1 KOREN 7
7
A Leohuhui huri na lagiana
1Siserigi ngaha ineu nain duvi na leta hi neu ulie laweau.
U garea huri ve a mwera na mese maturu bubugi mena vavine. 2Nge a vevenagi a taratarani esi talo tarabesi u lawua, giniehi a tangaloi gagatalegi vin toga mei gahorana sibona hogosie, mwerehi vage a vavine vin toga mei tamai netune sibona hogosie. 3A mwera vin rarai tamwere ve vin mesinge goro na taraniana noi gahorana, ko vage a vavine vin rarai tamwere ve vin mesinge goro na taraniana noi tamai netune 4A vavine gahea he huqegi tea goro na gineu doluegi lo tarabesine, a vevenagi i tamai netune mo lawua goro na tarabesine vage. Mwerehi vage, a mwera he huqegi tea goro na gineu doluegi lo tarabesine, a vevenagi i gahorana mo lawua goro na tarabesine. 5Neri mese wirisigigi na tarabesimiru dein gimiru gagatalegi hogosie tare ve igimiru vunu nerom lado utu huri na mahoi reni tea, siu huri a nomiru taro vin eno huri na tataro. Siu lo tagugi hi neri bulu bubugi taligu huri i Satan vin he kali lei gimiru tea, a vevenagi igimiru vunu neri he kokogoro lai gimiru tea sibomiru.
6Ineu nam veve mwere ngaha huri mo bete na leo siregi lawe gimiru ve neri mese maturu bubugi huri na taro te qilodo. Nge hatie Leo hora ve neri vei mwerehi. 7Ineu nam tarani ve a tangaloi doluegi ran mwereieu, nge huri a tangaloi gagatalegi a nona hogogi sibona mo vanai dein God. A tangaloi mo lai na hogogi hala gatagale, tuegi a nona hogogi u wegineu.
8Siu lawera hi rahe lagi tea ko nam veve ngaha vage hurire vavine madue, u garea ve ingere rain toga mwerehi rain mese lagi. 9Nge tare ingere rain he wiribibi lei na domire tea sibora, u garea ve rain legi. Nge u garea ve nein legi denie hi ve nein mate huri na taratarani esi talo tarabesi.
10Siu ineu nam bete na Leo hora ngaha hageliu lawera hine hi rau legi. A Leo hora ngaha he vanai tea denieu, nge mo vanai dena Huqe. A vavine vin mese toa dein tamai netune. 11Nge tare ve mo dige, ingeie vin he lagi lei tea taligu, sige ve hatie, ingeie vin vurugegi tamai netune rom toga bubugi taligu. Vage a mwera vin mese siregi vohogi gahorana.
12Siu lawera lavasigi, ineu siboku nam veve na leo ngaha, nge a Huqe he veve tea. Tare ve a tangaloi ladohogo mo lagi mena vavine ngehi he lado hogo tea ko a vavine hi mo havuhevu ve vin toga meie, ingeie vin mese siregi vohoginie. 13Vage tare ve a vavine lado hogo i tamai netune he lado hogo tea, ko tare ve a mwera hi mo havuhevu ve vin toga meie, ingeie vin mese siregi vohoginie. 14Tare ve a mwera he lado hogo tea, siu i gahorana hi u lado hogo vin veie mo gogona. Mwerehi vage, tare ve a vavine he lado hogo tea, siu i tamai netune hi u ladohogo vin veie mo gogona Ve mwerehi a leo ngaha hatie leo hogo, nase vai i netumiru rain he mwasara tea, nge siserigi ngaha i netumiru rau gogona. 15Siu a mwera sige a vavine ngerehi rahe lado hogo tea, ram tarani ve ran siregi tamai neture sige i gahorara, ingere rain vei lei mwerehi. Lune a gineu ingere ngaha ram vai mwerehi a mwera ladohogo sige a vavine lado hogo rau meriqe, nge i God u ware gide ve dain toga lo tamwata. 16Lawe na vavine, iniko gohe ilo tea, bataha iniko goin veilei ve goin vagamwasoi tamai netumu. Ko lawe na mwera, iniko gohe ilo tea, bataha iniko goin vagamwasoi lei gahoramu.
