:23

na hauhna

na kisaktheihpih hi.#Job 31:25

6 " ‘Tua ahi ciangin hih in Thupipen TOPA gen ahi hi:

" ‘Pasian khat bangin ka pil hi,

ci-in kingaihsun na hi manin,

7 a cikzia het lo gamdang mite kong simsak ding hi;#Eze 30:11

amaute in na melhoihna na pilna do dingin

a namsaute uh dok ding uh a,#Jer 9:23

a tee zaizai na thupina a sunlet ding uh hi.#Eze 7:24

8 Amaute in leihawm sungah hong khia ding uh a,#Ph 55:23

tuipite laizangah

sihsia-in na si ding hi.#Kil 18:7

9 Tua hun ciangin hong thatte omlai mahin,

"Kei pasian khat ka hi hi," ci ngam lai ding na hi hiam?

Nang hong thatte khut sungah#Eze 16:49

pasian hi nawn loin mihing khat mah na hi lel hi.#Isa 31:3

10 Gamdang mite khut sungah

vun-at lote sih bangin na si ding hi.#1Sa 14:6

Ka gensa ahi hi, Thupipen TOPA in cikhia hi,’" hong ci hi.

11 TOPA thu kei tungah hong tunga: 12 "Mihing tapa aw, Tyre kumpipa tawh kisai-in taamlo inla, ama kiangah ‘Hih in Thupipen TOPA gen ahi hi:

"‘Nang pen pilna le melhoihna kim tawh a kidim,#Eze 27:16

kicinna ettehna na hi hi.

13 Pasian huan sung

Eden ah na om a;

suangmanpha citeng:

ruby, topaz, le emerald,

chrysolite, onyx, le Jasper,

sapphire, b#28.13 Ahikeh lapis lazuli turquoise le beryl c#28.13 Hih suangmanphate a kiciamtehna lian kician taktak lo hi.-te in na kizem hi.

Na dinna le na kawmhekte d#28.13 Hih laigual Hebrew in a cihnopna kician lo hi. khama kibawl hi-a,

tuate nang hong kipiansak ni-in kibulh hi.#Isa 14:11

14 Cherub khat bangin nang sathau hong kinilh a,#Pk 30:26

tua hangin nang kong kipsak hi.

Pasian mual siangtho tungah na om a,

meisuangte lakah na vak hi.

15 Nang hong kipiansak a kipan

na tungah gitlohna a kimuh dong

na gamtatna ah mawhsakna a om kei hi.

16 A zai mahmah na sumbawlna hangin

ngongtat-in#Pc 6:11

na mawh hi.

Tua ciangin hong hehpih loin Pasian mual panin kong hawlkhia a,

a kem cherub aw,#Pc 3:24

meisuang lak panin nang kong hawlkhia hi.

17 Na mel hoihna

na kisaktheihpih a,

na thupina hangin

na pilna na siasak hi.

Tua ciangin leitung kong denna-a,

kumpite mai-ah pawi-et-a et kong suaksak hi.#Eze 19:12

18 Aman lo-a na sumbawlna le na mawhnate tawh

na munsiangthote na ninsak zo hi.

Tua ciangin nang panin mei ka kuangkhiasak a,#Ob 18

tua in nang hong kangtumin

nang hong vilgige-te muhna#Zec 9:2-4

leilakah vut kong suaksak hi.#Mal 4:3

19 Nang hong theisa minamte khempeuh in

hong lipkhap uh hi;#Sp 26:32

na beina a lauhuaipi hi-a,

na om kik nawn kei ding hi,’ ci in," hong ci hi.#Jer 51:64

Sidon Siat ding Genkholhna

20 TOPA thu kei tungah hong tunga: 21 "Mihing tapa aw, Sidon lam nga-in a siat nading genkhol inla 22 ‘Hih in Thupipen TOPA gen ahi hi:

"‘Sidon aw, nang langah ka panga,

nang hangin minthanna ka ngah ding hi.#Eze 39:13

Tuanu tungah ka sianthona laka#Sp 10:3

amah dan ka thuaksak ciangin,#Eze 30:19

amaute in keimah TOPA ka hilam a thei ding uh hi.#Eze 5:17

23 A tungah pulpi ka tungsak dinga,

kongzing tengah sisan ka luangsak ding hi.

Na kimkot panin namsau tawh hong kuan ding uh a,

na sungah mi kithat a om ding hi.

Tua ciangin amaute in keimah TOPA ka hilam a thei ding uh hi.

24 "‘Israel-te in a nasak thei lingte le a linghiam lingkung ahi a muhdah uh gamvengte a nei nawn kei ding uh hi. Tua ciangin keimah Thupipen TOPA ka hilam a thei ding uh hi.#Isa 5:6; Eze 2:6

25 "‘Hih in Thupipen TOPA gen ahi hi: Minamte lakah a kithehthangna panun Israel mite ka khop ciangin minamte muhin amaute lakah ka siangthona ka lak ding hi. Tua ciangin ka nasempa Jacob tunga ka piaksa amau leitangah a teng ding uh hi. 26 Tua munah lungmuangin teng ding uh a, inn lamin lenggui suan ding uh hi; amaute a khelbawl a gamvengte dan ka thuaksak hun ciangin amaute lungmuangtakin a teng ding uh hi. Tua ciangin keimah TOPA amaute Pasian ka hilam a thei ding uh hi,’ ci in," hong ci hi.#Tp 20:6

Currently Selected:

Ezekiel 28: ZIV

Highlight

Copy

Compare