Iniko goin toga vin huri mwerehi i God u warego
17Nge hatie huri, igimiu gagatalegi nein toga tuturedu lo matahala ngehi i God u bete lawe gimiu ve nein toga vin hurie. A leo huhui ngaha nau bete lawe na warelue doluegi. 18Tare ve a tangaloi u lei na teve gigilegi beno lune i God u warea, ingeie vin mese vai leo ve na hara vohogi na tavilei nona teve gigilegi. Tare ve a tangaloi he lai na teve gigilegi tea mosigei lune i God u warea, ingeie vin mese lai na teve gigilegi. 19Ngehi he eno hage liu tea tare ve a tangaloi mo lai na teve gigilegi sige hatie. A gineu u eno hageliu nge huri ve dain rong huri na Leo hora noi God. 20Gagatalegi dein gimiu ve nein toga vin huri na matahala mwerehi neu toga tuei, lo tarogi hi i God u ware gimiu. 21Tare ve i God u ware gimiu lo tarogi hi igimiu a tangaloi tabana vurogi, igimiu nei mese vaie ve ngehi na vaga taturegi gimiu, nge tare igimiu nein meriqe lai, igimiu nein tabana vurugegi huri neu meriqe. 22Irahine hi i God u warera lo taro hi ingere a tangaloi tabana vurogi teu mosigei, ingerehi rau meriqe ram voragi sinobu noi God. Lo matahala mwerehi vage, irahine hi ingere hatie tangaloi tabana vurogi lune i God u warera ram voragi tangaloi tabana vurogi noi Kraes. 23Igimiu doluegi hi i God u voli tuguhi gimiu gina gaivoli u lawua, siu igimiu nein mese voragi tangaloi tabana vurogi lawe na sinobu 24Retueku ko irehaqeku, igimiu nein toga lo matahala mwerehi neu toga mo hurie lo tarogi hi i God u ware gimiu ko nein toga mei God aiehi.
A leo huhui huri hine tea hi he lagi tea mosigei ko ira madue
25Siserigi ngaha ineu nam uli lawe gimiu huri na sinobu ngerehi rahe lagi tea mosigei. A Huqe he bete na Leo hora tea laweau huri na gineu hi, nge ineu nam bete na noku ladolado hogosie. Nge igimiu nem lado hogo siaga tau luku a vevenagi a Huqe u haharagi na hahagavi laweau.
26Siserigi ngaha igide dam vano huri na taro vin siaga mei gide, siu ineu nam lado ve u garea mei gimiu, ve nen toga na huri lo matahala mwerehi neu toga mo hamai mo dadari gaqarigi. 27Tare ve i gaihoramu lumu beno, iniko gon mese vai leo ve gon siregi vohoginie. Tare ve gohe lagi tea mosigei goin mese vai leo ve gon haqe gaihoramu. 28Nge tare gom lado utu ve goin legi, ngehi iniko gohe galegaleasi tea. Ko tare ve a taqalugu he lagi tea vohogi mo lado utu vena lagi, ingeie he galegaleasi tea. A sinobu hi rau legi beno ram haqea u huire lo mwasoara nge ineu nam tarani ve igimiu nein meriqe dena gineu ngerehi.
29Retueku ko irehaqeku, a iloiloi leo hi nam laqaginie inge ngaha. A taro mo eno mei gide he qaravu tea. Siu mo tavuigi gaqarigi ngaha, irahine hi i gaihorara lure rain toga mwerehi ve hatie gaihorara lure. 30Irahine hi ram ngara rain toga mwerehi ve rahe ngara tea. Irahine hi ram havuhevu rain toga mwerehi ve rahe havuhevu tea. Irahine hi ram volivoli gineu rain toga mwerehi ve hate nora gineu lure. 31Irahine hi ram hako gineui ureure ingere rain toga mwerehi ve rahe hakovi na gineu ngerehi tea, a vevenagi a ure a tarabesine ta bagataha vin he ribi tea vin salasala.
32Ineu nam tarani ve a domimiu na mariqe dena ladoasi. A tangaloi hi he lagi tea mo tau siagaginie lo tabana nona Huqe, ingeie mo vai leo vena vai havuhevugi na Huqe. 33Nge a tangaloi hi u legi a domine mo taligi lo gineui ureure, mo vai leo vena vai havuhevugi gahorana. 34Siu ingeie a domine vin eno lo gineu hala gairue, tuegi huri ve na vai havuhevugi gahorana, ko tuegi ve na vai havuhevugi na Huqe. A vavine matue sige a taqalugu ngehi he lagi tea, ingeie mo tau siagagi na domine lo tabana nona Huqe. Ingeie mo tarani ve vin gogona lo tarabesine ko lo tamatena, nge a vavine hi u legi a domine mo eno lo gineui ureure, a vevenagi ingeie mo tarani ve na vai havuhevugi tamai netune mwerehilogo.
35Ineu nam veve ngaha, hatie huri ve vin tugoro gimiu, nge vin bului gimiu. Nge ineu nam tarani ve igimiu nein toga lo matahala vovohoi, ve nein siregi doluegi gimiu vano lawe na Huqe, a domimiu vin mese eno lo gineu wagiwegineu vage.
36Tare ve a mwera mo lado ve ingeie u vei na gineu he vovohoi tea lawe na taqalugu hi u waratau goroe, tare ve a higaona u tatarise huri legi ko a mwera hi mo rongoe huri ve vin legi meie, ingeie vin vei lei mwerehi mo tarani. Ingere roin legi. Ingeie hi hatie galegaleasi lune. 37Tare ve a tangaloi mo ladoutu lolo lolona huri ve vin he lagi tea, ko ingeie u rongo utu lolo lolona huri ve vin wiribibi lei na taratarani esi talo tarabesine, ko mo ladoutu vage ve vin he lagi tea mena vavine hi u waratau goroe, ingeie u vei na gineu hi u vovohoi. 38Siu a mwera mo lagi mena vavine hi u teu goroe, ingeie u vei na gineu garea, nge a tangaloi ngehi he lagi tea, vin vei na gineu vin garea taligu.
39A vavine vin virigi siaga mei tamai netune lo tarogi mo mwaso tau. Nge tare ve i tamai netune mo mate ingeie u meriqe, vin legi lei mei hine tea hi mo taranie. Nge ingeie vin legi lo henai Huqe. 40A vavine vin toga havuhevu vin liu tare ve ingeie vin he lagi tea taligu. Siu inge ngaha a domiku, nge nam lado hogo vage ve a Vui noi God mo toga meieu.
Currently Selected:
1 KOREN 7: HNT
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013
1 KOREN 7
7
A Leohuhui huri na lagiana
1Siserigi ngaha ineu nain duvi na leta hi neu ulie laweau.
U garea huri ve a mwera na mese maturu bubugi mena vavine. 2Nge a vevenagi a taratarani esi talo tarabesi u lawua, giniehi a tangaloi gagatalegi vin toga mei gahorana sibona hogosie, mwerehi vage a vavine vin toga mei tamai netune sibona hogosie. 3A mwera vin rarai tamwere ve vin mesinge goro na taraniana noi gahorana, ko vage a vavine vin rarai tamwere ve vin mesinge goro na taraniana noi tamai netune 4A vavine gahea he huqegi tea goro na gineu doluegi lo tarabesine, a vevenagi i tamai netune mo lawua goro na tarabesine vage. Mwerehi vage, a mwera he huqegi tea goro na gineu doluegi lo tarabesine, a vevenagi i gahorana mo lawua goro na tarabesine. 5Neri mese wirisigigi na tarabesimiru dein gimiru gagatalegi hogosie tare ve igimiru vunu nerom lado utu huri na mahoi reni tea, siu huri a nomiru taro vin eno huri na tataro. Siu lo tagugi hi neri bulu bubugi taligu huri i Satan vin he kali lei gimiru tea, a vevenagi igimiru vunu neri he kokogoro lai gimiru tea sibomiru.
6Ineu nam veve mwere ngaha huri mo bete na leo siregi lawe gimiru ve neri mese maturu bubugi huri na taro te qilodo. Nge hatie Leo hora ve neri vei mwerehi. 7Ineu nam tarani ve a tangaloi doluegi ran mwereieu, nge huri a tangaloi gagatalegi a nona hogogi sibona mo vanai dein God. A tangaloi mo lai na hogogi hala gatagale, tuegi a nona hogogi u wegineu.
8Siu lawera hi rahe lagi tea ko nam veve ngaha vage hurire vavine madue, u garea ve ingere rain toga mwerehi rain mese lagi. 9Nge tare ingere rain he wiribibi lei na domire tea sibora, u garea ve rain legi. Nge u garea ve nein legi denie hi ve nein mate huri na taratarani esi talo tarabesi.
10Siu ineu nam bete na Leo hora ngaha hageliu lawera hine hi rau legi. A Leo hora ngaha he vanai tea denieu, nge mo vanai dena Huqe. A vavine vin mese toa dein tamai netune. 11Nge tare ve mo dige, ingeie vin he lagi lei tea taligu, sige ve hatie, ingeie vin vurugegi tamai netune rom toga bubugi taligu. Vage a mwera vin mese siregi vohogi gahorana.
12Siu lawera lavasigi, ineu siboku nam veve na leo ngaha, nge a Huqe he veve tea. Tare ve a tangaloi ladohogo mo lagi mena vavine ngehi he lado hogo tea ko a vavine hi mo havuhevu ve vin toga meie, ingeie vin mese siregi vohoginie. 13Vage tare ve a vavine lado hogo i tamai netune he lado hogo tea, ko tare ve a mwera hi mo havuhevu ve vin toga meie, ingeie vin mese siregi vohoginie. 14Tare ve a mwera he lado hogo tea, siu i gahorana hi u lado hogo vin veie mo gogona. Mwerehi vage, tare ve a vavine he lado hogo tea, siu i tamai netune hi u ladohogo vin veie mo gogona Ve mwerehi a leo ngaha hatie leo hogo, nase vai i netumiru rain he mwasara tea, nge siserigi ngaha i netumiru rau gogona. 15Siu a mwera sige a vavine ngerehi rahe lado hogo tea, ram tarani ve ran siregi tamai neture sige i gahorara, ingere rain vei lei mwerehi. Lune a gineu ingere ngaha ram vai mwerehi a mwera ladohogo sige a vavine lado hogo rau meriqe, nge i God u ware gide ve dain toga lo tamwata. 16Lawe na vavine, iniko gohe ilo tea, bataha iniko goin veilei ve goin vagamwasoi tamai netumu. Ko lawe na mwera, iniko gohe ilo tea, bataha iniko goin vagamwasoi lei gahoramu.
Iniko goin toga vin huri mwerehi i God u warego
17Nge hatie huri, igimiu gagatalegi nein toga tuturedu lo matahala ngehi i God u bete lawe gimiu ve nein toga vin hurie. A leo huhui ngaha nau bete lawe na warelue doluegi. 18Tare ve a tangaloi u lei na teve gigilegi beno lune i God u warea, ingeie vin mese vai leo ve na hara vohogi na tavilei nona teve gigilegi. Tare ve a tangaloi he lai na teve gigilegi tea mosigei lune i God u warea, ingeie vin mese lai na teve gigilegi. 19Ngehi he eno hage liu tea tare ve a tangaloi mo lai na teve gigilegi sige hatie. A gineu u eno hageliu nge huri ve dain rong huri na Leo hora noi God. 20Gagatalegi dein gimiu ve nein toga vin huri na matahala mwerehi neu toga tuei, lo tarogi hi i God u ware gimiu. 21Tare ve i God u ware gimiu lo tarogi hi igimiu a tangaloi tabana vurogi, igimiu nei mese vaie ve ngehi na vaga taturegi gimiu, nge tare igimiu nein meriqe lai, igimiu nein tabana vurugegi huri neu meriqe. 22Irahine hi i God u warera lo taro hi ingere a tangaloi tabana vurogi teu mosigei, ingerehi rau meriqe ram voragi sinobu noi God. Lo matahala mwerehi vage, irahine hi ingere hatie tangaloi tabana vurogi lune i God u warera ram voragi tangaloi tabana vurogi noi Kraes. 23Igimiu doluegi hi i God u voli tuguhi gimiu gina gaivoli u lawua, siu igimiu nein mese voragi tangaloi tabana vurogi lawe na sinobu 24Retueku ko irehaqeku, igimiu nein toga lo matahala mwerehi neu toga mo hurie lo tarogi hi i God u ware gimiu ko nein toga mei God aiehi.
A leo huhui huri hine tea hi he lagi tea mosigei ko ira madue
25Siserigi ngaha ineu nam uli lawe gimiu huri na sinobu ngerehi rahe lagi tea mosigei. A Huqe he bete na Leo hora tea laweau huri na gineu hi, nge ineu nam bete na noku ladolado hogosie. Nge igimiu nem lado hogo siaga tau luku a vevenagi a Huqe u haharagi na hahagavi laweau.
26Siserigi ngaha igide dam vano huri na taro vin siaga mei gide, siu ineu nam lado ve u garea mei gimiu, ve nen toga na huri lo matahala mwerehi neu toga mo hamai mo dadari gaqarigi. 27Tare ve i gaihoramu lumu beno, iniko gon mese vai leo ve gon siregi vohoginie. Tare ve gohe lagi tea mosigei goin mese vai leo ve gon haqe gaihoramu. 28Nge tare gom lado utu ve goin legi, ngehi iniko gohe galegaleasi tea. Ko tare ve a taqalugu he lagi tea vohogi mo lado utu vena lagi, ingeie he galegaleasi tea. A sinobu hi rau legi beno ram haqea u huire lo mwasoara nge ineu nam tarani ve igimiu nein meriqe dena gineu ngerehi.
29Retueku ko irehaqeku, a iloiloi leo hi nam laqaginie inge ngaha. A taro mo eno mei gide he qaravu tea. Siu mo tavuigi gaqarigi ngaha, irahine hi i gaihorara lure rain toga mwerehi ve hatie gaihorara lure. 30Irahine hi ram ngara rain toga mwerehi ve rahe ngara tea. Irahine hi ram havuhevu rain toga mwerehi ve rahe havuhevu tea. Irahine hi ram volivoli gineu rain toga mwerehi ve hate nora gineu lure. 31Irahine hi ram hako gineui ureure ingere rain toga mwerehi ve rahe hakovi na gineu ngerehi tea, a vevenagi a ure a tarabesine ta bagataha vin he ribi tea vin salasala.
32Ineu nam tarani ve a domimiu na mariqe dena ladoasi. A tangaloi hi he lagi tea mo tau siagaginie lo tabana nona Huqe, ingeie mo vai leo vena vai havuhevugi na Huqe. 33Nge a tangaloi hi u legi a domine mo taligi lo gineui ureure, mo vai leo vena vai havuhevugi gahorana. 34Siu ingeie a domine vin eno lo gineu hala gairue, tuegi huri ve na vai havuhevugi gahorana, ko tuegi ve na vai havuhevugi na Huqe. A vavine matue sige a taqalugu ngehi he lagi tea, ingeie mo tau siagagi na domine lo tabana nona Huqe. Ingeie mo tarani ve vin gogona lo tarabesine ko lo tamatena, nge a vavine hi u legi a domine mo eno lo gineui ureure, a vevenagi ingeie mo tarani ve na vai havuhevugi tamai netune mwerehilogo.
35Ineu nam veve ngaha, hatie huri ve vin tugoro gimiu, nge vin bului gimiu. Nge ineu nam tarani ve igimiu nein toga lo matahala vovohoi, ve nein siregi doluegi gimiu vano lawe na Huqe, a domimiu vin mese eno lo gineu wagiwegineu vage.
36Tare ve a mwera mo lado ve ingeie u vei na gineu he vovohoi tea lawe na taqalugu hi u waratau goroe, tare ve a higaona u tatarise huri legi ko a mwera hi mo rongoe huri ve vin legi meie, ingeie vin vei lei mwerehi mo tarani. Ingere roin legi. Ingeie hi hatie galegaleasi lune. 37Tare ve a tangaloi mo ladoutu lolo lolona huri ve vin he lagi tea, ko ingeie u rongo utu lolo lolona huri ve vin wiribibi lei na taratarani esi talo tarabesine, ko mo ladoutu vage ve vin he lagi tea mena vavine hi u waratau goroe, ingeie u vei na gineu hi u vovohoi. 38Siu a mwera mo lagi mena vavine hi u teu goroe, ingeie u vei na gineu garea, nge a tangaloi ngehi he lagi tea, vin vei na gineu vin garea taligu.
39A vavine vin virigi siaga mei tamai netune lo tarogi mo mwaso tau. Nge tare ve i tamai netune mo mate ingeie u meriqe, vin legi lei mei hine tea hi mo taranie. Nge ingeie vin legi lo henai Huqe. 40A vavine vin toga havuhevu vin liu tare ve ingeie vin he lagi tea taligu. Siu inge ngaha a domiku, nge nam lado hogo vage ve a Vui noi God mo toga meieu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific, 2013